Teks Sampel (3)

Prasasti di Kraton Yogyakarta

Gambar dari Mark dan Durian Raksasa.


꧋ ꦩꦶꦤꦺꦴꦁꦏ​ꦥꦺꦔꦼꦠ꧀ꦠꦤ꧀ꦗꦸꦩꦼꦤꦼꦁ​ꦢꦊꦩ꧀ꦟꦡ꧈ ꦔꦂꦰ​ꦢꦊꦩ꧀​ꦯꦩ꧀ꦦꦺꦪꦤ꧀ꦢꦊꦩ꧀​ꦲꦶꦁꦑꦁ​ꦯꦶꦟꦸꦮꦸꦤ꧀ꦏꦗꦼꦁ​ꦯꦸꦭ꧀ꦡꦤ꧀​ꦲꦩꦼꦁꦑꦸꦨꦸꦮꦟ꧈ ꦯꦺꦟꦦꦡꦶ​ꦲꦶꦁ​ꦔꦭꦓ꧈ ꦔꦧ꧀ꦢꦸꦂꦫꦃꦩꦤ꧀ꦱꦪꦶꦢꦶꦤ꧀ꦦꦟꦡꦓꦩ꧈ ꦑꦭꦶꦦꦡꦸꦭ꧀ꦭꦃ​ꦲꦶꦁꦏꦁ​ꦗꦸꦩꦼꦤꦼꦁ​ꦏꦥꦶꦁ IX. ꦲꦶꦁꦏꦁ​ꦲꦔꦽꦁꦒꦤ꧀ꦤꦶ​ꦑꦫꦡꦺꦴꦤ꧀ꦢꦊꦩ꧀ꦲꦶꦁ​ꦔꦪꦸꦓꦾꦏꦂꦡ​ꦲꦢꦶꦟꦶꦁꦔꦿꦠ꧀꧈

꧅꧉ꦟ꧀ꦢꦿ꧉꧅ ꦲꦶꦁꦩꦡꦫꦩ꧀ꦢꦸꦏ꧀ꦫꦸꦩꦸꦲꦸꦤ꧀​ꦠꦼꦊꦁꦔꦶꦁ​ꦏꦫꦡꦺꦴꦤ꧀ꦗꦮꦶ꧈ ꦩꦁꦏꦾ​ꦲꦶꦁ​ꦔꦪꦸꦓꦾꦏꦂꦡ꧈ ꦲꦢꦶꦤꦶꦁꦔꦿꦠ꧀ꦏꦿꦡꦺꦴꦤ꧀ꦲꦗꦶ꧈ ꦗꦼꦁ​ꦯꦸꦭ꧀ꦡꦤ꧀ꦩꦼꦁꦑꦸꦨꦸꦮꦟ꧈ ꦔ꧀ꦭꦼꦁꦒꦃꦲꦶ​ꦝꦩ꧀ꦥꦂ​ꦩꦸꦭꦾꦤꦶ ꧅ ꦥꦿꦧꦮꦺꦁ​ꦥꦔ꧀ꦮꦱ​ꦦꦿꦨꦸ꧈ ꦩꦸꦚ꧀ꦕꦂꦏꦼꦤ꧀ꦥꦿꦧꦺꦁꦲꦺꦂ​ꦧꦸꦩꦶ꧈ ꦩꦺꦴꦁꦏ​ꦱꦫꦮꦺꦢꦶꦤꦶꦁꦫꦠ꧀​ꦢꦺꦫꦤꦿꦸꦱ꧀ꦏꦼꦤ꧀ꦲꦸꦗ꧀ꦮꦭꦤ꧀ꦤꦶꦁ꧈ ꦏꦥꦿꦧꦺꦴꦤ꧀ꦗꦼꦁ​ꦯꦿꦶ​ꦩꦃꦫꦗ꧈ ꦭꦶꦂ​ꦭꦸꦩꦫꦥ꧀ꦥꦶꦁ​ꦗꦼꦩ꧀ꦥꦫꦶꦁ ꧅ ꦠꦸꦩꦸꦗ꧀ꦮꦺꦁ​ꦊꦉꦱ꧀ꦤꦼꦂꦫꦶꦥꦸꦤ꧀​ꦱꦸꦱꦠꦾ​ꦠꦼꦩꦼꦤ꧀ꦤꦸꦲꦺꦴꦤ꧀ꦤꦶ꧈ ꦥꦩꦼꦁꦏꦸꦤꦶꦫꦺꦁ​ꦨꦸꦮꦤ꧈ ꦭꦸꦱ꧀ꦩꦤꦶꦱ꧀ꦕꦶꦥ꧀ꦠ​ꦠꦽꦱ꧀ꦤꦱꦶꦃ꧈ ꦱꦶꦃꦩꦂ​ꦩꦩꦿꦶꦁ​ꦧꦺꦴꦁꦱ​ꦡꦾꦺꦴꦁꦲ꧀ꦮ꧈ ꦲꦱ꧀ꦭꦶ​ꦱꦁꦏꦶꦁ​ꦩꦺꦴꦚ꧀ꦕꦤꦒꦿꦶ ​꧅ ꦥꦶꦤꦽꦤꦃꦏꦼꦤ꧀ꦩꦁꦒꦺꦤ꧀ꦤꦶꦥꦸꦤ꧀​ꦲꦶꦁ​ꦥꦥꦤ꧀ꦲꦶꦁꦏꦁ​ꦥꦏꦺꦴꦭꦶꦃ꧈ ꦭꦫꦱ꧀ꦭꦤ꧀ꦲꦸꦥꦗꦶꦮꦚ꧈ ꦏꦁ​ꦭꦶꦩꦿꦃ​ꦱꦩꦾꦩꦺꦴꦁꦒꦿꦩꦶ꧈ ꦲꦶꦁ​ꦔꦿꦶꦏꦶ​ꦤꦒꦫꦶꦲꦂꦗ꧈ ꦠꦼꦤ꧀ꦠꦽꦩ꧀ꦥꦿꦢꦱꦶꦃ​ꦒꦼꦁꦲꦭꦶꦠ꧀ ꧅ ꦧꦺꦴꦁꦱ​ꦡꦾꦺꦴꦁꦲ꧀ꦮ​ꦩꦠꦸꦂꦤꦸꦮꦸꦤ꧀​ꦲꦂꦱꦪꦺꦁꦠꦾꦱ꧀ꦠꦤ꧀ꦥꦥꦩꦶ꧈ ꦠꦤ꧀ꦧꦁꦏꦶꦠ꧀ꦲꦔꦸꦕꦥ꧀ꦥꦼꦤ꧈ ꦩꦁꦏꦾ​ꦏꦶꦤꦶꦂꦠꦾꦺꦁꦱꦺꦭ​ꦩꦿꦶꦃ꧈ ꦏꦺꦔꦼꦠ꧀ꦲꦺꦔꦼꦠ꧀ꦱꦭꦩꦶꦚ꧈ ꦫꦠ꧀ꦫꦪ​ꦩꦏ꧀ꦱꦶꦃ​ꦊꦱ꧀ꦠꦫꦶ ꧅꧉ꦆ꧉꧅꧉

꧋ ꦗꦸꦩꦼꦤꦼꦁ​ꦢꦊꦩ꧀ꦟꦡ​ꦲꦩꦉꦁꦔꦶ​ꦢꦶꦤ꧀ꦠꦼꦤ꧀ꦱꦼꦤꦺꦤ꧀ꦥꦺꦴꦤ꧀​ꦠꦁꦒꦭ꧀ꦏꦥꦶꦁ꧇ ꧘꧇ ꦮꦸꦭꦤ꧀ꦱꦥꦂ꧈ ꦲꦶꦁ​ꦠꦲꦸꦤ꧀ꦢꦭ꧀​ꦎꦁꦏ꧇ ꧑꧘꧗꧑꧇꧉

꧋ ꦱꦁꦏꦶꦁ​ꦥꦫ​ꦧꦺꦴꦁꦱ​ꦡꦾꦺꦴꦁꦲ꧀ꦮ​ꦒꦺꦴꦭꦺꦴꦁꦔꦤ꧀ꦲꦶꦁ​ꦔꦪꦸꦓꦾꦏꦂꦡ​ꦲꦢꦶꦤꦶꦁꦔꦿꦠ꧀

ꦏꦺꦴꦩꦶꦠꦺ

1 ꦏꦥꦶꦠꦶꦤ꧀​ꦭꦶꦔꦺꦴꦄꦤ꧀
2 ꦠꦸꦮꦤ꧀Dr꧇ꦯꦶꦩ꧀​ꦏꦶꦄꦌ
3 ꦠꦸꦮꦤ꧀Ir꧇ꦭꦶꦩ꧀​ꦆꦁꦲ꧀ꦮꦶ
4 ꦠꦸꦮꦤ꧀​ꦡꦾꦺꦴꦦꦺꦴꦏꦾ
5 ꦠꦸꦮꦤ꧀​ꦭꦶꦓ꧀ꦮꦤ꧀​ꦲ
6 ꦠꦸꦮꦤ꧀​ꦡꦤ꧀​ꦏꦺꦴꦪꦾꦠ꧀
7 ꦠꦸꦮꦤ꧀​ꦈꦤ꧀​ꦕꦸꦤ꧀​ꦲꦺꦴꦏ꧀
8 ꦠꦸꦮꦤ꧀​ꦯꦶꦏꦺꦕꦶ



Alih aksara

Minongka pèngetan Jumeneng Dalem Nata, Ngarsa Dalem Sampéyan Dalem Ingkang Sinuwun Kajeng Sultan Hamengkubuwana, Sénapati Ing Ngalaga, Ngabdurahman Sayidin Panatagama, Kalipa­tullah Ingkang Jumeneng Kaping IX. Ingkang Angrenggani Karaton Dalem Ing Ngayugyakarta Hadiningrat.

Ing Mataram dukrumuhun telenging karaton Jawi, mangkya ing Ngayugyakarta, Hadiningrat Kraton Aji, Jeng Sultan Meng­kubuwana, nglenggahi ḍampar mulyani. Praba­wèng pangwasa Prabu, muncarken prabènghèr Bumi, mongka sarawédiningrat déranrusken hujwa­laning, kaprabon Jeng Sri Mahraja, lirlu­maraping jemparing. Tumu­jwèng leresneripun susatya temenuhoni, pameng­kuni­rèng Buwana, lusmanis cipta tresnasih, sihmarmamring bongsa Tyonghwa, asli sangking moncanagri. Pinrenahken manggènipun ing papan ingkang pakolih, laras lan upajiwanya, kang limrah samya ­monggrami, ing ngriki nagari­harja, tentrem pradasih geng alit. Bongsa Tyonghwa matur nuwun harsayèngtyas tanpa­pami, tan bangkit angucapena, mangkya kinir tyèngsèlamrih, kènget-ènget salaminya, rat raya maksih lestari.

Jumeneng Dalem Nata amarengi dinten Senèn Pon tanggal kaping 8 wulan Sapar, ing taun Dal ongka 1871.

Sangking para bongsa Tyonghwa golongan ing Ngayugyakarta Hadiningrat.

Komite

1 Kapitin Li Ngo An
2 Tuan Dr. Sim Ki Ae
3 Tuan Ir. Lim Ing Hwi
4 Tuan Tyo Po Kya
5 Tuan Li Gwan Ha
6 Tuan Tan Ko Yat
7 Tuan Un Cun Hok
8 Tuan Si Ké Ci

Comments