I. வேண்டுதல் செய்வது எப்படி? 

நீங்கள் இவ்வாறு இறைவனிடம் வேண்டுங்கள்

’விண்ணுலகிலிருக்கிற எங்கள் தந்தையே, உமது பெயர் தூயதெனப் போற்றப்பெறுக. உமது ஆட்சி வருக. உமது திருவுளம் விண்ணுலகில் நிறைவேறுவதுபோல மண்ணுலகிலும் நிறைவேறுக. இன்று தேவையான உணவை எங்களுக்குத் தாரும். எங்களுக்கு எதிராகக் குற்றம் செய்தோரை நாங்கள் மன்னித்துள்ளதுபோல எங்கள் குற்றங்களை மன்னியும். எங்களைச் சோதனைக்கு உட்படுத்தாதேயும், தீயோனிடமிருந்து எங்களை விடுவியும். ஆமென்.

1 விண்ணுலகில் இருக்கிற எங்கள் தந்தையே,
உமது பெயர் தூயதெனப் போற்றப்பெறுக

(உலகுக்கு உப்பாகவும் ஒளியாகவும் இருந்து, தந்தையின் பெயரை தூய்மைப்படுத்துவோம் என்பதே முதல் வேண்டுதல்)

மனிதர் கெட்டுப்போகாதபடி உலகிற்கு உவர்ப்புள்ள உப்பாய் இருங்கள்

நீங்கள் மண்ணுலகிற்கு உப்பாய் இருக்கிறீர்கள். உப்பு நல்லது, ஆனால். உப்பு உவர்ப்பற்றுப்போனால் எதைக்கொண்டு அதை உவர்ப்புள்ளதாக்க முடியும்? அது, வேறுஒன்றுக்கும் உதவாது. அது, வெளியில் கொட்டப்பட்டு மனிதரால் மிதிபடும்.

உலகிற்கு ஒளி தரும் விளக்காய் இருங்கள்

நீங்கள் உலகிற்கு ஒளியாய் இருக்கிறீர்கள் மலைமேல் இருக்கும் நகர் மறைவாயிருக்க முடியாது.

எவரும் விளக்கை ஏற்றி, மரக்காலுக்குள் வைப்பதில்லை, மாறாக, விளக்குத் தண்டின்மீதே வைப்பர். அப்பொழுதுதான் அது வீட்டிலுள்ள அனைவருக்கும் ஒளி தரும்

தந்தையின் பெயர் தூயதெனப் பொற்றப்பெறுக

இவ்வாறே, உங்கள் ஒளி மனிதர்முன் ஒளிர்க. அப்பொழுது அவர்கள், உங்கள் நற்செயல்களைக் கண்டு, உங்கள் விண்ணகத் தந்தையைப் போற்றிப் புகழ்வார்கள்,

2 உமது ஆட்சி வருக.

(இறையாட்சி எங்கள் உள்ளத்தில் வருவதாக என்பதே இரண்டாம் வேண்டுதல்)

உமது ஆட்சி வருக என்றால் என்ன?

காலம் நிறைவேறிவிட்டது, இறையாட்சி நெருங்கி வந்துவிட்டது; மனம்மாறி நற்செய்தியை நம்புங்கள் என்பதே இஸ்ரவேலருக்கு இயேசுவின் முதல் அறிவிப்பு.  இயேசுவின் நற்செய்தியை கேட்டு, உமது ஆட்சி வருக என்று முதலில் எற்றுக்கொண்டவர்கள் இயேசுவின் சீடர்களே.  

இயேசு சீடர்மீது தம் பார்வையைப் பதித்துக் கூறியவை

விண்ணரசைப் பெற்றவர்கள்

ஏழையரின் உள்ளத்தோர் பேறுபெற்றோர், ஏனெனில் விண்ணரசு அவர்களுக்கு உரியது.

துயருறுவோர் பேறுபெற்றோர், ஏனெனில் அவர்கள் ஆறுதல் பெறுவர்.

கனிவுடையோர் பேறுபெற்றோர், ஏனெனில் அவர்கள் நாட்டை உரிமைச் சொத்தாக்கிக் கொள்வர்.

நீதிநிலைநாட்டும் வேட்கை கொண்டோர் பேறுபெற்றோர், ஏனெனில் அவர்கள் நிறைவு பெறுவர்.

இரக்கமுடையோர் பேறுபெற்றோர், ஏனெனில் அவர்கள் இரக்கம் பெறுவர்.

தூய்மையான உள்ளத்தோர் பேறுபெற்றோர், ஏனெனில் அவர்கள் கடவுளைக் காண்பர்.

அமைதி ஏற்படுத்துவோர் பேறுபெற்றோர், ஏனெனில் அவர்கள் கடவுளின் மக்கள் என அழைக்கப்படுவர்.

நீதியின்பொருட்டுத் துன்புறுத்தப்படுவோர் பேறுபெற்றோர், ஏனெனில் விண்ணரசு அவர்களுக்குரியது

இறையாட்சியைப்  பெற்றவரும் இழந்தவரும்

3 உமது திருவுளம் விண்ணுலகில் நிறைவேறுவதுபோல மண்ணுலகிலும் நிறைவேறுக.

(தந்தையின் திருவுளத்தை மண்ணுலகில் நிறைவேற்றுவோம் எனபதே மூன்றாம் வேண்டுதல்)

விண்ணுலகில் செல்வத்தை சேமிப்பதே தந்தையின் திருவுளம்

மண்ணுலகில் உங்களுக்கெனச் செல்வத்தைச் சேமித்துவைக்க வேண்டாம். இங்கே பூச்சியும் துருவும் அழித்துவிடும், திருடரும் அதைக் கன்னமிட்டுத் திருடுவர்.

ஆனால், விண்ணுலகில் உங்கள் செல்வத்தைச் சேமித்து வையுங்கள். அங்கே பூச்சியோ துருவோ அழிப்பதில்லை, திருடரும் கன்னமிட்டுத் திருடுவதில்லை.

தர்மம் செய்து விண்ணுலகில் செல்வம் சேர்ப்பதே இறையாட்சி

சிறு மந்தையாகிய நீங்கள் அஞ்ச வேண்டாம் உங்கள் தந்தை உங்களைத் தம் ஆட்சிக்கு உட்படுத்தத் திருவுளம் கொண்டுள்ளார். உங்கள் உடைமைகளை விற்றுத் தர்மம் செய்யுங்கள் இற்றுப்போகாத பணப்பைகளையும், விண்ணுலகில் குறையாத செல்வத்தையும் தேடிக் கொள்ளுங்கள் அங்கே திருடன் நெருங்குவதில்லை. பூச்சியும் இருப்பது இல்லை.

மனம் மாறுவோரே இறையாட்சிக்கு உட்படுவர்

உங்கள் செல்வம் எங்கு உள்ளதோ அங்கே உங்கள் உள்ளமும் இருக்கும்

கடவுளுக்கும், செல்வத்துக்கும் பணிவிடை செய்ய முயல்வோரே வெளிவேடக்காரர்

எவரும் இரு தலைவர்களுக்குப் பணிவிடை செய்ய முடியாது. ஏனெனில், ஒருவரை வெறுத்து மற்றவரிடம் அவர் அன்பு கொள்வார், அல்லது ஒருவரைச் சார்ந்து கொண்டு மற்றவரைப் புறக்கணிப்பார். நீங்கள் கடவுளுக்கும் செல்வத்துக்கும் பணிவிடை செய்ய முடியாது

வெளிவேடக்காரர் மீட்பை இழப்பர்

நான் சொல்பவற்றைச் செய்யாது என்னை, "ஆண்டவரே, ஆண்டவரே" என ஏன் கூப்பிடுகிறீர்கள்?

என்னை நோக்கி, "ஆண்டவரே, ஆண்டவரே" எனச் சொல்பவரெல்லாம் விண்ணரசுக்குள் செல்வதில்லை. மாறாக, விண்ணுலகிலுள்ள என் தந்தையின் திருவுளத்தின்படி செயல்படுபவரே செல்வர்.

அந்நாளில் பலர் என்னை நோக்கி: ஆண்டவரே, ஆண்டவரே! உம் பெயரால் நாங்கள் இறைவாக்கு உரைத்தோம் அல்லவா? உம் பெயரால் பிசாசுகளைத் துரத்தினோம் அல்லவா? உமது பெயரால் வல்ல செயல்கள் பல செய்யவில்லையா? என்பர்.

அதற்கு நான் அவர்களிடம், "உங்களை எனக்குத் தெரியவே தெரியாது. நெறிகேடாகச் செயல்படுவோரே, என்னைவிட்டு அகன்று போங்கள்" என வெளிப்படையாக அறிவிப்பேன்

இயேசுவின் வார்த்தையைக் கேட்டு, அவற்றின்படி செயல்படுவோரே மீட்பை பெறுவார்

என்னிடம் வந்து, என் வார்த்தைகளைக் கேட்டு, அவற்றின்படி செயல்படும் எவரும் யாருக்கு ஒப்பாவார் என உங்களுக்கு எடுத்துக்காட்டுகிறேன்.

ஆழமாய்த் தோண்டி, பாறை மீது தம் வீட்டைக் கட்டிய அறிவாளிக்கு அவர் ஒப்பாவார். மழை பெய்தது ஆறு பெருக்கெடுத்து ஓடியது பெருங்காற்று வீசியது அவை அவ்வீட்டின் மேல் மோதியும் அது விழவில்லை. ஏனெனில் பாறையின்மீது அதன் அடித்தளம் இடப்பட்டிருந்த்து.

வெளிவேடக்காரர் மீட்பை இழப்பார்

நான் சொல்லும் இந்த வார்த்தைகளைக் கேட்டு இவற்றின்படி செயல்படாத எவரும் மணல்மீது தம் வீட்டைக் கட்டிய அறிவிலிக்கு ஒப்பாவார். மழை பெய்தது ஆறு பெருக்கெடுத்து ஓடியத பெருங் காற்று வீசியது அவை அவ்வீட்டைத் தாக்க, அது விழுந்தது இவ்வாறு பேரழிவு நேர்ந்தது.

காட்டுச் செடிகளுக்கும் கடவுள் உடை உடுத்துகிறார்

உடைக்காக நீங்கள் ஏன் கவலைப்படுகிறீர்கள்? காட்டுமலர்ச் செடிகள் எப்படி வளருகின்றன எனக் கவனியுங்கள், அவை உழைப்பதுமில்லை,  நூற்பதுமில்லை. ஆனால் சாலமோன்கூடத் தம் மேன்மையில்எல்லாம் அவற்றில் ஒன்றைப் போலவும் அணிந்திருந்ததில்லை என நான் உங்களுக்குச் சொல்கிறேன்.

நம்பிக்கை குன்றியவர்களே, இன்றைக்கு இருந்து நாளைக்கு அடுப்பில் எறியப்படும் காட்டுப்புல்லுக்குக் கடவுள் இவ்வாறு அணிசெய்கிறார் என்றால் உங்களுக்கு இன்னும் அதிகமாகச் செய்யமாட்டாரா?

அனைத்திற்கும் மேலாக கடவுளின் ஆட்சியை நாடுங்கள்

ஆதலால் எதை உண்போம்? எதைக் குடிப்போம்? எதை அணிவோம்? எனக் கவலை கொள்ளாதீர்கள். ஏனெனில் உலகு சார்ந்த பிற இனத்தவரே இவற்றையெல்லாம் நாடுவர். உங்களுக்கு இவை தேவையென உங்கள் தந்தைக்குத் தெரியும்.

ஆகவே அனைத்திற்கும் மேலாக கடவுளின் ஆட்சியையும் அவருக்கு ஏற்புடையவற்றையும் நாடுங்கள். அப்போது இவை அனைத்தும் உங்களுக்குச் சேர்த்துக் கொடுக்கப்படும்.

ஆகையால் நாளைக்காகக் கவலைப்படாதீர்கள். ஏனெனில் நாளையக் கவலையைப் போக்க நாளை வழி பிறக்கும். அந்தந்த நாளுக்கு, அன்றன்றுள்ள தொல்லையே போதும்..

5 எங்களுக்கு எதிராகக் குற்றம் செய்தோரை நாங்கள் மன்னித்துள்ளதுபோல எங்கள் குற்றங்களை மன்னியும்.

(மனிதர் செய்யும் குற்றங்களை மன்னிப்போம் என்பதே ஐந்தாம் வேண்டுதல்)

மற்ற மனிதர் செய்யும் குற்றங்களை நீங்கள் மன்னிப்பீர்களானால் உங்கள் விண்ணகத் தந்தையும் உங்களை மன்னிப்பார். மற்ற மனிதரை நீங்கள் மன்னிக்காவிடில் உங்கள் தந்தையும் உங்கள் குற்றங்களை மன்னிக்க மாட்டார்.

கொடுங்கள், உங்களுக்குக் கொடுக்கப்படும். அமுக்கிக் குலுக்கிச் சரிந்து விழும்படி நன்றாய் அளந்து உங்கள் மடியில் போடுவார்கள். நீங்கள் எந்த அளவையால் அளக்கிறீர்களோ, அதே அளவையாலே உங்களுக்கும் அளக்கப்படும்

6 எங்களைச் சோதனைக்கு உட்படுத்தாதேயும், தீயோனிடமிருந்து எங்களை விடுவியும்.

(போலி இறைவாக்கனரை அறிந்துகொள்ள உதவிசெய்யும் என்பதே ஆறாம் வேண்டுதல்)

போலி இறைவாக்கினரைக் குறித்து எச்சரிக்கையாயிருங்கள், அவர்கள் ஆட்டுத்தோலைப் போர்த்துக்கொண்டு உங்களிடத்தில் வருவார்கள். உள்ளத்திலோ அவர்கள் பட்சிக்கிற ஓநாய்கள்.

ஒவ்வொரு மரமும் அதனதன் கனியாலே அறியப்படும் நல்ல மரம் கெட்ட கனிகளைக் கொடுக்கமாட்டாது, கெட்ட மரம் நல்ல கனிகளைக் கொடுக்கமாட்டாது. ஏனென்றால் முட்செடிகளில் அத்திப் பழங்களைப் பறிப்பாருமில்லை. முட்புதர்களில் திராட்சைக் குலைகளை அறுத்துச் சேர்ப்பாருமில்லை.

நல்ல மரமெல்லாம் நல்ல கனிகளைக் கொடுக்கும்; கெட்ட மரம் கெட்ட கனிகளைக் கொடுக்கும். அவ்வாறே, நல்லவர் தம் உள்ளமாகிய நல்ல கருவூலத்திலிருந்து நல்லவற்றை எடுத்துக்கொடுப்பர். தீயவரோ தீயதினின்று தீயவற்றை எடுத்துக் கொடுப்பர். உள்ளத்தின் நிறைவையே வாய் பேசும்.

இவ்வாறு போலி இறைவாக்கினர் யாரென அவர்களுடைய செயல்களைக் கொண்டே இனங்கண்டு கொள்வீர்கள். .நல்ல கனி கொடாத மரங்களெல்லாம் வெட்டப்பட்டு நெருப்பில் எறியப்படும்.

கேளுங்கள், தேடுங்கள், தட்டுங்கள்

மேலும் நான் உங்களுக்குச் சொல்கிறேன் "கேளுங்கள், உங்களுக்குக் கொடுக்கப்படும், தேடுங்கள், நீங்கள் கண்டடைவீர்கள், தட்டுங்கள் உங்களுக்குத் திறக்கப்படும் ஏனெனில், கேட்போர் எல்லாரும் பெற்றுக்கொள்கின்றனர் தேடுவோர் கண்டடைகின்றனர்,  தட்டுவோருக்குத் திறக்கப்படும்.

1 விரும்பிக்கேட்போரே தூய ஆவியை பெற்றுக் கொள்வர்

உங்களுள் எவராவது ஒருவர், அப்பத்தைக் கேட்கும் தம் பிள்ளைக்குக் கல்லைக் கொடுப்பாரா? அல்லது, பிள்ளை, மீன் கேட்டால் பாம்பைக் கொடுப்பாரா? முட்டையைக் கேட்டால் அவர் தேளைக் கொடுப்பாரா?

தீயோர்களாகிய நீங்களே உங்கள் பிள்ளைகளுக்கு நற்கொடைகள் அளிக்க அறிந்திருக்கிறீர்கள். அப்படியானால், விண்ணுலகில் உள்ள உங்கள் தந்தை தம்மிடம் கேட்போருக்கு இன்னும் மிகுதியாக நன்மைகள் அளிப்பார் அல்லவா. தம்மிடம் கேட்போருக்குத் தூய ஆவியைக் கொடுப்பது எத்துணை உறுதி.

2 இடுக்கமான வழியைத் தேடுவோரே நிலைவாழ்வை கண்டடைகின்றனர்

இடுக்கமான வாயிலின் வழியே நுழையுங்கள், ஏனெனில் அழிவுக்குச் செல்லும் வாயில் அகன்றது, வழியும் விரிவானது, அதன் வழியே செல்வோர் பலர்.

வாழ்வுக்குச் செல்லும் வாயில் மிகவும் இடுக்கமானது, வழியும் மிகக் குறுகலானது, இதைக் கண்டுபிடிப்போர் சிலரே.

3 தட்டுவோருக்கே விண்ணரசு  திறக்கப்படும்.

உங்களுள் ஒருவர் தம் நண்பரிடம் நள்ளிரவில் சென்று, நண்பா, மூன்று அப்பங்களை எனக்குக் கடனாகக் கொடு. என்னுடைய நண்பர் ஒருவர் பயணம் செய்யும் வழியில் என்னிடம் வந்திருக்கிறார்.அவருக்குக் கொடுக்க என்னிடம் ஒன்றுமில்லை'என்று சொல்வதாக வைத்துக் கொள்வோம்.

உள்ளே இருப்பவர், 'எனக்குத் தொல்லை கொடுக்காதே; ஏற்கெனவே கதவு பூட்டியாயிற்று. என் பிள்ளைகளும் என்னோடு படுத்திருக்கிறார்கள். நான் எழுந்திருந்து உனக்குத் தர முடியாது' என்பார். எனினும் அவர் விடாப்பிடியாய்க் கதவைத் தட்டிக் கொண்டேயிருந்தால் அவர் தம் நண்பர் என்பதற்காக எழுந்து கொடுக்காவிட்டாலும், அவரது தொல்லையின் பொருட்டாவது எழுந்து அவருக்குத் தேவையானதைக் கொடுப்பார் என நான் உங்களுக்குச் சொல்கிறேன்.

திருச்சட்டத்தையோ தீர்க்கத்தரிசனங்களையோ நான் அழிக்க வந்தேன் என, நீங்கள் எண்ண வேண்டாம், அவற்றை அழிப்பதற்கல்ல, நிறைவேற்றுவதற்கே வந்தேன். விண்ணும் மண்ணும் ஒழிந்து போகுமுன் திருச்சட்டம் யாவும் நிறைவேறும். அதன் ஒரு சிற்றெழுத்தோ, ஒரு புள்ளியோ ஒழியாது என உறுதியாக உங்களுக்குச் சொல்லுகிறேன்.

இக்கட்டளைகளைக் கடைப்பிடித்துக் கற்பிக்கிறவரே விண்ணரசில் பெரியவர் 

எனவே, இக்கட்டளைகளில் மிகச் சிறியது ஒன்றையேனும் மீறி அவ்வாறே மக்களுக்கும் கற்பிக்கிறவர் விண்ணரசில் மிகச் சிறியவர் எனக் கருதப்படுவார். இவையனைத்தையும் கடைப்பிடித்துக் கற்பிக்கிறவரோ விண்ணரசில் பெரியவர் எனக் கருதப்படுவார்.

1) ஆனால் நான் உங்களுக்குச் சொல்கிறேன் –

           சினம் கொள்ளாதீர்

″கொலை செய்யாதே, கொலை செய்கிறவர் எவரும் தண்டனைத் தீர்ப்புக்கு ஆளாவர்’ என்று முற்காலத்தவர்க்குக் கூறப்பட்டிருப்பதைக் கேள்விப்பட்டிருக்கிறீர்கள்

சகோதரருடன் நல்லுறவு கொள்ளுங்கள்

ஆகையால், நீங்கள் உங்கள் காணிக்கையைப் பலிபீடத்தில் செலுத்த வரும்பொழுது, உங்கள் சகோதரர் சகோதரிகள் எவருக்கும் உங்கள்மேல் ஏதோ மனத்தாங்கல் உண்டென அங்கே நினைவுற்றால், அங்கேயே, பலிபீடத்தின்முன், உங்கள் காணிக்கையை வைத்துவிட்டுப் போய், முதலில் அவரிடம் நல்லுறவு ஏற்படுத்திக் கொள்ளுங்கள். பின்பு வந்து, உங்கள் காணிக்கையைச் செலுத்துங்கள்.

எதிரியுடன் உடன்பாடு செய்யுங்கள்

உங்கள் எதிரி உங்களை நீதிமன்றத்துக்குக் கூட்டிச்செல்லும்போது, வழியிலேயே அவருடன் விரைவாக உடன்பாடு செய்துகொள்ளுங்கள்.

இல்லையேல், உங்கள் எதிரி உங்களை நடுவரிடம் ஒப்படைப்பார். நடுவர் காவலரிடம் ஒப்படைக்க, நீங்கள் சிறையில் அடைக்கப்படுவீர்கள். கடைசிக் காசுவரை திருப்பிச் செலுத்தாமல் அங்கிருந்து வெளியேறமாட்டீர்கள் என உறுதியாக உங்களுக்கு சொல்கிறேன்.

2) ஆனால் நான் உங்களுக்குச் சொல்கிறேன் -
உங்கள் கண் உங்களை பாவத்தில் விழச்செய்தால் அதைப் பிடுங்கி எறிந்துவிடுங்கள்

உங்கள் வலக்கை உங்களைப் பாவத்தில் விழச் செய்தால், அதையும் உங்களிடமிருந்து வெட்டி எறிந்துவிடுங்கள். உங்கள் உடல் முழுவதும் நரகத்திற்குச் செல்வதைவிட, உங்கள் உறுப்புகளில் ஒன்றை நீங்கள் இழப்பதே நல்லது.

3) ஆனால் நான் உங்களுக்குச் சொல்கிறேன் - காரணமில்லாமல் மனைவியை விலக்கிவிடக்கூடாது 

4) ஆனால் நான் உங்களுக்குச் சொல்கிறேன் 

                         எதன்மேலும் ஆணையிட உரிமையில்லை

’″பொய்யாணை இடாதீர். ஆணையிட்டு நேர்ந்துகொண்டதை ஆண்டவருக்குச் செலுத்துவீர்″ என்று முற்காலத்தவர்க்குக் கூறப்பட்டிருப்பதைக் கேள்விப்பட்டிருக்கிறீர்கள்.

ஆனால் நான் உங்களுக்குச் சொல்கிறேன்; ஆணையிடவே வேண்டாம்.

ஆகவே, நீங்கள் பேசும்போது, ’ஆம்’ என்றால் ’ஆம்’ எனவும், ’இல்லை’ என்றால் ’இல்லை’ எனவும் சொல்லுங்கள். இதைவிட மிகுதியாகச் சொல்வது எதுவும் தீயோனிடத்திலிருந்து வருகிறது.’

5) ஆனால் நான் உங்களுக்குச் சொல்கிறேன்  
                        தீமைசெய்பவரை எதிர்க்கவேண்டாம்

எவராவது உங்களை ஒரு கல் தொலை வரும்படிக் கட்டாயப்படுத்தினால், அவரோடு இரு கல் தொலை செல்லுங்கள். உங்களிடம் கேட்கும் எவருக்கும் கொடுங்கள். உங்களுடைய பொருள்களை எடுத்துக் கொள்வோரிடமிருந்து அவற்றைத் திருப்பிக் கேட்காதீர்கள்.

6) ஆனால் நான் உங்களுக்குச் சொல்கிறேன் 

                                                      பகைவரிடமும் அன்புகூருங்கள் 

ஆனால், நான் உங்களுக்குச் சொல்கிறேன், உங்கள் பகைவரிடமும் அன்புகூருங்கள், உங்களை வெறுப்போருக்கு நன்மை செய்யுங்கள். உங்களைச் சபிப்போருக்கு ஆசி கூறுங்கள்,

உங்களைத் இகழ்ந்து பேசுவோருக்காகவும் துன்புறுத்துவோருக்காகவும் இறைவனிடம் வேண்டுங்கள். திரும்பக் கிடைக்கும் என எதிர்பார்க்காமல் கடன் கொடுங்கள். அப்போது உங்கள் கைம்மாறு மிகுதியாக இருக்கும்.

ஆதலால், உங்கள் விண்ணகத் தந்தை இரக்கமுள்ளவராய் இருப்பதுபோல நீங்களும் இரக்கம் உள்ளவர்களாய் இருங்கள். உங்கள் தந்தை நிறைவுள்ளவராய் இருப்பதுபோல நீங்களும் நிறைவுள்ளவர்களாய் இருங்கள்.

ஒரே வார்த்தையில் திருச்சட்டமும் இறைவாக்குகளும் அடங்கியது

“ஆகையால் பிறர் உங்களுக்குச் செய்யவேண்டும் என விரும்புகிறவற்றை எல்லாம் நீங்களும் அவர்களுக்குச் செய்யுங்கள்.” இறைவாக்குகளும் திருச்சட்டமும் கூறுவது இதுவே 

மறைநூல் அறிஞர், பரிசேயர் ஆகியோரின் நெறியைவிட உங்கள் நெறி சிறந்திருக்கட்டும். இல்லையெனில், நீங்கள் விண்ணரசுக்குள் புக முடியாது என உங்களுக்குச் சொல்கிறேன்.

1) தர்மம் செய்யும்போது பரிசேயரைப்போல தம்பட்டம்
    அடிக்காதீர்

2) நோன்பு இருக்கும்போது பரிசேயரைப்போல் முகவாட்டமாய் இருக்கவேண்டாம் 

மேலும், நீங்கள் நோன்பு இருக்கும்போது, வெளிவேடக்காரரைப்போல முகவாட்டமாய் இருக்க வேண்டாம். தாங்கள் நோன்பு இருப்பதை மக்கள் பார்க்கவேண்டுமென்றே, அவர்கள் தங்கள் முகங்களை விகாரப்படுத்திக் கொள்கிறார்கள். அவர்கள் தங்களுக்குரிய கைம்மாறு பெற்றுவிட்டார்கள் என உறுதியாக உங்களுக்குச் சொல்கிறேன்.

3) பரிசேயரைப்போல் பிறரை குறைகூறித் தீர்ப்பளிக்காதீர்

பிறர் குற்றவாளிகள் எனத் தீர்ப்பு அளிக்காதீர்கள், அப்போதுதான் நீங்களும் தீர்ப்புக்கு உள்ளாக மாட்டீர்கள். நீங்கள் அளிக்கும் தீர்ப்பையே நீங்களும் பெறுவீர்கள்.

மற்றவர்களைக் கண்டனம் செய்யாதீர்கள், அப்போதுதான் நீங்களும் கண்டனத்துக்கு ஆளாக மாட்டீர்கள்.

4) பரிசேயரைப்போல் குருட்டு-வழிகாட்டியாக செயல்படாதீர்

மேலும் இயேசு அவர்களுக்கு உவமையாகக் கூறியது:  பார்வையற்ற ஒருவர் பார்வையற்ற வேறொருவருக்கு வழிகாட்ட இயலுமா? இருவரும் குழியில் விழுவாரல்லவா?

சீடர், குருவைவிட மேலானவர் அல்ல. ஆனால் தேர்ச்சி பெற்ற எவரும் தம் குருவைப் போலிருப்பர்.

நீங்கள் உங்கள் கண்ணில் இருக்கும் மரக்கட்டையைப் பார்க்காமல், உங்கள் சகோதரர் அல்லது சகோதரியின் கண்ணில் இருக்கும் துரும்பை கூர்ந்து கவனிப்பதேன்? அல்லது அவரிடம், "உங்கள் கண்ணிலிருந்து துரும்பை எடுக்கட்டுமா?" என்று எப்படிக் கேட்கலாம்? இதோ. உங்கள் கண்ணில்தான் மரக்கட்டை இருக்கிறதே.

வெளிவேடக்காரரே, முதலில் உங்கள் கண்ணிலிருந்து மரக்கட்டையை எடுத்தெறியுங்கள். அதன்பின் உங்கள் சகோதரர் அல்லது சகோதரியின் கண்ணிலிருந்து துரும்பை எடுக்க உங்களுக்குத் தெளிவாய்க் கண் தெரியும்.

5) பரிசேயரைப் போன்ற வெளிவேடக்காரருக்கு அறிவுரை கூறுவதில் பயனில்லை

6) மக்கள் பார்க்கும்படி பரிசேயரைப்போல் ஜெபம் செய்யாதீர்

நீங்கள் இறைவனிடம் வேண்டும்பொழுது, வெளிவேடக்காரரைப்போல் இருக்க வேண்டாம். அவர்கள் தொழுகைக்கூடங்களிலும் வீதியோரங்களிலும் நின்றுகொண்டு, மக்கள் பார்க்கவேண்டுமென இறைவேண்டல் செய்ய விரும்புகிறார்கள். 

அவர்கள் தங்களுக்குரிய கைம்மாறு பெற்று விட்டார்கள் என உறுதியாக உங்களுக்குச் சொல்கிறேன். ஆனால், நீங்கள் இறைவனிடம் வேண்டும்பொழுது, உங்கள் உள்ளறைக்குச் சென்று, கதவை அடைத்துக்கொண்டு, மறைவாய் உள்ள உங்கள் தந்தையை நோக்கி வேண்டுங்கள். மறைவாய்உள்ளதைக் காணும் உங்கள் தந்தையும் உங்களுக்குக் கைம்மாறு அளிப்பார்.

7) பிறஇனத்தவரைப்போல் நீண்ட ஜெபம் செய்யாதீர்