Hardiman XXVIII (p. 71)
IS se seo cunradh Uilliam Meic Seaain hI Fearghala acus Mac Con meic Seaain
Meic Domhnaill Meic Conmeadha on Aill bhic re cheile, fa ceand leadceathraman
don nAillbhic .i. an lethcheadhramha iochtarach: Agus ag so mar fuair Uilliam bith-
disli an fearaind sin uadha .i. a beith a ngill re marg boirithe ag maoraibh an
Iarla .i. ag muintir Rodain, agus do iarr Mac Con air Uilliam an fearand dfuas-
gailt agus a bharr do thabhairt do fein; agus thug Uilliam an barr sin uadha, acus
tug Mac Con a inad fein dUilliam air an fearann acus da shliocht andiaigh;
agus ag so ait ina bfuil an fearand sin .i. a Poraisde Bunraiti, acus do
chondaé an Clair e; acus is an so taobh siar bud thuaidh de Bunraiti ata sé; agus
ag so teoranntacht an fearaind sin .i. o bhothar Claisi Cuilín co bothar na Cluana
Muinighi, acus o Tobar an Caca go bothar an Baile bhain. Ag so cuid an fhea-
raind sin do Corcaigh .i. Corcach an Claidhe acus Rinnleacan; acus ag so anm an
fhearainn riata ata ann sin .i. Machaire na Sgeithe acus Gort an Tobuir acus
an Sean-Abhallghort, acus gach a bhfuil aturr sin dfearann, mar dearainn a ainm.
Acus is iad so fiagain an connartha sin do deanamh .i. Bicaire Bunraiti, Siacus
O Connallain, agus Tadg Mac Mathghamna, mac Eoin hI Cearmada, agus Tadhg Mac
Flaitbheartaigh hI Lidin, agus Conchubhar Mac Davi I Rodain, agus Matgamna finn
Mac Seain I Rodain, acus Donchad og O Rodain, acus Seaan Mac Concubbair
I Rodain, acus Murchad O Rodain, acus Donchad Mac Domhnaill I Tornae .i.
Cleireach Pattruicc, acus is siad so baillidhe seilbhi an fearainn .i. Bicaire Bun-
raite, Siacus O Connallain, acus Tadg Mac Matgamna. Agus isi aois an Tigear-
na an tan so .i. mili bliadain agus .v. c. agus tri bliadna .x. acus tri xxid.
Acus so lam Meic Con Meic Seain air so, do thabairt bithdisli an fearainn dUilliam
Mac Seaain: acus ag so mo thoil acus mo aonta acus maigne acus mo sheala leis
sin do. Agus mise Conaire Mac Muiris Meic Tornae do sgriobh so da ttoil ar
faichi Bunraite.
Mesi Tornae O Maelconaire
Muireadhach O Daluid
Mesi Conaire