Hardiman XXVII (pp 69-70)
Biodh a fhios ag gach en duine esidfeas an sgribhinse go dugasa Concubar
O Briain .i. Iarla Tuadhmhumhan, leatceatrama an Guirt Finn a Tuaimfionnloch do
Macnamara .i. Seaan Meic na Mara, a ngeall re da bha deag na Feala Michil,
agus iad ionnlaogha: Agus a deirimsi, Conchubhar O Briain go bfuil dualach orm
fein agus air mo shliocht im dhiaig an ledceatrama sin do dhion agus do seasamh do
Mac na Mara agus da shliocht ina dhiaig go feadh a fuasgalta; acus admuim nach
bfuil ar neart a fuascladh acht um Feal Michil, dho ghobhan enlaoi; acus mar
dhearbhadh air an ngeall sin do glacad, acus air an bhfearann do tabairt uaim a
ngeall ris, ataimsi, Conchubar O Briain ag cor mo laimhe air an denntiuir so.
Acus is siad fiadain an chonartha so .i. Uaithne O Lochluinn agus
Concubhar Mac Gilla Riaba, agus Ruaidri Mac Donchadh agus Sioda Mac Ruaidri
acus isi aois Crist an tan so mile bhliadain, cuig cead, da bliadhain tri fichid.
CONOR THOMOND