Hardiman XXV (p. 65)
Se seo acht acus conradh Iarla Tuamhan .i. Conchubar I Briain acus Meconmara
.i. Tadhg Mic Coinmeadha mic Conmara re ceile .i. Maconmara, mar
a ta Tadhg Maconmara mailli re naoighribh ina dhiaidh do chomhall co dileas neamh-
mailis don Iarla agus da oighribh na dhiaig co sirruidhi, acus ni he amain sin imirt do
féin acus da oigeribh leis an Iarla acus le na oighribh air, can aon duine ar a ninnco-
nad fein, acus co hairithe can coga na freasabra do dheanamh do féin na da oighribh
ris an Iarla na re na aoighribh ina dhiaigh, co sirruidhi, leo fein na a comluatar
duine aile: agus a maille fris sin, Maconmara cona aoighribh do bedh dileis tairisi
do duithe claoinne [sic] Cuileain; acus can dul ortha tar toradh an ceirt do gnaith; a athair
acus a shenathair dagbhail uatha dfiadnaise an ceatrar bus sine acus bus fearr in
san tuait, acus in maoir acus in marascal bhus sine acus bhus fearr bhes ac Conmara
in san tuaith; acus fa brig cunartha acus achta in iarla ris can dul ortha taris sin:
acus is iat slana comaill an acta sin acus in chonartha Dia cona ainglibh, acus na
huile minn frith re na thabairt do, acus Giuisdis na hEreann a hucht Gall acus Gaoidhel
na hEreann, acus a mailli seo sin an tsuim airidhi a dearam in ar ndeag do beith ar
Mac Conmara con oighribh re comall.
Ag so an tacht acus an pian air ar leig Iarla Tuadmuman Mac Conmara amach,
maille re gach urradhuibh acus re gach braighuibh eile da bfuil uaidh .i. O Seachnusaigh a
pein .xx. marg, acus Mac I Briain ar a bpéin da fhichead marg, acus Uilliam
O Maoil Riadhain acus a mac re dha fhichead marg eile, acus Donchadh Meic Math-
ghamna I Briain re fiche marg; gan Mac Conmara ina a slicht do cailleamhain ar an
Iarla ina ar a shliocht go brath. Ag so na fiadhuin ata ag an Iarla ar an péin sin
.i. Domhnall Mac Murchad Meic tSuibhne, acus Tomas Mac Cubhag, acus Ruaidhri Óg
O Faiche, acus Gilla Brigde Meic Bruaideadha.
Ag so an tacht ar a ndeacaidh Mac hI Briain ar a slánaibh acus a bpéin air Mac-
namara .i. da leicear a mach fa ceann Caoicisi he go mbia san an a shlanaibh acus an
a péin ar: acus ag so na fiagain ata ar sin .i. Tadhg mor Mc Cearbhaill O Mol-
ghaoithe, acus Eoghan O Ceinneidigh; acus muna leicear a mach fa ceann na caoicisi sin
he, Mac I Briain deirghe as a pein acus as a shlanuibh muna ti aithceair sgel chuice.
acus a pein .i. da fited marg.
Ag so an tacht ar a ndeachudh Uilliam O Muillriadhain as an slan ar Macnamara,
da lecar amach hi fa ceann caicis, Uilliam dimirt leis in Iarla ar Macnamara muna
comleach Macnamara a gealladh don Iarla: Ag so na fiadhain do bidh do laithair
Uilliam I Muilriadain do dul as a slan air Macnamara .i. dis mac Domnaill I Cinneidi
.i. Pilib acus Aoedh, acus an Sagart Mac Ruaidhridh Meic Donncha .i. Eogann acus
Sairbretach O Dabuirrn .i. bret [sic] Uilliam féin.
Donnchadh Mac Mathghamna I Briain re .xx. marg don peain sin Meig Conmara go
bfiadnuise do Mac Floinn, Meig Craith, acus do Mac Seain I Mail Conaire. Con-
cubar Mac Ruaidri Meaig Conmara re .x. marg don pein sin, acus triur Mac
Loclainn Meic Doncha re choig mharg deag; ceathrar Mac Sida Mac Eogain re .v.
mharg deg eile .i. Doncha acus Cu meda acus Cu mara acus Sida óg; Finghinn Mac
Lochlain acus a Mac re coig marg deg, acus Toirdelbach Mac Domnaill ruadh re .v.
mharg, Mac Taidhg Mac Mathghamhna .i. an Sacart, acus da Mac Lochlainn Mac Math-
ghamhna acus Mac i Mail Domhna re .xx. marg.
An dia mbia imresan eatarra sin in gac lan [. . .] ain imres do bed ag Mac
Lochlain [. . .] Craith acus ag Mac Cormain acus ag Mac Gilla Riaba.