Hardiman XXIV (pp 63-4)
Air Leithceathramha mir Guirt Puill an Marla
ISE fath an sgribhinn so go bfuil mise Lochlann Mac Seaain ui Cearmada acus
Domnall Mic Lochlaind ag tabairt ar tabartais fein agus ar seilbhi acus ar ngill
do Seaan O Mulconaire agus da eigri na diaidh, acus a ngill le deich mbuaibh acus re
fiche sgilling dairgead: acus atamaid admhalach gur ghlacamair ar dtoil féin de
dhiolaideacht o Sean O Mulconairi ar son an ghill sin, acus agus [sic] go bhfuilmid reidh
ris, acus go dtugamair ar taisbeanaidh fein a laimh Seaain, acus ar sealbh. A
Rosmuinecar do scriobhadh; ais an Tigearna mile bliadain acus cuig .c. ocht
mbliadhna agus da fhicheat, an t-aenmhadh la deg do Deicheimber. Is iad a fiadain
laithrich Domnall Meic Donchadh Meic Domhnaill, Donchadh Mac Seaain Meic Mat-
gamnna, Mac Con Mac Sioda mec Domnall, Tadg Ulltach O Briain. Mise fein
Flaithri Mac Flanchai do scrib so, do thoil an da rann.
Lam Lochlainn ui Cearmoda
Domnall Meic Lochlaind
Lámh na fiadnuisi:
Dondchad mac Seain
Domnall Mac Dondchadh
Tadg Ulltach O Briain
Mac Con Mic Sioda
Cumea Mic Seain.