Hardiman XXII (pp 59-60)
1. Bith a fhios ag gach aon leaghfas acus eaisdfas an sgribhinn so, go bfuilimsi
2. Emann ruadh Mac an Gilla duibh Mac Suibne o Cillchaoidhe a gcuntae an Cláir duine
3. uasal a ngioll ar suim darithe darged do glacas om Tigerna Onorac o Iarla
4. Tuadmumhan a lo deanmha an sgribhinn so, acus ar a lan dadbaraib oirceasa ele, ar
5. dtabairt mo cheirt acus mo tidail fein air an sraith .i. ledcedramha dferann an
6. Duna big nocha torannigheas re bun an Gaotha buidhe don taobh teas, acus re La-
7. thach-margaige don taobh thuaidh re bun na Caee Duibe ag dul asteach an oilen
8. Mac Ulga don taobh toir acus re Caman na Feamnuighe don taobh tiar, don Iarla
9. cedna sin: acus do bheirim mailli ris an sgribhinn so an ferann sin a dubhras,
10. itir fer acus riasg acus coill acus ithir, agus uisge acus an uile shocar beanas
11. risson Iarla reamhraite, re beith acus re congmail aige fein ga oigredhaibh acus
12. ga signuiribh, uaim fein, om oigreaduibh acus om signiuiraibh gu siorraidhe, ar an
13. gcoingeall so .i. Gibe huair fuasgeolaid oigreadha disle Murcha Mac Muircheart-
14. taich Mac Mathgamhna an ferann sinn on Iarla ar da mbuaibh deag re a dtug an
15. achar .i. an Murcha remraite, an ferann sin na Sruithe a ngioll dam athar si .i.
16. don ghilla dubh Mac Suibhne, amhail is follas isin scribhinn do rinnedh etorra a bedh
17. dfiachaib ar an iarla a bferann do leagad cuca gan buaidred gan toirmeasg, iar
18. ndiol an da bo deag sin as, acus gu faghaid an da bo deag sin as an bferann, co
19. noigredha Murcha Mac Mathghamhna, an ferann gus an uile socar beanus ris do bedh ag
20. an iarla reimhraite ga oigreadaibh acus ga sighniuiribh amhuil a dubramar romhainn;
21. acus muna seasma an sgribneorect gaoideilge do rindead dom athair ar an bferann,
22. an ferann sin na Raithe do cheart an don Iarla, a taim-si an tEamamm reimhraite, dom
23. ceangal féin, acus ag ceangal moigreadha acus mo seciduiridhe re da marg deag
24. coronta Sacsain do diol ris an Iarla, re na oigre no re na seciduir an ionad an
25. argid do ghlacus on Iarla ar an bferann; acus is ar an iarla a ta caiteam cosduis
26. re suitear urus an ferann; acus do nimsi an tEmann remhraite Turnae do Niculas
27. Cuimin, do thabhairt seilbhe an ferainn sin, a dubramar, don Iarla ceana no don Turnae-
28. chuirfeas se da glacadh as a uras; acus gach ni da ndinga an Turnae sin a dubramar
29. a ledh ris an seilbh sin do tabairt don Iarla no da Turnae amhail a dubhramar: Fosduim
30. acus daingnighim oram fein an ní sin, amhuil do beainn féin am persuinn suil tugas
31. an tugdaras so uaim, ag deanamh gach neaith dhe; acus mar daingniughad ar gach ni
32. de sin cuirimsi an tEmann cedna sin comurtha mo Laimhe ocus mo séala ar an sgribeann
33. so.
34. his
Edmd. + Mac Swyny
mark
35. Being present, Teige Mac Brody
36. Finis Padrycke