Hardiman XXI (pp 56-7)
1. AG so suim acus méid an gill do chuir Murcha Mac Doncha Mic Gluin ar let-
2. cetramuin an lesa do Carnmela do Donncha Mic Concubair I Briain, acus da
3. eigri acus da sineighri do Murcha Mac Gluin fein, acus da eighri acus da shinei-
4. ghri ina dhiaig .i. fichi loilgeach cona laogh, acus .xx. bo innlaogh, dosen seachbhaididhe
5. acus dathgamhnach is do tucad an gell so do Matgamain Mac Lochlainn Mecnamara
6. o baile I Marcacain [. . .] leathcethramain Lisin na Buinni, acus ar lethcethramain
7. mir do cethru mir Bela an Earbuill cona coille agus craige, riasga acus innbhir, féir
8. acus uisgi acus cona nuili shochar dá bhfuil a ceatramnaib na bferann sin o sin amach:
9. acus is do ced acus do thoil Taidhg Mic Loclainn, a dhearbhrathair, acus do ced a
10. ccinidh acus a comhbhraithrec ar gac taobh, do cuir Mathgamhuin Mac Lochlainn, acus
11. Tadhg Mac Lochlain in letcetramuin an lesa acus an Cnuic ina ferainn eile sin a
12. dubramar romuinn an gell; acus gac ferann da solathradais an clan Mic Glinn sin, do
13. bidh sin leth um leath etorra fén acus a ccomhalta .i. Donchad O Briain, acus ag a
14. noigreadaib na ndiaigh: acus a ccinn .v. mbliadan ina dhiaig sin, tuc Murcha Mic
15. Gluin tri .xx. marg darged shalfais do Mathgamhain Mac Lochlainn acus do Tadhg
16. Mic Lochlainn ar bitdisli na ferann sin go brath; ar gach aisde acus ar gach
17. act acus ar gach conrad acus gell, da ndubramar romainn. Anno Domini an tan so
18. m.ccccc. v. bliadna acus 2 .xx. Mar dearbad ar sin atamuitne Matgamhuin
19. Mac Lochlainn o bhaile I Marcachain, acus Tadhg Mac loclainn on baili cena a cur
20. ar lamh ar an ccart so dfinne na bfiaduin laitreach a ta do lathair ar so.
21. Matgamuin Mac Locluind.
22. Tadhg Mac Lochlaind.
23. Murchadh O Briain na O Briain an tan so.
24. IS iad so na fiadhain laithrech .i. Tadhcc Macnamara acus Seaan Macnamara
25. on Daingenn brec, Domnall Mac Ruadri o cathar Scuaibi, Flaitbeartac O Lididhe
26. on tSendaingenn, Tadhg O Briain o Cuinnche, Tomas dub Mac Maoilir o Cill hAbha,
27. Tadhg Mac Doncha Mec Seaain o Cluain Lisain acus mórán eile nach airmhithir ann
28. so, o sin amach.