XVIII (pp 51-2) = MN 19
TEXT
1. Ag so eifeact agus conradh shleachta Meic Seaain re muintir Slatra .i. Tadg óg
2. Mac Tadhaig Meic Coinmheadha, acus Tadg meic Lochlainn Meic Seain, acus Sadhbh ingh-
3. ean Taidhg Meic Donchadh acus Diarmaid Mac Lochluinn, a lamha acus a litir uile do
4. beith ag Muintir Slatra, chum Baile I Slatra do bheith ag an muintir Slatra so ann a
5. nois .i. Domhnall Mac Donchadh Meic Domhnaill Meic Diarmada I Slatra, acus Lochluinn
6. ruadh Meic Domhnaill Meic Domhnaill Meic Lochluinn I Slatra: acus dfiachaib air an
7. sliocht san Meic Seain a mbarantus acus a lamha acus a litir do bheith aig muintir
8. Slatra re ndul a ccuirt acus a ccomhairle do chosnamh a nduchuis agus a ngill doibh
9. a mBaile I Slatra. A ta an oiread so ag sliocht Meic Seain air mhuintir Slatra
10. so anois: .xx. sgillinn anois, agus da uinge sa bhliaghain go ceann dha bhliaghain on
11. bliadhain so amach; acus dfiachaibh ar mhuintir Slatra onoir bidh agus eadaigh, go
12. hiomchubhaidh, do tabart don tSliocht sin Meic Seain, do reir a ccomais; agus
13. dfiachaibh ar shliocht Meic Seain bheith tais don mhuintir sin; Agus da tti dhibh araon an
14. Baile do shabhail on muintir do bhedh ag deanamh eugora orra, o chionn da bhliadhain no
15. tri amach mar a dearfas Tadhg Ma Clanchaidhe acus Mathghamhain Mac Seain Meic
16. Donchadh, acus Ruaidhri O hIci don tSliocht san meic Seain o muintir Slatra o soin
17. amach. Anno Domini 1493.
18. Misi [blank]
19. Misi Diarmaid Mac Lochluinn
20. Misi Tadhg Mac Lochluinn
21. Misi Sadhbh Inghin Taidhg Meic Donnchaidh
22. Is siad a bhfiagain sin .i. Tadhg Ma Clanchaidhe, agus Ruaidhri O hIci, acus
23. Mathghamhuin Meic Seain Meic Donchaidh, acus na roinn fein .i. Sliocht Meic Seagain,
24. acus Muintir Slatra .i. Domhnall O Slatra, acus Lochluinn O Slatra, agus Tadhg
25. O Slatra.