VI (p. 23) = MN 58
TEXT
1. A se so cunnrad Matamna I Allabrain acus Graine ingin Ruadri hI Molamna re
2. Seaan Mac Ruaidri Meic Concubar re na cloinn. Tri ba xxit mar gheall ar chuit
3. tSeaain acus a cloinne don Durrad, ledcetrama sin [. . .] cuit don ledcetramain sin
4. aic Dondcha mac Meic Con Meic Eogain, acus uinge cisa ac Seaan acus aga clann ann
5. sa fearand an Iarla; acus an fuasluga do thabhairt [. . .] agus a tabhairt amach
6. fo aidhche feil Sin Seagain, agus Coinmheda, agus Mathamna ar teacht amach aimsir ina
7. diaig sin, acus ceithre ba do bhreith mar geall ar an unge sin: acus a siat fiacha
8. tucad a ndil fiach na cheithre mbo sin, loilgec acus lair ghroidhe, acus na ceithre ba
7. sin dfagail a naonfect reisin cuit eile don gell: acus da ticidh a ndiolaighect
8. uinge cisa an Durrad, no clampar a ttaob tSeaain Meic Ruaidri acus a claindi .c.
9. luain na choir is geall in a inad; acus ceithre ba eile ar an seisid cuit sin Doncha
10. Meic Mac Con Meic Eogain, acus a se conrad Mathghamna agus a slecta risin cloind
11. Concubair sin, gan an ferann sin anagaid na feran aile do thabart a ngell re fuaslacad
12. an gill da fuaslugad, na tabhart daon duine eile da fuaslagad, ach muna ti dib féin
13. a fuaslugad, a bedh annsa gell san aic Matamuin acus ac a cland: acus cuit eile don
14. cunradh sin, gac boroime da tiucfa a cenn in ferainn sin, Matamuin acus a slict da
15. hic, acus a bedh mar an geall, acus gan rith do dul annsa boroime act fiacha in .c. lae
16. dic con boruime an tan bes an ferand da fuaslugad ar an geall sin, mar an cuit eile.