PROXECTO DOCUMENTAL
O IMPRESIONISMO MUSICAL
CEIP de Celeiro - Viveiro (Lugo)
O IMPRESIONISMO MUSICAL
O concepto Impresionismo ten a súa orixe no mundo da pintura.
En 1872, Claude Monet pinta un cadro no que reflicte a sensación causada polo ascenso do sol entre a néboa sobre o río.
En 1874 exponse en París esta obra xunto a outras que compartía unha estética similar. O título do cadro de Monet é Impresión, sol nacente; de aí o nome do novo estilo. Coa exposición parisiense sentarán as bases do movemento pictórico que se desenvolve durante as primeiras décadas do século XX.
O compositor máis destacado deste movemento é Claude Debussy, con obras como "Preludio á sesta dun fauno" (1894).
Do mesmo xeito que a pintura impresionista, a música de Debussy é unha música de atmosferas e de sentimentos sutís, carente da grandiosidade post-romántica.
As características desta música son:
Melodías esvaecidas (igual que en pintura), sen liñas nin cadencias claras, que utilizan escalas modais, pentatónicas, cromáticas ou de tons enteiros.
Harmonía libre, con acordes incompletos aos que Debussy chama flotantes, que toman o seu valor pola súa sonoridade, non pola súa función tonal, para converterse en liñas e manchas que se desvanecen no tempo e o espazo.
Novo concepto de timbre, utilizando os instrumentos de forma individual e non como conxunto orquestral (colaxe).
Incorporación de elementos musicais orientais, tanto melódicos ou rítmicos como harmónicos.
Un dos continuadores da obra impresionista de Claude Debussy será o francés Maurice Ravel, coñecido pola súa obra "O bolero".