Naar het VRT radio- en TV-programma ‘DE RECHTVAARDIGE RECHTERS’
Tekst : Guy ILSEN
Dieke nak èn veel pretense
Refrein
Dieke nak (klets klets) èn veel pretense
Lank (klets klets) oas konfjense
Zet al dee Hesselieëre mar ‘ns èn hin blóéete kont
Da’s (klets klets) gezond
Het freetsap op ’t staddéûs
Dieë nès dieë ze doa schènke
Da sap da ès ni pléûs
Da ès ech ni te drènke
Da prejf toch ni no freet
Ma no ‘t zwíét van nen erreme bouer
Het ès meschins Fair Trade
Ma djieë krèg wel het zouer
Refrein
Dee vreulej ènne Road
Keume djuus kaffiekletse
Dan zèn ze vanne stroat
Ma ze zitte doa te zwetse
Èn as het stèmme ès
Wete ze ziech te schieke
Èn Herman ès gerès
’t Es toch allíén mar knieke
Refrein
Ve kreege ne kaddoo
Ma ve mosten ’m zellef betâle
Kins op hóég nivvoo
Éût nen aandere mins z’n mâle
Obbe zèèvelmerrek ènne zon
Wa ès ta vir ’n dènk toa
Ne pispoal virre hon
’t Ès ne Panamarenko
Refrein
’t Belengske oas gazzèt
Dee ès begot gekroempe
Ma minsen opgelèt
Loat oech toch ni loempe
Donckier schrif wèè altèèd
Èn bè ieëveveel ejver
Èn elleken daag op tèèd
Nog dzjuus dezellefste zíéver
Refrein
De hóéfstad vanne smaak
Dzje kunt het ni bedènke
Èn okteuber ès het raak
Dan goan ze borrels schènke
’n Barrak op elleken hoek
Want ’t zèn Zjeneverfíéste
Èn kramp èn ouere boek
Van ’t zéûpe wèè de bíéste
Refrein
’t Héûs va Prins Laurent
Doa moste ze èn wèrreke
De Prins dieë zee: Comment
Èn keek dzjuus wèè e verreke
’t Hasselts Parkèt
Zee: ’t Ès nen homo ludens
Dus weur t’r gi belèt
Mèrsie Prokkuréûr Rubens
Refrein
Hesselse spelling: Marco Clerinx