لاو... ...و ژیانى سێكسى
 

لاو ...و ژیانى سێكسى

هێمن مه‌لا كه‌ریم به‌رزنجى

2006- 2008

پێنجه‌م به‌رهه‌مى كتێبى نووسه‌رچه‌ند وتارو ...لێكۆڵینه‌وه‌یه‌كه‌ ،و پێشتر بلاَوكراونه‌ته‌وه‌و،له‌ دوو توێى كتێبێكدا له‌ چاپ ده‌درێت له‌ ئاینده‌دا.

بێده‌نگى له‌ چه‌نه‌بازه‌وه‌ فێربووم و...هه‌وڵدان له‌ته‌مه‌ڵه‌وه‌و...هێمنى له‌ لوت به‌رزه‌وه‌، زۆر سه‌یره‌ من رِێزى ئه‌م مامۆستایانه‌م ناگرم...!!

(جۆزێف جۆبێر)

 

ئه‌م به‌رهه‌مه‌ پێشكه‌شه‌ به‌:

-له‌رىَ ،ئه‌وى فێرى كردم بۆ هه‌میشه‌ پێنه‌كه‌نم.

- ئه‌و مرۆڤانه‌ى پێیان وتم لاوێتى خۆت به‌ نووسینه‌وه‌ به‌ فیرِۆمه‌ده‌و،خۆش رِابوێره‌ و،ژیان به‌ لاوێتییه‌وه‌ جوانه‌.

-ئه‌و مرۆڤه‌ى پێى وتم:(ژیان به‌له‌ده‌ستدانى خۆشه‌و یسته‌كه‌ت مه‌دۆرِێنه‌ .چونكه‌ له‌ هه‌موو شتێك گه‌وره‌تره‌.

-نه‌سرین خانى سه‌ید حه‌مه‌ ساڵحى دایك و،حاجى كه‌ریمى سه‌ید ئه‌حمه‌دى به‌رزنجى باوك و،هه‌ردوو براكه‌م.

-هه‌موو ئه‌وانه‌ى به‌نیگایه‌كیشبێت ئه‌وینم بۆ یان هه‌بووه‌ به‌تایبه‌ت (هاوژین - شاده‌ -له‌رىَ)

- هه‌رمرۆڤێك ،پیتێك چییه‌ لێیه‌وه‌ فێربووبم .

-هه‌رمرۆڤێك ،كه‌ هاوكارم بێت بۆ ته‌واوكردنى خوێندن و،گه‌یشتن به‌هیواو ئاواتى ژیانم.

 

 

 

 

كتێبى : لاو ...و ژیانى سێكسى

بابه‌ت : وتارو ...لێكۆڵینه‌وه‌ى زانستى كۆمه‌لاَیه‌تى و،پزیشكى .

پیتچنین: نووسه‌ر

نه‌خشه‌سازى ناوه‌وه‌: نووسه‌ر

چاپخانه‌ى : -

تیراژى :   -

ساڵى چاپ :   -

 

 

 

پێنجه‌م به‌رهه‌مى كتێبى نووسه‌ر

 

سه‌رنج:

ئه‌م به‌رهه‌مه‌ تاهه‌نووكه‌ له‌ چاپنه‌دراوه‌و ،به‌ پێویستم زانى لێره‌داو ،له‌م وێبلاَگه‌دا بلاَوى بكه‌مه‌ ،بۆ ئه‌وه‌ى خوێنه‌رى پێئاشنابكه‌م و،بتوانم سودێكیان پێبگه‌یه‌نم ،تا ئه‌و كاته‌ى ده‌ستى هاوكارى بۆ درێژده‌كرێت و،له‌ چاپده‌درێت ،یان به‌ ناچارى له‌سه‌ر ئه‌ركى خۆم له‌ چاپى ده‌ده‌م له‌كات و،شوێنى دیارى نه‌كراودا.

 

 

به‌رایى :

وه‌نه‌بێت ژیانى سێكسى تایبه‌ت بێت به‌ لاو ،و ئیدى ته‌مه‌نه‌كانى دیكه‌ بێ به‌شبن له‌م به‌شه‌ گرنگه‌ى ژیان ،كه‌ خوداى گه‌وره‌ به‌مرۆڤى به‌خشیوه‌ ،وه‌لىَ له‌به‌ر ئه‌وه‌ى لاوێتى سه‌ره‌تاى سه‌رهه‌ڵدانى هه‌ستى سێكسییه‌و ،لێره‌وه‌ شه‌مه‌نده‌فه‌رى ژیان به‌ره‌و وێستگه‌كانى ترى  ژیان به‌رِێده‌كه‌وێت ،لاو ...و ژیانى سێكسیمان هه‌ڵبژارد ،هه‌تاوه‌كو ببێته‌ ناونیشانى ئه‌م كتێبه‌ى به‌رده‌ستت و،لێكۆڵینه‌وه‌و ،وتاره‌كانیمان بۆ ته‌رخانكرد.چونكه‌ تاهه‌نووكه‌ گرنگى پێویست به‌ ژیانى لاوان نه‌دراوه‌ ،ئه‌مه‌ش پێچه‌وانه‌ى رِه‌وشى رِۆشه‌نبیرى رِۆژ ئاوایه‌ ،كه‌ نه‌ك هه‌ر گرنگى به‌ژیانى لاو و،ژیانى سێكسى ده‌ده‌ن ،به‌ڵكو له‌هه‌وڵى به‌رده‌وامبوونى ژیانى سێكسى دان و،ده‌یانه‌وێت درێژى بكه‌نه‌وه‌ تادوواساته‌كانى ژیان ،بۆ ئه‌م مه‌به‌سته‌ش هه‌میشه‌ له‌ هه‌وڵى دۆزینه‌وه‌ى ده‌رمانى نوێدان ،وبه‌ جۆرێك ئه‌گه‌ر بیست ساڵێك له‌مه‌ر باس له‌م بوواره‌ بكرایه‌ ،به‌ شتێكى نائاساى و،جێگه‌ى سه‌ر سورِمان ده‌هاته‌ پێشچاومان .

بۆ یه‌ لێره‌دا ده‌مانه‌وێت شتێك له‌باره‌ى ژیانى لاوه‌وه‌ بڵێین ،له‌ رِووه‌ سروشتى و،ناسروشتییه‌كانه‌وه‌ ،له‌ رِووى زانستى و،كۆمه‌لاَیه‌تییه‌وه‌.بۆ ئه‌وه‌ى گه‌نجى كورد سود مه‌ند بێت لێى و،ئه‌گه‌ر تارِاده‌یه‌كى كه‌میش بێت زانیارى له‌ باره‌ى ژیانى خۆیه‌وه‌ ده‌ست بكه‌وێت ،جابه‌مه‌به‌ستى خۆدوور گرتن بێت له‌هه‌ندێك بارى ترسناك ،یان به‌مه‌ستى زیاتر چێژ وه‌رگرتن له‌ سێكس ،كه‌ رِه‌نگه‌ هه‌له‌ نه‌بێت ئه‌گه‌ر بڵێین پێویستى مرۆڤ بۆ سێكسكردن هیچى پێویستى مرۆڤ بۆ خواردن و،خواردنه‌وه‌ كه‌متر نییه‌ ،وه‌لىَ ناگونجێت به‌ته‌نها رِۆشنبیران و،ووسه‌ران تاوان بار بكه‌ین له‌نه‌بوونى زانیارى له‌سه‌ر لاوێتى و،رِۆشه‌نبیرى سێكسى . چونكه‌ ئێمه‌ى لاویش پشكێكى ئه‌م تاوانبار بوونه‌مان به‌ر ده‌كه‌وێت ،به‌وه‌ى كه‌ زۆر رِۆتینانه‌و ،دوور له‌ بیركردنه‌وه‌ ژیان ده‌گوزه‌رێنین ،كه‌ ئه‌مه‌ش وایلێكردووین هیچ نه‌خوێنینه‌وه‌و،گه‌رِیده‌نه‌بین به‌ شوێن رِۆشه‌نبیرى دا كه‌ پێویستییه‌كى ژیانه‌.

 

29Apr.2005

 

 

 

 

 

 

 به‌شى یه‌كه‌م

زوو باڵقبوونى كچان و...گرفتێكى نوىَ

-1-

ده‌ستپێك

- 2 -

خۆناسینى سروشتى و...ناسروشتى

- 3 -

زیانه‌كانى خۆناسینى زوو

- 4 -

كۆتایی

 

- 1 -

ده‌ستپێك

ده‌ست بردن بۆ بابه‌تێك كه‌شاره‌زایت لێى نه‌بێت ،ده‌بێته‌ گرفت و،رِه‌نگه‌ دووچارى رِه‌خنه‌ى توند و،هه‌ندێك جنێوه‌ رِه‌خنه‌شت بكاته‌وه‌ . چونكه‌ نه‌شاره‌زاى به‌هه‌ڵت دا ده‌بات و،به‌رامه‌به‌ره‌كه‌ت ده‌وروژێنىَ ، هه‌ربۆیه‌ زۆر جار ناوێرم ده‌ست بۆ بابه‌تێك به‌رم ،كه‌ ته‌واو شاره‌زایم لێى نییه‌،وه‌لىَ هه‌ندێك جاریش ناچار ده‌بم قسه‌گه‌لێك له‌باره‌ى هه‌ندێك بابه‌ته‌وه‌ بكه‌م ،كه‌ ده‌بینم بۆته‌ دیارده‌و،له‌رِاستیدا مایه‌ى نیگه‌رانییه‌.چونكه‌ ئه‌نجامه‌كه‌ى باشناكه‌وێته‌وه‌و ،زیانى ده‌بێت ،له‌گه‌ڵ ئه‌وه‌شدا كه‌س باسیان ناكات و،هه‌موو بێده‌نگن لێى .ئه‌گه‌ر چى رِه‌نگه‌ هه‌ندێك جار ئه‌م بێده‌نگییه‌ كاریگه‌رێتى  كه‌لتور بێت به‌سه‌ر شته‌كانه‌وه‌.

له‌بیرم دێت جارێكیان مامۆستاى زینده‌وه‌ر زانیمان باسى جۆره‌كانى په‌رده‌ى كچێنى بۆ ده‌كردین و،دوواى ئه‌وه‌ى به‌تامه‌زرۆییه‌وه‌ گوێمان بۆ گرت ،زۆرێك له‌ هاوه‌ڵه‌كانم ده‌یان وت : تۆ بلێى له‌ رِووى بێت له‌ فێرگه‌ى كچانیش باسى بكات ؟!!هه‌ندێكى دیكه‌ ده‌یان وت : چۆن له‌ رِووى هات ؟!!ئه‌وه‌ بیركردنه‌وه‌ى لاوى ئێمه‌یه‌ ،كه‌زاده‌ى كه‌لتورێكى رِزیوو ،بێتامه‌ ،كه‌ لاوه‌كان له‌سه‌ر شه‌رمنى و،نه‌زانى و،بێده‌نگى په‌روه‌رده‌ ده‌كات بێگوومان ئه‌وه‌نده‌ زیان به‌خشه‌ ،هیچ سودێكى لێشین نابێت.

كاتێك باس له‌به‌دیارده‌ بوونى شتێك ده‌كه‌ین ،مه‌رج نییه‌ ئه‌و كاره‌ خۆویست بێت ،به‌ڵكو هه‌ندێك جار سروشت واده‌كات دیارده‌یه‌ك بكه‌وێته‌وه‌ ،گه‌ر سه‌رنج بده‌ین كورتبوونه‌وه‌ى بالاَى مرۆڤ له‌ وه‌چه‌ دوا به‌دواكاندا به‌دى ده‌كرێت بێئه‌وه‌ى مرۆڤ پێى خۆش بێت ،وه‌لىَ له‌به‌ر ئه‌وه‌ى به‌به‌راورد له‌گه‌ڵ پێشڤه‌چوونى دونیاى زانست و،زانیارى ،دیارده‌یه‌كى زیان به‌حش نییه‌،نابێته‌ مایه‌ى نیگه‌رانى وه‌ك هه‌ندێك دیارده‌ى دیكه‌.ئه‌گه‌رچى ئه‌مه‌ ئه‌وه‌ ناگه‌یه‌نێت كه‌ ده‌سته‌وه‌ستان بین له‌به‌رامبه‌ریدا و،توێژینه‌وه‌ى زانستى و،پزیشكى ئه‌نجامنه‌ده‌ین و،هه‌وڵنه‌ده‌ین بۆ رِێگرتن له‌و دیارده‌یه‌ ،یان هیچ نه‌بێت هه‌وڵى كه‌مكردنه‌وه‌ى زیانه‌كانى نه‌درێت.

- 2 -

خۆناسینى سروشتى و...ناسروشتى

هیچ شتێك له‌ ئه‌زه‌له‌وه‌ به‌گه‌وره‌ى نایه‌ته‌ بوون ،به‌ڵكو ده‌بێت له‌ بچوكترین سه‌ره‌تاوه‌ ده‌ست پێبكات بۆ گه‌وره‌بوون،تا ئاستى ئالۆزێتى ، مرۆڤیش وه‌ك به‌شێك له‌ بوون بێبه‌شنییه‌ له‌م هاوكێشه‌ گشتییه‌ى ژیان و،ده‌بێت سه‌ره‌تا هه‌بێت ،وه‌لىَ نامانه‌وێت بگه‌رِێینه‌وه‌ بۆ ئاده‌م و،حه‌وا .چونكه‌ زیا رِۆییه‌ له‌ قسه‌كردن دا ،وه‌ك چۆن ناشمانه‌وێت باس له‌ هانگاوه‌كانى دروست بوونى تۆ و،هێلكه‌ بكه‌ین ،كه‌ ئه‌مانیش له‌ بچوكترین سه‌ره‌تاوه‌ ده‌ست پێده‌كه‌ن تا كاتى پێگه‌یشتن و،دوواجاریش به‌هۆى كردارى پیتێنه‌وه‌ كۆرپه‌له‌ دروست ده‌كه‌ن ،كه‌ گه‌شه‌ده‌كات و،دوواى زیاتر له‌ نۆ مانگ ،یان رِاستتر بڵێین دواى نۆمانگ و،چه‌ند رِۆژێك ،مناڵێك دێته‌ بوونه‌وه‌و،گه‌وره‌ده‌بێت و،به‌م شێوه‌یه‌ بوونى مرۆڤ به‌رده‌وام ده‌بێت .

هه‌تا دروست بوونى مرۆڤ كرده‌كان زۆر به‌ئاڵۆزیدا تێده‌په‌رِن به‌ پێچه‌وانه‌ى دوواى له‌دایك بوونه‌وه‌ ،كه‌ به‌شێوه‌یه‌كى گشتى ته‌نها گه‌شه‌ رِووده‌دات و،درووست بوونى ئه‌ندامه‌كان ده‌وه‌ستێت و،له‌ زۆر باردا تا ئێستاش ئێمه‌ى مرۆڤ هه‌ست به‌و ئاڵۆزێتییه‌ ناكه‌ین و،نهێنییه‌كانیان نازانین.

ئه‌وه‌ى لێره‌دا ده‌مه‌وێت باسى بكه‌م ،قۆناغى گه‌شه‌ى دواى قۆناغى مناڵیه‌،واته‌ ئه‌و قۆناغه‌ى مرۆڤ یه‌كه‌م هه‌نگاوى كامڵبوونى جه‌سته‌ى لێوه‌ ده‌ست پێده‌كات و،دوواتریش كامڵبوونى عه‌قڵ ،ئه‌م قۆناغه‌ش قۆناغى (باڵقبوون ) یان (خۆناسین)ه‌.

دواى مناڵى مرۆڤ به‌ قۆناغى خۆناسین و،دوواتریش پیریدا رِه‌ت ده‌بێت ،وه‌لىَ ناسكترین و،به‌ بایه‌خترین قۆناغ ،قۆناغى خۆناسینه‌ ،كه‌ ده‌بێت فه‌رامۆش نه‌كرێت و،تائاستى گرنگێتى خۆى بایه‌خى پێبدرێت ،و مووسافیرانى ئه‌م قۆناغه‌ رِۆشه‌نبیر بكرێت ،تا تووشى نیگه‌رانى وترس و،دڵه‌ رِاوكىَ نه‌بن.

رِه‌نگه‌ باسه‌كه‌ له‌نگى تێبكه‌وێت ئه‌گه‌ر به‌ته‌نها باسى خۆناسینى رِه‌گه‌زى مىَ بكه‌ین و،نێرینه‌ فه‌رامۆش بكه‌ین ،وه‌لىَ له‌به‌ر ئه‌وه‌ى مه‌به‌ستى سه‌ره‌كى رِه‌گه‌زى مىَ یه‌ ، بۆ یه‌ زیاتر له‌سه‌ر ئه‌و رِه‌گه‌زه‌ ده‌وه‌ستین .

مرۆڤى نێرینه‌ له‌ 15 ساڵیدا ،یان كه‌مێك پێش ئه‌وه‌ پێده‌گات ، واته‌ : نێره‌ رِژێنه‌كانى زاوزىَ ده‌ست به‌ دروست بوونى تۆو ده‌كه‌ن ،كه‌ زۆر جار به‌هۆى شه‌یتانى بوونه‌وه‌ هه‌ستى پێده‌كرێت و ،به‌زۆرى تاته‌مه‌نى 17 ساڵى ،یان كه‌مێك دوواى ئه‌وه‌ رِووده‌دات،جگه‌ له‌هه‌ندێك سیفاتى رِووخسارى وه‌ك ( رِیش و سمێڵ)،به‌لاَم مێینه‌ زووتر پێده‌گات و،به‌گشتى له‌ نێوان ( 12 - 14 )ساڵی ته‌مه‌ندا ده‌بێت ،واته‌ له‌و ماوه‌یه‌دا هێلكه‌ دان ده‌ست به‌به‌رهه‌م هێنانى هێلكه‌ ده‌كات و،هه‌ندێك گۆرِانى به‌ر چاویش رِووده‌دات وه‌ك ( دروست بوون و،گه‌شه‌ كردنى مه‌مك و،فراوان بوون و،خرِبوونى سمت و،رِوودانى سورِى مانگانه‌ كه‌ ( 4 - 5 ) رِۆژ ده‌خایه‌نێت و،هه‌ر ( 28 ) رِۆژ جارێك دوو باره‌ ده‌بێته‌وه‌ ) . ئه‌مه‌ جگه‌ له‌ و سیفه‌ته‌ رِوو خسارییه‌ گشتییه‌ى كه‌ ئاینى پیرۆزى ئیسلام بۆ هه‌ر دوو رِه‌گه‌زى ده‌ست نیشان كردووه‌ ،ئه‌و یش زبر بوون یان رِه‌قبوونى مووى ده‌ورى هه‌ر دوو ئه‌ندامى ده‌ره‌كى زاوزێیه‌ له‌ نێرو ،مێدا ،وله‌م كاته‌دا ئاین فه‌رمانمان پێده‌كات چاودێرییان بكه‌ین و،ئگاداریان بین ،به‌ جۆرێك كه‌ ته‌نانه‌ت ده‌بێت خوشك و،براكانیش له‌ یه‌كتر جیابكه‌ینه‌وه‌ ،نه‌ بادا توشى لادان (ئینحراف) ببن.

هه‌نوكه‌ ئه‌م رِێساگشتییه‌ى خۆناسین ،به‌تایبه‌ت له‌ رِه‌گه‌زى مىَ دا ،له‌نگى تێكه‌وتووه‌ و،تارِاده‌یه‌ك كارى پێناكرێت به‌هۆى گۆرِانى سروشتى و،پێشكه‌وتنى ته‌كنه‌لۆژیاوه‌.ئه‌گه‌رچى خۆناسین به‌زۆرى هه‌ر له‌و سالاَنه‌دا ( 12 - 14 )ده‌بێت ،ئه‌مه‌ جگه‌ له‌هه‌ندێك حاڵه‌تى شازى وه‌ك (ئیمیلى )كه‌ رِووداوێكى ده‌گمه‌ن و،شازبوو،پزیشكه‌كانى سه‌رسامكرد،كچێكى ( 8) مانگانه‌ مه‌مكى كردووه‌،وه‌لىَ پزیشكه‌كان هێشتا له‌ نهێنى ئه‌م رِووداوه‌ نه‌گه‌یشتبوون كه‌ (ئیمیلى ) سورِى كه‌وتنه‌ سه‌ر خوێنیشى تیابینرا ،هه‌ربۆیه‌ پزیشكه‌كان هه‌موو هه‌وڵ و،ماندووبوونى خۆیان خسته‌كار تا ئه‌و كاته‌ى تووانییان چاره‌سه‌رى بكه‌ن و،چالاكى له‌ رِاده‌به‌ده‌رى مێشكى كه‌مبكه‌نه‌وه‌ بۆ بارێكى ئاسایی، وه‌لىَ به‌رامبه‌ر به‌ دیارده‌ى خۆناسینى زوو ،كه‌ پزیشكه‌كانى تایبه‌ت به‌ رِژێنه‌كان لایان وایه‌ دیارده‌ى گه‌شه‌ سه‌ندنى سێكسى و،خۆ ناسینى زوو له‌ زیادبووندایه‌ ،ده‌سته‌وه‌ستانن،جگه‌ له‌ دیارى كردنى هه‌ندێك رِێژه‌و،هۆكارى سه‌ره‌تاى ، وه‌لىَ بێچاره‌.به‌نموونه‌ ده‌ڵێن : نیشانه‌كانى خۆناسینى كچان زووتر سه‌ر هه‌ڵده‌دات ،ئه‌ویش به‌م شێوه‌یه‌: له‌ته‌مه‌نى هه‌شت (8) ساڵیدا 50%كچه‌ رِه‌ش پێسته‌كان و،

7%ى سپى پێسته‌كان مه‌مكیان ده‌ست به‌گه‌شه‌ ده‌كات و،دوواى ساڵێك ئه‌م رِێژه‌یه‌ ده‌بێته‌ 77% و 33% ،كه‌چى پێشتى تاته‌مه‌نى 10 ساڵى ئه‌م گۆرِانكارییه‌ له‌ قه‌باره‌ى مه‌مكدا دیارنه‌بوو.

هه‌ربۆیه‌ له‌ باره‌ى ئه‌م دیارده‌یه‌وه‌ ده‌ڵێن : ( قه‌ڵه‌وى یه‌كێكه‌ له‌ هۆكاره‌كانى ئه‌م دیارده‌یه‌ .چونكه‌ رِێژه‌ى مناڵه‌ قه‌ڵه‌وه‌كان له‌ بیست (20 ) ساڵى رِابوردوودا رِووى له‌ زیادبوون كردووه‌و،چه‌ورىیش هۆرِمۆنه‌ سێكسییه‌كان ده‌وروژێنێت ،و هه‌رچه‌ند كێشى مرۆڤ زیادبێت تواناى له‌ش له‌ گۆرِینى هۆرِمۆنه‌كان بۆ هۆرِمۆنى ئیسترۆجینى مێینه‌ زیاد ده‌كات و،مناڵه‌ قه‌ڵه‌وه‌كان رِێژه‌ى كۆلیسترِۆڵى نێوخوێنیان به‌رزه‌ ،كه‌ ئه‌مه‌ش كارده‌كاته‌ سه‌ر گه‌شه‌.

به‌م پێیه‌بێت ده‌بێت ئه‌م دیارده‌یه‌ زیاتر له‌ ولاَتانى ( ئه‌مریكا ، ئه‌ڵمانیاو فه‌رِه‌نسا ) ده‌ربكه‌ون .چونكه‌ 17% ى ئه‌و منالاَنه‌ى كه‌ قه‌ڵه‌ون و، 21% ى ئه‌و منالاَنه‌ى كه‌ قه‌ڵه‌ون له‌ ئه‌ڵمانیان و، 13% -شیان له‌ فه‌رِه‌نسا ،وه‌لىَ ئه‌م دیارده‌یه‌ زۆر ولاَتى گرتۆته‌وه‌ ،ته‌نانه‌ت هه‌ندێك ولاَتى رِۆژهه‌لاَتى ناوه‌رِاست ،تارِاده‌یه‌ك به‌ كوردستانى خۆشمانه‌وه‌ .

هه‌روه‌ها چه‌ند زانایه‌كى ترلایان وایه‌ : (ژینگه‌ و،كاریگه‌رییه‌كانى) هۆیه‌كى سه‌ره‌كین بۆ زوو باڵقبوونى كچان .چونكه‌ له‌ توێژینه‌وه‌یه‌كدا ده‌ركه‌وتووه‌ كه‌ ماده‌ كیمیاوییه‌كانى كه‌ره‌سته‌كانى جوانكارى هۆیه‌كى سه‌ره‌كین بۆ گه‌وره‌بوون و،گه‌شه‌كردنى زووى مه‌مكى كچان.

- 3 -

زیانه‌كانى خۆناسینى زوو

له‌به‌رئه‌وه‌ى دروست بوونى دیارده‌كان ،په‌یوه‌ندى به‌ ژینگه‌و ،بارى كۆمه‌ڵگه‌وه‌ هه‌یه‌ ،كه‌واته‌ ده‌بێت به‌گوێره‌ى ئه‌و چینگه‌و ،كۆمه‌ڵگه‌یه‌ش كاریگه‌رییه‌كانى دیارى بكرێت.

كاتێك قازییه‌كى ئه‌وروپى ده‌ڵێت : ( منالاَنى ئه‌مریكى له‌كاتى ئاسایدا ده‌چنه‌ قۆناغى هه‌رزه‌كارى و،زووتر له‌كاتى ئاساى هه‌ستى سێكسییان گه‌شه‌ ده‌كات) ماناىوانییه‌ كه‌ ئه‌م بۆچونه‌ته‌نها بۆ كۆمه‌ڵگه‌ى ئه‌مریكى بێت،وه‌لىَ زیانه‌كانى بۆ كۆمه‌ڵگه‌ى ئه‌مریكى جیاوازه‌ له‌ له‌هه‌ر كۆمه‌ڵگه‌یه‌كى دى ،هه‌روه‌ها له‌ رِاقۆرتێكى (شارى بالتى مۆر) دا هاتووه‌ ،كه‌ په‌یوه‌ندى كورِان وكچانى ( 7 - 8 )سالاَن بووه‌ به‌شتێكى ئاسایی ،كه‌چى ئه‌مه‌لاى ئێمه‌ زۆر ده‌گمه‌نه‌ ، یان ده‌توانین بڵێین هه‌ر نییه‌،كه‌ ده‌شێت ئه‌م قسه‌یه‌ هه‌ڵه‌بێت .

وه‌ك وتمان دیارده‌ى خۆناسینى زوو هۆكارێكى دیارو ته‌واوى نییه‌ ،كه‌واته‌ له‌وانه‌ یه‌ هه‌ندێكجار به‌هۆى (كیس 9 و،(وه‌ره‌م)-ه‌وه‌ بێت ،هه‌ربۆیه‌ پێویسته‌ له‌كاتى به‌دیكردنى ئه‌م دیارده‌یه‌ ،ئه‌و كچه‌ پیشانى دكتۆرى پسپۆرِبدرێت ،بۆ ئه‌وه‌ى دڵنیاببن له‌ سروشتى بوونى گه‌شه‌كه‌ى .چونكه‌ له‌وانه‌یه‌ گه‌شه‌ى گشتى له‌شى دووابخات ،ئه‌مه‌ جگه‌ له‌وه‌ى هه‌ندێك له‌و كچانه‌ توشى گرفتى ده‌روونى ده‌بن ،كاتێك هه‌ستده‌كه‌ت ته‌مه‌نى ئه‌وه‌یاننییه‌ مه‌مك بكه‌ن و،هێشتاله‌ساڵه‌كانى سه‌ره‌تاى قۆناغى سه‌ره‌تاى  خوێندندان ،هه‌ربۆیه‌ هه‌ندێك جارشه‌رم له‌ گه‌وره‌كان ده‌كه‌ن.

- 4 -

كۆتایی

( جۆرج بووش) له‌ كتێبى (شۆرِشى سێكسى ) دا ،ده‌ڵێت : (چه‌ندین ته‌نه‌ بۆمباى سێكسى رِۆژانه‌ ده‌ته‌قنه‌وه‌و،ده‌بنه‌ هۆى درووست بوونى دڵه‌رِاوكىَ و،ته‌نها مناڵه‌كانمان ناكاته‌ درِنده‌ ،به‌ڵكو خێزانه‌كانیان ونكۆمه‌ڵه‌كانیشیان ده‌شێوێنێت ! )

زۆرجار كه‌باس له‌مه‌سه‌له‌یه‌ك ده‌كه‌م په‌یوه‌ندى به‌ سێكسه‌وه‌ هه‌بێت ئه‌م قسه‌یه‌ى جۆرجم بیرده‌كه‌وێته‌وه‌ ،ده‌ترسم له‌ورِۆژه‌ى كۆمه‌ڵگه‌ى كوردیش به‌و ئاقاره‌دا برِوات و،ئیدى ده‌ستمان له‌بنى هه‌مبانه‌كه‌ ده‌ربچێت .

كاتێك لاو له‌نێو ئاره‌زوو بازیدا رِۆده‌چێت گرفتى گه‌روره‌ سه‌ر هه‌ڵده‌دات .هربۆیه‌ جۆن كه‌نه‌دى له‌مباره‌یه‌وه‌ ده‌ڵێت : (ئاینده‌ى ئه‌مریكا له‌مه‌ترسى دایه‌ .چونكه‌لاوان رِۆچوون له‌ئاره‌زووبازیدا و،تیایدا تواونه‌ته‌وه‌ ،ناتوانن ئه‌ركه‌كانیان جێبه‌جێبكه‌ن ،له‌ حه‌وت كه‌سیان شه‌شى به‌كه‌ڵكى سه‌ربازى نایه‌ت ،به‌هۆى ئاره‌زز بازییه‌وه‌ به‌رِاده‌یه‌ك لیاقه‌ى ته‌ندرووستى و،ده‌روونیان تێكچووه‌)

هه‌نووكه‌لاوى كورد خه‌ریكه‌ به‌ره‌و رِۆچوون له‌نێوو ئاره‌زووه‌كانیدا هه‌نگاو هه‌ڵده‌گرێت ،كه‌ئه‌مه‌ش مایه‌ى نیگه‌رانییه‌و ،مه‌ترسى گه‌وره‌ى به‌دوواوه‌یه‌.چونكه‌ دوورله‌ به‌رنامه‌ رِێژى ئه‌م كاره‌ ده‌كرێت و،ته‌نهاو ته‌نها له‌هه‌وڵى تێركردنى سێكسیدان به‌ شێوه‌یه‌كى ناشه‌رعى و،به‌تایبه‌ت له‌ رِێگه‌ى كرِینى جسته‌ى له‌ شفرۆشه‌كانه‌وه‌ ،به‌تایبه‌تتریش له‌شفرۆشه‌بێگانه‌كان .چونكه‌ ئه‌مان ئاماده‌ن له‌ پێناو برِێك پاره‌ى كه‌مدا سێكست له‌گه‌ڵ بكه‌ن ،كه‌ ئه‌گه‌ر ژماره‌یه‌كى زۆر زۆر كه‌مى ئه‌م له‌شفرۆشانه‌ هه‌ڵگرى ڤایرۆسى ئایدز بن ،ئه‌وا له‌ ده‌ ( 10 ) ساڵى ئاینده‌دا كۆمه‌ڵگه‌ى كوردى ده‌كه‌نه‌ یه‌كێك له‌ كۆمه‌ڵگه‌ ناسراوه‌كانى دوونیا،كه‌ هه‌ڵگرى ئایدزن.چونكه‌ ئه‌م له‌شفرۆشانه‌ بێهیچ پشكنینێك دێنه‌ كوردستان و،رِێگریشیان لێناكرێت له‌ ئه‌نجامدانى ئه‌م كاره‌و،نێرینه‌ى كوردى تینوو بۆ سێكس بێهیچ بیركردنه‌وه‌یه‌ك ده‌كه‌ونه‌ ئه‌م هه‌ڵه‌یه‌وه‌ ،وه‌لىَ هه‌ندێك له‌و لاوانه‌ به‌كارهێنانى كۆندۆم زیاتر به‌هه‌ڵه‌یاندا ده‌بات .چونكه‌ كۆندۆم به‌ شێوه‌یه‌كى گشتى ته‌نها رِێگرى له‌ سكپرِى ده‌كات ، ئه‌میش ئه‌گه‌ر به‌ شێوه‌یه‌كى دروست به‌كاربهێنرێت ،جگه‌ له‌هه‌ندێك كۆندۆمى تایبه‌تى ،ئه‌گه‌رچى ئه‌مه‌به‌ماناى ئه‌وه‌نییه‌ كه‌ كۆندۆمى ئاسایی  سودى نییه‌ بۆ خئپارێزى ،رِه‌نگه‌ تاهه‌نووكه‌ ئێیدز له‌ كوردستان نه‌بێت،یان هه‌بێت و،دركى پێنه‌كرێت .چونكه‌ دوواى ( 3 - 5 ) ساڵ نیشانه‌كانى دیارى ده‌دات ، وه‌لىَ هه‌ندێك نه‌خۆشى وه‌ك فه‌ره‌نگى و،سوزه‌نه‌ك تارِاده‌یه‌ك زۆرن و،مێژوویه‌كى تازه‌یان نییه‌ و،چاره‌سه‌ریان هه‌یه‌، ئه‌مه‌ جگه‌ له‌ كیلامیدیا كه‌مه‌ترسى بلاَوبوونه‌وه‌ى هه‌یه‌.

له‌مانه‌ش ترسناكتر به‌كارهێنانى ده‌رمانه‌ پزیشكییه‌كانه‌ بۆ مه‌به‌ستى وروژاندنى سێكسى و،یارمه‌تیدانیان له‌ كرداره‌ سێكسییه‌كاندا ،به‌نموونه‌ حه‌به‌كانى وه‌ك : ( muse,cylase,levetra,Viagra ,vasomex) له‌گه‌ڵ په‌مپى سێكسى ،بێئه‌وه‌ى پرس به‌ پزیشك بكه‌ن ،كه‌ به‌دڵنیاییه‌وه‌ پزیشك بۆیان نانووسێت .چونكه‌ ته‌مه‌نیان بچوكه‌ و،به‌ شێوه‌یه‌كى گشتى پێویستیان پێى نییه‌ .

له‌كۆتایدا ماوه‌ته‌وه‌ ئاماژه‌ به‌و ده‌نگۆیه‌ بده‌م ،كه‌ جۆره‌ مه‌رهه‌مێك به‌رهه‌مهاتووه‌ و،هه‌نووكه‌ له‌ كوردستانى خۆشماندا هه‌یه‌ ،كه‌ كچان به‌كارى ده‌هێنن و،ده‌یده‌ن له‌سنگ و،مه‌مكیان و،سمتیان و،گووایه‌ یارمه‌تى گه‌وره‌بوونى ده‌دات،وه‌لىَ به‌هۆى نه‌بوونى ده‌رفه‌ته‌وه‌ نه‌متووانى ئه‌م ده‌نگۆیه‌ لاى پزیشكى پسپۆرِ باسبكه‌م ،تاله‌ رِاستى و،نارِاستێتى بگه‌ین ،و ئاشكراببێت ،هه‌ربۆیه‌ ئه‌گه‌ر وانه‌بوو داواى لێبووردن ده‌كه‌م له‌ خوێنه‌ران و،زانستخوازان .چونكه‌ هیچ سه‌رچاوه‌یه‌كى زانسنتیم به‌رچاونه‌كه‌وت ،جگه‌ له‌ قسه‌ى هه‌ندێك كه‌س.

له‌م شوێنانه‌دا بلاَوكراوه‌ته‌وه‌:

1-    رِۆژنامه‌ى (ئه‌مرِۆ ) ، ژ (34) ، ساڵى : 7ى تشرینى دووه‌مى 2003.

2-    ماڵپه‌رِه‌كانى ئینته‌رنێت ( كوردستان نێت - .................)

3-    رِۆژنامه‌ى ئالاَى ئازادى .

     4-رِۆژنامه‌ى (ئاسۆ)-پاشكۆى ئاسۆى گه‌نج

   

سه‌رنج:

هه‌رچه‌نده‌ لێره‌دا باسى خۆناسین كراوه‌ له‌به‌ر پێویستى بابه‌ته‌كه‌ ،وه‌لىَ له‌به‌شێكى دیكه‌دا وردتر و ،چرِتر باسى ده‌كه‌ین.

 

 

 

 

 

 

 

به‌شى دووه‌م

ئه‌نه‌ڵ سێكس و ...سێكسى هاورِه‌گه‌ز

- 1 -

سه‌ره‌تا

- 2 -

ئه‌نه‌ڵ سێكس

- 3 -

سێكسى هاورِه‌گه‌ز

- 4 -

نه‌خۆشییه‌ سێكسییه‌كان

- 5 -

كۆتایی

 

 

- 1 -

سه‌ره‌تا

تا هه‌نووكه‌ سێكس وه‌ك پرۆسه‌یه‌كى زایه‌ندى بۆ به‌رده‌وامبوونى ژیان و،درێژه‌پێدانى مرۆچایه‌تى ده‌بینین و،خزاندوومانه‌ته‌ نێو چواردیوارى تابۆوه‌و ،كورتمانكردۆته‌وه‌ بۆ پنتێكى دیارى كراو ،كه‌ زاوزێ یه‌ و،به‌ده‌ر له‌وه‌ به‌حه‌رام و،لادان ناوى ده‌به‌ین و،نزیك بوونه‌وه‌ له‌ كایه‌ رِۆشنبیرییه‌ سێكسییه‌كان به‌نادروست و،حه‌رام ده‌زانین ،ئه‌گه‌رچى بواره‌كان زانستیش بن.

سێكس به‌ دوو ئه‌ندامى موادیفى یه‌كتر ده‌بینین ،كه‌ ئه‌ندامى زاوزێى نێر (زه‌كه‌ر ) و مێ (زىَ ) یه‌،وه‌لىَ نابێت ئه‌وه‌شمان له‌یادبچێت كه‌هه‌ر زیاده‌رِه‌وییه‌ك مه‌ترسیداره‌و،ده‌بێت ده‌رئه‌نجامه‌كانى بخرێته‌ رِوو .چونكه‌ به‌زانینى كاریگه‌رى خراپى دیارده‌كان كه‌مده‌بنه‌وه‌،ئه‌گه‌ر بنه‌برِیش نه‌كرێن ، وه‌لىَ نه‌گونجاوه‌ لامان وابێت سێكس بوارێكه‌ بۆ پیشاندانى تواناى مرۆڤ له‌به‌رده‌م حاڵته‌ده‌رونییه‌كاندا و،چه‌ند سێكس بێنرخ و،قێزه‌ون ببینین ئه‌وه‌نده‌ رِه‌وشتمان به‌رزتره‌.

تاهه‌نووكه‌ واده‌زانین هه‌وڵدان بۆ بلاَوكردنه‌وه‌ى رِۆشنبیرى سێكسى ،هه‌وڵدانه‌ بۆ بلاَوكردنه‌وه‌ى به‌د رِه‌وشتى و،هاندانى لاوانه‌ بۆ لادان و،كرده‌ى دژه‌ داب و،نه‌ریت ،هه‌وڵدانه‌ بۆ بونیاتنانى كۆمه‌ڵگه‌یه‌كى شه‌هوانى ،كه‌ ئه‌مه‌ش پێچه‌وانه‌ى رِاستییه‌ و،له‌ ولاَتێكى وه‌كو ئێران ،یان میسرِدا ،له‌ قۆناغى سه‌ره‌تاییه‌وه‌ خوێندنى زانیارى سێكسى هه‌یه‌ ،هه‌تاوه‌كو مناڵه‌كان ئاینده‌ى ژیانى خۆیان بناسن و،له‌ هه‌ڵه‌كانى نێو كۆمه‌ڵگه‌ دوور بكه‌ونه‌وه‌ و ،له‌گه‌ڵ ئه‌وه‌شدا له‌ چه‌پاندنى سێكسى به‌تایبه‌ت لایه‌نى ده‌روونى دووریان ده‌خه‌نه‌وه‌.

- 2 -

ئه‌نه‌ڵ سێكس

مه‌به‌ست له‌زاراوه‌ى ئینگلیزى Anal Sex )) ئه‌نجامدانى كارى سێكسییه‌ به‌ دووا (كۆم)  له‌رِووى كرده‌ییه‌وه‌ ،وه‌لىَ ماناى ئه‌م زاراوه‌یه‌ له‌ زمانى كوردیدا (سێكسى كۆم)-ه‌،كه‌ ئه‌گه‌ر له‌مانا كوردییه‌كه‌یه‌وه‌ لێى برِوانین به‌هه‌ڵه‌دا ده‌چین .چونكه‌ نێربازیش سێكسى كۆمه‌،كه‌چى له‌زمانى ئینگلیزیدا (Sex gay)بۆ دانراوه‌ ،وه‌ك له‌سێكسى هاورِه‌گه‌زدا باسى ده‌كه‌ین و،لێره‌دا مه‌به‌ستمان ئه‌نجامدانى كردارى جووتبوونه‌ بۆ به‌تاڵكردنه‌وه‌ى هه‌ستى سێكسى و،ئه‌نجامدانى كارى سێكسى له‌رِێگه‌ى كۆمه‌وه‌ له‌گه‌ڵ مێینه‌دا.

به‌مانایه‌كى دیكه‌ (كۆم ) له‌جێگه‌ى زىَ (قوز)به‌كارده‌هێنرێت بۆ ئه‌نجامدانى سێكس ،ئه‌گه‌رچى هه‌ندێك له‌ شاره‌زایانى سێكس لایان وایه‌ سێكس كردن ته‌نها له‌رِێگه‌ى زێوه‌ ده‌بێت و،به‌مه‌ش ته‌نها ئه‌م كرده‌یه‌ به‌سێكس ده‌زانن و،سێكسى كۆم رِه‌د ده‌كه‌نه‌و ،به‌سێكسى نابینن ،وه‌لىَ هیچ ده‌رئه‌نجامێكى خراپى ئه‌وتۆش دیارى ناكه‌ن هه‌تاوه‌كو ئه‌م كرداره‌ ئه‌نجامنه‌درێت و،ببێته‌ رِێگر له‌ ئه‌نجامدانى ،ئه‌مه‌ جگه‌ له‌هه‌ندێك ئایه‌تى قورئانى پیرۆز و،فه‌رمووده‌ى پێغه‌مبه‌رمان محمد (د.خ) كه‌ هیچ له‌مباره‌یه‌وه‌و،له‌ بوارى دینییه‌وه‌ ناڵێم .چونكه‌ ئه‌وه‌ كارى من نییه‌ ئه‌وه‌نده‌ى كارى فه‌قیهه‌كانى دینه‌ .

بێگوومان خه‌ڵكانێك هه‌ن بۆ چوونیان پێچه‌وانه‌یه‌،به‌تایبه‌ت ده‌رهێنه‌رانى فلیمه‌ سێكسییه‌كان و ،لاوانى رِۆژئاوا ،كه‌ سێكسى كۆم به‌فه‌نتازیاى سێكس ناوده‌به‌ن و،لایان وایه‌ به‌هیچ شێوه‌یه‌ك نابێته‌لادان و،به‌شێك ده‌بێت له‌خۆشى و،له‌زه‌ت وه‌رگرتن له‌ كردارى سێكس به‌تێكرِاى ،نه‌ك سێكسى ته‌واو بێت و،به‌ته‌نیا ئه‌نجامبدرێت ،وه‌لىَ كاتێك ئه‌م دیارده‌یه‌ له‌ كۆمه‌ڵگه‌ى كوردیدا باسده‌كرێت به‌ شتێكى قێزه‌ون و،خراپ ناوزه‌د ده‌كرێت ،ئه‌گه‌رچى له‌ رِاستیدا بوونى هه‌یه‌و ،ده‌گه‌رِێته‌وه‌ بۆ هۆكارێكى سه‌ره‌كى كه‌ دابه‌زینى ناوه‌ندى ژن هێنانه‌ ،كه‌ سروشتى ترین و،باشترین رِێگه‌ى خۆتێركردنى مرۆڤه‌كانه‌ ،كه‌به‌مه‌ش رِۆژ به‌رِۆژ ناوه‌ندى سێكسى كۆم رِووله‌ زیادبوون ده‌كات و،رِێژه‌كه‌ى به‌رزده‌بێته‌وه‌ .چونكه‌ به‌م كاره‌ (سێكسى دوواوه‌) هه‌ردوو رِه‌گه‌ز له‌ رِووى سێكسى ده‌روونى خۆیان تێرده‌كه‌ن و،جووتبوون ئه‌نجامده‌ده‌ن بێئه‌وه‌ى هیچ گرفتێك بۆ كچه‌ دروست ببێت ، دیاره‌ مه‌به‌ستمان له‌گرفت مانه‌وه‌ى كچه‌یه‌ به‌ كچێنى و،به‌مه‌ش هیچ گۆرِانێك له‌ زىَ و،په‌رده‌ى كچێنیدا رِوونادات ، كه‌به‌خاڵى سه‌ره‌كى رِوو سورى ده‌ژمێردرێت و،ده‌بێت له‌ شه‌وى بووكێنى دا په‌رده‌ى كچێنى بدرِێت و،ببێته‌ ژن و،دڵۆپه‌ خوێنه‌كانى داوێن پاكى ببینرێن  و،ئیدى سێكسى كۆم (Anal Sex) ،یان سێكسى ده‌م (mouth Sex ) یان سێكسى مه‌مك (Breast Sex) و....،ئه‌نجامداوه‌ یان نا ،هیچ پێوه‌ى دیارنییه‌ و، یان : رِاستتره‌ بڵێین به‌ته‌واوى و،به‌زۆرى پێوه‌ى دیارنییه‌ ،به‌جۆرێك كه‌ زۆر به‌ئاسانى هه‌ستى پێبكرێت . وه‌لىَ ئه‌مه‌ به‌ماناى ئه‌وه‌نییه‌ كه‌ مرۆڤى ئه‌نجامده‌رى ئه‌و جۆره‌ سێكسانه‌ تووشى ئالووده‌ بوون ،یان لادان نابن دوواى هاووسه‌ر گیرى ،یان به‌رده‌وامبوون له‌سه‌ر كاره‌كه‌یان ،كه‌ئه‌مه‌ش رِێژه‌ییه‌ و،سه‌د له‌ سه‌د نییه‌.

ئه‌گه‌ر بگه‌رِێینه‌وه‌ بۆ بۆ چوونى هه‌ندێك له‌ پسپۆرِانى بووارى سێكس ده‌بینین پێ له‌سه‌ر ئه‌وه‌ داده‌گرن ،كه‌ له‌ نێوان دوو هاوسه‌ردا هیچ كردارێك لادانى سێكسى نییه‌ له‌ جیهانى گه‌وره‌و ،فراوانى سێكس دا ،كه‌واته‌ ئه‌نه‌ڵ سێكس به‌ گوێره‌ى ئه‌م قسه‌یه‌ به‌لادانى سێكسى ناژمێردرێت .

ئه‌گه‌چى رِه‌نگه‌ پێناسه‌ى لادانى سێكسى كه‌مێك له‌نگى بخاته‌ بۆ چوونى به‌لادان نه‌زانینى ئه‌نه‌ڵ سێكسه‌وه‌ .چونكه‌ به‌ گوێره‌ى ئه‌م پێناسه‌یه‌ لادانى سێكسى هه‌موو ئه‌و كردارانه‌ ده‌گرێته‌وه‌ ،كه‌ ده‌بنه‌ جێگره‌وه‌ى كردارى جووتبوون و،بۆ چێژ وه‌رگرتنى كاتى ئه‌نجامده‌درێت و،سێكسى بنچینه‌ى كه‌ له‌ رِێگه‌ى جووتبوونى زىَ -وه‌ ئه‌نجامده‌درێت وه‌لا ده‌نرێت و،ئه‌نجامده‌رانى ئه‌م جۆره‌ كارانه‌ به‌ جۆرێك ئالووده‌ ده‌بن پێى له‌كاتى هاوسه‌رگرتندا ناتوانن چێژى ته‌واو له‌ سێكسى بنچینه‌ى ببینن و،به‌مه‌ش ناچارده‌بن په‌یوه‌ندى سێكسى كۆم به‌شێوه‌ى لابه‌لا و،دوورله‌ ژیانى هاوسه‌رى درێژه‌ پێبده‌ن ،دیاره‌ ئه‌م قسه‌یه‌ رِێژه‌ییه‌ و،مه‌رج نییه‌ له‌ هه‌موو ئالووده‌ بوویه‌كى  سێكسى كۆمدا به‌و شێوه‌یه‌ بێت .چونكه‌ مرۆڤ به‌وه‌ ناسراوه‌ كه‌له‌گه‌ڵ ئه‌وه‌ى تووشى هه‌ڵه‌و لادان ده‌بێت ،ده‌شتوانێت به‌سه‌ر هه‌موو هه‌ڵه‌و ،لادانه‌كاندا زاڵ ببێت ،ئه‌گه‌ر خۆى خوازیارى ببێت .

-     3 -

سێكسى هاو رِه‌گه‌ز

لێره‌دا باسى دوو جۆر سێكس ده‌كه‌ین ،كه‌ ئه‌وانیش سێكسى مێیه‌ له‌گه‌ڵ مێیه‌كى تردا ،وه‌ سێكسى نێر له‌ گه‌ڵ نێر (نێربازى - Sex Gay)و،بێهیچ گوومان و،دوو دڵییه‌ك ئه‌م دوو جۆره‌ى سێكیكردن به‌لادان ناوده‌برێت .چونكه‌ ئه‌م دوو جۆره‌ جێگره‌وه‌ى سێكسى بنچینه‌ى ده‌بێت و،سێكسى نێر و،مىَ و ،جووتبوون ى ته‌واو له‌ رِێگه‌ى زىَ - وه‌ فه‌رامۆش ده‌كرێت و،ئه‌نجامده‌رانى ئه‌م كاره‌ مه‌ترسى ئه‌وه‌ى لێده‌كرێت نه‌توانن چێژى ته‌واو له‌ سێكس كردن ببینن له‌ كاتى ژیانى هاوسه‌رێتیدا و،له‌سه‌ر هه‌مانلادان به‌رده‌وامبن و،بۆ خۆتێركردن په‌ناده‌به‌نه‌ به‌ر سێكسى لابه‌لاو،به‌دزى مێرده‌وه‌ ئه‌م كاره‌ ئه‌نجامده‌ده‌ن (رِێژه‌ییه‌).ئه‌مه‌ جگه‌ له‌وه‌ى مه‌ترسى ساردى سێكسى رِاسته‌قینه‌یان لێده‌كرێت True Frigidity.چونكه‌ ئافره‌ت ده‌توانێت چێژى سێكسى ته‌واو و،زۆر له‌ سێكسى هاو رِه‌گه‌ز ببینێت و،دوورنییه‌ به‌هۆیه‌وه‌ بگاته‌ ئۆرگازم ،به‌لاَم رِه‌نگه‌ نه‌توانێت په‌یوه‌ندى ته‌واو له‌گه‌ڵ نێردا ببه‌ستىَِێژه‌ییه‌) و،بچێته‌ ژیانى هاوسه‌رێتییه‌وه‌ بی هیچ گرفتێك و،هه‌وڵدان بۆ خۆتێركردن به‌ رِێگه‌ى پێش هاوسه‌ر گرتنى ،ئه‌گه‌رچى نه‌گوونجاوه‌ له‌هه‌موو ساردییه‌كى سێكسى دا گوومانى سێكسى هاورِه‌گه‌زى به‌رله‌ شوو كردنى لێبكرێت .چونكه‌ خه‌مۆكى و،نه‌زۆكى و،شه‌رم و،خه‌ته‌نكردن و زۆر هۆكارى دیكه‌ش ده‌بنه‌ مایه‌ى ساردى سێكسى .

ئه‌م جۆره‌ لادانى نێوان مێینه‌كان به‌زۆرى به‌هۆى خشاندنه‌وه‌ ده‌بێت ،جاخشاندنى زىَ - ى هه‌ردوو مێینه‌كه‌ بێت له‌یه‌كترى ، به‌سود وه‌رگرتن له‌ فیلمه‌ سێكسییه‌كان ،كه‌ هه‌نووكه‌ له‌ كوردستاندا زۆر بلاَوه‌ ، كه‌ به‌هۆى سه‌ته‌لایت و،سیدى و،ئینته‌رنێت و،مۆبلیله‌وه‌ به‌رده‌ستیان ده‌كه‌وێت و، شێوازى سێكسكردنه‌كه‌ى لێوه‌ فێرده‌بن ، دیاره‌ له‌مباره‌دا ته‌نها به‌ لێخشاندنه‌وه‌ ناوه‌ستێت و،ده‌ستگه‌مه‌ى ته‌واوه‌تى قیتكه‌و ،كۆم و،مه‌مكه‌كان رِووده‌دات ،ئه‌مه‌ جگه‌ له‌ماچ و،ده‌مخستنه‌ ناو ده‌م و،بۆ یه‌كتر مژین ،كه‌ له‌مكاته‌دا ته‌واو ده‌وروژێن و،رِه‌نگه‌ بیر له‌ ده‌ستدرێژى كردنه‌ سه‌ر كورِى مناڵى ته‌مه‌ن (6 - 10 ) ساڵ بكه‌نه‌وه‌ ،یان داوا له‌ كورِى هاوته‌مه‌نى خۆیان بكه‌ن تاله‌گه‌ڵیان رِاببوێرن و،كه‌ف و،كوڵیان دابمركێننه‌وه‌ ،دیار ئه‌مه‌ ئه‌گه‌ر توانییان و،كه‌وته‌ به‌رده‌ستیان  به‌ ئاسنترین شێوه‌ ، وه‌لىَ ئه‌گه‌ر نه‌یانتوانى ئه‌م كاره‌ بكه‌ن په‌ناده‌به‌نه‌ به‌ر ده‌ست و،په‌نجه‌ى خۆیان ،یان ئامێرى ناوماڵ ، یان هه‌ندێك میوه‌و شتى تر ،كه‌ رِه‌نگه‌ دووچارى گرفتیان بكات وه‌ك رِووشان و برینداربوونى لچه‌كان كه‌زۆر ناسكن ،یان برینداربوونى  كۆم كه‌ئه‌میش ناسكه‌ ،كه‌ به‌هۆى نه‌بوونى ئامێرى ده‌ستكرده‌وه‌ ئه‌م كاره‌ رِووده‌دات ،به‌ پێچه‌وانه‌ى ئه‌وروپا و ،خۆرئاواوه‌ كه‌ زه‌كه‌رى ده‌ستكرد و،پێداویستى تر ئاماده‌یه‌و ،دروستكراوه‌و ،ده‌فرۆشرێت بۆ ئه‌وانه‌ى حه‌زیان له‌ سێكسى سروشتى و،جووتبوونى زیندوو نییه‌،وه‌لىَ بۆ بوون و،نه‌بوونى له‌ كوردستاندا دڵنیانیم .

به‌لاَم له‌ نێربازیدا گرفتێكى ئه‌و تۆ درووست نابێت و،جووتبوونى ته‌واو له‌ رِێگه‌ى كۆمى یه‌كترییه‌وه‌ رِووده‌دات و،به‌مه‌ش جگه‌ له‌ خۆیان كه‌س پریشكى به‌رناكه‌وێت ده‌ست درێژى سێكسى ناكرێته‌سه‌ر ، وه‌ك ده‌زانرىَ خۆشیان زیانى ئه‌وه‌ ده‌كه‌ن كه‌ به‌م كاره‌ فێرده‌بن و،به‌رده‌وام ده‌بن له‌سه‌رى ته‌نانه‌ت دوواى ژنهێنانیشیان ، وه‌لىَ ئه‌م به‌شه‌ى سێكسى هاورِه‌گه‌ز له‌ كوردستاندا كه‌متره‌ وه‌ك له‌ سێكسى مىَ له‌گه‌ڵ مىَ دا ،یان نێرله‌گه‌ڵ مىَ له‌ رِێگه‌ى كۆمه‌وه‌ .

له‌به‌ر ئه‌وه‌ى زۆر جار رِێده‌كه‌وێت مێیه‌ك له‌گه‌ڵ چه‌ند مێیه‌كى هاورِێی سێكس ده‌كات و،نێرینه‌ش به‌هه‌مان شێوه‌ ،یان نێرێك له‌گه‌ڵ چه‌ند مێیه‌ك جووت ده‌بێت و،له‌ رِێگه‌ى كۆمه‌وه‌ سێكس ده‌كه‌ن ،بۆیه‌ له‌مبارانه‌دا مه‌ترسى بلاَوبوونه‌وه‌ى نه‌خۆشى سێكسى زیاد ده‌كات ،له‌به‌رئه‌وه‌ى كاراى گواستنه‌وه‌ زۆر ده‌بێت ،كه‌ ئاینده‌ى كۆمه‌ڵگه‌ى كوردى ده‌خاته‌ مه‌ترسییه‌وه‌ ،هه‌له‌به‌ر ئه‌م هۆكاره‌ خاڵى چواره‌مى نووسینه‌كه‌مان ته‌رخان ده‌كه‌ین بۆ نه‌خۆشییه‌ سێكسییه‌كان بۆ ئه‌وه‌ى وشیارى بده‌ینه‌ ئه‌و كه‌سانه‌ى ئه‌م جۆره‌كارانه‌ ده‌كه‌ن و،به‌و هیوایه‌ى ببێته‌ هۆى دووركه‌وتنه‌وه‌ له‌ كرداره‌ سێكسییه‌ لابه‌لاكان ،یان لانى كه‌م ببێته‌ هۆى كه‌مكردنه‌وه‌ و،خۆپارێزى لێیان .

- 4 -

نه‌خۆشییه‌ سێكسییه‌كان

هه‌رچه‌نده‌  ژماره‌یه‌كى زۆر نه‌خۆشیمان هه‌یه‌ كه‌ به‌هۆى كردارى سێسه‌وه‌ ده‌گوێزرێته‌وه‌ ، دیاره‌ مه‌به‌ستمان سێكسى لابه‌لایه‌ ، نه‌ك سێكسى ماره‌كراو ،سروشتى . چونكه‌ له‌مباره‌دا ئافره‌تێك ،یان چه‌ند ئافره‌تێك ،به‌گوێره‌ى دینى پیرۆزى ئیسلام ،كه‌ دینى زۆربه‌ى خه‌ڵكى كوردستانه‌ ده‌بێته‌ موڵكى پیاوێك و،جگه‌ له‌وپیاوه‌ هیچ پیاوێكى دیكه‌ له‌گه‌ڵیان جوتنابێت و،سێكسناكات ، مه‌گه‌ر ئه‌و پیاوه‌بمرێت ئافره‌ته‌كان شوو بكه‌نه‌وه‌ ،كه‌ ئه‌مه‌ش نوێكردنه‌وه‌ى هاوسه‌رگیرییه‌ بۆ خۆپارێزى له‌ لادان و، سێكسى لابه‌لا ، وه‌لىَ له‌سێكسى لابه‌لادا موڵكدارى له‌ لایه‌ن پیاوه‌وه‌ نابێت  و، له‌ پێناو برِێك پاره‌دا ، یان ئه‌نجامدانى كارێكدا ،یان دامركاندنه‌وه‌ى كه‌فو كوڵى سێكسى و تامه‌زرۆى بێت ،یان هه‌ر هۆكارێكى دى ،سێكس ده‌كه‌ن و،چه‌ندین پیاو ده‌گۆرِن ،كه‌ئه‌مه‌ش گرفتى سه‌ره‌كى و،هۆكارى بنه‌رِه‌تییه‌ كه‌ چانسى بلاَوبوونه‌وه‌و ، گواستنه‌وه‌ى نه‌خۆشییه‌كانى وه‌ك : ( ئێیدز - فه‌ره‌نگى - سوزه‌نه‌ك - كیلامیدیا - به‌كتریاى دۆنۆڤان Donovan - مشه‌خۆرى تراى كۆمۆناس Triehomoniasis- .............. )زیاد ده‌كات ،ئه‌مه‌جگه‌ له‌ هه‌وكردنى كۆئه‌ندامى زازىَ ى ئافره‌ت كه‌ به‌هۆى كورتى یور ترایه‌وه‌ زۆر زوو رِووده‌دات ، و رِه‌نگه‌ له‌ جۆرێك بێت كه‌ ئینتهاب و، هه‌وكردنه‌كه‌ بگوێزێته‌وه‌ بۆ پیاو .

وه‌لىَ له‌به‌ر نه‌بوونى یان كه‌مى ئه‌و نه‌حۆشییانه‌ ته‌نها باسله‌ باوترین و،به‌ربلاَوترینیان ده‌كه‌ین ،ئه‌گه‌رچى ئێیدز باوترین و،ترسناكترینیانه‌ ، به‌لاَم به‌هۆى كه‌م بلاَوییه‌وه‌ له‌ كوردستان و،عێراق ته‌نها ئاماژه‌م به‌ناوه‌كه‌ى داوه‌ ، وه‌لىَ باس له‌ فه‌رِه‌نگى ده‌كه‌ین ،كه‌ دوواى ئێیدز به‌د ترین نه‌خۆشى سێكسییه‌ كه‌ به‌كتریاى تریپانیما تووشمان ده‌كات و ،ئه‌گه‌ر زوو چاره‌سه‌ر نه‌كرێت ژیان ده‌خاته‌ مه‌ترسییه‌وه‌ و، رِه‌نگه‌ مرۆڤ به‌مه‌رگ بناسێنێت.

نیشانه‌كانى ئه‌م نه‌خۆشییه‌ پاش ماوه‌یه‌كى كه‌م ده‌رده‌كه‌وێت ،كه‌ له‌ سه‌ره‌تادا ده‌نكۆڵه‌ى رِه‌قى سورباو (هه‌ندێك جار ) له‌سه‌ر چوك  په‌یدا ده‌بێت و،له‌ماوه‌یه‌كى زوودا ده‌بێته‌ برین و،قوڵده‌بێته‌وه‌ ، كه‌ پاش دوو تا سێ مانگ نامێنێت و ، هیچ ئازارێكیشى نییه‌ ، به‌لاَم شێوه‌ى جیگه‌ زیپكه‌یه‌ك جێده‌هێڵێت ، ئه‌مه‌ جگه‌ له‌وه‌ى كولبوونێك له‌ سه‌ر ئه‌ندامى نێرینه‌ له‌ چوكدا و،لچه‌كان و،قیتكه‌ له‌ قوزى مێینه‌دا رِووده‌دات ، تووشبوانى ئه‌م نه‌خۆشییه‌و سوزه‌نه‌كیش به‌ په‌نسلین و،سۆڵفامید چاره‌سه‌ر ده‌كرێت و،تا زووتر عیلاج بكرێت باشتره‌ و ،ئه‌مه‌لى چاكبوونه‌وه‌ى زووتریان ده‌بێت بۆیه‌ پێویسته‌ تووشبوان خۆیان فه‌رامۆش نه‌كه‌ن.

ئه‌گه‌رچى نه‌خۆشى سفلیس (فه‌رِه‌نگى ) له‌ دوواى (ئێیدز) به‌ترسناكترین نه‌خۆشى ده‌ژمێردرێت ، وه‌لىَ سوزه‌نه‌ك (سه‌یه‌لان ) له‌ رِووى بلاَووبوونه‌وه‌ زیاتر مه‌ترسیداره‌ .چونكه‌ ( 15 - 20 % ) ى ئافره‌تانى تووشبوو نیشانه‌كانى له‌سه‌ر دیارده‌كه‌وێت  ،كه‌ بریتییه‌له‌ : ( سوربوونه‌وه‌ى ده‌رچه‌ى زىَ - له‌گه‌ڵ هاتنه‌ ده‌ره‌وه‌ى شله‌یه‌كى سه‌وز باو له‌ زىَ وه‌ - هه‌روه‌ها تووشبوو ئازارێكى كه‌مى ده‌بێت ، ئه‌مه‌ جگه‌ له‌وه‌ى تووشى سووتانه‌وه‌و ،زۆر ته‌نگه‌ تاو بوون ده‌بێت ) به‌ پێچه‌وانه‌ى پیاوه‌وه‌ كه‌ له‌ماوه‌ى ( 10 ) رِۆژدا نیشانه‌كانى له‌سه‌ر ده‌رده‌كه‌وێت كه‌ بریتییه‌ له‌ : ( هاتنه‌ ده‌ره‌وه‌ى شله‌یه‌كى وه‌ك كێم له‌ میزه‌رِۆیه‌وه‌ -  تووشبوو زۆر ته‌نگه‌ تاو ده‌بێت و،ئازاریشى ده‌بێت )ئه‌مه‌ ئه‌گه‌ر تووشبوو عیلاج به‌كارنه‌هێنێت بۆ ماوه‌یه‌كى زۆر ئه‌وا لێى پیس ده‌كات و، تووشى : ( له‌رزوتا - دڵتێكه‌لاَتن - رِشانه‌وه‌ - قه‌بزى و،زیادبوونى لێدانى دڵ ) ى ده‌كات .

وه‌لىَ به‌زۆرى ئه‌وه‌ گرفت دروست ده‌كات ،كه‌ زۆر جار رِێده‌كه‌وێت تووشبوو هیچ نیشانه‌یه‌كى له‌سه‌ر ده‌رناكه‌وێت ،ئه‌مه‌ش چانسى گواستنه‌وه‌ى زیاد ده‌كات و،خه‌ڵكانێكى زۆر توش ده‌بن.

- 5 -

كۆتایی

رِه‌نگه‌ هه‌موومان ئه‌و قسه‌یه‌مان بیستبىَ ،كه‌ سێكس ئارامبه‌خشه‌و ،زۆر كه‌س له‌په‌ستى و،خه‌وزرِان و،گرژى ده‌روونى  رِزگارده‌كات ، وه‌لىَ نابێت ئه‌و قسه‌یه‌ى (جیدفرى میله‌رى ) مامۆستاى بوارى سایكۆلۆژى زانكۆى له‌نده‌نمان له‌ بیربچێت ،كه‌لاى وایه‌ : ( هه‌ركردارێكى مرۆڤ كه‌ زیاده‌ رِه‌وى تێدابكرێت ، له‌ شێعره‌وه‌ تا سه‌یاره‌ خێراكان ،رِه‌گ و رِیشه‌ى له‌ پێشبرِكێى سێكسى دایه‌ .) . چونكه‌ سێكسیش وه‌ك هه‌ر شتێكى دیكه‌ سنورى دیارى كراوى خۆى هه‌یه‌ ،  نه‌ك ته‌نهالاى مرۆڤ به‌ڵكو له‌ناو دنیاى ئاژه‌لاَنیشدا سنورداره‌ ،ئه‌وه‌تا جووتبوون به‌لاى ( شه‌مپانز) ییه‌كى (مىَ ) ینه‌وه‌ ته‌نیا له‌و كاته‌دا ده‌بێت كه‌ پاشه‌ڵێكى په‌مه‌ى رِه‌نگى هه‌بێت و ، به‌ده‌ر له‌وكاته‌ هه‌رگیز بیر له‌ رِاكێشانى سه‌رنجى (شه‌مپانزییه‌كى نێرینه‌ ) ناكاته‌وه‌ .چونكه‌ ئه‌گه‌ر وابكات ئه‌و نێرینه‌یه‌ ئه‌تۆقێت ،ئه‌گه‌رچى جیاوازیش له‌ نێوان سێكسى مرۆ و ،ئاژه‌ڵدا هه‌یه‌ ، له‌به‌رئه‌وه‌ى مرۆڤ تاكه‌ زینده‌وه‌ره‌ كه‌ سێكس به‌هه‌ردوو مه‌به‌ستى زاوزىَ و چێژ وه‌رگرتن ئه‌نجامده‌دات ،به‌ پێچه‌وانه‌ى ئاژه‌ڵه‌وه‌ كه‌ تا رِاده‌یه‌كى زۆر ته‌نیا بۆ مه‌به‌ستى زاوزىَ سێكس ده‌كه‌ن

 

 

 

به‌شى سێهه‌م

زیاد بوونى سێكسى نهێنى به‌هۆى ته‌كنه‌لۆژیاوه‌

ته‌نها رِێگه‌ چاره‌ بۆ داخستنى ده‌رگاى نه‌خۆشخانه‌كان به‌ رِووى نه‌خۆشییه‌ ترسناكه‌كان و،تێكۆشان دژى ناته‌واوییه‌ سێكسییه‌كان به‌هێزكردنى رِه‌وشت و داوێن پاكییه‌

هیتله‌ر

 

سێكسى نهێنى به‌و كرداره‌ سێكییانه‌ ده‌وترێت ،كه‌ له‌ده‌ره‌وه‌ى چوارچێوه‌ى ژیانى هاوسه‌رێتى و ،به‌نهێنى  ئه‌نجامده‌درێت و،بۆیه‌ به‌و ناوه‌ ده‌ناسرێت و،ئاماژه‌ى پێده‌درێت.چونكه‌ له‌م جۆره‌ سێكسه‌دا ته‌نها رِه‌گه‌زێك به‌شدار ده‌بێت وه‌كو (خووه‌ نهێنى ) ،جا رِه‌گه‌زى نێربێت،یان مىَ، وه‌ هه‌ندێك جار هه‌ردوو رِه‌گه‌ز(نێر و مىَ) به‌شدارده‌بێت،به‌لاَم ئه‌و كرداره‌ سێكسییانه‌ى كه‌ ئه‌نجامى ده‌ده‌ن جگه‌له‌و دوو به‌شداره‌ كه‌سى دیكه‌ ئاگادارى نییه‌و،نایزانێت، ئه‌مه‌ش هه‌ریه‌ك له‌ كرداره‌ سێكسییه‌كانى (مىَ و مىَ، نێر و نێر، نێر و مىَ له‌ رِێگه‌ى كۆمه‌وه‌، سێكسكردن له‌گه‌ڵَ له‌شفرۆشه‌كان) ده‌گرێته‌وه‌.

لێكۆلێنه‌وه‌یه‌كى سعودى له‌م باره‌یه‌وه‌ رِاى گه‌یاند كه‌ 70% ى فایله‌ ڤیدیۆییه‌كانى مۆبایله‌كانى هه‌رزه‌كارانى سعودى ،فیلمى سێكسییه‌و،هاوكات رِۆژنامه‌ى عه‌ره‌ب نیوز زانیارى زۆر سه‌ر سورِهێنه‌رى له‌م باره‌یه‌وه‌ بلاَوكرده‌وه‌و،هه‌مان لێكۆلێنه‌وه‌ رِاى گه‌یاند كه‌ له‌ 88% ى مێینه‌ قوربانى وروژاندن و ته‌نگپێهه‌ڵچنینن به‌ به‌كارهێنانى بلوتوس.

بێگومان زاراوه‌ى (سێكسى نهێنى )زیاتر بۆ كۆمه‌ڵگه‌ خۆرهه‌لاَتییه‌كان رِاسته‌و،گونجاوه‌. چونكه‌ ده‌شێت ئه‌نجامده‌رانى هه‌ریه‌كێك له‌و جۆره‌ سێكسانه‌ى كه‌ ناومان هێنان له‌ ولاَتانى خۆرئاوادا ئاساى بێت و،كۆمه‌ڵه‌و رِێكخراوى تایبه‌ت به‌ خۆشیان هه‌بێت،وه‌لىَ له‌ كۆمه‌ڵگه‌ خۆرهه‌لاَتییه‌كاندا سه‌ركۆنه‌ده‌كرێن ،بێئه‌وه‌ى له‌بارى ده‌رونیان بكۆڵرێته‌وه‌و،له‌ خراپییه‌كانى ئه‌م جۆره‌ سێكسانه‌ ئاگاداربكرێن و،ئه‌و هۆكارانه‌ بنبرِبكه‌ن یان كه‌مى بكه‌نه‌وه‌، كه‌ بوونه‌ته‌ هۆى دروست بوونى ئه‌م جۆره‌ سێكسه‌ نهێنییانه‌ .

پرۆفیسۆرى عه‌ره‌ب (دكتۆر عه‌بدوللاَ رِه‌شید ) ده‌ڵێت : (میمۆرى مۆبایلى تازه‌ پێگه‌یشتوان و،هه‌رزه‌كاران ،بابه‌تى (وێنه‌و فیلیمى) سێكسى تێدایه‌ به‌ رِێژه‌ى 70% و،بابه‌تى په‌یوه‌ندى دار به‌توندوتیژیش له‌ خۆده‌گرێت به‌رِێژه‌ى 8.6%)

كه‌واته‌ ده‌توانین بڵێین ته‌كنه‌لۆژیاى مۆبایل هۆكارێكه‌ له‌ هۆكاره‌كانى زیادبوونى سێكسى نهێنى، به‌شێوه‌یه‌كى گشتى له‌هه‌موو جیهانداو،به‌تایبه‌تى له‌ كۆمه‌ڵگه‌ داخراوه‌كانى خرهه‌ڵاتدا .چونكه‌ ده‌بێته‌ هۆكارێك بۆ ناساندن و،فێركردنى چۆنییه‌تى ئه‌نجامدانى سێكسى (مێ و مىَ) له‌ رِێگه‌ى فیلمه‌ سێكسییه‌كانه‌وه‌و،هاوكات ده‌بێته‌ فێرگه‌و هانده‌ر بۆ به‌ ئه‌نجامگه‌یاندنى سێكسى نێوان نێرو مىَ له‌ رِێگه‌ى كۆمه‌وه‌،به‌لاَم زۆر به‌كه‌مى هانده‌ر ده‌بێت بۆ نێربازى ،ئه‌ویش به‌هۆى سروشتى كۆمه‌ڵگه‌كانى خۆرهه‌ڵاته‌وه‌و،كاریگه‌رى ئاین له‌سه‌ر كۆمه‌ڵگه‌كان ، وه‌لىَ له‌ جۆرى یه‌كه‌م و دووه‌مدا كاریگه‌رى كۆمه‌ڵگه‌و ئاین زۆر كه‌مبۆته‌وه‌.چونكه‌ كرداره‌كان به‌شێوه‌یه‌كى نهێنى و،له‌ شوێنى نهێنى دا ئه‌نجامده‌درێت، دیاره‌

مه‌به‌ستمان له‌ وشه‌ى نهێنى ئه‌وه‌یه‌ كه‌ دوور له‌ چاوى خه‌ڵكى ئه‌م كارانه‌ ده‌كرێت و،به‌ رِه‌زامه‌ندى هه‌ردوولا ئه‌نجام ده‌درێت دوواى بینینى فیلمه‌ بیانییه‌كان و،به‌ چه‌ندجارێك ئه‌نجامدانى ئه‌م جۆره‌ كردارانه‌ هۆگرى ده‌بن و،لایان ئاساى ده‌بێت ،كه‌ بۆ وه‌رگرتن و ده‌ستكه‌وتنى ئه‌و چێژه‌ سیكسییانه‌ خۆیان بخه‌نه‌ ئه‌زیه‌ت و، مه‌ترسییه‌وه‌.

بێگومان وه‌ك چۆن ته‌كنه‌لۆژیاى مۆبایل  به‌و جۆره‌ كاریگه‌ره‌ و،كۆمه‌ڵگه‌ ده‌گۆرِێت،به‌هه‌مان شێوه‌ ته‌كنه‌ لۆژیاكانى دیكه‌ى وه‌ك (سه‌ته‌لایت، ئینته‌رنێت و.........) كاریگه‌رى زۆر گه‌وره‌یان هه‌یه‌ به‌سه‌ر كۆمه‌ڵگه‌وه‌ ، به‌تابه‌ت به‌سه‌ر ئه‌و هه‌رزه‌كارانه‌ى تازه‌ پێده‌گه‌ن و،له‌گه‌فوكوڵێكى زۆرى سێكسى دان،هربۆیه‌ به‌ وێنه‌ پۆرنۆگرافییه‌كانى ئینته‌رنێت و ،سه‌ته‌لایت سه‌رسام ده‌بن و،زۆر سه‌یرى ده‌كه‌ن و،به‌دیارییه‌وه‌(خووه‌ نهێنى/ده‌ستپه‌رِ) ئه‌نجامده‌ده‌ن و،به‌هه‌مان شێوه‌ به‌ فلیم و گرته‌ سێكسییه‌كانیش كاریگه‌ر ده‌بن و،لاسایی ده‌كه‌نه‌و،دووباره‌یان ده‌كه‌نه‌وه‌،به‌تایبه‌ت ئه‌و جۆرانه‌ى سێكس ،كه‌ نابێته‌ هۆى له‌ده‌ست دانى په‌رده‌ى كچێنى و،خاڵى رِوو سورى مێینه‌،واته‌: سێكسى كۆم.

بۆئه‌وه‌ى كۆمه‌ڵگه‌ له‌نێو ئاره‌زوو بازیدا رِۆنه‌چێت و،به‌ره‌و داكه‌وتنى كۆمه‌لاَیه‌تى قورس هه‌نگاو هه‌ڵنه‌گرێت پێویسته‌ هه‌وڵبدرێت كاریگه‌رى ته‌كنه‌لۆژیا كه‌مبكرێته‌وه‌ له‌سه‌ر لاوان و،تازه‌پێگه‌یشتوان .چونكه‌( سێكسى نهێنى )بۆته‌ (ته‌نه‌ بۆمباى سێكسى ) و ئه‌م ته‌نه‌ بۆمبایانه‌ش ،وه‌ك (جۆرج بووش) له‌ كتێبى (شۆرشى سێكسى) دا ده‌ڵێت : (چه‌ندین ته‌نه‌بۆمباى سێكسى رِۆژانه‌ ده‌ته‌قنه‌وه‌،كه‌ ده‌بنه‌ هۆى دروستبوونى دڵه‌ رِاوكىَ و،ته‌نها مناڵه‌كانمان ناكاته‌ درِنده‌ به‌ڵكو خێزانه‌كان و،كۆمه‌ڵه‌كانیش ده‌شێوێنێت) كه‌واته‌ بۆ رِێگرتن له‌ زیاتر بلاَوبوونه‌وه‌ى سێكسى نهێنى و،كه‌مركردنه‌وه‌ى پێویسته‌ رِه‌چاوى ئه‌م خالاَنه‌ى خواره‌وه‌ بكه‌ین:

1-دانانى ته‌له‌فزیۆن و،سه‌ته‌لایت و،ڤیدیۆسیدىو،دیڤیدى و،پله‌یسته‌یشن له‌ هۆڵ دا،یان له‌و شوێنه‌ى كه‌هه‌موو ئه‌ندامانى خێزان لێى داده‌نیشن و،هاتوو چۆى به‌سه‌ره‌وه‌یه‌، نه‌ك له‌ ژوورى تایبه‌تى یان نووستن.  

2-دانانى كۆمپیوته‌رو ئینته‌رنێت له‌ شوێنى گشتى ماڵ دا،كه‌ هاتوو چۆى به‌سه‌ره‌وه‌ بێت.

3-رِێگه‌نه‌دان به‌هه‌ڵگرتنى هاندى تایبه‌تمه‌ند (مواسه‌فات) بۆ خوارته‌مه‌نى (18) هه‌ژده‌ یاڵ  .

4-چاودێرى كردنى تازه‌پێگه‌یشتووان.

ده‌بێت له‌ كۆتایدا ئه‌وه‌مان له‌بیرنه‌چێت ،كه‌ ئه‌م ته‌كنه‌لۆژیایانه‌ى باسمان كردوون زۆر زیاتر له‌وه‌ سودبه‌خشن ،كه‌ لێره‌دا زیانه‌كانیان خراوه‌ته‌ رِوو ،به‌لاَم لێره‌ دا باسه‌كه‌ى ئێمه‌ ته‌نها جێگه‌ى زیان و،خراپییه‌كانى ته‌كنه‌لۆژیاى تێدا ده‌بێته‌وه‌.چونكه‌ باسه‌كه‌مان په‌یوه‌سته‌ به‌و به‌شه‌ى ته‌كنه‌لۆژیاوه‌، بۆیه‌ پێویسته‌ له‌وه‌ تێبگه‌ین ،كه‌ هه‌موو ئه‌و داهێنراو دروستكراوانه‌ى  سودیان له‌ زیانیان زیاتره‌ جێگه‌ى ده‌ستخۆشین .چونكه‌ ئاسوده‌ى و خۆشبه‌ختى و كارئاسانى بۆ مرۆڤ ده‌سته‌به‌ر ده‌كه‌ن.

سه‌رچاوه‌و په‌رِاوێزه‌كان:

Pornographyپۆرنۆگرافى :وێژه‌ و وێنه‌و هونه‌رى به‌ره‌لاَ و بىَ ئابرِوو ده‌رباره‌ى جووتبوون،وێنه‌و نووسینى هه‌ڵماڵراو هه‌وه‌س بزوێن.

- المقاگع الإباحیه‌ تقتحم هواتف المراهقین!  ماڵپه‌رِى ئیلاف.

- www.sehha.com/sexualhealth >                                                                                                              

- zawaj.aljayyash.net

- osrty.com

hemnymela@yahoo.com

hemnbarznji.googlepages.com

به‌شى چواره‌م

لاو

له‌ نێوان به‌ سمبوڵكردنى ئه‌وین و...سنوره‌تابۆكاندا

بۆ ئه‌و مرۆڤه‌ى یه‌كه‌مین وانه‌ى ئه‌وینى فێركردم!!

 

 

 

پێشده‌ستى...

رِه‌نگه‌ من و،تۆ وه‌ك یه‌ك بیرنه‌كه‌ینه‌وه‌،هه‌ریه‌كه‌و به‌ئارِاسته‌یه‌كدا برِوانینه‌ شته‌كان ،وه‌لىَئه‌مه‌ به‌ماناى ئه‌وه‌نىیه‌ كه‌من گوىَ له‌تۆ نه‌گرم و سه‌دله‌سه‌د رِه‌دتبكه‌مه‌وه‌، یان تۆ گوێم بۆنه‌گرىو،رِه‌دمبكه‌یته‌وه‌ .چونكه‌ سروشتى مرۆڤه‌كان به‌وشێوه‌یه‌هه‌ڵكه‌وتووه‌و،(ڤاڵتربنیامین) وته‌نى :( كاتێك ئێمه‌ هه‌موومان وه‌ك یه‌ك بیرده‌كه‌ینه‌وه‌،ماناى وایه‌ هیچ یه‌ك له‌ئێمه‌بیرناكه‌ینه‌وه‌.)كه‌واته‌بابۆچه‌ند ساتێك هه‌وڵبده‌ین له‌یه‌كترى تێبگه‌ین و،گوىَ بۆیه‌كترى رِادێرین.

تێرِوانین و،وردبوونه‌وه‌له‌لاوان،و دووان له‌وباره‌یه‌وه‌،پێویستى به‌وردكردنه‌وه‌و،رِۆچونێكى قوڵى بابه‌تىیانه‌هه‌،نه‌ك هه‌وڵدان بۆ به‌رته‌سككردنه‌وه‌ و كورتكردنه‌وه‌ى بۆپنتێك كه‌نه‌توانرىَ به‌شێكى كه‌مى رِه‌هه‌نده‌كانى كێشه‌ىلاو بگرێته‌خۆى و،رِێگه‌ چاره‌یه‌ك بێت بۆگرفته‌كان،

له‌رِوانگه‌ى باوه‌رِبوونم به‌وه‌ى كه‌ئێمه‌ى كورد ئولفه‌تمانگرتووه‌ به‌وه‌ى باسى كێشه‌یه‌كى په‌یوه‌ندى دارده‌كه‌ین به‌لایه‌نێكه‌وه‌ بێئه‌وه‌ى پرسێك به‌لایه‌نى په‌یوه‌ندیدار بكه‌ین هه‌تابزانین تاچه‌ند بۆچونه‌كانى ئێمه‌ى پێقبوڵه‌ ،یانتاچه‌ند رِه‌تیده‌كاته‌وه‌.

ده‌مه‌وێت له‌باره‌ى ئه‌وینه‌وه‌ شتێك بنووسم ،وه‌لىَ نامه‌وێت له‌جه‌مسه‌رێكه‌وه‌ برِوانمه‌ئه‌وین و،جه‌مسه‌ره‌كانى دىفه‌رامۆش بكه‌م، ئه‌و جه‌مسه‌ره‌ش هه‌ڵبژێرم كه‌له‌گه‌ڵبیرو بۆچون و،ئایدیاكه‌مدا یه‌كده‌گرێته‌وه‌، وئیدى هیچ حسابێك بۆ ئایدیا و،بۆچونه‌جیاوازه‌كانى دیكه‌نه‌كه‌م.ئه‌گه‌رچى ناشمه‌وێت له‌رِوانگه‌ى دینه‌وه‌ه‌ برِوانمه‌ ئه‌وین،وهیچ قسه‌یه‌ك له‌ورِوانگه‌یه‌وه‌ بكه‌م.چونكه‌ ئه‌وه‌كارىمن نىیه‌ ئه‌وه‌نده‌ى كارى فه‌قیهه‌كانى دینه‌.رِه‌نگه‌ ئه‌گه‌ر من شتێك له‌و باره‌یه‌وه‌ بڵێم كه‌م تا زۆر به‌هه‌ڵه‌دا بچم و ،دروست و،سه‌د له‌ سه‌د رِاستییه‌كان نه‌پێكم.

وه‌لىَ له‌به‌ر دوو هۆكارى گرنگ ئه‌م نووسینه‌ بۆته‌ به‌شێكى گرنگى كتێبه‌كه‌ .چونكه‌ ده‌شێت ئه‌وین سه‌ره‌تاى ده‌ستپێكى ژیانى سێكسى بێت ،كه‌له‌ چوارچێوه‌ى هاوسه‌رگرتندا خۆى ببینێته‌وه‌ ،یان ده‌شێت ئه‌وین بۆخۆى خودى سێكسبێت ،واته‌ ئه‌وین و،سێكس گرىَ دراوى یه‌كتربن و،به‌ده‌ستپێكردنى ئه‌وین هاوكات سێكسیش ده‌ست پێبكات ،به‌له‌ چونه‌ نێو كه‌ژاوه‌ى هاوسه‌رییه‌وه‌ ،دیارمه‌به‌ستمان له‌ كه‌ژاوه‌ى هاوسه‌رى ماره‌كردنى یاساى و، دینییه‌،كه‌ ئه‌مه‌ش زیاتر بۆ كۆمه‌ڵگه‌رِۆژئاواییه‌كان  رِاسته‌ و،ئه‌وان پێیان وایه‌ سێكس به‌شێكه‌ له‌ ئه‌وین .

لاو..وئه‌وین

كاتێك باس له‌ئه‌وین ده‌كه‌ین ده‌بێت باس له‌لاو بكه‌ین .چونكه‌به‌گشتى لاوه‌كان گرفتارى ئه‌وین ده‌بن،ئه‌گه‌رچى ئه‌مه‌به‌ماناى ئه‌وه‌نىیه‌ كه‌جگه‌له‌لاو،ئه‌وا: مرۆڤه‌به‌ته‌مه‌نه‌كان ئه‌وین ناناسن و ئه‌ویندارى ناكه‌ن ،ئه‌م بۆچونه‌شم له‌قسه‌یه‌كى ماكسیم گۆركى یه‌وه‌ سه‌رچاوه‌ده‌گرێت،كه‌لاى وایه‌ :( ته‌من هى لاوه‌كانه‌.چونكه‌مناڵ لێىتێناگات و، پیریش په‌یوه‌ندى پێوه‌ى نىیه‌) ئه‌گه‌رچى ناشێت ئه‌مبۆچونه‌به‌رِه‌هاى وه‌رگرین.چونكه‌ (ئه‌ریك ئه‌ریكسۆن ) به‌پێچه‌وانه‌وه‌ ته‌مه‌نى 20-30ساڵى به‌لێهاتوترین قۆناغىتاك ده‌بینىَ بۆپێكهێنتنى دۆستایه‌تى له‌گه‌ڵ كه‌سانى دیكه‌دا،وه‌لىَئه‌م بۆچونه‌بۆئێستاى كۆمه‌ڵگه‌ى كوردى ناگونجێت .چونكه‌ هه‌نوكه‌ له‌ته‌مه‌نى 12ساڵىو كه‌تریشه‌وه‌ كورِان وكچان ئه‌وین ده‌ناسن و،ئه‌ویندارى ده‌كه‌ن.ئه‌گه‌رچى له‌گه‌ڵ ته‌مه‌نیاندا نه‌گونجاوه‌ ،به‌لاَم رِه‌وتى كۆمه‌ڵگه‌ى كوردى به‌و ئارِاسته‌یه‌دا ده‌رِوات بمانه‌وێت،یان نا.

پێموانىیه‌ مرۆڤ به‌هه‌ردوورِه‌گه‌زه‌كه‌یه‌وه‌ به‌شێكبن له‌بوون،به‌ڵكو خودى بونن ئه‌مه‌ش واده‌كات بڵێین ئه‌وین مرۆڤه‌و ،مرۆڤیش ئه‌وین،كه‌واته‌ناگونجىَ مرۆڤ و ئه‌وین له‌یه‌كجیابكه‌ینه‌وه‌، كه‌ىمرۆڤایه‌تى له‌نێوچو ئه‌وینیش له‌نێوده‌چێت،وه‌لىَ لێره‌دا ده‌بێت له‌سه‌ر ئه‌وه‌بوه‌ستین كه‌ئایا ئه‌وین بۆخۆى چىیه‌،خودى رِۆحه‌یان بارێكىتایبه‌ته‌ كه‌به‌سه‌ررِۆحدا دێت ،ده‌شێت كاتىبێت یان هه‌میشه‌ى، له‌رِاستىدا بۆچونه‌كان له‌م باره‌یه‌وه‌ فره‌ن ،وه‌لىَمنپێموایه‌ كه‌بارێكىتایبه‌ته‌له‌رِۆح نه‌ك خودى رۆح بێت.چونكه‌ ئه‌گه‌ر رِۆح بێت،ئه‌وا: به‌كۆتاى ئه‌وین ده‌بێت خودى رِۆحیش بسرِێته‌وه‌،كه‌ئه‌مه‌ش مه‌حاڵه‌.سه‌ره‌رِاى بۆچونى خودى ناكرێت لێكدانه‌وه‌كانى دیكه‌ش فه‌رامۆش بكه‌ین،به‌تایبه‌تى بۆچونى سۆفىیه‌گه‌وره‌كان و،عاریفان،به‌نمونه‌ مه‌وله‌وى تاوه‌گۆزى وه‌رده‌گرین،كاتێك به‌ئه‌وین ده‌ڵێت:-( زیندووم كه‌ره‌وه‌) به‌ره‌و ئه‌وه‌مان ده‌بات كه‌ئه‌وین خودى رِۆح بێت نه‌ك بارێك له‌رِۆح.

به‌هه‌رحاڵ له‌م باره‌یه‌وه‌ دژه‌بۆچون زۆره‌و،ناتوانین به‌بنبه‌ست بگه‌ین،وه‌لىَ ئه‌مه‌كێشه‌یه‌ك نىیه‌ .چونكه‌ ئه‌وین و،مرۆڤ ئاوێته‌ى یه‌كترن.

(عیزالد ین نسفى) له‌كتێبى(مرۆڤى كامل َ) دا ده‌ڵێت: - ( ئه‌وین ئاورێكه‌ به‌رده‌بێته‌ ئه‌ویندار شوێنه‌كه‌یشى دڵه‌،ئه‌وئاگره‌ له‌رِێگه‌ى چاوه‌وه‌ ده‌كه‌وێته‌نێو دڵ و،له‌دلاَ جێخۆشده‌كات ،گرِى ئه‌مئاگره‌ هه‌موو جه‌سته‌ده‌گرێته‌وه‌ و،به‌ره‌ره‌ دڵى ئه‌ویندار ده‌سوتێنىَو، پاكى ده‌كاته‌وه‌)وه‌لىَ رِه‌نگه‌ ئه‌م پێناسه‌یه‌ زیاتر ئه‌وینى رِونكردبێته‌وه‌ وه‌ له‌(تۆماس ئاڤ ئاكینۆ) كه‌لاى وایه‌:- ( ئه‌ویندارى ئه‌وه‌یه‌ كه‌ ئه‌وینداران یه‌كترى دڵخۆشبكه‌ن) به‌ش به‌حاڵى خۆم له‌گه‌ڵ (تۆماس و عزیزالدین) دا یه‌كناگرمه‌وه‌ ،ئه‌وه‌نده‌ى له‌گه‌ڵ (فرۆید) داهاورِام كه‌ده‌ڵێت:- (ئه‌وین ئاره‌زوویه‌كى رِاسته‌قینه‌یه‌ به‌ژیان و،په‌روه‌رده‌كردنى ئه‌وكه‌سه‌ یان ئه‌وشته‌یه‌ كه‌ئه‌وینمان بۆى هه‌یه‌)

وه‌ك چۆن به‌رِه‌هاى نازانین ،كه‌ئه‌وین خودى رِۆحه‌یان بارێكىتایبه‌ته‌كه‌به‌سه‌ر رِۆح دادێت، یان پێناسه‌یه‌كى ته‌واوجێگیرمان بۆئه‌وین نىیه‌ ئاواش ناتوانین به‌رِه‌هاى ئه‌وین پۆلێن بكه‌ین،به‌نمونه‌ (ئه‌ریك فرِۆم ) ئه‌وین ده‌كاته‌ سىَبه‌شه‌وه‌ كه‌ئه‌مانه‌ن (ئه‌وینى دایك وباب بۆمناڵ ،ئه‌وین به‌خۆ ئه‌وین به‌هه‌موو مرۆڤایه‌تى ) هه‌روه‌ها فرِۆم باوه‌رِى وایه‌ كه‌ئه‌وین بۆهه‌موو مرۆڤایه‌تى چوار خاسییه‌تى هه‌یه‌ ئه‌وانیش:- ( سه‌رنجدان ،هه‌ستكردن به‌به‌رپرسیارێتى ، رِێزگرتن وناسین) ئه‌مه‌پۆلێنى فرِۆم بوو،وه‌لىَ هه‌ندێكى دیكه‌به‌م جۆره‌پۆلێنى ده‌كه‌ن:- (ئه‌وینى عیرفانى ،و ئه‌وینى دونیاى ) پاشان لێكدانه‌وه‌ بۆئه‌م دووبه‌شه‌ده‌كه‌ن و،پۆلێنیان ده‌كه‌نه‌وه‌،له‌گه‌ڵئه‌وینى عیرفانیدا كێشه‌یه‌كمان نىیه‌.چونكه‌ ئه‌م ئه‌وینه‌یه‌ك به‌شه‌ ئه‌ویش هه‌وڵدانه‌ بۆگه‌یشتن به‌خوداو،به‌ده‌ره‌ له‌ئه‌وینى مرۆڤ بۆمرۆڤ،ئه‌گه‌ر ئه‌وینى مرۆڤیشى تێكه‌ڵبێت،ئه‌وا: ئه‌وینێكى رِۆح (گیان) ى ده‌بێت،نه‌ك جه‌سته‌ى و،خه‌یالاَت،وه‌لىَ كیشه‌مان له‌گه‌ڵ ئه‌وینى دونیایداهه‌یه‌، كه‌پۆلێن ده‌كرێت بۆئه‌وینى (رِوكه‌ش ،رِاسته‌قینه‌و،ئه‌فلاَتونى) وه‌ئاشكرایه‌ كه‌ئه‌وینى رِوكه‌ش نزمترین پله‌ى ئه‌وینه‌و،ئه‌فلاَتونیش ئه‌وانه‌ن كه‌ده‌ستیان به‌ ئه‌ویندار و  به‌دڵبه‌ره‌كانیان رِاناگات،ودووراو دوور ئه‌وین ده‌ناسن،واته‌عیشقه‌كه‌یان یه‌كلایه‌نه‌یه‌،هه‌رچى ئه‌وینى رِاسته‌قینه‌شه‌ ده‌چێته‌وه‌ سه‌رئه‌وینى عیرفانى ،بابه‌هه‌ڵه‌دا نه‌چین مه‌به‌ستم له‌م قسه‌یه‌ ئه‌وه‌یه‌ كه‌ ،ئه‌ویندار كاتێك ئه‌وینى به‌رامبه‌ر كه‌سێك،یان شتێكى دیارى كراو  بۆدروست ده‌بێت هه‌موو هه‌وڵو ماندوو بونێكى خۆى ده‌خاته‌كار تابه‌ئه‌وینداره‌كه‌ى بگات ته‌نانه‌ت فیداكاریش ده‌كات و له‌رِێى گیان به‌ختكردنه‌كه‌یه‌وه‌ بۆ ئه‌وینه‌كه‌ى هه‌ست به‌به‌رپرسیارێتى و، ئه‌وینداره‌كه‌ى ده‌كات.

سێكس و ...ئه‌وین

ئه‌گه‌ر بۆچوونه‌كان به‌رِه‌هاى بچه‌سپێنین ،ئه‌وا : رِه‌نگه‌ به‌هه‌ڵه‌دا یچین.چونكه‌ هه‌نووكه‌ له‌ دوونیاى لێكۆڵینه‌وه‌دا كاربه‌رِێژه‌و ،ناوه‌ندى رِێژه‌ ده‌كرێت ،نه‌ك به‌ نموونه‌و به‌ رِه‌هاى پیشاندان ،هه‌ربۆیه‌ قسه‌كردنمان له‌سه‌ر سێكسكردن له‌ماوه‌ى ئه‌وینداریدا رِه‌هاى ناگه‌یه‌نێت .

(كریستیار رِه‌نبارى ) ى سویدى ته‌مه‌ن 34 ساڵ له‌ باره‌ى په‌یوه‌ندى سێكس و،ئه‌وین ده‌ڵێت : (هه‌رپه‌یوه‌ندییه‌كى خۆشه‌ویستى سێكسى له‌گه‌ڵ دا نه‌بێت ، ناوى لێنانێم خۆشه‌ویستى .چونكه‌ سێكس به‌شێكه‌ له‌ خۆشه‌ویستى و، به‌رده‌وامى ده‌داته‌ ئه‌و خۆشه‌ویستییه‌ ، دوواى ئه‌وه‌ له‌ ولاَتى سوید هه‌ر لاوێك ، یان كچێك له‌ ژێر ته‌مه‌نى (15) ساڵییه‌وه‌ سێكس ده‌كه‌ن ، جارى واهه‌یه‌ بێئه‌وه‌ى كه‌س و،كاریان پێبزانن ، بۆیه‌ له‌ قوتابخانه‌كان وانه‌ى سێكس ده‌ڵێنه‌وه‌ بۆ ئه‌وه‌ى كچان و،كورِان رِۆشنبیرى سێكسییان هه‌بێت.)

رِه‌نگه‌ ئه‌م قسانه‌ى رِه‌نبارى زیاتر كۆمه‌ڵگه‌ى سویدى بگرێته‌وه‌ نه‌ك كۆمه‌ڵگه‌ى رِۆژهه‌لاَتى ، ئه‌گه‌رچى به‌هۆى دابه‌زینى ناوه‌ندى ژن هێنان و، ناوه‌ندى ته‌مه‌نى ئه‌ویندارانه‌وه‌ له‌ كوردستانیش ئه‌م حاڵه‌ته‌ رِووى له‌ زیادبوون كردووه‌و ،بێگوومان به‌رده‌وامیشه‌ ،ئه‌مه‌ ئه‌گه‌ر سێكسكردن له‌ جووتبووندا ده‌بینینه‌وه‌و ،لامان وانه‌بێت جگه‌ له‌و دووكاره‌ى به‌ دوو ئه‌ندامى زاوزىَ (زىَ و زه‌كه‌ر ) ئه‌نجامده‌درێت ،بریتینییه‌ له‌ سێكس .چونكه‌ هه‌موو ئه‌وشتانه‌ى نێرو مێیه‌ك پێكه‌وه‌ ده‌یكه‌ن له‌ ماچكردنێكه‌وه‌ هه‌تاوه‌كو كردارى جووتبوونیش ،ئه‌گه‌ر به‌رِه‌هاى به‌ سێكس حسابنه‌كرێن ،ئه‌وا به‌ به‌شێك له‌ سێكس ناوزه‌د ده‌كرێن ،وه‌لىَ لێره‌ به‌هۆى گرانى مه‌سه‌له‌ى شه‌ره‌فه‌وه‌ په‌یوه‌ندییه‌ سێكسییه‌كان تارِاده‌یه‌ك له‌ رِێگه‌ى كۆمه‌وه‌ (Anal Sex) ئه‌نجامده‌درێت و،زۆر به‌كه‌مى ده‌گونجێت په‌یوه‌ندییه‌كان له‌رِێگه‌ى زێ -وه‌ بێت .چونكه‌ مه‌سه‌له‌ى مناڵ خستنه‌وه‌و ،درِانى په‌رده‌ى كچێنى لێده‌كه‌وێته‌وه‌ ، كه‌ ئه‌گه‌ر شتى له‌و جۆره‌ قه‌وما ده‌بێت به‌ زووى و ،بێوه‌ستان مه‌سه‌له‌ى زه‌واج له‌ نێوانیاندا رِووبدات ، بۆئه‌وه‌ى به‌كاره‌كه‌یان نه‌زانرىَ و ،كاره‌ساتى لێنه‌كه‌وێته‌وه‌ ، به‌لاَم له‌ كۆمه‌ڵگه‌ى سویدیدا ئه‌م جۆره‌ سێكس كردنه‌ ئاساییه‌ و،بۆ پشت رِاستكردنه‌وه‌ى ئه‌م قسانه‌ ده‌چینه‌وه‌لاى (كریستیار ) كه‌ ده‌ڵێت : ( دوواى ئه‌وه‌ى كه‌ خۆشه‌ویستى دروست بوو ، برِیارده‌ده‌ن مناڵیان ببێَت ،ئه‌وه‌ ئه‌گه‌ر حه‌زبكه‌ن ئه‌و گرێبه‌نده‌ هاوسه‌رێتییه‌ دروستبكه‌ن ،له‌ كه‌نیسه‌ یه‌كتر ماره‌ ده‌كه‌ن )و بۆ سه‌لماندنىئه‌م قسانه‌ خۆى وه‌كو نموونه‌ ده‌هێنێته‌وه‌و ،ده‌ڵێت : (من له‌ته‌مه‌نى (16) ساڵییه‌وه‌ له‌گه‌ڵ كچێك ده‌ژیم  تائێستا زۆر یه‌كترمان خۆشده‌وێت و،دوو مناڵیشمان هه‌یه‌ ،به‌لاَم ماره‌م نه‌كردووه‌ له‌ كه‌نیسه‌و ،گرێبه‌ندى هاوسه‌رێتیشمان نییه‌ ،كه‌چى زۆر ته‌باین له‌گه‌ڵ یه‌كتریدا ) . چونكه‌ به‌ گوێره‌ى كۆمه‌ڵگاكان رِه‌وشى ژیان ده‌گۆرِێت و،رِووداوه‌كان كاریگه‌رى له‌سه‌ریه‌كترى درووست ده‌كه‌ن ،و درێژه‌دان به‌ئه‌ویندارى و،مانه‌وه‌ تیایدا بۆ ماوه‌یه‌كى زۆر به‌ گوێره‌ى رِووداوه‌كان له‌ كۆمه‌ڵگه‌ى كوردیدا ،ده‌بێته‌یه‌كێك له‌ هۆكاره‌كانى دروستبوونى په‌یوه‌ندى سێكسى و،ده‌چێته‌پاڵ دابه‌زینى ناوه‌ندى ژن هێنان و،ناوه‌ندى ته‌مه‌ن بۆ ئه‌وین كردن و،به‌هۆى نه‌بوونى رِۆشنبیرى سێكسى و،كاریگه‌رى میدیاى جیهانییه‌وه‌ ،رِۆچوون له‌نێو ئاره‌زوو بازیداو ،هه‌وڵدان بۆ خۆتێركردن و،گه‌یشتن به‌ سێكس و،چێژو له‌ززه‌ت وه‌رگرتن لێى واى له‌ به‌شێك له‌ كچان كردووه‌ ،په‌یوه‌ندى خۆشه‌ویستى رِه‌دبكه‌نه‌وه‌ له‌ پێناو پاراستنى ئابرِووى خۆیاندا ،كه‌ دیاره‌ ئه‌مه‌ش ده‌گه‌رِێته‌وه‌ بۆ كاریگه‌رى دین و،كه‌لتور و،مێدیا به‌سه‌رتاكى كۆمه‌ڵگه‌ى كوردییه‌وه‌و ، ترسان له‌ درووستبوونى پێوه‌ندى سێكسى متمانه‌ى نێوان تاكه‌كان ده‌سرِێته‌وه‌ ،هه‌ربۆیه‌ زۆرێك له‌وانه‌ى ئه‌وین رِه‌د ده‌كه‌نه‌وه‌ باس له‌وه‌ ده‌كه‌ن ،كه‌ گۆرِانى ئه‌وینى رِاسته‌ قینه‌و ،بێگه‌رى رِۆژهه‌لاَتى بۆ شێوه‌یه‌ك له‌ شێوه‌كانى ئه‌وینى ئه‌وروپى ،جێگه‌ى نیگه‌رانییانه‌و ،پێیانوایه‌ هه‌نگاوى یه‌كه‌مه‌ بۆ داكه‌وتنى كۆمه‌ڵگه‌ى كوردى و،هه‌ندێكیشیان لایان وایه‌ كه‌تاكه‌ رِێگه‌ى تێركردنى سێكسییه‌و ،له‌ ناچاریدا په‌ناى بۆده‌به‌ن ،كه‌مێكیشیان باوه‌رِیان وه‌هایه‌ كه‌ ئه‌وینى پاكو بێگه‌ردى پرِله‌ جوانى و،رِێزو رِۆمانسییه‌تو خۆشه‌ویستى هه‌رماوه‌و ،ئاماده‌ن به‌و ماوه‌یه‌دا تێپه‌رِن تاده‌گه‌نه‌ شه‌وى یه‌كمى هاوسه‌رگرتن .

ئه‌وین و...هاورِێیه‌تى

نیگایه‌ك ناتوانىَ هاورِێیه‌تى دروست بكات به‌پێچه‌وانه‌ى ئه‌ویندارییه‌وه‌،كه‌ چاو داگرتنێك ،یان زه‌رده‌خه‌نه‌و،به‌عیشوه‌ رِوانینێك ،یان هه‌ر هه‌رئیشاره‌تێكى تر ئیلهامه‌كه‌یه‌تى و،له‌وێوه‌ده‌ستپێده‌كات،یان راِستتره‌ بڵێین:- ئه‌وین له‌یه‌كه‌م ئیشاره‌ته‌وه‌كامڵه‌ و،به‌گه‌وره‌ى دێته‌بوون،به‌پێچه‌وانه‌ى هاورِێیه‌تى یه‌وه‌ كه‌ورده‌ورده‌ گه‌شه‌ده‌كات و،متمانه‌ له‌نێوانیاندا دروستده‌بێت،له‌هاورِێیه‌تیدا ژیرى له‌ده‌ست ناچێت،وه‌لىَ له‌ئه‌وینداریدا مرۆڤه‌كان به‌عه‌قڵ بیرناكه‌نه‌وه‌و،ده‌كه‌ونه‌ ژێركاریگه‌رى سۆزه‌وه‌،وایان لێدێت ناچارده‌بن چاو پۆشى له‌هه‌ڵه‌و،كه‌موكورتى یه‌كان بكه‌ن.چونكه‌ خۆیان داوه‌ته‌ده‌ست دڵ !!

ِێسماڵ) ده‌ڵێت:- ( هاورِێیه‌تى ئه‌وه‌یه‌ كه‌مرۆڤ قه‌ناعه‌تى ئه‌وه‌ى  لادروستت ببێت ،كه‌مرۆڤێكى ترى باش هه‌ڵبژێرێت،وهه‌ست به‌وه‌بكات هه‌سته‌كاندوولایه‌نن) ئه‌م بۆچونه‌ى (جى.ئێم.رِێسماڵ) له‌ كاتێكدا دروسته‌ ئه‌گه‌رهاورِێه‌تى له‌نێوانى دوورِه‌گه‌زى پێچه‌وانه‌دا نه‌بێت،واته‌: له‌نێوان هاورِه‌گه‌زه‌كاندابێت ،كچ وكچ ،یان كورِو كورِ، ده‌نا به‌شێوه‌یه‌كى گشتى  ده‌بێته‌ پێناسه‌ى ئه‌ویندارى ،لێره‌دا وته‌یه‌كى(مۆر)م وه‌بیرهاته‌وه‌،كه‌لاى وایه‌:( هاورِێیه‌تى له‌گه‌ڵ ئافره‌تدا دراوسێى ئه‌ویندارییه‌) له‌گه‌ڵ ئه‌م بۆچونه‌دا یه‌كناگرمه‌وه‌.چونكه‌هاورِێیه‌تى و،ئه‌ویندارى دووشتى لێكجودان.ئه‌گه‌رچى(جبران خلیل جبران) ده‌ڵێت :- (سه‌یركردنێكى ئافره‌ت به‌تیلى چاو به‌سه‌بۆئه‌وه‌ى پیاوبیكاته‌ شادومانترین،یان به‌دبه‌ختترین مرۆڤ).

ئه‌وین و...شێتى

ئه‌وكاته‌ى مرۆڤ بارى ده‌روونى تێكده‌چێت و،ده‌شێوێت ،به‌گوێره‌ى زانستى ده‌رونى (psychology) به‌ره‌و ئه‌وه‌ ده‌رِوات كه‌تووشى نه‌خۆشى ده‌رونى (Psychiatric disease) ببێت ،هه‌ربۆیه‌ زۆرێك له‌ شاره‌زایان و،پسپۆرِان ئه‌وین به‌ هۆكارێكى درووستبوونى نه‌خۆشى ده‌رونى ناوده‌به‌ن ،به‌تایبه‌ت له‌وكاتانه‌دا كه‌ ئه‌وینداره‌كان ناگه‌نه‌ ترۆپكى هیواو حه‌زه‌كانیان و،له‌ كۆشكى هاوسه‌رگرتندا یه‌كتر نابیننه‌وه‌و ،له‌یه‌كترى جیاده‌بنه‌وه‌و ،به‌مه‌ش جیابوونه‌وه‌ى سۆزدارى (emotional separation ) و،له‌ده‌ستدانى خۆشه‌ویست (loss of loved person ) رِووده‌دات و،كاریگه‌رى له‌سه‌مێشك و،ده‌روونى كه‌سه‌كان دروست ده‌كات و،دوورنییه‌ ببێته‌ هۆى شێتى ،ئه‌گه‌رچى هه‌ندێك له‌ لێكۆڵیاران پێیان وایه‌ ئه‌وین بۆ خۆى شێتییه‌ .چونكه‌ ئه‌ویندار بیركردنه‌وه‌ له‌ده‌ست ده‌دات و،ته‌نها خۆیان ده‌ده‌نه‌ ده‌ست سۆز (emotion) و،جگه‌له‌جوانى و،چاكییه‌كانى یه‌كترى ،هیچ هه‌ڵه‌و كه‌مو كورتییه‌ك نابینن و،چاوپۆشى له‌یه‌كتر ده‌كه‌ن ،له‌ پێناو مانه‌وه‌یان له‌ ئه‌ویندارى و،به‌رده‌وامبوونى ئه‌وینه‌كه‌یان ،كه‌ له‌ده‌ستدانى ژیرى خۆكردبێت ،یان سروشتى،به‌ جۆرێك له‌ شێتى داده‌نرێو لێره‌دا پێ ده‌ڵێن شێتى ئه‌وین ،و رِه‌نگه‌ هه‌موومان ئه‌و رِووداوانه‌مان بستبێت كه‌ ئه‌ویندارێك گوێچكه‌ براوى خۆى و،ئه‌ویندارێكى دى په‌نجه‌ى برِاوى به‌ ئه‌نگوستیله‌كه‌یه‌وه‌و ،ئه‌ویندارێكى دیكه‌ش ...... بۆ ئه‌وینه‌كه‌ى ناردووه‌ !!!.

ماوه‌ى ئه‌ویندارى به‌ماوه‌ى فه‌نتازى ناوده‌برێت ،كه‌ به‌گوێره‌ى ئاماره‌كان له‌و ماوه‌یه‌دا جگه‌ له‌ وشه‌كانى سۆزدارى وه‌ك ( گوڵه‌كه‌م - دڵه‌كه‌م - گیانه‌كه‌م - ئه‌زیزه‌كه‌م - ئه‌وه‌نده‌ى خۆتم خۆشه‌وێیت - .........) زیاتر زۆر به‌كه‌م و،ده‌گمه‌ن وشه‌ى دیكه‌ به‌كارده‌برێت ،ئه‌مه‌ جگه‌ له‌ رِووانینى قوڵ بۆ یه‌كترى ،كه‌مێشك و،دڵ به‌م وشه‌و سه‌رنجانه‌ زیاتر ده‌كرێته‌وه‌و، مرۆڤ ئاسوده‌ ده‌كه‌ن به‌ پێچه‌وانه‌ بوونه‌وه‌ى له‌ پرِیش كه‌هیچ ئاماده‌كارییه‌كى بۆ نه‌كرابێت كێشه‌ى فرمانى جه‌سته‌ى و،ده‌رونى دروست ده‌بێت و،دیاره‌ئه‌مه‌ش به‌گوێره‌ى كه‌سێتى (Personality)  كه‌سه‌كان و،تواناى خۆرِاگرییان ده‌گۆرِێت و ،هه‌رئه‌مه‌شه‌ وا له‌ (كریستیار رِه‌نبارى )ده‌كات ،كه‌ بڵێت : ( هه‌موو گه‌نجێك ناتوانێت خۆشه‌ویستى بكات .چونكه‌ خۆشه‌ویستى وه‌كو هێڵكارى دڵ وایه‌و ،ئاڵۆز ده‌بێت و،رِاست ده‌بێته‌وه‌ ،و رِێگه‌یه‌كى سه‌خته‌ بۆیه‌ هه‌ندێك جار گه‌نجى سویدى كاتێك ئه‌م هێڵكارییه‌ ده‌ست پێده‌كات به‌رگه‌ى ناگرێت و،وازدێنێت )

ئه‌مه‌ جگه‌له‌وه‌ى هه‌ندێك ئه‌وینداربوونیان به‌یه‌كترى ده‌گاته‌ رِاده‌ى ئالووده‌بوون به‌یه‌كترى ،وه‌ك چۆن مرۆڤ به‌ ماده‌ بێهۆشكه‌ره‌كان ،یان ده‌رمانه‌ پزیشكییه‌كان ئالووده‌ ده‌بێت ،ئه‌وانیش ئاوه‌ها ئالووده‌ى یه‌كتر ده‌بن و،حه‌زده‌كه‌ن زۆربه‌ى كاته‌كانى ژیانیان به‌یه‌كه‌وه‌ بن ،هه‌تاوه‌كو له‌یه‌كتر برِوانن و،پێكه‌وه‌ قسه‌بكه‌ن ،هه‌ربۆیه‌ ئه‌وكاتانه‌شى پێكه‌وه‌نین هه‌وڵده‌ده‌ن له‌ رِێگه‌ى مۆبایل و ،ته‌له‌فۆن و،چات كردنه‌وه‌ گووێیان له‌ ده‌نگى یه‌كتربێت ،یان یه‌كترى ببینن ،كه‌ئه‌مه‌ش هه‌ڵه‌یه‌و ،ئالووده‌بوون به‌هیچ شتێك باشنییه‌ و،نادروسته‌.

ئه‌وین و...هاوسه‌رێتى

(مه‌ولانا) ده‌فه‌رموێت: (هه‌رچه‌نده‌ ده‌مه‌وێت ئه‌وین لێكبده‌مه‌وه‌و ،وه‌سفى بكه‌م،كه‌خۆم ده‌كه‌ومه‌ ئه‌وینه‌وه‌ شه‌رمه‌زار ده‌بملێى!!).

هه‌ربۆیه‌ ئیدى هیچ له‌باره‌ى ئه‌وینه‌وه‌ناڵێم!!بۆئه‌م به‌شه‌ى نوسینه‌كه‌ش ته‌نها بۆچوونى پسپۆران ده‌خه‌مه‌ رِوو ،باخوێنه‌ر له‌ كۆتایدا خۆى برِیاربدات.

سه‌ره‌تا بۆچونێكى (تیودۆر لیدز)ى ده‌رونناس وه‌رده‌گرین كه‌ده‌ڵێت:- (سه‌ركه‌وتنى زه‌واج له‌پێكهاته‌یه‌ك له‌سه‌قامگیرى و،رِه‌زامه‌ندى له‌هۆشیارى و،تێگه‌یشتنى ئاكارو،سازگارى سۆزدارى و،گه‌شه‌سه‌ندنیدایه‌).وه‌لىَ ئه‌م قسه‌ى (رِینى یه‌ئه‌له‌ند)ى ده‌رونناس زیاتر په‌یوه‌ندى ئه‌وینمان بۆرِونده‌كاته‌وه‌ له‌گه‌ڵ هاوسه‌رگیریدا و،ده‌ڵێت:- (ئه‌گه‌ر ئه‌وین بوونى هه‌بێت،ئه‌وا:ژن و مێردایه‌تى بوونى نى یه‌ به‌ڵكوگیانێكن له‌دووجه‌سته‌داو،له‌باره‌ى رِۆحه‌وه‌ جیانابنه‌وه‌و،خێزان دروست ده‌كه‌ن)ئه‌مه‌سه‌ره‌رِاى ئه‌وبۆچونه‌زۆرانه‌ى كه‌ده‌ڵێن:- ( ئه‌وین دواى پرۆسه‌ى به‌هاوسه‌ربوون درووستده‌بێت.) و هه‌ندێكیشى بۆچونیان پێچه‌وانه‌یه‌و،لایان وایه‌ كه‌هه‌ربه‌هاوسه‌ربوونێك ده‌بێت له‌ئه‌وینه‌وه‌ده‌ست پێبكات.

ئه‌گه‌رچى دژه‌بۆچوون له‌م باره‌یه‌وه‌زۆره‌،به‌لاَم من پێموایه‌ ئه‌ویندارى به‌رله‌ پرۆسه‌ى به‌هاوسه‌ربوونه‌و،هۆكارێكه‌ بۆله‌یه‌كگه‌یشتنى رِه‌گه‌زه‌ دژه‌كان،و پاشان درێژه‌ى پێبدرێت بۆهاوسه‌رێتى.

سه‌رچاوه‌:

به‌شێوه‌یه‌كى گشتى سود وه‌رگیراوه‌له‌ بابه‌تى (فیسۆلۆژیاى ئه‌وین) ى(ئه‌حمه‌د شاه)ى پزیشكى رِه‌وانناس.

به‌شى پێنجه‌م

Welcome to HIV world

دروست له‌یادم نییه‌ ئه‌م نووسراوه‌م له‌كامه‌ بلاَوكراوه‌ى بیانیدا خوێنده‌وه‌ ، وه‌لىَ باش له‌بیرمه‌ كه‌وه‌كو هه‌واڵ و،له‌یه‌كه‌م لاپه‌رِه‌دا نووسرابوو : (به‌خێر بێى بۆ دونیاى ئایدز)

دوواى ئه‌وه‌ى كورِه‌ ملیۆنێرێكى خاوه‌ن كۆشك و،ته‌لارى تایبه‌تى ،كچێكى قه‌شه‌نگ دڵى دزى ، برَیاریدا په‌یوه‌ندییه‌كى ساده‌ له‌نێوانیاندا هه‌بێت ،بۆئه‌وه‌ى ئه‌گه‌ر گونجان دوواى له‌ یه‌كتر حاڵیبوون بیخوازێت ،كه‌چى ته‌نها شه‌وێك له‌ماڵى كورِه‌دا مایه‌وه‌و ،بێئه‌وه‌ى لێى حاڵى ببێت كه‌وته‌ داوێكى گه‌وره‌تره‌وه‌ ،كه‌ئه‌ویش ك له‌ززه‌ت و،سێكسه‌و ،بۆ شه‌وى دووه‌م و،سێهه‌م و،.......،ده‌ستیان كرد به‌ رِابوواردن و،دوواى زیاتر له‌ دوو هه‌فته‌ ،به‌یانییه‌كى زوو به‌رله‌وه‌ى كورِه‌ له‌خه‌و هه‌ڵبستێت ،كچه‌ى قه‌شه‌نگ به‌ سووراوه‌كه‌ى له‌ سه‌ر ئاوێنه‌گه‌وره‌كه‌ى ژووره‌كه‌ بۆى نووسى : ( Welcome to HIV world) و ،كورِه‌ى به‌جێهێشت .چونكه‌ لێره‌دا كارى ئه‌و ته‌واو بوو،لێره‌دا ئه‌و قسه‌ باوه‌ى نێوخه‌ڵكم وه‌بیرهاته‌وه‌ كه‌ ،ده‌ڵێت : ( مادام خۆم زه‌ره‌رم كرد ،باهه‌موو خه‌ڵكیش زه‌ره‌ر بكات) كه‌واته‌ مادام ئه‌و تووشى ئێیدز بووه‌ ،باهه‌موو خه‌ڵكانى دیكه‌ش تووشببن و،به‌هه‌مان ئازاره‌وه‌ بتلێنه‌وه‌و،چاوه‌رِێى مه‌رگ بكه‌ن.

بێگوومان وه‌كو شاره‌زایانى ده‌روونى باسى ده‌كه‌ن ئه‌مه‌ گرێیه‌كى ده‌رونییه‌و ،له‌ هه‌ندێك له‌و نه‌خۆشانه‌دا دروست ده‌بێت ،كه‌ دووچارى نه‌خۆشى بێچاره‌سه‌ر ده‌بن و،به‌تایبه‌تى ئه‌و نه‌خۆشانه‌ى ده‌توانن بێهیچ گرفتێك و،به‌ئاسانى خه‌ڵكانى دیكه‌ تووشبكه‌ن .

لێره‌دا سه‌ره‌تاى نووسینه‌كه‌ كۆتاى پێدێت ،كه‌ رِووداوێكى رِراسته‌قینه‌یه‌و،به‌ خوێندنه‌وه‌ى به‌ره‌و ئه‌وه‌مان ده‌بات وه‌ك ئه‌وه‌ى سه‌یرى فلیمێكى ئیغراى ئه‌مریكى ده‌كه‌ین.

********

له‌هه‌ندێك بلاَو كراوه‌دا ،بابه‌تگه‌لێكم له‌سه‌ر ئێیدز خوێندۆته‌وه‌ كه‌ به‌ خوێندنه‌وه‌ى مرۆڤ خۆشحاڵده‌بێت ،به‌وه‌ى كه‌سانێك هه‌ن خه‌مى نیشتمان و،ئاسایشى نه‌ته‌وه‌ى نه‌ته‌وه‌كه‌یان ده‌خۆن ،وه‌لىَ به‌ خوێندنه‌وه‌ى وردى بابه‌ته‌كان به‌ره‌و رِه‌شبینى ده‌رِۆین .چونكه‌ زۆرینه‌ى نووسینه‌كان خۆدزینه‌وه‌یه‌ له‌ باسه‌كه‌و ،به‌ملاو لادا بردنى ئه‌سڵى بابه‌ته‌كه‌یه‌ ،به‌ بیانووى ئه‌وه‌ى گوایه‌ به‌باسكردن و،بلاَوكردنه‌وه‌ى پۆسته‌رى ئاگادارى له‌ شوێنه‌ گشتییه‌كاندا ترس و،دڵه‌رِاوكىَ له‌ نێو خه‌ڵكیدا ده‌چێنێت ،كه‌ئه‌مه‌ش بیانوو هێنانه‌وه‌یه‌كى ناجۆرو نادرووسته‌ . چونكه‌ له‌ رِۆژى رِووخانى رِژێمى به‌عسه‌وه‌ ،ژماره‌ى سه‌ردانكارانى بیانى زیادى كردووه‌و،گه‌رِانه‌وه‌ى كوردو عێراقییه‌ ئه‌وروپى و،رِۆژئاوانشینه‌كان به‌هه‌مان شێوه‌ چانسى بلاَوبوونه‌وه‌ ى ،ئه‌گه‌ر نه‌ڵێم : په‌ره‌سه‌ندنى ، نه‌خۆشییه‌كه‌ زیاد ده‌كات ،ئه‌مه‌ باله‌وه‌ گه‌رِێین كه‌ ژماره‌یه‌كى زۆرو زه‌وه‌ندى عاره‌بان رِووده‌كه‌نه‌ ئێره‌ به‌مه‌به‌ستى پاره‌په‌یدا كردن به‌هۆى هه‌راجكردنى جه‌سته‌یانه‌وه‌ ،كه‌من دژى ئه‌مه‌ نیم و،به‌شێكه‌ له‌ ئازادى و،بیركردنه‌وه‌ى مرۆڤ،وه‌لىَ ئه‌گه‌ر ژماره‌یه‌كى زۆر كه‌مى ئه‌م ئافره‌تانه‌ى هه‌ڵگرى ڤایرۆسى ئایدزبن ، ئه‌وا له‌ 10 ساڵى ئاینده‌دا كۆمه‌ڵگه‌ى كوردى ده‌كه‌نه‌ یه‌كێك له‌ كۆمه‌ڵگه‌ ناسراوه‌كانى دوونیاى ئێیدز،بێگوومان به‌هۆى بێترسى و، كه‌مى نرخى له‌شفرۆشییانه‌وه‌ ژماره‌یه‌كى زۆر گه‌نجى كورد رِوویان تێده‌كه‌ن بۆ خاڵیكردنه‌وه‌ى سێكسى و،ئه‌مه‌ش چانسێكى دیكه‌ ده‌به‌خشێت به‌ كارابوونى ئه‌و ڤایرۆسه‌ له‌نێو كۆمه‌ڵگه‌دا.

لێره‌دا ده‌مه‌وێت باسله‌ بیانوویه‌كى ناجۆر و،نادروست بكه‌م، كه‌ گوایه‌ به‌هۆى مافى مرۆڤه‌وه‌ ناتوانرێت زۆر له‌خه‌ڵكانى بیانى بكرێت تا بپشكنرێن ، به‌هۆى ئه‌م بیانووه‌ وه‌ سانا بلاَوبوونه‌وه‌ى ڤایرۆسه‌كه‌ ده‌بێته‌ میتۆدێكى چه‌سپاو ،وه‌لىَ مایه‌ى نیگه‌رانییه‌ خه‌ڵكى له‌و بیانووه‌ ناجۆرو ،نادروسته‌ خۆشببن .چونكه‌ ئه‌گه‌ر واشبێت ئه‌وه‌ى مافى پاراستنى تاكه‌ له‌سه‌ر حسابى مافى چه‌ندین ملیۆن مرۆڤ و،نه‌ته‌وه‌یه‌كى دیكه‌ ،كه‌ئه‌مه‌ش پێچه‌وانه‌ى رِه‌وشى مرۆڤایه‌تییه‌ .

***********

گوومان له‌وه‌دانییه‌ كه‌ ژماره‌یه‌كى زۆركه‌م له‌ خه‌ڵكانى بیانى رِووده‌كه‌نه‌ تاقیگه‌كان بۆ پشكنین .چونكه‌ ئه‌م بیانییانه‌ دووى داغڵبوون و،هاتنه‌ ناوه‌وه‌ى ولاَت و،شاره‌كان ده‌پشكنرێن ،كه‌ ئه‌مه‌ش كێشه‌یه‌ .چونكه‌ به‌ڵگه‌ چییه‌ ،كه‌ به‌رله‌ رِووكردنه‌ تاقیگه‌كان كارى سێكسییان ئه‌نجامنه‌داوه‌ كه‌ به‌نه‌زه‌رى من ئه‌گه‌رله‌ سنووره‌كان نه‌پشكنرێن ،ئه‌واپشكنینى نێوشاره‌كان هیچ سودى نابێت .

جگه‌له‌م هه‌موو كێشانه‌ نه‌بوونى دكتۆرى  پسپۆرِى ئێیدز له‌ كوردستاندا كێشه‌یه‌كى دیكه‌یه‌ ،وه‌كو كێَشه‌ى نه‌بوونى پێداویستییه‌كانى تاقیكارى ( HIV Test ) كه‌ ئه‌مرِۆ له‌ دوونیادا به‌كار ده‌برێت ، و پێشكه‌وتووترین كه‌ره‌سته‌ن و،به‌مه‌ش گیانى كارمه‌ندو ،دكتۆره‌كانى تاقیگه‌ پارێزراو ده‌بێت و، زۆر به‌ده‌گمه‌ن رِێده‌كه‌وێت مرۆڤێك كه‌سه‌ردانیان ده‌كات و،ساغه‌ ،تووشببێت و،ببێته‌ هه‌ڵگر ،واته‌ نابێته‌ ناوه‌ندى بلاَووبوونه‌وه‌ى ئایدز.

سه‌رنج:

ئه‌م بابه‌ته‌ ئه‌وه‌نده‌ى بابه‌تێكى رِه‌خنه‌ى كۆمه‌لاَیه‌تییه‌ ،ئه‌وه‌نده‌ بابه‌تێكى شیكارى زانستى نه‌خۆشییه‌كه‌ نییه‌.

*ئه‌م بابه‌ته‌ له‌ هه‌فته‌نامه‌ى جه‌ماوه‌ر/خولى یه‌كه‌مدا ،بلاَوكراوه‌ته‌وه‌.

 

ده‌ستپه‌ڕ لە نێوان کچان و کوڕانى گەنج دا
نووسینی:
هێمن مەلا کەریم بەرزنجى

ده‌ستپه‌ڕ ( خووه‌نهێنی ) هەڵسوکەوتێکى خودییە و،ئەنجامدانى سێکسە بەبێ بوونى ڕەگەزى بەرامبەر و،هەر لەبەر ئەمەشە بە خووە نهێنى ناودەبرێت. چونکە بە نائاشکرا و،بێ ئاگادارى خەڵک و دوورلە چاوى کۆمەڵ ئەنجامدەدرێت،بەڵام ئەم پێناسە و،زاراوەیە زیاتر لە پەرتووکە سێکسییەکاندا هاتووەو،لە پەرتووکە ئاینییەکاندا بە (ئیستیمنا ْ)هاتووە،کە بەماناى هێنانەوەى مەنییە بەدەست و،هاوکات زاراوەکانى (النکاح الید، عمیرە، حلب عمیرە، و الخچعە) یش بەکاربراوە (1) کە هەموویان یەک مەبەست دەردەخەن ، و یەک کردارن بەناوى جیاوازەوە.
بەبێ ئەوەى هیچ کەسێک ببوێرین ،هەموومان خووەنهێنیمان ئەنجامداوە،یان فەنتازیاى سێکسى،یان خەیاڵاتى سێکسى، ئەگەرچى هەموومان حاشاى لێدەکەین (2) ، بەهۆى ئەم نهێنى بوون و،حاشا لێکردنەوە ،هەندێک لە زانایان بە (سێکسى بێ هاوبەش) ناوى دەبەن،لەوانە (جاد بیللى) لە لێکۆڵینەوە چاپکراوەکەیدا لە ساڵى 1975، وە (دى مارتینۆ) لە ساڵى 1979،و (فریداى ) لە ساڵى 1980 ، و (کونستانتین) لە ساڵى 1981 و،(بیتى دودسۆن) ساڵى 1974.
بێگومان ئەم کردارە،کە بۆ وەرگرتنى چێژە،بەشێوەیەکى زۆر بەربڵاوە،بە جۆرێک ک،کە گونجاوە بڵێین 90-95% ى کوڕان و،70% ى کچان ئەنجامى دەدەن(3) ، وەلێئەم بۆ چوونە ڕەهانى یەو، زانایانى دیکە قسەى جیاوازیان هەیە،لەوانە : (کینزى) پێى وایە کە 62% ى ئافرتان و 92% ى پیاوان خووە نهێنى ئەنجام دەدەن ،ئەگەر بۆ تەنها جرێکیش بێت لە ژیانیان دا و، سەرژمێرى (هنت) ،کە لە ساڵى 1974 دا ئەنجامى دا لەم بارەیەوە دەڵێت : لە 94% پیاوان لەکۆى 982 کەس و، ئافرەتان لە 63% لە کۆى 1044 ئافرەت خووەنهێنى ئەنجامدەدەن و،لێکۆڵینەوەى (کتون)لە ساڵى 1974 پێى وایە ،کە 89% نێێرینە و،61%مێینە ئەنجامى دەدەن.
هەندێک زاناى دیکەش تەنها لێکۆڵینەوەیان لەسەر ڕەگەزێکى مرۆڤ ئەنجامداوە ، لەوانە (میللر ولیف) لە ساڵى 1976 لێکۆڵینەوەیەکى لەسەر ئافرەتان کرد و،پێى وایە کە لە 78% ى ئافرەتان خووەنهێنى ئەنجامدەدەن ، و لەم بارەیەوە لێکۆَڵینەوە دیکە زۆرن و،ئەوەندە بەسە بیخەینە بەردەستى خوێنەر بۆ ئەوەى بۆى ڕوونببێتەوە قسەکان ڕەهانین و،گۆڕانیان بەسەر دا دێت و،بە گوێرەى کات و،شوێن و،ئاین و،کەلتور و،ئاستى ڕۆشنبیرى و،سنورى تابۆبوونى سێکسى و،کاریگەرى تەکنەلۆژی و ،زۆر شتى تر ئەنجامەکان جیاوازدەبن.
ئەم خۆشى بینینەى خووەنهێنى بەچەند شێوەیەکى جیاواز ئەنجامدەدرێت ،وەکو لێخشاندن،یان هەڵگڵۆفین ،دەست پیاهێنان یان گووشین ،یان لەرینەوەو هەژاندن،کە زیاتر ئەم شێوانە نێرینە دەگرێتەوەو،مێینەش بەزۆرى بەهۆى ڕانیەوە ،یان دانانى شتێک لە نێوانە هەردوو ڕانى دا،یان لێخشاندن و،بەکارهێنانى ئامێرى تایبەتى،وەک دەزانرێت ئەم کردارانە بۆ ئەندامى زاوزێى نێرو مێ بەکاردێت و،دەگونجێت ئەندامەکانى دیکەى وەکو مەمکەکان،یان کۆم لەم سێکسەدا بەشداربن،وە بەگوتەى لێکۆڵیار (کینزى) 20% ى ئافرەتان خووەهێنى ئەنجامدەدەن بەهۆى پەنجىتێخستنەوە،یان شتى تر ، کەبۆ وروژان بەکارى دەهێنن.
تەکنەلۆژیاى نوێش لە ئاست ئەم بابەتەدا نەوەستاوەو ،ئامێرى (Vibrators ) ى بۆ ئافرەتان بەرهەمهێناوە،کە لە شێوەى زەکەرى پیاودایەو، لەمەتات دروستکراوەو،بەهۆى دەستەوە بەکاردێت،یان بەهۆى کارەباوە،واتە کارەباى و،دەستى هەیە،لە کاتى نەبوونى هاوبەشى ژیاندا بەکاردێت ،هاوکات ئامێرى تایبەتیش بۆ پیاوان دروستکراوەو،دەتوانرێت وەکو یارمەتى دەرێکى خووەنهێنى ،یان جێگرەوەى بەکاربهێنرێت .
بێگومان ئەم جۆرەى سێکس تەنها لەناو گەنجان و،بێ هاوسەرەکاندا نییە،بەڵکو لەناو هاوسەر دارەکانیش دا خووەنهێنى ئەنجامدەدرێت و،لەمبارەیەوە (هنت) لە لێکۆڵینەیەکى دا لە ساڵى 1975 پێى وایە کە 72% ى پیاوانى خاوەن هاوسەر ئەم دیاردەیە پیادەدەکەن بە ڕێژەى (24) جار لە ساڵێکدا ، و لە 68 ى ئافرەتانى خاوەن هاوسەرى نوێش بە ڕێژەى 10جار ئەنجامى دەدەن لە ساڵێکدا و،چێژى لێوەر دەگرن.
وەک دەزانرێت جگە لەم کردارەى سێکس ،کردارى تریش هەن کە ئەنجامدانى کردارى سێکسن بەبێ بوونى هاوبەش و،هەندێکیان خۆکردن و،هەندێکیان بێ ئاگادارى خود بە ئەنجامدەگەن،لەوانەش خەوى سێکسى و،فەنتازیاى سێکسى و،فەنتازیاى ڕۆمانسى و،.،وەلێ لێرەدا باسین ناکەین و،تەنها بۆ زانیارى خوێنەر و،گەنجان ،ئاماژەیەکى کورتمان پێدان و،باسکردنیان هەڵدەگرین بۆ باس و ،شوێنێکى تر .
دوواى ئەوەى زانیاریمان لە بارەى خووە نهێنى یەوە خستە ڕوو، و پیناسەمان کرد،پێویستە بزانین ڕێگەو هۆیەکانى بڵاوبوونەوەى ئەم دیاردەیە چییە، کە بە کورتى و،لەچەند خاڵێکدا باسیان دەکەین،بەم شێوەیە:
1-
پەرتووکى تایبەتى کە بەوردى و،بە دوورودرێژى باسى ئەم دیاردەیە دەکات و،چۆنێتى ئەنجامدانى و،کردارییانەى خووەنهێنى ڕووندەکاتەوە.
2-
فێربوون بە شێوەیەکى خۆى و،دۆزینەوەى لەلایەن خودى مرۆڤەکە خۆیەوە ،کاتێک دەستى بەر ئەندامەکانى زاوزێى دەکەوێت و،خۆشییان لێدەبینێت و،چەند بارەیان دەکاتەوە بۆ خۆشیبینینى زیاتر .
3-
ڕێگەى سێهەم ،کە زۆر باوەو،گەورەترین ڕێگەى تەشەنە کردن و،بڵاوبوونەوەى ئەم جۆرە سێکسەیە ،فێربوونە لە ڕێگەى هاوڕێ و،کەسى نزیک و،دراوسێ و،هاوڕێى قتابخانەوەو،هەندێک جار دوورلە سەرنجى گەورەو ،خاوەن ئەزموونەکانە هەربۆیە بەترسناکترین ڕێگە دادەنرێت و،مەترسى لادان و،دروستبوونى گرفتى تەندروستى لێدەکرێت.
4-
فێربوون بەهۆى فلیمە سێکسییەکانە ،کە ئەم فلیمانە بەهۆى تەکنەلۆژیاى نوێوە بڵاوبوونەتەوە و،بە هۆى هەریەکێک لە ئامێرەکانى (دیڤیدى و،سیدى و،سەتەلایت و،ئیڤیدى و،کۆمپیوتەر و ئینتەرنێت و،پلەیستەیشنەوە) بەکاردێت و،لاوە تازەپێگەیشتووەکان ،کە لەو پەڕى کەف و کوڵى سێکسی دان دووبارەیان دەکەنەوەو،هەوڵى ئەنجامدانیان دەدەن و، بەهۆیەوە فێردەبن، هەرلەبەر ئەم هۆیەشە کە کاتێک لە(فەرەح یوسف ئەحمەد) ى(پسپۆڕى سەرپەرشتیارى چالاکى ئاینى لە ژینگەى گەنجان و،هەڵگرى بڕوانامەى ماجستێر لە ئسوڵى دین و،بڕوانامەى بەکالۆریۆس لە زانستى کۆمەڵایەتى ) دەپرسن لە بارەى کاریگەرترین هۆیەکانى ڕاگەیاندن بەسەر گەنجانەوە ،لەوەڵامدا بە پلەى یەکەم کەناڵە ئاسمانییەکان دیارى دەکات.چونکە هەنووکە سەتەلایت بۆتە پێکهاتەى هەرماڵێک،و پاشان هۆیەکانى دیکەى ڤیدیۆیی.
وەک چۆن لەبارى زانستى یەوە دژە بۆ چوون هەیە لەبارەى بوون و،نەبوونى زیانەوە و،هەندێک پێیان وایە ئەگەر بووە شتێکى ئالوودە ،ئەوا زیانى زۆرى دەبێت،وەئەگەر بەڕێژەیەکى کەم بێت ئەوا زیانى نابێت،یان زیانى زۆر کەم دەبێت (4) ،بەهەمان شێوە لە بارى ئاینیشەوە دژە بۆچوون لەنێوان فەقیهەکاندا هەیەو،من بۆ خۆم هیچ کاتێک حەزناکەم هیچ شتێک لەبارەى ئاینەوە بڵێم .چونکە ئەوە کارى من نییە و،کارى فەقیهەکانى دینە،وەلێ لەبەر گرنگى باسەکە زۆر بەکورتى ئاماژە بە بۆچوونى زانیان و،پسپۆڕە ئاینییەکان دەکەم.
ڕاڤەکارانى قورئانى پیرۆز بە پشت بەستن بە ئایەتەکانى (5-7) ى سورەتى (المۆمنون) کەدەفەرموێت { ۆالذینَ هُمْ
لِفرُوجِهِمْ حَافِظونَ * إِڵا عَڵى ازْۆاجِهِمْ اوْ مَا مَڵکَتْ ایْمَانُهُمْ فَإِنَهُمْ غَیْرُ مَلُومِینَ * فَمَنِ ابْتَغَى ورَاء ذلِکَ فاوْڵئِکَ هُمُ الْعَادُونَ }ئەم جۆرە سێکسە و،هەموو جۆرەکانى ترى سێکس ،کە لە دەرەوەى چوارچێوەى هاوسەرگرتن و،خێزاندارى دا بێت ،قەدەغە دەکەن و،وەکو بەڵگەیەکى بەهێز بۆ حەرامێتى ئەم دیاردەیە بەکارى دەهێنن و،هاوکات بەپشت بەستن بە زۆر فەرموودەى پێغەمبەر (د.خ) دەتوانین حەرامێتى ئەم دیاردەیە باسبکەین،ئەگەر بڕوانینە کتێبى (تفصیل وسائل الشیعە إلى تحصیل مسائل الشریعە 20 / 353 ) ئەوا لەبابى حەرامکردنى ئیستمنا ْ دا، فەرموودەى ژمارە ژمارە (25808) مان دەکەوێتە بەرچاو ، کە بەڕوونى باس لە حەرامێتى ئەم دیاردەیە دەکات ،وە ئەگەر بڕوانینە پەرتووکى (کتاب الکبائر) ئەوا بە ڕوونى دەبینین ،کە چۆن حەرامێتى ئەم دیاردەیە ڕوونکراوەتەوە و،پێغەمبەر (د.خ) لە فەرموودەکانى دا و،لە شوێنى جیاوازدا ئاماژەى بەوە داوە،کە حەوت کەس هەن لە ڕۆژى دووایدا خواى گەورە بە چاوى سۆز و،بەزەییەوە سەیریان ناکات و،یەکێک لەو کەسانە ئەوانەن کە (خووەنهێنى ) ئەنجامدەدەن ،دیارە لە ئاماژەدان بە فەرموودە دا ،گرفتى بەهێزى و،بێ هێزیمان هەیەو،لێرەدا من ناچمە ئەو باسەوە و،تەنها ئاماژە بەوە دەکەم ،کە ئەم فەرموودانەى حەرامکردنى ئەم دیاردەیە کە لە (کتاب الکبائر) دا هاتوون لەلایەن زانایانەوە بە بێ هێز دانراوە، وە بەگوێرەى بۆچوونى زۆربەى ئیمام و،زانایان ئەنجامدانى ئەم کارە حەرامە تەنها بەلاى (ئیمامى ئەحمەد و،ئیمامى ئەبو حەنیفە) وە نەبێت، دروستە، ئەویش لە هەندێک کاتى دیارى کراودا ڕێگە پێدراوە ، نەک بکرێتە کارو کردەوەى هەمیشەى و،خووى پێوەبگیرێت، وەڕوون و،ئاشکرایە کە لە نێوان زانایانى سەردەمیشدا بۆ چوونى جیاواز هەیە، وەک چۆن لە نێوان زانایانى پێشین هەبووەو،باسکردنى تەواوى ئاینى ئەم دیاردە سێکسییە جێدەهێڵم بۆ مامۆستایان و،زانایانى ئاینى پیرۆزى ئیسلام.
ڕۆچوون لە نێو هەر دیاردەیەک و،ئالوودە بوون پێى دەبێتە مایەى گرفت و،زیانى لێدەکەوێتەوە،جاڕەنگە زیانەکان لە ئێستادا دەربکەون ، یان لە ئایندەى ژیانى مرۆڤەکاندا،وە ڕەنگە زیانەکان جەستەى بن،یان دەروونى،وەلێ لە ڕادەى سروشتى خۆیدا هیچ کردارێک زیانى گەورە و،بەرچاوى نابێت،هەربۆیە بۆ خربەدوورگرتن لەم جۆرەى سێکس،یان پاراستنى تازە پێگەیشتووەکان لەلایەن باوانەوە،پێویستە ڕەچاوى چەند خاڵێک بکەین،یاخوود ئەگەر ئالوودەبوویت بەم کردارە بە خاڵانە خۆت ڕزگاربکە:
1-
ڕەخساندنى هەلى هاوسەر گیرى بۆ کچان و،کوڕانى گەنج ،بەمەش ئەو کەسانەى کە بۆ چێژوەرگرتن ئەم کارە ئەنجامدەدەن تاڕادەیەک لێى دوور دەکەونەوە.چونکە چێژى ئەم کارە چێژى ڕاستە قینە نییە.
2-
دوور کەوتنەوە لەو کەسانەى ،کە زۆر باس لەم جۆرە سێکسە دەکەن و،دەبنە هاندەر .
3-
نە خوێندنەوەى ئەو ڕۆمان و،چیرۆک و،بابەتانەى ،کە هەست بزوێنن ووروژاندن دروست دەکەن.
4-
تەماشا نەکردنى ئەو ڕۆژنامەو گۆڤارانەى کە وێنەو بابەتى پۆرنۆگرافى ** لە خۆدەگرن.
5-
دانانى ئامێرە خزمەتگوزارییە تەکنەلۆژییەکانى وەک (سیدى، دیڤیدى، ئیڤیدى،سەتەلایت، ..) لە هۆڵدا،یان لە شوێنێکدا کە مافى هەموو تاکەکانى خێزانى بەسەرەوە بێت و،تایبەت نەبێت بە یەک کەس ،یان لە ژوورى چۆڵدا نەبێت.
6-
نەچوون بۆ ناو جێگەى نووستن تەنها لەو کاتانەدا نەبێت کەبەتەواوى خەوت دێت.
7-
خۆخەریک کردن بە خوێندنەوەى کتێب و،گۆڤارى زانستى سود بەخش.
8-
خەوتن لەسەر لاو ، و خۆدورگرتن لە خەوتنى لەسەر دەم .چونکە یەکێکە لەهۆیەکانى وروچاندن.
9-
پەروەردەکردنى خودى گەنج لەسەر پشت بەخۆ بەستن و،ئەرک لە ئەستۆ گرتن.
10-
بە ڕۆژوو بوون ، کە دەبێتە هۆى کەمکردنەوەى ئارەزووى سێکسى مرۆڤ.
سەرچاوەو پەڕاوێزەکان:
*
خووەنهێنى :دەست پەڕ: العادە السریە:Masturbation
** Pornography
پۆرنۆگرافى :وێژە و وێنەو هونەرى بەرەڵا و بێ ئابڕوو دەربارەى جووتبوون،وێنەو نووسینى هەڵماڵراو هەوەس بزوێن.
1-
بڕوانە تەفسیرەکانى (نەسەفى،کەبیر،ئالوسى،قورتبى،جەلالەین ئیبن کەسیر،فی چلال القران)
2-
التاریخ السری للعادە السری ،موقع الایلاف
3-
العادە السریە Masturbation ، ماڵپەڕى سەحە،بەشى تەندروستى سێکسى.
www.sehha.com/sexualhealth
4-
اسئلە حول العادە السریە Masturbation Q&Aسەرچاوەى پێشوو
www.islam4u.com
www.islamonline.net
www.islam-qa.com

ماڵپه‌ڕی ده‌وروونناسی
www.derunnasy.com

 

 

 

 

 

 

 

 

.