АБДУЛ ХАЛИТ сайты

Сез
Халит сайтына килеп кердегез...
Очраклы рәвештәме әллә үзегез теләпме,эзләп табыпмы...килеп кердегез инде...
РӘХИМ ИТЕГЕЗ!!!

Мин Әбделмәнов Халит Хәмит улы 1974 елның 12 декабрендә Башкортостанның Чакмагыш районы Яңабирде авылында бу фани дөньяга беренче аваз салганмын.

Карьявды урта мәктәбен яхшы билгеләргә генә тәмамлагач, армия сафларына алынганчы  Яңабирде мәдәният йортында худрук вазифасын башкардым.

Армиядән соң үзебезнең “”Волга” авыл хуҗалыгында компьютерчы булып эшләдем.

Югары белем алу нияте мине Бөре дәүләт педагогия институтына алып килде һәм мин анда филология факултетын тәмамладым.

Институттан соң Яңа Карьяуды урта мәктәбендә балаларга белем бирә башладым.

Мин үзем иҗади шәхес. Мәктәп елларыннан ук район гәзит битләрендә мәкаләләрем, хикәяләрем, шигырьләрем дөнья күрделәр. “Өмет” гәзитендә “МУЗКҮЗ” дигән музыкаль дөньяга бәйле шәхси рубрикам да бар иде. Әлеге вакытта күбрәк мистик яки фэнтези жанрында иҗат итәм.

Авыл хуҗалыгында компьютерда эшләгәндә хуҗалыкның газетасын чыгара башлаган идем. Бу газета 7ел буена, даими рәвештә, урып –җыю эшләре вакытында  чыгып килә.

 Әлеге вакытта  Башкортостанның Чакмагыш районы Яңа Карьяуды мәктәбендә укытучы булып эшлим.