1

لینک های دوستان

خوش آمدید

آی یولداش باغیشلا

شعر زير از شاعر جوان شهرمان آقاي علي كريمي ميباشد با آرزوي موفقيت و سلامتي براي ايشان

                     

        آی یولداش باغیشلا
 آی یولداش باغیشلا ایش بئله گلدی

 بو سؤزدن اینجیمه اوره گیم  یانیر

  سؤزومو  سنینله آچماق  استه دیم

                                             البت کی  یانانی، تک  یانان  قانیر

نئچه ایل بیر یولون  یولداشی  اولدوق

منده ،سنده، اوره ک  سیرداشی اولدق

کده رلی گؤزله رین گؤزیاشی اولدوق

                            بیزله ری  سیخینتی، گؤز یاشی تانیر

قوی   دئییم   باشیما  گلنی   سنه

یوخ سندن بیر یاخین اولانی منه

باخ بو باش ساققالدا   دوشولن دنه

                           زامانسز آغ  آپ آغ  رنگه  بویانیر

عؤمرومو بیرینین یولوندا  قویدوم

باخیشی، سؤزونه آلداندیم،  اویدوم

من اونون، او منیم اولاسی دویدوم

                          ایندیسه او منی اؤزگه سی  سانیر

کئچمیشلر اوز اوزه  دورور منیمله

گلمیرلر قورخودان سؤزله ریم دیله

آی یولداش تکجه سن گل منی دینله

                        ایندی کی سئودیگیم  قیز منی دانیر

الیمدن وئردیگیم عؤمور بویلانیر

اؤج آلماق ایسته ییر مندن آسلانیر

اؤنومده    گلجک     قارانلیقلانیر

                       بئینیمده، کؤنلومده  قابارلار  قانیر

دیللرده آیریلیق راحات سوزولور

محبت، سئوگی، پیس یامان ازیلیر

آی یولداش اؤلومه نئجه دؤزولور

                      چئورمده عزراییل یامان فیرلانیر

الویداع سؤیله دی؛ گئتدی  یولونا

باخمادی آرخاسی، ساغی، سولونا

ایمکانی یوخ اونون یئری   دولونا

                     اوره گیم دالیجان، ده لی دولانیر

عیللت سیز آیریلیق ندن دیر ندن؟

آیریلدیق«بئله سی»! ندن بیلمه دن!

سارسیندیق هئچینه هم او همده من

                     ایکیجه یاشاییش، بئله  اودلانیر

اوخودون   باشیما   گلنی   یولداش

آند اولسون سئوگییه او سنی یولداش

قورتار  درد الیندن بو منی   یولداش

                         اوره گیم اورتادا، هله تاپدانیر

سئودیگیم «گرگر»ین آیی، اولدوزو

شعریمده سؤزومده وار اونون ایزی

آی یولداش قیزاریر«ائلچین»ین اوزو

                         آدینی  دئمگه  سنه   اوتانیر

آی  یولداش سنینله سؤزومو  دئدیم

قورخدوم اینجییه سن ایچیمی یئدیم

ایسته سن دئ قالیم ایسته سن گئدیم

                        اوره گیم اؤیره نیب، درده قاتلانیر!     

علی اکبر کریمی(ائلچین آقا اوغلو)

 
Comments