VIII FESTIVAL HÉRCULES BRASS

GRAZAS POR ESTAR AQUÍ!

Estamos moi contentos de poder presentar unha nova edición do "Festival Hércules Brass Celanova", que organizamos con moita ilusión, responsabilidade e entusiasmo.

Seguimos traballando para que este encontro musical sexa un referente para as novas xeracións de músicos do vento metal, aválannos 7 anos de experiencia e queremos seguir colleitando éxitos como nas nosas edicións anteriores.

Do 1 ao 5 de agosto de 2022 queremos que respires música e ilusión connosco, goces de novos concertos e, por suposto, aprendas e compartas dos mellores profesores de trompeta, trombón, trompa e tuba.

Organizamos clases maxistrais impartidas por un gran elenco internacional e nacional de profesores como Roberto Bodí, Juan Manuel Gómez, Jon Etterbeek e Gianluca Grosso. Todo cunha gran traxectoria e un equilibrio no seu perfil entre a parte artística e a docente.

Ademais, estamos especialmente felices de traer a Celanova os concertos de Kambras Quintet e o da Real Filharmonía de Galicia dirixida polo mestre Maximino Zumalave.

Así mesmo, hai que engadir os concertos da Banda de Música de Celanova, que mesturará os seus acordes co Quinteto Hércules Brass e o tradicional Hércules Brass Ensemble que interpretará un novo repertorio.

Agardamos verte de novo en Celanova e formar parte desta nova edición.

AGARDÁMOSTE!


Hércules Brass