~Old Testament Project‎ > ‎Genesis Resources‎ > ‎Genesis Index & PDF‎ > ‎Genesis 2‎ > ‎Genesis 3‎ > ‎Genesis 4‎ > ‎Genesis 5‎ > ‎Genesis 6‎ > ‎Genesis 7‎ > ‎Genesis 8‎ > ‎Genesis 9‎ > ‎Genesis 10‎ > ‎Genesis 11‎ > ‎Genesis 12‎ > ‎Genesis 13‎ > ‎Genesis 14‎ > ‎Genesis 15‎ > ‎Genesis 16‎ > ‎Genesis 17‎ > ‎Genesis 18‎ > ‎Genesis 19‎ > ‎Genesis 20‎ > ‎Genesis 21‎ > ‎Genesis 22‎ > ‎Genesis 23‎ > ‎Genesis 24‎ > ‎Genesis 25‎ > ‎Genesis 26‎ > ‎Genesis 27‎ > ‎Genesis 28‎ > ‎Genesis 29‎ > ‎Genesis 30‎ > ‎Genesis 31‎ > ‎Genesis 32‎ > ‎Genesis 33‎ > ‎Genesis 34‎ > ‎Genesis 35‎ > ‎Genesis 36‎ > ‎Genesis 37‎ > ‎Genesis 38‎ > ‎Genesis 39‎ > ‎Genesis 40‎ > ‎Genesis 41‎ > ‎Genesis 42‎ > ‎Genesis 43‎ > ‎Genesis 44‎ > ‎Genesis 45‎ > ‎Genesis 46‎ > ‎

Genesis 47

as we have time, we will move these to the format used in Genesis Chapter 1 Genesis

THIS WORK WAS COMPLETED BASED OFF A COPY OF SCRIPTURES published by Park Hill By Edwin Archer in 1856
Park Hill: Mission Press: Edwin Archer, Printer, 1856. PUBLIC DOMAIN
ᎼᏏ ᎢᎬᏱᏱ ᎤᏬᏪᎳᏅᎯ
mosi igvyiyi uwowelanvhi
First Book of Moses

ᏗᏓᎴᏂᏍᎬᎢ ᎤᏁᎳᏅᎯ ᏚᏬᏢᏁ ᎦᎸᎶᎢ ᎠᎴ ᎡᎶᎯ

didalenisgvi Unelanvhi duwotlvne galvloi ale elohi

⁠ᎠᏯᏙᎸᎢ
A⁠ya⁠do⁠lv⁠i⁠ ⁠
Chapter

ᎠᏯᏙᎸᎢ 47

1 ᏦᏩᏃ ᎤᎷᏤ ᎠᎴ ᎤᏃᏁᎴ ᏇᎵᏲ, ᎯᎠ ᏄᏪᏎᎢ, ᎡᏙᏓ ᎠᎴ ᎣᏣᎵᏅᏟ ᎠᏂᎷᎩ, ᎠᎴ ᎠᏫ ᏚᏂᎧᎲ, ᎠᎴ ᏩᎦ, ᎠᎴ ᏂᎦᏛ ᏧᎾᏤᎵ ᎨᏒ ᎨᎾᏂᏱ ᏛᏂᎶᎯ, ᎠᎴ ᎬᏂᏳᏉ ᎪᏌᏂᏱ ᎠᏂᏅ.
2 ᎠᎾᎵᏅᏟᏃ ᎢᎦᏛ ᏚᏘᏅᏎᎢ, ᎯᏍᎩ ᎢᏯᏂᏛ ᎠᏂᏍᎦᏯ, ᎠᎴ ᎢᎬᏱᏢ ᏚᏪᎧᏁᎴ ᏇᎵᏲ.
3 ᏇᎵᏲᏃ ᎯᎠ ᏂᏚᏪᏎᎴ ᏦᏩ ᎠᎾᎵᏅᏟ, ᎦᏙ ᎤᏍᏗ ᏗᏥᎸᏫᏍᏓᏁᎯ? ᎯᎠᏃ ᏄᏂᏪᏎᎴ ᏇᎵᏲ, ᏘᏅᏏᏓᏍᏗ ᎠᏫ ᏗᏂᎦᏘᏯ, ᎠᏴ ᎣᎬᏒ ᎨᏒ, ᎠᎴ ᎾᏍᏉ ᏦᎩᎦᏴᎵᎨᎢ.
4 ᎠᎴ ᎾᏍᏉ ᎯᎠ ᏄᏂᏪᏎᎴ ᏇᎵᏲ, ᎠᏂ ᎦᏓ ᎠᎲ ᎣᎦᏕᏗᏱ ᎣᎦᏚᎵᎭ ᏦᎩᎷᏥᎸ; ᏘᏅᏏᏓᏍᏗᏰᏃ ᎥᏝ ᏱᏚᏁᎭ ᎦᎾᏝᎢ ᎤᎾᎵᏍᏓᏴᏂᏓᏍᏗᏱ; ᎤᏣᏘᏰᏃ ᏓᎪᏄᎸ ᎨᎾᏂᏱ; ᎾᏍᎩᏃ ᎢᏳᏍᏗ ᏘᏅᏏᏓᏍᏗ ᏔᎵᏍᎪᎸᏓᏏ ᎪᏌᏂᏱ ᎤᎾᏕᏘᏱ.
5 ᏇᎵᏲᏃ ᎤᏁᏤᎴ ᏦᏩ, ᎯᎠ ᏄᏪᏎᎢ, ᏣᏙᏓ ᎠᎴ ᎢᏣᎵᏅᏟ ᎨᏣᎷᏥ.
6 ᎢᏥᏈᏱ ᎦᏓ ᎠᎲ ᎢᎬᏱᏢ ᏗᏣᎧᎾᏂᏓᏍᏗᏱ ᎠᎭ; ᎣᏌᏂ ᎨᏒ ᎦᏙᎯ ᎤᎾᏕᏗᏱ ᏂᎩᏴᏂᏏ ᏣᏙᏓ, ᎠᎴ ᎢᏣᎵᏅᏟ; ᎪᏌᏂ ᎦᏓ ᎠᎲ ᏫᏓᎾᏁᎳᏓ; ᎢᏳ ᎠᎴ ᏕᎯᎦᏔᎮᏍᏗ ᎩᎶ ᏗᏅᏂᎦᎵᏍᏗ ᎤᎾᏓᏑᏰᏍᏗ, ᎾᏍᎩ ᏗᏆᏤᎵ ᎦᎾᏝᎢ ᏧᎾᎦᏌᏯᏍᏗᏕᎩ ᏂᏕᎲᏁᎸᎭ.
7 ᏦᏩᏃ ᎤᏴᏔᏂᎴ ᎤᏙᏓ ᏤᎦᏈ, ᎠᎴ ᏇᎵᏲ ᎤᏬᎸ ᎢᎬᏱᏗᏢ ᎤᏪᎧᏁᎢ; ᏤᎦᏈᏃ ᎣᏍᏛ ᎤᏁᏤᎴ ᏇᎵᏲ.
8 ᏇᎵᏲᏃ ᎯᎠ ᏄᏪᏎᎴ ᏤᎦᏈ, ᎢᎳᎪ ᎢᏣᏕᏘᏴᏛ?
9 ᏤᎦᏈᏃ ᎯᎠ ᏄᏪᏎᎴ ᏇᎵᏲ, ᎢᎪᎯᏛ ᎠᏆᎴᏂᏙᎸ ᎠᏍᎪᎯᏧᏈ ᏦᎠᏍᎪᎯ ᎾᏕᏘᏴ; ᎦᏲᎵᏳᏉ, ᎠᎴ ᎤᏲᏉ ᏄᎵᏍᏔᏁᏅ ᎢᎪᎯᏛ ᏓᏆᏕᏘᏴᎲᏒᎢ, ᎠᎴ ᎥᏝ ᏗᎩᎦᏴᎵᎨ ᏚᎾᏕᏘᏴᎲᏒ ᏚᎾᎴᏂᏙᎸ ᏩᎩᏱᎶᎸᎯ ᏱᎩ.
10 ᏤᎦᏈᏃ ᎣᏍᏛ ᎤᏁᏤᎴ ᏇᎵᏲ, ᎠᎴ ᎤᏄᎪᏤ ᎤᏓᏅᏎ ᏇᎵᏲ ᎠᎦᏔᎲᎢ.
11 ᏦᏩᏃ ᎤᏙᏓ ᎠᎴ ᎠᎾᎵᏅᏟ ᏚᏪᎧᏁ ᏧᎾᏁᎳᏗᏍᏗᏱ, ᎠᎴ ᏚᏁᎴ ᎦᏓ ᎢᏥᏈᏱ ᎤᎾᏤᎵ ᎢᏳᎵᏍᏙᏗ, ᎣᏌᏂ ᎦᏓ ᎠᎲᎢ, ᎳᎻᏏ ᏚᏙᎥᎢ, ᎾᏍᎩᏯ ᏇᎵᏲ ᎤᏁᏨᎢ.
12 ᏦᏩᏃ ᏕᎨᎶᎮ ᎤᏙᏓ, ᎠᎴ ᎠᎾᎵᏅᏟ, ᎠᎴ ᏂᎦᏛ ᎤᏙᏓ ᏚᏓᏘᎾᎥᎢ, ᏓᏁᎮ ᎤᎾᎵᏍᏓᏴᏗ ᎾᏍᎩᏯ ᏂᏓᏂᎠᏗᏒ ᏏᏓᏁᎸᎯ ᏕᎨᏌᏗᏒᎢ.
13 ᎥᏝ ᎠᎴ ᏰᎮ ᎠᎵᏍᏓᏴᏗ ᏂᎬᎾᏛ ᎾᎿ ᎦᏓ ᎠᎲᎢ; ᎤᏣᏘᏰᏃ ᏓᎪᏄᎴᎢ; ᎾᏍᎩ ᎢᏳᏍᏗ ᎢᏥᏈᏱ ᎠᎴ ᎨᎾᏂᏱ, ᏚᏂᏩᎾᎦᎶᏤᎢ, ᏓᎪᏄᎸ ᏂᎦᎵᏍᏙᏗᏍᎨᎢ.
14 ᏦᏩᏃ ᎤᏪᏟᏌᏁ ᏂᎦᏛ ᎠᏕᎸ ᎢᏥᏈᏱ ᎦᏓ ᎠᎲ ᎠᎴ ᎨᎾᏂ ᎦᏓ ᎠᎲ ᏗᎬᏩᏛᏗ ᎨᏒᎢ, ᏓᎬᏩᏓᏁᎲ ᎤᏣᎴᏍᏗ ᎤᏂᏩᏒᎯ; ᏦᏩᏃ ᏇᎵᏲ ᎦᏁᎸ ᏚᏲᎴ ᎠᏕᎸ.
15 ᎿᏉᏃ ᎠᏕᎸ ᎤᎾᏗᏒᏅ ᎢᏥᏈᏱ, ᎠᎴ ᎨᎾᏂᏱ, ᏂᎦᏛ ᎢᏥᏈᏱ ᎠᏁᎯ ᎬᏩᎷᏤᎴ ᏦᏩ, ᎯᎠ ᏄᏂᏪᏎᎢ, ᎠᎵᏍᏓᏴᏗ ᏍᎩᎥᏏ; ᎦᏙᏃ ᏱᏙᏥᏲᎱᏍᎦ ᎯᎦᏔᎲᎢ? ᎠᏕᎸᏰᏃ ᎤᎾᏗᏒᏅ.
16 ᏦᏩᏃ ᎯᎠ ᏄᏪᏎᎢ, ᎢᏥᎾᏝᎾᎥ ᏗᏥᎧᎲᎦ; ᎢᏥᎾᏝᎾᎥᏃ ᏧᎬᏩᎳᏅᎯ ᏓᏨᏁᎵ, ᎢᏳᏃ ᎠᏕᎸ ᎠᎾᏗᏒᎲᏍᎨᏍᏗ.
17 ᎤᏂᎾᏝᎾᎥᏃ ᏚᎾᏘᏃᎮᎴ ᏦᏩ; ᏦᏩᏃ ᎠᎵᏍᏓᏴᏗ ᏚᏁᎴ ᏚᏁᏟᏴᏍᏓᏁᎴ ᏐᏈᎵ, ᎠᎴ ᎠᏫ, ᎠᎴ ᏩᎦ, ᎠᎴ ᏐᏈᎵ ᏗᏂᎵᎠᏅᎯᏛ; ᎠᎵᏍᏓᏴᏗᏃ ᏚᏪᎳᏍᏔᏁ ᎤᏕᏘᏴᏌᏗᏒᎢ, ᏂᎦᏛ ᎤᏂᎾᏝᎾᎥ ᎾᎯᏳ ᏚᎬᏩᎶᏓᏁᎴᎢ.
18 ᎾᎯᏳᏃ ᎤᏕᏘᏴᏌᏗᏒ ᎤᎵᏍᏆᏛ, ᏔᎵᏁ ᏭᏕᏘᏴᏌᏗᏒ ᎢᎬᏩᎷᏤᎴᎢ, ᎠᎴ ᎯᎠ ᏂᎬᏩᏪᏎᎴᎢ, ᎥᏝ ᏴᏓᏨᏴᏍᎦᎳᏁᎵ ᏣᎬᏫᏳᎯ, ᎾᏍᎩ ᎠᏕᎸ ᏙᎦᏗᏒᏁᎸᎢ; ᎠᎴ ᎾᏍᏉ ᏣᎬᏫᏳᎯ ᏕᏣᎧᎭ ᎦᎾᏝᎢ ᏦᎩᎾᏢᏅᎯ; ᎥᏝ ᎿᏉ ᎪᎱᏍᏗ ᏲᎦᏘᏰᎭ ᎯᎦᏔᎲ ᏣᎬᏫᏳᎯ, ᏦᏥᏰᎸ ᎠᎴ ᎦᏓ ᏙᎩᎲ ᎤᏩᏒ.
19 ᎦᏙᏃ ᏲᏣᏗᏒᎲᏍᎦ ᏕᏍᎩᎦᏅᎢ, ᎠᏴ ᎠᎴ ᎦᏓ ᏙᎩᎲᎢ. ᏍᎩᏩᎯ ᎠᏴ, ᎠᎴ ᎦᏓ ᏙᎩᎲᎢ, ᎠᎵᏍᏓᏴᏗ ᏍᎩᏯᎫᏴᏓᏏ, ᎠᏴᏃ ᎠᎴ ᏦᎦᏤᎵᎦ ᎦᏓ ᏇᎵᏲ ᎣᎩᏅᏏᏓᏍᏗ ᎨᏎᏍᏗ; ᎠᎴ ᎤᎦᏔ ᏍᎩᎥᏏ ᎾᏍᎩᏃ ᏙᏣᏛᏂᏛᎭ, ᎠᎴ ᏞᏍᏗ ᏦᎩᏲᎱᏒᎩ, ᎠᎴ ᏞᏍᏗ ᏅᏔ ᎢᏳᎵᏍᏔᏅᎩ ᎦᏓ ᎠᎲᎢ.
20 ᏦᏩᏃ ᎤᏩᎯᏎᎴ ᏇᎵᏲ ᏂᎦᏛ ᎦᏙᎯ ᎢᏥᏈᏱ; ᎢᏥᏈᏱᏰᏃ ᎠᏁᎯ ᎠᏂᏏᏴᏫᎭ ᏚᏂᎾᏗᏅᏎ ᏚᏂᎶᎨᏒᎢ, ᏂᎦᎵᏍᏙᏗᏍᎨ ᎤᏣᏘ ᏚᎾᎪᏄᎸᎢ; ᎦᏙᎯᏃ ᏇᎵᏲ ᎤᏤᎵᎦ ᏄᎵᏍᏔᏁᎢ.
21 ᏴᏫᏃ ᎨᏒᎢ, ᏕᎦᏚᎲ ᏚᏪᎧᏂᏙᎴᎢ ᏌᏉ ᎢᏗᏢ ᎤᎵᏍᏘᏂᎸ ᎢᏥᏈᏱ ᏐᎢᏱ ᏭᎵᏍᏘᏂᎸ ᏩᏍᏗ.
22 ᎠᏥᎸ ᎠᏁᎶᎯ ᎤᏂᎲ ᎦᏓ ᎤᏩᏒ, ᎥᏝ ᏳᏩᏎᎢ; ᎠᏥᎸᏰᏃ ᎠᏁᎶᎯ ᎤᏂᎮ ᏇᎵᏲ ᎤᎾᏁᎳᏁᎸᎯ, ᎠᎴ ᎠᎾᎵᏍᏓᏴᏗᏍᎨ ᏇᎵᏲ ᎤᏂᏁᎸᎯ; ᎾᏍᎩ ᎢᏳᏍᏗ ᎥᏝ ᏱᏚᏂᎾᏗᏅᏎ ᎦᏓ ᏚᏂᎲᎢ.
23 ᎿᏉᏃ ᏦᏩ ᎯᎠ ᏂᏚᏪᏎᎴ ᏴᏫ, ᎬᏂᏳᏉ ᎪᎯ ᎢᎦ ᏥᎩ, ᎢᏳᏩᎯ, ᎠᎴ ᎦᏓ ᎢᏥᎲᎢ, ᏇᎵᏲ ᏥᏩᎯᏏ; ᎬᏂᏳᏉ ᎠᏉ ᎠᎭ ᎤᎦᏔ ᎢᏥᎩᏍᏗ, ᎠᎴ ᏓᏥᏫᏏ ᎦᏙᎯ.
24 ᎯᎠᏃ ᏅᏓᎦᎵᏍᏔᏂ ᎾᏍᎩ ᎤᏁᏉᏨᎯ ᎯᏍᎩᏁ ᎪᏣᎴᏛ ᎡᏥᏁᏗ ᎨᏎᏍᏗ ᏇᎵᏲ, ᏅᎩᏃ ᎢᏳᏓᏛᎯ ᎢᏨᏒ ᎢᏣᏤᎵ ᎨᏎᏍᏗ, ᎾᏍᎩ ᏠᎨᏏ ᎠᏫᏍᏙᏗ, ᎠᎴ ᎢᏣᎵᏍᏓᏴᏗ, ᎠᎴ ᏕᏣᏓᏘᎾᎥ ᎤᎾᎵᏍᏓᏴᏗ, ᎠᎴ ᏗᏤᏥ ᏗᏂᏲᎵ ᎤᎾᎵᏍᏓᏴᏗ.
25 ᎯᎠᏃ ᏄᏂᏪᏎᎢ, ᏂᎯ ᏕᏍᎩᏍᏕᎸᎡᎸ ᏙᏨᏅᎢ; ᎣᏍᏛ ᏍᎩᏯᏓᏅᏖᏗᏱ ᎢᏨᏩᏛᏏ ᏣᎬᏫᏳᎯ, ᏇᎵᏲᏃ ᏍᎩᏅᏏᏓᏍᏗ ᎨᏎᏍᏗ.
26 ᏦᏩᏃ ᏗᎧᎿᏩᏛᏍᏗ ᏄᏩᏁᎴ ᎦᏓ ᎠᎲ ᎢᏥᏈᏱ ᎪᎯ ᎢᏯᏍᏘ ᏇᎵᏲ ᎯᏍᎩᏂ ᎪᏣᎴᏛ ᎠᏥᏗᏱ; ᎠᏥᎸ ᎠᏁᎶᎯ ᎤᎾᏤᎵᎦ ᎦᏓ ᎤᏩᏒ ᎥᏝ ᎾᏍᎩ ᏇᎵᏲ ᎤᏤᎵᎦ ᏱᏄᎵᏍᏔᏁᎢ.
27 ᎢᏏᎵᏃ ᎢᏥᏈᏱ ᎠᏁᎮᎢ, ᎪᏌᏂ ᏚᏙᎥᎢ; ᎠᎴ ᏧᎾᏤᎵᎪᎯ ᏕᎨᏌᏗᏎ ᎾᎿᏂ, ᎠᎴ ᎤᎾᎥᏎᎢ, ᎠᎴ ᎤᏂᏁᏉᏤ ᎤᏣᏘ.
28 ᏤᎦᏈᏃ ᎦᎵᏆᏚ ᏧᏕᏘᏴᏛ ᎤᎴᏂᏙᎴ ᎢᏥᏈᏱ; ᎾᏍᎩᏃ ᏂᎪᎯᎸ ᎤᎴᏂᏙᎸ ᏤᎦᏈ ᎠᏍᎪᎯᏧᏈ ᏅᎦᏍᎪᎯ ᎦᎵᏉᎩᎦᎵ ᏄᏕᏘᏴᎮᎢ.
29 ᎿᏉᏃ ᎤᏍᏆᎸᎯᏗᏎ ᎢᏏᎵ ᎤᏲᎱᎯᏍᏗᏱ; ᏭᏯᏅᎮᏃ ᎤᏪᏥ ᏦᏩ, ᎠᎴ ᎯᎠ ᏄᏪᏎᎴᎢ, ᎢᏳᏃ ᎣᏍᏛ ᏍᎩᏰᎸᏗᏱ ᎬᏩᏛᎡᎴᏍᏗ, ᏥᎦᎶ ᏍᏆᏏᏄᏴᏓᏏ, ᎣᏍᏛᏃ ᎠᎴ ᏚᏳᎪᏛ ᏂᏍᏆᏛᏂᏏ; ᏞᏍᏗ ᎢᏥᏈᏱ ᏍᎩᏂᏌᏅᎩ.
30 ᏗᎩᎦᏴᎵᎨᏍᎩᏂ ᎢᏧᎳᎭ ᎣᏥᏂᏝᎡᏍᏗ, ᎠᎴ ᎢᏥᏈᏱ ᏍᎩᎾᏫᏛᎲᎭ, ᎠᎴ ᎾᏍᎩ ᏧᎾᏓᏂᏐᏗᏱ ᏍᎩᏂᏌᏅᎭ. ᎯᎠᏃ ᏄᏪᏎᎢ, ᏂᏣᏪᏒ ᎾᏍᎩᏯ ᏅᏓᎦᏛᏁᎵ.
31 ᎯᎠᏃ ᏄᏪᏎᎢ, ᏍᏆᏎᎵᏓᏏ. ᎤᏎᎵᏓᏁᎴᏃ. ᏭᏗᏌᏓᏕᏃ ᎠᏙᎳᏅᏍᏗᏱ ᎤᏍᎪᎵ ᎤᎵᏍᏕᎸᏕᎢ.




⁠a⁠ya⁠do⁠lv⁠i⁠ ⁠4⁠7⁠

⁠1⁠ ⁠tso⁠wa⁠no⁠ ⁠u⁠lu⁠tse⁠ ⁠a⁠le⁠ ⁠u⁠no⁠ne⁠le⁠ ⁠que⁠li⁠yo⁠,⁠ ⁠hi⁠a⁠ ⁠nu⁠we⁠se⁠i⁠,⁠ ⁠e⁠do⁠da⁠ ⁠a⁠le⁠ ⁠o⁠tsa⁠li⁠nv⁠tli⁠ ⁠a⁠ni⁠lu⁠gi⁠,⁠ ⁠a⁠le⁠ ⁠a⁠wi⁠ ⁠du⁠ni⁠ka⁠hv⁠,⁠ ⁠a⁠le⁠ ⁠wa⁠ga⁠,⁠ ⁠a⁠le⁠ ⁠ni⁠ga⁠dv⁠ ⁠tsu⁠na⁠tse⁠li⁠ ⁠ge⁠sv⁠ ⁠ge⁠na⁠ni⁠yi⁠ ⁠dv⁠ni⁠lo⁠hi⁠,⁠ ⁠a⁠le⁠ ⁠gv⁠ni⁠yu⁠quo⁠ ⁠go⁠sa⁠ni⁠yi⁠ ⁠a⁠ni⁠nv⁠ ⁠
⁠2⁠ ⁠a⁠na⁠li⁠nv⁠tli⁠no⁠ ⁠i⁠ga⁠dv⁠ ⁠du⁠ti⁠nv⁠se⁠i⁠,⁠ ⁠hi⁠s⁠gi⁠ ⁠i⁠ya⁠ni⁠dv⁠ ⁠a⁠ni⁠s⁠ga⁠ya⁠,⁠ ⁠a⁠le⁠ ⁠i⁠gv⁠yi⁠tlv⁠ ⁠du⁠we⁠ka⁠ne⁠le⁠ ⁠que⁠li⁠yo⁠ ⁠
⁠3⁠ ⁠que⁠li⁠yo⁠no⁠ ⁠hi⁠a⁠ ⁠ni⁠du⁠we⁠se⁠le⁠ ⁠tso⁠wa⁠ ⁠a⁠na⁠li⁠nv⁠tli⁠,⁠ ⁠ga⁠do⁠ ⁠u⁠s⁠di⁠ ⁠di⁠tsi⁠lv⁠wi⁠s⁠da⁠ne⁠hi⁠ ⁠ ⁠hi⁠a⁠no⁠ ⁠nu⁠ni⁠we⁠se⁠le⁠ ⁠que⁠li⁠yo⁠,⁠ ⁠ti⁠nv⁠si⁠da⁠s⁠di⁠ ⁠a⁠wi⁠ ⁠di⁠ni⁠ga⁠ti⁠ya⁠,⁠ ⁠a⁠yv⁠ ⁠o⁠gv⁠sv⁠ ⁠ge⁠sv⁠,⁠ ⁠a⁠le⁠ ⁠na⁠s⁠quo⁠ ⁠tso⁠gi⁠ga⁠yv⁠li⁠ge⁠i⁠. ⁠
⁠4⁠ ⁠a⁠le⁠ ⁠na⁠s⁠quo⁠ ⁠hi⁠a⁠ ⁠nu⁠ni⁠we⁠se⁠le⁠ ⁠que⁠li⁠yo⁠,⁠ ⁠a⁠ni⁠ ⁠ga⁠da⁠ ⁠a⁠hv⁠ ⁠o⁠ga⁠de⁠di⁠yi⁠ ⁠o⁠ga⁠du⁠li⁠ha⁠ ⁠tso⁠gi⁠lu⁠tsi⁠lv⁠;⁠ ⁠ti⁠nv⁠si⁠da⁠s⁠di⁠ye⁠no⁠ ⁠v⁠tla⁠ ⁠yi⁠du⁠ne⁠ha⁠ ⁠ga⁠na⁠tla⁠i⁠ ⁠u⁠na⁠li⁠s⁠da⁠yv⁠ni⁠da⁠s⁠di⁠yi⁠;⁠ ⁠u⁠tsa⁠ti⁠ye⁠no⁠ ⁠da⁠go⁠nu⁠lv⁠ ⁠ge⁠na⁠ni⁠yi⁠;⁠ ⁠na⁠s⁠gi⁠no⁠ ⁠i⁠yu⁠s⁠di⁠ ⁠ti⁠nv⁠si⁠da⁠s⁠di⁠ ⁠ta⁠li⁠s⁠go⁠lv⁠da⁠si⁠ ⁠go⁠sa⁠ni⁠yi⁠ ⁠u⁠na⁠de⁠ti⁠yi⁠ ⁠
⁠5⁠ ⁠que⁠li⁠yo⁠no⁠ ⁠u⁠ne⁠tse⁠le⁠ ⁠tso⁠wa⁠,⁠ ⁠hi⁠a⁠ ⁠nu⁠we⁠se⁠i⁠,⁠ ⁠tsa⁠do⁠da⁠ ⁠a⁠le⁠ ⁠i⁠tsa⁠li⁠nv⁠tli⁠ ⁠ge⁠tsa⁠lu⁠tsi⁠. ⁠
⁠6⁠ ⁠i⁠tsi⁠qui⁠yi⁠ ⁠ga⁠da⁠ ⁠a⁠hv⁠ ⁠i⁠gv⁠yi⁠tlv⁠ ⁠di⁠tsa⁠ka⁠na⁠ni⁠da⁠s⁠di⁠yi⁠ ⁠a⁠ha⁠;⁠ ⁠o⁠sa⁠ni⁠ ⁠ge⁠sv⁠ ⁠ga⁠do⁠hi⁠ ⁠u⁠na⁠de⁠di⁠yi⁠ ⁠ni⁠gi⁠yv⁠ni⁠si⁠ ⁠tsa⁠do⁠da⁠,⁠ ⁠a⁠le⁠ ⁠i⁠tsa⁠li⁠nv⁠tli⁠;⁠ ⁠go⁠sa⁠ni⁠ ⁠ga⁠da⁠ ⁠a⁠hv⁠ ⁠wi⁠da⁠na⁠ne⁠la⁠da⁠;⁠ ⁠i⁠yu⁠ ⁠a⁠le⁠ ⁠de⁠hi⁠ga⁠ta⁠he⁠s⁠di⁠ ⁠gi⁠lo⁠ ⁠di⁠nv⁠ni⁠ga⁠li⁠s⁠di⁠ ⁠u⁠na⁠da⁠su⁠ye⁠s⁠di⁠,⁠ ⁠na⁠s⁠gi⁠ ⁠di⁠qua⁠tse⁠li⁠ ⁠ga⁠na⁠tla⁠i⁠ ⁠tsu⁠na⁠ga⁠sa⁠ya⁠s⁠di⁠de⁠gi⁠ ⁠ni⁠de⁠hv⁠ne⁠lv⁠ha⁠ ⁠
⁠7⁠ ⁠tso⁠wa⁠no⁠ ⁠u⁠yv⁠ta⁠ni⁠le⁠ ⁠u⁠do⁠da⁠ ⁠tse⁠ga⁠qui⁠,⁠ ⁠a⁠le⁠ ⁠que⁠li⁠yo⁠ ⁠u⁠wo⁠lv⁠ ⁠i⁠gv⁠yi⁠di⁠tlv⁠ ⁠u⁠we⁠ka⁠ne⁠i⁠;⁠ ⁠tse⁠ga⁠qui⁠no⁠ ⁠o⁠s⁠dv⁠ ⁠u⁠ne⁠tse⁠le⁠ ⁠que⁠li⁠yo⁠? ⁠
⁠8⁠ ⁠que⁠li⁠yo⁠no⁠ ⁠hi⁠a⁠ ⁠nu⁠we⁠se⁠le⁠ ⁠tse⁠ga⁠qui⁠,⁠ ⁠i⁠la⁠go⁠ ⁠i⁠tsa⁠de⁠ti⁠yv⁠dv⁠. ⁠
⁠9⁠ ⁠tse⁠ga⁠qui⁠no⁠ ⁠hi⁠a⁠ ⁠nu⁠we⁠se⁠le⁠ ⁠que⁠li⁠yo⁠,⁠ ⁠i⁠go⁠hi⁠dv⁠ ⁠a⁠qua⁠le⁠ni⁠do⁠lv⁠ ⁠a⁠s⁠go⁠hi⁠tsu⁠qui⁠ ⁠tso⁠a⁠s⁠go⁠hi⁠ ⁠na⁠de⁠ti⁠yv⁠;⁠ ⁠ga⁠yo⁠li⁠yu⁠quo⁠,⁠ ⁠a⁠le⁠ ⁠u⁠yo⁠quo⁠ ⁠nu⁠li⁠s⁠ta⁠ne⁠nv⁠ ⁠i⁠go⁠hi⁠dv⁠ ⁠da⁠qua⁠de⁠ti⁠yv⁠hv⁠sv⁠i⁠,⁠ ⁠a⁠le⁠ ⁠v⁠tla⁠ ⁠di⁠gi⁠ga⁠yv⁠li⁠ge⁠ ⁠du⁠na⁠de⁠ti⁠yv⁠hv⁠sv⁠ ⁠du⁠na⁠le⁠ni⁠do⁠lv⁠ ⁠wa⁠gi⁠yi⁠lo⁠lv⁠hi⁠ ⁠yi⁠gi⁠ ⁠
⁠1⁠0⁠ ⁠tse⁠ga⁠qui⁠no⁠ ⁠o⁠s⁠dv⁠ ⁠u⁠ne⁠tse⁠le⁠ ⁠que⁠li⁠yo⁠,⁠ ⁠a⁠le⁠ ⁠u⁠nu⁠go⁠tse⁠ ⁠u⁠da⁠nv⁠se⁠ ⁠que⁠li⁠yo⁠ ⁠a⁠ga⁠ta⁠hv⁠i⁠. ⁠
⁠1⁠1⁠ ⁠tso⁠wa⁠no⁠ ⁠u⁠do⁠da⁠ ⁠a⁠le⁠ ⁠a⁠na⁠li⁠nv⁠tli⁠ ⁠du⁠we⁠ka⁠ne⁠ ⁠tsu⁠na⁠ne⁠la⁠di⁠s⁠di⁠yi⁠,⁠ ⁠a⁠le⁠ ⁠du⁠ne⁠le⁠ ⁠ga⁠da⁠ ⁠i⁠tsi⁠qui⁠yi⁠ ⁠u⁠na⁠tse⁠li⁠ ⁠i⁠yu⁠li⁠s⁠do⁠di⁠,⁠ ⁠o⁠sa⁠ni⁠ ⁠ga⁠da⁠ ⁠a⁠hv⁠i⁠,⁠ ⁠la⁠mi⁠si⁠ ⁠du⁠do⁠v⁠i⁠,⁠ ⁠na⁠s⁠gi⁠ya⁠ ⁠que⁠li⁠yo⁠ ⁠u⁠ne⁠tsv⁠i⁠ ⁠
⁠1⁠2⁠ ⁠tso⁠wa⁠no⁠ ⁠de⁠ge⁠lo⁠he⁠ ⁠u⁠do⁠da⁠,⁠ ⁠a⁠le⁠ ⁠a⁠na⁠li⁠nv⁠tli⁠,⁠ ⁠a⁠le⁠ ⁠ni⁠ga⁠dv⁠ ⁠u⁠do⁠da⁠ ⁠du⁠da⁠ti⁠na⁠v⁠i⁠,⁠ ⁠da⁠ne⁠he⁠ ⁠u⁠na⁠li⁠s⁠da⁠yv⁠di⁠ ⁠na⁠s⁠gi⁠ya⁠ ⁠ni⁠da⁠ni⁠a⁠di⁠sv⁠ ⁠si⁠da⁠ne⁠lv⁠hi⁠ ⁠de⁠ge⁠sa⁠di⁠sv⁠i⁠. ⁠
⁠1⁠3⁠ ⁠v⁠tla⁠ ⁠a⁠le⁠ ⁠ye⁠he⁠ ⁠a⁠li⁠s⁠da⁠yv⁠di⁠ ⁠ni⁠gv⁠na⁠dv⁠ ⁠na⁠hna⁠ ⁠ga⁠da⁠ ⁠a⁠hv⁠i⁠;⁠ ⁠u⁠tsa⁠ti⁠ye⁠no⁠ ⁠da⁠go⁠nu⁠le⁠i⁠;⁠ ⁠na⁠s⁠gi⁠ ⁠i⁠yu⁠s⁠di⁠ ⁠i⁠tsi⁠qui⁠yi⁠ ⁠a⁠le⁠ ⁠ge⁠na⁠ni⁠yi⁠,⁠ ⁠du⁠ni⁠wa⁠na⁠ga⁠lo⁠tse⁠i⁠,⁠ ⁠da⁠go⁠nu⁠lv⁠ ⁠ni⁠ga⁠li⁠s⁠do⁠di⁠s⁠ge⁠i⁠ ⁠
⁠1⁠4⁠ ⁠tso⁠wa⁠no⁠ ⁠u⁠we⁠tli⁠sa⁠ne⁠ ⁠ni⁠ga⁠dv⁠ ⁠a⁠de⁠lv⁠ ⁠i⁠tsi⁠qui⁠yi⁠ ⁠ga⁠da⁠ ⁠a⁠hv⁠ ⁠a⁠le⁠ ⁠ge⁠na⁠ni⁠ ⁠ga⁠da⁠ ⁠a⁠hv⁠ ⁠di⁠gv⁠wa⁠dv⁠di⁠ ⁠ge⁠sv⁠i⁠,⁠ ⁠da⁠gv⁠wa⁠da⁠ne⁠hv⁠ ⁠u⁠tsa⁠le⁠s⁠di⁠ ⁠u⁠ni⁠wa⁠sv⁠hi⁠;⁠ ⁠tso⁠wa⁠no⁠ ⁠que⁠li⁠yo⁠ ⁠ga⁠ne⁠lv⁠ ⁠du⁠yo⁠le⁠ ⁠a⁠de⁠lv⁠. ⁠
⁠1⁠5⁠ ⁠hna⁠quo⁠no⁠ ⁠a⁠de⁠lv⁠ ⁠u⁠na⁠di⁠sv⁠nv⁠ ⁠i⁠tsi⁠qui⁠yi⁠,⁠ ⁠a⁠le⁠ ⁠ge⁠na⁠ni⁠yi⁠,⁠ ⁠ni⁠ga⁠dv⁠ ⁠i⁠tsi⁠qui⁠yi⁠ ⁠a⁠ne⁠hi⁠ ⁠gv⁠wa⁠lu⁠tse⁠le⁠ ⁠tso⁠wa⁠,⁠ ⁠hi⁠a⁠ ⁠nu⁠ni⁠we⁠se⁠i⁠,⁠ ⁠a⁠li⁠s⁠da⁠yv⁠di⁠ ⁠s⁠gi⁠v⁠si⁠;⁠ ⁠ga⁠do⁠no⁠ ⁠yi⁠do⁠tsi⁠yo⁠hu⁠s⁠ga⁠ ⁠hi⁠ga⁠ta⁠hv⁠i⁠ ⁠ ⁠a⁠de⁠lv⁠ye⁠no⁠ ⁠u⁠na⁠di⁠sv⁠nv⁠. ⁠
⁠1⁠6⁠ ⁠tso⁠wa⁠no⁠ ⁠hi⁠a⁠ ⁠nu⁠we⁠se⁠i⁠,⁠ ⁠i⁠tsi⁠na⁠tla⁠na⁠v⁠ ⁠di⁠tsi⁠ka⁠hv⁠ga⁠;⁠ ⁠i⁠tsi⁠na⁠tla⁠na⁠v⁠no⁠ ⁠tsu⁠gv⁠wa⁠la⁠nv⁠hi⁠ ⁠da⁠tsv⁠ne⁠li⁠,⁠ ⁠i⁠yu⁠no⁠ ⁠a⁠de⁠lv⁠ ⁠a⁠na⁠di⁠sv⁠hv⁠s⁠ge⁠s⁠di⁠ ⁠
⁠1⁠7⁠ ⁠u⁠ni⁠na⁠tla⁠na⁠v⁠no⁠ ⁠du⁠na⁠ti⁠no⁠he⁠le⁠ ⁠tso⁠wa⁠;⁠ ⁠tso⁠wa⁠no⁠ ⁠a⁠li⁠s⁠da⁠yv⁠di⁠ ⁠du⁠ne⁠le⁠ ⁠du⁠ne⁠tli⁠yv⁠s⁠da⁠ne⁠le⁠ ⁠so⁠qui⁠li⁠,⁠ ⁠a⁠le⁠ ⁠a⁠wi⁠,⁠ ⁠a⁠le⁠ ⁠wa⁠ga⁠,⁠ ⁠a⁠le⁠ ⁠so⁠qui⁠li⁠ ⁠di⁠ni⁠li⁠a⁠nv⁠hi⁠dv⁠;⁠ ⁠a⁠li⁠s⁠da⁠yv⁠di⁠no⁠ ⁠du⁠we⁠la⁠s⁠ta⁠ne⁠ ⁠u⁠de⁠ti⁠yv⁠sa⁠di⁠sv⁠i⁠,⁠ ⁠ni⁠ga⁠dv⁠ ⁠u⁠ni⁠na⁠tla⁠na⁠v⁠ ⁠na⁠hi⁠yu⁠ ⁠du⁠gv⁠wa⁠lo⁠da⁠ne⁠le⁠i⁠? ⁠
⁠1⁠8⁠ ⁠na⁠hi⁠yu⁠no⁠ ⁠u⁠de⁠ti⁠yv⁠sa⁠di⁠sv⁠ ⁠u⁠li⁠s⁠qua⁠dv⁠,⁠ ⁠ta⁠li⁠ne⁠ ⁠wu⁠de⁠ti⁠yv⁠sa⁠di⁠sv⁠ ⁠i⁠gv⁠wa⁠lu⁠tse⁠le⁠i⁠,⁠ ⁠a⁠le⁠ ⁠hi⁠a⁠ ⁠ni⁠gv⁠wa⁠we⁠se⁠le⁠i⁠,⁠ ⁠v⁠tla⁠ ⁠yv⁠da⁠tsv⁠yv⁠s⁠ga⁠la⁠ne⁠li⁠ ⁠tsa⁠gv⁠wi⁠yu⁠hi⁠,⁠ ⁠na⁠s⁠gi⁠ ⁠a⁠de⁠lv⁠ ⁠do⁠ga⁠di⁠sv⁠ne⁠lv⁠i⁠;⁠ ⁠a⁠le⁠ ⁠na⁠s⁠quo⁠ ⁠tsa⁠gv⁠wi⁠yu⁠hi⁠ ⁠de⁠tsa⁠ka⁠ha⁠ ⁠ga⁠na⁠tla⁠i⁠ ⁠tso⁠gi⁠na⁠tlv⁠nv⁠hi⁠;⁠ ⁠v⁠tla⁠ ⁠hna⁠quo⁠ ⁠go⁠hu⁠s⁠di⁠ ⁠yo⁠ga⁠ti⁠ye⁠ha⁠ ⁠hi⁠ga⁠ta⁠hv⁠ ⁠tsa⁠gv⁠wi⁠yu⁠hi⁠,⁠ ⁠tso⁠tsi⁠ye⁠lv⁠ ⁠a⁠le⁠ ⁠ga⁠da⁠ ⁠do⁠gi⁠hv⁠ ⁠u⁠wa⁠sv⁠ ⁠
⁠1⁠9⁠ ⁠ga⁠do⁠no⁠ ⁠yo⁠tsa⁠di⁠sv⁠hv⁠s⁠ga⁠ ⁠de⁠s⁠gi⁠ga⁠nv⁠i⁠,⁠ ⁠a⁠yv⁠ ⁠a⁠le⁠ ⁠ga⁠da⁠ ⁠do⁠gi⁠hv⁠i⁠. ⁠ ⁠s⁠gi⁠wa⁠hi⁠ ⁠a⁠yv⁠,⁠ ⁠a⁠le⁠ ⁠ga⁠da⁠ ⁠do⁠gi⁠hv⁠i⁠,⁠ ⁠a⁠li⁠s⁠da⁠yv⁠di⁠ ⁠s⁠gi⁠ya⁠gu⁠yv⁠da⁠si⁠,⁠ ⁠a⁠yv⁠no⁠ ⁠a⁠le⁠ ⁠tso⁠ga⁠tse⁠li⁠ga⁠ ⁠ga⁠da⁠ ⁠que⁠li⁠yo⁠ ⁠o⁠gi⁠nv⁠si⁠da⁠s⁠di⁠ ⁠ge⁠se⁠s⁠di⁠;⁠ ⁠a⁠le⁠ ⁠u⁠ga⁠ta⁠ ⁠s⁠gi⁠v⁠si⁠ ⁠na⁠s⁠gi⁠no⁠ ⁠do⁠tsa⁠dv⁠ni⁠dv⁠ha⁠,⁠ ⁠a⁠le⁠ ⁠tle⁠s⁠di⁠ ⁠tso⁠gi⁠yo⁠hu⁠sv⁠gi⁠,⁠ ⁠a⁠le⁠ ⁠tle⁠s⁠di⁠ ⁠nv⁠ta⁠ ⁠i⁠yu⁠li⁠s⁠ta⁠nv⁠gi⁠ ⁠ga⁠da⁠ ⁠a⁠hv⁠i⁠ ⁠
⁠2⁠0⁠ ⁠tso⁠wa⁠no⁠ ⁠u⁠wa⁠hi⁠se⁠le⁠ ⁠que⁠li⁠yo⁠ ⁠ni⁠ga⁠dv⁠ ⁠ga⁠do⁠hi⁠ ⁠i⁠tsi⁠qui⁠yi⁠;⁠ ⁠i⁠tsi⁠qui⁠yi⁠ye⁠no⁠ ⁠a⁠ne⁠hi⁠ ⁠a⁠ni⁠si⁠yv⁠wi⁠ha⁠ ⁠du⁠ni⁠na⁠di⁠nv⁠se⁠ ⁠du⁠ni⁠lo⁠ge⁠sv⁠i⁠,⁠ ⁠ni⁠ga⁠li⁠s⁠do⁠di⁠s⁠ge⁠ ⁠u⁠tsa⁠ti⁠ ⁠du⁠na⁠go⁠nu⁠lv⁠i⁠;⁠ ⁠ga⁠do⁠hi⁠no⁠ ⁠que⁠li⁠yo⁠ ⁠u⁠tse⁠li⁠ga⁠ ⁠nu⁠li⁠s⁠ta⁠ne⁠i⁠. ⁠
⁠2⁠1⁠ ⁠yv⁠wi⁠no⁠ ⁠ge⁠sv⁠i⁠,⁠ ⁠de⁠ga⁠du⁠hv⁠ ⁠du⁠we⁠ka⁠ni⁠do⁠le⁠i⁠ ⁠sa⁠quo⁠ ⁠i⁠di⁠tlv⁠ ⁠u⁠li⁠s⁠ti⁠ni⁠lv⁠ ⁠i⁠tsi⁠qui⁠yi⁠ ⁠so⁠i⁠yi⁠ ⁠wu⁠li⁠s⁠ti⁠ni⁠lv⁠ ⁠wa⁠s⁠di⁠ ⁠
⁠2⁠2⁠ ⁠a⁠tsi⁠lv⁠ ⁠a⁠ne⁠lo⁠hi⁠ ⁠u⁠ni⁠hv⁠ ⁠ga⁠da⁠ ⁠u⁠wa⁠sv⁠,⁠ ⁠v⁠tla⁠ ⁠yu⁠wa⁠se⁠i⁠;⁠ ⁠a⁠tsi⁠lv⁠ye⁠no⁠ ⁠a⁠ne⁠lo⁠hi⁠ ⁠u⁠ni⁠he⁠ ⁠que⁠li⁠yo⁠ ⁠u⁠na⁠ne⁠la⁠ne⁠lv⁠hi⁠,⁠ ⁠a⁠le⁠ ⁠a⁠na⁠li⁠s⁠da⁠yv⁠di⁠s⁠ge⁠ ⁠que⁠li⁠yo⁠ ⁠u⁠ni⁠ne⁠lv⁠hi⁠;⁠ ⁠na⁠s⁠gi⁠ ⁠i⁠yu⁠s⁠di⁠ ⁠v⁠tla⁠ ⁠yi⁠du⁠ni⁠na⁠di⁠nv⁠se⁠ ⁠ga⁠da⁠ ⁠du⁠ni⁠hv⁠i⁠. ⁠
⁠2⁠3⁠ ⁠hna⁠quo⁠no⁠ ⁠tso⁠wa⁠ ⁠hi⁠a⁠ ⁠ni⁠du⁠we⁠se⁠le⁠ ⁠yv⁠wi⁠,⁠ ⁠gv⁠ni⁠yu⁠quo⁠ ⁠go⁠hi⁠ ⁠i⁠ga⁠ ⁠tsi⁠gi⁠,⁠ ⁠i⁠yu⁠wa⁠hi⁠,⁠ ⁠a⁠le⁠ ⁠ga⁠da⁠ ⁠i⁠tsi⁠hv⁠i⁠,⁠ ⁠que⁠li⁠yo⁠ ⁠tsi⁠wa⁠hi⁠si⁠;⁠ ⁠gv⁠ni⁠yu⁠quo⁠ ⁠a⁠quo⁠ ⁠a⁠ha⁠ ⁠u⁠ga⁠ta⁠ ⁠i⁠tsi⁠gi⁠s⁠di⁠,⁠ ⁠a⁠le⁠ ⁠da⁠tsi⁠wi⁠si⁠ ⁠ga⁠do⁠hi⁠ ⁠
⁠2⁠4⁠ ⁠hi⁠a⁠no⁠ ⁠nv⁠da⁠ga⁠li⁠s⁠ta⁠ni⁠ ⁠na⁠s⁠gi⁠ ⁠u⁠ne⁠quo⁠tsv⁠hi⁠ ⁠hi⁠s⁠gi⁠ne⁠ ⁠go⁠tsa⁠le⁠dv⁠ ⁠e⁠tsi⁠ne⁠di⁠ ⁠ge⁠se⁠s⁠di⁠ ⁠que⁠li⁠yo⁠,⁠ ⁠nv⁠gi⁠no⁠ ⁠i⁠yu⁠da⁠dv⁠hi⁠ ⁠i⁠tsv⁠sv⁠ ⁠i⁠tsa⁠tse⁠li⁠ ⁠ge⁠se⁠s⁠di⁠,⁠ ⁠na⁠s⁠gi⁠ ⁠tlo⁠ge⁠si⁠ ⁠a⁠wi⁠s⁠do⁠di⁠,⁠ ⁠a⁠le⁠ ⁠i⁠tsa⁠li⁠s⁠da⁠yv⁠di⁠,⁠ ⁠a⁠le⁠ ⁠de⁠tsa⁠da⁠ti⁠na⁠v⁠ ⁠u⁠na⁠li⁠s⁠da⁠yv⁠di⁠,⁠ ⁠a⁠le⁠ ⁠di⁠tse⁠tsi⁠ ⁠di⁠ni⁠yo⁠li⁠ ⁠u⁠na⁠li⁠s⁠da⁠yv⁠di⁠. ⁠
⁠2⁠5⁠ ⁠hi⁠a⁠no⁠ ⁠nu⁠ni⁠we⁠se⁠i⁠,⁠ ⁠ni⁠hi⁠ ⁠de⁠s⁠gi⁠s⁠de⁠lv⁠e⁠lv⁠ ⁠do⁠tsv⁠nv⁠i⁠;⁠ ⁠o⁠s⁠dv⁠ ⁠s⁠gi⁠ya⁠da⁠nv⁠te⁠di⁠yi⁠ ⁠i⁠tsv⁠wa⁠dv⁠si⁠ ⁠tsa⁠gv⁠wi⁠yu⁠hi⁠,⁠ ⁠que⁠li⁠yo⁠no⁠ ⁠s⁠gi⁠nv⁠si⁠da⁠s⁠di⁠ ⁠ge⁠se⁠s⁠di⁠ ⁠
⁠2⁠6⁠ ⁠tso⁠wa⁠no⁠ ⁠di⁠ka⁠hna⁠wa⁠dv⁠s⁠di⁠ ⁠nu⁠wa⁠ne⁠le⁠ ⁠ga⁠da⁠ ⁠a⁠hv⁠ ⁠i⁠tsi⁠qui⁠yi⁠ ⁠go⁠hi⁠ ⁠i⁠ya⁠s⁠ti⁠ ⁠que⁠li⁠yo⁠ ⁠hi⁠s⁠gi⁠ni⁠ ⁠go⁠tsa⁠le⁠dv⁠ ⁠a⁠tsi⁠di⁠yi⁠;⁠ ⁠a⁠tsi⁠lv⁠ ⁠a⁠ne⁠lo⁠hi⁠ ⁠u⁠na⁠tse⁠li⁠ga⁠ ⁠ga⁠da⁠ ⁠u⁠wa⁠sv⁠ ⁠v⁠tla⁠ ⁠na⁠s⁠gi⁠ ⁠que⁠li⁠yo⁠ ⁠u⁠tse⁠li⁠ga⁠ ⁠yi⁠nu⁠li⁠s⁠ta⁠ne⁠i⁠. ⁠
⁠2⁠7⁠ ⁠i⁠si⁠li⁠no⁠ ⁠i⁠tsi⁠qui⁠yi⁠ ⁠a⁠ne⁠he⁠i⁠,⁠ ⁠go⁠sa⁠ni⁠ ⁠du⁠do⁠v⁠i⁠;⁠ ⁠a⁠le⁠ ⁠tsu⁠na⁠tse⁠li⁠go⁠hi⁠ ⁠de⁠ge⁠sa⁠di⁠se⁠ ⁠na⁠hna⁠ni⁠,⁠ ⁠a⁠le⁠ ⁠u⁠na⁠v⁠se⁠i⁠,⁠ ⁠a⁠le⁠ ⁠u⁠ni⁠ne⁠quo⁠tse⁠ ⁠u⁠tsa⁠ti⁠ ⁠
⁠2⁠8⁠ ⁠tse⁠ga⁠qui⁠no⁠ ⁠ga⁠li⁠qua⁠du⁠ ⁠tsu⁠de⁠ti⁠yv⁠dv⁠ ⁠u⁠le⁠ni⁠do⁠le⁠ ⁠i⁠tsi⁠qui⁠yi⁠;⁠ ⁠na⁠s⁠gi⁠no⁠ ⁠ni⁠go⁠hi⁠lv⁠ ⁠u⁠le⁠ni⁠do⁠lv⁠ ⁠tse⁠ga⁠qui⁠ ⁠a⁠s⁠go⁠hi⁠tsu⁠qui⁠ ⁠nv⁠ga⁠s⁠go⁠hi⁠ ⁠ga⁠li⁠quo⁠gi⁠ga⁠li⁠ ⁠nu⁠de⁠ti⁠yv⁠he⁠i⁠. ⁠
⁠2⁠9⁠ ⁠hna⁠quo⁠no⁠ ⁠u⁠s⁠qua⁠lv⁠hi⁠di⁠se⁠ ⁠i⁠si⁠li⁠ ⁠u⁠yo⁠hu⁠hi⁠s⁠di⁠yi⁠;⁠ ⁠wu⁠ya⁠nv⁠he⁠no⁠ ⁠u⁠we⁠tsi⁠ ⁠tso⁠wa⁠,⁠ ⁠a⁠le⁠ ⁠hi⁠a⁠ ⁠nu⁠we⁠se⁠le⁠i⁠,⁠ ⁠i⁠yu⁠no⁠ ⁠o⁠s⁠dv⁠ ⁠s⁠gi⁠ye⁠lv⁠di⁠yi⁠ ⁠gv⁠wa⁠dv⁠e⁠le⁠s⁠di⁠,⁠ ⁠tsi⁠ga⁠lo⁠ ⁠s⁠qua⁠si⁠nu⁠yv⁠da⁠si⁠,⁠ ⁠o⁠s⁠dv⁠no⁠ ⁠a⁠le⁠ ⁠du⁠yu⁠go⁠dv⁠ ⁠ni⁠s⁠qua⁠dv⁠ni⁠si⁠;⁠ ⁠tle⁠s⁠di⁠ ⁠i⁠tsi⁠qui⁠yi⁠ ⁠s⁠gi⁠ni⁠sa⁠nv⁠gi⁠ ⁠
⁠3⁠0⁠ ⁠di⁠gi⁠ga⁠yv⁠li⁠ge⁠s⁠gi⁠ni⁠ ⁠i⁠tsu⁠la⁠ha⁠ ⁠o⁠tsi⁠ni⁠tla⁠e⁠s⁠di⁠,⁠ ⁠a⁠le⁠ ⁠i⁠tsi⁠qui⁠yi⁠ ⁠s⁠gi⁠na⁠wi⁠dv⁠hv⁠ha⁠,⁠ ⁠a⁠le⁠ ⁠na⁠s⁠gi⁠ ⁠tsu⁠na⁠da⁠ni⁠so⁠di⁠yi⁠ ⁠s⁠gi⁠ni⁠sa⁠nv⁠ha⁠? ⁠ ⁠hi⁠a⁠no⁠ ⁠nu⁠we⁠se⁠i⁠,⁠ ⁠ni⁠tsa⁠we⁠sv⁠ ⁠na⁠s⁠gi⁠ya⁠ ⁠nv⁠da⁠ga⁠dv⁠ne⁠li⁠. ⁠
⁠3⁠1⁠ ⁠hi⁠a⁠no⁠ ⁠nu⁠we⁠se⁠i⁠,⁠ ⁠s⁠qua⁠se⁠li⁠da⁠si⁠ ⁠ ⁠u⁠se⁠li⁠da⁠ne⁠le⁠no⁠. ⁠ ⁠wu⁠di⁠sa⁠da⁠de⁠no⁠ ⁠a⁠do⁠la⁠nv⁠s⁠di⁠yi⁠ ⁠u⁠s⁠go⁠li⁠ ⁠u⁠li⁠s⁠de⁠lv⁠de⁠i⁠ .


LINKS:

~Old Testament Project‎ > ‎Genesis Resources‎ > ‎Genesis 1 plus Index & PDF‎ > ‎Genesis 2‎ > ‎Genesis 3‎ > ‎Genesis 4‎ > ‎Genesis 5‎ > ‎Genesis 6‎ > ‎Genesis 7‎ > ‎Genesis 8‎ > ‎Genesis 9‎ > ‎Genesis 10‎ > ‎Genesis 11‎ > ‎Genesis 12‎ > ‎Genesis 13‎ > ‎Genesis 14‎ > ‎Genesis 15‎ > ‎Genesis 16‎ > ‎Genesis 17‎ > ‎Genesis 18‎ > ‎Genesis 19‎ > ‎Genesis 20‎ > ‎Genesis 21‎ > ‎Genesis 22‎ > ‎Genesis 23‎ > ‎Genesis 24‎ > ‎Genesis 25‎ > ‎Genesis 26‎ > ‎Genesis 27‎ > ‎Genesis 28‎ > ‎Genesis 29‎ > ‎Genesis 30‎ > ‎Genesis 31‎ > ‎Genesis 32‎ > ‎Genesis 33‎ > ‎Genesis 34‎ > ‎Genesis 35‎ > ‎Genesis 36‎ > ‎Genesis 37‎ > ‎Genesis 38‎ > ‎Genesis 39‎ > ‎Genesis 40‎ > ‎Genesis 41‎ > ‎Genesis 42‎ > ‎Genesis 43‎ > ‎Genesis 44‎ > ‎Genesis 45‎ > ‎Genesis 46‎ > ‎Genesis 47‎ > ‎Genesis 48‎ > ‎Genesis 49‎ > ‎ Genesis 50 last chapter


Noteworthy


-- Cherokee uses "ᎤᏁᎳᏅᎯ" "Unelanvhi"- which means CREATOR-- see Real Meaning of Unelanvhi

I often get asked:


What is ᏦᏩᏃ (Tsowano)?  Isn't Joseph just ᏦᏩ?
Many times you will see an "honorific" attached to a name in Cherokee writings.  This honorific, the addition of a suffix "-Ꮓ" ["-no"] is important and you will hear it in stories.
It does not just get attached to nouns either. Sometimes, you will see it on other parts of speech.
[example:  verse 3 ᏅᎦᏍᎪᎯᏃ nv⁠ga⁠s⁠go⁠hi⁠no and verse 4 ᎿᏉᏃ hnaquono -- see how many others you can spot!]
You should know:  although honorifics are not part of the basic grammar of the Cherokee language, they are a fundamental part of the sociolinguistics of Cherokee, and proper use is essential to proficient and appropriate speech. Significantly, referring to oneself using an honorific, or dropping an honorific when it is required, is a serious faux pas, in either case coming across as clumsy or arrogant.

Subpages (1): Genesis 48
Comments