~Old Testament Project‎ > ‎Genesis Resources‎ > ‎Genesis Index & PDF‎ > ‎Genesis 2‎ > ‎Genesis 3‎ > ‎Genesis 4‎ > ‎Genesis 5‎ > ‎Genesis 6‎ > ‎Genesis 7‎ > ‎Genesis 8‎ > ‎Genesis 9‎ > ‎Genesis 10‎ > ‎Genesis 11‎ > ‎Genesis 12‎ > ‎Genesis 13‎ > ‎Genesis 14‎ > ‎Genesis 15‎ > ‎Genesis 16‎ > ‎Genesis 17‎ > ‎Genesis 18‎ > ‎Genesis 19‎ > ‎Genesis 20‎ > ‎

Genesis 21

as we have time, we will move these to the format used in Genesis Chapter 1 Genesis

meanwhile, the following pages have
Phonetics, then Middle of page has syllabary, then English is at bottom

THIS WORK WAS COMPLETED BASED OFF A COPY OF SCRIPTURES published by Park Hill By Edwin Archer in 1856
Park Hill: Mission Press: Edwin Archer, Printer, 1856. PUBLIC DOMAIN
ᎼᏏ ᎢᎬᏱᏱ ᎤᏬᏪᎳᏅᎯ
mosi igvyiyi uwowelanvhi
First Book of Moses

ᏗᏓᎴᏂᏍᎬᎢ ᎤᏁᎳᏅᎯ ᏚᏬᏢᏁ ᎦᎸᎶᎢ ᎠᎴ ᎡᎶᎯ

didalenisgvi Unelanvhi duwotlvne galvloi ale elohi

⁠ᎠᏯᏙᎸᎢ
A⁠ya⁠do⁠lv⁠i⁠ ⁠
Chapter


⁠a⁠ya⁠do⁠lv⁠i⁠ ⁠2⁠1⁠

⁠1⁠ ⁠yi⁠ho⁠wa⁠no⁠ ⁠u⁠wa⁠dv⁠hi⁠le⁠ ⁠se⁠li⁠ ⁠na⁠s⁠gi⁠ya⁠ ⁠u⁠ne⁠tsv⁠i⁠,⁠ ⁠a⁠le⁠ ⁠yi⁠ho⁠wa⁠ ⁠nu⁠dv⁠ne⁠le⁠ ⁠se⁠li⁠ ⁠na⁠s⁠gi⁠ya⁠ ⁠nu⁠we⁠sv⁠i⁠ ⁠
⁠2⁠ ⁠se⁠li⁠ye⁠no⁠ ⁠u⁠ne⁠li⁠tse⁠i⁠,⁠ ⁠a⁠le⁠ ⁠u⁠na⁠nu⁠go⁠wi⁠se⁠le⁠ ⁠e⁠qua⁠ha⁠mi⁠ ⁠u⁠we⁠tsi⁠ ⁠a⁠tsu⁠tsa⁠,⁠ ⁠hna⁠quo⁠ ⁠u⁠dv⁠so⁠nv⁠hi⁠ ⁠ge⁠se⁠i⁠,⁠ ⁠na⁠hi⁠yu⁠ ⁠da⁠ne⁠lo⁠dv⁠i⁠,⁠ ⁠na⁠s⁠gi⁠ ⁠u⁠ne⁠la⁠nv⁠hi⁠ ⁠tsu⁠ne⁠i⁠s⁠da⁠ne⁠le⁠ ⁠e⁠qua⁠ha⁠mi⁠ ⁠
⁠3⁠ ⁠e⁠qua⁠ha⁠mi⁠no⁠ ⁠e⁠si⁠gi⁠ ⁠du⁠wo⁠e⁠ ⁠u⁠we⁠tsi⁠ ⁠u⁠de⁠ne⁠lv⁠hi⁠ ⁠na⁠s⁠gi⁠ ⁠se⁠li⁠ ⁠tsu⁠na⁠nu⁠go⁠wi⁠se⁠le⁠i⁠ ⁠
⁠4⁠ ⁠e⁠qua⁠ha⁠mi⁠no⁠ ⁠u⁠hu⁠s⁠de⁠se⁠le⁠ ⁠u⁠we⁠tsi⁠ ⁠e⁠si⁠gi⁠ ⁠tsu⁠ne⁠la⁠quo⁠ ⁠tsu⁠sv⁠hi⁠dv⁠ ⁠e⁠hi⁠ ⁠ge⁠se⁠i⁠,⁠ ⁠na⁠s⁠gi⁠ya⁠ ⁠u⁠ne⁠la⁠nv⁠hi⁠ ⁠u⁠ne⁠tse⁠lv⁠i⁠ ⁠
⁠5⁠ ⁠e⁠qua⁠ha⁠mi⁠no⁠ ⁠a⁠s⁠go⁠hi⁠tsu⁠qui⁠ ⁠i⁠yu⁠de⁠ti⁠yv⁠dv⁠ ⁠ge⁠se⁠i⁠,⁠ ⁠u⁠we⁠tsi⁠ ⁠e⁠si⁠gi⁠ ⁠u⁠de⁠ne⁠lv⁠ ⁠
⁠6⁠ ⁠se⁠li⁠no⁠ ⁠hi⁠a⁠ ⁠nu⁠we⁠se⁠i⁠,⁠ ⁠u⁠ne⁠la⁠nv⁠hi⁠ ⁠a⁠gi⁠ye⁠tsa⁠s⁠di⁠yi⁠ ⁠nv⁠gv⁠ga⁠,⁠ ⁠na⁠s⁠gi⁠no⁠ ⁠ni⁠ga⁠dv⁠ ⁠a⁠na⁠dv⁠gi⁠s⁠gi⁠ ⁠da⁠yu⁠ni⁠ye⁠tsi⁠ ⁠a⁠yv⁠ ⁠nv⁠da⁠ga⁠li⁠s⁠do⁠di⁠s⁠ge⁠s⁠di⁠. ⁠
⁠7⁠ ⁠a⁠le⁠ ⁠hi⁠a⁠ ⁠nu⁠we⁠se⁠i⁠,⁠ ⁠ga⁠go⁠ ⁠ye⁠li⁠ ⁠hi⁠a⁠ ⁠i⁠gv⁠wa⁠we⁠se⁠di⁠ ⁠ge⁠se⁠ ⁠e⁠qua⁠ha⁠mi⁠,⁠ ⁠se⁠li⁠ ⁠di⁠ni⁠yo⁠li⁠ ⁠do⁠dv⁠s⁠dv⁠ni⁠ ⁠ ⁠v⁠tsi⁠na⁠nu⁠go⁠wi⁠si⁠ye⁠no⁠ ⁠u⁠we⁠tsi⁠ ⁠a⁠tsu⁠tsa⁠,⁠ ⁠hna⁠quo⁠ ⁠u⁠dv⁠so⁠nv⁠hi⁠ ⁠tsi⁠gi⁠. ⁠
⁠8⁠ ⁠a⁠yo⁠li⁠no⁠ ⁠u⁠dv⁠se⁠i⁠,⁠ ⁠a⁠le⁠ ⁠da⁠tsi⁠s⁠de⁠se⁠i⁠;⁠ ⁠e⁠qua⁠ha⁠mi⁠no⁠ ⁠u⁠dv⁠nv⁠i⁠s⁠ta⁠ne⁠ ⁠u⁠tsa⁠ti⁠ ⁠tsu⁠na⁠li⁠s⁠da⁠yv⁠di⁠yi⁠ ⁠na⁠hi⁠yu⁠ ⁠i⁠ga⁠ ⁠e⁠si⁠gi⁠ ⁠da⁠tsi⁠s⁠de⁠sv⁠ ⁠
⁠9⁠ ⁠se⁠li⁠no⁠ ⁠u⁠go⁠he⁠ ⁠he⁠ga⁠ ⁠i⁠tsi⁠qui⁠yi⁠ ⁠u⁠de⁠nv⁠hi⁠ ⁠u⁠we⁠tsi⁠,⁠ ⁠na⁠s⁠gi⁠ ⁠e⁠qua⁠ha⁠mi⁠ ⁠tsu⁠na⁠nu⁠go⁠wi⁠se⁠le⁠i⁠,⁠ ⁠gv⁠wa⁠ye⁠tsa⁠s⁠di⁠s⁠ge⁠i⁠. ⁠
⁠1⁠0⁠ ⁠na⁠s⁠gi⁠ ⁠i⁠yu⁠s⁠di⁠ ⁠se⁠li⁠ ⁠hi⁠a⁠ ⁠nu⁠we⁠se⁠le⁠ ⁠e⁠qua⁠ha⁠mi⁠,⁠ ⁠hi⁠ge⁠hi⁠da⁠ ⁠hi⁠a⁠ ⁠a⁠tsi⁠na⁠tla⁠i⁠ ⁠a⁠ge⁠yv⁠,⁠ ⁠a⁠le⁠ ⁠u⁠we⁠tsi⁠;⁠ ⁠v⁠tla⁠ye⁠no⁠ ⁠hi⁠a⁠ ⁠a⁠ge⁠yv⁠ ⁠u⁠we⁠tsi⁠ ⁠a⁠tsi⁠na⁠tla⁠i⁠quo⁠ ⁠i⁠tsu⁠la⁠ha⁠ ⁠u⁠na⁠ti⁠ye⁠di⁠ ⁠yi⁠ge⁠se⁠s⁠di⁠ ⁠tsu⁠gv⁠wa⁠lo⁠di⁠ ⁠a⁠yv⁠ ⁠a⁠que⁠tsi⁠,⁠ ⁠hi⁠a⁠ ⁠na⁠s⁠gi⁠ ⁠e⁠si⁠gi⁠ ⁠
⁠1⁠1⁠ ⁠hi⁠a⁠no⁠ ⁠na⁠s⁠gi⁠ ⁠u⁠tsa⁠ti⁠ ⁠u⁠yo⁠ ⁠u⁠da⁠nv⁠da⁠di⁠s⁠ta⁠ne⁠ ⁠e⁠qua⁠ha⁠mi⁠,⁠ ⁠u⁠we⁠tsi⁠ ⁠nv⁠di⁠ga⁠li⁠s⁠do⁠di⁠s⁠ge⁠i⁠. ⁠
⁠1⁠2⁠ ⁠u⁠ne⁠la⁠nv⁠hi⁠no⁠ ⁠hi⁠a⁠ ⁠nu⁠we⁠se⁠le⁠ ⁠e⁠qua⁠ha⁠mi⁠,⁠ ⁠v⁠tle⁠s⁠di⁠ ⁠u⁠yo⁠ ⁠yi⁠tsa⁠da⁠nv⁠da⁠di⁠s⁠di⁠s⁠ge⁠s⁠di⁠ ⁠yi⁠ni⁠ga⁠li⁠s⁠do⁠di⁠s⁠ge⁠s⁠di⁠ ⁠na⁠s⁠gi⁠na⁠ ⁠a⁠tsu⁠tsa⁠,⁠ ⁠a⁠le⁠ ⁠yi⁠ni⁠ga⁠li⁠s⁠do⁠di⁠s⁠ge⁠s⁠di⁠ ⁠hi⁠na⁠tla⁠i⁠ ⁠a⁠ge⁠yv⁠;⁠ ⁠ni⁠ga⁠v⁠quo⁠ ⁠se⁠li⁠ ⁠ni⁠tsa⁠we⁠se⁠lv⁠,⁠ ⁠hi⁠ya⁠dv⁠da⁠s⁠da⁠si⁠quo⁠ ⁠ka⁠ne⁠gv⁠i⁠;⁠ ⁠e⁠si⁠gi⁠ye⁠no⁠ ⁠du⁠do⁠v⁠ ⁠ge⁠tsi⁠ya⁠nv⁠di⁠s⁠ge⁠s⁠di⁠ ⁠tsa⁠ne⁠tlv⁠ta⁠nv⁠hi⁠ ⁠
⁠1⁠3⁠ ⁠a⁠le⁠ ⁠na⁠s⁠quo⁠ ⁠hi⁠a⁠ ⁠a⁠tsi⁠na⁠tla⁠i⁠ ⁠a⁠ge⁠yv⁠ ⁠u⁠we⁠tsi⁠ ⁠u⁠na⁠da⁠tse⁠li⁠dv⁠ ⁠yv⁠wi⁠ ⁠nv⁠da⁠ga⁠tsi⁠yv⁠ne⁠li⁠,⁠ ⁠ni⁠hi⁠ ⁠tse⁠tsi⁠ ⁠ge⁠sv⁠ ⁠nv⁠da⁠ga⁠li⁠s⁠do⁠ta⁠ni⁠. ⁠
⁠1⁠4⁠ ⁠e⁠qua⁠ha⁠mi⁠no⁠ ⁠su⁠na⁠le⁠quo⁠ ⁠u⁠di⁠dv⁠he⁠i⁠,⁠ ⁠a⁠le⁠ ⁠ga⁠du⁠ ⁠u⁠gi⁠se⁠ ⁠a⁠le⁠ ⁠a⁠su⁠tlv⁠dv⁠ ⁠a⁠ma⁠ ⁠gv⁠tli⁠s⁠di⁠ ⁠u⁠ne⁠gi⁠se⁠i⁠,⁠ ⁠he⁠ga⁠no⁠ ⁠du⁠ne⁠le⁠i⁠,⁠ ⁠a⁠le⁠ ⁠da⁠ga⁠ye⁠nv⁠ta⁠ne⁠i⁠,⁠ ⁠a⁠le⁠ ⁠a⁠ga⁠ni⁠gi⁠s⁠ta⁠ne⁠i⁠;⁠ ⁠u⁠ni⁠gi⁠se⁠no⁠,⁠ ⁠a⁠le⁠ ⁠qui⁠ya⁠si⁠qua⁠ ⁠i⁠na⁠ge⁠ ⁠ge⁠sv⁠ ⁠wu⁠we⁠do⁠le⁠i⁠ ⁠
⁠1⁠5⁠ ⁠a⁠ma⁠no⁠ ⁠u⁠di⁠sv⁠ne⁠ ⁠a⁠su⁠tlv⁠dv⁠ ⁠a⁠tli⁠s⁠dv⁠i⁠,⁠ ⁠a⁠le⁠ ⁠u⁠na⁠s⁠da⁠lv⁠ ⁠ha⁠wi⁠ni⁠di⁠tlv⁠ ⁠u⁠we⁠ka⁠ne⁠ ⁠a⁠tsu⁠tsa⁠. ⁠
⁠1⁠6⁠ ⁠u⁠we⁠nv⁠se⁠no⁠,⁠ ⁠a⁠le⁠ ⁠a⁠tsu⁠tsa⁠ ⁠ga⁠nv⁠gv⁠ ⁠tsu⁠yu⁠go⁠di⁠ ⁠tsu⁠we⁠ne⁠i⁠ ⁠ye⁠li⁠ ⁠ge⁠ ⁠i⁠yv⁠dv⁠,⁠ ⁠ga⁠lo⁠tsa⁠di⁠ ⁠tsi⁠ni⁠de⁠ga⁠lo⁠nu⁠la⁠ ⁠i⁠yv⁠dv⁠;⁠ ⁠hi⁠a⁠ye⁠no⁠ ⁠nu⁠we⁠se⁠i⁠,⁠ ⁠tle⁠s⁠di⁠ ⁠tsi⁠go⁠v⁠gi⁠ ⁠a⁠tsu⁠tsa⁠ ⁠a⁠yo⁠tle⁠s⁠gv⁠i⁠;⁠ ⁠ga⁠nv⁠gv⁠no⁠ ⁠tsu⁠yu⁠go⁠di⁠ ⁠u⁠wo⁠le⁠i⁠,⁠ ⁠a⁠le⁠ ⁠a⁠s⁠da⁠ya⁠ ⁠u⁠tlo⁠yi⁠le⁠i⁠ ⁠
⁠1⁠7⁠ ⁠u⁠ne⁠la⁠nv⁠hi⁠no⁠ ⁠u⁠dv⁠ga⁠ne⁠ ⁠a⁠tsu⁠tsa⁠ ⁠u⁠we⁠lu⁠gv⁠i⁠;⁠ ⁠di⁠ka⁠hna⁠wa⁠di⁠do⁠hi⁠no⁠ ⁠u⁠ne⁠la⁠nv⁠hi⁠ ⁠u⁠tse⁠li⁠ga⁠ ⁠ga⁠lv⁠la⁠di⁠ ⁠i⁠yv⁠dv⁠ ⁠tsu⁠ne⁠tse⁠le⁠ ⁠he⁠ga⁠,⁠ ⁠a⁠le⁠ ⁠hi⁠a⁠ ⁠nv⁠tsu⁠we⁠se⁠le⁠i⁠,⁠ ⁠ga⁠do⁠ ⁠ha⁠li⁠s⁠di⁠ha⁠,⁠ ⁠ge⁠ga⁠? ⁠ ⁠tle⁠s⁠di⁠ ⁠yi⁠s⁠ga⁠i⁠he⁠s⁠di⁠;⁠ ⁠u⁠ne⁠ta⁠nv⁠hi⁠ye⁠no⁠ ⁠a⁠dv⁠gv⁠ga⁠ ⁠u⁠we⁠lu⁠gv⁠ ⁠a⁠tsu⁠tsa⁠ ⁠na⁠hna⁠ ⁠ga⁠nv⁠gv⁠i⁠. ⁠
⁠1⁠8⁠ ⁠ta⁠le⁠hv⁠ga⁠,⁠ ⁠hi⁠sa⁠ta⁠dv⁠ga⁠ ⁠a⁠tsu⁠tsa⁠,⁠ ⁠a⁠le⁠ ⁠hi⁠ni⁠yv⁠se⁠s⁠di⁠;⁠ ⁠u⁠ni⁠tsa⁠ti⁠ye⁠no⁠ ⁠yv⁠wi⁠ ⁠u⁠na⁠da⁠tse⁠li⁠dv⁠ ⁠nv⁠da⁠tsi⁠yv⁠ne⁠li⁠ ⁠
⁠1⁠9⁠ ⁠u⁠ne⁠la⁠nv⁠hi⁠no⁠ ⁠du⁠s⁠du⁠i⁠e⁠le⁠ ⁠di⁠ga⁠do⁠li⁠,⁠ ⁠a⁠le⁠ ⁠u⁠go⁠he⁠ ⁠a⁠da⁠le⁠sv⁠ ⁠a⁠le⁠ ⁠a⁠tlv⁠di⁠yi⁠;⁠ ⁠u⁠we⁠nv⁠se⁠no⁠ ⁠a⁠le⁠ ⁠a⁠su⁠tlv⁠dv⁠ ⁠a⁠ma⁠ ⁠wu⁠tli⁠s⁠ta⁠ne⁠i⁠,⁠ ⁠a⁠le⁠ ⁠u⁠hu⁠ne⁠ ⁠a⁠tsu⁠tsa⁠. ⁠
⁠2⁠0⁠ ⁠u⁠ne⁠la⁠nv⁠hi⁠no⁠ ⁠da⁠ka⁠hna⁠wa⁠di⁠do⁠he⁠ ⁠a⁠tsu⁠tsa⁠,⁠ ⁠a⁠le⁠ ⁠u⁠dv⁠se⁠i⁠;⁠ ⁠a⁠le⁠ ⁠i⁠na⁠ge⁠quo⁠ ⁠e⁠he⁠i⁠,⁠ ⁠a⁠le⁠ ⁠u⁠dv⁠sv⁠ ⁠ga⁠lo⁠tsa⁠di⁠ ⁠ga⁠ni⁠do⁠hi⁠ ⁠nu⁠li⁠s⁠ta⁠ne⁠i⁠ ⁠
⁠2⁠1⁠ ⁠que⁠la⁠ni⁠no⁠ ⁠du⁠do⁠v⁠ ⁠i⁠na⁠ge⁠ ⁠e⁠he⁠i⁠;⁠ ⁠u⁠tsi⁠no⁠ ⁠i⁠tsi⁠qui⁠yi⁠ ⁠wu⁠ya⁠nv⁠e⁠le⁠ ⁠u⁠da⁠yv⁠s⁠di⁠. ⁠
⁠2⁠2⁠ ⁠na⁠hi⁠yu⁠no⁠ ⁠hi⁠a⁠ ⁠nu⁠li⁠s⁠ta⁠ne⁠i⁠,⁠ ⁠na⁠s⁠gi⁠ ⁠a⁠qui⁠mi⁠le⁠gi⁠ ⁠a⁠le⁠ ⁠qui⁠go⁠li⁠ ⁠nu⁠gv⁠wi⁠yu⁠sv⁠ ⁠a⁠s⁠ga⁠ye⁠gv⁠s⁠da⁠ ⁠a⁠qui⁠mi⁠le⁠gi⁠ ⁠tsu⁠tse⁠li⁠ga⁠ ⁠u⁠ni⁠tsa⁠ti⁠ ⁠ge⁠sv⁠ ⁠tsu⁠da⁠ti⁠na⁠i⁠,⁠ ⁠gv⁠wa⁠ne⁠tse⁠le⁠ ⁠e⁠qua⁠ha⁠mi⁠,⁠ ⁠hi⁠a⁠ ⁠na⁠ni⁠we⁠s⁠ge⁠i⁠,⁠ ⁠u⁠ne⁠la⁠nv⁠hi⁠ ⁠de⁠tsa⁠ka⁠hna⁠wa⁠di⁠do⁠ha⁠ ⁠ni⁠ga⁠v⁠ ⁠go⁠hu⁠s⁠di⁠ ⁠ha⁠dv⁠ne⁠hv⁠i⁠ ⁠
⁠2⁠3⁠ ⁠na⁠s⁠gi⁠ ⁠i⁠yu⁠s⁠di⁠ ⁠a⁠ni⁠quo⁠ ⁠s⁠qua⁠se⁠li⁠da⁠si⁠ ⁠u⁠ne⁠la⁠nv⁠hi⁠ ⁠du⁠do⁠s⁠dv⁠i⁠,⁠ ⁠na⁠s⁠gi⁠ ⁠ga⁠lo⁠nu⁠he⁠dv⁠ ⁠s⁠quv⁠da⁠ne⁠di⁠yi⁠ ⁠ni⁠ge⁠sv⁠na⁠,⁠ ⁠a⁠yv⁠ ⁠a⁠quv⁠sv⁠,⁠ ⁠a⁠le⁠ ⁠di⁠que⁠tsi⁠,⁠ ⁠a⁠le⁠ ⁠di⁠qua⁠ne⁠tlv⁠ta⁠nv⁠dv⁠;⁠ ⁠na⁠s⁠gi⁠ya⁠s⁠gi⁠ni⁠ ⁠a⁠yv⁠ ⁠o⁠s⁠dv⁠ ⁠ni⁠gv⁠ya⁠dv⁠ne⁠lv⁠i⁠,⁠ ⁠na⁠s⁠gi⁠ya⁠ ⁠na⁠s⁠quo⁠ ⁠a⁠yv⁠ ⁠ni⁠s⁠qua⁠dv⁠ne⁠he⁠s⁠di⁠,⁠ ⁠a⁠le⁠ ⁠ga⁠da⁠ ⁠a⁠hv⁠ ⁠na⁠hna⁠ ⁠tse⁠do⁠lv⁠i⁠,⁠ ⁠na⁠s⁠gi⁠ya⁠ ⁠na⁠s⁠quo⁠ ⁠nv⁠ta⁠dv⁠ne⁠li⁠. ⁠
⁠2⁠4⁠ ⁠e⁠qua⁠ha⁠mi⁠no⁠ ⁠hi⁠a⁠ ⁠nu⁠we⁠se⁠i⁠,⁠ ⁠da⁠ga⁠se⁠li⁠ta⁠ni⁠quo⁠ ⁠
⁠2⁠5⁠ ⁠e⁠qua⁠ha⁠mi⁠no⁠ ⁠u⁠gv⁠s⁠go⁠lv⁠ne⁠ ⁠a⁠qui⁠mi⁠le⁠gi⁠ ⁠nv⁠di⁠ga⁠li⁠s⁠do⁠di⁠s⁠ge⁠ ⁠a⁠ma⁠ ⁠a⁠tlv⁠di⁠yi⁠ ⁠a⁠da⁠le⁠sv⁠i⁠,⁠ ⁠na⁠s⁠gi⁠ ⁠a⁠qui⁠mi⁠le⁠gi⁠ ⁠tsu⁠nv⁠si⁠da⁠s⁠di⁠ ⁠gv⁠s⁠ga⁠i⁠s⁠da⁠gi⁠ ⁠gv⁠wa⁠gi⁠e⁠lv⁠i⁠. ⁠
⁠2⁠6⁠ ⁠a⁠qui⁠mi⁠le⁠gi⁠no⁠ ⁠hi⁠a⁠ ⁠nu⁠we⁠se⁠i⁠,⁠ ⁠v⁠tla⁠ ⁠yi⁠tsi⁠ga⁠ta⁠ha⁠ ⁠na⁠s⁠gi⁠ ⁠hi⁠a⁠ ⁠i⁠yu⁠na⁠dv⁠ne⁠lv⁠hi⁠ ⁠ge⁠sv⁠i⁠;⁠ ⁠v⁠tla⁠ ⁠a⁠le⁠ ⁠yi⁠s⁠gi⁠no⁠ne⁠le⁠i⁠,⁠ ⁠v⁠tla⁠ ⁠a⁠le⁠ ⁠yi⁠ga⁠dv⁠gi⁠s⁠ge⁠i⁠ ⁠gi⁠la⁠ ⁠go⁠hi⁠ ⁠i⁠ga⁠ ⁠tsi⁠gi⁠ ⁠
⁠2⁠7⁠ ⁠e⁠qua⁠ha⁠mi⁠no⁠ ⁠a⁠wi⁠ ⁠u⁠ni⁠no⁠de⁠na⁠ ⁠a⁠le⁠ ⁠wa⁠ga⁠ ⁠wi⁠du⁠ya⁠nv⁠he⁠i⁠,⁠ ⁠a⁠le⁠ ⁠a⁠qui⁠mi⁠le⁠gi⁠ ⁠du⁠we⁠ka⁠ne⁠le⁠i⁠;⁠ ⁠a⁠le⁠ ⁠na⁠s⁠gi⁠ ⁠a⁠ni⁠ta⁠li⁠ ⁠ka⁠no⁠he⁠dv⁠ ⁠du⁠na⁠tlo⁠hi⁠s⁠ta⁠ne⁠i⁠. ⁠
⁠2⁠8⁠ ⁠e⁠qua⁠ha⁠mi⁠no⁠ ⁠ga⁠li⁠quo⁠gi⁠ ⁠a⁠wi⁠ ⁠u⁠ni⁠no⁠de⁠na⁠ ⁠a⁠ni⁠gi⁠si⁠ ⁠u⁠na⁠de⁠ti⁠yv⁠dv⁠ ⁠u⁠na⁠ne⁠la⁠gi⁠ ⁠i⁠yv⁠dv⁠ ⁠wi⁠du⁠we⁠ka⁠ne⁠i⁠ ⁠
⁠2⁠9⁠ ⁠a⁠qui⁠mi⁠le⁠gi⁠no⁠ ⁠hi⁠a⁠ ⁠nu⁠we⁠se⁠le⁠ ⁠e⁠qua⁠ha⁠mi⁠,⁠ ⁠ga⁠do⁠no⁠ ⁠hi⁠a⁠ ⁠ga⁠li⁠quo⁠gi⁠ ⁠a⁠wi⁠ ⁠a⁠ni⁠gi⁠si⁠ ⁠u⁠na⁠de⁠ti⁠yv⁠dv⁠ ⁠u⁠na⁠ne⁠la⁠gi⁠ ⁠i⁠yv⁠dv⁠ ⁠tsi⁠de⁠hi⁠ka⁠hv⁠ga⁠. ⁠
⁠3⁠0⁠ ⁠hi⁠a⁠no⁠ ⁠nu⁠we⁠se⁠i⁠,⁠ ⁠hi⁠a⁠s⁠gi⁠ni⁠ ⁠ga⁠li⁠quo⁠gi⁠ ⁠a⁠wi⁠ ⁠a⁠ni⁠gi⁠si⁠ ⁠u⁠na⁠de⁠ti⁠yv⁠dv⁠ ⁠do⁠da⁠s⁠gi⁠ya⁠nv⁠e⁠li⁠,⁠ ⁠na⁠s⁠gi⁠no⁠ ⁠gv⁠quo⁠hi⁠yu⁠da⁠ne⁠hi⁠ ⁠ge⁠se⁠s⁠di⁠ ⁠na⁠s⁠gi⁠ ⁠a⁠yv⁠ ⁠a⁠qua⁠s⁠go⁠sv⁠hi⁠ ⁠ge⁠sv⁠ ⁠hi⁠a⁠ ⁠a⁠ma⁠ ⁠a⁠tlv⁠di⁠yi⁠ ⁠
⁠3⁠1⁠ ⁠na⁠s⁠gi⁠ ⁠i⁠yu⁠s⁠di⁠ ⁠na⁠hna⁠ ⁠qui⁠ya⁠si⁠qua⁠ ⁠du⁠wo⁠e⁠i⁠;⁠ ⁠nv⁠di⁠ga⁠li⁠s⁠do⁠di⁠s⁠ge⁠ ⁠na⁠hna⁠ ⁠i⁠tsu⁠la⁠ ⁠na⁠s⁠gi⁠ ⁠a⁠ni⁠ta⁠li⁠ ⁠u⁠na⁠se⁠li⁠ta⁠nv⁠i⁠. ⁠
⁠3⁠2⁠ ⁠na⁠s⁠gi⁠no⁠ ⁠qui⁠ya⁠si⁠qua⁠ ⁠du⁠dv⁠ ⁠ka⁠no⁠he⁠dv⁠ ⁠du⁠na⁠tlo⁠hi⁠s⁠ta⁠ne⁠i⁠;⁠ ⁠hna⁠quo⁠no⁠ ⁠a⁠qui⁠mi⁠le⁠gi⁠ ⁠du⁠le⁠ne⁠i⁠,⁠ ⁠a⁠le⁠ ⁠qui⁠go⁠li⁠ ⁠nu⁠gv⁠wi⁠yu⁠sv⁠ ⁠a⁠s⁠ga⁠ye⁠gv⁠s⁠da⁠ ⁠a⁠qui⁠mi⁠le⁠gi⁠ ⁠tsu⁠tse⁠li⁠ga⁠ ⁠u⁠ni⁠tsa⁠ti⁠ ⁠tsu⁠da⁠ti⁠na⁠i⁠,⁠ ⁠a⁠le⁠ ⁠i⁠u⁠na⁠tsv⁠se⁠ ⁠a⁠ni⁠qui⁠li⁠s⁠di⁠ ⁠u⁠na⁠tse⁠li⁠go⁠hi⁠ ⁠wi⁠u⁠ni⁠lu⁠tse⁠i⁠ ⁠
⁠3⁠3⁠ ⁠[⁠e⁠qua⁠ha⁠mi⁠no⁠]⁠ ⁠u⁠we⁠ka⁠ne⁠ ⁠e⁠si⁠li⁠ ⁠tlu⁠gv⁠i⁠ ⁠qui⁠ya⁠si⁠qua⁠ ⁠du⁠do⁠v⁠i⁠,⁠ ⁠a⁠le⁠ ⁠na⁠hna⁠ ⁠u⁠da⁠do⁠li⁠s⁠ta⁠ne⁠le⁠ ⁠yi⁠ho⁠wa⁠ ⁠na⁠s⁠gi⁠ ⁠wi⁠na⁠s⁠dv⁠na⁠ ⁠e⁠hi⁠ ⁠u⁠na⁠la⁠nv⁠hi⁠. ⁠
⁠3⁠4⁠ ⁠e⁠qua⁠ha⁠mi⁠no⁠ ⁠a⁠ni⁠qui⁠li⁠s⁠di⁠ ⁠u⁠na⁠tse⁠li⁠go⁠hi⁠ ⁠ga⁠do⁠hi⁠ ⁠go⁠hi⁠di⁠yu⁠ ⁠u⁠we⁠do⁠le⁠i⁠ ⁠
⁠.



ᎠᏯᏙᎸᎢ 21
1 ᏱᎰᏩᏃ ᎤᏩᏛᎯᎴ ᏎᎵ ᎾᏍᎩᏯ ᎤᏁᏨᎢ, ᎠᎴ ᏱᎰᏩ ᏄᏛᏁᎴ ᏎᎵ ᎾᏍᎩᏯ ᏄᏪᏒᎢ.
2 ᏎᎵᏰᏃ ᎤᏁᎵᏤᎢ, ᎠᎴ ᎤᎾᏄᎪᏫᏎᎴ ᎡᏆᎭᎻ ᎤᏪᏥ ᎠᏧᏣ, ᎿᏉ ᎤᏛᏐᏅᎯ ᎨᏎᎢ, ᎾᎯᏳ ᏓᏁᎶᏛᎢ, ᎾᏍᎩ ᎤᏁᎳᏅᎯ ᏧᏁᎢᏍᏓᏁᎴ ᎡᏆᎭᎻ.
3 ᎡᏆᎭᎻᏃ ᎡᏏᎩ ᏚᏬᎡ ᎤᏪᏥ ᎤᏕᏁᎸᎯ ᎾᏍᎩ ᏎᎵ ᏧᎾᏄᎪᏫᏎᎴᎢ.
4 ᎡᏆᎭᎻᏃ ᎤᎱᏍᏕᏎᎴ ᎤᏪᏥ ᎡᏏᎩ ᏧᏁᎳᏉ ᏧᏒᎯᏛ ᎡᎯ ᎨᏎᎢ, ᎾᏍᎩᏯ ᎤᏁᎳᏅᎯ ᎤᏁᏤᎸᎢ.
5 ᎡᏆᎭᎻᏃ ᎠᏍᎪᎯᏧᏈ ᎢᏳᏕᏘᏴᏛ ᎨᏎᎢ, ᎤᏪᏥ ᎡᏏᎩ ᎤᏕᏁᎸ.
6 ᏎᎵᏃ ᎯᎠ ᏄᏪᏎᎢ, ᎤᏁᎳᏅᎯ ᎠᎩᏰᏣᏍᏗᏱ ᏅᎬᎦ, ᎾᏍᎩᏃ ᏂᎦᏛ ᎠᎾᏛᎩᏍᎩ ᏓᏳᏂᏰᏥ ᎠᏴ ᏅᏓᎦᎵᏍᏙᏗᏍᎨᏍᏗ.
7 ᎠᎴ ᎯᎠ ᏄᏪᏎᎢ, ᎦᎪ ᏰᎵ ᎯᎠ ᎢᎬᏩᏪᏎᏗ ᎨᏎ ᎡᏆᎭᎻ, ᏎᎵ ᏗᏂᏲᎵ ᏙᏛᏍᏛᏂ? ᎥᏥᎾᏄᎪᏫᏏᏰᏃ ᎤᏪᏥ ᎠᏧᏣ, ᎿᏉ ᎤᏛᏐᏅᎯ ᏥᎩ.
8 ᎠᏲᎵᏃ ᎤᏛᏎᎢ, ᎠᎴ ᏓᏥᏍᏕᏎᎢ; ᎡᏆᎭᎻᏃ ᎤᏛᏅᎢᏍᏔᏁ ᎤᏣᏘ ᏧᎾᎵᏍᏓᏴᏗᏱ ᎾᎯᏳ ᎢᎦ ᎡᏏᎩ ᏓᏥᏍᏕᏒ.
9 ᏎᎵᏃ ᎤᎪᎮ ᎮᎦ ᎢᏥᏈᏱ ᎤᏕᏅᎯ ᎤᏪᏥ, ᎾᏍᎩ ᎡᏆᎭᎻ ᏧᎾᏄᎪᏫᏎᎴᎢ, ᎬᏩᏰᏣᏍᏗᏍᎨᎢ.
10 ᎾᏍᎩ ᎢᏳᏍᏗ ᏎᎵ ᎯᎠ ᏄᏪᏎᎴ ᎡᏆᎭᎻ, ᎯᎨᎯᏓ ᎯᎠ ᎠᏥᎾᏝᎢ ᎠᎨᏴ, ᎠᎴ ᎤᏪᏥ; ᎥᏝᏰᏃ ᎯᎠ ᎠᎨᏴ ᎤᏪᏥ ᎠᏥᎾᏝᎢᏉ ᎢᏧᎳᎭ ᎤᎾᏘᏰᏗ ᏱᎨᏎᏍᏗ ᏧᎬᏩᎶᏗ ᎠᏴ ᎠᏇᏥ, ᎯᎠ ᎾᏍᎩ ᎡᏏᎩ.
11 ᎯᎠᏃ ᎾᏍᎩ ᎤᏣᏘ ᎤᏲ ᎤᏓᏅᏓᏗᏍᏔᏁ ᎡᏆᎭᎻ, ᎤᏪᏥ ᏅᏗᎦᎵᏍᏙᏗᏍᎨᎢ.
12 ᎤᏁᎳᏅᎯᏃ ᎯᎠ ᏄᏪᏎᎴ ᎡᏆᎭᎻ, ᎥᏞᏍᏗ ᎤᏲ ᏱᏣᏓᏅᏓᏗᏍᏗᏍᎨᏍᏗ ᏱᏂᎦᎵᏍᏙᏗᏍᎨᏍᏗ ᎾᏍᎩᎾ ᎠᏧᏣ, ᎠᎴ ᏱᏂᎦᎵᏍᏙᏗᏍᎨᏍᏗ ᎯᎾᏝᎢ ᎠᎨᏴ; ᏂᎦᎥᏉ ᏎᎵ ᏂᏣᏪᏎᎸ, ᎯᏯᏛᏓᏍᏓᏏᏉ ᎧᏁᎬᎢ; ᎡᏏᎩᏰᏃ ᏚᏙᎥ ᎨᏥᏯᏅᏗᏍᎨᏍᏗ ᏣᏁᏢᏔᏅᎯ.
13 ᎠᎴ ᎾᏍᏉ ᎯᎠ ᎠᏥᎾᏝᎢ ᎠᎨᏴ ᎤᏪᏥ ᎤᎾᏓᏤᎵᏛ ᏴᏫ ᏅᏓᎦᏥᏴᏁᎵ, ᏂᎯ ᏤᏥ ᎨᏒ ᏅᏓᎦᎵᏍᏙᏔᏂ.
14 ᎡᏆᎭᎻᏃ ᏑᎾᎴᏉ ᎤᏗᏛᎮᎢ, ᎠᎴ ᎦᏚ ᎤᎩᏎ ᎠᎴ ᎠᏑᏢᏛ ᎠᎹ ᎬᏟᏍᏗ ᎤᏁᎩᏎᎢ, ᎮᎦᏃ ᏚᏁᎴᎢ, ᎠᎴ ᏓᎦᏰᏅᏔᏁᎢ, ᎠᎴ ᎠᎦᏂᎩᏍᏔᏁᎢ; ᎤᏂᎩᏎᏃ, ᎠᎴ ᏈᏯᏏᏆ ᎢᎾᎨ ᎨᏒ ᏭᏪᏙᎴᎢ.
15 ᎠᎹᏃ ᎤᏗᏒᏁ ᎠᏑᏢᏛ ᎠᏟᏍᏛᎢ, ᎠᎴ ᎤᎾᏍᏓᎸ ᎭᏫᏂᏗᏢ ᎤᏪᎧᏁ ᎠᏧᏣ.
16 ᎤᏪᏅᏎᏃ, ᎠᎴ ᎠᏧᏣ ᎦᏅᎬ ᏧᏳᎪᏗ ᏧᏪᏁᎢ ᏰᎵ Ꭸ ᎢᏴᏛ, ᎦᎶᏣᏗ ᏥᏂᏕᎦᎶᏄᎳ ᎢᏴᏛ; ᎯᎠᏰᏃ ᏄᏪᏎᎢ, ᏞᏍᏗ ᏥᎪᎥᎩ ᎠᏧᏣ ᎠᏲᏞᏍᎬᎢ; ᎦᏅᎬᏃ ᏧᏳᎪᏗ ᎤᏬᎴᎢ, ᎠᎴ ᎠᏍᏓᏯ ᎤᏠᏱᎴᎢ.
17 ᎤᏁᎳᏅᎯᏃ ᎤᏛᎦᏁ ᎠᏧᏣ ᎤᏪᎷᎬᎢ; ᏗᎧᎿᏩᏗᏙᎯᏃ ᎤᏁᎳᏅᎯ ᎤᏤᎵᎦ ᎦᎸᎳᏗ ᎢᏴᏛ ᏧᏁᏤᎴ ᎮᎦ, ᎠᎴ ᎯᎠ ᏅᏧᏪᏎᎴᎢ, ᎦᏙ ᎭᎵᏍᏗᎭ, ᎨᎦ? ᏞᏍᏗ ᏱᏍᎦᎢᎮᏍᏗ; ᎤᏁᏔᏅᎯᏰᏃ ᎠᏛᎬᎦ ᎤᏪᎷᎬ ᎠᏧᏣ ᎾᎿ ᎦᏅᎬᎢ.
18 ᏔᎴᎲᎦ, ᎯᏌᏔᏛᎦ ᎠᏧᏣ, ᎠᎴ ᎯᏂᏴᏎᏍᏗ; ᎤᏂᏣᏘᏰᏃ ᏴᏫ ᎤᎾᏓᏤᎵᏛ ᏅᏓᏥᏴᏁᎵ.
19 ᎤᏁᎳᏅᎯᏃ ᏚᏍᏚᎢᎡᎴ ᏗᎦᏙᎵ, ᎠᎴ ᎤᎪᎮ ᎠᏓᎴᏒ ᎠᎴ ᎠᏢᏗᏱ; ᎤᏪᏅᏎᏃ ᎠᎴ ᎠᏑᏢᏛ ᎠᎹ ᏭᏟᏍᏔᏁᎢ, ᎠᎴ ᎤᎱᏁ ᎠᏧᏣ.
20 ᎤᏁᎳᏅᎯᏃ ᏓᎧᎿᏩᏗᏙᎮ ᎠᏧᏣ, ᎠᎴ ᎤᏛᏎᎢ; ᎠᎴ ᎢᎾᎨᏉ ᎡᎮᎢ, ᎠᎴ ᎤᏛᏒ ᎦᎶᏣᏗ ᎦᏂᏙᎯ ᏄᎵᏍᏔᏁᎢ.
21 ᏇᎳᏂᏃ ᏚᏙᎥ ᎢᎾᎨ ᎡᎮᎢ; ᎤᏥᏃ ᎢᏥᏈᏱ ᏭᏯᏅᎡᎴ ᎤᏓᏴᏍᏗ.
22 ᎾᎯᏳᏃ ᎯᎠ ᏄᎵᏍᏔᏁᎢ, ᎾᏍᎩ ᎠᏈᎻᎴᎩ ᎠᎴ ᏈᎪᎵ ᏄᎬᏫᏳᏒ ᎠᏍᎦᏰᎬᏍᏓ ᎠᏈᎻᎴᎩ ᏧᏤᎵᎦ ᎤᏂᏣᏘ ᎨᏒ ᏧᏓᏘᎾᎢ, ᎬᏩᏁᏤᎴ ᎡᏆᎭᎻ, ᎯᎠ ᎾᏂᏪᏍᎨᎢ, ᎤᏁᎳᏅᎯ ᏕᏣᎧᎿᏩᏗᏙᎭ ᏂᎦᎥ ᎪᎱᏍᏗ ᎭᏛᏁᎲᎢ.
23 ᎾᏍᎩ ᎢᏳᏍᏗ ᎠᏂᏉ ᏍᏆᏎᎵᏓᏏ ᎤᏁᎳᏅᎯ ᏚᏙᏍᏛᎢ, ᎾᏍᎩ ᎦᎶᏄᎮᏛ ᏍᏋᏓᏁᏗᏱ ᏂᎨᏒᎾ, ᎠᏴ ᎠᏋᏒ, ᎠᎴ ᏗᏇᏥ, ᎠᎴ ᏗᏆᏁᏢᏔᏅᏛ; ᎾᏍᎩᏯᏍᎩᏂ ᎠᏴ ᎣᏍᏛ ᏂᎬᏯᏛᏁᎸᎢ, ᎾᏍᎩᏯ ᎾᏍᏉ ᎠᏴ ᏂᏍᏆᏛᏁᎮᏍᏗ, ᎠᎴ ᎦᏓ ᎠᎲ ᎾᎿ ᏤᏙᎸᎢ, ᎾᏍᎩᏯ ᎾᏍᏉ ᏅᏔᏛᏁᎵ.
24 ᎡᏆᎭᎻᏃ ᎯᎠ ᏄᏪᏎᎢ, ᏓᎦᏎᎵᏔᏂᏉ.
25 ᎡᏆᎭᎻᏃ ᎤᎬᏍᎪᎸᏁ ᎠᏈᎻᎴᎩ ᏅᏗᎦᎵᏍᏙᏗᏍᎨ ᎠᎹ ᎠᏢᏗᏱ ᎠᏓᎴᏒᎢ, ᎾᏍᎩ ᎠᏈᎻᎴᎩ ᏧᏅᏏᏓᏍᏗ ᎬᏍᎦᎢᏍᏓᎩ ᎬᏩᎩᎡᎸᎢ.
26 ᎠᏈᎻᎴᎩᏃ ᎯᎠ ᏄᏪᏎᎢ, ᎥᏝ ᏱᏥᎦᏔᎭ ᎾᏍᎩ ᎯᎠ ᎢᏳᎾᏛᏁᎸᎯ ᎨᏒᎢ; ᎥᏝ ᎠᎴ ᏱᏍᎩᏃᏁᎴᎢ, ᎥᏝ ᎠᎴ ᏱᎦᏛᎩᏍᎨᎢ ᎩᎳ ᎪᎯ ᎢᎦ ᏥᎩ.
27 ᎡᏆᎭᎻᏃ ᎠᏫ ᎤᏂᏃᏕᎾ ᎠᎴ ᏩᎦ ᏫᏚᏯᏅᎮᎢ, ᎠᎴ ᎠᏈᎻᎴᎩ ᏚᏪᎧᏁᎴᎢ; ᎠᎴ ᎾᏍᎩ ᎠᏂᏔᎵ ᎧᏃᎮᏛ ᏚᎾᏠᎯᏍᏔᏁᎢ.
28 ᎡᏆᎭᎻᏃ ᎦᎵᏉᎩ ᎠᏫ ᎤᏂᏃᏕᎾ ᎠᏂᎩᏏ ᎤᎾᏕᏘᏴᏛ ᎤᎾᏁᎳᎩ ᎢᏴᏛ ᏫᏚᏪᎧᏁᎢ.
29 ᎠᏈᎻᎴᎩᏃ ᎯᎠ ᏄᏪᏎᎴ ᎡᏆᎭᎻ, ᎦᏙᏃ ᎯᎠ ᎦᎵᏉᎩ ᎠᏫ ᎠᏂᎩᏏ ᎤᎾᏕᏘᏴᏛ ᎤᎾᏁᎳᎩ ᎢᏴᏛ ᏥᏕᎯᎧᎲᎦ?
30 ᎯᎠᏃ ᏄᏪᏎᎢ, ᎯᎠᏍᎩᏂ ᎦᎵᏉᎩ ᎠᏫ ᎠᏂᎩᏏ ᎤᎾᏕᏘᏴᏛ ᏙᏓᏍᎩᏯᏅᎡᎵ, ᎾᏍᎩᏃ ᎬᏉᎯᏳᏓᏁᎯ ᎨᏎᏍᏗ ᎾᏍᎩ ᎠᏴ ᎠᏆᏍᎪᏒᎯ ᎨᏒ ᎯᎠ ᎠᎹ ᎠᏢᏗᏱ.
31 ᎾᏍᎩ ᎢᏳᏍᏗ ᎾᎿ ᏈᏯᏏᏆ ᏚᏬᎡᎢ; ᏅᏗᎦᎵᏍᏙᏗᏍᎨ ᎾᎿ ᎢᏧᎳ ᎾᏍᎩ ᎠᏂᏔᎵ ᎤᎾᏎᎵᏔᏅᎢ.
32 ᎾᏍᎩᏃ ᏈᏯᏏᏆ ᏚᏛ ᎧᏃᎮᏛ ᏚᎾᏠᎯᏍᏔᏁᎢ; ᎿᏉᏃ ᎠᏈᎻᎴᎩ ᏚᎴᏁᎢ, ᎠᎴ ᏈᎪᎵ ᏄᎬᏫᏳᏒ ᎠᏍᎦᏰᎬᏍᏓ ᎠᏈᎻᎴᎩ ᏧᏤᎵᎦ ᎤᏂᏣᏘ ᏧᏓᏘᎾᎢ, ᎠᎴ ᎢᎤᎾᏨᏎ ᎠᏂᏈᎵᏍᏗ ᎤᎾᏤᎵᎪᎯ ᏫᎤᏂᎷᏤᎢ.
33 [ᎡᏆᎭᎻᏃ] ᎤᏪᎧᏁ ᎡᏏᎵ ᏡᎬᎢ ᏈᏯᏏᏆ ᏚᏙᎥᎢ, ᎠᎴ ᎾᎿ ᎤᏓᏙᎵᏍᏔᏁᎴ ᏱᎰᏩ ᎾᏍᎩ ᏫᎾᏍᏛᎾ ᎡᎯ ᎤᎾᎳᏅᎯ.
34 ᎡᏆᎭᎻᏃ ᎠᏂᏈᎵᏍᏗ ᎤᎾᏤᎵᎪᎯ ᎦᏙᎯ ᎪᎯᏗᏳ ᎤᏪᏙᎴᎢ.



a
LINKS:

~Old Testament Project‎ > ‎Genesis Resources‎ > ‎Genesis 1 plus Index & PDF‎ > ‎Genesis 2‎ > ‎Genesis 3‎ > ‎Genesis 4‎ > ‎Genesis 5‎ > ‎Genesis 6‎ > ‎Genesis 7‎ > ‎Genesis 8‎ > ‎Genesis 9‎ > ‎Genesis 10‎ > ‎Genesis 11‎ > ‎Genesis 12‎ > ‎Genesis 13‎ > ‎Genesis 14‎ > ‎Genesis 15‎ > ‎Genesis 16‎ > ‎Genesis 17‎ > ‎Genesis 18‎ > ‎Genesis 19‎ > ‎Genesis 20‎ > ‎Genesis 21‎ > ‎Genesis 22‎ > ‎Genesis 23‎ > ‎Genesis 24‎ > ‎Genesis 25‎ > ‎Genesis 26‎ > ‎Genesis 27‎ > ‎Genesis 28‎ > ‎Genesis 29‎ > ‎Genesis 30‎ > ‎Genesis 31‎ > ‎Genesis 32‎ > ‎Genesis 33‎ > ‎Genesis 34‎ > ‎Genesis 35‎ > ‎Genesis 36‎ > ‎Genesis 37‎ > ‎Genesis 38‎ > ‎Genesis 39‎ > ‎Genesis 40‎ > ‎Genesis 41‎ > ‎Genesis 42‎ > ‎Genesis 43‎ > ‎Genesis 44‎ > ‎Genesis 45‎ > ‎Genesis 46‎ > ‎Genesis 47‎ > ‎Genesis 48‎ > ‎Genesis 49‎ > ‎ Genesis 50 last chapter


Noteworthy


-- Cherokee uses "ᎤᏁᎳᏅᎯ" "Unelanvhi"- which means CREATOR-- see Real Meaning of Unelanvhi

I often get asked:


What is ᏦᏩᏃ (Tsowano)?  Isn't Joseph just ᏦᏩ?
Many times you will see an "honorific" attached to a name in Cherokee writings.  This honorific, the addition of a suffix "-Ꮓ" ["-no"] is important and you will hear it in stories.
It does not just get attached to nouns either. Sometimes, you will see it on other parts of speech.
[example:  verse 3 ᏅᎦᏍᎪᎯᏃ nv⁠ga⁠s⁠go⁠hi⁠no and verse 4 ᎿᏉᏃ hnaquono -- see how many others you can spot!]
You should know:  although honorifics are not part of the basic grammar of the Cherokee language, they are a fundamental part of the sociolinguistics of Cherokee, and proper use is essential to proficient and appropriate speech. Significantly, referring to oneself using an honorific, or dropping an honorific when it is required, is a serious faux pas, in either case coming across as clumsy or arrogant.
Subpages (1): Genesis 22
Comments