quimèra o pas

-Cantalausa

 

Quand lo primièr òme  nos escapèt per s'anar pausar sus la luna , un desclic se faguèt endacòm. Nos desvirèt , aquel desclic, de l'èra atomica que veniàm a pena d'entamenar, a l'èra espaciala que serà benlèu per nosautres una èra caporala de mudacion.

A dich d'estudiar l'evolucion galactica, los astronòms èran ja venguts a convenir que lo fenomen de la vida se devia repetir mantuns còps fòra lo pauc d'univèrs qu'aviàm mestrejat.

Estant la multiplicacion planetaria e la repeticion mai que probabla  de la vida  dins l'univèrs, l'intelligenciai dèu existir un pauc pertot a rasonsde qualque milantas menas mancablament difernciadas de la nòstra . Co que nos condusis a soscar qu'un jorn o l'autre , una civilisacion fòraterranala , s'es pas estat fach, nos vendrà trobar , o que l'anrem dessobtar dins qualquas planetas vesinas.

Mas lo nombe d'annadas lums que compartis aquelas civilisacions probablas semblaria barrar lo camin a tota mena de contacte possible . Quand òm sab qu'una annada-lum es estimada, a quicom prèp, a nòu mila cinc cents millards de mila e que la cvilisacion pus pròcha se ròda a qualque mulierat d'annadas lum, aquelas distancias astronomicas, sesn èsser tan se'n manca fantarieirosas , nos pareisson impossiblas de mestrejar.

Mas çò qu'avèm pas encara estipulat , qual sap se deman no' venjarem pas?  Poguèssem solament irradiar de particulas nuclearas , que nos empacharia alara de comunicar  a la velocitat-beleg?

E se nos èra donat un jorn de senhorejar  atanben las radiacions electromanheticas que se passéjan dins l'iunivèrs , seriàm capables , un cop alinhats sus la longor d'onda que cal , de far téner un messatge pro luenh dins un temps entre pauc e mens comprimit.

E aquela compression del temps que nos ven a revèrs a nosautres  tant que l'avem pas encara domdada , qual sab se d'autras civilisacions  pus avançadas ne son pas mèstras ?

Avem totis ausit parlar , mai o mens , del fenomen que dison AVI. En vint e cinq ans , de cent e de milas d'Apleches Volaires Inconeguts foguèron denombrats per dos o tres milions de personas , òmes o femnas, adultes o mainatjum.

Un còp manlevats los 80% dels racontes que son pas fisables, o que s'explican per refraccion , ne demòran pas mens 20% de fisables, encara que sian , pel moment, incompreensibles.

Per far cort , d'après los testimònis que se recòpan , un AVI seria un veïcul fòraterrenal, mai que mai menat per una mena d'òmes menuts que, de cèps que i a , se pàusan pel sòl , amàssan de ròcs o de plantas , se recàptan al brutle se jamai son vistes , e que s'entòrnan coma de liuces per s'avalir darrièr las nivols  dins lor aplech volaire inconegut.

Ieu ne vejèri un , d'AVI, aquò fa dos ans. Lo vint e un agost de 1972 per pas brica mentir. Conéissi que me creiretz pas, qu'ai pas cap de pròva per assolidar mon raconte . Empacha pas que lo vegèri, a una lega de Montfranc al pè del Bòsc de Lugan , a subrecolc, dèus  las sèt o uèch oras del vèspre.

M'entornavi cap a Rodès. Lo temps èra gambolenc. Aviai un sòm que me tombava . Podiai pas menar. Arrestèri l'autò. M'aconsomiguèri sul menador...

retorn

 


Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre

Taban

cardabela 

ostal d'occitania tolosenc

F BRUN

Calandreta mureth

POC

Jacme 

IDECO(crompar de libres)

Radio Occitania 

paratge

Trobadours 

Nord Vivarais

Jean Duvernoy et l'inquisition