Per las colonas de Tarn P.Gayraud
 

retorn

Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre

Taban

cardabela 

ostal d'occitania tolosenc

F BRUN

Calandreta mureth

POC

Jacme 

IDECO(crompar de libres)

Radio Occitania 

paratge

Trobadours 

Nord Vivarais

Jean Duvernoy et l'inquisition

 Pintura de Fany de las Costas de las Bènas. Abadia de Sant Genièis d'Olt

 

P.47

Lo grand plaser, per una femneta, se salhar , tot còp, crane mantèl, de se cargar gente capèl ame floretas . Non es pecat. Se far, quora ne capita , tan polida , tan agradiva que se pòt... aquò's dins lo fetge, dins lo sang e dins lo còr de las femnas. A n'aquel cicliste borgès, l'aubèrgista respondia en francés. Aital cresia cargar una mai genta rauba al sieu esperit.

Ataulats, los tres passejaires bevian: lo paire , un cafè; los jovenons, un siròp ame limonada. L'aubergista prestava l'aurèlha e n'en revenia pas. Aqueles , èron monde ritges : eron vestits d'aquò fin; sas bicicletas èran nòvas ; amai de bona fabrica devian èstre: lusissian de vas pertot. E be, aquel monsur borgès ame sos enfants , se parlavan patoès. Que li a monde originals pr'aquò!

La Riqueta disia pas gaire; soscava. Amai la disturbavan pas ; la laissavan chorrar e pensar tot son sadol. Lo miraclon èra pas plan content de se. Assajava de se comprene. Aquela valòia tan coneguda que se'n parla de luènh, ont los toristas, ja, s'acorsan," las Colonas de Tarn", tu, Riqueta , las a fintadas pas que per antifacia. T'avian menada aqui per las te faire veire. Te sias pas estasiada. O! non!...  As fach mina de las agachar. E de que vesias tu, de que vesias?... lo teton de Margarida , la majofa de bòsc. De que vesias encara, to'n davalant aquela tarribla còsta? Pairin, vesias... Pairin ajassat coma èras tu sus aquela colçera tan mofla... ajassat sobre la Margarida. E tan polida estrementissia tota.

Mas sias ben gossa , sias ben carònha, Riquetassa, Riquetonassa!... Te meritas pas aquel cabaissòl qu'es pron aprenèire. Nòstre Sénher te lo fisèt; e saique lo te dostara s'as encara de talas pensadas. Aïda; te meritarias que lo Bon Dièus la te dostèsse, aquela comprenèla escarabilhada. Aquò sias tu que l'afrabaras, l'escagassaras, l'escanaras, la tia inteligencia, se chucas talas pensadas, se te galamisas ame tals imatges.

La traçonèla assajava de se comprene. Aquela valòia de Tarn , tira... se merita pas de cridar: "venètz veire!" Entraucada es; òc-òc-ben. D'autras o son . Vegèras Olt, un còp a Sant -Ginièis ; amai a z'Espalion quora te portavan al Bornhal. Valòias plondas, n'avem d'autras. Las Colonas... Ròcs e rocasses mancan pas pels causses.

Es segur qu'aquelas "Gorges du Tarn" las as vistalhadas que per antifacia; volias pas marcar que ne fasia mesprètz . Tot uèlhs an ben fintada aquela valòia de fons a cima; e las Colonas e las Coronas. Lo tieu cervèl a pas res vist aqui que valguèsse una pagina de la Bruyère , una poësia de Musset.

E veire, ame los uèlhs de la memòria, de l'imaginacion; veire lo teton de Margarida, aquò val mai que tota literatura e cent còps mai que totes los rocasses d'a pr'aici.

Mas alara, per de que, al pè de còsta, quora Pairin t'a demandat s'èras contenta, per de que li a saltat al còl ame un vanc... ne seguèrem estonats, totes tres. Amai Marcon, l'avias pas jamais potonejat d'un biais tan amistos. Aital los "òmes" creseguèron que la vista d'aquela valòia èra estada , per tu , tan meravilhosa coma la facia del Paire Etèrne per los qu'espinchan al Paradis . Aital , as facha una crana mensòrga, Riquetassa.

-- Non pas mensòrga. Seguèt mai fòrt qu' ieu. Los aimi tan totes dos, a Pairin e Marcon. Jamai aviai pas endevengut lo biais d'o dire coma calia . Aquò's  vengut tot sol. Non es lo mieu esperit; es lo mieu  cors magronèl qu'a cridat mon amor. Cresi que, uèi, soi mai que ieu.

-Aqueste còp, as trobat, Riqueta. Uèi saique, sias mai que tu.

Aqui, monsur Narès vegèt un sorire tristonèl que passava sul morrelon soscaire. Qual sab de que diu romiar nòstre miraclon ?


De seguir...

libre de 1981 estampat en çò de Subervie a Rodes -Avayron 

Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre