Lo pan tendre Calelhon
 

De que èra la grèva antan? 

Per de que fasian grèva alara que los enfants podian crebar de fam?

Quun corage amics!

Onte es aquel coratge uèi?  

 Al païs negre. La GREVA.


Un matin d'ivèrn plegat dins un linçol de funses. Eri la primièra escolana que passava per las carrièras vuèjas. La tuba plorava de gremas frechas que limpavan sus la tèuladas ondradas de guèralandas de gèl. Una candèla de crestal pindolava al canòl de la font comunala, la polida barra de sucre per la chucar! Me clinavi per la traire, un bruch que m'estonavaa me faguet levar lo cap: de passes pesucs e cadençats martelejant la tèrra jalada. Al fons de la carrièra fumarlosa vesiai mal una massa negrosa , punturada de lusors dansarèlas. Un contravent tustèt , una vòtz de femna cridèt :" los grevistas!"

Una còla d'obrièrs tal que sont en sortiguent de la mina , la lampa alucada penjada a la cenja , totes armats de barras amenaçairas . Cor bategant prenguèri l'escorsa vas l'escòla.

Tarabastèri dins la cor . Las mèstras ramosadas a l'entorn de la Direitora abian la mina concirosa. Nautras las escolanas, jogavem pas. Nos amolonavem per parlar e discutir. La grèva ? Qual la volia ? Qual èra contra ? Caduna cridava son idèa e l'afortissia ambe punhor. Las paraulas dels paires ressontissian suls pòts de las filhas.

La mina pensativa e lo morron caput, las droletas avian l'aire de femnòtas socitosas. Aquelas filhas d'obrièrs , se vesian qu'èran prèstas de se batre  ambe punhor e de grand còr se calia.

La grèva! Un esparnal!

Un malastre espaventable , tant coma lo"grison". A l'epòca la lucha dels trabalhadors contra lo patron èra canina e sovent crudèla . La lei reconeissia pas lo drech de grèva. Far grèva aquò's èra se rebecar contra la lei, riscar d'èstre forabandit de la Compania , e de veire los enfants e tota la familha crebar de fam.



retorn


Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre

Taban

cardabela 

ostal d'occitania tolosenc

F BRUN

Calandreta mureth

POC

Jacme 

IDECO(crompar de libres)

Radio Occitania 

paratge

Trobadours 

Nord Vivarais

Jean Duvernoy et l'inquisition