La precariedá como ferramienta de control social
 

 N’Asturies, el deterioru les condiciones de vida, l’ausencia d’espectatives de meyoranza y la falta reconocimientu conxúguense dando llugar a un cuadru clínicu asemeyao al d’un coma, eso si, inducíu. Esta situación - que prollongase dende fai décades- nun ye’l productu la fatalidá economica, sinon d’una voluntá politica.

Pol momentu, la precariedá y la esclusión nun produz rebeldia, sinon sumisión ente la mayor parte la sociedá asturiana; pero’l volumen de población sobrante nun apara d’aumentar; una población progresivamente escluyía que nun dexa de ser una amenaza, a los güeyos del mercau y d’un proyeutu d’Estau-nación escluyente.

Más alló les estadistiques alcuentrense la inestabilida y’l mieu que tan presentes de contino na vida de muncha xente n’Asturies. La esclusión vivese de mou individual, polo que faense invisibles los mecanismos que la xeneren. La impotencia, la resignación… apaecen como una torga personal y non de resultes d’una sociedá inxusta.

Asína, el mieu y la precariedá, instalaos nel centru la sociedá conviertense en importantes preseos de despolitización. Cuando les presones –ya de por si aisllaes –sientesen desprotexies o amenazaes abellugüense na so privacidá pa sentise a salvo. Nesa rexón intima y prepolitica too val. Les presones dixebrense de lo coleutivu y atrincherense pa defendese.