A - Testament Vej‎ > ‎Salm‎ > ‎

Salm 96

Salm 96

Ël poeta a 'vita tùit a laudé 'l Signor, ël sovran Creator dël mond ch'a dësfend e manda anans ant ël mond la giustissia.

96:1 Canté a Nosgnor un càntich neuv! Canté a Nosgnor, tuti voi, j’abitant dla tèra! 96:2 Canté a Nosgnor! Laudé Sò Nòm! Nunsié tùit ij dì la bon-a neuva dla salvëssa! 96:3 Fé conòsse1 a tute le nassion la glòria 'd lòn che Chiel a fa! 96:4 Grand’ a l'é 'l Signor e franch degn d'esse laudà. Sò terìbil grandor a fà vnì spàlid tùit j'àutri dé, 96:5 përchè ij dé dj'àutre nassion a son ëd gnun valor, ma a l'é stàit Nognor ch’a l’ha fàit ël cél. 96:6 Onor e majestà a-j stan dantorn, fòrsa e blëssa a 'mpinìsso sò santuari.

96:7 Ò nassion dël mond, arconòsse 'l Signor! Arconòsse ch' ël Signor a l'é glorios e fòrt! 96:8 Dé al Signor la glòria ch'a merita! Porté vòstre oferte e vnì ant soe cort. 96:9 Adoré 'l Signor an tut Sò splendor sant! Che tuta la tèra a tërmola dë 'dnans a Chiel! 96:10 Dì a tute le nassion: "Nosgnor a regna!". Ël mond a sta ferm e a peul nen esse socrolà. Chiel a giudichrà ij pòpoj con giustissia2.

96:11 Che ij céj as arlegro e la tèra a 'rgiojissa! Che 'l mar e tut lòn ch'a-i l'é 'ndrinta a crijo Soe làude! 96:12 Che ij camp e le mësson a sprìcio 'd gòj! Che tùit j'erbo dle foreste a sursorìsso con ëd làude, 96:13 përchè Chiel a l'é 'n camin ch'a ven. Chiel a ven a giudiché la tèra. A giudicrà 'l mond con giustissia e le nassion con soa vrità.

Nòte

1 O "conté".

2 O "con imparsialità", "a farà le còse giuste".


À à È è É é Ì ì Ò ò Ó ó Ù ù Ë ë
Comments