A - Testament Vej‎ > ‎Salm‎ > ‎

Salm 91

91

An ës Salm na përson-a (fòrse ‘n sacerdòt) a s’adressa a un ch’a l’ha trovà soa susta an Nosgnor e a-j conferma che Dé a lo guernrà dal privo. Ant ij vers 14-16 a l’é Nosgnor medésim ch’a promet ch’a lo mantenrà an tuta sicurëssa.

91:1 Ti ch’it stas ant la sosta dël Pì-àut, ti ch’it treuve d’arpar a l’ombra del Tut-potent, 91:2 Dì a Nosgnor: “It ses mach ti mia susta, ël leugh anté ch’i peudo trové ‘d protession, mé Dé, dont i l’hai fiusa”. 91:3 A sarà chiel a goernete da tùit ij trabucèt e ch’a t’avrà sot soa tùa përchè it ciape nen ëd maladìe. 91:4 A sarà chiel ch’at quaterà sota soe piume; tò arfugi a sarà sota soe ale. Soe promësse fedej a son toa armora e tò scu. Àbie nen tëmma dij spavent ëd la neuit, nì dla flecia ch’a sajëtta ant lë scur. 91:6 Àbie nen tëmma dle maladìe ch’a stan a l’avàit a mesdì. 91:6 Bele s’a-i fusso ‘d mijé ch’a casco ai tò fianch, o s’a-i na fusso des-mila ch’a meuiro aranda ‘d ti, costi maj at tocheran nen. 91:8 Basta mach ch’t doverte j’euj e ti ‘t vëdras coma ch’a son castigà coj ch’a l’han ël mal ant ël cheur. 91:9 Se ti ‘t fase ‘d Nosgnor toa sosta, s’it pje ‘l Pì-àut coma tò arpar, 91:10 a-i sarà gnun mal ch’at peudrà vince; gnuna dësgrassia a s’avzinrà a toa ca. 91:11 Përchè chiel a darà l’òrdin ai sò àngej ëd goernete a-i fà nen andoa ch’it vas. 91:12 A saran lor ch’at tenran sù con soe man parèj che ti gnanca at fasa mal an sbatend ij tò pé contra na qualëssìa pera. 91:13 Ti ‘t butras sota ij pé dij leon e ‘d serp e i të sbërgnacras ij leonòt e le vìpre. 93:14 Nosgnor a dis: “I salverai coj ch’am veulo bin, i guernerai coj ch’a l’han fiusa an mè nòm. 93:15 Cand ch’ it më ciame it rëspondrai; i sarai con ti ant ël moment dël privo. It salverai e it rendrai onor. 93:16 I pasierai toa anvìa ‘d na longa vita e it farai conòsse mia salvëssa”.


À à È è É é Ì ì Ò ò Ó ó Ù ù Ë ë
Comments