A - Testament Vej‎ > ‎Salm‎ > ‎

Salm 82

82

Giudissi dij giudes

L’autor a figura Nosgnor ch’a sta a la presidensa ëd “la ciambrea d’El”, andoa ch’a acusa “ij dé” d’avèj mancà ‘d mandé anans la giustissia an sla tèra. Nosgnor a pronunsia soa sentensa contra ‘d lor e a-j nunsia ch’i meuireran tanme tùit ij mortaj. Apress d’esse stàit testimòni ëd costa sen-a, l’autor a invoca Nosgnor ch’a stabilissa sò giust domini an sla tèra.

82:1 Un salm d’Asaf. A l’é Nosgnor ch’a pressied la cort dël cél; a l’é chiel ch’a pronunsia sò giudissi an mes dij dio1 e a-j rimprocia: 82:2 “Fin-a a quand i giudicreve contra giustissia për dé ‘d protession a ‘d colpéivol malfasent? Pàusa

82:3 Rende, pitòst, giustissia ai póver e a j’orfanin; sosteneve ij dret ëd coj ch’a son crasà e ch’a l’han gnente. 82:4 Liberé ij póver ch’a-i é gnun ch’a-j giuta, salveje da le man dla gent malèfica. 82:5 Sti giudes, contut, a san gnente: a son na massa d’ignorant! A van an gir ant lë scur, damentre che tut ël mond a l’é socrolà fin-a da soe fondassion. 82:6 Av pias ch’iv diso: “Vojàutri i seve ‘d divinità; i seve ij fieuj dël Pì-Àut”. 82:7 Contut i meuirereve tanme tuti j’àutri mortaj, i tombreve giù coma ch’a son cascà tuti j’àutri governant”. 82:8 Nosgnor! Stà su an pé e giudica la tèra, përchè tùit ij pòpoj a son ij tò.

Nòta

1 Cost Salm a paress d’esse na polémica contra la religion cananita. Ij cananita a chërdìo ch’a-i fussa an cél na cort ëd divinità pressiedùa dal dé El. A l’é Nosgnor, e pa nen El, ch’a pressied cola cort e a l’é chiel ch’a giudica cole divinità, ch’a son ëd malfasent, e a-j condan-a. 



À à È è É é Ì ì Ò ò Ó ó Ù ù Ë ë
Comments