A - Testament Vej‎ > ‎Salm‎ > ‎

Salm 78

78. Fà 'tension, mè pòpol, a mia istrussion!

L'autor ëd cost llongh salm d'istrussion pasa a l'arvista tuta la stòria d'Israel. A làuda De për Soa potensa, bontà e passiensa, ma 'rciama a la ment ëd sò auditòri che 'l peca a fà 'nrabié De e a provoca Sò giudissi. Ant la conclusion dël salm, l'autor a eleva Gerusalem coma sità sernùa da De e David coma Sò re sernù.

78:1 Na canson bin scrita 'd Asaf. Fà 'tension, mè pòpol, a mia istrussion! Scuta le paròle ch'it diso. 78:2 I canteraj na canson che dà sapiensa. I faraj dle considerassion përfonde an sël pasà. 78:3 Lòn ch'i l'oma sentì e amprendù, lòn ch' ij nòstri vej a l'han contane, 78:4 i lo stërmeroma nen ai sò dissendent. I contëroma a la generassion ch'a ven ëd lòn che De a l'ha fàit e ch'a l'é degn ëd làude. I-j contëroma 'd Sòa fòrsa e dle maravije ch'a l'ha fàit. 78:5 Nosgnor a l'ha stabilì na régola an Giacòb, a l'ha fissà na lej an Israel. A l'ha comandà ai nòstri vej 'd fé conòsse ai sò dissendent lòn che Chiel a l'ha fàit, 78:6 parèj che la generassion ch'a vnirà, ij fieuj ch'a son ancora da nasse, a peusso conoss-lo. Lor a vniran grand e a contëran ëd sòn ai sò dissendent. 78:7 Anlora 'dcò lor a duvertëran ël cheur a De. A dësmentieran nen le euvre 'd De e a scotran lòn che Nosgnor a comanda.

[Da completé]

Comments