A - Testament Vej‎ > ‎Salm‎ > ‎

Salm 70

70. Nosgnor! It suplico, liberame!

Cost Salm a l'ésquasi idèntich a Salm 40:13-17. Ël poeta a ciama l'agiut ëd Dé e che ij sò nemis a sio castigà.

70:1 Për ël diretor ëd la mùsica. Ëd David. Për arciamé l'atension ëd Nosgnor. Nosgnor! Iit suplico, liberame! Nosgnor! Fà 'n pressa, giutame! 70:2 Ch'a l'àbio 'd gena e 'd vërgògna coj ch'a veulo gaveme la vita. Ch'as n' artorno andré coj ch'a veulo feme 'd mal. 70:3 Che tuti coj ch'a diso: "Aha! Aha!" a torno andré e na sio mortificà. 70:4 Che tuti coj ch'a l'han anvìa 'd Ti1 a sio content e argiojisso! Che Tuti coj ch'a l'han ëd goj an toa liberassion a diso sèmper: "Che Dé a sìa laudà". 70:5 Nosgnor! I son crasà e bzognos!: Fà 'n pressa a ven-e da mi! 'T ses Ti che peude libereme e giuteme. Ó Signor, tarda nen!

Nòta

1O "at serco".

Comments