A - Testament Vej‎ > ‎Salm‎ > ‎

Salm 52

 52

Ël giudissi ‘d Nosgnor contra ij malfasent e Sò amor pr’ ij giust

L’autor, ch’a l’ha fiusa an Nosgnor, as confronta con ij sò nemis e a fortiss che Nosgnor a-j mandra an ruin-a ij malfasent e ch’a vendicrà ij giust.

52:1 Për ël diretor dël còro: un salm ëd David riguard al temp che Doeg, l’Edomita, a l’ha dije a Saul: “David a l’é andait a trové Achimelech”. Përché ch’it vantes ëd fé ‘l mal, ò guerié vajant? Rendes-to nen cont che la giustissia ‘d Nosgnor a vnirà mai a mai a manché? 52:2 Për tut ël dì ti’t complòtes d’antrigh. Toa lenga a taja tanme ‘n rasor afilà; ti’t ses pròpi bon a conté ‘d busiardarìe. 52:3 At pias pròpi tant ëd fé lòn ch’a l’é mal e nen lòn ch’a l’é bin, e ti’t dises ëd busiardarìe da pì che ‘d vrità. Pàusa

53:4 Ti’t preferisses ëd paròle ‘d distrussion, busiard ch’it ses mach! 53:5 Nosgnor, contut, a të sbatrà giù për sèmper. At tirerà fòra da toa ca e a dësreisrà da la tèra dij viv. Pàusa.

54:6 Ij giust a lo vëdran e a na saran pijà ‘d surprèisa. As butran a ghigné e a diran: 54:7 “Vardé mach lòn ch’a càpita ai guerié vajant ch’a l’han gnun-a fiusa an Nosgnor! Lor as fido ‘d soe richesse ‘d lor e a chërso sèmper ëd pì an gramissia”. 54:8 Ma mi i son tanme n’uliv ch’a chërs fosonant ant la ca ‘d Nosgnor. I l’avrai sèmper fiusa ant l’amor ëd Nosgnor ch’a vnirà mai a manch. 54:9 It laudarai për sèmper, ò Nosgnor, për lòn ch’it l’has fàit. I l’avrai fiusa an tò bon nòm a la presensa ‘d tò pòpol fedel.



À à È è É é Ì ì Ò ò Ó ó Ù ù Ë ë
Comments