A - Testament Vej‎ > ‎Salm‎ > ‎

Salm 30

 30

L’autor a ringrassia Nosgnor pr’ avèjlo liberà da la mòrt e a cissa d’àutri a unisse a chiel ant la làude. A l’ha fàit esperiensa pr’ un pò ‘d temp dj’assion disiplinàrie ‘d Nosgnor, ma cand ch’a l’ha ciamaje d’agiùt, Nosgnor a l’é antërvenì e l’a ristabilije sò favor.

30:1 Un salm ëd David. Un cant për la dedicassion dël templ. A l’é con granda gòj ch’it magnifico, ò Nosgnor: it l’has tirame fòra da l’eva e it l’has nen consentì ch’ij me nemis a s’arlegrèisso ‘d mia dëròta. 30:2 Nosgnor, mè Dé, i l’hai ciamate d’agiùt e ti tl’has ristabilime an salute. 30:3 It l’has tirame fòra da la tumba1, ò Signor, it l’has ampedine ch’i tombèissa ant la tampa dla mòrt. 30:4 Fidèj ëd Nosgnor, canté an sò onor; laudelo e ten-e a ment che sò nòm a l’é sant! 30:5 Sò rigor a dura mach un moment, ma sò favor a dura për tuta na vita! As peul pioré për tuta la neuit, ma a la matin a artorna la gòj. 30:6 Cand ch’i j’era al sicur2 i pensava: “I podrai mai casché”. 30:7 A l’é tò favor ch’am rend frem tanme na montagna, ma cand ch’it las virame le spale, i na son ëstàit ëstravirà. 30:7 I l’hai anvocate, ò Nosgnor, i l’hai suplicà mè Dé. 30:8 I l’hai dije: “Che vantagi podries-tu mai avèj da mia mòrt, si i spërfondo ant la tampa? 30:9 Podrìa-la mia póer laudete? Podria-la conté ‘d toa fidelità? 30:10 Scotme, Nosgnor, e àbie misericòrdia ‘d mi. Giutme, ò Nosgnor! 30:11 It l’has cambià mè deul ant na dansa ‘d gòj. It l’has gavame mie vestimente ‘d deul e it l’has arvestime ‘d goj. 30:12 E lolì përchè mi i podèissa laudete e ch’i stèissa nen ciuto. Ò Nosgnor, mè Dé, mi it ringrassierai për sèmper!

Nòte

1 O “it l’has s-ciancame da la tèra dij mòrt”.

2 O “cand ch’i j’era ant la prosperità”.



À à È è É é Ì ì Ò ò Ó ó Ù ù Ë ë
Comments