A - Testament Vej‎ > ‎Salm‎ > ‎

Salm 23

23. Nosgnor a l’é mè bërgè

23:1 Nosgnor a l’é mè bërgè: am fà manché gnente. 23:2 Am men-a a dij pasturagi bondos e am fà andé anté ch’i trovo d’aque chete. 23:3 Am ristòra le fòrse e am men-a për dij senté giust1: Chiel a mancrà mai ‘d paròla2. 23:4 Bele s’i dovèissa travërsé na val sombra3, i l’avrìa gnun-a tëmma, perchè ti të stas sèmper con mi. Toa cana e tò baston am dan sicurëssa. 23:6 Ti t’ëm prontes na festa4 pròpe ‘dnans a mé nemis. Ti tëm onze la testa con d’euli përfumà. Mè càles a dësborda. 23:7 A l’é sicur: toa benevolensa e toa fidelità am vniran sèmper daprèss për tùit ij mè dì e la ca ‘d Nosgnor a sarà mia residensa për sèmper5.

Nòte

1 O:“arlòngh senté ‘d giustissia”.

2Let. “për amor ëd sò nòm”, “soa reputassion a faliss mai”.

3O “pien-a ‘d perìcoj”.

4O “la tàula”.

5O “lòn ch’a-i resta ‘d mia vita”.

Comments