A - Testament Vej‎ > ‎Salm‎ > ‎

Salm 128

128. Quanta gòj ch'a l'han coj ch'a l'han timor ed Nosgnor

Lë scritor a fà l'oservassion che l'òm o la fomna ch'a l'é 'n comunion con Dé a fa l'esperiensa d'una gòj génita. A l'é parèj përchè ël Signor a j'arcompensa sèmper.

128:1 Cant an montand. Quanta gòj ch'a l'han coj ch'a l'han timor1 ëd Nosgnor Dé, coj ch'a séguito ij Sò senté. 128:2 Ti 't godras dël frut ëd tò travaj! Coma ch'it saras prosperos! 128:3 Toa fomna a sarà tanme na vis fosonanta ch'a fioriss ant toa ca. Quand ch'a saran setà 'ntorn a la tàula, toe masnà a saran tanme 'd giuvo e vigoros erbo d'uliva. 128:4 Parèj a l'é la benedission ëd Nosgnor për coj ch'a l'han timor ëd chiel2. 128:5 Che Nosgnor at benedìssa da Sìon an continuassion. Che ti 't peussa vëdde Gerusalem prosperé fin a tant che ti 't vives. 128:6 Che ti 't peussa vive pro për gòde ij tò novod. Che Israel a l'àbia pas.

Nòte

1Timor reverensial. O "ch'a son fedel al Signor".

2 O "ch'a son fedel al Signor".

Comments