A - Testament Vej‎ > ‎Salm‎ > ‎

Salm 127

127. S'a l'é nen Nosgnor ch'a fabrica la ca

An cost salm sapiensial, l'autor a mostra che as peul nen trovesse sicurëssa ant jë sfòrs ch'i fasoma, përchè a l'é mach Nosgnor ch'an dà stabilità e sicurëssa.

127:1 Càntich dij pelerinagi ch'as arfà a Salomon. S'a l'é nen Nosgnor ch'a fabrica la ca, a serv pròpi a gnente ch' ij fabricant as dago tant da fé. S'a l'é nen Nosgnor ch'a guerna la sità, a serv pròpi a gnente che le guardie a vijo. 127:2 A serv pròpi a nen ch'is levoma a la matin bonora e ch'i andoma tard a deurme për mangé 'd pan vagnà penos: fin-a quand ch'i deurmoma, a l'é Nosgnor ch'a lo dà a coj ch'a son dij sò amis.

127:3 Ëd fieuj a son l'ardità che Nosgnor an dà; avèj ëd dessendent a l'é la mej arcompensa; i fieuj ch'an son nassù quand ch'i j'ero giovo a son tanme le flecie an man d'un guerié. 127:4 Bonuros a son coj-lì ch'a n'ha 'l feuder1 S'a discut ant la piassa con l'aversari a l'avrà nen d'artiresse con onta.

Nòte

1O “faretra”, “stucc”.

Comments