A - Testament Vej‎ > ‎Salm‎ > ‎

Salm 121

121. I àusso j’euj a le montagne

Ës salm a fortiss che Nosgnor a l’ha pijasse l’angagg ëd guerné sò pòpol e ch’i l’oma da avèj gnun-a tëmma che un dì a chitrà ‘d félo për na rason qualsëssìa coma na guardia ch’as andurmiss.

121:1 Càntich për ël pelerinagi. I àusso j’euj a le montagne: da andova a më vnirà l’agiùt? 121:2 L’agiùt a më vnirà da Nosgnor, col ch’a l’ha fàit ël cél e la tèra. 121:3 Chiel a lasserà nen ch’ ij tò pé as antrapo; col ch’at guerna as ardormirà nen. 121:4 Vera, a capitrà mai che col ch’a guerna Israel as andurmissa. 121:5 Nosgnor at guerna, Nosgnor a l’é tanme l’ombra ch’at sta sèmper dacant. 121:6 A l’é për lon ch’at farà gnun mal ël sol dël dì, nì la lun-a ‘d neuit. 121:7 Nosgnor at guernerà dal mal ch’a podrìa capitete damentre ch’it vas e ch’it ven-e, ora e për sèmper1.

Nòta

1O “tùit ij sécoj”.

Comments