A - Testament Vej‎ > ‎Cantich‎ > ‎

Cantich 2

Cantich 2

CHILA 

2:1 Mi i son un narsis dla pian-a 'd Saron, un liri dle val.

CHIEL 

2:2 Coma 'n liri an tra ij card a l'é mia amà an tra le damisele.

CHILA

2:3 Coma 'n pomé an tra j'erbo dël bòsch, a l'é mè amà an tra le damisele. Coma ch'am pias a stè sota soa ombra: sò frut a l'é doss al palé. 2:4 A l'ha fame intré ant ël salon dle feste, a l'ha vardame con në sguard ëd grinor. 2:5 Deme fòrsa con ëd torta d'uva, sustnime con dij pom: i son malàvia d'amor. 2:6 Soa man snistra am carëssa la testa e con la drita am ambrassa [1]. 2:7 Fije 'd Gerusalem, iv suplico, për le gasele e le serve dël camp, dësvijé nen l'amor fin-a a tant ch'a na sia l'ora [2]. 2:8 Scoté, na vos! A l'é 'l mè amà ch'as avzin-a! Vardé, a l'é 'n camin ch'a riva! A ven giù ëd corsa dai senté dle montagne. 2:9 A sàuta coma na gasela o coma 'n serviòt! Vardelo-là darera nòstr mur ëd cinta. A l'é rivà; a l'é a la fnestra e a guàita [3] da le gelosie. 2:10 Mè amà a parla e am dis:

CHIEL

"Àuss-te, amisa mìa!, mia bela, e ven vìa con mi! 2:11 Varda, l'invern a l'é passà, la pieuva a l'é chità, a l'é andass-ne.  2:12 Le fior a sponto da la tèra, Ant le vigne a l'é rivà 'l temp dla povura. As sent la tórtola ch'a canta pr' ij camp. 2:13 A sponto ij frut verd dij fié, le vigne fiorìe a dan sò përfum. Àuss-te, amisa mia, mia bela, e ven vìa con mi! 2:14 Colomba mìa, ant le chërpure dla ròca, ant ij stërmaj dle rochere, fame vëdde toa facia, fame sente toa vos, përchè toa vos a l'é dossa, e toa facia a l'é bela. 2:15 Ciapé tote le volp, cole pcite, prima ch'a vasto la vigna dl'amor, nòstre vigne an fior".

CHILA

2:16 "Mè amà a l'è tut mè, e mi i son tota soa; chiel a pastura lë stròp an tra ij liri. 2:17 fin-a a tant ch'a-i riva 'l calé dël sol, e ch'a së slongo j'ombre. 2:18 Artorna a mi, mè amà, tanme na gasela, o tanme 'n cerv për le montagne 'd Bèter".



Nòte
  • [1] O "am bustica".
  • [2] O "fin-a a tant che chiel medésim a lo veuja".
  • [3] O "a ghicia".


À à È è É é Ì ì Ò ò Ó ó Ù ù Ë ë
Comments