kçanî berpirs

کچانی به‌رپرس چۆن ده‌ژین؟ 

Kçanî berpirs çon dejîn?

Ew raportey benawnîşanî ( kurî‌ mesiulekan çon dejîn? sudwergirtin ledeselatî bawk, pare u dwa modêl, kêşe u girftekaniyan )‌, ke le malperî dengubasda dabezênrawe, çawpêkewtinêk u bedwadaçûnêke legel çend kurî berpirsî em weu deselatdarî kurdî herêmî kurdistan. ew raporte lejêr herfşarêkda berhemhênra bêt, cêyî sernce u qabîlî aferîn u destuçawxoş bûne, hewlêkî cwane, aşkirakirdinî nhêniyekî wa ke zorn ewaney‌ 'ewdalîn...

belam, ewey seyre u naroşne kakî amadekar‌, bo layekî belay ‌kçanî berpirsan nekirdotewe? layenî kem bo xuwey çêşt, daneyekiyanîşî beserbikirdayetewe, her baş bû, raporteke wa leng nedebû!‌! qabîle ewan kçiyan nebêt! yan hzrî piyausalarî uway kirduwe tuxnî ew xale hestiyare nekewêt

becorêkî dî diyare berpirsekan be topzî , wek zor karî tir nahêln tuxnî perêzî kçekaniyan bikewn! pêdeçêt ewanîş her wek kçanî tirî wilat jêrçepokebin, lekun u çwardîwarî mal, zîndanî kira bêtin u qabîl u şayenî ewe nebin, tenanet lejêrçawdêrîşda bêt, flaşiyan berkewêt u derkewn! hîç nebêt bekelukuwêrîş bêt guzarşt lexoyan biken

ewe ç ne'let u gorstanêke, ew wilat u ew serzemîn u ew kurdistane,‌ bo mêyîne berpirs u naberpirsekan!! 2009.1.2

ئه‌و ڕاپۆرته‌ی به‌ناونیشانی ( كوڕی‌ مه‌سئوله‌كان چۆن ده‌ژین؟ سودوه‌رگرتن له‌ده‌سه‌ڵاتی باوك، پاره‌ و دوا مۆدێل، كێشه‌ و گرفته‌كانیان  )‌، که‌ له‌ ماڵپه‌ری ده‌نگوباسدا دابه‌زێنراوه‌، چاوپێکه‌وتنێک و به‌دواداچوونێکه‌ له‌گه‌ڵ چه‌ند کوڕی به‌رپرسی ئه‌م وئه‌و ده‌سه‌ڵاتداری کوردی هه‌رێمی کوردستان. ئه‌و ڕاپۆرته‌ له‌ژێر هه‌رفشارێکدا  به‌رهه‌مهێنرا بێت، جێی سه‌رنجه‌ و قابیلی ئافه‌رین  و ده‌ستوچاوخۆش بوونه‌، هه‌وڵێکی جوانه‌، ئاشکراکردنی نهێنییه‌کی وا که‌‌ زۆرن ئه‌وانه‌ی‌ عه‌وداڵین...

به‌ڵام، ئه‌وه‌ی سه‌یره‌ و ناڕۆشنه‌ کاکی ئاماده‌کار‌، بۆ لایه‌کی به‌لای ‌کچانی به‌رپرسان نه‌کردۆته‌وه‌؟ لایه‌نی که‌م بۆ خوێی چێشت، دانه‌یه‌کیانیش
ی به‌سه‌ربکردایه‌ته‌وه‌، هه‌ر باش بوو، ڕاپۆرته‌که‌ وا له‌نگ نه‌ده‌بوو!‌! قابیله‌ ئه‌وان کچیان نه‌بێت! یان هزری پیاوساڵاری وای کردووه‌ توخنی ئه‌و خاڵه‌ هه‌ستیاره‌ نه‌که‌وێت

به‌جۆرێکی دی دیاره‌ به‌رپرسه‌کان به‌ تۆپزی ، وه‌ک زۆر کاری تر ناهێڵن توخنی په‌رێزی کچه‌کانیان بکه‌ون! پێده‌چێت ئه‌وانیش هه‌ر وه‌ک کچانی تری وڵات ژێرچه‌پۆکه‌بن، له‌کون و چواردیواری ماڵ، زیندانی کرا بێتن و قابیل و شایه‌نی ئه‌وه‌ نه‌بن، ته‌نانه‌ت له‌ژێرچاودێرییشدا بێت، فڵاشیان به‌رکه‌وێت و ده‌رکه‌ون! هیچ نه‌بێت به‌که‌لوکوێریش بێت گوزارشت له‌خۆیان بکه‌ن

ئه‌وه‌ چ نه‌عله‌ت و  گۆڕستانێکه‌، ئه‌و وڵات و ئه‌و سه‌رزه‌مین و ئه‌و کوردستانه،‌ بۆ مێینه‌ به‌رپرس و نابه‌رپرسه‌کان!! 2009.1.2

 

AbAsShiWaN

عه‌باس شوان 

-----------
یه‌که‌مجار له‌کوردستان پۆستدا بڵاوکرایه‌وه‌