AbasShiwan2007


 

 

ئیسلامییه مه‌ده‌نییه‌كان، سكۆلاره توندڕه‌وه‌كان

!Îslamiye medeniyekan, skolare tundrewekan

هاوڕێ و چالاکڤانێکی کۆمۆنیست پاش ماوه‌یه‌کی زۆر له‌ڕوودانی ڕووداوێک، خه‌به‌ری ده‌بێته‌وه‌، وه‌ک ناڕه‌زایه‌تی له‌ماڵپه‌ره‌که‌ی خۆیدا به‌زمانی فارسی نووسینێکی به‌ناونیشانی(ما اجازه نمیدهیم باندهای اسلامی در سرنوشت کودکانمان دخالت کنند!)* بڵاوکردۆته‌وه. ‌ئه‌و به‌ڕێزه‌ له‌مێژه‌وه‌ ده‌ناسم، په‌یوه‌ندی به‌رده‌واممان به‌هۆی پۆستی ئه‌لکترۆییه‌وه‌ هه‌یه‌، نووسراوه‌کانیم بۆ ده‌نێرێت.

کورتەی ڕووداوه‌که‌ هه‌وڵی ژماره‌یه‌ک خه‌ڵکی دانیشتووی فینلاند بەئایین ئیسلامی،‌ بۆ پێکهێنانی پارتێکی ئیسلامییە.

هه‌ر ئه‌و کات کورته‌ به‌دواداچوونێکم به‌ناونیشانی ( ‏لا فه‌رقه‌ به‌ینه‌ ئیسلامی فینلاندی و کوردی ئیلا بتوندڕه‌وی)** له‌سه‌ر بڵاوکرده‌وه‌.

دامه‌زراندنی گروپێکی وا له‌ئه‌ورووپادا نوێ نییه‌ هێنده‌ بزانم له‌هۆڵند و چه‌ند وڵاتی ئەورووپی دی هه‌یه‌ و دروست بوون! فاکته‌ری ده‌ره‌کی بەهەر بیانوویەکەوە بێت هۆی سه‌رهه‌ڵدانی ئه‌م ته‌رزه‌ گرووپانه‌یه‌!

گه‌ر به‌هه‌ڵه‌دا نه‌چووبم ئه‌مە چاوداگرتنی فڵان و فیسار وڵاتی ئه‌ورووپییە، له‌به‌رانبه‌ر ئه‌و ته‌وژمه‌ ئیسلامییه‌ی ماوه‌ی چه‌ند ساڵێکه‌ دنیایان به‌ خۆیانه‌وه‌ سه‌رقاڵ کردووه‌، بەتایبەتی دوای کارەساتی 11ی سێبتەمبەری ئەمەریکا، بەئه‌لته‌رناتیڤی ئیسلامی ئه‌ورووپایی دەکرێت بژمێررێت، هاوکات گێچه‌ڵ دوورخستنه‌وه‌یه‌ له‌خۆ!

به‌ڵام ئه‌و گروپانه‌ هه‌رچ قسه‌یه‌کی زل له‌قه‌باره‌ی خۆیان بکه‌ن ناتوانن له‌م کات و زه‌رفه‌دا له‌هیچ هه‌ڵبژاردنێکدا سه‌رکه‌وتن به‌ده‌ست بهێنن و وه‌ك گروپێکی حاشێی ده‌مێننه‌وه‌ و خه‌ریکی نوزه‌نووز ده‌بن.

ئه‌م جۆره‌ گرووپانه‌ له‌م سه‌رزه‌مینانه‌ هه‌لومه‌رجی گه‌شه‌ کردنیان زۆر لاوازه‌، گه‌ر به‌ر هه‌ڵمه‌تی گروپه‌ ڕاسستی و کریستیانیانه‌کان نه‌که‌ون. هه‌موو ده‌زانیین له‌به‌رانبه‌ر ته‌وژمی ئیسلامی توندڕه‌و، له‌ناچاریدا ڕای گشتی ئەورووپی، وه‌ک به‌رپه‌رچدانه‌وه‌ ئه‌و جۆره‌ گرووپانه‌ بەشێوەیەکی بەرچاو سەرلەنوێ خه‌ریکی چه‌که‌ره‌کردن و سه‌رهه‌ڵدانەوەن، به‌م شێوه‌یه‌ ئه‌ورووپا هەنگاو به‌ره‌و دواوە دەنێت! تا بێت ململانێی ئایینه‌کان توندتر ده‌بێته‌وە!

چۆن بەرپەرچی دروست بوونی گروپی وا دەدرێتەوە، هەڵمەتی ئیمزاکۆکردنەوە و کاری کۆمەڵایەتی دی لەو جۆرە، بیرۆکەیەکی گوجاوە، لەوبڕوایەدام پشتیوانی بەرفراوان بەدەست دەهێنێت،

گرێنتی سه‌رکه‌وتن لەو هەڵمەتەدا، تا چە‌نده‌؟ ئێمه‌ ده‌زانیین سکۆلاره‌کانی کۆمه‌ڵگا ڕۆژهه‌ڵاتییه‌کان و ڕه‌وه‌نده‌کانیان له‌ئه‌ورووپا له‌چاو ئه‌وانی نه‌یار و به‌رانبه‌ردا چه‌نده‌؟ گه‌ر ئه‌وان ئیسلامییەکان و خەڵکە سادەکەی بەئایین ئیسلامن و بەئاسانی دەتونرێت لەلایەن ئەوانەوە لەخشتە ببرێنن، لەفینلاند و ئەورووپادا‌ له‌حاشییه‌دا بن، بێگومان باڵی سکۆلاریزم، ڕەوشیان له‌وان خراپتر نەبێت چاکتر نییە، هه‌رچه‌نده‌ له‌نێو کۆمه‌ڵگایه‌کی سۆکلاردا ده‌ژین، بۆیه‌ هەر لەئێستاوە هەڵمەتێکی لەم جۆرەی سکۆلارەکان خۆشبینی ناخوازێت، کارێکی وایش پاره‌ی گه‌ره‌که‌، ئه‌وه‌ له‌کوێ ده‌هێنرێت؟

ئیتر ده‌بێت ئه‌ویش له‌به‌رچاو بگیرێت له‌نێو کۆمه‌ڵگادا، له‌م جۆره‌ گرووپه‌ شازانه‌ قابیلی چێ بوونە، ئێمه‌ی دانیشتووی فینلاند هه‌رگیز له‌و بڕوایه‌دا نه‌بووین له‌م وڵاته‌ ئارامه‌دا که‌سێکی تیرۆریستی وه‌ک ئه‌و قوتابییه‌ی که‌ ماوه‌یه‌ک له‌مه‌وبه‌ر( سەرەتای مانگی 11ی ئەمساڵ) له‌شارۆچکەی Jokela  کاره‌سات بخولقێنێت، په‌یدا ببێت، به‌یه‌کجار حه‌وت که‌س بێره‌حمانه‌ بکوژێت!

لەبەرانبەر ئەو دیدەی کە بەڵگەیان لەسەر کۆبکرێتەوە، تا بدرێن بەدادگا و قەدەغە بکرێن! پێچەوانەی سەرەتاییترین پرینسیبەکانی دیموکراتی و کۆمەڵگای ئازاد و کراوەیە. ئه‌وانه‌ خۆ گرووپی تیرۆریستی نیین، تا پێویست بکات به‌ڵگه‌یان له‌سه‌ر کۆ بکرێته‌وه‌!

هه‌نگاوی ئەو گرووپە بۆ  به‌یاساییکردنی کارکردنیان کاریکی پۆزەتیفانەی نێو کۆمەڵگا شارستانییەکانە.

 سکۆلارەکانی نه‌یاری ئه‌مان به‌ته‌مای چین، له‌کاتێکدا ئه‌وان ده‌یانه‌وه‌ مه‌ده‌نیانه‌ کار بۆ بڵاوکردنه‌وه‌ی بیروڕاکانیان بکه‌ن!   2007.12.6
------------
* تكایه نووسراوه‌ی نووسه‌ر بخوێنه‌وه:
http://www.r-kamangar.com/pp37.htm
** تكایه بڕوانه نووسراوه‌ی نووسه‌ری ئه‌م چه‌ند دێڕه به‌ناونیشانی:
لا فه‌رقه‌ به‌ینه‌ ئیسلامی فینلاندی و کوردی ئیلا بتوندڕه‌وی!

له‌هه‌فته‌نامه‌ی ڕێبازی ئازادی ژماره‌ 499ی ڕۆژی 07.12.18 بڵاوبۆته‌وه‌

 پاش، پێش زمانی ستاندار

Paş ,pêş zimani standar

هێژا موحسن جوامێر، وەک نووسەرێکی بواری زمانەوانی  و بەرگریکارێکی سەرسەختی زمانی ستاندار دەرکەوتووە. لەو پێناوەدا نەیارانێکی زۆری بۆ پەیدا بووە، لەسەرەتاوە کە مەسەلەی ستاندارکردنی زمانی ورووژاند، چەند کەس لێی کەوتنە تەقە، گوایە ئەم مرۆڤە تەوژمێکی ئیسلامی لەدواوەیە، خوازیاری هێشتنەوەی زمانی کوردییە بەشێوە باوەکەی، پیتی کوردی ناسراو بە ئارامی.. دواتر بەشێک لەخەڵکانی دەڤەری بادینان، لێی هاتنە وەڵام بەبیانووی ئەوەی گەر ئەو پڕۆژەیە سەر بگرێت گوایە شێوەزاری سۆرانی زاڵ دەبێت بەزیانی شێوەزاری ئەوان دەکەوێتەوە

هاوکات ئەم داوایە بۆ خۆی بەزیانی کێشەکە دەکەوێتەوە، نەیاری زیاتری بۆ پەیدا دەبێت. دەکرێت ئێمە هەر کوردستانە خاوەن بڕیاری خۆمان بین، هەوڵ نەدەین ئەوانی تر بەهەر بیانوویەکەوە بێت، ڕابکێشین بەدوای خۆماندا.

لەکورتی ئەم هێژایە هەرچ بابەتێکی لەسەر زمان بڵاوکردبێتەوە خوێندومەتەوە، تا ئاستێکی بەرز هاوبیربووم لەگەڵیدا. ئەوە، ئەوە لەبری زۆر نووسەری پایەبەرز و خەڵکانی دی دەنووسێت، بۆتە زمانحاڵیان.

رۆژی 2007.11.27لەماڵپەڕی کوردستاننێتدا، بابەتێکی بەناونیشانی (کە دارا دوو داری  دی لەدیاربەکر و قامیشلووش خوێندرا، داوای دەوڵەت بکەن)* بڵاوکردۆتەوە. بابەتەکە هەر لەو بازنەیەدا دەسووڕێتەوە، بەدواداچوونێکە بۆ بەیاننامەیەکی (کۆمەڵەی لاوانی نەتەوەیی ئەیڕەقیب)، لەوێدا داوا کراوە، کورد لەژێر یەک ئاڵای کوردایەتیدا خۆی ڕێکبخات دژ بەنەیارانی..

نووسەری هێژا، وەک لەناونیشانی نووسینەکەیدا بەدەردەکەوێت، دەفەرمووێت، دەبێت زمانێکی ستاندارمان هەبێت، ئینجا شتی لەوە گەورەتر داوا بکرێت. زۆر دوور دەڕوات، دەیەوێت ئەو زمانە یەکگرتووە ستاندارەی کوردستانی باشوور، لەدیدێکی کوردستانیه‌تی گەورەوە فەرز بکات، بێ هیچ لێکدانەوەیەکی لۆجیکیانە! ئاخر وەک پیاوە پیرەکان دەبێژن خوا ئیمانت بداتێ، لەباشوور هێشتا هیچ نەبووە ئەوە کرمانجه‌کانی دەفەری دهۆک، لەملاشەوە هەورامییەکانی ناوچەی هەورامان قووت بوونەتەوە، ئێستا تۆ دەفڕیت و ده‌ده‌ی له‌شه‌قه‌ی باڵ بۆ کوردستانی باکور و ڕۆژئاوا! دەتەوێت ئەوانیش بێنیتە سەر ئەم ئایینە! ئەم داوایە پێچەوانە دەکەوێتەوە، دوژمن زۆر کردنی لێده‌که‌وێته‌وه‌! وا باشتره‌ لەپێشدا ئەندامانی ماڵی خۆت ڕازی بکەیت، ئینجا ئەوانی تر یان به‌جۆرێکی دی و ژیرانە تر دەبێت، خۆیان بڕیار لەسەر ئەو کێشەیە و کێشەکانی تریان بدەن..2007.11.27
--------
*  تکایه‌ بڕوانه‌ ئه‌م لینکه‌:
http://kurdistannet.info/2007/11-2007/27-11/kedara.pdf

له‌هه‌فته‌نامه‌ی 
ڕێبازی ئازادی ژماره‌ 497ی ڕۆژی 07.12.4 بڵاوبۆته‌وه‌

مه‌لا، ڕۆژانی ته‌نگانه!

!Mala, rojanî tengana

هێزێکی سه‌ربازی، وه‌ک ئه‌وه‌ی ئیخباریان بۆ هاتبیت، گه‌مارۆی دێیه‌کیاندا، به‌بێ مقاومه‌ت و ئاسانی شوێنه‌ ستراتیجییه‌کانیان گرت، که‌ زانیان هیچ نییه‌، سه‌رده‌سته‌که‌یان به‌یاوه‌ری چه‌ند سه‌رباز، ده‌ست له‌سه‌ر په‌له‌پیتکه‌ی تفه‌نگ، به‌خشکه‌یی خۆیان به‌کۆڵانه‌کاندا کرد.

دێیه‌که‌ کشوماتییه‌که‌ی نه‌ما، له‌هه‌ر چوار لاوه‌ سه‌گه‌ڵ ده‌ستیان به‌وه‌ڕین کرد، تا ده‌هات ده‌نگیان به‌رز وبه‌رزتر ده‌بووه‌، سه‌گوه‌ڕی زه‌لام بوو.

چرا کزه‌کان له‌په‌نجه‌ره‌کانه‌وه‌ ڕۆشنایی زیاتریان تێکه‌وت، خه‌ڵکی به‌گه‌وره‌ و بچووک، پیر و جوان، ژن و پیاو دڵیان داخورپا. ئه‌و پیاوانه‌ی پشتیان لێکردبووه‌، یان جلی سوکی خه‌ویان پۆشیبوو، خۆیان پێچایه‌وه‌، ده‌نگی ئه‌‌وانه‌ی نێو کۆڵانه‌کان جۆرێک ‌بوو، به‌زمانێکی دی قسانیان ده‌کرد، بۆیان ده‌رکه‌وت سه‌ربازه‌ چه‌ته‌وڵه‌کان حکومه‌ته‌ و داویانه‌ به‌سه‌ر دێکه‌یاندا.

دیاره‌ بۆنیان کردووه‌، بۆیه‌ به‌م نیوه‌ شه‌وه‌ سه‌روفه‌ساڵی ناشیرینیان په‌یدا بووه‌. چه‌ند که‌س له‌ئه‌هلی ئاوایی، به‌ده‌نگ سه‌ربازانه‌وه‌ چوون، به‌ڵام ئه‌و قسانه‌ی به‌ره‌وڕوویان کرا بێجگه‌ له‌یه‌ک دوو وشه‌، هیچی تری لێ تێنه‌ده‌گه‌یشتن، که‌ بۆچی هاتوون و گه‌مارۆی دێکه‌یان داون!

یه‌کێکی وتووریایان بۆ ئه‌وه‌ی له‌م شمڵی ڕه‌شانه‌ تێبگه‌ن و بزانن بۆچی هاتوون، ده‌نگی له‌یه‌کێک کرد، بچێت مه‌لای دێ بهینن و به فریایان بکه‌وێت، گوایه‌ ئه‌و له‌هه‌موویان زاناتره‌، قورئان خوێنه‌، له‌زمانی عه‌ره‌بی ده‌زانێت!

که‌ له‌ده‌رگای مه‌لایاندا، جه‌نابی له‌و فه‌ته‌نه‌یه‌ی، سه‌گوه‌ر خولقاندویه‌تی بێخه‌به‌ر بوو!

پیاوه‌کان خۆیان ناساند، له‌ودیو ده‌رگاوه‌ پرسیار و هۆی هاتنه‌که‌یانی کرد، له‌وه‌ڵامدا وتیان: عه‌سکه‌ری عه‌ره‌بان هاتووه‌، ئێمه‌ لێیان تێناگه‌ین، نازانین چیان گه‌ره‌که‌؟ تۆ عه‌ره‌بی ده‌زانیت و لێیان تێده‌گه‌یت، به‌ڵکوو بێیت..

نه‌یهێشت قسه‌که‌یان ته‌واو بکه‌ن، وتی: که‌ی به‌م شه‌وه‌ وه‌ختی عه‌ره‌بییه‌! بڕۆن بابه‌، وتم خوایه‌ ئه‌بێ چی قه‌ومابێت!
-----------
له‌په‌ڕاوی بیره‌وه‌رییه‌کانه‌وه‌ ده‌رهێنراوه‌....

له‌هه‌فته‌نامه‌ی ڕێبازی ئازادی ژماره‌ 495ی ڕۆژی 07.11.20 بڵاوبۆته‌وه‌

سه‌قه‌تی ده‌ستی عه‌ره‌ب!

Seqetî dest 'erebe!

4ی تشرینی دووه‌می 1983 له‌وێستگه‌ی پاسی سه‌هۆڵه‌که‌ له‌چاوه‌ڕوانی مه‌وعیدێک له‌گه‌ڵ یه‌کێک له‌ڕێخستنه‌کانی کۆمه‌ڵه‌ / یه‌کێتی نیشتمانی کوردستان بووم. له‌کاتی دیاریکراودا نه‌هات و دواکه‌وت، بۆیه‌ زۆر مامه‌وه‌، له‌پڕ ئوتۆمبێلێک به‌تیژی ده‌ڕۆیشت، لێم تێپه‌ڕی و به‌به‌گ گه‌ڕایه‌وه‌. چه‌ند که‌سی لێدابه‌زی، ده‌یانناسیم منیش سیان له‌وانم ده‌ناسی که‌ ئاسۆی قومری و نوری ... و که‌سێک تر ناوه‌که‌یم له‌بیر نه‌ماوه‌، ئه‌و دووانه‌ییان مناڵی گه‌ره‌ک و هاوڕێی مناڵیم بوون. ئه‌وانه‌ ئه‌و کاته‌ له‌دژی پێشمه‌رگه‌ و شۆڕش و ئۆپۆزسیۆن هاوکارێکی زۆر دڵسۆزی حکومه‌تی عه‌ره‌به‌کان بوون.

سواریان کردم بردمیان بۆ باره‌گای جه‌یشی شه‌عبی ناسراو به‌ شه‌هید عوسمان له‌سه‌ره‌تای گه‌ره‌کی تووی مه‌لیک. تاوانبار بوم به‌وه‌ی پێشمه‌رگه‌ بووم، هه‌روه‌ها کوشتنی وه‌تبان* ناوێک که‌ به‌ڕێوه‌به‌ری فه‌رمانگه‌ی دار ئه‌لوه‌ته‌نی لنه‌شر وه‌ ته‌وزیع بوو.

پاش ماوه‌یه‌ک له‌وێوه‌ ڕه‌وانه‌ی فه‌رمانه‌گه‌ی ئه‌منیان کردم له‌ گه‌ره‌کی عه‌قاری به‌رانبه‌ر به‌ فیرقه‌ و کارگه‌ی جگه‌ره‌ و ته‌نیشت ئوتێل سه‌لام. له‌وێ به‌ره‌و ژووری ته‌عزیب برام و له‌دواوه‌ به‌ده‌ست به‌ستراوی به‌بنمیچی ژووره‌که‌وه‌ هه‌ڵیان واسیم، به‌کێبڵ زۆریان دا به‌پشت و ڕان و سمت و به‌ری پێمدا، دوای ماندوو بوون وازیان لێهێنام، ژووره‌که‌ تارک بوو، گڵۆپێک وه‌ک هی سفر بێت وا بوو پێ بوو، مۆسیقایه‌کی توند وه‌ک ڕه‌شه‌با و ژاوه‌ژای له‌گه‌ڵدا بێت کرده‌وه‌. نازانم چه‌ند به‌ هه‌ڵواسراوی مامه‌وه‌. ئیتر بردمانه‌ ئه‌و شوێنه‌ی زیندانییه‌کانی تری لێ بوو. نازانم چۆن ڕۆژم کرده‌وه‌ چی گوزه‌را. بۆ ڕۆژی دوایی بردمیانه‌ ژووری به‌رێوه‌به‌ر، زۆر هه‌وڵیاندا دان به‌وه‌دا بنێم که‌ وه‌تبانم کوشتووه‌، بێ سوود بوو. ته‌ئکیدم ده‌کرده‌ سه‌ر ئه‌وه‌ی که‌ من ئاگام له‌و کاره‌ نییه‌ و خۆشتان ئه‌وه‌ی کوشتویه‌تی کوشتووتانه‌ته‌وه‌. زۆر وترا، که‌مم بیست. ناچار وتیان ئازادت ده‌که‌ین، به‌ڵام وه‌ک سێبه‌ر به‌دواته‌وه‌ ده‌بین، ده‌بێت هاوکاریمان بکه‌یت، فڵان ڕۆژ ده‌بێت سه‌ردانمان بکه‌یته‌وه‌. له‌دڵی خۆمدا وتم خوا ده‌کات به‌رم ده‌ده‌ن، ئه‌و کات خۆم ده‌زانم چۆم ون ده‌بم.

به‌پێ له‌فه‌رمانگه‌وه‌ به‌ره‌و ماڵ بومه‌وه‌، زوو زوو ئاوڕم ده‌دایه‌وه‌ تا بزانم که‌سیان دوا نه‌خستووم، ماڵمان له‌خانووه‌ بێتاپۆکانی و گه‌ره‌کی دۆمان بوو. که له‌دووره‌وه‌ ده‌رکه‌وتم دراوسێیه‌کمان به‌دی کردم به‌ڕاکردن چوو خۆی کرد به‌ماڵدا، نه‌گه‌یشتمه‌ به‌رده‌رگا دایک و ژن و مناڵه‌ کۆرپه‌که‌م، به‌ره‌وپیرم هاتن.

وه‌ک چۆن خۆم بڕوایان نه‌ده‌کرد، ئه‌وانیش به‌هامان شێوه‌ ده‌ستیان لێشۆردبووم. ئیتر له‌و کاته‌وه‌ بۆ زیاتر له‌ شه‌ش مانگ نان و ئاویان ده‌کرد به‌ده‌مه‌وه‌ و ده‌یانشۆردم.

له‌خه‌سته‌خانه‌ش بۆ ماوه‌یه‌کی زۆر چاره‌سه‌ری سروشتیان بۆ نووسیبوم و کاره‌باو شتی تر که‌ بیرم نه‌ماوه‌ له‌ده‌ستیان ده‌دام، تا که‌مێک هاتمه‌وه‌ سه‌رخۆ.

ماڵی خۆم له‌هه‌مان گه‌ره‌ک بوو درواسێی ماڵی سدیقی چایچی بوو، له‌سه‌ر ئه‌و شیوه‌ی که‌ ببووه‌ سنووری گه‌ره‌کی خه‌بات گه‌ره‌کی کانی دۆمان و خانوه‌ بێتاپۆکانی مه‌لا که‌مالی پارێزه‌ر. دیار بوو فه‌رمانگه‌ی ئه‌من، له‌سه‌ر وه‌عدی خۆیان که‌ نه‌چوومه‌وه‌ به‌هۆی ئاسۆی قومرییه‌وه‌ هاتبوونه‌ گه‌ره‌کمان، ماڵه‌که‌مانی به‌ته‌وای نه‌زانیبوو، له‌کوێدایه‌، به‌په‌نجا مه‌تر دوور له‌دوکانی ورده‌واڵه‌فرۆشێکی به‌ته‌مه‌ن، هه‌واڵی ناونیشانی ماڵمانی پرسی بوو. ئه‌ویش زانیبووی پیاوی ڕژێمن وتبووی نازانم و که‌سی وا ناناسم. هه‌ر له‌بازاڕه‌وه‌ بهاتمایه‌ته‌وه‌، ده‌بوایه‌ به‌به‌رده‌می ئه‌و دوکانۆچکه‌یه‌دا برۆم، بانگی کردم، وتی: چه‌ند چه‌کدارێک هه‌وڵی تۆیان پرسیوه‌.

ئیتر جدییه‌تی حکومه‌تم بۆ ده‌رکه‌وت، به‌خاووخێزانه‌وه‌ خۆمان گوم کرد.
---------
* وه‌تبان......گه‌ر به‌هه‌ڵه‌دا نه‌چووبم، عه‌ره‌بێکی خه‌ڵکی شاری حه‌ویجه‌ی نزیک که‌رکووک بوو. بۆ ماوه‌ی چه‌ند ساڵ به‌ڕێوه‌به‌ری ئه‌و فه‌رمانگه‌یه‌ بوو، ئه‌ندامێکی چالاکی حیزبی به‌عس بوو، زۆر دژی کورد و ئه‌وانه‌ی که‌ بیزانیایه‌ لایه‌نگری پێشمه‌رگه‌ن، به‌تایبه‌تی که‌سێکی وه‌ک من که‌ ده‌یزانی خاوه‌ن شه‌هیدم، ئیتر جۆره‌ها بروبیانو و شه‌ری لابه‌لای پێده‌گێڕام، هاوکات که‌سێکی داوین پیس بوو. به‌ئاشکرا هه‌وڵی ته‌عداکردنی لێده‌کردن، به‌داخه‌وه‌، یه‌کدوو کارمه‌ندی کچ به‌داوییه‌وه‌ ببوون!

پێشمه‌رگه‌کانی ناوشار و ریخستنی کۆمه‌ڵه‌ و یه‌کێتی له‌بۆسه‌دابوون بۆی تا زرمه‌ی لێهه‌ڵبسێنن. هاوکات له‌گه‌ڵمدا زۆر ناکۆک بوو، چووبووم به‌گژیدا و له‌به‌رچاوی کارمه‌ندانی فه‌رمانگه‌ پۆرتیم شکاندبوو، ترسام له‌وه‌ی ده‌ستی لێبوه‌شێنن، به‌سه‌رمدا ده‌شکێته‌وه‌. بۆیه‌ له‌گه‌ڵ به‌رپرسی ئه‌و مه‌فره‌زه‌یه‌ که‌ شه‌هید وریای وه‌ستا وه‌هاب ناسراو به‌ وریا ڕه‌ش، دوام و مه‌سه‌له‌که‌م تێگه‌یاند، له‌به‌ر خاترم بۆ ماوه‌یه‌ک کاره‌که‌یان ڕاگرت و نه‌یانویست به‌و هۆیه‌وه‌ تووشی سه‌ریه‌شه‌ ببم.

له‌دوای ئه‌و ده‌مه‌قاڵێیه‌ی له‌گه‌ڵ ناوبراودا کردم، بێئه‌وه‌ی ئاگادارم بکاته‌وه‌، فه‌رمانی گواستنه‌وه‌ی خزمه‌تی بۆ فه‌مانگه‌ی ڕێگاوبان ده‌رکردم. پاش ماوه‌یه‌ک چوومه‌ خزمه‌تی سه‌ربازی ئحتیات بانگ کرام. له‌شاری رمادی بووم ده‌زگیرانه‌که‌ی ئه‌وسا و ژنی ئێستام زه‌نگی بۆ لێدام که‌ ناوبراو فه‌رمانی گواستنه‌وه‌ی ده‌رچووه‌  و ده‌ڕوات.

هه‌ر له‌وێوه‌ زه‌نگم بۆ گه‌ر به‌هه‌ڵه‌دا نه‌چووبم ڕێبوار سابیر که‌ ژن برای وریا بوو، لێدا و ئه‌و هه‌واڵه‌م پێراگه‌یاندن. پاش چه‌ند ڕۆژێ زه‌نگم بۆ فه‌رمانگه‌ی ده‌زگیرانم لێدا وه‌ڵام نه‌بوو. دواتر نازانم زه‌نگم بۆ کوێ که‌ لێدا، پێیان وتم: قلیشاوه‌ته‌وه‌ و سه‌رجه‌م کارمه‌ندانی فه‌رمانگه‌ له‌سه‌ر کوشتنی وه‌تبان گیراون.

تومه‌س وریا، به‌یانی له‌ده‌ستپێکردنی ده‌وامدا، له‌به‌رده‌رگای فه‌رمانگه‌که‌، به‌ر ده‌مانچه‌ی دابوو.
-----------
له‌په‌ڕاوی بیره‌وه‌رییه‌کانه‌وه‌ ده‌رهێنراوه‌....

له‌هه‌فته‌نامه‌ی ڕێبازی ئازادی ژماره‌ 493ی ڕۆژی 07.11.6 بڵاوبۆته‌وه‌

ئه‌فسانه‌ی له‌شکری تورکیایش، فت!

!Efsaney leşkirî Turkiyaîş, ft

هه‌موو ئاماژه‌کان ئه‌وه‌مان پێده‌ڵین که‌ ئه‌و هه‌ڕه‌شانه‌ی کۆنی تورکیا بۆ سه‌ر هه‌رێمی کوردستان له‌باکوڕی عێراق (فۆبیای تورکیایه‌)، له‌ئانوساتدا ده‌چێته‌ واری جێبه‌جێکردنه‌وه‌. لێکدانه‌وه‌ی جۆراوجۆر بۆ ئه‌و کاره‌ ده‌کرێت، ئه‌وه‌ی له‌هه‌موو شت زیاتر ئاشکرایه‌ هه‌رێم زه‌ره‌رمه‌ندی سه‌ره‌کی ده‌بێت، به‌ڵام پێده‌چێت له‌درێژ ماوه‌دا ئه‌و ئه‌فسانه‌یه‌ی له‌مێژه‌وه‌ بۆ له‌شکری تورکی له‌ناوچه‌که‌دا چێی کراوه‌ وردوخاش بێت، دیاره‌ ئه‌و کاره‌ش به‌ده‌ستی هێزی پێشمه‌رگه‌ و خه‌ڵکی هه‌رێم ئه‌نجام ده‌درێت. ئه‌م چۆن لێکدانه‌وه‌یه‌که‌؟

ئاشکرایه‌ کوردی کوردستانی باشوور، له‌وه‌ ده‌رچووه‌، وه‌ک هێزێکی په‌راوێزکراوی ناوچه‌که‌ حسابی بۆ بکرێت. له‌مێژه‌وه‌ نه‌ک خۆی به‌ڵکوو هێزێکی گه‌وره‌ی وه‌ک ئه‌مه‌ریکا هاوپه‌یمانێتی، له‌و هاوکێشه‌یه‌دا پێده‌چێت به‌هه‌ردوولا (دیاره‌ ئه‌مه‌ریکا به‌ناڕاسته‌وخۆ به‌شدار ده‌بێت) ده‌رسێکی وای له‌شکری تورک دابده‌ن بۆ هه‌تا هه‌تایه‌ بیری نه‌چێته‌وه‌، جارێکی دی گه‌فی هه‌ره‌شه‌ له‌ده‌رودراوسێی خۆی نه‌کات. ڕاستی ئه‌و بۆچوونه‌ له‌ئاینده‌دا ده‌رده‌که‌وێت.

هاوکات له‌وانه‌یه‌ ئه‌م له‌شکرکێشییه‌ ببێته‌ مایه‌ی خۆ رێکخستنه‌وه‌ی خه‌ڵکی عێراق به‌کورد و عه‌ره‌بی شیعه‌ و سونه‌یه‌وه‌، ئه‌و ته‌رحه‌ی که‌ باس له‌دابه‌شکردنی عێراق ده‌کات، پووچه‌ڵ بکاته‌وه‌. ئه‌م خاڵه‌ش به‌قازانجی تورکیایه‌. بێجگه‌ له‌وانه‌ گریمانه‌ی ئه‌وه‌ دێته‌ ئاراوه‌ دنیای عه‌ره‌ب له‌گه‌ڵ هه‌موو ناته‌باییه‌کیان له‌گه‌ڵ دۆزی کورددا، دوا جار پشتی کورد و عێراق بگرن. به‌م جۆره‌ وه‌ک ده‌بینین له‌م کاره‌ ناژیرانه‌یه‌ی تورکیا به‌و ئابوورییه‌ داته‌پیوه‌ی که‌ هه‌یه‌تی، هێنده‌ی تر قه‌یرانی گه‌وره‌ گه‌وره‌تر ده‌بێته‌وه‌.  2007.10.14
----------------
له‌هه‌فته‌نامه‌ی ڕێبازی ئازادی ژماره‌ 491ی ڕۆژی 07.10.23 بڵاوبۆته‌وه‌

لا فه‌رقه‌ به‌ینه‌ ئیسلامی فینلاندی و کوردی ئیلا بتوندڕه‌وی!

!La ferqe beyne îslamî fînlandî u kurdî îla btundrewî

به‌پێی هه‌واڵێکی ماڵپه‌ری دیموکراته‌کانی فینلاند، گروپێک له‌ئیسلامییه‌کانی ئه‌م وڵاته‌ به‌نیازن حیزبێک دابمه‌زرێنن! ( کام حیزب؟ شیعی یان سونی یان ....؟! ) بۆ ئه‌و مه‌به‌سته‌ کۆنگره‌یه‌کی ڕۆژنامه‌ییان له‌سه‌ره‌تای مانگی 8 دا به‌ست‌. زۆر ڕاشکاوانه‌ و بێ ئه‌وه‌ی شه‌رم له‌خۆیان و کۆمه‌ڵگا بکه‌ن وه‌ک تیڕۆریستانی ڕۆژهه‌ڵات به‌م شێوه‌یه‌ دێننه‌ په‌یڤین: 

ئامانجمان لابردنی خواردنه‌وه‌ی‌ ئالكۆل و مه‌شروب له دوکان و‌ بازاره‌كانه ... (سه‌رۆکی ده‌ست نیشانکراوی پارتی ناوبراو ، عه‌بدوڵڵا تاممی).

خۆش ئه‌وه‌یه‌ ئه‌م جه‌نابانه‌ هه‌ر هه‌موویان له‌دایک بووی فینلاندن. به‌ئاوهه‌وا پاک و بێگه‌رد و په‌روه‌رده‌یه‌کی دروستی ئه‌م وڵاته‌ گۆشکراون! سه‌رئه‌نجام به‌ناوی و بیانوی جیایی ئاین و که‌لتوور، ده‌یانه‌وێت شتێک که‌ بۆ سه‌رگه‌رمی و جه‌و دروستکردن زیاتر هیچی تر نییه‌، له‌خه‌ڵک ئه‌م وڵاته‌ی قه‌ده‌غه‌ بکه‌ن که‌ بۆته‌ به‌شێک له‌که‌لتووریان و هاوکات ژیانی هه‌زاره‌ها که‌س له‌سه‌ر ئه‌و بزنسه‌ به‌ڕێوه‌ ده‌چێت.

...مناڵانی موسوڵمان مه‌جبوور نه‌بن به‌شداری له‌پۆله‌کانی مۆسیقا، چوونه‌ مه‌له‌وانگه‌کاندا بکه‌ن... (سه‌رۆکی ده‌ست نیشانکراوی پارتی ناوبراو، عه‌بدوڵڵا تاممی).

ئه‌و په‌یڤانه‌ لێکدانه‌وه‌ی زۆر له‌خه‌ڵکی نێو جیهانی ئیسلام و نا ئیسلام به‌درۆ ده‌خاته‌وه‌ گوایه‌ په‌یره‌وانی هاوچه‌رخی ئیسلام پێیان وایه‌ گه‌ر مۆڵه‌ت بدرێت، بێگومان ئه‌وانیش له‌گه‌ڵ سه‌رده‌مه‌ جیاوازه‌کاندا ده‌توانن خۆ بگونجێنن، ئاینێکی خۆ نوێکه‌ره‌وه‌یه‌!

یاساکانی فینلاند وایه‌ ئه‌وه‌ی بیه‌وێت پارت – حیزب پێک بهێنێت لایه‌نی که‌م ده‌بێت 5هه‌زار ئه‌ندامی ناونووسی هه‌بێت.

ئه‌م داوایه‌ له‌کاتێکدایه‌، ده‌سه‌ڵاتی سیاسی وڵات به‌ده‌ست باڵی ڕاستی کۆمه‌ڵگاوه‌یه‌، دوای ڕووداوی 11ی سێبته‌مبه‌ری، فشاری هه‌مه‌لایه‌نه‌ هاتۆته‌ سه‌ر هه‌موو ئه‌و دانیشتوانه‌ی که‌ له‌ڕۆژهه‌ڵاته‌وه‌ هاتوون به‌ئیسلام و نائیسلامه‌وه‌! خه‌ریکه‌ به‌هه‌شتی ئه‌ورووپا ده‌بێته‌ کارگه‌ی مرۆڤ هاڕین به‌شێوه‌ مۆدێرنه‌که‌ی! سه‌ره‌ڕای ئازادییه‌ بێسنووره‌ی له‌یاسادا چه‌سپێنراوه‌، له‌مێژه‌ به‌رقه‌راره‌، ده‌بێت بووترێت ئاسنی سارد کوتانن زیاتر هیچی تر نییه‌ و نابێت. 2007.9.23
------------
تکایه‌ بڕواننه‌ تیکستی هه‌واڵه‌که‌:
http://www.demokratekan.org/index.php?id=158

له‌هه‌فته‌نامه‌ی ڕێبازی ئازادی ژماره ‌489ی ڕۆژی 07.10.2 بڵاوبۆته‌وه‌

ئیسلامییه‌کان بۆ کۆنترۆڵیان له‌مشتدایه‌؟

?Îslamiyekan bo kontiroliyan lemştdaye

کۆمه‌ڵگاکانی ڕۆژهه‌ڵات، به‌تایبه‌تی ئه‌وانه‌ی ئایینی ئیسلام تیایدا سه‌روه‌ره‌، به‌پێی هه‌لومه‌رجی دیاریکراو گۆرانکاری ئه‌وتۆی به‌خۆیه‌وه‌ نه‌بینیووه‌، بۆیه‌ زۆر ئاساییه‌، هه‌ژموونی سه‌رکرده‌ کۆمه‌ڵایه‌تییه‌کان، ئه‌وانه‌ی له‌نێو به‌رگی ئایینیدان ده‌ورونه‌خشی کاریگه‌ریان به‌سه‌ر خه‌ڵکییه‌وه‌ هه‌بێت!

هاوکات له‌به‌رانبه‌ر ئه‌و بزووتنه‌وه‌یه‌دا، جووڵه‌یه‌کی پێچه‌وانه‌ و دژ هه‌بووه‌، ئه‌ویش له‌نێو جه‌رگه‌ی شاره‌کاندا به‌تایبه‌تی ناوه‌نده‌ گه‌وره‌کان، ره‌وتی گۆمه‌ڵگایان به‌ره‌و ئاقارێکی تر ده‌به‌ن و ده‌وێت.

له‌ململانێی نیوان ئه‌و دوو بزووتنه‌وه‌ کۆمه‌ڵایه‌تییه‌دا، هه‌میشه‌ لایه‌نی شار دۆڕاو له‌پاشاکشه‌دا بوون، دیاره‌ ئه‌و شکسته‌ یه‌ک له‌دوای یه‌کانه‌ ته‌نها بۆ هۆی زۆری و بۆری و که‌می ڕێژه‌ ناگه‌ڕێته‌وه‌، هۆی ده‌ره‌کیش خاڵیک بووه‌. ئه‌م چۆن؟

له‌مێژووی نزیکدا بینیومانه‌ ڕۆژئاوا چۆن به‌خاتری ململانێ له‌گه‌ڵ هێزه‌ نه‌یاره‌ جۆراوجۆره‌کانیدا، بۆ نانه‌وه‌ی گێچه‌ڵ و له‌مپه‌ر به‌یه‌کتر پشتیوانیان له‌باڵی هه‌ره‌ ڕاست ڕه‌وی که‌ گروپه‌ ئیسلامییه‌کان نوێنه‌رایه‌تیان ده‌که‌ن، کردووه‌، تیشکی زیاد له‌پێویستی لیدراوه‌ و وایان نیشان داون که‌ ئه‌وانه‌ دێون دێو!

له‌درێژ ماوه‌دا و له‌گۆڕانکارییه‌کاندا هاوکێشه‌کان گۆڕاون، دۆستانی دوێنی ڕمه‌کانیان کردۆته‌ یه‌کتر، له‌جه‌نگیکی سه‌روماڵی و زۆر دڕندانه‌دا له‌به‌رامبه‌ر یه‌کتر ڕاوه‌ستاون! وه‌ک بینیمان له‌ 11ی سێپته‌مبه‌ردا گورزی گورچکبڕیان وه‌شاند.

ڕۆژئاوا ڕاچڵه‌کی، به‌ئاڕاسته‌ی ئه‌وه‌ی هێزی میلیتاری خۆی ڕاسته‌خۆ به‌کاربهێنی له‌دژیان، تا ئاستێک سه‌رکه‌وتنی به‌ده‌ست هێناوه‌، به‌ڵام له‌م هاوکێشه‌یه‌دا سه‌ره‌ڕای ئه‌وه‌ هێشتا ئیسلامییه‌کان له‌نێو ئه‌و کۆمه‌ڵگایانه‌دا هیزی خۆی له‌ده‌ست نه‌داوه‌!

هۆی ئه‌وه‌ ده‌گه‌ڕێته‌وه‌ بۆ نه‌بینینی ڕۆژئاوا بۆ لایه‌نه‌کانی ململانێ نێو ئه‌و کۆمه‌ڵگایانه، به‌تایبه‌تی فه‌رامۆشکردنی بزووتنه‌وه‌ی کۆمه‌ڵایه‌تی سکۆلار. گه‌ر بهاتایه‌ نیوه‌ی ئه‌و پشتیوانییه‌ی له‌ڕابردو و ئێستا ده‌درا و ده‌درێت به‌وان، بدرایه‌ به‌بزووتنه‌وه‌ی سکۆلار بێگومان ته‌رازووی هێز به‌م شێوه‌یه‌ی ئێستا نه‌ده‌بوو، که‌ نه‌ک له‌ڕۆژهه‌ڵات به‌ڵکوو له‌نێو ماڵی خۆشیان بوونه‌ته‌ مایه‌ی سه‌رئێشه‌یه‌کی بێزارکه‌رو نه‌خوزراو!

نابێ ئه‌وه‌ له‌یاد بکرێت، ڕۆژئاوا له‌کۆندا به‌ئێستاشه‌وه‌ پشتیوانی له‌زۆر ده‌سه‌ڵات کردووه‌ و ده‌کات که‌ وا خۆی پیشانداوه‌ سکۆلاره‌. جۆکێکی پێکه‌نینهێنه‌ره‌، گه‌ر لێکچوونه‌که‌ ڕاست بێت وه‌ک به‌رهه‌می ئه‌و مۆدێرزمه‌یه‌ که‌ پارته‌که‌ی هێتله‌ر و مۆسۆلۆنی هێنایه‌ کایه‌وه‌ ، بینرا چ کاره‌ساتێکیان بۆ  دنیا خولقاند. سه‌دام حسین و ئه‌سه‌د و قه‌زافی ...هتد. هاوکات ئه‌و پشتیوانییه‌ بۆته‌ خاڵێکی به‌هێز بۆ دژایه‌تی کردنی دید و بۆچوونی ڕۆژئاوایی و بزووته‌نه‌وه‌ی سکۆلاریزم له‌کۆمه‌ڵگادا!    07.09.12
----------------
له‌هه‌فته‌نامه‌ی ڕێبازی ئازادی ژماره ‌487ی ڕۆژی 07.9.18 بڵاوبۆته‌وه‌

ئاگاداری

Agadarî

له‌1ی6ی2007 به‌هۆی گۆڕانکاری له‌ژیان و گوزه‌ران بۆ ماوه‌یه‌کی نادیار دوور ‌که‌وتمه‌ته‌وه‌ له‌دنیای نووسین، قۆناغێکی نوێ ده‌ستی پێکردووه‌، به‌هیوام بتوانم بێمه‌وه‌ خزمه‌تتان و به‌یه‌کجاره‌کی نه‌بێت. سوپاستان ده‌که‌م تا ئێستا جار جار به‌دوای نووسینمه‌کانمه‌وه‌ بوون   2007.8.4
-----------------------------------------------
Le 1î 6î 2007 behoy gorankarî le jiyan u guzeran bo maweyekî nadiyar dûr kewtmetewe le diniyaî nûsîn, qonaxêkî nuwê destî pêkirduwe, behîwam btwanim bêmewe xizmettan u be yekcarekî nebêt. supastan dekem ta iêsta car car be duway nûsînimekanimewe bûn   2007.8.4


ئاخر وا نییه‌، ئه‌مه‌یش نموونه‌!

!Axir wa nîye, emeyş nimûne

كه‌ناڵه‌كانی راگه‌یاندنی (ی ن ك) له‌ خزمه‌ت كێدان؟ *

ناونیشانی بابه‌تێکی PUKmedia یه‌، له‌ڕۆژی 2007.5.17‌  بڵاوبۆته‌وه‌. کورته‌ی ئه‌و بابه‌ته‌ وه‌ڵامه‌ بۆ به‌ڕێزێک به‌ناوی ئارام قزله‌رییه‌وه‌، که‌ له‌هه‌مان شوێندا بڵاوبۆته‌وه‌. وه‌ک له‌وه‌ڵامه‌که‌دا دیاره‌ نووسه‌ر دووخاڵی وروژاندووه‌، یه‌که‌میان سه‌ردانی سه‌رکۆوه‌زیرانی حکومه‌تی هه‌ریم بۆ کۆماری ئیسلامی ئێران، که‌ ئه‌مه‌یان جێی باسی من نییه‌.

خاڵی دووه‌م، مه‌سه‌له‌ی فه‌رامۆشکردنی دۆسیه‌ و ئه‌رشیفی به‌وێنه‌ و ژیاننامه‌ی شه‌هیدانه‌.  نووسه‌ری PUKmedia به‌رگری له‌وه‌ ده‌کات، که‌ که‌ناڵه‌کانی ڕاگه‌یاندنی  PUK نه‌ک که‌مکارییان له‌و بواره‌دا نه‌کردووه‌ به‌ڵکوو به‌ده‌وڵه‌مه‌ندترینی ناوزه‌د ده‌کات. ده‌گاته‌ ئه‌وه‌ی بڵی PUK حیزبی شه‌هیدانه‌. ڕێنمایی ئارام قزله‌ری ده‌کات  به‌ئه‌رشیفی ڕۆژنامه‌ی کوردستانی نوێی ئۆرگانی ناوه‌ندیدا بچێته‌وه!

هاتنه‌ سه‌رهێڵی من وه‌ک برای شه‌هیدێک له‌م خاڵه‌دایه‌، ساڵی پار 2006 له‌یادی شه‌هید بوونیدا ڕێکه‌وتی 29 له‌سه‌ر 30 . 4 . 1979 چه‌ند سه‌ره‌قه‌ڵه‌مێکم وه‌ک بیره‌وه‌ری تێهه‌ڵکێش به‌چه‌ند وێنه‌، نووسیوه‌وه‌، به‌ناونیشانی عه‌لی چه‌له‌بی زیندوو ده‌بێته‌وه‌. دوو ڕۆژ به‌ر له‌یاده‌که‌ حه‌زم کرد له‌سه‌ر لاپه‌ڕه‌ی ڕۆژنامه‌ی کوردستانی نوێ بڵاو بێته‌وه‌. دوای ناردنی ئه‌و بیره‌وه‌رییه‌ توونی بابا و ئاوی ئاموون چوو!

ئه‌مساڵیش هه‌مان بابه‌ت، ویستم له‌یادی شه‌هیدبوونیدا له‌ڕۆژنامه‌ی کوردستانی نوێ بڵاو بێته‌وه‌. له‌ترسی ئه‌و فه‌رامۆشکردنه‌ وام به‌باش زانی به‌ڕێگای مه‌ڵبه‌ندی دره‌وه‌ی PUK بێت. بۆ ئه‌و مه‌به‌سته‌ له‌ ڕۆژی2007.4.11 به‌ته‌له‌فوون له‌گه‌ڵ به‌رپرسی مه‌ڵبه‌ند قسه‌م کرد، داوام لێکرد ئه‌و بیره‌وه‌رییه‌ی له‌سه‌ر جوانه‌مه‌رگه‌ی برام نووسیمه‌، له‌ڕۆژی شه‌هیدبوونیدا له‌ڕۆژنامه‌ی کوردستانی نوێدا به‌ڵکوو هه‌وڵبدات بڵاوی بکاته‌وه‌. له‌وه‌ڵامدا وتی: ده‌ ڕۆژ به‌ر له‌و کاته‌ بۆم بنێره‌، نه‌ک له‌ڕۆژنامه‌ به‌ڵکوو له‌ماڵپه‌ڕی pukonline یشدا بڵاوی ده‌که‌ینه‌وه‌.

هه‌روه‌ها وتی:  بۆ دڵنه‌وایی کاتێک زه‌نگت لێدایه‌وه‌، ده‌توانی قسه‌ له‌گه‌ڵ به‌رپرسی ڕاگه‌یاندن به‌ڕێز سه‌رداردا بکه‌یت، به‌ر له‌ناردنی بۆ بڵاوکردنه‌وه‌، چاره‌ی که‌موکوڕییه‌کانی بکرێت.

دڵم خۆش بوو، له‌کاتی دیاریکراودا بابه‌ته‌که‌م نارد. پاش چه‌ند ڕۆژ به‌ر له‌یاده‌که‌ بۆ ته‌ئکید کردن زه‌نگم بۆ مه‌ڵبه‌ند لێدایه‌وه‌، که‌سێک وه‌ڵامیدایه‌وه‌، که‌ به‌رپرس له‌ده‌ره‌وه‌ی هۆڵندایه‌ و هه‌واڵی به‌ڕێز سه‌ردار عه‌بدولکه‌ریم پرسی، له‌وێ نه‌بوو، به‌هه‌رحاڵ مه‌سه‌له‌که‌م تێگه‌یاند که‌ ئه‌و نووسینه‌ی بڕیار بوو به‌مایل ناردوومه‌، ته‌نها ویستم بزانم که‌موکوڕی تێدا نییه‌ و گه‌یشتووه‌. به‌ڵێنی گه‌یاندنی قسه‌کانی پێدام.

من بۆ خۆم بێ هیچ شتێک وه‌ک که‌سێکی بواری نووسین ڕۆژانه‌ سه‌ردانی ڕۆژنامه‌کانی کوردستان ده‌که‌م، به‌تایبه‌تی ڕۆژی 29 و30  ته‌نانه‌ت ڕۆژی یه‌کی مانگی ئایاریشم  ڕوانی، نه‌ک ئه‌وه‌ به‌ڵکوو pukonline یش بڵاوینه‌کرده‌وه‌! ئه‌وه‌یش چووه‌ ڕیزی فه‌رامۆشییه‌کانی تره‌وه‌...

ئه‌مه‌ به‌رگری نییه‌ له‌به‌ڕێز ئارام قزله‌ری، به‌ڵام ئه‌م حیکایه‌ته‌یش ته‌ئکید له‌ڕاستی و دروستی په‌یڤه‌کانی ده‌کاته‌وه‌...
-----------
*تکایه‌ بڕوانه‌ به‌سته‌ری بابه‌ته‌که
http://www.pukmedia.com/kurdinews/17-5-2007/news42.html

2007.5.18

بابه‌تی په‌یوه‌ندیدار:

له‌وه‌ڵامی ئه‌و بابه‌ته‌دا ئه‌م مایله‌م بۆ هات

برای به‌ڕێزو خۆشه‌ویستم كاك عه‌باس شوانی

دوای سڵاوو ڕێز

به‌ڵێ من ئه‌و ئیمه‌یڵه‌ی به‌ڕێزتانم پێ گه‌یشت .... به‌ڵام به‌داخه‌وه‌ به‌ڕێزتان له‌سه‌رتان نوسیبوو ئه‌م ئیمێڵه‌ بگات به‌ده‌ستی لێپرسراوی مه‌ڵبه‌ند و نه‌وترابوو بۆ بڵاوكردنه‌وه‌ .. هه‌روه‌ها نوسیبووتان ئه‌گه‌ر مامۆستا جه‌مال بیره‌وه‌ری خۆی هه‌یه‌ با ده‌وڵه‌مه‌نتری بكات .. واته‌ كه‌س به‌ ئێمه‌ی نه‌وتبوو بۆ بڵاوكردنه‌وه‌!!!!

كاك سه‌رداریش شتی وای به‌ ئێمه  ( ماڵپه‌ڕێكه‌ ) رانه‌گه‌یاندووه‌ ئه‌گینا بێ گوومان بڵاوده‌كرایه‌وه‌.

له‌ به‌شێكی تری نوسینه‌كه‌تدا نوسیووته‌ ئه‌ویش چووه‌ ریزی نیوسینه‌ فه‌رامۆشكراوه‌كانی تره‌وه‌ من نازانم به‌ڕێزتان كام نوسینه‌تان ناردووه‌و بڵاو نه‌كراوه‌ته‌وه‌ تكایه‌ بۆم ده‌ستنیشئن بكه‌ چونكه‌ پێم ناخۆشه‌ قسه‌یه‌ك له‌سه‌ر ماڵپه‌ڕه‌كه‌ بكرێ هێنده‌ی من بزانم وانییه‌.

هیوادارم دلگران نه‌بیت له‌ وه‌ڵامه‌كانم و ماڵپه‌ڕێكه‌ش له‌ خزمه‌تی هه‌موو قه‌ڵه‌مێكی جواندایه‌. رێزو خۆشه‌ویستیمان قبووڵ بكه‌

 لێپرسراوی ماڵپه‌ڕیpukonline

2007/5/18, info@pukonline.com

وه‌ڵامی من:

 به‌رپرسی ماڵپه‌ڕی pukonline فره‌ به‌ڕێز

ده‌ست و چاوت خۆش بۆ ئه‌و وه‌ڵامه‌

چاوه‌که‌م، ئه‌مه‌ی لای خواره‌وه‌ ئه‌و نامه‌یه‌ بوو که‌ ناردم بۆ مامۆستا جه‌مال. وه‌ک ڕوونمکردۆته‌وه‌ ئه‌و بابه‌ته‌ عه‌لی چه‌له‌بی زیندوو ده‌بێته‌وه‌ بۆ بڵاوکردنه‌وه‌ بووه‌ نه‌ک شتێکی دی! به‌تایبه‌تی له‌ کوردستانی نوێدا.

هه‌روه‌ها ئه‌وه‌م ده‌رنه‌بڕیوه‌ که‌ مامۆستا جه‌مال بابه‌ته‌که‌ ده‌وڵه‌مه‌ند تر بکات، تکایه‌ نامه‌که‌ی ژێره‌وه‌ جارێکی دی بخوێنه‌وه‌.

خه‌تای من نییه‌، مامۆستا جه‌مال بۆ ئه‌و مه‌سه‌له‌یه‌ به‌ به‌ڕێز سه‌ردار نه‌وتووه‌!

به‌پله‌ی یه‌که‌م مه‌به‌ستم له‌فه‌رامۆشکردن رۆژنامه‌ی کوردستانی نوێیه‌، نه‌ک ماڵپه‌ری pukonline.

له‌باره‌ی به‌ڕێز سه‌رداریشه‌وه‌، له‌په‌یوه‌ندییه‌ ته‌له‌فوونییه‌که‌ی مامۆستا جه‌مالدا، ه‌و وتی: بۆ دڵنه‌وایی زه‌نگت لێدایه‌وه‌، قسه‌ له‌گه‌ڵ به‌ڕێز سه‌رداردا بکه‌، ئه‌و به‌رپرسی ڕاگه‌یاندنه‌، گه‌ر به‌هه‌ڵه‌دا نه‌چووبم، هاوکات بۆ ئه‌وه‌ی نه‌ک به‌هۆی فۆرماتی نوسینه‌که‌وه‌ نه‌خوێنرێته‌وه‌ یان که‌موکوڕی تێدا بێت، به‌ر له‌بڵاوکردنه‌وه‌ی چار بکرێت.

ڕیز و حورمه‌ت زیاتر 2007/5/18
-------------------------------------
ده‌قی نامه‌که‌م له‌ڕێکه‌وتی 2007.4.21 دا به‌پیتی لاتینی نووسراوه‌ بۆ ناونیشانی  info@pukonline.com م ناردووه‌:

 Beerrz Mellbendi derewey Y.N.K

 Roji 11.4.2007 zengm botan leeda, lebarey shehid Ali Chelebi bramewe qseman krd. ewa nuusineke dexeme ber desttan, be mebesti bllawkrdnewey le roj u yadi shehid krdnyda....

- Teeksteke be fonti Tahoma nuusrawe, be formati DOC;e ,

- Duu weene

 Tkaye le her kem u kuriyek agadarm bkenewe....hewllish dedem roji duu sheme telefuun bkem...


سه‌رۆکی هه‌رێم، هاوڵاتی خۆی خۆشناوێت؟

?Serokî herêm, hawllatî xoy xoşinawêt

ئه‌ی سڵا له‌و هزره‌ی چه‌پڵه‌ بۆ کارێک لێده‌ین ببێته‌ مایه‌ی ماڵوێرانی زیاتری هاوڵاتی! سه‌رۆکی هه‌رێم کارتێکی فشار به‌م شێوه‌یه‌ به‌کار ده‌هینێت:( ...  له تورکیا 30 میلیۆن کورد هه‌یه. تورکیا ئه‌و مافه به خۆی ده‌دات که بۆ تورکمانه‌کانی که‌رکووک، ده‌ست له کاروباری ناوخۆی عێراق و ئه‌م شاره‌ وه‌ردات، به‌ڵام، ئێمه‌ش ئه‌گه‌ر بمانه‌وێ بۆ داکۆکی له مافی ئه‌م 30 میلیۆن کورده‌ ده‌توانین ده‌ستێوه‌ردان له کاروباری ناوخۆی تورکیاوه‌ بکه‌ین... )*ده‌بێته‌ هه‌ڵایسانی قسه‌وباس و کاردانه‌وه‌یه‌کی مه‌ترسیدار تا ئاستی هه‌ڕه‌شه‌ و په‌لاماری سه‌ربازی ! له‌دوای کۆتایپێهاتنی جه‌نگی نه‌خوازراوی ناوخۆ، ئارامییه‌ک باڵی به‌سه‌ر ناوچه‌که‌دا کێشاوه‌، ئه‌م وه‌ره‌قه‌یه‌ی مه‌سعود بارزانی فڕێیدا وه‌ک به‌ده‌رده‌که‌وێت، ببێته‌ هۆی شه‌ڕ و ئاژاوه‌ وو نائارامی. گریمان ئه‌و خه‌ونه‌ ناخۆشه‌ نایه‌ته‌ دی؟ خۆ لایه‌نی که‌م خه‌ڵکی تووشی دڵه‌ڕاوکێ و مه‌ترسی کردۆته‌وه‌‌!

 له‌چه‌ند ئاماژه‌دا که‌ فڵان و فیسار سه‌رکرده‌، له‌بۆنه‌ی جیاوازدا ده‌ریان بریوه‌، ته‌سه‌ورێکی پۆزه‌تیف چێبووه‌، که‌ خۆشبه‌ختانه‌ کوردیش بۆته‌ خاوه‌ن نوخبه‌یه‌کی دید فراوان و هه‌مه‌لایه‌نه‌ی وا، که‌ به‌ئاسانی دوای سۆز و ... ناکه‌ون. ئه‌مه‌شیان له‌وه‌وه‌ سه‌رچاوه‌ ده‌گرێت که‌ هاوڵاتی خۆیان لابه‌ڕێزه‌، ئاماده‌ نابن گاڤێک بهاویژن به‌زه‌ره‌ر و زیانی ئه‌وانه‌ ته‌واو بێت، ئه‌وانه‌ی ده‌نگیان بۆ داون و هێناویانه‌ته‌ سه‌ر کورسی ده‌سه‌ڵات.

 ئاخر ئه‌وه‌ مغامه‌ره‌یه‌کی سه‌رشێتانه‌یه‌، کوردی خواروو به‌هزری کوردستانی گه‌وره‌وه‌ کار بکات و بیه‌وێت پارچه‌یه‌کی تر ڕزگار بکات، به‌مه‌رجێ خۆی هێشتا ڕێک نه‌خستووه‌، له‌بچووکترین گۆڕان و فشاردا ڕێسراوه‌که‌ی ده‌بێته‌وه‌ خوری! ئه‌مه‌ له‌کاتێکدا خاون ماڵ و ڕابه‌ره‌ سیاسییه‌ سه‌ره‌کییه‌که‌ی، ئه‌و هه‌ڵویسته‌ی پێ په‌سه‌ند نه‌بێت، هه‌روه‌ک سه‌رۆكی‌ كۆنگره‌ی‌ گه‌ل زوبێر ئایدار، ده‌ریبڕیبوو:... سی‌ ساڵه‌ ئێمه‌ دیاربه‌كرمان كردووه‌ به‌ چه‌قی‌ خه‌باتی‌ نه‌ته‌وه‌یی‌ كوردستانی‌ باكور‌و ناشمانه‌وێت كه‌س موزایه‌ده‌ی‌ به‌سه‌ره‌وه‌ بكات .... ئێمه‌ پێمانوایه‌ كێشه‌ی‌ كه‌ركوك هه‌بێت یان نا، ئه‌وا شاری‌ دیاربه‌كر هه‌ر سه‌نته‌رو چه‌قی‌ تێكۆشانی‌ كورده‌كانی‌ باكوره. **

جڵه‌وکردنی په‌یڤ، نیشانه‌ی سه‌نگینی که‌سه‌که‌یه‌، به‌ڵام له‌وه‌ناچێت سه‌رۆکی هه‌رێم به‌به‌رپاکردنی ئه‌م جه‌نجاڵه‌، نه‌ک حساب بۆ خه‌ڵکی ئاسایی به‌ڵکوو حساب بۆ هاوپه‌یمانه‌ سه‌ره‌کییه‌که‌ی نێو حکومه‌تشی ناکات! وه‌ک ده‌رکه‌وت یه‌کێتی نیشتمانی دیدێکی جیاوازی بۆ کێشه‌که‌ هه‌یه‌. ئه‌و په‌یڤانه‌ نوێ نیین و مامجه‌لالیش له‌کات و شوێنیکی دیدا ده‌ریبڕیبوون. ژیرێتی له‌وه‌دایه‌، نه‌که‌ویته‌ داو و ته‌ڵه‌ی پرسیاری ڕۆژنامه‌نووسانه‌وه‌. 070413
--------
* ماڵپه‌ڕی ته‌له‌فیزیۆنی العربیة به‌زمانی عه‌ره‌بی، ده‌قی چاوپێکه‌وتنه‌که‌
** ماڵپه‌ڕی هه‌فته‌نامه‌ی ئاوێنه‌

به‌شێکی ئه‌م قسه‌وباسه‌ ڕۆژی هه‌ینی 13ی4ی2007 له‌به‌رنامه‌ی هه‌له‌و واشنتۆن به‌ناونیشانی: گرژی ئه‌م دوایـیانه‌ی نێوان توركیا و كوردی عێراق  ڕادیۆ ده‌نگی کوردی ئه‌مه‌ریکا وه‌ک به‌شدار بوویه‌ک ده‌ربڕا. له‌و به‌رنامه‌یه‌دا هێژا دكتۆر فوئاد حسێن، سه‌رۆكی دیوانی سه‌رۆكایه‌تی هه‌رێمی كوردستان میوان بوو. بۆ گوێگرتن له‌و به‌رنامه‌یه‌ سه‌ردانی ئێره‌ بکه‌ن...


کۆمه‌ڵگای کوردی، سه‌ربازگه‌یه‌!

!Komellgay kurdî, serbazgeye

سه‌یره‌  کوڕه‌ مه‌لایه‌ک * له‌شاره‌دێیه‌کی وه‌ک هه‌ڵه‌بجه‌وه‌ هاتووه‌ بۆته‌ ده‌مڕاستی هزری کۆمۆنیست و مارکسستی! به‌پێچه‌وانه‌شه‌وه‌، خۆ مه‌رجیش نییه،‌ کوڕه‌شاری زۆریشمان بینی له‌پێناو ته‌وژمی توندڕه‌وی ئیسلامی و ...تردا خۆیان به‌کوشتدا! چوونه‌ ریزی ئه‌وانه‌ی له‌سه‌ر سه‌هۆڵ ناویان ده‌نووسرێت.

هیدایه‌تی مه‌لاعه‌لی، له‌سه‌ر کۆنسێرته‌که‌ی گۆڕانیبێژی کوردستانی ڕۆژهه‌ڵات جه‌مشید، به‌ناونیشانی (ئیسلامیه‌کان باره‌گاکانتان بپێچنه‌وه‌  ) بابه‌تێکی بڵاوکردۆته‌وه‌، له‌وێدا جۆش خرۆشی گه‌نجانه‌ و سه‌رپێیانه‌ هاتۆته‌ په‌یڤین! به‌رگوزارکردنی کۆنسێرتیکی وا له‌هه‌وای کراوه‌دا، ده‌کات به‌به‌ڵگه‌ بۆ سه‌لماندنی بۆچوونه‌کانی گوایه‌ کۆمه‌ڵگای کوردی به‌پێچه‌وانه‌ی دیدی ئیسلامییه‌کانه‌وه‌، سکۆلاره‌ و حه‌زی به‌به‌زم و ڕه‌زمی گۆڕانی و شادی و...یه‌. بۆ ته‌نها ئه‌وان دژی کۆمه‌ڵگای کراوه‌ن، یان هێزگه‌لی تر زۆرن!

هاودیدم له‌وه‌دا که‌کۆمه‌ڵگای کوردی به‌شێکی فره‌ که‌می سکۆلاره‌، و ئاره‌زووی دنیایه‌کی کراوه‌یه‌‌، بۆ سه‌لماندنی دیدم ئه‌گه‌ر وانییه‌ دیاره‌ به‌پێچه‌وانه‌ی هیدایه‌ته‌وه‌یه‌، کوا ده‌ورونه‌خشی بزووتنه‌وه‌ی سکۆلار به‌و پارتانه‌شی که‌ خۆیان له‌و بازنه‌یه‌دا ده‌بیننه‌وه‌!

زۆر سه‌یرم له‌په‌یڤی ئه‌و کوڕه‌ مه‌لایه ‌دێت، بۆ خۆی خافڵ ده‌کات، ئه‌وه‌ی هانده‌ر و ئه‌نجامده‌ری ئه‌و کاره‌یه‌ یه‌کێکه‌ له‌ده‌زگاکانی ده‌سه‌ڵات! به‌داخه‌وه‌ باڵی چه‌پی کۆمه‌ڵگا به‌گشت ته‌وژمه‌کانییه‌وه‌، ده‌بێ شه‌رم دایانگرێت، ئه‌و هه‌موو ئیدعایه‌ی بۆ کۆمه‌ڵگای کراوه‌ی ده‌یکه‌ن، به‌پراتیک لایه‌نی که‌م هه‌نگاوێکی بازرگانی وایان نه‌ناوه‌ تا بڵێین، ئافه‌رین بۆخۆتان، وه‌فادارن به‌و په‌یامه‌ی هه‌ڵتان گرتووه‌!

به‌هه‌ر حاڵ من هه‌رگیز خوازیاری کۆمه‌ڵگایه‌کی نێرینه‌ی وه‌ک کوردستان نیم و ناکه‌م و جێی خۆشحاڵیم نییه‌‌، نه‌تان بینی له‌و کۆنسێرتانه‌دا مێینه‌یه‌کتان بۆ خوێی چێشت بینی و دۆزیه‌وه‌! که‌ی کاری ئیفلیجی وا قابیلی ده‌ستخۆش بوونه‌؟ زه‌مکردنه‌ و هه‌ڵویست فرۆشتنیکی بێمانایه‌! زۆر زۆر به‌داخه‌وه‌ سه‌قه‌تییه‌که‌ زۆر له‌وه‌ قوڵتره‌....

کۆمه‌ڵگای سکۆلار مانای هاوبه‌شی نێر و مێ، له‌هه‌موو کایه‌کانی ژیاندا. ئه‌و کۆنسێرتانه‌ سه‌لماندی کۆمه‌ڵگای کوردی، سه‌ربازگایه‌که‌ بۆ خۆی! .ده‌زانن بۆ؟ چوونکه‌ سه‌ربازگا، به‌پێناسه‌ ڕۆژهه‌ڵاتییه‌که‌ی ئه‌و شوێنه‌یه‌ ته‌نها پیاوه‌ به‌هێزه‌کانی تیادا کۆده‌کرێنه‌وه‌‌ و مۆڵ ده‌درێن!  070405
---------
 * سێ کوچکه‌ی؛ شێخ، مه‌لا، ئاغا لای خه‌ڵکه‌ ئاساییه‌که‌ی جارانی کوردستانی باشوور مه‌کروه بوون و به‌چاوی دوژمن تێیان ده‌ڕوانین. زۆربه‌ی سه‌رکرده‌کانی ئێستای کۆمه‌ڵگای کوردی له‌نه‌وه‌ی ئه‌و ده‌ستڕۆیشتووه‌ زالمانه‌ی کۆنن. ناویان به‌کۆڵه‌که‌ی ئاشا چیت و ئاوی ئاموون و توونی باباچن، که‌ی به‌و چاره‌نووسه‌ ده‌گه‌ن، نازانم دووره‌...


هزری ته‌سکی حیزبی و دیموکراتی!؟

!?Hzrî teskî hhîzbî û dîmukiratî

ڕێژه‌ی ژنان له‌ خولی هه‌ڵبژاردنی دواهه‌مینی په‌رله‌مانی فینلاندی، له‌و نووسینه‌دا که‌ نازانرێت کێ نووسیوویه‌تی ئاماژه‌ دراوه‌ به‌ئه‌و که‌سه‌ بیانیه‌ به‌شدارانه‌ و ناوی شاخه‌وان سادق‌ و ژنه‌ سۆماڵییه‌کیش هاتووه‌. ئه‌ی ڕووسه‌کان که‌ گه‌وره‌ترین ڕیژه‌یان هه‌یه‌ بۆ باس نه‌کراون؟ هاوکات نووسه‌ر هێنده‌ بێئاگایه‌، به‌ته‌نها ناوی که‌سێکی کوردی هێناوه‌، ئه‌وه‌ی بیر چووه‌ که‌سێکی تری کورد  له‌سه‌ر حیزبی کۆمۆنیست یه‌کێک بووه‌ له‌و کاندیدکراوانه‌، ئه‌ویش به‌ڕێز سۆران زه‌کییه‌.

ئیتر نازانرێت ئه‌م دیده‌ له‌چییه‌وه‌ سه‌رچاوه‌ی گرتووه‌؟ به‌هیوام هزری ته‌سکی حیزبی نه‌بێت و به‌ڕاستی هزری دیموکراتی بێت.070322

به‌ڕێز کاک عه‌باس!

یه‌که‌م- ئه‌و هه‌واڵ و راپۆرته‌ هه‌واڵانه‌ی ناوی که‌سی تایبه‌تیان به‌ سه‌ره‌وه‌ نیه‌ ئاماده‌کراوی ده‌سته‌ی به‌ڕێوه‌به‌ری سایته‌که‌مانن.

 دووهه‌م- ئه‌گه‌ر سه‌رنج بده‌یته‌ راپۆرته‌ هه‌واڵی ناو رۆژنامه‌ فینلاندییه‌کانیش، ده‌بینی که‌ به‌ پێچه‌وانه‌ی کورته‌ هه‌واڵ له‌ نێو راپۆرته‌ هه‌واڵدا کۆمه‌ڵێک بابه‌ت ده‌ورووژێندرێت که‌ یه‌کێک له‌ سه‌رنجراکێشترین بابه‌ته‌کانی ناوه‌رکی راپۆرته‌که‌ ده‌کرێ به‌ سه‌ردێری بابه‌ت.

 سێهه‌م- ئه‌و ژنه‌ سۆماڵییه‌ بۆیه‌ باسی کراوه‌، چونکه‌ جیددیترین کاندیدا له‌ روانگه‌ی رێژه‌ی ده‌نگه‌کانیه‌وه له‌ ناو بیانیه‌کاندا‌ بوو. رێژه‌ی ده‌نگی رووسه‌کان له‌ ئاستێکی زۆر له‌ خواره‌وه‌تردا بوو. ئێمه‌ش له‌ راپۆرته‌ هه‌واڵه‌که‌دا حاشامان له‌بوونی که‌سانی تر نه‌کردوه‌. تکایه‌ جارێکی تر به‌ هه‌واڵه‌که‌دا بچۆره‌وه. چواره‌م- له‌ باسی کاک شاخه‌واندا ئێمه‌ هیچ به‌رژه‌وه‌ندییه‌کی تایبه‌تیمان نیه‌، باسی ئه‌و بۆیه‌ کرابوو، چونکه‌ یه‌که‌م کورد بوو، دووه‌م هه‌ر له‌ سایته‌که‌ی خۆشماندا، دیاره‌ له‌ سه‌ر پێشنیار ئه‌و به‌ڕێزه‌ و کۆمه‌ڵێک کوردی دیکه‌، باسمان کردبوو و به‌ چه‌شنێک دیعایه‌مان بۆ کردبوو. وه‌‌ک کوردێک. دیاره‌ به‌دڵنیاییه‌وه‌، ئه‌گه‌ر کاک سۆرانیش یان دۆستێکی کاک سۆران، رووی لێ بناینایه‌ یا خود نووسینێکی سه‌باره‌ت به‌و به‌ڕێزه‌ بۆ بناردینایه‌، ئه‌ویشمان بڵاو ده‌کرده‌وه‌. قسووره‌که‌ له‌ ئێمه‌وه‌ نه‌بووه‌.

ئه‌وه‌ جگه‌ له‌وه‌ی که‌ له‌ روانگه‌ی ئێمه‌وه‌ هه‌‌ر بیانییه‌ک که‌ خۆی کاندیدکردبوو به‌ر له‌وه‌ی به‌ نوێنه‌ری نه‌ته‌وکه‌ی خۆی بزانین، به‌ ئه‌ندامێکی ئه‌م کۆمه‌لگایه‌ و لێپرسراو به‌رامبه‌ر به‌م کۆمه‌ڵگایه‌ی ده‌زانین.

له‌ هه‌مووشی گرینگتر، ئه‌و شته‌یه‌ که‌ ده‌مانه‌وێ و ده‌توانین به‌ده‌نگی به‌رزه‌وه‌ به‌رگری لێ بکه‌ین، ئه‌وه‌یش  ئه‌وه‌ی که‌ سایته‌که‌ی ئێمه‌ له‌ لایه‌ن حیزبی دێموکراتی کوردستانه‌وه یارمه‌تی ده‌درێ، به‌ڵام نه‌ له‌لایه‌ن ئه‌و حیزبه‌ و نه‌ له‌ هیچ لایه‌نێکی تره‌وه‌ شتی به‌سه‌ردا ناسه‌پێندرێت.

مه‌حه‌کی سه‌ره‌کی بۆ ئێمه‌ به‌رژه‌وه‌ندی گشتی و به‌تایبه‌تی خزمه‌تگوزاری به‌رامبه‌ر به‌ جڤاتی کوردی له‌ فینلانده.

 دیاری سپاسی هه‌موو سه‌رنجێکی ره‌خنه‌گرانه‌ش ده‌که‌ین.

هه‌ر بژیت.   ده‌سته‌ی به‌ڕێوه‌به‌تی دێموکراته‌کانی فینلاند‌.  2007/3/25


به‌ڕێزانی ماڵپه‌ڕی دیموکراته‌کانی فینلاند

سڵاوی دووباره‌

بۆ وه‌ڵامه‌که‌تان، ده‌ستوچاوتان خۆش و ماندوو نه‌بن

له‌و وه‌ڵامه‌دا یه‌کدوو خاڵ جێی سه‌رنجم بوون، خاڵی دووه‌هه‌متان به‌لامه‌وه‌ زیاده‌یه‌، چوونکه‌ له‌و یه‌کدوو دێره‌ بروسکه‌ئاسایه‌دا سه‌لیقه‌ی کاری ڕۆژنامه‌نووسیم نه‌ورووژاندووه‌، بۆ خۆم په‌یره‌وکاری ئه‌و شێوازه‌ سه‌رنج ڕاکێشه‌م.

خاڵێکی دی کێشه‌ی کوردبوونه‌، هه‌ر بۆیه‌که‌ جێی ڕه‌خنه‌ بوون له‌به‌ر ئه‌وه‌ی که‌سی ناوبراو (سۆران زه‌کی)تان وه‌ک کوردێکی کاندیدکراو له‌سه‌ر پارتێکی کۆمۆنیست بواردووه‌! ئه‌و پاساوه‌ گه‌لێک لاوازه‌ بفه‌رموون که‌ فڵان خۆی داوای کردووه‌، یان له‌سه‌ر په‌یڤی فڵان دۆستی تر ڕیکلاممان کردووه‌!

ئێوه‌ له‌خاڵێکدا ئاماژه‌ به‌شاره‌زایی خۆتان به‌په‌یامی ڕۆژنامه‌نووسی ده‌که‌ن، که‌چی له‌م وڵاتی کۆمپانیای نۆکیادا نه‌گه‌ڕاون بزانن چ کوردێکی دی خۆی کاندید کردووه‌؟! به‌مه‌رجێک ناوبراو له‌ژماره‌یه‌ک ماڵپه‌ڕی کوردی نه‌ک ڕیکلامی کرد بۆ خۆی، به‌ڵکوو زۆر ژیرانه‌تر و کوردانه‌تر به‌رنامه‌ی ئه‌و پارته‌ی بۆ هه‌ڵبژاردنه‌کان، به‌کوردی کردبوو  و بڵاوکرده‌وه‌. به‌داخه‌وه‌ ئه‌و کاندیدکراوه‌ی ئێوه‌ ئیتر به‌هه‌ر بیانوویه‌که‌وه‌ بێت ڕیکلامتان بۆ کرد، وێڕای ئه‌وه‌ی کاری وه‌رگێڕان ده‌کات و داواشی لێکرا چه‌ند شتێک به‌کوردی له‌سه‌ر پارته‌که‌ی و به‌رنامه‌ی هه‌ڵبژاردنه‌که‌ی لایه‌نی که‌م له‌ماڵپه‌ڕه‌که‌یدا بکاته‌ کوردی. نه‌یکرد!

دواهه‌مین دێڕتان که‌ باس له‌په‌یوه‌ندیتان به‌حیزبی دیموکرات کوردستانی ڕۆژهه‌ڵاته‌وه‌، دانپیانانێکی شه‌رمنانه‌یه‌، به‌پێی ئه‌زموون ئه‌و جۆره‌ پینه‌وپه‌ڕۆیانه‌ ناچێته‌ گیرفانه‌وه‌، له‌کوردستانی باشوور له‌و جۆره‌ وه‌ک فارسه‌کان ده‌ڵێن حۆقه‌بازیانه‌مان (به‌داوای لێبووردنه‌وه‌) دیوه‌ و بیستووه‌. له‌گه‌ڵ ئه‌وه‌شدا ئێوه‌ ئازادن لایه‌نگری له‌سه‌ر چ ته‌وژمێک بکه‌ن، گرنگ ڕاستگۆییه‌ به‌پله‌ی یه‌که‌م له‌گه‌ڵ خۆدا ئینجا ئه‌وانی تر...

ڕێز و حورمه‌تی زیاتر 2007.3.30

پاشکۆ:

رێژه‌ی په‌رله‌مانتارانی ژن له‌ فینلاند گه‌یشته‌ سه‌دی 42

2007 03 20

دێموکراته‌کانی فینلاند - به‌گوێره‌ی ئه‌نجامی هه‌ڵبژاردنه‌ په‌ڕله‌مانییه‌کانی فینلاند، رێژه‌ی ئافره‌تانی ئه‌ندامی په‌ڕه‌له‌مان تا ئاستی سه‌دی 42 هه‌ڵکشا. له‌ کاتێکدا که‌ رێژه‌ی ژنانی ئه‌ندامی په‌ڕله‌مان له‌ ده‌وره‌ی پێشوودا 75 که‌س واته‌ 37،5 ی کۆی په‌ڕله‌مانتاران بوو، له‌ ئاکامی هه‌ڵبژاردنه‌کانی ئه‌م ده‌وره‌یه‌دا رێژه‌ی ژنان بۆ 84 که‌س به‌رزبووه‌وه‌ و به‌و شێوه‌یه‌ 9 که‌س به‌ ئه‌ژماری په‌ڕله‌مانتاره‌ ژنه‌کانی فینلاند زیای کرد. ژنانی فینلاند بۆ یه‌که‌مین جار له‌ ساڵی 1906 واته‌ 101 ساڵ له‌مه‌وبه‌ر مافی ده‌نگدان و خۆپاڵاوتنیان وه‌ده‌ستهێنا.

له‌به‌رامبه‌ر رێژه‌ی سه‌دی 42 بۆ ژنان، پیاوان سه‌دی 58 ی کورسییه‌کانی په‌ڕه‌له‌مانی فینلاندیان پێ بڕاوه‌. رێژه‌ی پیاوان له‌ په‌ڕله‌ماندا ده‌کاته‌ 116 که‌س.

ئاکامی هه‌ڵبژاردنه په‌ڕله‌مانییه‌کانی فینله‌ند له‌ گه‌لێک لایه‌نی دیکه‌شه‌وه‌ سه‌رنج ڕاکێش بوو. رێژه‌ی گه‌نجانی په‌ڕله‌مانتار له‌م ده‌وره‌یه‌ی هه‌ڵبژاردنه‌کاندا به‌شێوه‌یه‌کی به‌رچاوه‌ دابه‌زیوه‌. له‌ کاتێکدا که‌ که‌ له‌ ده‌وره‌ی پێشووی په‌ڕله‌ماندا واته چوار ساڵ له‌مه‌وبه‌ر، 6 که‌سی ته‌مه‌ن نێوان 18 بۆ 29 ساڵ ده‌نگیان بۆ په‌ڕله‌مان هێنایه‌وه‌، له‌م ده‌وره‌یه‌دا ته‌نیا دوو که‌س له‌و مه‌ودا ته‌مه‌نییه‌دا هه‌ڵبژێردراون. که‌م ته‌مه‌نترین په‌ڕله‌مانتاری ئه‌م ده‌وره‌یه‌ به‌رپرسی رێکخراوی لاوانی پارتی سه‌نته‌ر له ناوه‌ندی هه‌ڵبژاردنی "ڤاسا"یه‌، که‌ ته‌مه‌نی 24 ساڵه‌. به‌ته‌مه‌نترین هه‌ڵبژێردراویش، که‌سایه‌تی فه‌رهه‌نگی، نووسه‌ر و روناکبیری فینلاندی کلاس ئاندێرسۆنه‌، که‌ له‌ سه‌ر لیستی هاوبه‌ندیی چه‌په‌وه‌، دیسانه‌وه‌ هه‌ڵبژێردراوه‌ته‌وه‌. ناوبراو 69 ساڵی ته‌مه‌نه.

پله‌ی مامناوه‌ندیی ته‌مه‌نی هه‌ڵبژێردراوانی ئه‌م ده‌وره‌یه‌ی په‌ڕله‌مانی فینلاند به‌شێوه‌یه‌کی زه‌ق هه‌ڵکشانی به‌خۆیه‌وه‌ بینیوه‌. رێژه‌ی ئه‌وانه‌ی ته‌مه‌نیان له‌ سه‌رووی 60 ساڵه‌وه‌یه‌، گه‌یشتۆته‌ 31 که‌س، که‌ ئه‌وه‌ش نزیک به‌ دووبه‌رابه‌ری جاری پێشووه‌.

له‌ هه‌ڵبژاردنه‌کانی ئه‌م جاره‌شدا چه‌ندین که‌سی به‌ڕه‌گه‌ز بیانی به‌شداربوون. به‌ڵام که‌سیان ده‌نگی پێویستیان بۆ هه‌ڵبژێردران نه‌هێنایه‌وه‌. ته‌نیا په‌ڕله‌مانتارێک که‌ شانسی زۆری بۆ هه‌ڵبژێردران هه‌بوو، خاتوو زه‌هرا عه‌بدوڵڵای به‌ره‌گه‌ز سۆماڵی بوو، که‌ له‌ سه‌ر لیستی سه‌وزه‌کانه‌وه‌ خۆی هه‌ڵبژرادبوو، به‌ڵام له‌ ئاکامدا ده‌نگه‌کانی ئه‌ویش به‌شیان نه‌کرد و سه‌ره‌ڕای ده‌نگۆی سه‌ره‌تایی سه‌باره‌ت به‌ سه‌رکه‌وتنی، دواتر ده‌رکه‌وت که‌ به‌رێژه‌ی پێویست ده‌نگی به‌ده‌ست نه‌هێناوه‌.

به‌ڕێز شاخه‌وان سددیقییش کاندیدایه‌کی دیکه‌ی هه‌ڵبژاردنه‌کان بوو له‌ سه‌ر لیسته‌ی سه‌وزه‌کان. به‌ داخه‌وه‌ سه‌ره‌رای هه‌موو تێکۆشانێکی خۆی و پشتگیریی جڤاتی کوردی، ناوبراویش نه‌یتوانی رێژه‌ی پێویستی ده‌نگ بۆ هه‌ڵبژێردران به‌ده‌ست بهێنێت. چاوه‌دێران هۆکاری سه‌رنه‌که‌وتنی کاندیدا به‌ڕه‌گه‌ز بیانییه‌کان، له‌ لایه‌که‌وه‌ بۆ دردۆنگیی فینلاندییه‌کان و خۆ پاراستنیان له‌ ده‌نگدان به‌و کاندیدایانه و له‌ لایه‌کی تریشه‌وه‌، لاوازی به‌رنامه‌ و نه‌بونی ستراتیژی هاوبه‌ش بۆ به‌ده‌ستهێنانی ده‌نگی بیانییه‌کان له‌ لای کاندیدا به‌ڕه‌گه‌ز بیانییه‌کاندا ده‌گێڕنه‌وه‌.
-----------
ئه‌م پاشکۆیه‌‌ لێره‌دا بڵاوبۆته‌وه
http://www.pdki.fi/index.php?id=299

 

بمرێ ره‌حمانی ره‌حیم، بژی ئێزیدییه‌کان!

!Bimrê rehhmanî rehhîm, bijî Êzîdîyekan

هیشام ئاکره‌یی، به‌ناونیشانی کۆمۆنیست و چه‌په‌کان و  پارته‌کانی کوردستانی ده‌ستخۆشی له‌ کۆشتنی ژنان و ئێزدیه‌کان ده‌که‌ن  بابه‌تێکی بڵاکردۆته‌وه‌، وه‌ک دیاره‌ باس له‌لایه‌نێکی ئه‌و ڕووداوه‌ قێزنه‌وه‌نه‌ و هه‌وڵوێستی ده‌سته‌ و گروپه‌ جیاکان ده‌کات. ئه‌و نووسینه‌ی وای لێکردم منیش بێمه‌ په‌یڤین، لایه‌نێکی دی ئه‌و ڕووداوه‌ و هه‌ڵوێستگیری ده‌سته‌ و گروپه‌کان بخه‌مه‌ به‌ر باس.

بێده‌نگی ئینجا بێده‌نگی و بێده‌نگییه‌کی دی تا ئاستی که‌ڕوکاسی! ئه‌بێ حیکمه‌تی ئه‌و بێده‌نگییه‌ بۆ هه‌ژموونی زاڵ و قوڵی که‌لتووری ئایین ئیسڵام له‌نێو کۆمه‌ڵگای کوردیدا نه‌بێت؟  ئه‌وه‌ی که‌ پارته‌ سیاسییه‌ بچووکه‌کان وا لێ ده‌کات هه‌ڵوێست له‌به‌رامبه‌ر کاره‌ساتێکی وادا  نه‌نوێنن، بۆ ئه‌و تێکه‌ڵییه‌ی به‌ربینی به‌کوردستانی باشوور له‌ئاستی گشتی و تایبه‌تی گرتۆته‌وه‌. وه‌ک ئاشکرایه‌ پارته‌کان نوێنه‌رایه‌تی توێژ و چینه‌کانی نێو کۆمه‌ڵگا ده‌که‌ن، به‌جۆرێکی دی هزری بیرکه‌ره‌وه‌ی‌، نوخبه‌ = هه‌ڵبژارده‌ ئه‌وانه‌یه‌، له‌خاڵێکی وادا ده‌رده‌که‌وێت ئه‌و پێناسه‌یه‌ وه‌ک هه‌ر شتێک و دیارده‌یه‌کی دی به‌سه‌قه‌تی پراتیک ده‌کرێت و لێی تێگه‌یشتوون!

جا کاره‌ساته‌که‌ له‌وه‌دایه‌ نوخبه‌ وه‌ک خه‌ڵکی ئاسایی بیر بکاته‌وه‌، ئایا په‌یامی نوخبه‌ ده‌بێت وه‌ک هێزی ڕاوڕووت بێت؟ خۆی بداته‌ ده‌ست ئه‌وان یان به‌پێچه‌وانه‌وه‌ ئه‌بێت ئه‌وان بیرفراوان و دووربینتر، خه‌ڵکی بجووڵێنن و ئاڕاسته‌ بکه‌ن. مێژووی دوور و نزیک وامان پێده‌ڵێت که‌ جه‌ماوه‌ر ته‌شبیه نه‌بێت وه‌ک ده‌زگای جێبه‌جێکردن پۆلیس وایه‌، به‌فه‌رمانی نوخبه‌ کار ئه‌نجام ده‌دات. ئه‌گه‌ر کۆمه‌ڵگایه‌ک نوخبه‌ی ژیری له‌هه‌موو بواره‌کاندا نه‌بێت و که‌م بێت ئه‌و کاته‌ فه‌وزا وئاژاوه‌ باڵا ده‌ست ده‌بێت، وه‌ک ئه‌وه‌ی له‌ئێستای کوردستانی باشووردا سه‌روه‌ره‌!

له‌م ڕووداووه‌،  نابێ لایه‌نی خودی فه‌رامۆش بکرێت. ئێزیدییه‌کان پێویست ده‌کات، چاوێک به‌خۆیاندا بگێڕنه‌وه‌، بزانن ئایا بۆ تێگه‌یاندنی جه‌ماوه‌ری کوردستان  تا ئێستا چییان کردووه‌، خۆ مۆڵه‌ت  هه‌ڵی کارکردن پڕ زۆره‌. هه‌ڵمه‌تی ڕاگه‌یاندن، به‌قوڵی و چڕی و بێ پشوو، کاری هه‌رئێستایه‌، به‌خاتری ئه‌وه‌ی به‌ر به‌ڕووداوی پێشبینی کراوی دی بگیرێت.

وه‌ک که‌سێکی ئاتائیس، ناته‌با له‌گه‌ڵ هه‌ر جۆره‌ ئاینێک، هێنده‌ی یه‌زیدی و زه‌رده‌شتییه‌کان و کاکه‌ییه‌کان هه‌ڵقوڵاوی کۆمه‌ڵگای کوردستانن، به‌نزیک له‌هزری کورده‌وه‌ ده‌بینم، هاوسۆزم له‌گه‌ڵیاندا نیو هێنده‌ له‌گه‌ڵ ئایینی زاڵ و به‌زۆر سه‌پێنراوی ئیسلامیدا نیم و هه‌میشه‌ نه‌یاری  و دژ بوونی خۆم پیشانداوه‌. که‌واته‌ بمرێ ره‌حه‌مانی ره‌حیم، بژی شه‌یتان و ئێزیدییه‌کان.  070221
--------------
له‌هه‌فته‌نامه‌ی ڕێبازی ئازادی ژماره‌ 462ی ڕۆژی 07.3.13 بڵاوبۆته‌وه‌


نیوه‌ی لاپه‌ڕه‌کانی قورئان بدڕێنن!

!Nîwey laperekanî Quran bidrrênin

خیرت یان گیرت  فڵدرز Geert Wilders ، ته‌مه‌ن 42 ساڵ له‌دایکبووی ساڵی 1963. ئه‌ندام په‌رله‌مانی هۆڵه‌ندی، که‌سایه‌تییه‌کی جه‌نجاڵئامێز، به‌یه‌کێ له‌و سیاسیانه‌ ده‌ژمێررێت که‌ زۆرترین تیشک و فلاشی به‌هۆی داخوانییه‌کانییه‌وه‌ به‌رکه‌وتووه‌. ئه‌وه‌یش له‌قه‌بی جۆراوجۆری بۆ هێناوه‌؛ له‌وانه‌ و گرنگترینیان سیاسییه‌کی  خاوه‌ن یه‌ک دید،  مۆزارتی  توند یان تووڕه‌، له‌به‌ر ئه‌وه‌ی مۆدێلی قژی سه‌ری به‌مۆسیقاژه‌ن به‌نێوده‌نگ مۆزارت ( Wolfgang Amadeus Mozart 1756– 1791) ده‌چێت و ڕیکده‌خات.

فه‌لسه‌فه‌ی  کار و ژیانی؛  به‌ڕووبه‌ڕووبوونه‌وه‌ و بێزارکردن وا له‌وه‌ی به‌رامبه‌رت بکه‌ لێت بێته‌ وه‌ڵام.

به‌ر له‌ماوه‌یه‌ک سه‌ر به‌پارتی لیبراڵی  (Partij  Voor de Vrijheid, P.V.V ) بوو، له‌به‌ر ئه‌وه‌ی ئه‌و پارته‌ ده‌نگی بۆ هاتنه‌ ناوه‌وه‌ی تورکیای بۆ ناو ئه‌ورووپای یه‌کگرتوودا، هه‌روه‌ها له‌دژی ئه‌و خاڵه‌ی له‌ده‌ستووردا هاتووه‌ باس له‌فره‌ ئایینی ده‌کات، وازیهێنا و وه‌ک په‌رله‌مانتارێکی سه‌ربه‌خۆ درێژه‌ به‌کاری سیاسی خۆی داوه‌. ئه‌و به‌ناهه‌قییه‌کی گه‌وره‌ی ده‌زانی هه‌ژموونی هه‌ردوو ئایینی کریستان و جووله‌که‌ به‌فه‌رمی نه‌ناسرێت.

ئه‌نتی ئیسلامی لای تۆخ ده‌بێته‌وه‌، پێی باش نییه‌، مزگه‌وتی نوێ بنیات بنرێت، مه‌لاکان له‌ڕۆژانی هه‌ینیدا خوتبه‌ بده‌ن. به‌وێنه‌ی شارچێکانی کوردستانی باشوور به‌تایبه‌تی سله‌یمانی که‌ ده‌ڵێن لادێی خواردینی،  ئه‌و به‌جۆرێکی دی ده‌ڵێت؛ موسوڵمان خواردینی، له‌و شاره‌ی تیا له‌دایک بووم هه‌ست به‌غه‌ریبی ده‌که‌م، هه‌ست ناکه‌م هۆڵه‌ندیم.

مه‌ترسی خۆی له‌باره‌ی زیادبوونی ژماره‌ی موسوڵمانانه‌وه‌ که‌  به‌ملیۆنێک ده‌خه‌مڵێنرێت، ده‌رده‌بڕێت؛  گه‌ر وا بڕوات ژماره‌ی مزگه‌وت دوو هێنده‌ی ژماره‌ی کڵێسا‌ زیاد ده‌کات!

له‌باره‌ی مانه‌وه‌ی موسوڵمانانه‌وه‌ ده‌ڵێت، گه‌ر ده‌یانه‌وێت لێره‌ بمێننه‌وه‌ ده‌بێت نێوه‌ی لاپه‌ره‌کانی قورئان بدڕێنن، بۆیه‌ واده‌ڵێم چوونکه‌  بۆ خۆم قورئانم خوێندۆته‌وه‌... ئه‌گه‌ر محه‌مه‌د  پێغه‌مبه‌ر زیندو بێته‌وه‌، بێته‌ ئێره‌ و داوای هه‌قی په‌ناهه‌نده‌یی بکات، وه‌ک توندڕه‌وێکی مه‌ترسیدار سنوورداشتی ده‌که‌مه‌وه‌.

هاوکات ‌ دیدی جیاوازتری له‌سه‌ر موسوڵمانان هه‌یه‌ به‌وه‌ی؛ له‌نێوماڵی خۆیاندا مافی حیجاب پۆشینیان هه‌یه‌ و ده‌توانن مه‌ڕی قوربانی سه‌ربڕن، به‌ڵام له‌ده‌روه‌ ده‌بێت وه‌ک هه‌ر هۆڵندییه‌ک هه‌ڵسووکه‌وت بکه‌ن.

که‌ لێی ده‌پرسرێت ناترسی له‌دژت خۆپیشاندان بکرێت؟ له‌وه‌ڵامدا ده‌ڵێ: ئه‌گه‌ر ده‌ستم ئاوه‌ڵا ده‌که‌ن ، ئه‌و کات ده‌زانن چییان پێده‌که‌م.

ئه‌و کاته‌ مه‌ترسی بۆ سه‌ر ژیانی  زیاتر بوو، که‌ له‌ساڵی 2004دا تیرۆریستێکی عه‌ره‌بی مه‌غریبی هه‌ڵسا به‌ تیرۆرکردنی ده‌رهێنه‌ری سینه‌مایی ثيو فان جوخ! له‌وکاته‌وه به‌هاوڕێیه‌تی بۆدی گارد ده‌رده‌که‌وێت. 070218

له‌به‌رانبه‌ر ناڕه‌زایه‌تی باڵوێزی عه‌ره‌بی سعودی له‌هۆڵند، داوای کردووه‌ له‌قسه‌کانی پاشگه‌ز بێته‌وه‌ وداوای لێبووردن له‌موسوڵمانان بکات، ده‌ڵێت:

به‌ته‌واوی عه‌قڵیان له‌ده‌ستداوه‌! ئه‌وه‌ شه‌رمه‌زارییه‌کی گه‌وره‌یه‌ وڵاتێک مافی ڕاده‌ربڕینی تێدا نه‌بێت، بێت و وانه‌مان دابدات! 070219
----------
بۆ زیاتر ئاشنا بوون بفه‌رموون بۆ سه‌ردانی سایت - ماڵپه‌ڕه‌که‌ی:
 http://www.pvv.nl

له‌ماڵپه‌ڕی ده‌نگه‌کان بڵاوبۆته‌وه‌


شاندی فه‌له‌ستینی، ئاڵای کوردستان بوو! نه‌بوو!

!Şandî Felestînî, allay Kurdistan bû! Nebû

دوێنێ  07.02.12 ڕۆژنامه‌ی کوردستانی نوێ به‌ناونیشانێکی سه‌رنجڕاکێش ئه‌وه‌ی ڕاگه‌یاند که‌ شاندی عه‌ره‌به‌ فه‌له‌ستینییه‌کان له‌کۆنگره‌یه‌کی ڕۆژنامه‌نووسیدا ئاماده‌ نه‌بووه‌ ئاڵای کوردستان له‌پشتییه‌وه‌ دیار بێت و دابنرێت.

هه‌ر ئه‌و ڕۆژه‌ له‌ڕۆژنامه‌ی خه‌بات هه‌واڵی چاوپێکه‌وتنی شاندی ناوبراو له‌گه‌ڵ وێنه‌یه‌کدا بڵاوکراوه‌ته‌وه‌ و ئاڵای کوردستان له‌پشت سه‌رۆکی هه‌رێمه‌وه‌ ده‌بینرێت.

 ئه‌مڕۆ  07.02.13 ڕۆژنامه‌ی خه‌بات ڕوونکردنه‌وه‌یه‌کی سکرتارییه‌تی پارتی دیموکراتی کوردستان له‌سه‌ر ئه‌و هه‌واڵه‌ بڵاوکردۆته‌وه‌. هه‌واڵه‌که‌ی به‌درۆ خستۆته‌وه‌، به‌بیانووی ئه‌وه‌ی گوایه‌ شوێنی کۆنگره‌که‌ ئاڵای هیچ لایه‌نێکی لێ نه‌بووه‌.

له‌هه‌مان لاپه‌ڕه‌دا هه‌واڵێک به‌وێنه‌وه‌ ده‌بینرێت که‌ سه‌رۆکوه‌زیرانی حکومه‌تی هه‌رێم  پێشوازی له‌شاندی ناوبراو کردووه‌. له‌وێنه‌که‌دا هیچ جۆره‌ ئاڵایه‌ک نابینرێت!

له‌لاپه‌ڕه‌ی دووی هه‌مان  ڕۆژ و هه‌مان ڕۆژنامه‌دا ڕاپۆرته‌ هه‌واڵێک به‌وێنه‌وه‌ له‌سه‌ر کۆنگره‌ی ڕۆژنامه‌نووسی سه‌رۆکی شاندی فه‌له‌ستینی و سه‌رۆکی په‌رله‌مانی هه‌رێمی کوردستان بڵاوکراوه‌ته‌وه‌، ئاڵای کوردستان بزره‌ له‌وێنه‌که‌دا.

له‌ڕۆژنامه‌ی کوردستانی نوێی ئه‌مڕۆ 07.02.13  له‌پاین ڕوونکردنه‌وه‌ی سکرتارییه‌تی پارتی دیموکراتی کوردستان له‌سه‌ر ئه‌و هه‌واڵه‌ چه‌ند دێڕێکیان بڵاوکردۆته‌وه‌، خه‌تاکه‌یان خستۆته‌ پاڵ په‌یامنێره‌که‌یان به‌وه‌ی زانیارییه‌کانی ورد نه‌بووه‌.

به‌کورتی و کوردی، داوه‌ری کردن له‌سه‌ر ئه‌و هه‌واڵه‌، پێده‌چێت په‌یامنێره‌که‌ ڕاستی فه‌رموو بێت و به‌هیواین له‌سه‌ر ئه‌وه‌، سزا نه‌درێت و نانبڕاو نه‌کرێت.

ئه‌گه‌ر ڕاست نییه‌ ئه‌ی بۆ له‌وێنه‌ی پێشوازی کردنی‌ سه‌رۆکوه‌زیران بۆ شاندی ناوبراو، هه‌روه‌ها سه‌رۆکی په‌رله‌مان ئاڵای کوردستان دیار نییه‌ و دانه‌نراوه‌؟!  070213


مناڵی کام نه‌ته‌وه‌؟

?Minallî kam netewe

ڕۆژی 070204 به‌مایل هێژا ڕه‌زای که‌مانگه‌ر نووسینێکی خۆی که‌ به‌زمانی فارسی نووسیوه ‌به‌ناونیشانی:  کودکان در عراق فراموش شده اند! بۆ نارد بووم. منیش ده‌ست به‌جێ ئه‌م چه‌ند دێڕه‌ی خواره‌وه‌م بۆ نارد:

ده‌ست و چاوت خۆش بێت

هه‌ستی مرۆڤدۆستانه‌ت سه‌رچاوه‌ی ئه‌م نووسینه‌ته‌. به‌ڵام تۆ جیاوازی ناکه‌یت له ‌نێوان باکوور و باشووریدا که‌ دوو وڵاتی جیاوازن و دوو نه‌ته‌وه‌ی جیاوازی تێدایه‌، ئه‌وه‌ی تۆ باسی ده‌که‌یت به‌شه‌ عه‌ره‌بییه‌که‌یه‌تی که ‌ بێره‌حمانه‌ به‌ربوونه‌ته ‌ یه‌کتر، نه‌ک ئه‌و به‌شه‌ی تر که‌ به‌ناوی کوردستانه‌وه‌یه‌، بۆیه‌ به‌ڕێزت بۆ نووسینی داهاتووت ته‌کلیفی خۆت ڕوون بکه‌ره‌وه ‌ و ده‌ست بخه‌ره ‌ سه‌ر خاڵه‌کان.  070205

عباس شوانی ئازیز،

وێڕای سوپاس سه‌باره‌ت به‌و سه‌رنجه‌ی‌ ناردبووت‌. من له‌ نووسراوه‌که‌مدا نووسیبووم منداڵانی عیراق فه‌رامۆش کراون!

ئێستا تۆ ده‌ڵێیت که‌ عیراق دوو وڵات و دوو میلله‌ته‌. باکوور و باشووره‌، کوردستان و به‌شی عه‌ره‌بیه‌که‌یه‌تی، وه‌ نووسینه‌که‌ی من باسی به‌شه‌ عه‌ره‌بیه‌که‌ی کردوه‌.

من پێم وایه‌‌ ئه‌مڕۆ له‌ عیراق و له‌ کوردستانیش یه‌ک سیستم ده‌سه‌ڵاتداره‌. ئه‌م سیستمه‌ هه‌رچیه‌ک بێت کۆمه‌ڵانی خه‌ڵک چ له‌ به‌شه‌ عه‌ره‌بیه‌که‌ی و چ له‌ کوردستان هیچ ده‌خاڵه‌ت و به‌شداریه‌کیان تێدا نیه!

ئازیزم عباس شوان! من باوه‌ڕم وایه‌ که‌ منداڵان نه‌ وڵاتیان هه‌یه‌ ونه‌ سه‌ر به‌ هیچ میلله‌تێکی جیاکراوه‌ن وه‌ یان بۆ عه‌ره‌ب و کورد و شیعه‌ و سووننه‌ دابه‌ش ناکرێن! ئێوه‌ نووسیوتانه‌ که‌ ته‌نیا له‌ به‌شی عه‌ره‌بیه‌که‌یدا گرووپه‌کان که‌وتوونه‌ته‌ گیانی یه‌کتر و ئه‌و وێنه‌یه‌ی که‌ من داومه‌ شموولی کوردستان ناکات.

تا ئه‌و جێگایه‌ی من تۆ ده‌ناسم شاری که‌رکووک به‌ دڵی کوردستان یان باشتر بڵێم به‌ قودسی کوردستانی ده‌زانی. له‌ شاری که‌رکووکدا پارتی و یه‌کێتیش هه‌ن. هه‌ر دوێنێ بوو که‌ 7 ته‌قینه‌وه‌ له‌ یه‌ک رۆژدا رووی داوه‌ و ژماره‌یه‌کیش له‌ خه‌لکی بوونه‌ته‌ قووربانی. له‌وانه‌یه‌ تۆش له‌ ته‌له‌فیزیۆنه‌وه‌ دیمه‌نی ئه‌و کوڕه‌ 10 ساڵانه‌یه‌ت دیبێ‌ که‌ له‌ کاتی بڵاوکردنه‌وه‌ی هه‌واڵدا که‌‌ له‌ شوێنی ڕووداوێکدا به‌سه‌ر بلۆکه‌ ڕووخاوه‌کانی شوێنی ته‌قینه‌وه‌یه‌کی خۆکووژی بازی ده‌دا.

به‌ڕاستی ئه‌و منداڵه‌ چ میلله‌تێکی هه‌بوو؟ کورد بوو یان عه‌ره‌ب؟ ئاسووری بوو یان تورکمان؟ ئه‌گه‌ر له‌ من بپرسیت وه‌ڵامه‌که‌ی ئه‌وه‌یه‌ که‌ ئه‌و منداڵێک بوو، داتاشینی میلله‌ت، ڕه‌گه‌ز و ئایین بۆ منداڵان ڕه‌وا نیه‌ و له‌ ڕاستیدا به‌ تاوان ده‌ژمێردرێ. ئه‌گه‌ر مه‌به‌ستی تۆ ئه‌وه‌ بێت که‌ ئایا هه‌ڵوێستی من سه‌باره‌ت به‌ مه‌سه‌له‌ی کورد چیه‌؟ ئه‌وا ئه‌م مه‌سه‌له‌یه‌ له‌ نووسێنێکی کورتدا که‌ له‌سه‌ر منداڵانه‌ جێگای نابێته‌وه‌. به‌ڵام من لایه‌نگری ڕاپرسی گشتی وه‌ یان ریفراندۆمم که‌ ڕاسته‌وخۆ خه‌ڵکی کوردستان تێیدا ئیراده‌ی خۆیان بۆ پێکهێنانی وڵاتی کوردستان وه‌یان په‌یوه‌س بوونی دڵخوازانه‌ به‌ عیراقه‌وه‌ ڕابگه‌یه‌نن. به‌ڵام ده‌بێ ئه‌م خاڵه‌شت له‌ بیر بێت که‌ ئیراده‌ی ڕاسته‌وخۆی خه‌ڵکی کوردستان له‌ ڕێگه‌ی حیزبه‌ قه‌وم په‌رسته‌کانی وه‌ک پارتی و یه‌کێتی نیشتمانییه‌وه‌ به ئه‌نجام ناگات. نابێ ئه‌وه‌ له‌ بیربچێته‌وه‌ که‌ حیزبه‌ قه‌وم په‌رسته‌کان له‌ کوردستان و له‌ عیراقدا به‌شێکن له‌ سیناریۆیه‌کی تاریک (ڕه‌ش) که‌ له‌ ڕێگه‌ی ئه‌مریکاوه‌ به‌سه‌ر وڵاته‌که‌دا داسه‌پێنراوه‌.
5 ی فۆریه‌ی 2007

ڕ . که‌مانگه‌ر فره‌ هێژا

گه‌لێک سوپاس بۆ ڕوونکردنه‌وه‌که‌ت، نووسه‌ر سیاسی و هه‌ر ناوێک له ‌ خۆی ده‌نێت تا وردتر بێت له ‌ده‌ربڕینی باسه‌که‌ی ناڕۆشنی نادات به‌ده‌سته‌وه‌، ئه‌وه‌ بووه‌ هۆی ئه‌وه‌ی سه‌رپێی یه‌کدوو دێڕت بۆ بنووسم.

له‌گه‌ڵ ئه‌وه‌شدا ئه‌و ڕووداوانه‌ی له‌و وڵاته‌ غه‌زه‌ب لێنیشتووه‌ ده‌بینرێت، ره‌هه‌ندی جیاوازی و قووڵی تری هه‌یه‌. ناکرێت هه‌روا سادانه‌ لایه‌نێکی بچووکی بگریت و ئه‌وانی تری فه‌رامۆش بکه‌یت.

جه‌ماوه‌ر و خه‌ڵک خه‌ڵکی چیته‌؟ ئه‌وه‌ پۆپۆلیستییه‌، فه‌رامۆشی بکه‌ و وه‌ره‌وه‌ سه‌ر زه‌وی. جه‌ماوه‌ر هه‌میشه‌ وه‌ک له‌مێژوودا بینیومانه‌ کاری جێبه‌جێکردنی له‌سه‌ر، ده‌بێت هه‌میشه ‌ نوخبه‌ی ژیری ناو کۆمه‌ڵگا هه‌ڵیبسووڕێنێت، خۆی خۆی به‌ڕێوه‌ به‌رێت کاره‌ست ده‌خوڵقێنن، بۆ بیرمان چووه‌ هێزی ئار ئار له‌ ڕاپه‌ڕینی 1991 چییان کرد؟! خودی ئه‌و کاره‌ساته‌ی له ‌نێو عه‌ره‌به‌کانی خوارووی عێراق ڕووده‌دات شتێکی له‌و جۆره‌یه‌ بۆیه‌ قڕیان خستۆته‌ یه‌کتری ! هیچ پرینسیبێکیان لا نه‌ماوه‌، یاسای جه‌نگه‌ڵ له‌گه‌ڵ یه‌کتردا به‌کارده‌هێنن. که‌ جێی داخی هه‌موو که‌سێکی مرۆڤدۆسته‌.

پێده‌چێت هه‌ستی نه‌ته‌وه‌یت وای لێکردبێتی ده‌ست بده‌یته‌ پێنووس، ئه‌گه‌ر وا نییه‌ بۆ تا ئێستا سه‌ده‌ها مناڵ به‌ هۆی کاری توندوتیژییه‌وه ‌ له ‌ناوچه‌ی عه‌ره‌بنیشین به‌رکه‌وتوون و تیا چوون، هیچت نه‌وتووه؟‌ که‌چی ته‌نها ئه‌و مناڵه‌ی که‌ له ‌ته‌قینه‌وه‌کانی ئه‌م داوییه‌ی شاری که‌رکووک به‌رکه‌وت، هه‌ژاندوویتی؟! دیاره‌ له‌مه‌دا هه‌قی سوپاس کردنته‌.

ئه‌وه‌ی له ‌لاشعورتدا ده‌تجووڵێنێت ڕاستگۆیانه‌تره‌ وه‌ک له‌ په‌یڤه‌ کۆنترۆڵکراوه‌کانت، وای ده‌بینم ڕه‌گی ناسیۆنالیستی بێت هانی دابێتی، به‌دیوێکی دیدا وا خۆ نیشان ده‌ده‌یت که ‌ دووژمنی هه‌مه‌لایه‌نه‌ی ناسیۆنالیزمی.

گرنگ نییه‌ ئه‌و شاره‌ فڵان سه‌رکرده‌ و فیساریان چی لێناوی لێده‌نێن؟ مه‌رج نییه‌ له‌گه‌ڵیاندا بم، به‌ڵام له‌به‌ر ئه‌وه‌ی ئه‌و دوو پارته‌ له‌مێژه‌وه‌ خه‌ریکی کارن به‌ هه‌ر بیانوویه‌که‌وه ‌ بێت جه‌ماوه‌ر، زه‌مینه‌یه‌کیان بۆ خۆیان داناوه‌ و خۆشکردووه‌. گرنگ ئه‌وه‌یه ‌ ئێستا ئه‌و دیده‌یان کاڵ بۆته‌وه‌ و شتێکی دی ده‌ڵێن، گۆڕانێک به‌دی ده‌کرێت. له‌ هه‌ر مه‌سه‌له‌یه‌کدا گه‌ر هه‌ر چوارده‌وره‌که‌ت توندوتیژ بێت تۆ ده‌توانی مرۆڤدۆستانه‌ هه‌ڵسوکه‌وت بکه‌یت؟ بێگومان نه‌خێر، چوونکه‌ ته‌قله‌ت پێلێده‌ده‌ن و ده‌دۆڕێت.

 سڵاو و ڕێزی زیاترم قبووڵ بکه‌ 070207

Barez A. Shwan!

slaw,

1- nusinekay mn roji 3 mang darchwa.

2- taqinaway anthary shary Karkuk roji 4 mang ruy dawa.

3- hawrdny aw nmuneye bo awa bw ke aya abe bo aw mndala ke basar bloke shkawa kanda bazy hal ada boto che natawaeky haye?

4- mn peshtr la sar bordmanakany nato la yuguslawya ke xalky be difa dakane qorbany shtm nusiwa. daxo lawe nasitonalisti kam layenm?

5- lasar hershy Amrika bo sar afganstan harwaha.

Barez gyan, mejui buny puk w pdk awa nasretawa ke emro hawpeimany sanarioyeky rash la Eraqdan! hyva bastn ba ewan daxwzyakani xalky kurdistan be dinayet!

Hawiny par safarekm krd bo Kurdistan, raportem la sari nusiwa law brwaye dam nat biniwa, boti enerm.

lagal rezmda Reza


له‌پای چی ڕێبین هه‌ردی، بۆ له‌سێداره‌دانی سه‌دام حسه‌ین به‌داخه‌؟

?Lepay çî Rêbîn Herdî, bo lesêdaredanî Sedam Hseyn bedaxe

ڕووداوی له‌سێداره‌دانی دیکتاتۆر سه‌دام حسین، قسه‌وباسی فره‌ زۆری به‌م چرکه‌ساته‌شه‌وه‌ به‌دوای خۆیدا هێنا. دیاره‌ له‌م په‌یوه‌نده‌دا نووسه‌رانی کورد به‌باش و خراپیانه‌وه‌ هێنایه‌ په‌یڤین. ئه‌وه‌ی تا ئێستا جێی ڕامان و له‌سه‌ر وه‌ستانه‌، ئه‌و قسه‌وباسانه‌یه‌ که‌ ڕێبینی ئه‌حمه‌د هه‌ردی له‌دوو* شوێنی جیاوازه‌وه‌ ده‌ریبڕیوون.

له‌وانه‌یه‌ به‌شێکی زۆری دید و هه‌ڵسه‌نگاندنه‌کانی بۆ ئه‌و ڕووداوه‌ تا ئاستێک به‌لامه‌وه‌ په‌سه‌ند بێت. ئه‌وه‌ی جێی هه‌ڵویسته‌ و له‌سه‌ر ڕاوه‌ستانه‌ ئه‌و گومان دروستکردنه‌یه‌ له‌به‌رامبه‌ر دادگا و سیسته‌می دادپه‌روه‌ری به‌گشتی.

(...دادگا، به‌هێزترین ده‌سه‌ڵات بێت...قه‌ڵای سه‌ره‌کی پاراستنی مافی تۆمه‌تباران بێت... لای ڕێبین له‌وکاته‌وه‌ ئه‌وه‌ پرینسیبانه‌ پێشێل کرا که‌ دادوه‌ر ڕزگار له‌ژێر فشاردا دوورخرایه‌وه‌...)  به‌که‌مێک ده‌سکارییه‌وه‌ له‌گۆڤاری لڤین ژماره‌ 48 جه‌نیوه‌ری 2007 لاپه‌ره‌ 25، وه‌رگیراوه‌.

ئه‌و په‌یڤانه‌ له‌سه‌ر زه‌وی ناخوات، کێ هه‌یه‌ ئه‌وه‌ی ڕێبین هه‌ردی ده‌یڵێت و خوازیارییه‌تی پێی باش و چاک نه‌بێت؟ کێشه‌که‌ له‌وه‌ به‌رینتره‌.

کاتێک ئه‌مه‌ریکا هاته‌ نێو عێراق و کوردستانه‌وه‌، لای خۆمه‌وه‌ وتم مه‌منوونی ئه‌مه‌ریکا ده‌بم لایه‌نی که‌م له‌سه‌دا 25 که‌لتووری ڕۆژئاوایی ته‌تبیق بکات، بزانه‌ ئه‌و کاته‌ چ گۆرانێکی گرنگ له‌نێو کۆمه‌ڵگا ڕووده‌دات. ئه‌مه‌ له‌ئێستا و چه‌ند ساڵی داهاتووشدا ناکرێت و ئه‌نجام نادرێت، بڵێن چی و خۆڵی کوێ بکه‌ین به‌سه‌رماندا؟! کێشه‌که‌ له‌وه‌دایه‌  وه‌ک مارکسییه‌کان په‌له‌مانه‌، فه‌وری سه‌وریمان گه‌ره‌که.

با وای دابنێن هه‌موو ئه‌و شتانه‌ی ڕێبین پێی باشه‌ به‌ته‌واوی ده‌قاوده‌ق جێبه‌جێ ده‌کرێت؟ به‌ڵام، له‌کوێ و به‌سه‌ر کام که‌س؟ خۆ ناشیرین نییه‌، به‌گه‌مه‌ی سیاسی دیموکراتی و ده‌نگدان و هه‌ڵبژاردن، له‌فه‌له‌ستین و جه‌زائیر و میسر  بیشوبهێنین و به‌بیرخۆماندا بهێنینه‌وه‌، که‌ هێزه‌ ئیسلامییه‌کان چییان کرد؟ بینیمان له‌و هاوکێشه‌یه‌دا کێ بردییه‌وه‌؟ گه‌ر هه‌مان شت له‌مه‌سه‌له‌ی دادگایی سه‌دام و داروده‌سته‌که‌ی  ته‌تبیق بکرێت، به‌پاکانه‌ لێکنه‌درێته‌وه‌، بێگومان ئه‌و کات دادوه‌ر و پارێزه‌ر و شکایه‌تکار تاوانبار ده‌رده‌چن! ئه‌وه‌یش به‌ڕێشی کێ ڕه‌وایه‌؟

له‌به‌ر ئه‌وه‌ی ڕۆژهه‌ڵاتییه‌کان به‌گشتی ئاشنا نیین به‌که‌لتووری مۆدێرن و پێشکه‌وتوو، زۆر ئاساییه‌ تیوره‌کان وه‌ک ئه‌وه‌ی هه‌یه‌ ته‌تبیق نه‌کرێت و به‌لاڕێدا ببرێت، تۆ باسی شتێک بکه‌یت و بۆ شتێک هاتبیت ئه‌وه‌ی به‌رامبه‌رت مێش میوانی نه‌بێت و له‌خه‌یاڵی خۆدا بێت! سه‌ره‌ڕای ئه‌وه‌ هه‌زار لقوپۆپی لێده‌کاته‌وه‌ و ده‌یبات بۆ مه‌سه‌له‌ی تر. وه‌ک ئه‌وه‌ی سه‌دام  زۆر جار ده‌یویست ڕه‌وره‌وه‌ی دادگایی کردنه‌که‌ به‌ره‌و سیاسه‌ت و دژایه‌تی ئه‌مه‌ریکا و شتی تر به‌رێت! ئه‌مه‌ له‌کاتیکدا ئه‌و باسانه‌ هی ئه‌و شوێنه‌ نییه‌، ئه‌وانه‌شی هاتوون پسپۆری شتیکی ترن نه‌ک سیاسه‌ت. سه‌ره‌ڕای ئه‌وه‌یش نه‌ئه‌وه‌ی  له‌و ڕووداوه‌دا بینیمان و نه‌ئه‌وه‌ی ڕێبین هه‌ردیش ده‌یڵێت.... 070123
---------
* هه‌فته‌نامه‌ی ئاوێنه‌ی ژماره‌51 ڕۆژی 070109 لاپه‌ڕه‌ 18، ناونیشان: چاوپێکه‌وتن: لێره‌ به‌دواوه‌ هه‌موو به‌ره‌به‌یانی جه‌ژنێک، یادی له‌سێداره‌دانی سه‌دامه‌

گۆڤاری لڤین ژماره‌ 48 جه‌نیوه‌ری 2007 لاپه‌ره‌ 25، ناونیشان: له‌سێداره‌دانی سه‌دام و چه‌ند سه‌رنجێک

له‌ماڵپه‌ڕی ده‌نگه‌کان بڵاوبۆته‌وه‌


ماڵپه‌ڕی ئاوێنه‌ به‌دوای هه‌واڵی نادروسته‌وه‌یه‌!

!Mallperrî Awêne bediway hewallî nadirusteweye

ڕۆژی070121 کات8:58:18 له‌ ماڵپه‌ڕی ئاوێنه‌دا کورته‌ هه‌واڵێک بڵاوکراوه‌ته‌وه‌ به‌م ناونیشانه‌:  له‌ سێداره‌دانی‌ سه‌ركردایه‌تی‌ به‌عس به‌تۆڵه‌و ترس له‌ئاشكرابونی‌ راستی‌ تازه‌ له‌قه‌ڵه‌م ئه‌درێت

که‌ ده‌چیته‌ ناو هه‌واڵه‌که‌وه‌؛ ئه‌و ناونیشانه‌ هه‌ڵهێنجراوی ڕاپرسییه‌که‌ گوایه‌ له‌ ماڵپه‌ڕی سی ئێن ئێنی  ( CNN) ئه‌مه‌ریکییه‌وه‌ وه‌رگیراوه‌، به‌س خۆشبه‌ختانه‌ هه‌واڵنووسه‌که‌ له‌ ‌پاین هه‌واڵه‌که‌دا ئیعتبرای خۆی خستۆته‌ ژێر پرسیاره‌وه‌، به‌وه‌ی ئه‌و ئه‌نجامه‌ هی ڕاپرسی ماڵپه‌ڕه‌ ئۆرژیناڵه‌که‌ نییه‌، به‌ڵکوو هی نوسخه‌ عه‌ره‌بییه‌که‌یه‌تی.

ماڵپه‌ڕی ناوبراو،‌ به‌تایبه‌تی به‌شی ڕاپرسییه‌که‌ی له‌باری ته‌کنیکییه‌وه‌ ورد نییه‌، هه‌ر که‌سێک ده‌توانێت چه‌ند جار گه‌ر بیه‌وێت، بۆ مه‌به‌ستی خۆی کلیکی خاڵێک له‌ خاڵه‌کان بکات. به‌تایبه‌تی شوێنێکی وا که‌ زیاتر خوێنه‌ره‌کانی عه‌ره‌بن، له‌وانه‌شه‌ له‌و که‌سانه‌ بن که‌ ئاماده‌ نابن وه‌ک عه‌ره‌بێک کلیکی خاڵێک بکه‌ن دژی خۆیان بێت.

بۆیه‌ قه‌به‌کردنی هه‌واڵێکی وا ئیعتباری هه‌فته‌نامه‌یه‌کی به‌نێووده‌نگی وه‌ک ئاوێنه‌ دێنێته‌ خواره‌وه‌. 070121

ده‌قی ته‌واوی هه‌واڵه‌که‌ی ماڵپه‌ڕی ئاوێنه‌

به‌پێی‌ راپرسییه‌كی‌ سایتی‌ سی‌ ئێن ئێنی‌ ئه‌مه‌ریكی‌ كه‌ تاوه‌كو ئاماده‌كردنی‌ ئه‌م هه‌واڵه‌ 4081 كه‌س ده‌نگیان داوه‌ زۆرینه‌یان كه‌ ده‌كاته‌ 1750 ده‌نگده‌ر له‌سێداره‌دانی‌ سه‌دام‌وبه‌رزان‌و عه‌واد به‌تۆڵه‌ سه‌ندنه‌وه‌ و 1347 ده‌نگده‌ریش بۆ ڕێگه‌ گرتن له‌ ئاشكرابونی‌ راستی‌ تازه‌ ئه‌یده‌ن له‌قه‌ڵه‌م.

سی‌ ئێن ئێن: له‌ راپرسییه‌كه‌دا یه‌ك پرسیار كراوه‌، ئایا له‌ سێداره‌دانی‌ سه‌دام‌و به‌رزان چ پاڵنه‌رێكی‌ هه‌بووه‌؟ ده‌نگده‌رانیش به‌م شێوه‌یه‌ وه‌ڵامیان داوه‌ته‌وه‌.

تۆڵه‌كردنه‌وه‌: 43% كه‌ ده‌كاته‌ 1750 ده‌نگده‌ر

ڕێگه‌گرتن له‌ ئاشكرابونی‌ راستی‌ تازه‌: 33% كه‌ ده‌كاته‌ 1347 ده‌نگده‌ر

جێبه‌جێكردنی‌ یاسا: 20% كه‌ ده‌كاته‌ 810 ده‌نگده‌ر

شتی‌ تر: 4% كه‌ ده‌كاته‌ 174 ده‌نگده‌ر

ئه‌م ده‌نگدانه‌ به‌شی‌ عه‌ره‌بی‌ سایتی‌ سی‌ ئێن ئێن ڕێكیخستووه‌.


له‌یادی 4 ساڵه‌ی دامه‌زراندنیدا

Bo mallperrî Killawrrone

به‌داوای لێبووردنه‌وه‌ و به‌روخسه‌تی هێژا ساقی، هه‌ر له‌م بۆنه‌یه‌دا ده‌مه‌وێت ئه‌وه‌ بۆ تێبینی جاری پێشوو زیاد بکه‌م، که‌ زیاتر وه‌ک ده‌زانن ته‌کنیکییه‌، ئه‌ویش ئه‌مه‌یه‌.

گه‌ر خوێنه‌رێک بیه‌وێت له‌سه‌ر بابه‌تی که‌سێکی دی بنووسێت و خۆی له‌م ماڵپه‌ڕه‌دا ناونووس نه‌کردبێت، و ئه‌ندام نه‌بێت، ناتوانێت دیده‌کانی وه‌ک کۆمێنت له‌پاینی بابه‌ته‌که‌دا بنووسێت و بخاته‌ ڕوو. بۆیه‌ وا باشتره‌، کۆمێنت نووسین ئازاد بکرێت، وه‌ک هه‌ر ماڵپه‌ڕ و بلوگێکی دی که‌ له‌نێو جیهاندا هه‌یه‌.070120

ماڵپه‌ڕه‌که‌، زیندوویه‌تیی و گه‌رموگوڕی له‌ده‌ماره‌کانیدا قوڵپ ده‌دات، فه‌زڵه‌که‌شی بۆ خاوه‌نه‌که‌ی ده‌گه‌ڕێته‌وه‌ و کاتێکی زۆری خۆی بۆ ته‌رخان ده‌کات، هاوکات شاره‌زایی له‌بواری ئه‌لکترۆنات یارمه‌تیده‌رێکی باشه‌.

یه‌کی له‌ناشیرینیه‌کانی لێره‌دا به‌دی ده‌کرێت؛ ڕێگادانه‌ به‌دووباره‌کردنه‌وه‌ی بابه‌تی که‌سانێک، وای لێهاتووه‌ ماڵپه‌ره‌کوردییه‌کان هه‌موویان یه‌ک بابه‌تن له‌ژێر ناوی جۆراوجۆردا، دیاره‌ ئاستی هونه‌ری و دیزاین و مۆدێرێتیان له‌یه‌کێکه‌وه‌ بۆ یه‌کێکی تریان ده‌گۆڕێت.

به‌داخه‌وه‌ تایبه‌تمه‌ندی یه‌ک دوویه‌کیان نه‌بێت نابینرێت. چی کراوه‌ بۆ ئه‌وه‌ی هه‌ر ماڵپه‌ڕه‌ و کۆمه‌ڵێک نووسه‌ری له‌خۆی کۆکردبێته‌وه‌، و ته‌نها له‌وێدا بابه‌ته‌کانیان بڵاوبکه‌نه‌وه‌؟ ڕۆژانه‌ یه‌ک بابه‌ت بڵاوبێته‌وه‌ باشتره‌ له‌ده‌یه‌ها بابه‌تی سواو، به‌مه‌رجێک له‌شوێنی دیدا نه‌بینرێته‌وه‌، مه‌گه‌ر دوای شه‌ش مانگ.

نووسه‌رانێکی وا ته‌نها مه‌به‌ستیان فڕێدانی نووسین بێت، هاوکات ناردنی بۆ چه‌ند ماڵپه‌ڕێکی دی، بێ ئه‌وه‌ی هزری خوێندنه‌وه‌یان هه‌بێت، ده‌ستیان بچێته‌ پێنووس و لایه‌نی که‌م له‌سه‌ر ئه‌و هه‌موو مه‌سه‌لانه‌ وه‌ک کۆمێنت دیدی خۆیان ده‌ربڕن له‌کاتێکدا لێره‌دا ئه‌وه‌ فه‌راهه‌مه‌. ده‌بێت چییان لێچاوه‌ڕوان بکرێت! بۆیه‌ کۆنترۆڵکردنیان خراپ نابێت. 070114

کورده‌ کۆمۆنیسته‌کانی فینلاند دژی به‌ڕاپۆرتی بیکه‌ر هاملتۆن

 Kurde komonîstekanî Fînland dijî be raportî Bîker Hamliton

ئه‌مڕۆ هه‌ینی کاتژمێری 13.00 ڕێکه‌وتی 5ی 1ی 2007 لایه‌نگرانی کۆمۆنیستی کرێکاری که‌ ژماره‌یان 25 تا 30 که‌س ده‌بوون،  بۆ یه‌کلایی کردنه‌وه‌ی چاره‌نووسی مۆله‌قی کوردستانی باشوور و  دروستکردنی فشاری زیاتر، هاوکات بۆ ناڕه‌زایه‌تی ده‌ربڕین له‌هه‌مبه‌ر ڕاپۆرتی بیکه‌ر هاملتۆن، چوونه‌ به‌رده‌م باڵوێزخانه‌ی وڵاته‌ یه‌کگرتووه‌کانی ئه‌مه‌ریکا له‌هێلسنکی پایته‌ختی فینلاند

دوای قسه‌وباسێکی کورت و خوێنده‌نه‌وه‌ی یاداشتنامه‌یه‌ک که‌ به‌هه‌ردوو زمانی کوردی وئینگلیزی بوو، دوو کارمه‌ندی بالوێزخانه‌ هاتنه‌ لای جه‌ماوه‌ره‌که‌ و یاداشتنامه‌که‌یان لێوه‌رگرتن، په‌یمانیاندا بیگه‌یه‌ننه‌ باڵوێز، هه‌رچه‌نده‌ له‌وێ نییه‌ و چۆته‌وه‌ ئه‌مه‌ریکا بۆ سه‌ردان

جه‌ماوه‌ره‌که‌ ئه‌م دروشمانه‌یان به‌هه‌ردوو زمانی کوردی و ئینگلیزی ده‌ووته‌وه‌

- ئه‌مه‌یه‌ خواست هه‌مووان، ڕیفراندۆم بۆ کوردستان

نا بۆ بۆش و بیکه‌ر هاملتۆن، به‌ڵی بۆ ڕیفراندۆم بۆ کوردستان 070105