AbasShiwan2006 


 
 

کریستانه‌کانی کوردستانی باشوور، وه‌ک موسوڵمانان ڕه‌گه‌زپه‌رستن

ئه‌و به‌دوادا چوونه‌، له‌لایه‌نێکه‌وه‌ دروسته‌، له‌لایه‌نێکی دییه‌وه‌ نادروست! پێده‌چێت ئه‌م چاودێره‌ فره‌ هێژایه‌، سه‌ر به‌باڵێکی ده‌سه‌ڵاتی وه‌ک پارتی دیموکراتی کوردستان بارزانی بێت، بۆیه‌ ده‌فه‌رموێت:
(... له‌ دوای یه‌کگرتنه‌وه‌ی هه‌ردوو ئیداره‌ و که‌ڕانه‌وه‌ی شاری سلێمانی بۆ باوه‌شی هه‌ولێری پایته‌خت...)*!
گه‌ڕانه‌وه‌ی سله‌یمانی مانای چی؟!
ئه‌م ده‌ربڕینه‌ له‌فه‌رهه‌نگی ‌پارتییه‌ هزر وشکه‌کانه‌وه‌ سه‌رچاوه‌ ده‌گرێت!
یان ئه‌وه‌تا له‌هزری شارچێتییه‌وه‌ که‌ به‌ڕاستی هه‌رکه‌سێک ئاڵاهه‌ڵگری ئه‌و تێڕوانینه‌ بێت شه‌رمه‌زاری زیاتر هیچی تری به‌نسیب نابێت.

ئه‌و شه‌وه‌ی (
2006.12.25)کریستیانانی کوردستانی باشوور نه‌ک مه‌سیحی که ‌عه‌ره‌به‌کان به‌کاری ده‌هێنن و ئێمه‌ش له‌ئاخافتندا توتیانه‌ لاساییان ده‌که‌ینه‌وه،‌ له‌شاری هه‌ولێر گه‌ره‌کی عه‌ینکاوه‌،
که‌ناڵی ئاسمانی کوردستانتیڤی ڕاسته‌وخۆ، ڕێوڕه‌سمی ئه‌و یاده‌ی به‌جه‌ژنی دایکبوون ناسراوه‌، په‌خش ده‌کرد.
دیمه‌نی دانیشتنی هاوڵاتیانی ژن و پیاو دانیشتوو به‌جیای ناو هۆڵی کڵێسه‌که‌ سه‌رنجی ڕاکێشام!

له‌نێو کوردانی به‌ئایین ئیسلامدا، دیدێکی پۆزه‌تیف له‌به‌رامبه‌ر خه‌ڵکانی کریستیاندا هه‌یه‌، به‌وه‌ی ئه‌وان له‌باری کۆمه‌ڵایه‌تییه‌وه‌ که‌م کێشه‌ن و که‌متر جیایی له‌نێوان ژن و پیاودا ده‌که‌ن.
له‌نێو خۆیاندا میهره‌بان و ته‌بان و توندو تیژ نیین.
به‌ڵام، ئه‌و دیمه‌نه‌ شتێکی که‌مان پێده‌ڵێت؛ نه‌خێر!
ئه‌و دیده‌ له‌شوێنی خۆیدا نییه‌، به‌وه‌ی کریستیانه‌کانی دانیشتووی ڕۆژهه‌ڵاتی غه‌زه‌ب لینیشتوو، له‌م خاڵه‌ و زۆرتردا له‌گه‌ڵ موسوڵمانان جیاوازییان نییه‌،
ناکرێت خه‌سڵه‌تی پێشکه‌وتن به‌میان بدرێت و له‌ویان بسه‌ندرێته‌وه‌، یان ئه‌وه‌تا کریستیانه‌کان به‌پێی ئه‌وه‌ی له‌و وڵاتانه‌دا که‌مایه‌تین،
خۆشوترشیان بوێت که‌وتوونه‌ته‌ ژێر کاریگه‌ری هه‌ژمونی ئایینی ئیسلامی زاڵ، که‌ سه‌رتاپای ئایینه‌که‌ به‌ ئه‌نتی ژن ناسراوه‌.
061227
--------
* تکایه‌ بڕوانه‌ بابه‌تی: (له‌سایه‌ی ئازادی حکومه‌تی هه‌رێمدا، مه‌سیحیه‌کان به‌ عه‌ره‌بی قسه‌ ده‌که‌ن له‌ جیاتی کوردی)
ttp://www.kurdistanan.net/


پۆلیسی تورکی ڕۆژنامه‌نووسێکی فینلاندی لایه‌نگری کوردان ده‌ڕفێنن

ڕۆژی هه‌ینی 15ی12ی2006 له‌شاری وان ی کوردستانی باکووڕ پۆلیس کوردناس و رۆژنامه‌نووسی به‌نێوده‌نگی فینله‌ندی خانم کریستینا کۆیڤونێن (Kristiina Koivunen) ده‌ستگیر ده‌کات.
به‌پێی وته‌ی؛ باڵوێزی فینلاندی ماریا سێرێنیوکسێن (
Maria Sereniuksen ) ناوبراو بڕیار بووه‌ کریستینا بهێنرێت بۆ شاری ئه‌سته‌مبووڵ و له‌وێوه‌ بگه‌ڕێته‌وه‌ فینلاند. دیار نه‌ماوه‌ و بێسه‌روشوێن کراوه‌!
کریستینا قورسایی کاری خۆی له‌سه‌ر کوردانی باکووڕ داناوه‌، زۆر ڕاستی حاشاهه‌ڵنه‌گری له‌ڕاپۆرته‌کانیدا خستۆته‌ ڕوو بۆیه‌ له‌لایه‌ن حکومه‌تی تورکییه‌وه‌ نیشانه‌ی پرسیاری خراوه‌ته‌سه‌ر، کار به‌وه‌ گه‌یشتووه‌ چوون بۆ ئه‌و وڵاته‌ی لێ قه‌ده‌غه‌ کراوه‌.
پێده‌چێت تۆڵه‌ یان په‌یامێک بێت بۆ فینلاندییه‌کان که‌ له‌م کاته‌دا سه‌رۆکایه‌تی ئه‌ورووپای یه‌کگرتووی به‌ده‌سته‌وه‌یه‌،
له‌م خوڵه‌دا له‌سه‌ر کێشه‌ هه‌ڵپسێردراوه‌ زۆر و زه‌به‌نده‌کانی چوونه‌ نێو ئه‌و یه‌کێتییه‌وه‌ فشاری زۆر خرایه‌ سه‌ر تورکیا و کار به‌وه‌ گه‌یشت که‌ دایلۆگی له‌گه‌ڵیدا بووه‌ستێنرێت.
061215


تێکشکانی بته‌کانی ئیسلام

ماوه‌یه‌ک له‌مه‌وبه‌ر نازانم کام ماڵپه‌ڕ یان ڕژۆنامه‌ی ناوخۆی کورستانی باشوور بوو، بابه‌تێکم له‌سه‌ر هه‌مان وێنه‌ی محه‌مه‌دی ئامه‌ قوره‌یشی، پێغه‌مبه‌ری موسوڵمانان بینی.
ته‌رزه‌ جاف*، هه‌مان هه‌واڵمان بۆ باس ده‌کات، که‌ له‌وڵاتی ئێران بۆ یه‌که‌م جار بینیویه‌تی، پێده‌چێت نیگارکێشێکی ئه‌و وڵاته‌ کێشابێتی، به‌زۆری له‌ناوچه‌ کوردنشینه‌کاندا ده‌بینرێت، له‌به‌ر ئه‌وه‌ی له‌سه‌ر ئاینزای سوونین. نووسه‌ر، هاتووه‌ به‌راوردێکی له‌نێوان نیگاری عه‌لی کوری ئه‌بو تالیب، ئه‌م وێنه‌یه‌ کردووه‌. وه‌ک که‌سێک و نووسه‌رێکی سوونی گومانی له‌ڕاستی و دروستی وێنه‌که‌ی په‌یامبه‌ری موسڵمان پیشانداوه‌! دواتر به‌راوردی وێنه‌که‌ و ئه‌و وه‌سفه‌‌ جوانانه‌ی له‌نێو ژنانی هه‌ولێر بۆ ئه‌و زاته‌ هه‌یه‌ ،کردووه‌.

له‌م قسه‌وباسه‌ی خانم ته‌رزه‌ جافه‌وه‌، ده‌په‌رمه‌وه‌ بۆ جیهانی هونه‌ر، به‌تایبه‌تی بواری شێوه‌کار، به‌وه‌ی بۆ له‌مێژووی وڵاتانی ڕۆژهه‌ڵاتدا به‌تایبه‌تی ئه‌وانه‌ی له‌سه‌ر ئایینی ئیسلامن، به‌پێچه‌وانه‌ی ‌ئه‌ورووپاوه‌، گه‌شه‌ی نه‌کردووه‌، هونه‌رمه‌ند به‌تایبه‌تی شێوه‌کاری گه‌وره‌و گران ده‌رنه‌که‌وتووه‌؟

ئه‌ی بۆ وێنه‌ی پێغه‌مبه‌ری کریستانه‌کان (عیسا) کێشراوه‌ و هه‌یه‌ به‌ڵام هی محه‌مه‌دی موسوڵمانان نییه‌؟ بۆ له‌نێو ئاینزاکانی خودی ئیسلامدا به‌تایبه‌تی شیعه‌کان وێنه‌ی ئیمام عه‌لی هه‌یه‌ و زیاتر وه‌ک پێغه‌مه‌ریان وایه‌، که‌چی له‌لای سوونه‌کان وێنه‌ی محه‌مه‌د نییه‌؟ له‌م پرسیارانه‌وه‌ ده‌ڵێم؛ شیعه‌ له‌سوونییه‌کان، هه‌روه‌ها ئاینی کریستان له‌ئاینی ئیسلام کراوه‌ترن.

ئاینی ئیسلام، ئه‌نتی خه‌یاڵ بووه‌، خه‌یاڵیش سه‌رچاوه‌ی هونه‌ره‌، بۆیه‌ ئاساییه‌، نه‌ک کفره‌ وێنه‌ی محه‌مه‌د بکێشرێت، به‌ڵکوو، ڕێ له‌وه‌یش گیراوه‌، له‌بواره‌کانی ژیانی دیدا، هونه‌ر ده‌ورونه‌خشی هه‌بێت. ئه‌و ڕه‌وشه‌ و کۆنترۆڵه‌ ئایینیه‌ تونده‌ درێژ بۆته‌وه‌ بۆئه‌م سه‌رده‌مه‌، له‌سیسته‌می په‌روه‌رده‌دا وانه‌کانی هونه‌ر بێبایه‌خ و له‌نرخی نه‌بواندایه‌.

کۆمه‌ڵگا ئیسلامییه‌کان، کوژراوی ئه‌و دیده‌ن که‌ هه‌موو دیارده‌کانی نێو ژیان له‌چاوی ئاینییه‌وه‌ هه‌ڵده‌سه‌نگینن، به‌پێچه‌وانه‌وه‌‌، ئایین ده‌بێت یه‌ک خاڵ بێت له‌نێو خاڵاندا نه‌ک هه‌موو خاڵه‌کان.
بڵاوبونه‌وه‌ی وێنه‌ی محه‌مه‌د، گه‌ر هاتوو له‌ئه‌نجامی ململانێی ئاینزای شیعه‌ و سوونی سه‌رچاوه‌ی گرتبێت یان هه‌ر ململانێیه‌کی تر، هه‌نگاوێکه‌ به‌ئاڕاسته‌ی کرانه‌وه‌ و تێکشکاندنی کۆتێک له‌و کۆته‌کانه‌ به‌رینی به‌خه‌ڵکی موسوڵمان گرتووه‌.
061119

--------
* ناونیشانی بابه‌ت: وێنه‌كه‌ى (( حه‌زره‌تى موحه‌مه‌د)) د.خ و هه‌ڵوێسته‌یه‌ك. لێره‌دا (
http://www.klawrojna.com)بڵاوبۆته‌وه‌.


هیشام ئاکره‌ی،  ده‌چێت به‌گژ قوله‌ی قافدا

هێژا هیشام ئاکریی، دووباره‌ هاته‌وه‌ په‌یڤین*، به‌ناڕسته‌وخۆ وه‌ڵامی یه‌کدوو که‌سی داوه‌ته‌وه‌ که‌ مه‌سه‌له‌ی زمانی ستانداریان وروژان. دیاره‌ ئه‌م جاره‌یان به‌نه‌فه‌سێکی ئارامتره‌وه‌ ده‌ئاخافێت.
ئه‌م فره‌ هێژایه‌، له‌وه‌ گریگرتووه‌ که‌ ده‌سه‌ڵات له‌کوردستانی باشوور، خه‌ریکی یه‌کلایکردنه‌وه‌ی یه‌کێک له‌و پرسه‌ گرنگانه‌ی میلله‌ته‌که‌یه‌، که‌ ئه‌ویش زمانی یه‌کگرتووه‌.
به‌پێی ئه‌و هه‌لومه‌رجه‌ی له‌و ناوچه‌یه‌ هاتۆته‌ کایه‌وه‌، تا ئاستێک، مێژوو کرده‌ و ساغ بۆته‌وه‌ ئه‌ویش هه‌ژموونی شێوه‌زاری سۆرانییه‌، که‌ ببێته‌ زمانی فه‌رمی. بێگومان گاڤێکه‌ به‌ئاراسته‌یه‌کی درووست، مایه‌ی خۆشحاڵی هه‌ر که‌سێکی نه‌ته‌وه‌ییه‌.
وه‌ک له‌شوهره‌ته‌که‌یدا دیاره‌، بۆته‌ جێی سه‌رسووڕمان ئه‌و هێژایه‌ خه‌ڵکی ده‌ڤه‌ری بادینان باژێری ئاکرێیه‌. که‌واته‌ وه‌ک خۆی ده‌ڵێت زمانی شیریی بادینییه‌، که‌چی به‌سۆرانی ده‌نووسێت! پارادۆکسێکی سه‌یره‌! بۆ دژایه‌تی کردن به‌م شێوه‌زاره‌ ده‌نووسێت و ده‌په‌یڤێت و به‌وتنه‌وه‌ی وانه‌ی کوردی پاره‌ی پێپه‌یدا ده‌کات. شه‌رمنانه‌ ناڕه‌زایه‌تی ده‌رده‌بڕێت! ناشچێت به‌شێوه‌زاری بادینی- کرمانجی بنووسێت، که‌زمانی دایکییه‌تی!
ئه‌و دایڵۆگه‌ی هه‌نووکه‌ و به‌م شێوه‌زاره‌ به‌ڵگه‌ی ئه‌وه‌یه‌، له‌کوردستانی باشووردا، زمانی ستاندار، شێوه‌زاری سۆرانییه‌، وه‌ک هه‌ولێرییه‌کان ده‌ڵێن؛ ئیتر ئه‌م گاره‌گاره‌ چییه، بۆ کڕ نابن؟
خاڵێکی دی جێی سه‌رنجه‌ ئه‌ویش هێنانه‌وه‌ی نموونه‌یه‌کی وه‌ک نه‌رویج و زمانی یه‌کگرتوویان نییه‌ و به‌دوو شێوه‌زار کاری خۆیان مه‌یسه‌ر ده‌که‌ن. ته‌شبیه نه‌بێت هێنانه‌وه‌ی نموونه‌یه‌کی دانسقه‌ی وه‌ک نه‌رویج، ڕێک وه‌ک دۆڕاوه‌که‌ وایه‌ نه‌ڵێ به‌وانێکمه‌وه‌، شه‌ق ده‌بات. ئاخر حه‌قد و نابینایی تا ئه‌و ڕاده‌یه‌، له‌پای چی؟ له‌نێو ده‌یه‌ها وڵاتی ئه‌ورووپادا هاتووه‌ نیشتۆته‌وه‌ به‌سه‌ر نموونه‌یه‌کی سه‌قه‌ته‌وه‌! به‌ڵام ده‌بێت سوپاس گوزاری بکه‌ین ئه‌و حاڵه‌ته‌ شازه‌ی پێناسانین!
نه‌بێته‌ شه‌ڕی نێوان پارتی دیموکراتی کوردستانی عێراق و یه‌کێتی نیشتمانی کوردستانی عێراق، بێئه‌ده‌بیش نه‌بێت، وه‌ک ئه‌و دێڕه‌ کۆنه‌ی مه‌سعود بارزانی وایه‌ که‌ فه‌رمووبووی؛ گه‌ر شۆڕشمان پێنه‌کرێت، ده‌توانیین تێکی بده‌ینه‌وه‌!
هیوادارم ئه‌و هزره‌ ته‌نها له‌به‌رامبه‌ر دوژمنانی میلله‌ته‌که‌ماندا به‌کار بهێنرێت.
061129
----------
* بڕوانه‌ ناونیشانی بابه‌ته‌که‌ (به‌ناو زمانزانانی ئێمه‌ش سیاسه‌تمه‌دارن و هانده‌ری به‌گژاچوونن) که‌ له‌ماڵپه‌ڕی (
Kurdistan News Daily ) بڵاوبۆته‌وه‌.
کات و ڕۆژی (
11/29/2006 9:04:25 AM) په‌خشکردنی. ناونیشانی به‌سته‌ره‌که‌ی:
http://www.knewsdaily.net/knews/content.asp?contentid=1046
هه‌مان بابه‌ت له‌م ڕۆژ و کاته‌دا
(Wednesday, 29.11.2006, 12:10am (GMT
)
لێره‌شدا بڵاوکراوه‌ته‌وه‌:
http://www.kurdistanan.net/index.php?mod=article&cat=hishamakreyi&article=2380

wellamêkî kurt:
boye be soranî denûsim ta weko kesanî wek cenabit ke teynya soranî dezanin têbigen û hallî bin ...
chonke lay zor kesî wek cenabit kirmancî (ferensî ) ye soran wetenî.....


له‌وه‌ڵامی کۆمێنتێکدا؛ ڕمل لێدان

وه‌ک کرمانجییه‌کانی کوردستانی باشوور ده‌فه‌رموون؛ سه‌یدا هیشام ئاکریی، که ‌له‌وشه‌ی عه‌ره‌بی سه‌ید وه‌رگیراوه‌، به‌و کۆمێنته‌م قه‌لس و بێزار بووه‌، وه‌ک باوه‌ ده‌بوایه‌ به‌کۆمێنتێکی جیا، که‌چی هاتووه‌ وه‌ک په‌راوێزێک له‌پاین نووسینه‌که‌مدا کورته‌ وه‌ڵامێکی نووسیوه‌.
هێنده‌ تووڕه‌ بووه‌! له‌و چه‌ند دێره‌دا دوو جار وشه‌ی جه‌نابی بۆم به‌کارهێناوه‌! ئه‌وه‌ به‌هه‌ر حاڵ، قابیل فه‌رامۆش کردنه‌.
ئه‌وه‌ی عه‌یب و شووره‌ییه‌ ئه‌و بیانوه‌ لاوازه‌یه‌، گوایه‌، بۆیه‌ به‌شێوه‌زاری سۆرانی ده‌نووسێت، چوونکه‌ به‌نده‌ کرمانجی تێناگات و وه‌ک خه‌ڵکه‌ ئاساییه‌که‌ به‌و شێوه‌زاره‌ ده‌ڵێم فه‌ره‌نسی!
ئه‌و تۆمه‌ته‌ نیشانه‌ی غه‌ره‌ز پیسی زیاتر هیچی تر نییه‌. ئه‌وه‌ی له‌کۆمێنته‌که‌دا ده‌رمبرێوه‌، پێده‌چێت ڕاست بێت و ده‌ستی بێگانه‌ له‌پشت ئه‌م به‌رگریکردنه‌وه‌یه‌ بێت! ئه‌گه‌ری دووه‌م: یان ئه‌وه‌تا هزری ناوچه‌گه‌رێتی هێنده‌ به‌هێزه،‌ به‌داخه‌وه‌، که‌مئه‌ندامی کردووه‌!
به‌کورتی، بۆ ئه‌وه‌ی نیاز پاکی له‌م مه‌سه‌له‌یه‌دا (زمانی ستاندار) بۆ خه‌ڵکی به‌تایبه‌تی هه‌ڵبژارده‌ (نوخبه‌)ی کۆمه‌ڵگای کوردی باشوور ده‌ربخرێت، پێشنیاری لابردنی ئه‌و پاشگره‌ (ئاکره‌یی)ی به‌چه‌سپی دووقولی به‌خۆیه‌وه‌ ناوه‌، ده‌که‌م. ئه‌و کات با که‌ره‌مکات بۆ‌ پای دایلۆگ، له‌گه‌ڵ ئه‌وپه‌ڕی ڕێزمدا.
061130

شێوه‌زاری سۆرانی، زمانی ستانداره‌

هێژا هیشام ئاکره‌یی، ڕۆژی
17ی11ی2006
به‌م ناونیشانه‌: (لایه‌نگرانی زاراوه‌ی سۆرانی به‌ بیانۆی زمانی یه‌کگرتووی کوردی کورد له‌تله‌ت تر)** نووسینێکی به‌رگری ئامێزی له‌سه‌ر ئاریشه‌ی زمانی یه‌کگرتوو بڵاوکردۆته‌وه‌.
به‌و ناونیشانه‌دا وا دیاره‌ به‌ڕێزی له‌خه‌ڵکانی دی خه‌مخۆرتره‌، گوایه‌ ئه‌و قسه‌وباسانه‌ی ماوه‌یه‌که‌ له‌لایه‌ن چه‌ند هێژایه‌که‌وه‌ ده‌کرێت و بڵاوده‌کرێنه‌وه‌، ئاو کردنه‌وه‌ به‌ئاشی له‌تله‌تکردندا!کام له‌تله‌تکردن؟
بۆ چیمان هه‌زار پارچه‌ نییه‌؟ بۆ خۆی هاتنه‌ وه‌ڵام به‌و نه‌فه‌سه‌وه‌، پێچه‌وانه‌ی بانگه‌شه‌که‌ی ده‌که‌وێته‌وه‌‌!
نازانم هیشام ئاکره‌یی، خۆی بۆ وا لا گه‌وره‌ کردووین، بێزی نایه‌ت ناوی ئه‌و به‌ڕێزانه‌ بێنێت که‌ وروژێنه‌ری مه‌سه‌له‌که‌ن! تا ده‌گات به‌وه‌ خۆی به‌ده‌زگایه‌کی گه‌وره‌وگرانی وه‌ک کۆڕی زانیاری کوردی بشوبهێنێت، و ده‌ڵێت:
(... ئه‌م بابه‌ته‌م زیاتر وه‌ڵامدانه‌وه‌یه‌ بۆ کۆی ئه‌و شتانه‌ی له‌م ماوه‌یه‌دا نووسراون ....).
ماڵ ئاوه‌دان، وا ده‌زانێت خه‌ڵکی به‌په‌یڤی ئه‌و هه‌ڵده‌په‌رن و یه‌کسه‌ر ده‌یکه‌نه‌ پراتیک، نازانێت نوزه‌یه‌که‌ له‌نێو هه‌زاره‌ها نووزه‌، ئه‌ویش گه‌ر خوێنه‌ری هه‌بێت.

ئه‌م فره‌ هێژایه‌، جۆرێک سه‌رلێشێواوی به‌بۆچوونه‌وه‌کانی دیاره‌، کێشه‌یه‌ی زمانی یه‌کگرتووی کوردی، تایبه‌تمه‌ندی باشووری کوردستان ناسراو به‌کوردستانی عێراقه‌، نه‌ک کێشه‌ی سه‌رجه‌م پارچه‌کانی دی. خۆشمان یان ترشمان بوێت ده‌بێت دان به‌و ڕاستییه‌دا بنێین ئێمه‌یش وه‌ک عه‌ره‌به‌کان چه‌ند کوردستانمان هه‌یه‌، که‌واته‌ نه‌ته‌وه‌که‌مان له‌چه‌ند گه‌ل پێکهاتووه‌!
ئه‌و هزره‌ی داوای کوردستانی گه‌وره‌ ده‌کات به‌داخه‌وه‌ ته‌شبیه نه‌بێت، له‌و دروشمه‌ گاڵته‌جاڕییه‌ی پارتی به‌عسی عه‌ره‌بی ده‌چێت، که‌ ده‌ڵێت ئومه‌ عه‌ره‌بییه‌ واحیده‌ زات ڕیساله‌ خالیده‌، و وێنه‌ی نه‌خشه‌یه‌کی وڵاته‌ عه‌ره‌بییه‌کانی له‌گه‌ڵدایه‌!

وه‌ک هاوپێج له‌سه‌ر هه‌مان بابه‌ت، بۆ ڕۆشنترکردنه‌وه‌ی دیدم له‌کات و ساتێکی دیدا
061116
ئه‌م به‌دواداچوونه‌ دووباره‌ ده‌که‌مه‌وه‌‌:

موحسن جوامير، ماوه‌یه‌که‌ له‌ماڵپه‌ر و ڕۆژنامه‌کانی ناوه‌وه‌ی وڵات هه‌ڵمه‌تیکی له‌سه‌ر زمانی کوردی ده‌ست پێکردووه‌، دواهه‌مین بابه‌تی به‌ناونیشانه‌که‌یدا ( عه‌ره‌به‌كه‌ پیی وتم " زۆرم حه‌ز لیێیه‌ فێرى كوردى بم وه‌لی به‌كام له‌هجه‌) ** جێی سه‌رنجم بوو.
ئه‌وه‌ی ئه‌م به‌ڕێزه‌ی نیگه‌ران کردووه‌ ئه‌و ده‌نگ به‌رزکردنه‌وه‌ی چه‌ند شێوه‌زارێکی نێو زمانی کوردییه‌، پاش ئه‌و بڕیاره‌ گرنگه‌ی په‌رله‌مان دێت؛ به‌وه‌ی یه‌کێک له‌شێوه‌ زاره‌کانی کرمانجی خواروو، ناسراو به‌سۆرانی کردووه‌ به‌زمانی فه‌رمی و ستاندار له‌داموده‌زگاکانی باشووری کوردستاندا.

ئه‌و بڕیاره‌، وه‌ک هه‌ر شتێکی دی ڕه‌نگداوه‌ی دروستکرد. لێره‌ و له‌وێ ناڕه‌زایه‌تی له‌شێوه‌ی جۆراوجۆر ده‌ربڕا، ژماره‌یه‌ک داموده‌زگای ده‌ڤه‌ری بادینان موخاله‌فه‌تی خۆیان ده‌ربڕی، هاوکات شێوه‌زاری هه‌ورامانیش هاتنه‌ په‌یڤین، له‌وانه‌یه‌ شێوه‌زاره‌کانی دیش بێنه‌ نێو ئه‌و بازنه‌یه‌وه‌‌.

به‌ڵام، گه‌ر بڕیارێکی وا ڕێژه‌ی موخالفینی هێنده‌ بێت، زۆر ئاساییه‌، نابێته‌ هۆی چاوپیابخشانه‌وه‌، بڕیاره‌که‌ ڕابگرێت. له‌و بڕوایه‌دام کێشه‌ی زمانی ستاندار بڕاوه‌ته‌وه‌، چوونکه‌ ئه‌وه‌ هه‌ر له‌خۆوه‌ نه‌هاتووه‌، مێژووه‌یه‌ک چێیکردووه‌، گه‌ر له‌باری جوگرافییه‌وه‌ بڕوانین، هه‌رێمی کوردستان چوار پارێزگایه‌، سێیانیان که‌رکوک، سله‌یمانی، هه‌ولێر
هه‌ر له‌سه‌ره‌تای چێبوونی ده‌وڵه‌تی عێراق به‌شێوه‌زاری وه‌ک ده‌ڵێن به‌سۆرانی ده‌په‌یڤن و ده‌نووسن. ئه‌و مێژووه‌ هه‌روا به‌ئاسانی ته‌سلیم نابێت، جێگیر بووه‌ و ترسی نییه‌.
ئیتر زۆر ئاسایه‌ به‌شێک له‌خه‌ڵکی داینشتووی ده‌ڤه‌ری بادینان نه‌یانه‌وێت ئه‌و بڕیاره‌ جێبه‌جێ بکه‌ن، به‌کاوه‌خۆ دێنه‌ سه‌رقناعه‌ت.
وه‌ک باگراوه‌ندێک ئاوڕ له‌دواوه‌ بده‌ینه‌وه‌؛ به‌داخه‌وه‌ کۆنیش ئه‌و ده‌ڤه‌ره‌ له‌بری خوێندن به‌شێوه‌زاری سۆرانی که‌ زۆربه‌ی کتێبه‌کانی قوتانخانه‌کانی پێ چاپکرابوو، ئه‌وان، خوێندنی زمانی عه‌ره‌بیان هه‌ڵبژارد!

موحسن جوامير، ئه‌و ناونیشانه‌ ئیستیفزازییه‌، بیری دید و دێڕێکی ناشیرین و غه‌ره‌زاوی هاوشێوه‌ی سه‌رانی داگیرکه‌ری کوردستان بیر ده‌هێنێته‌وه‌، ده‌بوایه‌ پێت بفه‌موویایه‌؛ زمانی ستاندار له‌هه‌ریمی کوردستان شێوه‌زاری سۆرانییه‌ نه‌ک شتیکی دی، بێ چه‌ند و چوون خۆت فێر بکه‌.
له‌لایه‌که‌وه‌ ئه‌و پرسیاره‌ دروسته‌، چوونکه‌ کورد، دابه‌ش بووی چه‌ند وڵاته‌، بۆیه‌ ئاساییه‌ که‌سانی بێگانه‌ بڵێن؛ کوردی کرمانجی و کوردی سۆرانی. ده‌بێت بۆیان ڕونبکرێته‌وه‌ که‌ هه‌رپارچه‌یه‌ و تایبه‌تمه‌ندی خۆی هه‌یه‌.
061117

-----------
* ئه‌و بابه‌ته‌ له‌ماڵپه‌ڕی ده‌نگی سه‌ربه‌خۆ
http://www.kurdistanan.net بڵاوکراوه‌ته‌وه‌.
** ئه‌و بابه‌ت و ناونیشانه‌ لێره‌دا
http://www.klawrojna.com
بڵاوکراوه‌ته‌وه‌.
دواتر له‌کوردستانی باشوور ڕۆژنامه‌ی ئاسۆ(
http://www.xandan.com/ArchivX/Archiv-Aso/no-304/p8.pdf) دووباره‌ کرایه‌وه‌.

جاش عیلمانی - سکۆلار

له‌مانگنامه‌ی پێگه‌ی ژماره‌ 64 ی ڕۆژی 10ی10ی2006 لاپه‌ره‌ 5 دا، بابه‌تێک به‌ناونیشانی: مه‌ریوان هه‌ڵه‌بجه‌یی یان مه‌ریوانی ته‌زویر چیی..؟ بڵاوکراوه‌ته‌وه. دوو که‌س به‌ناوی ته‌نیا نوری و دڵشاد قه‌ره‌داغی وه‌ک له‌ناونیشانه‌که‌یدا دیاره‌ به‌به‌ڵگه‌وه‌ هه‌ڵساون به‌ئاشکراکردنی چه‌ند کارێک شاراوه‌ی خاوه‌ن په‌رتووکی جه‌نجاڵئامێزی سێكس و شه‌رع و ژن له‌ مێژووى ئيسلامدا.
تا ئه‌وه‌ جێگه‌یه‌ی به‌ مه‌ریوان ده‌گه‌ڕێته‌وه‌ ورده‌کاری ئه‌و مه‌سه‌له‌ وروژێنراوه‌، که‌م تا زۆر مافم نییه‌ به‌شداری بکه‌م و خودی نووسه‌ر خاوه‌ن قه‌له‌مێکی به‌بڕشته‌ و ده‌توانێت وردتر وه‌ڵام بداته‌وه‌.هێنده‌ی بزانم کورته‌ وه‌ڵامێکی له‌ماڵپه‌ڕی کوردستاننویز
http://www.knewsdaily.net/knews
بڵاوکردۆته‌وه‌‌.

له‌یه‌ک خاڵدا بۆم هه‌یه‌ له‌و کێشه‌یه‌دا بپه‌یڤم و داوه‌ری بکه‌م له‌سه‌ری ‌، ئه‌ویش ئه‌وه‌یه‌: ئاشکراکردنی ئه‌و نهێنی که‌سایه‌تییه‌کی به‌نێووده‌نگی وه‌ک هێژا مه‌ریوان له‌خزمه‌تی کێدایه‌؟ به‌تایبه‌تی ئه‌وێک به‌پله‌ی یه‌که‌م بزافی ئیسلامی سیاسی به‌هه‌موو ته‌وژمه‌کانییه‌وه‌، له‌سه‌ر ئه‌و په‌رتووکه‌ی ده‌ریکرد و جه‌نجاڵێکی سیاسی کۆمه‌ڵایه‌تی به‌دواخۆیدا هێناو و بووه ما‌یه‌ی ئاواره‌بوونی نووسه‌ر، ئیتر ئه‌و دوو نووسه‌ره‌ و ته‌نانه‌ت خودی مانگنامه‌ی پێگه‌ خۆشیان بوێت و ترشیان بووێت وه‌ک له‌خیتابی نووسینه‌که‌دا دیاره‌ عیلمانیش بن کاره‌که‌یان ده‌چێته‌ گیرفانی بزافی ئاماژه‌ بۆکراوه‌وه‌. گه‌ر وایش نه‌بێت ده‌کرێت به‌جۆرێکی دی بخوێنرێته‌وه‌ به‌داخه‌وه‌ به‌رتیل و خۆنزیککردنه‌وه‌یه‌که‌ ئیتر به‌ئامانجی جیاواز ئاشکرا و نهێنی له‌بزافی ناوبراو! له‌وانه‌یه‌شه‌ بڵاوکردنه‌وه‌ی بابه‌تێکی وا گه‌ر ناوی لێبنرێت سه‌بقی رۆژنامه‌وانی، به‌خاتری ئه‌وه‌ بێت، بڵاوکراوه‌که‌ ببێته‌ جێی سه‌رنجی خه‌ڵکی و به‌و هۆیه‌شه‌وه‌ باشتر بناسرێت و ژماره‌یه‌کی باشی له‌ئێستا و داهاتوودا لێ بفرۆشرێت.

گرێنتی ‌له‌سه‌ر مرۆڤه‌ ڕۆژهه‌ڵاتییه‌کان ناکرێت، به‌داخه‌وه‌ ئه‌وانه‌ی نیشته‌جێێ ئه‌وێن، به‌ڕێژه‌یه‌کی که‌م نه‌بێت ئه‌گینا سه‌رجه‌م نوقمی گێژاوێکی پڕ مه‌ترسیداری وا بوون، کاری وایان لێده‌وه‌شێته‌وه‌ موچوڕکه‌ به‌سه‌رتاپای له‌شدا ده‌هێنێت، بۆیه‌ زۆر ئاساییه‌ له‌پێناو هه‌ڵه‌یه‌کی بچووکدا تاوانێکی گه‌وره‌ت له‌به‌رامبه‌ردا بکه‌ن.
ئه‌و دوو ڕۆژنامه‌نووسه‌، به‌ر له‌چوونه‌ نێو باسه‌که‌یانه‌وه‌ پێشه‌کییه‌کیان نووسیوه‌، جێی سه‌رسووڕمانه‌ ئه‌وانه‌ ڕووی ده‌میان له‌کێیه‌؟ وا خۆ پیشان ده‌ده‌ن که‌ له‌ئێمه‌مانان سکۆلارترن بۆیه‌ ده‌فه‌رموون:(...کۆمه‌ڵگای کوردی له‌به‌ر ئه‌وه‌ی، خاوه‌نی عه‌قلیه‌ت و که‌لتورێکی خێڵه‌کی و ئاینییه‌...) ئه‌مه‌یان بۆیه‌ ده‌ربڕیوه‌ تا بیانوویه‌ک بده‌ن به‌خۆیان و ئێمه‌مانانیش بخه‌نه‌ نێو بازنه‌ی دیوه‌خانی خێڵ و عه‌شیره‌ته‌وه‌! گوایه‌ به‌تاڵین ، حازرخۆری به‌رسێبه‌رین خۆماندوو ناکه‌ین تا داهێنان بده‌ین به‌ده‌سته‌وه‌ و له‌سه‌ر پاشه‌رۆکی خه‌ڵکی دی ده‌ژین: (...باری ڕۆشنبیری لاواز بووه‌ و هه‌میشه‌ خاوه‌نی ڕۆشنبیریه‌کی پاشکۆ بووه‌ و خۆی نه‌یتوانیوه‌ تێکست به‌رهه‌م بهێنێت...) ئه‌م په‌یڤانه‌ زۆره‌ بۆ قه‌باره‌یان له‌ده‌ربڕینه‌کانی ڕۆشنبیرێکی وه‌ک به‌ختیار عه‌لی ده‌چێت، بۆ سه‌ره‌کۆنه‌ی ئێمه‌ تووتیئاسا هێنراوه‌ته‌وه‌!!

هه‌ر به‌وه‌وه‌ ناوه‌ستن جامی تووڕه‌ییان زیاتر به‌سه‌رماندا داده‌بارێنن ده‌ڵێن: (...که‌ڵکه‌ڵه‌ی به‌رژه‌وه‌نده‌کانی خۆیان بکه‌ن و بۆ ئه‌و کاره‌ش سڵیان له‌هیچ شتێک نه‌کردۆته‌وه‌ و هه‌ر ڕۆژه‌ی له‌سه‌ر په‌تێک یاریان کردووه‌ و مافی خه‌ڵکی تیان پێشێل کردووه‌...) ئاخر خواتان بێت کام به‌رژه‌وه‌ندی و کام په‌تپه‌تێن و کام مافی خه‌ڵک؟
ئاخر خۆ که‌سێکی وه‌ک من تا له‌کوردستان ده‌ژیام، خاوه‌ن زۆر شت بووم ، له‌وه‌تی هاتوومه‌ته‌ ده‌ره‌وه‌ یان ڕاستتر ڕاویان نام، کرێچیم و تا ڕۆژێ کار ده‌ست ده‌که‌وێت دوو ڕۆژ بێکارم. له‌سه‌ر یه‌ک په‌تیش بازیم کردووه‌، وه‌ستی ئه‌ده‌بی کوردستان به‌تایبه‌تی باژێڕی سله‌یمانی له‌کۆتایی ساڵانی
1991 تا 1996
باش ده‌زانن چی بووم و چی نه‌بووم و شاهیدحالن. ئه‌وه‌ی هه‌یه‌ وه‌ک وه‌ک هاوڵاتی و خاوه‌ن پێنووسێک به‌هه‌وڵ و ته‌قه‌لای خۆم ناوێکم پچڕیوه‌ و له‌سه‌ر حساب و مافی که‌سی تر نه‌بووه‌ و نییه‌.

دوای ئه‌وه‌ به‌خۆیانه‌وه‌ ڕاناوه‌ستن هه‌وڵ ئه‌ده‌ن ڕۆشنبیرانمان لێهانبده‌ن: (....ڕۆشنبیان و نووسه‌رانی ئێمه‌ خۆیان دووره‌ په‌رێز گرتووه‌ له‌قسه‌کردن، له‌سه‌ر ئه‌و که‌سانه‌ و ده‌رخستنی ماهییه‌تیان....) دواتر زیاتر ده‌یترشێنن به‌ (..گورنه‌ته‌ڵه‌...) و درێژکراوه‌ی نووسه‌رانی به‌عس ده‌مانشوبهێنن! بوختانێکی گه‌وره‌یش ده‌که‌ن وه‌ک ئۆپۆزسیۆنی چه‌پ و ئیسلامی ڕادیکاڵ ده‌په‌یڤن؛ گوایه‌ ده‌سه‌ڵاتی کوردی پشتوپه‌نمان بووه‌! له‌بێخه‌به‌ران که‌شکه‌ک سڵاوات! ئه‌وسا وه‌ک ڕۆژنامه‌نيسێکی چه‌پ و ڕادیکاڵ نه‌ک دژی ته‌وژمی ئیسلامی به‌ڵکوو دژی ده‌سه‌ڵاتیش بووم، له‌و پێناوه‌دا بۆ ماوه‌ی 12 ڕۆژ له‌ئاسایشی یه‌کێتی نیشتمانی کوردستان زیندانی کرام. پارادۆکسه‌که‌ له‌وه‌دایه‌ بۆ مێژوو، جارێکی دی زۆر به‌کورتی ئاشکرای ده‌که‌مه‌وه‌؛ چه‌ند ئه‌فرادێکی ئیسلامییه‌کان به‌هاوکاری چه‌ند ئه‌فرادێکی یه‌کێتی، به‌هاندانی بزووتنه‌وه‌ی ئیسلامی کوردستان ویستیان تیرۆرم بکه‌ن، به‌ر له‌ئه‌نجامدانی کاره‌که‌ ده‌زگا زانیاری به‌هۆی مه‌ڵبه‌ندی سله‌یمانی یه‌کێتی نیشتمانی کوردستانه‌وه‌ ئاگاداریان کردمه‌وه‌ و له‌چه‌قۆی تیرۆر ڕزگارم بوو.

ئه‌وه‌ی جێی سه‌رنجم بوو له‌په‌ره‌گرافی چوارهه‌م به‌ده‌قیقی له‌ستونی یه‌که‌م دا، که‌وانه‌یه‌کیان بۆ به‌نده‌ کردۆته‌وه‌، منیشیان گلاندۆته‌ نێو کێشه‌که‌وه‌ به‌م شێوه‌یه‌: (... ئه‌م ڕه‌وته‌، به‌عه‌باس شوان ده‌ستی پێکرد و دوایی هاته‌ سه‌ر کازیوه‌ سالح....دواین هه‌نگاویش مه‌ریوان هه‌ڵه‌بجه‌ی بوو...)
هه‌رچۆن به‌راوردی له‌نێوان من و کازیوه‌ و مه‌ریوان بکرێت وه‌ک هه‌لومه‌رج و سه‌رده‌م و کێشه‌کانمان یه‌کناگرینه‌وه‌ و جیاوازین، مه‌گه‌ر له‌دوو خاڵدا وه‌ک یه‌کبین، ئه‌وه‌ی پێکه‌وه‌ گرێی داوین و کۆیکردووینه‌ته‌وه‌ هزری ئه‌نتی ته‌وژمی ئیسلامی‌ سیاسی بووه‌‌. هه‌روه‌ها ئه‌وه‌ ته‌وژمی ئیسلامی سیاسییه‌ ئێمه‌ی له‌زێدی خۆمان ڕاوناوه‌ته‌ ده‌ره‌وه، نه‌ک شتێکی تر.

سه‌ره‌ڕای هه‌موو ئه‌وانه‌، خۆم به‌فریشته‌ نازانم، ئاره‌زووی فریشته‌ بوونیش ناکه‌م، له‌به‌ر ئه‌وه‌ی نالۆجیکییه‌ و له‌گه‌ڵ سه‌وزی ژیان نایه‌ته‌وه‌، بۆیه‌ ئه‌کرێت له‌فڵان و فیسار په‌ره‌گرافدا، من وه‌ک هه‌ر مرۆڤێکی ئاسایی کارم بۆ به‌رژه‌وه‌ندی ته‌سکی خۆم کردبێت، له‌و کاته‌دا ده‌رکم پێنه‌کردبێت و چاوپۆشیم لێکردبێت ،یان به‌ده‌ستی ئه‌نقه‌ست بوو بێت، ئیتر ئه‌وه‌ سروشتی مرۆڤه‌، دروستکردنی یۆتۆبا و جیهانێکی بێعه‌یب و عار درۆیه‌کی گه‌وره‌یه‌ به‌ڵام به‌لای مرۆڤی مۆدێرنه‌وه‌ گرنگ ئه‌وه‌یه‌ ڕێژه‌ی که‌موکوڕییه‌کان که‌متر بێت. خۆشبه‌ختانه‌ هاتنه‌ده‌ره‌وه‌م ئه‌و هه‌له‌ی بۆ ره‌خساندم و به‌فرسه‌خ دووری خستمه‌وه‌ له‌ناشیرینی، گه‌نده‌ڵی نه‌خوازراو داسه‌پێنراو ڕێژه‌ی پاکێتیمی به‌رز کرده‌وه‌، بۆیه‌ سوپاس گوزاری هه‌موو ئه‌وانه‌م دوورونزیک گه‌یاندمیانه‌ ئه‌م ئاسته‌، هه‌روه‌ها به‌قوربانی هزری خۆم بم.
061105


ئافه‌رینێکی دی بۆ مام جه‌لال

له‌چاوپێکه‌وتنێکی ڕۆژنامه‌ی عه‌ره‌بی زمان (الخليج الاماراتية )دا مام جه‌لال جارێکی تر خۆی له‌به‌رده‌م خه‌ڵکی کوردستاندا ناشیرین ده‌کاته‌وه‌ و نهێنییه‌ک ئاشکرا ده‌کات،
له‌وه‌ڵام به‌پرسیارێکی ڕۆژنامه‌نووس (حسني محلي) له‌باره‌ی زیادکردنی له‌خۆرایی نوێنه‌ری به‌ره‌ی تورکمانییه‌وه‌ بۆ ده‌سته‌ی به‌دواداچوونی ماده‌ی
140
سه‌باره‌ت به‌شاری که‌رکووک، ده‌فه‌رمووێت؛
له‌سه‌ر پێشنیاری ئه‌و نوێنه‌ره‌ی به‌ره‌ زیادکراوه‌، گوایه‌ له‌پێناو هاوسه‌نگی دا دوو تورکمانه‌که‌ی تر شیعه‌ن!
تێکسته‌ عه‌ره‌بییه‌که‌ی(انا الذي اوصيت بتعيين مثل هذا الممثل في اللجنة الخاصة التي كانت تضم اثنين من التركمان وهما من الشيعة.
061029

-----------
بڕواننه‌ سه‌رچاوه‌که‌ی:
http://www.alkhaleej.co.ae/articles/show_article.cfm?val=319278


حه‌مه‌سه‌عید حه‌سه‌ن و فه‌رهاد شاکه‌ڵی له‌تای ناهاوسه‌نگیدا

هه‌ر به‌ناوه‌ کۆنه‌ چه‌پییه‌که‌ی جارانه‌وه‌ ده‌ڵێم کاک ئاسۆ گیان ده‌ستتخۆش بۆ ئه‌و له‌سه‌رهه‌ڵدانه‌، تا ئاستێک خراپ نییه‌، له‌سه‌ر ئه‌و ڕووداوه بریندارکردنی (حه‌مه‌سه‌عید حه‌سه‌ن) تێبینییه‌کی باشت ده‌ربڕیوه‌‌.
ئه‌وه‌ی تۆ په‌یت پێنه‌بردووه‌ ئه‌وه‌یه‌ ناوبراو دڵی که‌سی به‌خۆیه‌وه‌ نه‌هێشتووه‌، بۆیه‌ کۆده‌نگییه‌کی فه‌رامۆشکردنی وا چاوه‌ڕوان ده‌کرێت. ناوبراو هه‌تا له‌ده‌ره‌وه‌ی وڵات بوو، خه‌ڵکی جۆره‌ حسابێکیان بۆ ده‌کرد، به‌ڵام هه‌ر که‌ گه‌ڕایه‌وه‌ و له‌و ناوچه‌یه‌ی ژێر ده‌سه‌ڵاتی کۆنی پارتیدا جێگیر بوو، ئیعتبار و وه‌زنه‌ی به‌ته‌واوی هاته‌خواره‌وه‌، قسه‌ له‌وه‌یه‌ هه‌موو ئه‌و ره‌خنانه‌ی به‌فیتی باڵی دووهه‌می ده‌سه‌ڵات بوو بێت.

به‌تایبه‌تی ئێستا ئه‌و ململانێیه‌ی نێوان هه‌ردوو باڵی سه‌ره‌کی ده‌سه‌ڵات زۆر که‌م بۆته‌وه‌، نانی ئه‌وی بڕیوه‌، فه‌قیره‌ بێکار که‌وتووه‌. خۆ گه‌ر تێبینی نووسینه‌کانی ئه‌م دواییه‌ی بکه‌یت، زۆر به‌ئاسانی هه‌ست ده‌که‌یت گۆڕانیکی باش ده‌بینرێت، خه‌ریکه‌ دێته‌وه‌ سه‌ر سکه‌ی ئاسایی خۆی، ئه‌وه‌یش قابیلی ده‌ست خۆشی لێکردنیه‌تی.

خودی ڕووداوه‌که‌یش په‌یامێکی ناڕاسته‌وخۆ و هه‌ق لێکردنه‌وه‌یه‌کی یه‌کێتییه‌، له‌سه‌ر ئه‌و هه‌موو قسانه‌ی له‌مه‌وبه‌ری.
ئه‌وه‌ی له‌م ڕووداوه‌دا جێی سه‌رنج بوو کاتی خۆی کردیان به‌هه‌ڵا که‌ یه‌کێتی بۆمبی ده‌ست هه‌ڵداوه‌ته‌ ماڵی برای (حه‌مه‌فه‌رق حه‌سه‌ن) چیرۆکنووسی ناوبراو، گوایه‌ به‌هۆی ئۆپۆزسیۆن بوونییه‌وه‌ وای لێده‌که‌ن و هه‌وڵی کوشتنیان داوه‌،
له‌کاتیکدا بێزووی به‌ڕاوێژکاری ڕۆشنبیری مام جه‌ڵاله‌وه‌ ده‌کرد. سه‌رئه‌نجام بینیمان مافی په‌نابه‌ری وه‌رگرت. وه‌ک له‌وه‌ڵامێکی ده‌رده‌که‌وێت ئه‌وه‌ یه‌کێتی نه‌بووه‌ بۆمبی فڕێدابێته‌ ماڵی ناوبراوه‌وه‌ به‌ڵکوو کێشه‌ی نێوان خێزانی خۆیان بووه‌ و هه‌ر ئه‌و برایه‌ی ئێستایانه‌ ئه‌و کاره‌یشی ئه‌نجام داوه‌.

ئاسۆ گیان، گرنگ ئه‌وه‌یه‌ مرۆڤ ئه‌وه‌نده‌ ساده‌ له‌وح نه‌بێت، جوانتر، وردتر بێت عاتیفی نه‌بێت، خێرا قاڵبه‌ ئاماده‌کراوه‌کان فڕیداته‌ سه‌ر جاده‌ بۆ ته‌ماشاکردن.
061010

-----------
سه‌رچاوه:
ئه‌و ته‌قانه‌ی پۆلیسێك رِاناچڵه‌كێنێ به‌كر ئه‌حمه‌د - سوید
http://www.klawrojna.com/


ئه‌م نووسه‌ره‌ هه‌میشه‌ به‌نه‌فه‌سێکی توونده‌وه‌ بۆ ده‌ربڕینی دیده‌کانی دیته‌ مه‌یدانه‌وه‌، ئه‌و گومانه‌ی تا ئاستێک پۆزه‌تیفه‌، به‌ڵام له‌کام هزره‌وه‌ سه‌رچاوه‌ ده‌گرێت، ئه‌وه‌یان مه‌سه‌له‌یه‌کی دییه‌!
گه‌ڕانه‌وه‌ بۆ ئایینی کۆنی باوباپیرانی کورد، له‌م سه‌رده‌مه‌دا به‌پێچه‌وانه‌، بۆ ئه‌و ڕێنیسانسه‌ ده‌گه‌ڕێته‌وه‌، که‌ سه‌رجه‌م کایه‌کانی کۆمه‌ڵگای کوردی گرتۆته‌وه‌ و به‌ره‌و ئه‌وه‌ ده‌چیت بێته‌وه‌ سه‌ر پێی خۆی، تا ئێستا به‌گوته‌ی مارکس له‌سه‌ر سه‌ر ڕۆیشتووه‌.
گه‌ر به‌قورس لێم وه‌رنه‌گیرێت به‌پێچه‌وانه‌ی ئه‌و ئیدعایه‌ییه‌وه‌ ئه‌م دیده‌ زیاتر له‌ژێر کاریگه‌ری و هه‌یمه‌نه‌ی کلتووری رۆژهه‌ڵاتی و ئیسلامی و تیوری موئامه‌ره‌،‌ نه‌ک ئه‌ورووپی، سه‌رچاوه‌ ده‌گرێت.
له‌م قۆناغه‌دا ئه‌وه‌ی ئاگای له‌ڕاگه‌یاندن بێت ده‌بینێت ئه‌وانه‌ی خه‌ریکی نووسین و په‌یجوورین له‌سه‌ر زه‌رده‌شت کوردانی ڕۆژهه‌ڵاتن، نه‌ک کوردانی باشوور، به‌داخه‌وه‌ له‌م بواره‌دا زۆر خه‌مساردن.

ئه‌بێت هه‌وڵ و هه‌ڵمه‌تی زیندووکردنه‌وه‌ی ئایینی زه‌رده‌شت به‌و ئاڕاسته‌یه‌دا بێت که‌ ده‌بێت کاری ڕۆشنگه‌ری به‌و ئاڕاسته‌یه‌دا ببرێت؛ بچێته‌ خانه‌ و ڕێگرتن له‌هه‌ژموونی ‌ته‌وژمی ئیسلامی تووندڕه‌و. به‌وه‌ی کۆمه‌ڵگاکه‌مان فره‌ که‌لتووره‌ نه‌ک ته‌نها ئاینێک. ئه‌و ئایینه‌ی به‌شێوه‌یه‌کی زۆر مه‌ترسیدار له‌ئاستی جیهاندا خه‌ریکی خۆ ناشیرین کردنه‌، به‌گوته‌ی پاپای فاتیکان نه‌بێت به‌زه‌بری شمشێر سه‌پێنراوه‌ به‌سه‌ر نه‌ته‌وه‌ ناعه‌ره‌به‌کاندا.
061015
----------
سه‌رچاوه:
زه‌رده‌شتیزم: فه‌لسه‌فه‌ی کورده‌واری یا وه‌همی خۆپاراستن ؟ فه‌رهاد شاکه‌لی – سوید
http://www.klawrojna.com/pdf/Zardashtism.pdf


کوشتن و تیرۆرکردنی تێکۆشه‌رانی پارچه‌کانی دیکه‌ به‌تایبه‌تی ئه‌وانی ڕۆژهه‌ڵات، که‌ به‌داخه‌وه‌ له‌وانی دی پشکی لێدانیان زیاتر به‌ر که‌وتووه‌، به‌ته‌نها ناگه‌رێته‌وه‌ بۆ ئه‌وه‌ی ده‌سه‌ڵاتی شڕۆڵه‌ی باشوور ناتوانی وه‌ک تۆ داوا ده‌که‌یت بیانپارێزێت. له ‌کۆمه‌ڵگایه‌کی پڕ له‌ئاژاوه‌ی وادا هه‌موو فاکته‌ره‌کان به ‌ده‌ست ده‌سه‌ڵاته‌وه‌ نییه‌، فه‌رامۆشکردنی کایه‌که‌رانی دی باش نییه‌ که‌ زۆر جار له‌ده‌سه‌ڵات به‌هێزترن.
ئه‌وه‌نده‌ی فاکته‌ری زاتی و خودی نێو پرۆسه‌ی لێکترازانی کۆمه‌ڵه به‌هێزه‌ نیو هێنده‌ ده‌ستی ده‌ره‌کی وه‌ک تۆ به‌ده‌سه‌ڵاتی ده‌زانی، زاڵه نییه‌‌‌.
بیریشت نه‌چێ به‌دانپێنانی خودی ڕۆژهه‌ڵاتییه‌کان ئه‌و تیرۆر و تیرۆرکارییه‌ی که‌ تۆ ژماره‌یه‌کت داوه‌، له ‌داوی فشاری هه‌مه‌لایه‌نه‌ زۆر که‌م بووه‌، لابه‌لا بیستبووم که‌ ڕێکه‌وتنێک له‌نێوان ده‌سه‌ڵاتی ئه‌وسا یه‌کێتی و حکومه‌تی کۆماری ئیسلامی ئێران بۆ به‌رگرتن له‌و ڕه‌شه‌کوژییه‌ ڕۆژهه‌ڵاتییه‌کان هه‌یه‌، تا ئێستا به‌نده‌کانی ئاشکرا نه‌کراوه‌.
له ‌مه‌ڕ گرتنی د. فایه‌ق گوڵپی، مرۆڤ هێنده‌ عاتفی نه‌بێت، وه‌ک مارکس هه‌میشه‌ گومانت هه‌بێت زۆر ئاساییه‌، نه‌ک سیاسییه‌کی وا به‌ڵکوو مرۆڤه‌ ئاساییه‌کان که‌موکوڕی و ناشیرینیان هه‌بێت یان بۆ مه‌به‌ستێکی دیاریکراو خولقێنه‌ری فڵان و فیسار ڕووداو بن.
ئیتر له ‌باشووڕی کوردستان ڕه‌وشه‌که‌ ترشاوه‌ به‌سه‌ر یه‌کدا...
---------
سه‌رچاوه:
ئایا د.فایه‌ق تیرۆریسته‌؟ عه‌لی مه‌حمود محه‌مه‌د
http://www.klawrojna.com/  

جارجار بابه‌ته‌ که‌مه‌کانت له‌نێو ماڵپه‌ڕه‌کاندا ده‌خوێنمه‌وه‌، هێنده‌ی له‌ تۆ گه‌یشتبێتم، به‌ پێچه‌وانه‌ی شه‌پۆله‌وه ‌ دیده‌کانت ده‌رده‌بڕیت، ئه‌وه‌یش که‌مێک تایبه‌تمه‌ندی خۆتانه‌، کاریکی باش ده‌که‌یت.
به‌ڵام، هێنده‌ هه‌یه‌، که‌مێک دیده‌کانت به‌رگری له ‌ هێشتنه‌وه‌ی کۆمه‌ڵگا ده‌کات به‌و ده‌قه‌ی که‌ مێژوو به‌سه‌ریدا سه‌پاندوویه‌تی، ئه‌وه‌یش گه‌ر قورس نه‌بێت دژ به ‌کرانه‌وه‌ی په‌نجه‌ره‌کانه‌.
به‌داخه‌وه‌ دوهه‌مین نووسینتم به‌ ناونیشانی جیهانێکی ویژدان مردوو خوێنده‌وه‌، درۆت له‌گه‌ڵ ناکه‌م و به‌داوای لێبووردنیشه‌وه‌ گه‌ر ده‌ربڕینه‌که‌م که‌مێک توند بێت، وام ده‌زانی نووسینی نووسه‌ریکی عه‌ره‌بی شۆڤێنی له‌وانه‌ی که‌ناڵی جزیره‌ و رۆژنامه‌ی ئه‌لقودسی ئه‌لعه‌ره‌بییه‌ت وه‌رگێڕاوه‌ سه‌ر زمانی کوردی!
دیاره ‌ به‌نده‌یش له‌سه‌ر هه‌مان کێشه‌ بابه‌تێکم نووسیوه‌، تکایه‌ بفه‌رموون له‌م به‌سته‌ره‌ بیخوێنه‌وه‌.
060804
--------
سه‌رچاوه: جیهانێکی ویژدان مردوو ئه‌مجه‌د شاکه‌لی - سوێد

ئه‌وانه‌ی خۆیان به ‌فه‌یله‌فوس ده‌زانن، ماده‌م په‌روه‌رده‌ی که‌لتووری ره‌شی ڕۆژهه‌ڵاتین و به‌تایبه‌تی ئیسلامی هه‌روا ده‌جالن و ئه‌وه‌نده‌یان لێ چاوه‌ڕوان ده‌کرێت.
قابیله‌ گه‌نجی له‌ زانا ئه‌تۆمییه‌که‌ی پاکستان شه‌ریف تر بێت، به‌دزییه‌وه‌ زانیاری ئه‌تۆمی فرۆشتبوو به‌کۆماری ئیسلام! بۆیه‌ هه‌موو ئه‌و ناو و پله‌ و پایانه‌ جێی گومانن، هه‌ڵه‌ی گه‌وره‌یه‌ وه‌ک تۆ ده‌ڵێی پشتی ته‌واوی پێببه‌سترێت.
-------
سه‌رچاوه:
گه‌نجی" ئه‌گه‌ر "گاندی" بوایه‌... د. رۆیا تلووعی - ئه‌مریکا
http://www.klawrojna.com
 

تیوری ڕێژه‌یی، وه‌ک دروشم و ئاڵایه‌ک هه‌وڵ ئه‌ده‌م له‌کاروکرده‌وه‌مدا ڕه‌نگ بداته‌وه‌، ئیتر نازانم تا چه‌ند ده‌ره‌قه‌تی دێم یان هاتووم؟
به‌ڵام بڕوام به‌کاری پێرپێکت که‌ له‌سه‌دا سه‌د ته‌واو و دروست بێت نییه‌، له‌تێڕوانینمدا دیاریده‌ و شته‌کان تۆخ نیین و کاڵ ده‌نوێنن. هه‌ر بۆیه‌ که‌موکوڕیم هه‌یه و ده‌بێت‌، گرنگ ئه‌وه‌یه‌ خوێنه‌ر هوشداریم بداتێت، چاوه‌ڕوانم و تکایه‌ بێده‌نگ مه‌بن لێم .

بۆ ئیسلامییه‌کان فریشته‌ن

تازه‌ دێیی به‌ چ باینویه‌که‌وه‌ به‌رگری ده‌کات؟ و له‌کێی ده‌کات و شینی چییه‌تی؟! ڕۆژانه‌ مه‌لاو پیاوانی جۆراوجۆری ئایینی و ئه‌مه‌ سه‌ره‌ڕای ژنان و پیاوانی ته‌وژمی بزاڤی ئیسلامی سیاسی ڕۆژانه‌ و شه‌وانه‌ ڕاسته‌وخۆ و ناڕاسته‌وخۆ گه‌ر قورس نه‌بێت و گوزارشته‌که‌ گونجاو بێت ژه‌هری ئایدۆلۆژیای ئاینی ئیسڵامی توندڕه‌و بڵاو ده‌که‌نه‌وه‌، تاوان نییه‌؟!
مه‌ریوان ته‌نها به‌په‌رتووکێک چه‌ند ڕاستییه‌کی کۆن و پێنه‌زانراوی ئاشکرا کردووه‌، لێی ده‌که‌ن به‌هه‌ڵا. ئه‌وه‌ی کاره‌ ناوازه‌یه‌ی مه‌ریوان به‌به‌راورد له‌گه‌ڵ کاری ڕه‌شی سه‌رومڕی ئیسلامییه‌کاندا وه‌ک دڵۆپێک و ده‌ریایه‌ک وایه‌.
061029
-------
سه‌رچاوه‌:
کاک (مه‌ریوان هه‌ڵه‌بجه‌یی) هه‌ڕه‌شه‌ ده‌کا ئه‌حمه‌د تازه‌دێیی-سوید
http://www.kurdistanan.net/

به‌دواداچوون بۆ ڕوونکردنه‌وه‌ی جاسووسێکی مزده‌وج

هه‌فته‌نامه‌ی هاوڵاتی تا ئه‌م چرکه‌ ساته‌ وه‌ک‌ پیشه‌ی هه‌میشه‌یی له‌هه‌وڵی ئه‌وه‌دایه‌، ڕووه‌ دزێو و ناقۆڵا و ناشیرینه‌کان نێو کۆمه‌ڵگا به‌تاک و کۆ بخاته‌ ڕوو. ئه‌وه‌یش بۆته‌ هۆی ڕاچڵه‌کاندن هاوکات شله‌قاندنی گۆمی مه‌نگی کورده‌واری. ئه‌و خاڵانه‌ی ده‌ستی بۆ بردووه‌ ته‌نها له‌‌ مرۆڤی وردبین ده‌وه‌شێته‌وه‌، وه‌فادارییه‌که‌ به‌و په‌یامه‌ی هه‌ڵیگرتووه‌.

بڵاوکردنه‌وه‌ی فایلی سیخورانی به‌عسی له‌ژماره‌ 291ی ڕۆژی 060913 دا، به‌وێنه‌ی بۆمبێکی ئه‌تۆمی کاریگه‌ری خۆی دانا ، که‌ له‌کاره‌کانی دی جیاوازتر بوو، به‌وه‌ی ده‌سه‌ڵاته‌ ڕه‌نگاوڕه‌نگه‌کانی هێناوه‌ته‌ قسه‌کردن و پێده‌چێت ده‌زگایه‌کی وه‌ک یاسادانان ـ په‌رله‌مان ـ له‌وباره‌یه‌وه‌ یاسایه‌ک ده‌ربکات بۆ لێپێچانه‌وه‌ یان به‌لایه‌نی که‌مه‌وه‌ گه‌ر به‌هه‌ر بڕووبیانویه‌که‌وه‌ بێت جێه‌جێ نه‌کرێت، ئه‌وا بۆ ئاینده‌ هه‌نگاوێکی پۆزه‌تیفانه‌یه‌، ده‌چێته‌ خانه‌ی ئه‌و هه‌وڵانه‌ی به‌ئاڕاسته‌ی زیاتر ڕێکخستین کۆمه‌ڵگا.

زۆرن ئه‌وانه‌ی ناویان هاتووه‌، حه‌ماوه‌تیان به‌رزبۆته‌وه‌ هاتوونه‌ته‌ وه‌ڵام، له‌وانه‌ شوان سه‌لاحه‌دینه‌. ئه‌م براده‌ره‌ ئه‌وه‌نده‌ هه‌زه‌لییه‌ به‌رگری نه‌ک له‌خۆی به‌ڵکوو له‌کابرایه‌کی مردووه‌ ده‌کات! ئه‌وانه‌ی له‌م نموونه‌یه‌ن خه‌باتیان به‌شه‌رتی جاده‌ی قیر بووه‌، بۆیه‌ له‌هه‌موو سه‌رده‌ماکاندا به‌هه‌ر بیانوویه‌که‌وه‌ بوو بێت، کاری خۆیان مه‌یسه‌ر کردووه‌. به‌ڵام حسابی ئه‌وه‌ی نه‌کردووه‌، ئه‌و ئینتهازییه‌ته‌، ڕۆژی له‌ڕۆژان ده‌بێته‌ مایه‌ی شه‌رشۆڕی و شه‌رمه‌زاری بۆیان و به‌جۆریکی تر ده‌که‌وێته‌وه‌‌.

عوزر له‌قه‌باحه‌ت خراپتر، پوخته‌ی وه‌ڵامه‌که‌ی ئه‌وه‌یه‌ دان ده‌نێت به‌وه‌ی که‌ جاسووس بووه‌،  گه‌ر نه‌هاتایه‌ته‌ جواب بێگومان له‌وانه‌یه‌ خه‌ڵکی بییان وتایه‌ ناڕاسته‌، بۆیه‌ هه‌قه‌ سوپاسگوزار بکرێت. بۆیه‌ هه‌ر له‌ئێستاوه‌ ده‌بێت خۆی ئاماده‌ بکات بۆ دادگایکردن. گریمان وه‌ک خۆی ده‌ڵێ به‌فه‌رمان ده‌زگای ئاسایشی یه‌کێتی نیشتمانی کوردستان مه‌دالیای جاسووسی  به‌یه‌خه‌یدا کردووه‌!

ئه‌وه‌ی بیر چووه‌ پارتی (ینک) ناوبراو و ته‌نانه‌ت پارته‌که‌ی (پدک) هاوپه‌یمانی له‌ده‌سه‌ڵاتدا نوێنه‌ری ڕاسته‌قینه‌ی کوردانی باشور نیین. هه‌ر ئێستا خه‌ڵکی له‌و پارته‌ و حکومه‌ته‌ ڕاپه‌ڕیوه ـ ئاماژه‌ به‌خۆپیشاندانی سله‌یمانی وشارۆچکه‌کان ـ . خودی ئاشکراکردنی ئه‌م فایلانه‌ له‌خانه‌ی ئه‌و فشارانه‌دایه‌ که‌ کۆمه‌ڵانی خه‌ڵکی له‌وانی ده‌کات. 060924
------
نامه‌ی شوان سه‌لاحه‌دین له‌ماڵپه‌ڕی کوردستانپۆست ی ڕۆژی 060920 دا بڵاوبۆته‌وه‌.

خه‌ڵکی لوبنان حه‌سه‌ن نه‌سروڵڵا ده‌کوژن

هه‌موو کاتمان به‌شه‌تره‌نجه‌وه‌ به‌سه‌ر ده‌به‌ین، بێئه‌وه‌ی که‌سێک بێجگه‌ له‌خۆمان هه‌بێت بهێڵین قسه‌مان له‌گه‌ڵدا بکات. هه‌ربۆیه‌ که‌س شک نابه‌ین‌ بتوانیین هه‌ڤپه‌یڤینی له‌گه‌ڵدا بکه‌ین، ئه‌وانه‌ بێجگه‌ له‌زمانی شه‌ر هیچی تر نازانن! سه‌ربازێکی ئیسرائیلی

پێش هه‌موو شتێک ده‌بێت بۆ باگراوه‌ندی کێشه‌ی نێوان ناسینالیزمی عه‌ره‌بی و ئیسرائیلی بگه‌ڕێینه‌وه‌؛ وه‌ک ئاشکرایه‌ له‌و مێژووه‌ چه‌ند ساڵییه‌دا هه‌میشه‌ ناسیۆنالیزمی عه‌ره‌ب دۆراوی سه‌ره‌کی بووه‌، جا ئه‌و شکستانه‌ وای له‌به‌شێکیان کردووه‌، ڕاستی خۆیان تێبگه‌ن، ئاماده‌ی مێزی دانوسان بن له‌گه‌ڵ ناسیۆنالیزمی ئیسڕائیلیدا و گه‌ر کاتیش بێت ئاوێک به‌وئاگره‌‌دا بکرێت.

به‌ڵام شکستخواردن‌ تا سه‌ر نییه‌، بۆ قه‌ره‌بووکردنه‌وه‌ی به‌شێوازێکی دی درێژه‌یان به‌شه‌ر و ململانێی خۆیاندا، که‌م مه‌سره‌ف و که‌م ته‌له‌فاتتر، هاوکات سیاسیترانه‌تره‌، له‌دنیای مه‌ده‌نییه‌تدا په‌سه‌ندتر ده‌رده‌که‌وێت.

سه‌رهه‌ڵدان و ده‌رکه‌وتنی ده‌سته‌ و گرووپی توندڕه‌وی به‌ناو ئیسلامی سیاسییه‌وه‌ له‌هه‌ردوو ئاینزای شیعه‌ و سوونی، وای له‌به‌شێکی توێژه‌ره‌وان کردووه‌ ئه‌وه‌ به‌خاڵی شکستی ناسیۆنالزمی عه‌ره‌بی دا‌بنێن، له‌کاتیکدا پێچه‌وانه‌ی ئه‌وه‌ ڕاسته‌، ئه‌وه‌ جۆرێکه‌ له‌کایه‌ و گۆڕینی کارته‌کان وه‌ک له‌شتیکی دی بێت، ئه‌م دیده‌ له‌وه‌وه‌ سه‌رچاوه‌ی گرتووه‌ که‌ ئایینی ئیسڵام وه‌ک ئایدۆلۆژیا وایه‌ بۆ عه‌ره‌بان، هه‌میشه‌ لازم و مه‌لزوومی یه‌کتر بوون. به‌جۆریکی تر کار به‌و وته‌ی خۆیان (عه‌سا و جه‌زر)ه‌که‌ ده‌که‌ن.

که‌واته‌ ده‌توانرێت بووترێت عه‌ره‌ب به‌هه‌ردوو باڵی میانه‌ڕه‌و و تووندڕه‌وییه‌وه‌‌ تێکه‌ڵ به‌ململانێ له‌دژی نه‌ته‌وه‌کانی دی ئیتر ئیسڕائیلی و کوردستانی به‌ربه‌ری و قبتی و....  بوون و ده‌که‌ن.

ده‌کرێت قوتکردنه‌وه‌ی ئیسلامی توندڕه‌و، له‌و وه‌همه‌وه‌ هاتبێت که‌ عه‌ره‌ب به‌گشتی له‌حکومه‌تی ئیسرائیل وه‌ک ده‌وڵه‌تێکی ئایینی توندڕه‌و ده‌ڕوانن، بۆیه‌ هه‌ق به‌خۆیان ده‌ده‌ن هێزگه‌ڵێکی توندره‌و بخولقێنن!

له‌کێشه‌ی نێوان ئیسرائیل و حیزبوڵڵای لوبنان، گه‌ر ئه‌و هاوکێشه‌یه‌ ڕاست بێت، هه‌ر که‌س و ئۆرگانێک و ... ببێته‌ مایه‌ی زه‌ره‌ر و زیانی گه‌وره‌ی ئابووری خه‌ڵکی وڵات له‌هه‌ر شوێنێکی جیهان، وه‌ک ئه‌وه‌ی حیزبوڵڵا، ئیتر به‌هه‌ر بیانوویه‌که‌وه‌ بوو بێت کردی و بووه‌ مایه‌ی کاوڵکردنی به‌شێکی زۆری ئه‌و وڵاته‌، بیانوی دایه‌ ده‌ست هێزێکی گه‌وره‌ی وه‌ک ئیسرائیل که‌ زیاتر به‌ئێستریکی چه‌مووش و شه‌قاوه‌ ده‌چێت،‌ خواخوایه‌تی که‌سێک خوار بجووڵێته‌وه‌ به‌ر شه‌ق و گورزی بدات. ئه‌نجامه‌که‌ی به‌وه‌ که‌وتۆته‌وه‌؛ تاوانباری یه‌که‌م، دیاره‌ لێره‌دا ‌ به‌ر شه‌قی توند ده‌که‌وێت و به‌ره‌و هه‌ڵدێر و ته‌فرووتوناچوون ده‌چێت، به‌پله‌یه‌کی زۆر ئه‌گه‌ری ئه‌وه‌یش ده‌خوڵقێت که‌سی یه‌که‌می ئه‌و حیزبه‌ حه‌سه‌ن نه‌سروڵڵا ده‌ستی لێبووه‌شێنرێت و بکوژرێت.

ئه‌وه‌ی له‌لوبنان ڕوو ده‌دات بۆ ئێمه‌ چی ده‌گه‌یه‌نێت

ئه‌وه‌ی له‌لوبنان ڕوویدا موفاجه‌ئه‌یه‌که‌، وا پێویست ده‌کات کوردی باشووری کوردستان هه‌ڵویسته‌ی له‌سه‌ر بکه‌ن، چاوێک به‌خۆیدا بخشێنێته‌وه‌، که‌مێک ڕاچه‌نێت. هاوپه‌یمانییه‌تییه‌کان تا سه‌ر زۆر به‌جددی وه‌رنه‌گرن، پرسیار ئه‌وه‌یه‌؛ قابیله‌ ئێمه‌ له‌حکومه‌تی ئێستای لوبنان به‌سه‌رۆکایه‌تی سنیوره‌ نازدارتر بین، که‌ هاوپه‌یمانی ڕۆژئاوایه‌ و ته‌نانه‌ت گه‌ر ئێمه‌ به‌ته‌نها ئه‌مه‌ریکاو به‌ریتانیا له‌پشتمان بێت، خۆ لوبنان فه‌ره‌نسایشی له‌پشته‌ ئه‌ی بۆ به‌وده‌رده‌ برا؟! بێگومان گه‌ر وای ناوبنێین لوبنان ته‌نها ئیسرائیل ناحه‌زێتی، خۆ ئێمه‌ تورکیا و جیهانی عه‌ره‌ب و ئێرانیش دوژمنمانه‌، بۆیه‌ له‌م ناوچه‌ پڕ له‌کێشه‌یه‌دا قابیل ئه‌وه‌یه‌ نه‌ک چه‌مکی هاوپه‌یمانێتی به‌ڵکوو ده‌بێت زۆری تر بخه‌ینه‌ ژێر پرسیاره‌وه‌. چێبوونی ئه‌م دردۆنگییه‌ مانای ئه‌وه‌ نییه‌ ده‌ستبه‌رداری ئه‌و هاوپه‌یمانێتییه‌ی که‌ ئێستا هه‌مانه‌ ببین، به‌ڵام ده‌بێت کار بۆ ئه‌وه‌ بکرێت گه‌ر هاتوو شتێکی وایش له‌ئێمه‌ ڕوویدا و قه‌وما گه‌نم گرتی جۆ بڵاوی لێنه‌که‌ین و بێینه‌وه‌ سه‌ر هیچ. 060731
-----------
ڕۆژی
060802 بۆ یه‌که‌مجار له‌کوردستانپۆست هه‌روه‌ها ‌ڕۆژی 060804 له‌ ڕێنیسانس دا بڵاوکرایه‌وه‌.
له‌باشووری کوردستان ڕۆژنامه‌ی
ئاسۆی ژماره‌
259 ڕۆژی 060806 له‌لاپه‌ره‌ 10دا بڵاوکرایه‌وه‌.

کوردیش شازاده‌ی تیاهه‌ڵکه‌وت

ڕاپۆرته‌هه‌واڵێک له‌سه‌ر نمایشێکی شانۆیی مناڵان له‌فینلاند

شاری لاهتی (Lahti)به‌دووری 110 کم ده‌که‌وێته‌ باکوری ڕۆژئاوای پایته‌ختی فینلاند هێلسنکییه‌وه‌. به‌شێ کلتوری ئه‌م شاره‌وانییه‌‌ بۆ ده‌ساڵ ده‌چێت،  ساڵانه‌ مانگی هاوین که‌ ده‌کاته‌ مانگی حوزه‌یرانی خۆمان، به‌رنامه‌ی هاوینه‌یان به‌ئه‌نجامدانی کارێکی هونه‌ری کۆتایی پێده‌هێنن. چه‌ند مه‌به‌ستێک له‌پشت چالاکییه‌کی واوه‌یه‌، یه‌کێ له‌وانه‌؛ هه‌لی کاردکرن بۆ ماوه‌ی مانگێک به‌لایه‌نی که‌مه‌وه‌ بۆ خوێندکاران‌ ده‌ره‌خسێنێت.

ده‌ستنیشانکردنی تیمی کاره‌که‌ له‌ڕێی هه‌ڵبژاردن و ململانێوه‌ ده‌بێت، بۆ نموونه‌ ئه‌مساڵ له‌سێ سه‌د په‌نجا که‌س ته‌نها بیستیان به‌ختییان یار بوو.
کاردۆ عه‌باس شوان، وه‌ک گه‌نجێکی کورد له‌و تاقیکردنه‌وه‌ ده‌رچوو، له‌به‌ر ئه‌وه‌ی سه‌ماکه‌رێکی باش (Hip Hop) بوو، له‌ئاستی شاره‌که‌ی خۆیدا چالاک و ناسراوه‌، دیاره‌ سه‌رره‌شیشی و بێگانه‌یی بوونی ده‌وری له‌په‌سه‌ندکردنیدا بینیوه‌، هه‌روه‌ک سه‌رپه‌رشتیاری کاره‌که‌ درکاندنی هه‌ڵبژاردنی کاردۆ په‌یوه‌ندی به‌تێکسته‌که‌وه‌ هه‌بوو.

تێکستی نمایشه‌که‌، یه‌کێکه‌ له‌وچیرۆکانه‌ی برایانی گریم که‌ له‌زاری خه‌ڵکی ئاسایی کۆیان کردۆته‌وه‌، به‌ر له‌چه‌ند ساڵ عه‌زیز گه‌ردی به‌ناونیشانی چیرۆکی گوێ ئاگردان یان به‌رئاگردان له‌زمانی ئینگلیزییه‌وه‌ وه‌ریگێرابووه‌ بۆ کوردی.
وه‌رگێره‌ ‌فینلاندییه‌کان ناونیشانی چیرۆکه‌که‌یان به‌پرینسسا ڕووسونێن(Prinsessa Ruusunen) داناوه‌، به‌کوردی ده‌کاته‌ پرینسیسا =‌ کچه‌شازاده‌، ڕووسوونێن =سووره‌گوڵ یان گوڵه‌باخ ، ئیتر نازانم له‌وه‌رگێرانه‌ کوردییه‌که‌دا بووه‌ به‌چی؟

دوای کۆتایی هێنانی پرۆڤه‌ وه‌ک ده‌رهێنه‌ره‌که‌ی ووتی؛ به‌هۆی باشی و چالاکی تیمه‌که‌وه‌ ته‌نها شه‌ش ڕۆژی خایاندووه‌ و کاره‌که‌ گه‌ڵاڵه‌ بووه‌. به‌رنامه‌‌ وا بووه‌، ده‌ستکرا به‌پێشکه‌شکردن، به‌رنامه‌که‌ وا دانرابوو، سه‌ره‌تا ده‌بێت له‌سێ شارۆچکه‌ ‌:
Nastola ناستۆلا 21ی6 ، Hollola هۆڵۆلا 27ی6 ، Asikkala ئاسیکالا 28ی6ی2006
له‌هه‌ر یه‌که‌ له‌و شارانه‌ دوو جار له‌دوو کاتی جیادا پێشکه‌ش بکرێت.
ئینجا ناوه‌ندی شار و له‌نێو گۆره‌پانی فه‌رمانگه‌ و بینایه‌ی شاره‌وانی لاهتیدا که‌ زیاتر له‌قه‌ڵایه‌کی کۆن ده‌چێت، له‌رۆژی 3ی 7ه‌وه‌ تا 7ی7 ی 2006 ، ڕۆژانه‌ سێ جار له‌سه‌ر شانۆیه‌کی گه‌رۆک نمایشیان ده‌کرد.

شانۆگه‌رییه‌که‌ یه‌ک ده‌مژمێرونیوی ده‌خایاند، به‌تیکه‌ڵ بوونی گروپی چه‌ند نه‌فه‌ری ‌ئه‌کته‌ران بۆ ماوه‌ی نیوده‌مژمێر له‌گه‌ڵ مناڵان ده‌ستپێده‌کات. ئه‌وه‌یش به‌خاتری ئاشنابوونی زیاتری که‌سایه‌تییه‌کانی کاره‌که‌.

پوخته‌ی چیرۆکه‌که‌، له‌کۆشکێکدا شا و شاژن ده‌بێت، منداڵیان نه‌ده‌بوو، شاژن به‌ڕێکه‌وت یارمه‌تی بۆقێکی جادوگه‌ر ده‌دات، له‌بری ئه‌و چاکه‌یه‌ دوعا ده‌کات خوا کچێکیان پێببه‌خشێت. شازاده‌ زۆر به‌ناز په‌روه‌رده‌ ده‌کرێت، تا ڕاده‌یه‌ی بێزاری. وای لێدێت ده‌سه‌ودایره‌ و خه‌ڵکی خۆزگه‌ بخوازن ئه‌و کچه‌ هه‌ر نه‌بووایه‌ باشتر بوو، فریشته‌ی شه‌ر ئاگای له‌و قسانه‌ ده‌بێت. له‌ته‌منی 15 ساڵیدا و له‌ڕۆژی له‌دایک بونیدا بێجگه‌ له‌فریشته‌ی شه‌ر هه‌موو فریشته‌کانی دی بانگهێشت ده‌کرێن، هه‌ر یه‌که‌یان سیفه‌تێکی پێده‌به‌خشێت، یه‌کێ له‌گرنگترینیان نه‌مردنێتی. ئیتر له‌و کاته‌وه‌ پرینسیسا ره‌وشتی چاک ده‌بێت و ده‌گۆڕێت. به‌ڵام  فریشته‌ شه‌ڕ له‌بۆسه‌دایه‌ بۆ تۆڵه‌کردنه‌وه‌، ڕۆژێک فرسه‌ت ده‌هێنێت له‌شێوه‌ی پیرێژنێکدا ته‌شییه‌کی ئه‌فسووناوی ده‌داته‌ ده‌ستی، ده‌بێته‌ مایه‌ی خه‌وپیاکه‌وتنی بۆ ماوه‌ی سه‌د ساڵ.

فریشته‌ی خێر وازناهێنن، سه‌رئه‌نجام پرینسێک به‌ناوی (Beckham) که‌ کاردۆ شوان ده‌وره‌که‌ی ده‌بینی، ده‌دۆزنه‌وه‌،  ڕازی ده‌که‌ن بچێته‌ ناو کۆشکه‌وه‌ و هه‌ڵسێت به‌کارێکی وا ببێته‌ مایه‌ی تێکشکاندنی ته‌لیسمه‌‌، به‌ڵام کاردۆ ڕووبه‌ڕووی 3 مه‌رجی شه‌رئه‌نگێزی فریشته‌ی شه‌ر ده‌بێته‌وه‌. سه‌رئه‌نجام ده‌توانێت به‌شازاده‌ی خه‌وتوو بگات و ماچی خۆشه‌ویستی پێببه‌خشێت و له‌خه‌وی درێژ ڕزگاری بکات، دواجار بۆ یه‌کتر ده‌بن.

که‌ نمایشه‌که‌ ته‌واو ده‌بوو له‌کاتی چوونه‌ ده‌ره‌وه‌دا، بۆهه‌ر مناڵانێک په‌ره‌یه‌کی وێنه‌یداریان پێده‌درا، بۆ ئه‌وه‌ی وێنه‌کان وه‌ک ئیشی ده‌ست به‌کاربهینن و بببڕن، خۆیان دووباره‌ له‌ماڵه‌وه‌ چیرۆکه‌که‌ بگێڕنه‌وه‌.

1900 بیتاقه‌ی ‌نرخی 5 ئێرۆیی فرۆشرابوو، له‌سه‌ره‌تای ده‌ستبه‌کاربوونیان که‌ناڵی ته‌له‌فیزۆن و دوو ڕۆژنامه‌ی پڕ تیراژی چاوپێکه‌وتنیان له‌گه‌ڵ کارۆد وه‌ک که‌سی یه‌که‌می شانۆییه‌که‌ کرد بوو. هه‌روه‌ها له‌ڕۆژنامه‌ی شارۆچکه‌کان ڕاپۆرته‌ هه‌واڵیان له‌سه‌ر بڵاوکرده‌وه‌‌.

ده‌رهێنه‌ر (Kari Kyllönen)، بۆ خۆی یه‌کێکه‌ له‌ئه‌کته‌ره‌ کۆنه‌کان و ئه‌زموونی 15 ساڵ ده‌وربینیی هه‌یه‌، شێوازی کارکردنی زیاتر له‌به‌همه‌نی قوبادی ده‌چوو، به‌وه‌ی تیمه‌که‌ی ته‌نها دوانیان قوتابی شانۆ بوون، باقییه‌که‌ی بۆ یه‌که‌مین جار بوو، بچه‌نه‌ سه‌ر شانۆ و رۆڵ ببینن. 060726
----------
بۆ یه‌که‌مجار له‌باشووری کوردستان، له‌ڕۆژنامه‌ی Xebat ژماره‌ 2221 رۆژی  060731 لاپه‌ره‌  هه‌مان ‌ڕۆژی له‌ماڵپه‌ڕی کوردستانپۆست دا بڵاوکرایه‌وه‌.


موختارکوژانی کۆسره‌ت ره‌سول

به‌ڕێزێک به‌ناوی گۆران عه‌زیزه‌وه‌، له‌ماڵپه‌ڕی کوردستانپۆستدا ئه‌رکی کێشاوه‌ و خۆی گردکردۆته‌وه‌، به‌حساب وه‌ڵامێکی به‌ناونیشانیدیسانه‌وه‌ نووسه‌رێکی تری نه‌خۆش خۆی ناساند!؟ نووسینه‌کانمی داوه‌ته‌وه‌.
لێره‌دا وه‌ڵامی یه‌کدوو خاڵی بۆچوونه‌کانی ده‌ده‌مه‌وه‌‌:
- ...
ده‌مێکه‌ خنه‌ی دێت خه‌ریکی نووسینه‌)... ئه‌و کورته‌ نووسینانه‌ی که‌ له‌سه‌ر کۆسره‌ت ره‌سوڵ بوون به‌(...ته‌شهیروقسه‌ی قۆڕوهه‌له‌ق ومه‌له‌ق...) له‌قه‌ڵه‌م ده‌دات! به‌قسه‌ی ئه‌و بێت من نێوبانگم نوقسانه‌ (...به‌هیوای ئه‌وه‌ی ناوت بکه‌وێته‌ ناو ناوانه‌وه‌... بۆیه‌ وام کردووه‌!

زۆر دروسته‌ به‌نده‌ له‌مێژه‌وه‌ خه‌ریکی خوێندنه‌وه‌ و نووسینم، هه‌ر نووسین و زه‌بری قه‌له‌مه‌که‌م بوو گه‌یاندمییه‌ ئه‌ورووپا، هۆی ڕاکردنه‌که‌م وه‌ک زۆر هاوڵاتی دی به‌رئه‌نجامی ئیرهابی ئابووری نه‌بوو.
خۆشبه‌ختانه‌ هێند سه‌لیقه‌م په‌یدا کردووه‌ چۆن چۆنی لایه‌نی که‌م خوێنه‌ر به‌لای خۆمدا ڕابکێشم، فێریشم چۆن و له‌کاتی پێویستدا شاره‌زه‌رده‌واڵه‌ بووروژێنم.

ئه‌و جۆره‌ قه‌له‌م وه‌شاندنانه‌ نه‌یه‌که‌م و نه‌داواهه‌مینم ده‌بێت، سه‌رانی یه‌کێتی به‌شه‌خسی مام جه‌لالیشه‌وه‌ باشم ده‌ناسن، ناپرسی بۆ یه‌کێتی نیشتمانی کوردستان، گه‌یشته‌ تینی و بێزاربوو، په‌نا بۆ زیندان و ئاسایش برد، ماوه‌ی 12 ڕۆژ ( 4.23  تا 1996.5.4 ) زیندانی کردم؟ به‌له‌ته‌ گۆڤارێکه‌وه‌، وه‌ک ده‌زگایه‌کی ڕاگه‌یاندنی پارتێکی سیاسی له‌گه‌رمه‌ی شه‌ری ناوخۆدا له‌دژی پارتی و یه‌کێتی کارم کردووه‌. له‌کاتی پێویست و ڕووداوه‌ گه‌رمه‌کاندا قه‌له‌مم خستۆته‌ گه‌ر، بۆیه‌ بوومه‌ته‌ جێی سه‌رنج، ئیتر چ پێویستم به‌ناوبانگ و خۆ ده‌رخستن نییه‌ و نه‌ماوه‌، بۆ خۆم له‌وه‌سه‌تی ئه‌ده‌بی و ڕۆژنامه‌نووسیدا له‌مێژه‌وه‌ ده‌نگێکم پچریوه‌، تا ئێستا و له‌داهاتوویشدا وه‌فادارده‌بم به‌و په‌یامه‌.

- ...هه‌رچی سه‌یری نووسینه‌کانت ده‌که‌م ناکه‌نه‌ مایه‌ی دڵسۆزی وبه‌رژه‌روه‌ندی گه‌ل.بگره‌ ده‌کرێ بڵێین داخێکت له‌دڵ دایه‌؟ ... دنیاکه‌ پێچه‌وانه‌یه‌، یه‌کێتی و پارتی کۆمه‌ڵگایان داغان کردووه‌، که‌چی هێشتا به‌ئێمه‌مانان ده‌ڵێن؛ ئێوه‌ دوژمنی گه‌لن؟! نازانم چۆن له‌ڕوویان دێت به‌رگری له‌ده‌سه‌ڵاتێک بکه‌ن! ده‌سه‌ڵاتیک لایه‌نی که‌م نه‌توانێت خزمه‌تگوزاری سه‌ره‌تایی بۆ خه‌ڵکی دابین بکات! ڕسوایی له‌مه‌زیاتر ده‌بێت چی بێت!؟ ئه‌وه‌ی به‌رگری له‌وانه‌ بکات، شه‌رمه‌زاری زیاتر هیچی بۆ نامێنێته‌وه‌.

ڕووی زه‌مانه‌ ڕه‌ش بێت که‌ ئۆپۆزسیۆنێکی کارا له‌ئارادا نییه‌، ئه‌وانه‌(ی ن ک،پ د ک)ی به‌په‌ڕۆیه‌کی پیس و چڵکن فڕێ بدایه‌ته‌ ده‌ره‌وه‌. به‌داخه‌وه‌ یه‌ک مه‌ترسی و رێگریی هه‌یه‌ ئه‌ویش دێوزمه‌ی ئیسلامییه‌کانه‌، بۆیه‌ خه‌ڵکی تا ئێستا له‌پارتی و یه‌کێتی به‌ته‌واوی هه‌ڵنه‌ساوه‌. به‌ڵام وا بڕوات په‌نا بۆ شه‌یتان ده‌به‌ن، خۆ له‌خۆرایی نه‌بوو، له‌فلان و فیسار وڵاتی عه‌ره‌بی خه‌ڵکی ده‌نگیان به‌ئیسلامییه‌کاندا! بێگومان کاروا بڕوات ئه‌و ڕۆژه‌یش ده‌بینین و نزیک بۆته‌وه‌.

هێرش بۆ سه‌ر کۆسره‌ت ره‌سولی ڕابه‌رت نه‌شه‌خسییه‌ نه‌ته‌ره‌ماش، نه‌داخیشم له‌دڵدایه‌، هێنده‌ی ئه‌وه‌ نه‌بێت ئه‌و لایه‌کی کوردستانی لووش داوه‌، به‌نده‌ی موخلیسیشتان سفر هیچ به‌ده‌سته‌وه‌!
ئه‌و ‌هاوته‌مه‌نمه‌، گه‌ر ئه‌و له‌شاخ بوو بێت، به‌نده‌ له‌سه‌خترین ڕۆژه‌کانی زووڵم و زۆر و ڕيشبگیری عه‌ره‌باندا له‌نێو جه‌رگه‌ی دوژمن شاری سله‌یمانیدا بووم. له‌و توندره‌وانه‌ بووم که‌ ته‌نانه‌ت ئاماده‌یش نه‌بووم وه‌ره‌قه‌ی خه‌فیفه‌ بخه‌مه‌ گیرفانه‌وه‌.

ئه‌و پێشمه‌رگه‌ بووه‌ هه‌روه‌ها به‌نده‌یش، جیاوازی نێوانمان ئه‌وه‌یه‌، ئه‌و بۆ پۆزلێدان و ده‌ستکه‌وتی مادی و پله‌وپایه‌ خنه‌ی کردووه‌ و دێت. به‌نده‌ به‌پێچه‌وانه‌وه‌ هه‌رگیز شانازی به‌پێشمه‌رگایه‌تییه‌وه‌ ناکه‌م. پێشمه‌رگه‌ وه‌ک هه‌ر شتێکی دی لام پیرۆز نییه‌، ئه‌و ده‌ورانه‌یش به‌سه‌رچوو.

ڕێگا به‌خۆ ناده‌م سووکایه‌تی به‌شه‌هیده‌وه‌ بکه‌م، به‌ڵام له‌م ده‌وروو زه‌مانه‌دا خانه‌واده‌ی به‌شێک له‌شه‌هیدان و خودی پارته‌کان بۆ ده‌ستکه‌وت و زه‌موزه‌مکاری و ململانیێ ناشه‌ریفانه‌ی خۆیان ناوی شه‌هیدیش وه‌ک زۆر شتی دی ناشیرین و پیس کراوه‌.
ئه‌و شه‌هیدی پله‌ یه‌کی نه‌داوه‌، من برایه‌کم له‌کۆتایی مانگی 4ی 1979دا گیانی به‌خت کردووه‌ تا ئێستایش ئێسکوپروسکه‌که‌ی نه‌هێنراوه‌ته‌وه‌، گۆر ونه‌.

ڕابه‌رایه‌تی پارتی و یه‌کێتی هێنده‌ گه‌نده‌ڵ و هیچ له‌باره‌نه‌بوون، ته‌نانه‌ت وای لێهاتووه‌ که‌س خۆیان ناکات به‌خاوه‌ن، ئه‌وه‌ که‌سه‌ خوێنه‌واره‌کانی ناویان  جورئه‌ت ناکه‌ن، قه‌له‌می به‌رگری بخه‌نه‌گه‌ر. نازانم چۆن ئه‌م جۆره‌ که‌سانه‌ له‌ڕوویان دێت به‌رگری نامه‌ی وا ده‌نووسن. به‌هه‌رحال له‌گه‌ڵ ئه‌وه‌شدا سوپاسیان ده‌که‌م فرسه‌تیان بۆ ره‌خساندم‌، تا به‌شێکی بچووک له‌ڕاستی ده‌ربڕم. 060718
----------
بۆ یه‌که‌مین جار له‌کوردستانپۆست دا بڵاوکرایه‌وه‌.

به‌ر له‌دابه‌زاندنی بابه‌ته‌که‌، شه‌وی 060719 به‌رپرسی ماڵپه‌ڕه‌که‌ زه‌نگی بۆ لێدام، بۆ گۆڕانکاری له‌چه‌ند وشه‌دا، ئه‌و ویستی بۆم بنێرێته‌وه‌ تا ده‌سکاری بکه‌م، منیش وتم گه‌ر چه‌ند ده‌ربرینێک بێت که‌ قورس بێت، خۆت چاکی بکه‌. بۆ ئه‌مانه‌تی ئه‌ده‌بی لێره‌دا ئه‌و ده‌سکاریکردنه‌ ده‌خه‌مه‌ ڕوو: ناونیشان له‌ موختارکوژانی کۆسره‌ت ره‌سوڵ! ه‌وه‌ بۆته‌ فیشه‌کی موختارکوژه‌کانی کۆسره‌ت ره‌سوڵ! ڕۆژی 060720 خێرا مایلیکم بۆ نارد، له‌نگی ناونیشانه‌که‌م  به‌م شێوه‌یه‌ بۆ ڕاستکرده‌وه‌: فیشه‌که‌ موختارکوژه‌کانی کۆسره‌ت ره‌سوڵ!.

ئه‌سڵی په‌ره‌گرافه‌که‌‌ وایه‌ هێرش بۆ سه‌ر کۆسره‌ت ره‌سولی ڕابه‌رت نه‌شه‌خسییه‌ نه‌ته‌ره‌ماش، نه‌داخیشم له‌دڵدایه‌، هێنده‌ی ئه‌وه‌ نه‌بێت ئه‌و لایه‌کی کوردستانی لووش داوه‌، به‌نده‌ی موخلیسیشتان سفر هیچ به‌ده‌سته‌وه‌!.

به‌ڵام ئه‌و به‌م شێوه‌یه‌ ده‌سکاری کردووه‌ : هێرش بۆ سه‌ر کۆسره‌ت ره‌سولی ڕابه‌رت نه‌شه‌خسییه‌ ، نه‌داخیشم له‌دڵدایه‌، هێنده‌ی ئه‌وه‌ نه‌بێت ئه‌و لایه‌کی کوردستانی لووش داوه‌، خه‌ڵکه‌ چه‌وساوه‌که‌ش سفر هیچ به‌ده‌سته‌وه‌!
وه‌ک ده‌بینن وشه‌ی ته‌ره‌ماشی لابردووه‌، ئه‌کرێت بڵێن تا ڕاده‌یه‌ک قه‌یدی نییه‌. به‌ڵام دووهه‌میان له‌سیغه‌ی تاکه‌وه‌ گۆڕیوییه‌تی بۆ کۆ له‌ به‌نده‌ی موخلیسیشتانه‌وه‌ کردوویه‌تی به‌خه‌ڵکه‌ چه‌وساوه‌که‌شه‌یش!

له‌په‌ره‌گرافێکی دیدا که‌ ئه‌سڵه‌که‌ی ئاوایه‌: ئه‌و پێشمه‌رگه‌ بووه‌ هه‌روه‌ها به‌نده‌یش، جیاوازی نێوانمان ئه‌وه‌یه‌، ئه‌و بۆ پۆزلێدان و ده‌ستکه‌وتی مادی و پله‌وپایه‌ خنه‌ی کردووه‌ و دێت. به‌نده‌ به‌پێچه‌وانه‌وه‌ هه‌رگیز شانازی به‌پێشمه‌رگایه‌تییه‌وه‌ ناکه‌م. پێشمه‌رگه‌ وه‌ک هه‌ر شتێکی دی لام پیرۆز نییه‌، ئه‌و ده‌ورانه‌یش به‌سه‌رچوو.

به‌ڵام دێڕێکی بۆ زیاد کردووه‌ به‌م شێوه‌یه‌: ئه‌و پێشمه‌رگه‌ بووه‌ هه‌روه‌ها به‌نده‌یش، جیاوازی نێوانمان ئه‌وه‌یه‌، ئه‌و بۆ پۆزلێدان و ده‌ستکه‌وتی مادی و پله‌وپایه‌ خنه‌ی کردووه‌ و دێت. به‌نده‌ به‌پێچه‌وانه‌وه‌ هه‌رگیز شانازی به‌پێشمه‌رگایه‌تییه‌وه‌ ناکه‌م، که‌ ئه‌وانه‌ کردوویانه‌. ئه‌و پێشمه‌رگایه‌تییه‌ی ئه‌وان، که‌ سه‌رنجامه‌که‌ی ئاوابێت وه‌ک هه‌ر شتێکی دی لام پیرۆز نییه‌، ئه‌و ده‌ورانه‌یش به‌سه‌رچوو.

ئه‌م په‌ره‌گرافه‌: ئه‌و شه‌هیدی پله‌ یه‌کی نه‌داوه‌، من برایه‌کم له‌کۆتایی مانگی 4ی 1979دا گیانی به‌خت کردووه‌ تا ئێستایش ئێسکوپروسکه‌که‌ی نه‌هێنراوه‌ته‌وه‌، گۆر ونه‌.
له‌کۆتایی دا وشه‌یه‌کی بۆ زیاد کردووه‌، به‌م شێوه‌یه‌ی لێهاتووه‌: ئه‌و شه‌هیده‌ی پله‌ یه‌کی نه‌داوه‌، من برایه‌کم له‌کۆتایی مانگی 4ی 1979دا گیانی به‌خت کردووه‌ تا ئێستایش ئێسکوپروسکه‌که‌ی نه‌هێنراوه‌ته‌وه‌، گۆر، به‌ڵکو ونه‌.

ئه‌م په‌ره‌گرافه‌یش: ڕابه‌رایه‌تی پارتی و یه‌کێتی هێنده‌ گه‌نده‌ڵ و هیچ له‌باره‌نه‌بوون، ته‌نانه‌ت وای لێهاتووه‌ که‌س خۆیان ناکات به‌خاوه‌ن، ئه‌وه‌ که‌سه‌ خوێنه‌واره‌کانی ناویان  جورئه‌ت ناکه‌ن، قه‌له‌می به‌رگری بخه‌نه‌گه‌ر. نازانم چۆن ئه‌م جۆره‌ که‌سانه‌ له‌ڕوویان دێت به‌رگری نامه‌ی وا ده‌نووسن. به‌هه‌رحال له‌گه‌ڵ ئه‌وه‌شدا سوپاسیان ده‌که‌م فرسه‌تیان بۆ ره‌خساندم‌، تا به‌شێکی بچووک له‌ڕاستی ده‌ربڕم.
دێڕێکی بۆ زیاد کردووه‌ به‌م شێوه‌یه‌: ڕابه‌رایه‌تی پارتی و یه‌کێتی هێنده‌ گه‌نده‌ڵ و هیچ له‌باره‌نه‌بوون، ته‌نانه‌ت وای لێهاتووه‌ که‌س خۆیان ناکات به‌خاوه‌ن، ئه‌وه‌ که‌سه‌ خوێنه‌واره‌کانی ناویان جورئه‌ت ناکه‌ن، قه‌له‌می به‌رگری بخه‌نه‌گه‌ر. نازانم چۆن ئه‌م جۆره‌ که‌سانه‌ی وه‌کوو ئێوه‌ له ‌ڕووتان دێت به‌رگری نامه‌ی وا ده‌نووسن. دیاره‌ له‌م دووره‌ وڵاته‌ چه‌ند دۆلارێکیان لێ وه‌رده‌گرن. به‌هه‌رحال له‌گه‌ڵ ئه‌وه‌شدا سوپاستان ده‌که‌م که‌ فرسه‌تیان بۆ ره‌خساندم‌، تا به‌شێکی بچووک له ‌ڕاستی ده‌ربڕم.

گۆڤاری لڤین، بێ وه‌عد و په‌یام ده‌رچوو

گۆڤاری لڤین ژماره‌ 41 ده‌رچوو، وه‌ک په‌یمان و سۆز بوو، له‌سه‌ر فایلی قه‌له‌مه‌کانی شه‌ری ناوخۆ، بۆ ئه‌و نووسه‌رانه‌ی داوای به‌ڵگه‌ و ئیسپاتیان کرد بوو، وه‌ڵام بده‌نه‌وه‌ و ئه‌و نووسه‌رانه‌ی خۆیان بێبه‌ری ده‌زانن له‌و بوختان  و ناوزڕاندنه‌ی که‌ داوییه‌ته‌ پاڵیان ئاشکرا بکه‌ن به‌ڵام به‌داخه‌وه‌، به‌ڕوونکردنه‌وه‌یه‌ک زیاتر هیچی دیکه‌یان نه‌داوه‌به‌ده‌سته‌وه‌! له‌و ڕوونکردنه‌وه‌یه‌دا له‌چه‌ند خاڵ ناڕاسته‌وخۆ دانیان ناوه‌ به‌هه‌ڵه‌ و سه‌قه‌تی کاریاندا‌‌!

خاڵێک که‌ جێی سه‌رنج بێت ئه‌و ده‌ربڕینه‌یه‌ : (...پاشان ئه‌و ڕۆژنامه‌ و گۆڤارانه‌ دیاریکراوه‌ که‌ له‌و ده‌مه‌دا له‌شه‌ردا بوون یان هی حیزبه‌کانی شه‌ڕ بوون، ده‌رهێنانی ناوه‌کانیش له‌و بڵاوکراوانه‌ به‌شێوازێکی دیقه‌ته‌وه‌ به‌ڕێوه‌ چووه‌...) بۆ ئه‌وه‌ی ئه‌و به‌ڕێزانه‌ نه‌که‌وتبنایه‌ هه‌ڵه‌وه‌ ده‌بوایه‌ ئه‌وانی ده‌ره‌وه‌ی ئه‌و بڵاوکراوانه‌ی لایه‌نی شه‌ره‌که‌یشیان تێبکردایه‌ تا بیانویه‌کی موقنعیان بدایه‌ته‌ ده‌سته‌وه‌.

چونکه‌ وه‌ک ده‌زانن که‌سێکی وه‌ک من که‌ سه‌رپه‌رشتیاری بڵاوکردنه‌وه‌ی گۆڤاری ئه‌ده‌بی کرێکاری بووم، له‌ماوه‌ی پێنج ساڵدا ده‌کرێت بڵێم گۆڤاره‌که‌م کردبووه‌ تریبیۆنی دژایه‌تی کردنی شه‌ر، وه‌ک تاک ڕاسته‌وخۆ و ناراسته‌وخۆ به‌شداریم له‌و کۆمیته‌ و ڕێپێوان و ناره‌زایه‌تی و لیژنانه‌دا ‌ کردووه‌ که ‌له‌دژی شه‌ڕی کۆنه‌په‌رستانه‌ بووه‌، به‌ته‌عبیری چه‌پیانه‌ی ئه‌وکات. گه‌ر مێژوو به‌ئینسافه‌وه‌ له‌و قۆناغه‌دا بڕوانێته‌ ئه‌و گۆڤاره‌، ئه‌کرێت وه‌ک قوتبێکی ئه‌نتی ده‌سه‌ڵات و ئاشتیخواز له‌قه‌له‌م بدرێت.

له‌و ملاملانێ، له‌و پێناوه‌دا سه‌رئه‌نجام ده‌سه‌ڵاتی یه‌کێتی نیشتمانی کوردستان، گه‌یشته‌ تینی و بێزاربوو، په‌نا بۆ زیندان و ئاسایش به‌رد، بۆ ماوه‌ی 12 ڕۆژ  4.23  تا 1996.5.4  زیندانیان کردین. ناره‌زایه‌تی پیشاندان به‌خاتری لایه‌نێکی شه‌ره‌که‌ نه‌بوو، وه‌ک ده‌ڵێن؛ شووکر هوشیاره‌ مه‌حوی تێده‌گات، بۆ ئه‌و مه‌به‌سته‌ پێویست بوو له‌هه‌ردوو لا بده‌ین، به‌ڵام له‌به‌ر ئه‌وه‌ی کاروچالاکیمان له‌ده‌ڤه‌ری سله‌یمانی بوو، ناچار زیاتر له‌گه‌ڵ یه‌کێتی به‌ره‌وڕوو ده‌بوویه‌وه‌، ئه‌وه‌یش به‌قازانجی ئه‌ولا ده‌شکایه‌وه‌، له‌ونێوه‌دا هاڕابووین. له‌و ماوه‌یدا به‌ڕاسته‌وخۆ یان ناڕاسته‌خۆ یه‌ک فلسه‌ سووره‌مان له‌هیچ لایه‌ک وه‌رنه‌گرتووه‌، یارمه‌تیده‌ری سه‌ره‌کیمان کۆمه‌ڵه‌ی ئێران بوو.

خۆ ناکرێت بشارێته‌وه‌ واخۆپیشان بده‌ین که‌ فریشته‌ بووین و کوڕی سه‌رده‌مه‌که‌ی خۆمان نه‌بووین. له‌جه‌نجاڵێکی وادا، دوورونزیک ئه‌و جه‌نگه‌ داسه‌پاو و نه‌خوازراوه‌ کاریگه‌ری له‌سه‌رمان داناوه‌. له‌و بڕوایه‌دام و گه‌ر به‌هه‌ڵه‌دا نه‌چووبم، هۆی ناوهێنانم له‌و لیسته‌دا بگه‌ڕێته‌وه‌ بۆ یه‌که‌م: چاوپێکه‌وتنه‌کانی گۆڤاری گوڵان و برایه‌تی. به‌کورتی و کوردی دوای ئازادکردنم یه‌کێتی ده‌یویست ده‌م بدوورم، هزری ڕادیکاڵی ئه‌و کاته‌یشم ڕێی ئه‌وه‌ی پێنه‌ده‌دام، بۆیه‌ به‌مه‌به‌ستی چوونه‌ ده‌ره‌وه‌، ده‌ڤه‌ری ئه‌ولام گرته‌به‌ر، بۆ ماوه‌ی یه‌کدوو مانگ له‌و ناوه‌ مامه‌وه‌. له‌و کاته‌دا وه‌ک نووسه‌رێک گوڵان و برایه‌تی

چاوپێکه‌وتنیان له‌گه‌ڵدا کردم، ده‌توانن له‌م لینکانه‌ هه‌ردوو چاوپێکه‌وتنه‌که‌ ببینن
http://www.geocities.com/kardokale/gulan.htm
http://www.geocities.com/kardokale/brayeti.htm

هۆی دووه‌م: له‌وه‌ڵامدانه‌وه‌ی یه‌که‌ممدا به‌ناونیشانی  قه‌له‌می من جه‌نگی ناوخۆی هه‌ڵگیراساند! ئه‌مه‌یش لینکه‌که‌یه‌تی:
http://4k.blogfa.com/post-14.aspx
ئاماژه‌یه‌کم دابوو به‌وه‌ی که‌ ئه‌م گۆڤاره‌ سه‌ر به‌یه‌کێتی نیشتمانی کوردستانه‌، به‌ڵام دواتر که‌چوومه‌ بنجوبناوانی پشتیوان و مه‌رجه‌عی گۆڤاره‌که‌وه‌، بۆم ده‌رکه‌وت ورد نه‌بووم و سه‌رچاوه‌که‌ که‌مێک به‌هه‌ڵه‌یدا بردووم! له‌چه‌ند سه‌رچاوه‌ی دییه‌وه‌ بۆم ده‌رکه‌وت؛ ئه‌وانه‌ زیاتر یه‌کگرتووی ئیسلامین وه‌ک

له‌وه‌ی شتێکی دی بن. بۆیه‌ گه‌ر به‌دیدی ئه‌وان و ئیسلامییه‌کان حساب بۆ ئێمه‌مانان بکرێت، بێگومان به‌یه‌کێک له‌قه‌له‌ماکانی شه‌ری ناوخۆ ده‌ژمێردرێین، ئیتر دنیا وایه‌ هاوکێشه‌کان قابیل گۆرانکارییه‌، هه‌ر یه‌که‌ به‌شک له‌ڕاستی لایه‌، دیارده‌ و شته‌کان به‌شێوه‌ی جۆراوجۆر ده‌خوێنرێنه‌وه‌ و لێکده‌درێنه‌وه‌.
هه‌رچۆنێک بێت، من بۆ خۆم زۆر به‌داخه‌وه‌م که‌ له‌و قۆناغه‌دا تووشی هه‌ڵه‌ بووبێتم و بووبێتمه‌ مایه‌ی قووڵکردنه‌وه‌ی کارێکی ناشیرن و دزێوی خه‌ڵکانی دڵره‌ش که‌ میلله‌ته‌که‌م به‌هۆیه‌وه‌ تووشی زه‌ره‌ر و زیان گه‌وره‌ بۆته‌وه‌‌. هه‌ر لێره‌وه‌ گه‌ر لێم قبووڵ ده‌که‌ن؛ داوای لێبووردن له‌خه‌ڵکی کوردستان ده‌که‌م.

بۆ ئه‌وه‌ی گومان له‌لای که‌س نه‌مێنێت، لڤینیش خۆی به‌ڕاستگۆ و به‌رپرسیار پیشانبدات، وا باشتره‌ به‌مه‌منوونییه‌وه‌ قبووڵمه‌، به‌ڵگه‌کانی له‌دژم بخاته‌ ڕوو تا گومانه‌که‌ له‌لای خه‌ڵکی ببێته‌ یه‌قین و له‌چاوه‌ڕاونی گۆدۆدا مه‌مانکوژن. ئه‌و کات په‌یڤی ترمان ده‌بێت. 06.07.11
---------------
بۆ یه‌که‌مجار له‌ماڵپه‌ری کوردستانپۆست، هه‌روه‌ها له‌باشووری کوردستان هه‌فته‌نامه‌ی جه‌ماوه‌ر ژماره‌ 188 لاپه‌ره‌ 13 ڕۆژی 060814 دا بڵاوکرایه‌وه‌.

کۆسره‌ت ره‌سولیان لێکردین به‌خیری زنه‌

ئه‌و به‌ڕێزه‌ی به‌ناوی چه‌ند خوێنه‌ریکی به‌ویژدانه‌وه‌ بۆ به‌رگری له‌کۆسره‌ت ره‌سوڵ لێم هاته‌ وه‌ڵام، ئه‌مجاره‌ به‌ناونیشانی دیسان بۆ کاک عه‌باس شوان، سه‌باره‌ت به‌ نووسینه‌که‌ی له‌ سه‌ر کاک کۆسره‌ت کورته‌ نووسینیکی له‌هه‌مان ماڵپه‌ڕ بڵاوکردۆته‌وه‌. وه‌ک به‌وه‌ڵامی دووه‌مییه‌وه‌ دیاره‌ هه‌ر خۆیه‌تی، به‌نده‌ له‌جاری پێشوودا ئاماژه‌یه‌کم پێدا بوو. گرنگ نییه‌ له‌و جۆره‌ خه‌ڵکانه‌ که‌ قه‌باره‌ به‌خۆیان ده‌ده‌ن له‌کۆمه‌ڵگا ڕۆژهه‌ڵاتییه‌کاندا فره‌ زۆره‌، جۆرێکه‌ له‌نه‌خۆشی، ده‌بێت چاره‌سه‌ری بۆ بدۆزرێته‌وه‌.

ئه‌و زۆر به‌ویژدانه‌ ده‌فه‌رمووێت:( ...من یه‌کیه‌تی نیم ،هه‌ولێری نیم ، کارمه‌ندی ده‌وڵه‌تیش نیم ، قه‌ت کارم به‌ مسئول نه‌بووه‌...) ڕێزم بۆ ئه‌و قسه‌یه‌ هه‌یه‌ به‌ڵام ئه‌و کڵاوه‌ له‌خۆت جوانه‌، بۆ سه‌ری ئێمه‌مانان نابێت. ئه‌شبێت بۆ خۆ بردنه‌ پێشه‌وه‌ و په‌یداکردنی پاره‌ ئه‌م به‌رگرینامه‌یه‌ت هۆنیوه‌ته‌وه‌. دوای ئه‌وه‌ به‌شی زۆری ڕه‌وه‌ندی کوردی ئه‌ورووپانشین شارچێتییان تووڕداوه‌ و به‌شه‌رمه‌زاری ده‌زانن. دواتر ده‌فه‌رمووێت:( ... هه‌موو ره‌خنه‌یه‌کیشم قبووڵه‌ ...) ئه‌مه‌ ره‌خنه‌ی قبووڵه‌، ‌من شێت ده‌کات، پێم ده‌ڵێت ته‌وازنی عه‌قلیت له‌ده‌ست داوه‌. ئه‌گه‌ر قبووڵی نه‌بووایه‌ وه‌ک خۆی ده‌فه‌رمووێت جه‌لبی ده‌کردم بۆ قه‌سابخانه‌ی حیزب!

ئه‌و ده‌نووسێت:( ... ئه‌وه‌ی په‌ستی کردووه‌... باسی ته‌ندروستی کاک کۆسره‌ت ده‌که‌یت، ئه‌مه‌ دژی مافی ئینسانه‌...) ئاخر خوا بتانگرێت عه‌یبه‌ باس له‌و مه‌سه‌له‌ بڤانه‌ ده‌که‌ن. مێژووی یه‌کێتی و شه‌خسی کۆسره‌ت ره‌سوڵ هه‌ڵگیرسێنه‌ر و قاره‌مانی شه‌ری ناوخۆ نه‌بوون! ده‌بێت ئێوه‌مانان دواهه‌مین که‌س بن باس له‌مه‌سه‌له‌یه‌کی وا بکه‌ن مێژووتان پڕه‌ له‌ناشیرینی. بڕۆن به‌یانی زوو وه‌ک موسولمانه‌ ساده‌کان له‌مزگه‌وتێکدا خۆتان له‌ئاو هه‌ڵکێشن. ئه‌و کات له‌وانه‌یه‌ بڕواتان پێبکه‌ین که‌ پاکبوونه‌ته‌وه‌، جارێکی تر ناوتان له‌ڕاپۆرته‌کانی ئه‌منیستی ئه‌نته‌رناسیۆناڵدا نا‌یه‌ت.

ئه‌و فره‌ به‌ویژدانه‌ ده‌فه‌رمووێت:( ... کۆسره‌ت سێ جار به‌قه‌ده‌ر قورسایی جه‌نابت پێڵاوی له‌م شاخ و داخه‌ دڕیوه‌...) ئه‌و ئیهانه‌ته‌ ئه‌وه‌نده‌ به‌ڕووی موخالفیندا وتراوه‌ته‌وه‌ سواوه‌، ناکرێت که‌مێک له‌بزشیرین بن!؟ به‌پێچه‌وانه‌وه‌ ئه‌و کۆسره‌ت ره‌سوڵه‌ی ئازیزی تۆ ملیۆنێ جار به‌قه‌ده‌ر پێڵاوه‌نی په‌یدا کردۆته‌وه‌ ئێستا نه‌ک ملیۆنه‌ره‌ به‌ڵکوو وه‌ک هه‌ر حاکمێکی ده‌سه‌ڵاتداری ڕۆژهه‌ڵاتی موسته‌بده‌ و چه‌واشه‌کاره‌.

ده‌فه‌رمووێت:... نوسینه‌که‌ی تۆ به‌رهه‌می ناکۆکیه‌کانی ناو یه‌کیه‌تیه‌ به‌پاره‌ی یه‌کێک له‌ دژی یه‌کێک ئه‌نوسیت... ئێمه‌مانان له‌باکووری ئه‌ورووپا گیرساوینه‌ته‌وه‌، له‌سیاسه‌تدا ته‌به‌نی ته‌وژمی لیبرال و میانه‌ڕه‌و ده‌که‌ین، له‌سه‌ر ئه‌و بناغه‌یه‌وه‌ وه‌ک چاودێرێک ده‌ڕوانینه‌ ڕه‌وشی هه‌مه‌لایه‌نه‌ی باشووری کوردستان. که‌واته‌ زۆر ئاساییه‌ به‌رگری له‌و ته‌موژمه‌ بکرێت ژیرانه‌ کار بۆ هه‌رچی زیاتر کرانه‌وه‌ و کاڵ بوونه‌وه‌ ده‌کات له‌نێوخۆی پارت و ده‌ره‌وه‌یدا. توندڕه‌وی به‌ری قرچۆکه‌. به‌ڵام له‌م په‌ره‌گراف و کێشه‌یه‌دا، به‌و نه‌فه‌سه‌وه‌‌ نه‌هاتووم له‌کۆسره‌ت ره‌سوڵ بده‌م. دیاره‌ و له‌سه‌ر تئیوری ڕێژه‌یی بڕۆین وه‌ک موسولمانان ده‌ڵین که‌س پێغه‌مه‌ر نییه‌، تا هه‌ڵه‌ی نه‌بێت، هه‌رچه‌نده‌ ئه‌ویش پڕ هه‌ڵه‌ بووه‌، به‌ڵام له‌گه‌ڵ پیرۆزکردنی بێبنه‌مادا ده‌ڵێی چی!؟ کۆسره‌ت ره‌سوڵ و هه‌ر که‌سێکتر قابیل ئه‌وه‌ نییه‌ هێڵی ڕاست و چه‌پی به‌سه‌ردا بهێنرێت.

دوافه‌رمووده‌ی ئه‌و به‌ڕێزه‌ : ... زۆر که‌س که‌ له‌ قوتبی شمالی دانیشتون و رایانکردووه‌... زۆر ڕاسته‌ به‌نده‌ یه‌کێکه‌ له‌و ڕاکردووانه‌ی کوردستان. به‌ڵام ده‌زانی کێ و چ ڕاویناوم؟ زۆر به‌شانازییه‌وه‌ ئه‌وه‌ به‌زه‌بری قه‌ڵه‌مه‌که‌مه‌ به‌ر له‌ نۆ ساڵ ڕێک ناوه‌راستی 1996دا بوو، ئیسلامییه‌ ڕادیکالییه‌کان پاڵیان پێوه‌نام بۆ خۆ ده‌ربازکردن له‌تیرۆری کوێریان. بۆ مێژوو چه‌ند که‌سێکی دڵسۆزی ناو یه‌کێتی بوو، هاوکارییان کردم و به‌ر له‌ئه‌نجامدانی کارێکی تیرۆریستی، ئاگاداریان کردم و تیانه‌چووم. به‌ڵام هه‌ر ئه‌و یه‌کێتییه‌ بوو، له‌سه‌ر موخالیفبوونم به‌شه‌ری ناوخۆ و سیاسه‌ته‌ چه‌وتوچه‌وێله‌کانی، دوانزه‌ رۆژ 4.23  تــــــا 1996.5.4، له‌ئاسایش توندیان کردم. 060703

بابه‌تی په‌یوه‌ندیدار:

کۆسره‌تییه‌کانی ناو یه‌کێتی کێچ که‌وتۆته‌ که‌وڵیانه‌وه‌ له‌به‌رانبه‌رمدا هه‌ر یه‌که‌ به‌شێوه‌یه‌ک وه‌ڵام و به‌رگرینامه‌ ده‌نووسێت و ده‌هۆنێته‌وه‌
:
-
هاوکار حه‌وێز، به‌مایلی ( hawkar.hawez@gmail.com )، ناڕاسته‌خۆ بابه‌تێکی له‌دژم نووسیوه‌، به‌ناونیشانی: کاک کۆسره‌ت ڕه‌مزی کوردایه‌تی و وه‌فادارییه‌!  ‌به‌روار 060630 بڵاوکرۆته‌وه‌.
-
هونه‌ر ئازاد، به‌مایلی ( hunerazad2006@yahoo.com ) ‌به‌ناونیشانی: وه‌لامێک بۆ عه‌‌باس شوان، چۆن کۆسره‌ت ره‌سوڵ ده‌توانی ئه‌و هه‌موو فیشه‌ک و جبه‌خانه‌یه‌ هه‌ڵبگرێت ؟ نووسینیکی پڕ پیاهه‌ڵدانی، ‌به‌رواری 060630 بڵاوکردۆته‌وه‌.
-
ئازاد حه‌مید، به‌مایلی ( azadh88@yahoo.com ) هه‌ر به‌ناڕاسته‌خۆ وه‌ڵامێکی ماستاوی مزی به‌ناونیشانی: کۆسره‌ت ڕه‌سول عه‌لی کاراترین سه‌رکرده‌ی ئه‌مڕۆی هه‌رێمی کوردستانه‌ ، به‌روار 060701 بڵاوکردۆته‌وه‌.
-
به‌ڕۆژ ئیبراهیم، به‌مایلی( barawi71@yahoo.de ) له‌ماڵپه‌ڕی کوردستاننێت دا به‌ناونیشانی: بۆ قه‌ڵه‌مێك كه‌ ناوی (عه‌باس شوان)ه‌ بابه‌تێکی ته‌مێئامێزی، به‌روار060701 بڵاوکردۆته‌وه‌.
-
له‌م ئه‌دریس مایله‌وه‌ (tola kanabe <tola_hawlere@yahoo.com) به‌ڕێنووسێکی لاتینی سه‌قه‌ت، تۆپه‌ڵێ جنێوی ناشیرینم بۆ هاتووه‌. به‌روار 28.6.2006  کات 15:16 ! ته‌نها به‌وشه‌ی سوپاس وه‌ڵامم دایه‌وه‌.
------------------
بۆ یه‌که‌مینجار له‌کوردستانپۆست دا بڵاوبۆوه‌.

منیش ڕۆژی 060710 به‌م شێوه‌یه‌ وه‌ڵامم داوه‌ته‌وه‌

ڕێکان گیان هه‌زار سڵاو بۆ خۆت و هه‌موو ئه‌ندامانی خێزانت، وه‌ک تۆ ده‌ڵێی بۆ خانمی بوکمان( بوکی ماڵی خه‌سوومه‌) .....ی خوشکت و هیوای ته‌مه‌ن درێژی بۆ خۆی و مناڵه‌کانی و مێرده‌که‌ی.

چاوه‌که‌م ڕێکان، ئه‌رکت کێشا و منت به‌سه‌ر کرده‌وه‌ و خۆشحاڵی کردم و گه‌شامه‌وه‌. به‌شانازییه‌وه‌ په‌یوه‌ندیتم پێقبووڵه ‌و زۆرم پێباشه‌. ئێمه‌ له‌ده‌ره‌وه‌ زۆر پێویستمان به‌په‌یوه‌ندی ‌ له‌گه‌ڵ ناوخۆی وڵات هه‌یه.

بۆ خۆتان ده‌زانن ده‌سه‌ڵاتداران که‌ش و هه‌وایه‌کی وایان دروست کردووه‌، که‌س نه‌وێرێت سه‌ر ببزوێنێت. ئێمه‌ لێره‌وه‌ له‌ئه‌کبه‌ر واحیدیان ناترسین، ئه‌ورووپا ده‌کرێت وه‌ک پشت و په‌نای خه‌ڵکانی ناڕازی دابنرێت هاوکات سه‌رچاوه‌ی هزر و عه‌قڵی نوێ و مۆدێرن بێت بۆ ناوه‌وه‌، ئه‌وه‌یش ته‌نها به‌مه‌به‌ستی هه‌رچی باشترکردنی کۆمه‌ڵگاکه‌مان له‌داخراوه‌یی و سه‌رکوت بۆ کرانه‌وه‌ و جوانترکردن.
بۆ کۆپیکردنی نووسینه‌که‌م و بڵاوکردنه‌وه‌ی جێی ڕێز و پێزانینه‌. کارێکی باشت کردووه‌.

نووسین کارێکی هێنده‌ گران نییه‌ مرۆڤ پێی نه‌وێرێت، بۆیه‌ ده‌ستخۆشبوونت لێده‌که‌م و هه‌وڵ بده‌ زیاتر بنووسیت، بۆ خۆشت ده‌زانی ئه‌ویش موماره‌سه‌ و سه‌لیقه‌ و وردبینین و دیقه‌ته‌ و به‌راوردکاری و... گرنگ ئه‌وه‌یه‌ له‌دڵی خۆماندا نه‌یهێڵینه‌وه‌ و ده‌ریبڕین به‌شێوه‌ی نووسین، چیش له‌و بواره‌دا به‌من بکرێت ئاماده‌م.

له‌باره‌ی زمانی زبر یان نه‌رمی نووسینه‌که‌وه‌، هیچی وامنه‌وتبوو کردیان به‌هه‌ڵا، گه‌ر وه‌ک‌ تۆ ده‌ڵێی زبرتر بووایه‌، بێگومان ده‌بووه‌ فه‌رته‌نه‌. دوای ئه‌وه‌ ده‌کرێت به‌زمانێکی مۆدێرن و دوور له‌ده‌ربڕینی ره‌ق و ناجایز هه‌مان شت بووترێت. به‌ڵام زۆر سه‌یره‌ خه‌ڵکی لای خۆمان به‌تا‌یبه‌تی ده‌سه‌ڵاتداران هه‌تا که‌رامه‌تیان نه‌ڕووشێنیت و برینداریان نه‌که‌یت به‌خۆیان نازانن و نایه‌نه‌ قسه‌، ئه‌وه‌ حاله‌تێکی ناته‌ندروسته‌ پێویست به‌لێکۆڵینه‌وه‌ ده‌کات.
نووسینیش سیاسه‌تی خۆی هه‌یه‌، ئیتر هه‌ردوو زمانه‌که‌ له‌کات و ساتی دیاریکراودا پێویستن و  فه‌رامۆش نه‌کرێت باشه‌.

بۆ بینینی سه‌رجه‌م نووسینه‌کانم ده‌توانی سه‌ردانی ماڵپه‌ڕ  سایته‌که‌م بکه‌یت، ئه‌و نووسینه‌ی له‌سه‌ر کۆسره‌ت ره‌سووڵم نووسیوه‌، گه‌ر کاتت هه‌بوو، بخوێنیته‌وه‌.
ناونیشانی ماڵپه‌ڕ سایت  http://koti.phnet.fi/abasshwa

له‌کۆتاییدا
ته‌نها رێز و حورمه‌تی زیاترم قبووڵ بکه‌

هه‌ر ئه‌و ڕۆژه 7.7.2006 ئاوا وه‌ڵامم به‌هه‌ردوو ڕێنووسه‌که‌ لاتینی و ئارامی داوه‌ته‌وه‌:

-
تۆ ده‌مت که‌مێ پیسه‌، به‌س له‌وه‌ ده‌چێت کۆسره‌ت خێروبێری بۆت زۆر بووبێت وا خه‌ڵکی بهده‌م ڕووت ده‌زانی! ؟

- کۆسره‌تی ئاغات بۆ بوو به‌چی تا ئێمه‌مانان باسی نه‌که‌ین؟ ! به‌ هه‌ر بیانوویه‌که‌وه‌ پیرۆز بێت لای تۆ، لای ئێمه‌مانان ته‌نها مرۆڤێکه‌، به‌لام له‌به‌ر ئه‌وه‌ی یه‌کێکه‌ له‌سه‌ره‌ زله‌حۆرته‌کانی ناو یه‌کێتی، ئه‌ویش خاوه‌ن مێژوویه‌کی ناشیرین و دزێوه‌، گرنگ ئه‌وه‌یه‌ ئێمه‌مانان پاشه‌ڵمان وه‌ک ئه‌و و سه‌رکرده‌کانی تر پیس نیه‌ و ده‌ستمان به‌ خوێنی که‌س سوور نیه‌ و قاره‌مانی شه‌ڕی ناوخۆ نین.

- من شانازی به‌وه‌وه‌ ده‌که‌م که‌ دوو جار فه‌رمانگه‌ی ئه‌منی عه‌ره‌ب گرتوومیان ده‌ستم سه‌قه‌ت بووه‌ و مسته‌قبه‌لم فه‌وتاوه، و برایه‌کم له‌ ١٩٧٩دا وه‌ک‌ پێشمه‌رگه‌یهکی یه‌کێتی و کۆمه‌ڵه‌ی ڕنجده‌ران گیانی به‌خت کردووه‌.

ئه‌وه‌ی ویژدان بێت له‌ناو یه‌کێتیدا نییه‌

 له‌کوردستانپۆستدا به‌ڕێزێک خۆی گه‌وره‌ پیشانده‌دات و به‌ناوی (چه‌ند خوێنه‌رێکی به‌ویژدان!!)ه‌وه‌، وه‌ڵامی کورته‌ نووسینێکیان به‌ناونیشانی (کۆسره‌ت ره‌سوڵ و ئه‌سپی عه‌ره‌بانه‌!) که‌ به‌داخه‌وه‌ ماڵپه‌ڕه‌که‌ بۆ‌(چۆن کۆسره‌ت ره‌سوڵ ده‌توانێ ئه‌و هه‌موو فیشه‌ک و جبه‌خانه‌یه‌ هه‌ڵبگرێ؟) گۆڕی بووی! داومه‌ته‌وه‌.

هه‌ر له‌سه‌ره‌تاوه‌ به‌تووره‌یی ده‌یهێنێت و به‌ناموسه‌قه‌فم داده‌نێت، بۆیه‌ هه‌ق به‌خۆی ده‌دات بازاڕیانه‌ وه‌ڵامم بداته‌وه‌! له‌به‌رامبه‌ر ئه‌م ده‌ربڕینه‌مدا (... کۆسره‌ت ره‌سوڵ، له‌باری جه‌سته‌ییه‌وه‌ ته‌وازنی تێکچووه‌، ...) ئاوا دیته‌ وه‌ڵام (...جه‌نابت ته‌وازنی عه‌قلیت نییه‌...) و گوایه‌ سه‌رکرده‌که‌ی بۆ ئێمه‌مانان وای به‌سه‌رهاتووه‌. ئێمه‌ بێوه‌فاین له‌به‌رانبه‌ر قوربانیدان و زه‌حمه‌تیاندا! گه‌ر ئه‌وانه‌ نه‌بوایه‌ ئێمه‌ زه‌لاله‌تمان ده‌بوو به‌ده‌ست دوژمنه‌وه‌! کونه‌مشکمان لێ ده‌بوو به‌قه‌یسه‌ری! له‌به‌ر ئه‌وه‌ی وتوومه‌ (... له‌هه‌ر وڵاتێکی ئه‌ورووپایی بوایه‌، ده‌بوو له‌خانه‌ی په‌ککه‌وتوواندا خۆی ببینایه‌ته‌وه‌...) من که‌روڵال ده‌کات!

کۆسره‌ت ره‌سوڵ، له‌شه‌ری ناوخۆدا خواروچێچ بووه‌، ئێستا خۆشیان ده‌ڵین؛ ئه‌و کاره‌مان مایه‌ی شانازی نییه‌. سه‌ره‌زله‌کانی هه‌ردوولای شه‌ره‌که‌ داوای لیبووردنیان کرد. ڕۆژگار ده‌ریخست ئه‌وانه‌ چه‌کیان بۆ خۆیانیان کردۆته‌ شان‌‌، ئه‌ی ئه‌وه‌ نییه‌ هه‌موو بوونه‌ته‌ ملیۆنه‌ر! و هایلایڤ ده‌ژین. گوناحێکی وه‌ک ئه‌م به‌ویژدانه‌! بۆیان ده‌پاڕێته‌وه‌. یان ئه‌وه‌تا شه‌ریک و ...ن!

که‌ باسی ته‌مه‌نی کۆسره‌ت ره‌سوڵ ده‌که‌م، مه‌به‌ست له‌و ته‌ناقوزه‌یه‌،‌ من نه‌مکردووه‌ به‌تووشییه‌وه‌، ئه‌و بۆ زه‌موزمکاری نێو یه‌کێتی ته‌رحی خانه‌نشینی له‌دوای 50 ساڵیه‌وه‌ کردووه‌، که‌چی له‌پراتیکدا و دوای ماوه‌یه‌کی زۆر کورت خۆی به‌درۆ ده‌خاته‌وه‌ و پۆستی نوێ وه‌رده‌گرێت! ئه‌وه‌ چه‌ندی به‌چه‌ند؟! له‌ڕاستیدا وه‌ک چۆن ئه‌ولا که‌سی یه‌که‌میان داناوه‌، ده‌بوایه‌ نه‌وشیروان مسته‌فا وه‌ک که‌سی یه‌که‌می ئێستای ناو یه‌کێتی ئه‌و پۆسته‌ی وه‌ربگرتایه‌، ئه‌وه‌یش سیاسه‌تێکی نادروسته‌ و دردۆنگی له‌به‌رامبه‌ر پارتیدا ده‌گه‌یه‌نێت.

ئاخر ئه‌گه‌ر نه‌کرێت به‌فشقیات و گاڵته‌جاری، چی بکه‌ین؟ ئه‌و ره‌وشه‌ی که‌ یه‌کێتی و پارتی بۆ خه‌ڵکی کوردستانیان دروست کردووه‌، له‌وه‌ خراپتر ده‌هێنێت، ده‌بێت بریندار بکرێن و .... بروشێنرێت، ئه‌و کات دێنه‌ وه‌ڵام!

ناوی پێشمه‌رگه‌ زۆر گه‌وره‌ی چییه‌!؟ له‌کۆتایی حه‌فتاکانی به‌ره‌وژوور تا ناوه‌راستی هه‌شتاکان، به‌خاتری دوژمنایه‌تی له‌گه‌ڵ عه‌ره‌به‌کاندا پێشمه‌رگه‌ له‌نێو شار ڕێز و حورمه‌تێکی تایبه‌تی هه‌بوو، ئیتر دوای ئه‌وه‌ ته‌واو، ئه‌فسانه‌که‌ ڕه‌وییه‌وه‌، به‌تایبه‌تی له‌دوای ڕاپه‌ڕین به‌ته‌واوی پێشمه‌رگه‌ ناوی چووه‌ لیستی ره‌شه‌وه‌. مه‌گه‌ر له‌به‌رامبه‌ر عه‌ره‌به‌ شۆڤێنییه‌کاندا که‌مێک خاتری بگرین.

ئه‌و ئاماره‌ی به‌ناوی ڕادیۆ نه‌واوه پیشان دراوه‌، نه‌ک درۆیه‌ به‌ڵکوو بوختانیشه، هه‌موو شتێک قابیلی گومانه‌، به‌تایبه‌تی له‌وه‌ی گوایه‌ کۆسره‌ت ره‌سوڵ له‌سه‌دا 96ی هێناوه‌، ته‌شبیه نه‌بێت ده‌نگدانه‌که‌ی کۆنی مامه‌ سه‌دام حسین که‌ له‌سه‌دا 99ی هێنابوو، بیر مرۆڤ ده‌هێنێته‌وه! به‌م خۆ فشکردنه‌وه‌یه‌ ده‌تانه‌وێت بڵێن چی؟! هه‌ر زۆر شووره‌ییه‌! گه‌ر لاسایی ده‌که‌نه‌وه‌ لاسایی نموونه‌ی ئه‌ورووپایی بکه‌نه‌وه‌ باشتره‌.

له‌لایه‌کی تره‌وه‌ ئه‌وه‌ لا‌یه‌نگرانی پارتی و یه‌کێتین به‌داخه‌وه‌ له‌ئێستادا زۆربه‌ن، خه‌ڵکی و ڕای گشتی چه‌واشه‌ ده‌که‌ن، هه‌ر که‌‌ به‌رنامه‌یه‌کی وا ده‌بێت، یه‌ک به‌دوای یه‌کدا وه‌ک مه‌ڕ سه‌ره‌ ده‌گرن  و زه‌نگی پشتیوانی لێده‌ده‌ن! ئه‌و بلۆفانه‌ به‌سه‌ر که‌سی هوشیاردا تێنه‌په‌رێت! به‌داخه‌وه‌ ئه‌و ده‌مامکه‌ دیموکراتییه‌ بۆ ده‌مکووتی نه‌یاران به‌کارده‌هێنرێت! 060628
-----------
بۆ یه‌که‌مجار له‌
کوردستانپۆست دا به‌رواری
060701 ‌بڵاوبۆوه.

کۆسره‌ت ره‌سوڵ و ئه‌سپی عه‌ره‌بانه‌

کۆسره‌ت ره‌سوڵ، له‌باری جه‌سته‌ییه‌وه‌ ته‌وازنی تێکچووه‌، به‌که‌سێکی ئاسایی ناژمێررێت، له‌هه‌ر وڵاتیکی ئه‌ورووپایی بوایه‌، ده‌بوو له‌خانه‌ی په‌ککه‌وتوواندا خۆی ببینایه‌ته‌وه‌. به‌رده‌وام له‌ژێرچاودێریدا بوایه‌. کۆمیدیاکه‌ له‌وادایه‌ پاڵه‌وانی ساحه‌و مه‌یدانه‌! وا پیشان ده‌دات هێشتا گوڕوو تینی تێدا ماوه‌!!

هه‌ر که‌سێک یه‌ک تۆز ڕێزی له‌خۆی بگرێت‌ بێگومان پێی عه‌یب ده‌بوو فلاشی کامێرا جۆراوجۆره‌کانی به‌ربکه‌وێت. ئه‌وه‌ جۆرێکه‌ له‌ماشۆسییه‌ت و چێژ له‌ئازاردانی خۆ بینینه‌! ئیتر ئه‌وه‌یش به‌دبه‌ختییه‌کی تره‌ به‌ربینی به‌پێشکه‌وتنی سیاسه‌تی کوردی و گیانی نوێ و ئه‌کتیڤی گرتووه‌.

ئه‌و ڕاستییه‌، کۆسره‌ت ره‌سوڵ خۆی ده‌یزانێت و دانیشی پێدا ناوه‌، ئه‌ی بۆ وه‌ک ده‌ستپێشکه‌رییه‌ک بڕیاری خانه‌نشینی خۆی نه‌دا تا پیر و په‌ککه‌وته‌کانی تری هاوڕێی چاوی لێبکه‌ن؟ زه‌می به‌سه‌ریانه‌وه‌ هه‌بێت و له‌لای خه‌ڵکانێکی تر ببێته‌ ئه‌فسانه‌ و سومبوڵی ڕاستگۆیی !؟

ئێمه‌ شاهیدین، ماوه‌یه‌ک له‌مه‌وبه‌ر به‌ئێستایشه‌وه‌، له‌زه‌م و زه‌م کارییه‌کانی ناوخۆی پرۆسه‌ی چاکسازی یه‌کیتی نیشتمانی کوردستانی عێێێڕڕڕڕاقققققق، ئه‌م جه‌نابه‌ پێشنیاری بۆ ئه‌ندامانی باڵای یه‌کێتی کرد؛ ئه‌وانه‌ی ته‌مه‌نیان له‌په‌نجا ساڵ به‌روژووره‌،  با واز بێنن و خانه‌نشین بن، گوایه‌ به‌خاتری مه‌جاڵ ره‌خساندنه‌ بۆ هاتنه‌پێشه‌وه‌ی نه‌وه‌ی نوێ و ئه‌کتیڤه‌ تا ڕێیان بۆ خۆش بکرێت ده‌ور ببینن، یه‌کێتی له‌پیرێتی قۆتار بکه‌ن.

که‌چی ئه‌وه‌ درۆیه‌کی زه‌به‌لاح و شاخدار بوو، کاتێکمان زانی وێرای ئه‌و هه‌مو کارانه‌ی نێو پارته‌که‌ی گوایه‌ پڕکاری بێتاقه‌تی کردووه‌! پۆستێکی پڕ کێشه‌تری له‌ئه‌ستۆ پێسپێردرا، به‌بێ ئیعترازیش په‌سه‌ندی کردووه‌، بوو به‌جێگیری سه‌رۆکی هه‌رێم! قسه‌قسه‌ ده‌هێنی به‌م بۆنه‌یه‌وه‌، با بیکه‌ین به‌فشقیات، ئه‌م وه‌رگرتنی پۆسته‌ دێڕێکی خۆشی سه‌رده‌می پێشمه‌رگایه‌تیم بیر ده‌هێنێته‌وه‌؛ خه‌ڵکی شار به‌پێشمه‌رگه‌یان ده‌ووت ئه‌سپی عه‌ره‌بانه‌ یان ئه‌ڵێی ئه‌سپی عه‌ره‌بانه‌ن‌، به‌وه‌ی چۆن ده‌یانتوانی ئه‌و هه‌موو فیشه‌ک و چه‌که‌ و جبه‌خانه‌یه‌ هه‌ڵبگرن و له‌خۆ ببه‌ستن.  060624
------------
بۆ یه‌که‌مجار له‌کوردستانپۆست دا ‌بڵاوبۆوه. به‌داخه‌وه‌ وێرای گۆڕینی ناونیشانی بابه‌ته‌که‌ له‌مه‌وه‌ ( کۆسره‌ت ره‌سوڵ و ئه‌سپی عه‌ره‌بانه‌!) بۆ ( چۆن کۆسره‌ت ره‌سوڵ ده‌توانێ ئه‌و هه‌موو فیشه‌ک و جبه‌خانه‌یه‌ هه‌ڵبگرێ؟)، هاتووه‌ ئه‌م دێره‌ی( ... خه‌ڵکی شار به‌پێشمه‌رگه‌یان ده‌ووت ئه‌سپی عه‌ره‌بانه‌ یان ئه‌ڵێی ئه‌سپی عه‌ره‌بانه‌ن...)  وا لێکردووه‌ (... خه‌ڵکی شار جاران به‌ پێشمه‌رگه‌یان شتێکی سه‌یر ده‌گووت...)! هه‌روه‌ها کارتۆنه‌که‌یشی  سه‌قه‌ت کردووه‌، خۆی کارتۆنه‌که‌ ئانیماتۆیه‌ و ده‌جووڵێت، ته‌واوکه‌ری نووسینه‌که‌یه‌، ته‌ناقوزی په‌یڤه‌کانی کۆسره‌ت ره‌سوڵ پیشانده‌دات، به‌ڵام وه‌ک ده‌بینن له‌وێدا ئاوا خراوه‌ته‌ ڕوو.
خۆی سانسۆرکردووه‌ بۆیه‌ ئه‌و تێبینییه‌ی له‌پاینی تێکسته‌که‌دا ( کاک عه‌باس شوان: سڵاو ... بۆ ئه‌وه‌ی به‌ڕێزتان تووشی ره‌خنه و گۆڵمه‌ز نه‌بن، هه‌روه‌ها ئێمه‌ش تووشی سه‌ریه‌شه‌ نه‌بین، وامان به‌ باشمان ‌زانی ئه‌و په‌ره‌گرافه‌ی دووایی وه‌ک خۆی بلاونه‌که‌ینه‌وه‌، داوای لێبووردن ده‌که‌ین. کوردستاتنپۆست ) نووسیوه‌! 
060626

له ‌پێناو کوردستانپۆستێکی گه‌شه‌کردووتردا

له‌سه‌روبه‌ندی دیزاین نوێکردنه‌وه‌ی کوردستانپۆستدا، چه‌ند پێشنیارێک:

که‌ کوردستانپۆست ده‌که‌یته‌وه‌ بابه‌ته‌کان له‌ده‌سته‌ چه‌پ، وه‌ک به‌ماڵپه‌ڕه‌ ئه‌ورووپییه‌کان ده‌بینرێت. به‌پێچه‌وانه‌ی ده‌بێت یان له‌لای ڕاست بێت له‌به‌ر ئه‌وه‌ی کورد وه‌ک عه‌ره‌ب و فارس و ئه‌فگانستان  له‌ڕاسته‌وه‌ ده‌خوێننه‌وه‌ و له‌ڕاسته‌وه‌ ده‌نووسن. زووربه‌ی ماڵپه‌ڕه‌ عه‌ره‌بی و فارسییه‌کان له‌لای ڕاسته‌وه‌ تێکسته‌کانیان داناوه‌. به‌ڵام وه‌ک چاره‌ی مام ناوه‌ندی با له‌ناوه‌ڕاستدا بێت.

شوێنی به‌تاڵ زۆر زۆره‌ وا باشتره‌ وه‌ک لای چه‌پ ستونێکی باریک هه‌یه‌ ڕۆژمێر و چه‌ند به‌سته‌ری تیا دانراوه‌، لای ڕاستیش ستونێکی باریکی دی هه‌بێت، ده‌کرێت ئه‌و بابه‌تانه‌ی که‌ سه‌ردانیکه‌ری زۆر ده‌بێت وه‌ک ئێستا نه‌خرێنه‌ خواره‌وه‌. به‌هه‌ره‌می بۆ یه‌کێ له‌لاکان‌ بگوێزرێته‌وه‌. ئه‌وه‌یش ده‌بێته‌ هۆی کورت کردنه‌وه‌ی ماڵپه‌ڕه‌که‌ هاوکات‌ یارمه‌تی و ئاسانکاری زیاتر بۆ خوێنه‌ر ده‌بێت.

ئامارسازی زۆر پێویسته‌ بۆ سه‌رجه‌م بابه‌ته‌کان بۆ ئه‌وه‌ی خوێنه‌ر بزانێت کام باس و بابه‌ت زۆرترین کلیککراوه‌ یان نێردراوه‌ یان پرینت کراوه‌.

ڕاپرسی زۆر پێویسته‌، بۆ شوێنێک پڕکردنه‌وه‌ نه‌بێت. به‌ته‌کنیکێکی وا بێت، جێی بڕوا بێت و خوێنه‌ری فێڵاوی بۆی نه‌بێت چه‌ند جار کلیک له‌چه‌ند ڕۆژی دیاریکراو بکات و ده‌نگ بدات. به‌دواداچوونی بۆ بکرێت و له‌ئاست ڕاگه‌یاندندا بڵاوبکرێته‌وه‌ و کاته‌که‌یشی به‌هه‌فته‌، نیومانگ و مانگ دیاری بکرێت.

له‌لاپه‌ره‌ی ده‌ستپیکدا، کات و ڕۆژ بۆ هه‌ر بابه‌تێک به‌بچووکی زیاد بکرێت وه‌ک ماڵپه‌ڕی هه‌واڵی په‌یامنێر و .... له‌ڕووی ناوه‌وه‌که‌ یان دوای کلیککردن وا پێویست ده‌کات له‌پاینی بابه‌ته‌که‌دا یان هه‌رشوێنێکی دی ئیکیونی کۆمێنت، ناردنی به‌سته‌ر بۆ هاوڕێیه‌ک، سه‌یڤ و کۆپیکردن، پرێنتکردن، دایبخه‌،... هه‌بێت. بۆ هه‌ر بابه‌تێک به‌جیا گه‌ر هه‌بوو خاڵی: (بابه‌تی په‌یوه‌ندیدار) زۆر پێویسته‌.‌

گه‌ر کلیک کرایه‌ سه‌ر بابه‌تی نوسه‌رێک، لاپه‌ره‌که‌ وا باشتره‌ له‌دوو ستوون پان و باریک پێک بێت، پانه‌که‌یان تێکسته‌ نوێکه‌ بێت،‌ ستوونه‌که‌ی دیان وێنه‌ و بابه‌ته‌ کۆنه‌کانی نووسه‌ر تێدا بێت.

وا بکرێت نووسه‌ران بتوانن بابه‌ته‌کانیان دوای بڵاوکردنه‌وه‌ی یه‌که‌مجا‌ر گه‌رهاتوو هه‌ڵه‌یه‌کی زمانه‌وانی یا گۆڕینی وێنه‌ و... تیا بینی، قابیل و بێ گه‌ڕانه‌وه‌ بۆ به‌رپرس بتوانن ڕاسته‌وخۆ چاکی بکه‌ن.
گه‌ر بڕیاره‌ ئه‌وه‌ی ئێستا وه‌ک خۆی بمێنێته‌وه‌ مه‌به‌ست له‌ په‌نجه‌ره‌یه‌ی نووسه‌رانه‌ که‌ بابه‌ته‌کانیانی لێداده‌نێن. وا پێویست ده‌کات گۆڕانکاری تیابکرێت. له‌سه‌ره‌وه‌ (بابه‌ت هه‌ڵبژێره‌) ئه‌م خاڵانه‌ی بۆ زیاد بکرێت کارتۆن، شێوه‌کار، ته‌نز، نه‌خشه‌، فۆتۆگراف، فلیم، بیره‌وه‌ری، دیکۆمێنت، مێژوو، کۆمپیوته‌ر، زانست،.....

مه‌رج نییه‌ قاڵب و چوارچێوه‌ی لاپه‌ره‌ی یه‌که‌م بچه‌سپێنرێت به‌سه‌ر تێکستییه‌کاندا کاتێک کلیک ده‌کرێت.

ئابووری کردن له‌ناوی نووسه‌راندا بکرێت، به‌پێی زۆر به‌شداریکردنیان ڕیزبکرێن، نه‌ک به‌پێی پیت. هانگاوبنرێت بۆ ئه‌وه‌ی نووسه‌رانێکی تایبه‌ت به‌ماڵپه‌ره‌که‌ ده‌ستیان پێوه‌بگیرێت و ته‌نانه‌ت به‌شێوه‌ی جۆراوجۆر بانگهێشت بکرێن. ئه‌و دیارده‌ ناشیرینه‌ی هه‌موو به‌شێوه‌ی جۆراوجۆر به‌شدارین تێیدا، ناردنی بابه‌تێک بۆ چه‌ند شوێن، که‌سێک دابنرێت بۆ چاودێری کردنی به‌رده‌وام، بلوک کردنی بابه‌ت به‌وه‌ی وه‌ک زۆر جار ماڵپه‌ڕی کوردستاننێت ده‌یکات، ئه‌وه‌یش مانای دره‌نگ پێزانینێتی. هه‌وڵ بدرێت له‌نێوان به‌رپرسانی ماڵپه‌ره‌ سه‌ره‌کییه‌کان جۆرێک هاوکاری هه‌بێت. ئه‌مه‌ له‌وانه‌یه‌ زۆر نه‌سه‌پێت به‌سه‌ر ئه‌و بابه‌ت و نووسه‌رانه‌ی که‌ له‌نێوخۆی وڵاتدان.

یان وه‌ک چۆن له‌زۆر وڵاتی ئه‌ورووپایی یاسای بڵاوکردنه‌وه‌ هه‌یه‌، نووسه‌ر ده‌بێت ئه‌و بابه‌ته‌ی له‌فڵان شوێندا بڵاویده‌کاته‌وه‌ به‌لایه‌نی که‌مه‌وه‌ دوای 3 تا 6 مانگ ئینجا بۆی هه‌بێت له‌شوێنیکی دی بڵاویبکاته‌وه‌. به‌ڵام به‌دبه‌ختی پێنووسبه‌ده‌ستانی کورد له‌وه‌دایه‌ به‌ری ڕه‌نجیان سه‌وز نابێت، هیچ کام له‌و ماڵپه‌ڕانه‌ پاداشت ناده‌ن به‌که‌س، بۆیه‌ ناتوانن ئه‌و دیاریده‌یه‌ کۆنترۆڵ بکرێت. به‌ڵام له‌دابونه‌ریتی ڕۆژنامه‌گه‌ریدا ده‌کرێت نووسه‌رێک بابه‌تێک له‌دوو شوێن هاوکات بڵاوبکاته‌وه‌، به‌مه‌رجی ئه‌وه‌ی گرێبه‌ستێک له‌نێوان هه‌رسێ لادا هه‌بێت.

به‌پێی ئه‌وه‌ی چه‌رخی خێراییه‌، سه‌بقی ڕۆژنامه‌یی خاڵێکی زۆر گرنگه، نازانم کوردستانپۆست ڕێ به‌خۆیده‌دات وه‌ک ئه‌و ته‌رزه‌ نوێیه‌ی ماڵپه‌ر چه‌ند که‌س به‌ڕێوه‌ی به‌رێت؟ بۆ نموونه‌ گه‌ر نووسه‌رێک هه‌واڵێکی گه‌رمی یان هه‌ر بابه‌تێکی دی هه‌بوو، دواکه‌وتنی ده‌بێته‌ ساربوونه‌وه‌ و که‌م بایه‌خ بوونی، بتوانێت له‌لاپه‌ڕه‌ی ئیندێکس دایبنێت؟  06.6.22
------------------
بۆ یه‌که‌مجار له‌کوردستانپۆست دا ‌بڵاوبۆوه.

دزه‌ وه‌زیری بێوه‌زاره‌ت

حکومه‌تی نوێی باشووری کوردستان، پێک هات. به‌هۆی هه‌لومه‌رجێکی نه‌خوازراو و ململانێیه‌کی توند، به‌ناچاری بڕیاردراوه‌ گشت پێکهاته‌کانی خه‌ڵکی کوردستان به‌شداربن. تا ئێره‌ کارێکی پۆزه‌تیفانه‌یه‌. زۆرن له‌وانه‌ی وه‌زیری بێ وه‌زاره‌تن، ئه‌مه‌یش وای له‌زۆر خه‌ڵک کردووه‌ به‌گاڵته‌جاڕییه‌وه‌ بڕوانێته‌ ئه‌و پێکهاته‌یه‌!

ئه‌وه‌ لایه‌نێکی مه‌سه‌له‌که‌یه‌، لایه‌نی دووه‌م، چه‌ند دانه‌ له‌و وه‌زیرانه‌یه‌، که‌ مێژوویان شاراوه‌یه‌ و که‌م که‌س ده‌یزانێت! بۆ نموونه‌ جۆرج مه‌نسور وه‌زیری بێوه‌زاره‌ت، به‌رپرسی که‌ناڵی ئاسمانی عه‌شتار و نوێنه‌ری کلد و ئاشوورییه‌کانی باشووری کوردستانه‌! وشه‌دزێکی سه‌یره‌، ‌ئه‌مه‌ چۆن و که‌ی و کێ ئاشکرای کرد؟
سه‌یره‌ و سه‌یر نییه‌! ئه‌وه‌ی له‌وه‌سه‌تی ئه‌ده‌بی و ڕووناکبیری عه‌ره‌بیدا کاربکات و ئاگادار بێت، له‌مێژه‌ ئه‌و ڕاستییه‌ ده‌زانێت، به‌م شێوه‌یه‌ی خواره‌وه‌:

ـ لێکۆلینه‌وه‌یه‌کی پجوهشگه‌ری ئێرانی مه‌حمود ڕامیار، که‌ له‌ گۆڤاری الثقافة الجديدة ساڵی  ‌1987 بڵاوبۆته‌وه، ئه‌م هاتووه‌ به‌ناوی خۆیه‌وه‌ له‌ماڵپه‌ڕی «إيلاف» 2004.5.2 ‌ بڵاوی کردۆته‌وه‌. خۆشبه‌ختانه‌  تێنه‌په‌ڕی به‌سه‌ریدا و ئاشکرا بوو، ئای که‌ عه‌یبه‌!

ـ باسێک به‌ناوی «تحولات» که‌ برای جه‌نابی وه‌زیر ناسر مه‌نسور نووسیویه‌تی، له‌ڕۆژنامه‌ی خه‌بات شوباتی 1993دا  بڵاوکراوه‌ته‌وه‌. ئه‌م هاتووه‌ له‌رۆژنامه‌ی «المرآة» ديسمبر 1994 ناونیشانه‌که‌ی کردووه‌ به‌«الثورة في الفن» و به‌ناوی خۆیه‌وه‌ بڵاویکردۆته‌وه‌!

ـ من سيكولوجيا الفن إلى سوسيولوجيا الفن که‌ هی نووسه‌ر ئیبراهیم مه‌حموده‌ و له‌ گۆڤاری «النهج» ژماره‌ 32 ی 1991 بڵاوکراوه‌ته‌وه‌، ئه‌م هاتووه‌ به‌ناونیشانی «كرنفالات الفن المثيرة»ه‌وه‌ له‌ڕۆژنامه‌ی «مرآة»دا بڵاویکردۆته‌وه‌!
------
بۆ نووسینی ئه‌م بابه‌ته‌ سوودم له‌م ناونیشانه‌ (يا كاكه مسعود.. أيجوز توزير سارق الحروف..؟)ی نووسه‌ری عه‌ره‌ب رشيد الخيون وه‌رگرتووه‌. که‌ له‌ماڵپه‌ڕی ڕۆژنامه‌ی الشرق الاوسطی ژماره‌ 10068ی 22ی یونیۆی 2006 دا بڵاوکراوه‌ته‌وه‌.
بۆ یه‌که‌مجار له‌ماڵپه‌ڕی ‌کوردستانپۆست، دواتر له‌هه‌‌فته‌نامه‌یڕێبازی ئازادی دا ‌باشووری کوردستان ‌بڵاوبۆوه.

ده‌مامکسازی ناو یه‌کێتی نیشتمانی کوردستان

ئه‌و هه‌وڵانه‌ی یه‌کێتی که‌ هه‌ر چه‌ند ساڵ جارێک له‌دوای ڕاپه‌ڕینه‌وه‌ بۆ چاکسازی و گۆرانکاری له‌نێوخۆیدا، مه‌بده‌ئییه‌ن کارێکه‌ به‌ئاراسته‌یه‌کی دروست و پۆزه‌تیڤ ده‌کرێت بخوێنرێته‌وه‌. ئه‌م خاڵه‌ وای له‌یه‌کیتی کردووه‌ جیاواز بێت له‌پارته‌کانی نێو گۆره‌پانی سیاسی باشوور، جۆرێک تایبه‌تمه‌ندی له‌چاو ئه‌وانی دیدا پێبه‌خشیوه‌.

له‌هه‌نگاونانی زووزووی یه‌کێتی بۆ کارێکی وا له‌چییه‌وه‌ سه‌رچاوه‌ ده‌گرێت؟ ئایا فشار ناوخۆی خودی پارته‌که‌یه‌ یان به‌گشتی فشار و ناره‌زایه‌تی خه‌ڵکی باشووره‌؟ بێگومان سه‌رهه‌ڵدانی هه‌ر دیاریده‌یه‌ک به‌رئه‌نجامی کارێکه‌ ئیتر ئه‌و کاره‌ باش بێت یان خراپ، له‌و بڕوایه‌دام ئه‌وه‌ کاری خراپ و گه‌نه‌ وای له‌هه‌ردوو به‌ره‌که‌ کردووه‌، یه‌کێتی بهێنێته‌ ژێر مه‌نگه‌نه‌ و گیروگازه‌وه‌.

ئه‌و ڕه‌وشه‌ وای له‌که‌سانی خاوه‌ن نفوز و ئۆتۆریته‌ی ناو خودی یه‌کیتی کردووه‌ که‌ به‌خاتری پاراستنی ئاره‌قی نێوچه‌وان، ده‌ستبده‌نه‌ کایه‌یه‌ک ئه‌ویش به‌مه‌به‌ستی میکیاجکردن یان دروست تر چاکسازی بچووک و ناچیزه‌ تا ئه‌و ده‌نگانه‌ی پێ ڕازی بکرێت و له‌خشته‌ببرێت، ئه‌ویش تا ماوه‌یه‌کی دیاری کراو، جاریکی دی و له‌کاتیکی تردا دووباره‌ هه‌مان کێشه‌ سه‌ر هه‌ڵده‌داته‌وه‌ ئه‌و کات داشه‌کانی چاکسازی له‌وانه‌یه‌ ئه‌وانی ئێستا نه‌بن.

له‌ڕۆژهه‌ڵاتدا و له‌ژێر کاریگه‌ری کلتووری ئاینی عه‌ره‌باندا، و نه‌ته‌وه‌ی سه‌رده‌ست جۆره‌ ده‌جالییه‌ک له‌نێو خه‌ڵکی به‌گشتی و سیاسه‌تمه‌داران به‌تایبه‌تی، جێگیر بووه‌. به‌وه‌ی ڕووبه‌ڕوو له‌به‌رچاوان له‌بز شیرین، هه‌ر که‌ چاوت لێخافڵکردن ئه‌سڵه‌که‌ی خۆیه‌تی و گۆڕانی به‌سه‌ردا نه‌هاتووه‌، هه‌مان کرده‌وه‌ و پراتیکی ناشیرین په‌یره‌و ده‌که‌ن. جا بۆیه‌ ئاسان نییه‌ بڕوا بکرێت به‌جه‌نجاڵێکی وا. ئێ به‌ڵکوو به‌گومانان به‌هه‌ڵه‌دا چووبن و یه‌کێتی چاکسازیی بخاته‌ واری جێبه‌جێکردن، خۆی نوێ بکاته‌وه‌‌. به‌و هۆیه‌شه‌وه‌ به‌شێک له‌کۆمه‌ڵگا کوردی به‌ره‌و ئاسووده‌یی و خۆشگوزه‌رانی بچێت.  06.6.18
----------
بۆ یه‌که‌مجار له‌کوردستانپۆست دا ‌بڵاوبۆوه.

ئه‌لفاتیحا بۆ ڕادیۆ نه‌وا

ئه‌وه‌ چه‌ند ڕۆژێکه‌ ماڵپه‌ڕی ڕادیۆ نه‌وا له‌کارکردن وه‌ستاوه‌، ماوه‌یه‌ک له‌وه‌ زیاتریش ده‌بێت هه‌ست ده‌کرێت، ئه‌و گوڕوتینه‌ی جارانی نه‌ماوه‌. ئه‌وه‌یش نیشانه‌ی قه‌یران و ئاریشه‌یه‌ک ده‌گه‌یه‌نێت. به‌ڵێ، وایه‌ ماوه‌یه‌که‌ ئه‌و کێشانه‌ پێدزکه‌ی کردۆته‌ نێو هه‌واڵی ڕۆژنامه‌کان، کاتێک به‌ته‌واوی ته‌قییه‌وه‌ که20 که‌س له‌ژنان و پیاوانی کارمه‌ند ده‌ستیان له‌کار کێشاوه‌ته‌وه‌، ئه‌وه‌یش هاوکات بووه‌ له‌گه‌ڵ چوونه‌ده‌ره‌وه‌ی به‌رپرسی یه‌که‌می ڕادیۆکه‌.

ئه‌م ده‌ست له‌کارکێشانه‌وه‌ به‌کۆمه‌ڵه‌ بێ مه‌ڵامه‌ت نییه‌ و گه‌ر به‌هه‌ڵه‌دا نه‌چووبم، ده‌ستێکی له‌پشته‌وه‌یه‌. ئه‌و ده‌سته‌ کێیه‌‌ و مه‌به‌ست لێی چییه‌، گه‌ر چاومان نه‌فڕێت له‌ئاینده‌یه‌کی نزیکدا ئاشکرا ده‌بێت. ئه‌کرێت ئه‌و ده‌سته‌ وا پێناس بکه‌ین که‌ ڕقیان له‌ئازادی ڕاده‌ربڕین و کۆمه‌ڵگای کراوه‌یه‌. یان له‌وانه‌یه‌ به‌هۆی کێشه‌یه‌کی داراییه‌وه‌ و فێڵ و بلۆفێک بێت بۆ ئه‌وه‌ی ئه‌و تریبیۆنه‌ نه‌مێنێت و لاواز بێت. دیاره‌ ماوه‌ی یه‌ک دوو مانگه‌ ئه‌و لاوازییه‌ی پێوه‌دیاره‌، گه‌ر به‌هه‌ڵه‌دا نه‌چووبم مۆمی ته‌مه‌نی نه‌وا به‌ره‌و کوژانه‌وه‌ ده‌چێت.
ئه‌وه‌یش زۆر ئاساییه‌ جێی نیگه‌رانی نییه‌، سه‌ده‌ها ده‌موده‌زگای وا بینراوه‌ زۆر به‌جوانی وه‌فاداربوون به‌ په‌یامی ڕاسته‌قینه‌ی خۆیان له‌ئه‌نجامی ململانێوه‌ که‌ دیاره‌ وه‌ک ئاماژه‌ی پێدرا له‌و گۆمه‌ لیخنه‌ی باشووری کوردستان تای ته‌رازوو به‌قازانجی به‌ره‌ی ئازادیخوازان نابێت. سه‌رئه‌نجام وه‌ک هه‌ر شتیکی تر به‌ره‌و پوکانه‌وه‌ و نه‌مان ده‌چوێت‌. به‌ڵام له‌و بڕوایه‌دام ژیان سه‌وزه‌ و وامان پێده‌ڵێت شتی و ئامرازی نوێ، به‌شێوازی نوێتر په‌یدا ده‌بێت سه‌رهه‌ڵده‌دان که‌ له‌وانی پێشووتر تێی ده‌په‌ڕێنن و جوانتر کار ده‌که‌ن و به‌ڕێوه‌ده‌به‌ن.  08.06.2006
---------
بۆ یه‌که‌مجار له‌
کوردستانپۆست دا ‌بڵاوبۆوه.
دواتر له‌باشووری کوردستان له‌هه‌فته‌نامه‌ی ڕێبازی ئازادی دا بڵاوکرایه‌وه‌.

چاره‌نووسیان به‌مشاری گه‌نده‌ڵییه‌وه‌ به‌نده‌

سڵاو
له‌سه‌ره‌تا و به‌بۆنه‌ی ساڵیادی ماڵپه‌ڕی کوردستانپۆسته‌وه‌ پیرۆزبایی گه‌رم له‌به‌ڕێوه‌به‌ر هێژا که‌مال جه‌مال موختار ده‌که‌م، هه‌روه‌ها ئه‌و خامانه‌ی که‌ تا ئێستا به‌شێوه‌ی جۆراوجۆر له‌به‌سه‌رکه‌وتن گه‌یاندنی کاره‌کانی ده‌وریان بینیوه‌، کردوویانه‌ به‌یه‌کێ له‌و ئه‌ستێرانه‌ی که‌ ڕۆژانه‌ هاوڵاتیان به‌تاسه‌وه‌ چاوه‌ڕوانی شتی نوێی لێده‌که‌ن. هیوادارم ساڵی داهاتوو ساڵی زیاتر پێشخستنی ماڵپه‌ڕه‌که‌ له‌بواری ته‌کنیکییه‌وه‌ بێت.
هه‌ر به‌م بۆنه‌یه‌وه‌ و یه‌که‌م به‌رهه‌می ساڵی نوێم به‌م کارتۆنه‌یه‌ ده‌ست پێده‌که‌م، که‌ له‌سه‌ر گه‌نده‌ڵییه‌. < xml="true" ns="urn:schemas-microsoft-com:office:word" prefix="w" namespace="">

په‌نجا پارچه‌ زه‌وی که‌م نییه‌

دوای ئه‌وه‌ی هه‌فته‌ی ڕابردوو له‌به‌رنامه‌ی چاوی سێیه‌می تیڤی ئاسمانی کوردساتدا، گه‌نده‌ڵی یه‌کێ له‌ده‌نگخۆشه‌ کلاسیکییه‌کان حه‌مه‌جه‌زا له‌لایه‌ن ڕۆژنامه‌نووس ره‌حمان غه‌ریبی سه‌ر به‌ ته‌له‌فیزیۆنی ئازادی شاری سله‌یمانییه‌وه‌ ئاشکرا کرا، که‌ له‌خێزانه‌که‌یدا خۆی وهاوسه‌ره‌که‌ی سه‌روو پارچه‌ زه‌وییان وه‌رگرتووه‌، ڕۆژنامه‌نووسێکی سه‌ر به‌هه‌فته‌نامه‌ی میدیا که‌ له‌هه‌ولێر ده‌رده‌چێت، بۆ به‌دواداچوونی ئه‌و کێشه‌یه‌ فازڵ نه‌جیب، هه‌ڤپه‌یڤینێکی له‌گه‌ڵ ده‌نگخۆش و هاوسه‌ره‌که‌ی حه‌مه‌جه‌زا ئه‌نجام داوه‌، له‌ژماره‌ 242 ی رۆژی 06.5.30دا بڵاوکردۆته‌وه‌.
 
 
له‌م کێشه‌یه‌دا دوو بۆچوونی جیاواز هه‌ست پێده‌کرێت، حه‌مه‌جه‌زا به‌ئاوازێک و خێزانه‌که‌ی به‌ئاوازێکی توند تر، سه‌یرم لێدێت خانمێکی وا زۆر بێباکانه‌ خه‌ریکی فه‌زل فرۆشییه‌ و خۆی به‌شایه‌نی له‌وه‌ زیاتر بزانێ که‌ پێیان به‌خشیوه من شايسته‌ی ئه‌وه‌م له‌بری پارچه‌ زه‌ويه‌ک، 50 پارچه‌ زه‌وی وه‌ربگرم، مانای وایه‌ هێشتا ئه‌و گه‌نده‌ڵییه‌ی که‌ ئێستا هه‌یه‌ و سه‌روچاوی ئه‌وانیشی گرتۆته‌وه‌ ڕازی نییه‌. ئای که‌ عه‌یبه‌، نازانم چۆن له‌ڕووی دێت په‌یڤی وا ده‌ربڕیت.
 
دوای ئه‌وه‌ نازانم خه‌باتی شاخ و کێوان بوو به‌چی، نه‌بڕایه‌وه‌؟ ئه‌وه‌ 12،10 ساڵه‌ به‌لێشاو به‌شێوه‌ی جۆراوجۆر سه‌روه‌ت و سامان لوش ده‌درێت، ته‌واو نه‌بوو تێریان نه‌خوارد!!

 به‌هه‌رحاڵ له‌م کێشه‌یه‌دا ئه‌مان تۆپ ده‌خاته‌ گۆڵی سه‌رۆکی حکومه‌تی کۆنی یه‌کێتی عومه‌ر فه‌تاحه‌وه‌- ‌باوکی گه‌نده‌ڵی! ده‌رده‌که‌وێت؛ گه‌نده‌ڵی له‌سه‌ره‌وه‌ شۆڕ بۆته‌وه‌ بۆ تاک تاکی کۆمه‌ڵ، به‌پێچه‌وانه‌یشه‌وه‌ و هه‌ریه‌که‌ به‌جۆرێک پشکی به‌رده‌که‌وێت، هاوکات له‌م ته‌نگانانه‌‌دا و که‌ یه‌خه‌یان پیده‌گیرێت، هه‌موو خۆیان به‌فریشته‌ له‌قه‌ڵه‌م ده‌ده‌ن! باشه‌ ئه‌ی کێ مرۆڤی چاک و پاکه‌؟! 06.6.2

بۆ یه‌که‌مجار له‌‌ده‌نگه‌کاندا ، دواتر له‌کوردستانپۆست ،  دواتریش له‌باشووری کوردستان له‌هه‌فته‌نامه‌ی ڕێبازی ئازادی دا بڵاوکرایه‌وه‌.

حه‌مه‌جه‌زای گۆرانی بێژ ره‌حمان غه‌ریبی ڕۆژنامه‌نووس ده‌دا به‌دادگا

هه‌فته‌ی ڕابردوو له‌ که‌ناڵی کوردسات و له‌به‌رنامه‌ی سه‌رنجڕاکێشی چاوی سێیه‌م، که‌ بابه‌تی به‌رنامه‌که‌ له‌سه‌ر کاره‌کانی شاره‌وانی سله‌یمانی بوو. له‌مه‌سه‌له‌ی په‌یوه‌ند به‌گه‌نده‌ڵی و کێشه‌ی زه‌وی ڕۆژنامه‌نووسی ئازا و جه‌سوور ره‌حمان غه‌ریب سه‌ر به‌ ته‌له‌فیزیۆنی ئازادی ‌شاری سله‌یمانی، ئه‌وه‌ی ده‌ربڕی که‌ ده‌نگخۆش حه‌مه‌جه‌زا و هاوسه‌ره‌که‌ی سه‌رو پارچه‌ زه‌وییان وه‌رگرتووه‌.
له‌سه‌ر ئه‌و ئاشکراکردنه‌ ده‌نگی ئه‌وه‌ هه‌یه‌ که‌ ده‌نگخۆشی ناوبراو له‌دادگا شکاتی له‌و ڕۆژنامه‌نووسه‌ کردووه‌. 060601

بۆ یه‌که‌مجار له‌کوردستانپۆست دا ‌بڵاوبۆوه.

عه‌دنان موفتی ستۆپی چه‌ناگه‌ی پچراوه‌

عه‌دنان موفتى سه‌رۆکى په‌رله‌مانى کوردستان: زۆربه‌ى کوردى ئه‌وروپا خۆیان به‌ عیراقى ده‌زانن 
 
له‌ چاوپێکه‌وتنێکدا له‌گه‌ڵ رۆژنامه‌ى شه‌رق ئه‌وسه‌ت که‌ ئه‌مڕۆ 1/6/2006 بڵاوکراوه‌ته‌وه‌، عه‌دنان موفتى سه‌رۆکى په‌رله‌مانى کوردستان وێڕاى جه‌خت کردنه‌وه‌ له‌سه‌ر ئه‌وه‌ى که‌ کورد رۆڵێکى کاریگه‌ر له‌ پاراستنى یه‌کپارچه‌یى خاکى عیراق ده‌گێڕن،گوتیشى له‌سه‌رده‌مى ده‌سه‌ڵاتى سه‌دام حوسێندا یه‌ک کورد نه‌بوو خۆى به‌ عیراقى بزانێت، به‌ڵام دواى ئه‌وه‌ى کوردێک بووه‌ سه‌رۆکى عیراق ئێستا زۆربه‌ى کوردى ئه‌وروپا خۆیان به‌ عیراقى ده‌زانن www.aawsat.com/details.asp?section=4&issue=10047&article=366067
کۆمێنت: جی سه‌رسوورمان نییه‌، به‌رپرسێکی باڵا که‌ به‌خۆی و پارته‌ سیاسییه‌که‌یه‌وه‌، غه‌رقبوون له‌عیراقچیتیدا، په‌یڤێکی وا بفه‌رمووێ! خۆ ده‌کرێت به‌شێکی ئه‌و ده‌ربڕینه‌ ڕاست و دروست بێت، به‌وه‌ی لایه‌نگرانی خۆیان و سیاسه‌تی ئێستایان به‌و شێوه‌یه‌ په‌روه‌رده‌ ده‌که‌ن! به‌داخه‌وه‌ ئه‌و پارته‌ و هاوپه‌یمانه‌که‌ی دی که‌ ده‌سه‌ڵاتی باشووریان کۆنترۆڵ کردووه‌، زۆربه‌ن. بۆیه‌ ئاساییه‌ ده‌ربڕینێکی له‌و شێوه‌یه‌ بدات! به‌ڵام زووربه‌ی زۆری خه‌ڵکی پێک ناهێنن، به‌تایبه‌ت له‌نێو ره‌وه‌ندی کوردی ئه‌ورووپا، ده‌کرێت بووترێت به‌پێچه‌وانه‌وه‌ له‌وانه‌یه‌ زۆر له‌لایه‌نگرانی هه‌ردوو پارته‌که‌، ده‌ربرینێکی وایان پێ په‌سه‌ند نه‌بێت و به‌ناراستی بزانن.

ئه‌وه‌ هزری نه‌ته‌وه‌یی و مۆدیرن و فشاری ره‌وه‌ندی کوردییه‌ وای له‌سه‌رکردایه‌تی سیاسی باشوور کردووه‌ زۆر له‌سیاسه‌ته‌کانیان بگۆڕن و به‌خۆدا بچنه‌وه‌. به‌ڵام ده‌ڵێی چی زۆر جار باده‌ده‌نه‌وه‌ و جله‌وی چه‌ناگه‌یان به‌رده‌بێت، په‌یڤ و ده‌ربڕینی نادروست و نابه‌جێ و نالوجیکیانه‌ ده‌رده‌برن! له‌ئاست به‌رپرسیاریه‌تیدا نابن و ده‌بنه‌ بنیشته‌ خۆشه‌ی سه‌رزاران، به‌ڕووه‌ ناشیرینه‌که‌ی!   01.06.2006
---------------
بۆ یه‌که‌مجار له‌کوردستانپۆست ، دواتر له‌باشووری کوردستان له‌هه‌فته‌نامه‌ی ڕێبازی ئازادی دا بڵاوکرایه‌وه‌.

دیدی ئه‌ورووپی له‌سه‌ر ئیسلام

ئه‌ڵمانه‌کان له‌نوێترین ڕاپرسی، که‌په‌یمانگای ئلینسباخ ئه‌نجامی داوه‌، له‌ی ئایاری 2006 دا بڵاوکراوه‌ته‌وه‌، دیدیان له‌سه‌ر ئیسلام و په‌ناهه‌نده‌کانی په‌یره‌وانی ئه‌و ئایینه‌دا که‌له‌ئه‌ڵمان نیشته‌جێن به‌م شێوه‌یه‌ده‌ربریوه‌:
له‌% ئیسلام به‌ئاینێکی ده‌مارگیر وه‌سف ده‌که‌ن.
له‌% ئیسلام به‌ئاینیکی کۆنه‌په‌رستانه‌ناو ده‌به‌ن.
له‌% ئیسلام لێبوورده‌نییه‌.

له‌% پێیان وایه‌ئیسلام دژی یه‌کسانی ژن و پیاوه‌.
له‌% به‌ئاینێکی ئه‌نتی دیموکراتی داده‌نێن.
له‌% مادام ده‌وڵه‌ته‌ئیسلامییه‌کان رێگه‌ناده‌ن که‌نیسه دروستکرێت، ئێمه‌یش نابێت بهێڵین مزگه‌وت دروستبکرێت.‌
له‌% مه‌ترسی ئه‌سڵی له‌ئیسلامدا نییه‌‌، به‌ڵکوو له‌ئیسلامییه‌توندره‌وه‌کاندا ده‌بیننه‌وه‌.
--------
ئه‌م تێکسته‌ بۆ یه‌که‌مجار لێره‌دا بڵاوبۆوه‌:
http://www.kurdistanan.comدواتریش لێره‌دا بڵاو کرایه‌وه‌: http://www.kurdistanpost.com/  

قه‌له‌می من جه‌نگی ناوخۆی هه‌ڵگیرسان

هه‌فته‌ی ڕابردوو له‌گه‌ڵ هاوڕێیه‌کم به‌میسنگه‌ر له‌کوردستانه‌وه‌ چاتمان ده‌کرد، تووشی شۆک بووم کاتێ بۆی نووسیم که‌ له‌گۆڤاری لڤین بابه‌تێک بڵاوبۆته‌وه‌ له‌سه‌ر ئه‌و نووسه‌رانه‌ی له‌جه‌نگی ناوخۆدا به‌شداریان کردووه‌ و ناوی منیش هاتووه‌! له‌تۆڕی ئه‌نته‌رنێتدا به‌تایبه‌تی ماڵپه‌ڕه‌ کوردییه‌کان گه‌ڕام، دوو ژماره‌ی کۆنی سه‌رچاوه‌که‌م دۆزییه‌وه‌ و به‌وهۆیه‌وه‌ نامه‌یه‌کم به‌پۆستی ئه‌لکترۆنی  بۆ ناردن و داوام لێکردن، که‌ به‌زووترین کات وه‌ک ژماره‌کانی دی بیخه‌نه‌ سه‌ر تۆر. سه‌ره‌تا ڕۆژی 06.5.21 ‌ وه‌ک سه‌بقێکی سوحه‌فی ماڵپه‌ڕی کوردستاننێت بڵاویکردووه‌، ڕۆژی دواتر ماڵپه‌ڕی ده‌نگه‌کان سه‌رجه‌م بابه‌ته‌کانی ژماره‌که‌ بڵاوکرایه‌وه‌.

له‌ژماره‌ چلی گۆڤاری لڤین، له‌یادی هه‌ڵگیرسانی شه‌ری ناوخۆی باشووری کوردستان، له‌چوار لاپه‌ره‌دا بابه‌تێک به‌مه‌به‌ستی جه‌نجاڵ خولقاندن له‌سه‌ر وه‌زنی فیلداره‌کان، به‌ناونیشانی فایلی قه‌ڵه‌مه‌کانی شه‌ری ناوخۆ، به‌کورته‌ پێشه‌کییه‌که‌وه‌ و ناوی 222 که‌سایه‌تی سیاسی، نووسه‌ر، ڕۆژنامه‌نووس،...بڵاوکردۆته‌وه‌.

هه‌روه‌ک له‌پێشه‌کییه‌که‌دا هاتووه‌، گوایه‌ ئه‌و کاره‌ به‌رئه‌نجامی توێژینه‌وه‌یه‌کی زانستییه‌ (خۆ ده‌ڵین مه‌لایش عیلمی هه‌یه‌! به‌ڵام که‌سێکی ئه‌کادیمی نییه‌) له‌لایه‌ن که‌سێکه‌وه‌ به‌ناوی (فازل عومه‌ر ڕه‌شید)ه‌وه‌، له‌یه‌کێ له‌زانکۆ فه‌لاکانی‏(سه‌لاحه‌دین ـ هه‌ولێر) کوردستاندا! زۆر نازانستیانه‌ سه‌لماندوویه‌تی له‌ 91% ی ڕۆشنبیران ڕۆڵی نێگه‌تیڤانه‌یان بینیوه‌.

ده‌ست بردن بۆ کارێکی وا به‌پله‌ی یه‌که‌م بۆ ئه‌وه‌یه‌ که‌ نه‌ده‌بوایه‌ نووسه‌ران تیوره‌زه‌که‌ر و شه‌رعیه‌ت پێده‌ری جه‌نگه‌که‌ بن، گوایه‌ نابێت پێنووسه‌کان کوڕی سه‌رده‌می خۆیان و بێهه‌ڵه‌ بن

بیانوویه‌کی دی ئه‌وه‌یه‌ ده‌بێت بۆ مێژوو ده‌ستی نووسه‌ران که‌شف بکرێت ئه‌وه‌یش به‌خاتری نه‌وه‌ی نوێ‌!

هه‌ر چه‌ند لێی ورد بیته‌وه‌ ده‌رده‌که‌وێت، بابه‌ته‌که‌ به‌نه‌فه‌سێکی توند و نابینایانه‌ ئاماده‌کراوه‌. ته‌ڕو وشکی پێکه‌وه‌ سووتاندووه، ئاخر ئه‌وه‌ ده‌ست خستنه‌ سه‌ر خاڵه‌ هه‌ستیاره‌کانه‌ یان شێواندنی ڕاستییه‌کانه‌! گومانێکیش دروست ده‌کات له‌وه‌ی زۆربه‌ی ناوه‌کان سه‌ر به‌ده‌ڤه‌ری ژێر کۆنترۆڵی یه‌کێتی نیشتمانی کوردستانه‌، گه‌ر ئه‌وه‌ فێڵ و چاوبه‌ست نه‌بێت.

له‌و بڕوایه‌دام ئه‌و کاره‌ به‌فیتی سیاسییه‌ فایلداره‌کانی ناو یه‌کێتی نیشتمانی کوردستان ئه‌نجام دراوه‌، بۆ ئه‌وه‌ی بڵێن ئه‌ها خه‌ڵکینه‌ هه‌ر ئێمه‌ تاوانبار نیین نووسه‌رانیش له‌ئێمه‌ که‌متریان نه‌کردووه‌، به‌تایبه‌تی ئه‌م کاره‌ له‌گۆڤارێکه‌وه‌ ده‌رده‌چێت بۆ خۆیان مه‌شبوهن، له‌بازنه‌ی ئه‌و حیزبه‌دا ده‌سووڕێته‌وه‌

چه‌ند بێویژدانییه‌کی گه‌وره‌یه‌ که‌سێکی وه‌ک من به‌سوسه‌یش ڕۆژیک له‌ڕۆژان تاقه‌ دێڕێکم بۆ به‌رژه‌وه‌ندی جه‌نگی ناوخۆ نه‌نووسیوه‌، به‌ڵکوو له‌سه‌نگه‌ری دژایه‌تی  و به‌ره‌ی ئۆپۆزسیۆن ته‌نانه‌ت بۆ خۆم وه‌ک خاوه‌ن گۆڤارێک جه‌مسه‌ر و قوتبێک بووم و خۆم بینیوه‌ته‌وه‌ و کارم کردووه‌، له‌و پێناوه‌دا تووشی هه‌زاران چه‌رمه‌سه‌ری بووم، که‌چی ئێستا که‌سێک و گۆڤارێک دێت به‌سه‌ره‌قه‌له‌مێک ناوونێوبانگمان له‌که‌دار ده‌کات

ئاخر ئه‌وه‌ له‌پێناو چیدا؟ هه‌ر ئێستا بۆ سه‌لماندن و ڕاستودروستی قسه‌کانم و بۆ ڕای گشتی هاوکات بۆ به‌درۆخستنه‌وه‌ی گۆڤار، که‌سێک بیه‌وێت به‌دوای نووسینه‌کانی ئه‌و سه‌رده‌مه‌مدا بگه‌ڕێت له‌ماڵپه‌ره‌که‌مدا زۆر به‌ئاسانی ده‌ستی ده‌که‌وێت،‌ به‌م ناونیشانه‌ :    http://koti.phnet.fi/abasshwa ئاخر ئه‌و غه‌شه‌ به‌سه‌ر کێدا تێده‌په‌ڕێت، زۆرن ئه‌وانه‌ی ڕاسته‌وخۆ له‌داموده‌زگاکانی ڕاگه‌یاندنی خودی هه‌ڵگیرسێنه‌ری هه‌ردووحیزبه‌ سه‌ره‌کییه‌که‌ی جه‌نگی ناوخۆ به‌شدار بوون و ناویان نه‌هاتووه‌!! 06.5.23
--------
http://kurdistannet.biz/2006/5-2006/21-5/failiqelemekani.pdf
http://www.dengekan.com/doc/2006/5/lvin40_22.htm
ئه‌م بابه‌ته‌ بۆ یه‌که‌مجار لێره‌دا بڵاوکرایه‌وه‌ http://www.dengekan.com/doc/2006/5/abasShwan23.pdf

پاشکۆ
ئه‌م بابه‌ته‌م سه‌ره‌تا بۆ کوردستان پۆست نارد بڵاوی نه‌کرده‌وه‌ وه‌ک له‌م نامه‌یه‌دا ده‌رده‌که‌وێت:
کاک عه‌باس شوان
سڵاو
ئه‌و بابه‌ته‌ش به‌ ناوی (فایلی قه‌ڵه‌مه‌کانی شه‌ری ناوخۆ، ) بۆ کوردستانپۆست هاتبوو، به‌ڵام ئێمه‌ بڵاومان نه‌کرده‌وه‌، ئه‌و نووسینه‌ی تۆن باش مه‌به‌ستی ئه‌وانت نه‌پێکاوه‌، ده‌بوو به‌ قوڵی بچیته‌ ناو باسه‌که‌وه‌، چونکه‌ که‌ڵه‌ جاش نووسه‌ره‌کانی شه‌ری ناوخۆ وه‌کو سه‌رۆ قادر و کێ و کێی تر وه‌ک شێرکۆ بێکه‌س و  فه‌له‌که‌دین کاکه‌یی و ..... تێدا نییه‌ که‌ ئه‌وان ئاگر خۆشکه‌ری شه‌ری براکوژی بوون
له‌گه‌ڵ رێزمدا

وه‌ڵامی منیش به‌م شێوه‌یه‌ بوو
چاوه‌که‌م
سوپاس بۆ تێبینییه‌که‌ت، له‌شوێنی خۆیدایه‌، به‌ڵام ئه‌وه‌ سه‌ره‌تایه‌که‌ گه‌ر هه‌ر که‌س خۆی به‌خاوه‌نی ده‌زانێت وه‌ڵام ده‌داته‌وه‌، ئه‌و کات قسه‌ی زیاتر ده‌بوو، ئه‌وه‌ له‌گۆشه‌ نیگایه‌که‌وه‌یه‌ نه‌ک هه‌موو شتێک،پێم ناخۆشه‌ داتنه‌به‌زاندووه‌ به‌ڵام ئیتر بڵێم چی .... تۆیش ئازادی.. سوپاسی دووباره‌
دیاره‌ له‌و هه‌ڵوێسته‌ی پاشگه‌ز بۆته‌وه‌ بۆیه‌ لێره‌دا بڵاویکردۆته‌وه‌
http://www.kurdistanpost.com/default.asp?menu=article&aid=1386
دواجار له‌باشووری کوردستان و له‌هه‌فته‌نامه‌ی جه‌ماوه‌ری ژماره‌ 180ی ڕۆژی  2006.6.19 لاپه‌ڕه‌ 09 دا بڵاوکرایه‌وه‌http://www.jamawar.net/jimarakan/jamawar/current/9.pdf

یاداشت

ئه‌مڕۆ هه‌ینی 06.5.19 کۆتایی هه‌فته‌یه‌، زه‌نگی هوشیاربوونه‌وه‌ لێدا و چاوه‌ڕوانم کرد هه‌ڵم سێنن به‌ماشێن بیان به‌م بۆ سه‌رکار‌، که‌س به‌ئاگای نه‌هێنامه‌وه‌، وه‌ختێ کوری‌ ناوه‌نجی خه‌به‌ریکردمه‌وه‌ که‌ سه‌موونمان نییه‌، کات دره‌نگ بوو. دایکی مناڵان ڕۆیشتبوو، هێنده‌ ده‌زانم ئه‌مڕۆ ده‌چێت بۆ سه‌فه‌ر و کاری نییه‌. ئه‌وه‌م دوێنی له‌کاتی دوعاخوازی له‌هاکاره‌که‌ی بیست.

ئه‌م هه‌فته‌یه‌ ناخۆش بوو، به‌ر له‌چه‌ند ڕۆژ له‌سه‌ر پرسیارێکی ئیزعاج لێی تووره‌ بووم و له‌وکاته‌وه‌ له‌یه‌کتر لالوتین. ئه‌م به‌یانییه‌ش هه‌ر له‌به‌ر شاشه‌ی تیڤیدا ڕاوه‌ستام، فلیمێک له‌سه‌ر خێزانیکی کوردی باکوور که‌ ژماره‌یه‌ک له‌مناڵه‌کانی ناتوانن ئاسایی وه‌ک ئێمه‌ بڕۆن، چۆن باوباپیرانی مرۆڤ مه‌یموونیانه‌ ڕۆیشتوون، هه‌روه‌ک داروین ده‌ڵێت، سه‌رنجی ڕاکێشام. هێنده‌ کاری تێکردم، دڵم بۆیان ژانی کرد و چه‌ند دڵۆپ فرمێسکم بۆ ڕشتن. ناهه‌قم نه‌بوو یه‌کێک له‌و هۆیانه‌ی ژیانی کردبوون به‌دۆزه‌خ هه‌ژاری بوو. هاوکات بیرم له‌وه‌ ده‌کرده‌وه‌ تۆ بڵێی که‌ناڵه‌کانی ڕاگه‌یاندنی کوردی به‌تایبه‌تی بینراو ئاگایان له‌و فیلمه‌ نه‌بێت، ئه‌رک بکێشن به‌وه‌رگێرراوی پیشانی بده‌نه‌وه‌، دیاره‌ که‌ناڵی ئه‌لعه‌ره‌بییه‌یش فلیمه‌که‌ی وه‌رگێرابوو.

هاککردنی ماڵپه‌ڕی نه‌وا

پاش نیوه‌ڕۆی ئه‌مڕۆ 06.5.13 ده‌وروبه‌ری کاتژمێر 18:00 به‌کاتی فینلاند تورکه‌کانی تورکیا ده‌ستیان گه‌یشت به‌ڕادیۆ نه‌وا(http://www.nawartv.com) و هاکیان کرد و ئاڵای تورکیا و چه‌ند قسه‌ی بازاڕیان له‌سه‌ر نووسیوه‌ به‌م شێوه‌یه‌

Hacked
LordShadow
Shadow Security

Vatan Sahipsiz Degildir= وڵات بێ خاوه‌ن نیه‌
Kahrolsun PKK=
بمرێ "پ ک ک"
Geber APO=
بمرێ ئاپۆ

شایه‌نی باسه‌ کاتژمێری 19:00 ڕادیۆ نه‌وا هاککردنه‌کایان وه‌ک هه‌واڵێک بڵاو کرده‌وه‌. تا ئێستا که‌ زیاتر له‌چه‌ند ده‌مژمێر ده‌بێت چاره‌ نه‌کراوه‌

له‌په‌یوه‌ندییه‌کی له‌ته‌فوونیدا ڕادیۆ نه‌وا وتیان له‌هه‌وڵی چاره‌کردنیداین به‌ڵام ئه‌وان وازناهێنن له‌لایه‌کی دییه‌وه‌ دووباره‌ هاکی ده‌که‌نه‌وه‌. وابوو بۆ ماوه‌یه‌کی کورت دووباره‌ ماڵپه‌ڕه‌که‌ ده‌رکه‌وته‌وه‌ به‌ڵام خێرا هاککرایه‌وه‌!  به‌داخه‌وه‌ ئه‌وه‌ ئێستا کاتژمێر01:00ی ڕۆژی دووه‌م 06.5.14  ته‌کنیککارانی رادیۆ نه‌وا نه‌یانتوانیوه‌ به‌سه‌ر ئه‌و کێشه‌یه‌دا زاڵ بن

تا ئێستا چه‌ند ماڵپه‌ڕی دییان هاککردووه‌ ئه‌م دیاریده‌یه‌ پێویست به‌وه‌ ده‌کات، بیرێکی جددی لێبکرێته‌وه‌ به‌تایبه‌تی له‌نێوخۆی کوردستان، ماڵپه‌ره‌کان به‌شێوه‌یه‌کی تۆکمه‌ی وا دابڕێژرێت به‌ئاسانی له‌لایه‌ن نه‌یارانه‌وه‌ زه‌فه‌ری پێنه‌بررێت و ده‌ستی به‌سه‌ردا نه‌گیرێت
-------
تکایه‌ بڕواننه‌ وێنه‌که‌
http://img25.imagevenue.com/img.php?loc=loc195&image=43939_radionewa.JPG
وێنه‌ی دووه‌می ئه‌مڕۆ  06.5.14 کات 11:49
http://img103.imagevenue.com/img.php?loc=loc194&image=96478_radionewa2.JPG
بۆیه‌که‌مجار لێره‌دا بڵاوکرایه‌وه‌
http://www.kurdistanan.com/Nuche-gulan/05-14-hakkirdini-radio-newa.htm
له‌وێشدا دواتر بڵاوبۆوه‌
http://www.kurdistanpost.com/default.asp?menu=article&aid=1276


جه‌مال شه‌ریف، بوه‌سته‌

دوای بڵاوبوونه‌وه‌ی ڕاپۆرته‌هه‌واڵی (چه‌پی کوردی و فینلاندی 1ی ئایاریان به‌رز ڕاگرت) له‌هه‌ردوو ماڵپه‌ڕی ده‌نگه‌کان و کوردستانپۆستدا، به‌ڕێز جه‌مال شه‌ریف کورته‌ نووسینێکی به‌ناونیشانی(ڕاستکردنه‌وه‌ی ڕاپۆرتێکی عه‌باس شوان) له‌هه‌ردوو شوێنی ئاماژه‌بۆکراو بڵاوکرده‌وه‌.

ئه‌وه‌ی په‌یوه‌ندی به‌منه‌وه‌ هه‌بێت ئه‌وه‌یه‌ کاتێک خه‌ریکی ئاماده‌کردنی ڕاپۆرته‌که‌ بووم وه‌ک عورفی ڕۆژنامه‌وانی به‌باشمزانی ئه‌و دوو که‌سه‌ ئه‌کتیڤه‌ی به‌شداریان کرد و په‌یڤیان هه‌بوو، قسه‌یان وه‌ربگیرێت. بۆ ئه‌و مه‌به‌سته‌ ئێواره‌ی ئه‌و ڕۆژه‌ به‌چات ـ میسنگه‌ر په‌یوه‌ندیم پێیانه‌وه‌ کرد. ئه‌وه‌ی هاتووه‌ به‌تایبه‌تی هی به‌ڕێز سه‌فین هه‌ینی من بۆم دانه‌تاشیوه‌، چی وتووه‌ گواستوومه‌ته‌وه‌.

که‌ ئێواره‌ی ڕۆژی هه‌ینی 06.05.12 به‌میسنگه‌ر قسه‌مان کرد، پێچه‌وانه‌ی ئه‌وه‌ی نه‌ووت ته‌نها له‌بۆنه‌که‌دا وه‌ک نوێنه‌ری ڕێکخراوی (سومۆکۆ ـ Sumoko) به‌شدار بووه‌.  قسه‌کانی پشتڕاستکرده‌وه‌. من بۆ خۆم گوێم له‌وه‌بوو، پێشکه‌شکاری به‌رنامه‌کان وه‌ک نوێنه‌ری ڕێکخراوی سومۆکۆـ Sumoko سه‌فین هه‌ینی بانگی کرد بۆ خوێندنه‌وه‌ی وتاره‌که‌ی. به‌ڵام لای من ئه‌وه‌ی بۆ زیاد کرد که‌ نوێنه‌رایه‌تی ته‌وژمه‌ سیاسییه‌که‌یشه‌، چووزانم له‌کۆمیته‌که‌ی ئاماده‌کاری بۆنه‌که‌دا، ته‌نها وه‌ک نوێنه‌ری ڕێکخراوی ناوبراو ناوی نووسراوه‌

خاڵێک بۆم ناڕۆشنه‌ نازانم به‌ڕێزی به‌چ سیفه‌تێک هاتۆته‌ وه‌ڵام؟! ده‌بوایه‌ له‌وه‌ڵامه‌که‌یدا پله‌وپایه‌که‌ی بینووسیایه‌. به‌ڵام خوێنه‌ر ده‌زانی به‌رگری له‌ته‌وژمی کۆمۆنیستی کرێکاری ده‌کات، له‌دژی به‌شداری و ته‌نها ناوهێنانی ته‌وژمێکی دی که‌ مێژوویه‌کیان له‌دژایه‌تی و ناکۆکی له‌سه‌ر یه‌کتر تۆمار کردووه‌. پێده‌چێ هه‌ر ئه‌وهۆیه‌ بێت وای له‌به‌ڕێزی کردبێت وه‌ڵام بداته‌وه‌.

ئه‌وه‌یش هه‌نگاوێکه و بیانویه‌که‌ بۆ به‌ربه‌ستدانان و له‌مپه‌ر دروست کردن بۆ هاوبه‌شیکردن له‌کاری داهاتوو، نه‌هێڵن ئه‌و که‌س‌ ئه‌و ڕێکخراوه‌یه‌ جارێکی دی له‌و کارانه‌دا به‌شداربن. جا نازانم ئه‌وه‌یان تا چه‌ند بۆ ده‌چێته‌ سه‌ر

نوێنه‌ری یه‌کێتی کۆمۆنیستان، ره‌خنه‌ی له‌ناونیشانی ڕاپۆرته‌که‌ هه‌بوو، به‌وه‌ی ئه‌وانم وه‌ک چه‌پی کوردی وه‌سفکردووه‌، که‌ وا نییه‌، به‌داخه‌وه‌ بزووتنه‌وه‌ی چه‌پ له‌کوردستاندا قه‌باره‌یه‌کی زیاتر به‌خۆیان ده‌ده‌ن، ناوچه‌ی جوگرافیان فراوان ده‌که‌ن ده‌ڵێن: عێراقین

له‌کۆتایدا سوپاس بۆ به‌ڕێز جه‌مال شه‌ریف که‌ له‌که‌موکوڕییه‌کانم نابووری و ئاشکرایان ده‌کات، داوای لێبووردن له‌هه‌موو ده‌که‌م، شتێکی ده‌سته‌ئه‌نقسه‌ت و کۆنه‌قینم به‌کارنه‌هێناوه‌. هه‌ردوولا، بۆم وه‌ک یه‌که‌. به‌و ڕاپۆرته‌ ویستم ڕێزێک له‌و بۆنه‌یه‌ بگرم و مه‌یلی چه‌پی و کرێکاریم نوێ بکه‌مه‌وه‌، هیچی تر. 06.5.12
ــــــــــــــــــــــ
تکایه‌ بڕوانه‌ ره‌خنه‌که‌
: http://www.dengekan.com/doc/2006/5/jamalSharif11.htm
http://www.kurdistanpost.com/  
تکایه‌ بڕوانه‌  ڕاپۆرته‌ هه‌واڵه‌که‌ http://www.kurdistanpost.com/
http://www.dengekan.com/doc/2006/5/abasShwan3.htm

ئه‌م وه‌ڵامه‌ بۆ یه‌که‌مجار به‌فۆرماتی PDF لێره‌دا بڵاوبووه‌ http://www.dengekan.com/doc/2006/5/abasShwan13.pdf
دواتر لێره‌یشدا بڵاوبۆوه‌ http://www.kurdistanpost.com

چه‌پی کوردی و فینلاندی پێکه‌وه‌ 1ی ئایاریان به‌رزڕاگرت

به‌ره‌وای ساڵانه‌ له‌ شاری لاهتی به‌ر له‌یه‌ک دوو مانگ کۆمیته‌یه‌ک له‌لایه‌نه‌ سیاسییه‌کان و رێکخراوه‌ جۆراوجۆره‌ کرێکارییه‌کان پێک دێت بۆ به‌رگوزارکردن و یاد کردنه‌وه‌ی ڕۆژی کرێکار ناسراو به‌ یه‌کی ئایار له‌ فینلاند به‌ ڤاپوو.

هه‌موو ساڵێک له‌نێوه‌ندی شار که‌ گۆره‌پانیکی گه‌وره‌و به‌رفراوانه‌ به‌شێک له‌و یاده‌ بۆ قسه‌وباس و سروود و گۆرانی ته‌رخان ده‌کرێت، ئه‌وه‌ی جێی سه‌رنج بووئه‌مساڵ وه‌زیری ده‌ره‌وه‌ که‌ سه‌ر به‌پارتی سۆسیال دیموکراته‌ ئاماده‌ بوو، به‌قسه‌وباسێک به‌شداری کرد.

هاوکات له‌لایه‌کی که‌وه‌ کاروانێکی درێژ له‌خه‌ڵکی به‌ئاڵای فینلانده‌وه‌ و دروشمی په‌ڕۆینه‌ی ڕه‌نگاوڕه‌نگ، وتنه‌وه‌ی چه‌ند دروشمی سیاسی و ئابووری به‌ناو شه‌قامی سه‌ره‌کی شار و به‌جوقومۆسیقاوه‌ که‌ جێی سه‌رنجی خه‌ڵکی بوو، به‌ڕێپێوان تێپه‌ڕین. له‌باخچه‌یه‌ک که‌ یادگاری کۆنه‌ زیندانییه‌که‌ و له‌وێدا سه‌ده‌ها زیندان گیانیان له‌ده‌ستداوه‌، تاجه‌گوڵینه‌ دانرا.

دواتر کاروانه‌که‌ به‌ره‌و که‌نار ده‌ریاچه‌ی شار چوون، ئه‌و شوێنه‌‌ هه‌ر که‌ هه‌وا خۆش ده‌بێت وه‌ک هاوێنه‌هه‌وار وایه‌، ده‌بێته‌ شوێنی کۆبوونه‌وه‌ی خه‌ڵک. له‌وێ شانۆیه‌کی گه‌ڕۆک دانرابوو، ژماره‌یه‌ک له‌لایه‌نه‌ به‌شداره‌کانی کاره‌که‌، وتاری خۆیان خوێنده‌وه‌، چه‌ند کاری هونه‌ری گۆرانی و مۆسیقا و سێرک هاوکات شۆربا و سه‌موونیش دابه‌ش ده‌کرا.

چه‌پی کوردی هه‌موو ساڵێک له‌م بۆنه‌یه‌دا به‌شدار و ئاماده‌ن، به‌تایبه‌تی ئه‌مساڵ دوو ڕێکخراو دوو ته‌وژمی سیاسی وه‌ک حیزبی کۆمۆنیستی کرێکاری و یه‌کێتی کۆمۆنیستان، قورساییان زیاتر هه‌بوو.

ئیبراهیم حوسه‌ین به‌نوێنه‌رایه‌تی کۆمیته‌ی شاری لاهتی کۆمۆنیستی کرێکاری وتاری خوێنده‌وه‌ . پوخته‌که‌ی ئه‌مه‌ بوو: (... له‌عێراقدا بێباکانه‌ گیان وژیانی خه‌ڵک له‌سایه‌ی تیرۆریزم و داگیرکاریدا ده‌کرێت به‌قوربانی... خه‌ڵک بێزاره‌ له‌کوشتن و نائه‌منی و دزی و تاڵانی... کۆنگره‌ی ئازادی عێراق ده‌یه‌وێت ئه‌م ڕه‌وشه‌ کۆتایی پێ بێت...خه‌ڵکی ناڕازی له‌پێناو ژیانی خۆیاندا ده‌بێت به‌ره‌نگاری بنه‌وه‌، بۆیه‌ پێویستیان به‌پشتیوانی جیهانی هه‌یه‌...).

سه‌فین هه‌ینیش وه‌ک نوێنه‌ر و به‌رپرسی فینلاندی یه‌کێتی کۆمۆنیستان و ڕێکخراوی یارمه‌تیدانی نیشته‌جێی په‌ناهه‌نده‌ وتاری خوێنده‌وه‌. پوخته‌که‌ی ئه‌مه‌ بوو:(...ئایار بۆ هه‌موو گرنگه‌...به‌رهه‌می خه‌باتی چینایه‌تییه‌...ڕێزگرتنی ساڵانه‌ ئه‌وه‌ ده‌گه‌یه‌نێت هیشتا به‌رده‌وامه‌...ئه‌وه‌ ده‌گه‌یه‌نێت کرێکاران جێگاوڕێگای خۆیان باشتر بکه‌ن، له‌باری ئابووری کۆمه‌ڵایه‌تی سیاسی... سه‌رمایه‌ پاره‌ی زیاتری گه‌ره‌که‌، بۆ ئه‌وه‌ی ده‌وڵه‌مه‌ندتر بن...)

دروشمه‌کان ئه‌مانه‌ بوون: یو ئه‌ی ئێس له‌عێراق ده‌رچۆ....قازانج که‌مکه‌نه‌وه‌، مووچه‌ زیاد بکه‌ن...کار بۆ بێکاران په‌یدا بکه‌ن...یو ئه‌ی ئێس و حیلفی ناتۆ دژی ئاشتین... نا بۆ ئه‌مه‌ریکا نا بۆ تیڕۆریزمی ئیسلامی...وه‌هه‌روه‌ها. 06.05.02
------

تکایه‌ بڕوانه‌ وێنه‌کان:  http://www.geocities.com/abasshiwan/weeney1ayar2006.htm
بۆ یه‌که‌مجار لێره‌دا بڵاوبۆوه‌http://www.dengekan.com/doc/2006/5/abasShwan3.htm
 
هه‌مان بابه‌ت به‌فۆرماتی پی دی ئێف له‌هه‌فته‌نامه‌ی ڕیبازی ئازادی که‌ له‌باشووری کوردستان ده‌رده‌چێت http://www.ksdp.se/r-azadi/422/p2.pdf

ڕاپه‌ڕین وا بوو

دره‌نگانێک هاتمه‌وه‌، پاسم ده‌ستنه‌که‌وت، به‌پێ ورده‌ورده‌ ڕێگام که‌وه‌ری جنی. هه‌ر نزیکبوومه‌وه‌ دایکی مانڵان هات به‌گژمدا: تۆ له‌کوێی؟ عاله‌م هه‌مووی ڕۆیشت، له‌ڕۆژی وادا ماڵ چۆڵ ده‌کرێت؟ ئیتر چه‌نده‌ها دێڕ و نیوه‌دێڕی به‌لێشاو باراند به‌سه‌رمدا. هه‌وڵی هێورکردنه‌وه‌م بێ سوود بوو، چوونکه‌ به‌یه‌کدوو قسه‌ی دراوسێ لێم هارده‌بووه‌. به‌هه‌رحاڵ هه‌رچۆنی بوو چه‌ند کاتژمێری دیمان به‌سه‌ر برد. ئه‌و ئێواره‌یه‌ هه‌موو شته‌کان له‌گرێژه‌نه‌ چوو بوو، نه‌نانمان نا نه‌ئاومان ئاو وه‌ک ده‌ڵێن گاور به‌حاڵمان.

ئه‌و شتی سه‌فه‌ری پێچابووه‌، هه‌ر ئه‌وه‌مان مابوو ده‌رچین و بڕۆین. به‌ڵام به‌چی؟ گرفتی بێچاره‌ بوو. بچین بۆ ماڵی خه‌سووم، ئه‌وان له‌ڕاپه‌ڕینه‌که‌دا ده‌ستیان به‌سه‌ر پاسیکی ڕیمدا گرتبوو،. خۆ له‌گه‌ڵ ئه‌واندا شه‌کل بکه‌ین. دوای گفتوگۆ هه‌وڵه‌که‌ بێسه‌مه‌ر مایه‌وه‌. گله‌یی تا ڕاده‌ی سه‌رزه‌نشت و جنێو به‌ماڵی کاکه‌ یاسینم، ئۆتۆمبێلیکی توێتای فه‌لاحییان هه‌یه‌ که‌ به‌یانی پێکه‌وه‌بووین به‌ساردییه‌وه‌ خولقیکردم تا له‌گه‌ڵیاندا بین. ئه‌نجام له‌و هه‌موو که‌سوکار و ناسیاوه‌ تاک و ته‌نها ماینه‌وه‌

ئه‌وه‌ی پشتمان پیی قایم بوو، ده‌رودراوسێ بوون، له‌گه‌ڵ ئه‌واندا به‌هه‌ڵپه‌  و په‌له‌پروزێ، خێراکه‌ین بابڕۆین که‌س له‌شاردا نه‌ما ئیمه‌ نه‌بێت، به‌ڕێکه‌وتین.
به‌ته‌مای چی بووم، چی بوو به‌تووشمه‌وه‌! هه‌رگیز به‌خه‌یاڵمدا نه‌ده‌هات به‌م شێوه‌یه‌ بکه‌وێته‌وه‌! دامنابوو، گه‌نجان و پیاوان به‌تایبه‌تی سیاسی و هه‌ڵسووڕاوان هه‌ڵفڕێنریت و بچنه‌ ده‌ره‌وه‌یی شار! به‌پیی تاقیکردنه‌وه‌کانی پێشوو، وام مه‌زه‌نده‌ ده‌کرد؛ ژنان و کچان و په‌ککه‌وت و پیران شار چۆڵ ناکه‌ن و ده‌مێننه‌وه‌، مه‌ترسی ده‌ست لێوه‌شاندناین که‌متره‌.‌

به‌ڵام، سه‌یرمکرد ئه‌وان و ته‌نانه‌ت نه‌خۆشی سه‌رجێگا و شێت و که‌مئه‌ندامان هه‌ڵپه‌ی خۆده‌ربازکردنیانه‌! هه‌روه‌ک ئه‌وه‌ی مێردزمه‌ی مه‌رگ به‌سه‌ریانه‌وه‌، ها ئێستا نا تۆزێکی دی ده‌ست ده‌نێته‌ بینیان و ده‌یانتاسێنێت


عه‌سری ئه‌و ڕۆژه‌، شوورای گه‌ره‌کیکی هه‌ژارنشینی ناو جه‌رگه‌ی شار، کۆبوونه‌وه‌ی گشتی هه‌بوو. هه‌وڵێکی زۆری بۆ درابوو، بۆیه‌ جه‌ماوه‌ریکی زۆر ئاماده‌یبوون، به‌تایبه‌تی ژنان، هه‌وڵه‌که‌یش له‌سه‌رشانی چه‌ند ژنێکی چالاکیان بوو. ماڵبه‌ماڵ و کۆڵانبه‌کۆڵان گه‌ڕابوون. هه‌ڵسووڕاوانی شوورایش خۆیان بۆ ئاماده‌کردبوو.

دوای خوێندنه‌وه‌ی چه‌ند وتار  و شیعری حه‌ماسی وتووێژ له‌گه‌ڵ ئاماده‌بوواندا کرایه‌وه‌، شووراکه‌ ببووه‌ شوینی نیشته‌جێبوونی خه‌ڵکی ئاواره‌ی شاری که‌رکووک، نوێنه‌ریان هاته‌ ئاخافتن و باسی له‌ده‌وری باشی دانیشتوانی گه‌ره‌ک کرد که‌به‌ده‌نگیانه‌وه‌ هاتوون. دواتر باس له‌وه‌کرا بۆچوونه‌پێشی کاره‌کان به‌باشترین شێوه‌ ئه‌وان خۆیان به‌هاوکاری ئه‌ندامانی شوورا لیژنه‌یه‌ک بۆ جێبه‌جێکردنی کاره‌کانیان پێکبهێنن. ژماره‌یه‌ک له‌دانیشتوانی گه‌ره‌که‌که‌ پشتیوانی زیاتریان بۆ ئاواره‌کان ده‌ربڕی.

یه‌کێ له‌خاڵه‌کانی کۆبوونه‌وه‌که‌ ئه‌وه‌بوو خه‌ڵکی بۆ گیانی به‌رگریکردن هانبدرێن، دروشمی نه‌تۆپ نه‌ته‌یاره‌ ده‌رمان ناکات له‌م شاره‌ چه‌ند جار دووباره‌ کرایه‌وه‌، هاوکات بوو مایه‌ی ناڕه‌زایه‌تی ده‌ربڕین له‌به‌رانبه‌ر ده‌وڵه‌مه‌ند و خاوه‌ن ئۆتۆمیێله‌کان که‌ ڕاده‌که‌ن و ده‌چنه‌ ده‌ره‌وه‌ی شار، هه‌وڵ بدرێت به‌ر به‌و کاره‌ بگیرێت، ئاماده‌یی مانه‌وه‌یان پیشان ده‌دا.

له‌سه‌ر زه‌وی و ناوشار دیمه‌نی پێچه‌وانه‌ ده‌بینرا؛ سه‌رجاده‌ و شوێنه‌گشتییه‌کان گه‌رموگوڕ خۆیان له‌ده‌ستدابوو، که‌م که‌س به‌چه‌که‌وه‌ ده‌بینرا، پێده‌چوو له‌ماڵ دانرابێتن.سێبه‌ری ترس و مه‌رگ به‌سه‌روساختی خه‌ڵکییه‌وه‌ به‌ئاشکرا هه‌ستی پێده‌کرا، ئیتر وایه‌ که‌سانێک ده‌بن نان به‌نرخی ڕۆژ ده‌خۆن! زۆر له‌وانه‌ به‌هه‌ر هۆیه‌که‌وه‌ بووبێت شه‌ریف یان ناشه‌ریفانه‌ چه‌کیان ده‌ست که‌وتووه‌. بۆ ئه‌وه‌ی له‌‌ڕه‌وشی وادا به‌ره‌نگاری پیبکه‌ن نه‌بووه‌! بۆیه له‌ماڵ دایناوه‌  و شاردوویه‌تییه‌وه‌ تا پێی نه‌ووترێت؛ ئه‌وه‌ تۆ چی ده‌که‌یت لێره‌ بۆ به‌ره‌و که‌رکوک ناچی و لێره‌ خۆ ده‌لێسیته‌وه‌؟  ماویه‌تی

ئه‌مه‌ریکا سمێڵیش ده‌نێته‌ بان

له‌کۆنگره‌ی چوارهه‌می بزووتنه‌وه‌ی جیهانی له‌پێناو دیموکراتیدا که‌ له‌ئه‌سته‌مبووڵ 2 بۆ 6ی نیسان به‌رگوزار بوو. چه‌ند فاکت له‌دیدوبۆچوون، سه‌رنجی بۆ لای خۆی ڕاکێشام. ‌لێره‌دا به‌کۆمێنتی خۆمه‌وه‌ ده‌یخه‌مه‌ به‌رچاو:

زۆر له‌ده‌وڵه‌تان له‌کۆمۆنیست بوونه‌ته‌وه‌، له‌گه‌ڵ ئه‌وه‌شدا حوکمی ئیستیبدادی هه‌ر درێژه‌ی هه‌یه‌. که‌سیکی چینی به‌شداری کۆنگره‌ مه‌رج نییه‌ عیلمانییه‌کان زامنکه‌ری سیسته‌می دیموکراتی بن، حوکمی به‌عسی و ناسرییه‌کان سه‌لمێنه‌ری ئه‌و ڕاستییه‌یه‌. ئه‌نوه‌ر ئیبراهیم‌،  سه‌رۆکوه‌زیرانی پێشووی مالیزیا
کۆمێنت: زۆربه‌ی زۆری ده‌وڵه‌ته‌ عه‌ره‌بییه‌کان له‌و خانه‌یه‌دا داده‌نرێن.

ناکرێت بڵیین ئه‌مڕۆ که‌سێک به‌ند ده‌کرێت له‌سه‌ر ئه‌وه‌ی به‌ئازادی گوزارشتی له‌دیدوبۆچوونی کردووه‌ وه‌ک ئه‌وه‌ی له‌وه‌ پێش ڕووی ده‌دا... تا فره‌یی و  هه‌مه‌ره‌نگی زیاد بێت، دیموکراتی به‌هێز ده‌بێت... ئۆردۆگان، سه‌ره‌کوه‌زیرانی تورکیا

کۆمێنت: په‌ره‌گرافی یه‌که‌می درۆیه‌کی حاشاهه‌ڵنه‌گره‌، له‌وانه‌یه‌ ره‌حمی پێبکه‌ین و بڵێن ئێ بۆ تورکه‌کان له‌وانه‌یه‌ که‌مێک ڕاستی تێدا بێت. ئه‌ی کورد و ئه‌رمه‌ن و عه‌ره‌ب تا ئێستا چییان بۆ کراوه؟!‌ سه‌ره‌تایترین مافیان ئاخافتنه‌ به‌زمانی زگماکی‌، لێیان قه‌ده‌غه‌یه‌.

... بۆ فشار خستنه‌ سه‌ر ڕژیمه‌ ئیستبدادییه‌کان یارمه‌تیمان بده‌ن..  هه‌ڵوێستی نێگه‌تیفانه‌ی ئه‌م دوایانه‌ی ئه‌مه‌ریکی و ئه‌ورووپییه‌کان له‌به‌رانبه‌ر سه‌رکه‌وتنی حه‌ماس له‌هه‌ڵبژاردنه‌کانی فه‌له‌ستیندا ئێمه‌ی دیموکراتخوازی تووشی شۆک و ئیحراجکرد.  دکتۆر سه‌عده‌دین وه‌هبه‌‌، سه‌رۆکی سه‌نته‌ری ئیبن خه‌لدوونی میسری

کۆمێنت‌: ئه‌و دێڕه‌ی یه‌که‌م زۆر دروسته‌ به‌داخه‌وه‌ پشتیوانی نه‌کردنی له‌ بزووتنه‌وه‌ مه‌ده‌نییه‌کان له‌لایه‌ن ڕۆژئاواوه‌ وای کردووه‌، هه‌میشه‌ له‌په‌راویزدا بن و کاریگه‌ریان نه‌بیت وه‌ک پۆڕی خورو وابن! به‌پێچه‌وانه‌وه‌ هێزه‌ ئه‌نتی مۆدێرن و هاوشێوه‌یان به‌هێز و جه‌ماوه‌ری بن، کۆنترۆڵ له‌ده‌ستیاندا بێت‌. بینینی ئه‌و واقیعه‌ که‌ هاوکێشه‌که‌ پێچه‌وانه‌ داکاته‌وه‌ و پیشان ئه‌دات وا له‌‌ ڕۆژئاوا ده‌کات، هه‌ڵوێسته‌ بکات. ئاخر چ گرێنتییه‌ک نییه‌، دوو ڕۆژی دی،  ئه‌و نه‌یاره‌ که‌ به‌ته‌وژمی ئیسلامی سیاسی ناسراوه‌
خراپتر نابێت؟ وه‌ک ئه‌وه‌ وایه؛‌ ڕۆژئاوا هاتووه‌ بۆ ڕیش، که‌چی سمێڵیش ده‌نیته‌‌ بانی!.
 06.04.15
---------
سه‌ره‌تا لێره‌ :
http://www.kurdistanpost.com/  
دواتر له‌کوردستان لێره‌ :
http://www.kurdistancp.org/regay%20kurdistan/688/4.pdf بڵاوبۆته‌وه‌

 محه‌مه‌د ئارگۆن و هاتنه‌ناوه‌وه‌ی ئه‌مه‌ریکا

.....چۆن ده‌توانیین سیسته‌مێکی دیموکراسی بسه‌پێنین له‌کاتیکدا بنه‌ما سه‌ره‌تاییه‌کان نه‌بێت و سی ساڵ زیاتر له‌ژێر چه‌کمه‌ی دیکتاتۆری دێوئاسا ڕۆژی کردبێته‌وه‌؟.....

به‌ڵام چۆن ده‌بێت داوا له‌ئه‌مه‌ریکا نه‌که‌ین بێته‌ ناوه‌وه‌؟ هاتنه‌ناوه‌وه‌ به‌مه‌به‌ستی لابردنی ڕژیمه‌ دیکتاتۆرییه‌کانم پێباشه‌.  06.04.08

عه‌لی چه‌له‌بی زیندووده‌بێته‌وه‌
چه‌ند بیره‌وه‌رییه‌ک له‌یادی
شه‌هیدبوونیدا

پێشمه‌رگه‌ی ناوشار

ده‌مانزانی خه‌ریکی کاری سیاسه‌ته‌، زۆر جار دایکم به‌ناڕاسته‌خۆ ئه‌و نهێنییه‌ی ئاشکرای ده‌کرد و ده‌یووت: ئه‌و سه‌ره‌سه‌ری خۆت نییه‌! گه‌لێجار له‌وه‌زیاتر ده‌ڕیشت، ده‌بووه‌ مایه‌ی بێزار بوونی، بۆیه‌ به‌ڕه‌قی وه‌ڵامی ده‌دایه‌وه‌: هه‌رچییه‌کم لێهات، هه‌قت نه‌بێت. خۆت مه‌که‌ به‌خاوه‌نم با شاره‌وانی بمنێژێت.

بۆ ماوه‌یه‌کی زۆر پێشمه‌رگه‌ی ناوشار بوو، له‌زۆر چالاکی وه‌ک ڕفاندنی ئۆتۆمبێل و ناردنه‌ده‌ره‌وه‌ی چه‌ک و تیرۆرکردنی که‌سانی سیخور و سه‌رباز و ئه‌منی عه‌ره‌بدا، ڕاسته‌خۆ یان ناڕاسته‌وخۆ به‌شدار بووه‌. له‌و جۆره‌ که‌سه‌نه‌ بوو کون له‌جگه‌ریدا نه‌بوو، ئه‌وه‌ به‌گه‌واهی زۆر که‌س که‌ به‌ڕێکه‌وت له‌و کارانه‌دا بینیوویانه‌.

له‌ماڵ هه‌میشه‌ دڵمان له‌سه‌ر سه‌د لێی ده‌دا چوونکه‌ ده‌مانزانی هه‌ر ڕۆژێک بێت ئاشکرا ده‌بێت و ئه‌من ده‌دا به‌سه‌رماندا. ئه‌ویش خۆی زۆر ڕێنمایی ده‌کردین که‌ وریابین. ئه‌وه‌ی په‌یوه‌ندی به‌منه‌وه‌ بوو، هه‌ر زوو زانیم گۆڕاوه‌، که‌ دایلۆگ ده‌که‌وته‌ نێوان ئه‌ندامانی خێزان، هه‌میشه‌ تاک بووم، به‌ڵام له‌و ماوه‌یه‌کدا، پشتگیری له‌دیدوبۆچوونه‌کانی ده‌کردم، ببووه‌ لایه‌نگریم. منێکی ئاڵاهه‌ڵگری بیری چه‌پ و مارکسیزم. هه‌روه‌ها شه‌هید ئاشتی(به‌کری مه‌لا مسته‌فا) که‌ دواتر گیراو له‌موسڵ له‌سێداره‌ درا. زۆر هاتوو چۆی ده‌کردین، هاوگه‌ڕه‌کمان بوو، برا بچووکه‌که‌ی عومه‌ر هاوڕێی ته‌له‌به‌یم بوو.

که‌شف بوونی مه‌فره‌زه‌یه‌ک

ڕۆژێ له‌کار ده‌گه‌ڕامه‌وه‌، ببووه‌ عاده‌تم به‌دووری چه‌ند سه‌د مه‌ترێک به‌چاو کێوماڵی ده‌وروبه‌ری گه‌ره‌کم ده‌کرد. دیقه‌تمدا که‌سێکی نه‌ناسراوی پانتۆڵ له‌پێ هێواش هێواش به‌و ناوه‌دا پیاسه‌ ده‌کات. شکم کرد، که‌چوومه‌ ژووره‌وه‌ له‌درزی ده‌رگاوه‌ چاودێریم کرد؛ کابرا له‌وسه‌ره‌وه‌ گه‌ڕایه‌وه‌، ئه‌وناوه‌ی به‌جێ نه‌ده‌هێشت. ئیتر گومانم لانه‌ما و ئه‌وه‌ ئه‌و ڕۆژه‌ بوو لیی ده‌ترسیان، ئاگاداری ئه‌ندامانی خێزانم کرد که‌ ماڵمان له‌ژێرچاودێریدایه‌. دوایی بۆم ده‌رکه‌وت ئه‌و که‌سه‌ ئه‌منێکی کوردی خه‌ڵکی خانه‌قینه‌، تا ئێستایش ماوه‌!

ئه‌و له‌و کاته‌دا له‌زانکۆی سله‌یمانی وه‌ک بیناسازێک دامه‌زرابوو کاری ده‌کرد، زۆر له‌هاوڕێکانیم ده‌ناسی، ئه‌و شوێنانه‌ی به‌زۆری ده‌چوو یان لێی داده‌نیشت، ده‌مزانی. یه‌کسه‌ر بۆ ئاگادارکردنی به‌ره‌و ڕاسته‌بازاره‌که‌ چووم، له‌لای نامیقی ز‌ره‌نگه‌ری ره‌حمه‌تی دانیشتبوو، ئه‌وه‌م پێڕاگه‌یاند نه‌چێته‌وه‌، چوونکه‌ ماڵ له‌ژێرچاودێریدایه‌، خۆیشم شه‌و نه‌چوومه‌وه‌ بۆ ماڵ.

دواتر زانیم بۆ شه‌وه‌که‌ی له‌گه‌ره‌کی قه‌ره‌جئاوا- خه‌بات نزیک گردی سه‌یوان له‌ده‌ورووبه‌ری ماڵی خه‌سوو بووه‌ و ده‌مانچه‌یه‌کی له‌ژێر گڵدا شاردبووه‌ ده‌ریهیناوه‌، به‌ر له‌وه‌ی له‌گه‌ڵ شێخ جه‌عفه‌ری شێخ مسته‌فا و ئه‌وانی دیدا بڕوات سه‌ردانێکی ماڵی خاڵێکم حه‌مه‌سه‌عید حه‌مه‌ڕه‌ش کارمه‌ندی ته‌ندروستی، هه‌ر له‌و گه‌ره‌که‌ کردووه‌، له‌مه‌سه‌له‌که‌ ئاگاداریکردووه‌.

جوانه‌مه‌رگه‌ ئه‌و کات زۆر نه‌بوو خێزانی پێکهێنابوو، تازه‌ به‌تازه‌ مناڵیکیان ببوو، ناوی چۆمانه‌ ئێستا له‌سووید نیشه‌جێیه‌، یه‌ک دوو مانگ ته‌مه‌نی بوو.
ئه‌و ده‌سته‌یه‌ په‌یوه‌ندییان به‌پێشمه‌رگه‌کانی قه‌ره‌داخه‌وه‌ هه‌بوو، بۆیه‌ ڕوویان کرده‌ ئه‌و ناوچه‌یه‌. له‌ده‌ستی ئه‌من ده‌ربازیان بوو. هۆی که‌شف بوونیان بۆ خیانه‌تی جه‌عفه‌ر ناوێکی ده‌سته‌که‌یان که‌ نانه‌وا بوو، ده‌گه‌ڕایه‌وه‌. دواتر ئه‌و که‌سه‌ تیرۆرکرا.

جه‌وله‌ی چه‌کهێنان

پاش چه‌ند مانگ زانیمان ئه‌و هێزه‌ی ئه‌وان به‌مه‌به‌ستی هێنانی چه‌ک له‌سه‌رکردایه‌تی ئه‌و کات که‌ له‌سه‌رسنووری ئێران جێگیر بوون، گه‌شتیکیان ده‌ستپیکردووه‌ دوای ئه‌وه‌ی ماوه‌یه‌ک له‌وی ده‌بن و ئه‌وه‌ی ده‌یانه‌وێت به‌ده‌ستی ده‌هێنن و به‌چه‌ند بار تراکتۆره‌وه‌ ده‌گه‌ڕێنه‌وه‌. گه‌یشتنی چه‌که‌کان و پێشمه‌رگه‌کان بۆ به‌ری قه‌ره‌داخ مانای ده‌ستوه‌شاندنی زیاتر له‌دوژمن.
 
له‌هاتنه‌وه‌یاندا‌ ده‌مانزانی له‌کوێن و به‌کوێدا ده‌ڕۆن و گه‌یشتنه‌ کام دێ. پارێزگاری نه‌کردن له‌نهێنی جووڵه‌ی ئه‌و پۆله‌ پێشمه‌رگه‌یه‌، وای کرد ده‌ماوده‌م ئه‌و هه‌واڵه‌ له‌زار ده‌رچێت و ئیتر به‌هه‌ر شێوه‌یه‌ک بێت ده‌ست دوژمن بکه‌وێت. حکومه‌تیش له‌و سه‌رده‌مه‌دا له‌وپه‌ڕی به‌هێزیدا بوو، شکست ئاشبه‌تاڵی بزووتنه‌وه‌ی چه‌کداری سه‌رده‌می مه‌لامسته‌فای ره‌حمه‌تی، هێشتا مۆته‌که‌ی له‌سه‌ر خه‌ڵکی دانابوو، پیاوانی ڕژێم بێحه‌د زۆر بوون، هه‌ر جووڵه‌یه‌کی ناره‌زایه‌تی به‌هه‌ر شێوه‌یه‌ک ڕووی بدایه‌، گه‌وره‌ترین هێزی سه‌ربازی بۆ ده‌نێررا و سه‌رکوت ده‌کرا.
بۆیه‌ له‌ده‌شتی شاره‌زوور و له‌نزیک دێی زیرنجۆوه‌ هێزێکی گه‌وره‌ی سه‌رباز به‌هاوکاری جاشه‌کانی عه‌ربه‌ت و زه‌رایان و .... بۆیان داده‌نیشن. سه‌رئه‌نجام له‌شه‌وی ئه‌نگوسته‌چاو29-30ی 3ی 1979 به‌دوو تراکتۆری پڕ له‌‌چه‌کی جۆراوجۆره‌وه‌ هێزه‌که‌‌ ده‌که‌ونه‌ بۆسه‌وه‌، ئه‌و و چه‌ندی دی شه‌هید ده‌بن.

شاره‌وانی ناشتی

خه‌ڵکانێکی زۆر زانیبوویان و لێیان ده‌شاردینه‌وه‌، حاڵ گه‌یشته‌ نزیکی مانگێک تا به‌ته‌واوی لێمان ئاشکرا بوو. ئه‌و چه‌واشه‌کارییه‌ بووه‌ هۆی ئه‌وه‌ی گه‌رماوگه‌رم نه‌چین به‌سۆراخیی وه‌رگرتنه‌وه‌ی مه‌یته‌که‌ی، ڕۆحیان بردبووین! و دنیایان لیهێنابووینه‌وه‌ یه‌ک! ئیتر نازانم ئه‌وه‌ سیاسه‌تی جاشه‌کان یان بێئاگایی خۆمان و ئه‌وانه‌ی ده‌وربه‌رمان بوو؟ وا نه‌بوایه‌، هه‌رچه‌نده‌ حکومه‌ت دڕنده‌ بوو، له‌ترسی گرتنی که‌سوکار نه‌وێررا! له‌وانه‌بوو گه‌ر زوو پێمان بزانیایه‌ و بچووینایه‌ به‌ده‌نگییه‌وه‌ مه‌یته‌که‌یان بداینایه‌ته‌وه‌. ئه‌وه‌ بووه‌ هۆی ئه‌وه‌ی گۆڕی ون بێت! دایکم به‌حه‌سره‌تی ئه‌وه‌وه‌ مرد،‌ شانازی ئه‌وه‌ی پێنه‌بڕا وه‌ک هه‌رخه‌ڵکێکی دی دنیا، بچێته‌ سه‌ر گۆڕی کوڕه‌که‌ی و له‌سه‌ری بگری. چه‌ند ڕێکه‌وتێکی سه‌یرو تراجیدیانه‌یه‌ عه‌لی قسه‌که‌ی خۆی که‌ هه‌موو جارێک به‌توڕه‌ییه‌وه‌ ده‌یدا به‌ڕووی دایکمدا، هاته‌ دی؛ که‌ فه‌وتا شاره‌وانی ناشتی.

پاش عه‌زابی ده‌روونی و ماوه‌یه‌کی زۆر، به‌دزییه‌وه‌ دوور له‌چاوی پیاوانی ڕژێم، له‌ماڵی خۆمان پرسه‌مان دانا. دواتر له‌گه‌ڵ خێزانه‌کانی دیدا به‌هۆی په‌یوه‌ندی خزمایه‌تی و عه‌شایه‌ری ماڵی سیروان تاله‌بانی و ... توانرا شوێنی مه‌یته‌کان بدۆزرێته‌وه‌، ئه‌و بێزه‌میر و دڕندانه‌ له‌ترسی ئه‌وه‌ی نه‌کا شوێنه‌که‌ی پێبزانرێت له‌به‌ر ئه‌وه‌ی ته‌نها یه‌کێکیان خه‌ڵکی که‌رکوک بوو، له‌ سه‌ربازگه‌ی خالید ته‌یاره‌خانه‌که‌، له‌کۆنه‌ سه‌رقه‌برانێکدا ده‌یانکه‌ن به‌ژێر گڵه‌وه‌. دایکم و خێزانه‌کانی دی چه‌ند جار به‌بیانووی جۆراوجۆره‌وه‌ چوونه‌ سه‌ردانییان، له‌دواهه‌مین جاردا پێیان زانیبوو، نه‌یانهێشته‌وه‌ بچنه‌وه‌ به‌و ناوه‌دا.

خه‌سڵه‌ته‌ جوانه‌کان

له‌و ده‌مانه‌دا، بۆ یه‌که‌مین جار به‌هه‌واڵی ئه‌سه‌حی شه‌هید بوونی له‌نێو جه‌معی هاوڕێیانی خۆمدا گریام، به‌کوڵ گریام. تا هاتنه‌ده‌ره‌وه‌یشم زۆر جار وه‌ک ئه‌وه‌ی که‌سێکم لێ ونبووبێت له‌نێو بازار و کوچه‌وکۆڵانان چاوم بۆی ده‌گێڕا. جاری وابووه‌ پیاوێکی پۆشاک کوردی له‌وانه‌ی که‌شخه‌ و سپۆرت خۆ ده‌نوێننم، له پێشمه‌وه‌ به‌دی ده‌کرد، خێرا پێم هه‌ڵده‌گرت بۆ ئه‌وه‌ی پێی بگه‌مه‌وه‌، که‌ده‌گه‌یشتمه‌ ته‌نیشتی سه‌یرم ده‌کرد، ئه‌و ده‌رنه‌ده‌چوو. چه‌ند ئاره‌زووی له‌به‌رکردنی پۆشاکی هه‌بوو، چه‌ند دڵ فراوان و ساف بوو. هه‌ر ئه‌و بوو تۆوی خوێندنه‌وه‌ی له‌لا چاندم. تا پۆلی پێنجی سه‌ره‌تایی خوێند بوو، به‌ڵام زۆر ئاره‌زووی خوێندنه‌وه‌ی هه‌بوو، خۆی به‌خوێندنه‌وه‌ی ڕۆژنامه‌ و گۆڤاره‌کانی ئه‌و کاته‌وه‌ خه‌ریک ده‌کرد، ژین و گۆڤاری ڕزگاری و هاوکاری و برایه‌تی هه‌ر ده‌رچوونایه‌ ده‌یکڕین و ده‌یهێنایه‌وه‌ ماڵ.

که ‌مناڵ بووم عه‌لی و براگه‌وره‌که‌م ده‌چوون بۆ کار کردن، حه‌زم ده‌کرد له‌گه‌ڵیاندا بچم. شه‌و په‌یمانی ده‌دات که‌ به‌یانی له‌گه‌ڵ خۆیا بمبات، به‌ڵام له‌به‌ر ئه‌وه‌ی کاتی کارکردنم نه‌هاتبوو، له‌خه‌و هه‌ڵی نه‌ده‌ساندم.
له‌ساڵی 1974دا‌ خه‌ڵک له‌نێو شار چوونه‌ ده‌ره‌وه‌ دوای کۆتایی هاتنی ڕێکه‌وتنی کورد و حکومه‌ت، منیش وه‌ک ئه‌و عه‌له‌مه‌ خۆم گرد کرده‌وه‌ و به‌ره‌و ده‌ره‌وه‌ی شار ڕۆیشتم، له‌نزیک بازگه‌ی قرگه‌ به‌عه‌لی گه‌یشتم‌، زۆر لێم تووڕه‌ بوو، گه‌ڕانمییه‌وه‌ له‌سه‌ر ئه‌وه‌ی کاتی بوون به‌پێشمه‌رگه‌یی و کاری سه‌ختم نه‌هاتبوو.

پۆسته‌ر

له‌ساڵی 1991دا و له‌دوای ڕاپه‌ڕین بۆ یادی ئه‌و پۆسته‌رێکم چێکرد.
هه‌ر لێره‌دا حه‌زده‌که‌م ئه‌و دێڕانه‌ی له‌و پۆسته‌ره‌دا هاتووه‌ وه‌ک به‌ڵگه‌یه‌ک بخه‌مه‌ به‌رچاو، هه‌رچه‌نده‌ هزری ئێستام زۆر جیاوازه‌:

گیانبه‌ختکردووی ڕێگای ئازادی و سه‌رفرازی - عه‌لی چه‌له‌بی-

1947 له‌پارێزگای سلێمانی له‌خێزانێکی زه‌حمه‌تکێش چاوی به‌دنیا هه‌ڵهێناوه‌. هه‌موو ژیانی به‌کرێکاری و به‌ننایی به‌سه‌ربردووه‌.
له‌گشت بزووتنه‌وه‌ چه‌کدارییه‌کانی کوردستاندا وه‌ک پێشمه‌رگه‌یه‌ک هاوبه‌شی کردووه‌.
وه‌ستا عه‌لی پێشمه‌رگه‌یه‌کی چالاکی ناوشار بووه‌ و ئیمانی به‌حه‌قیانه‌تی بیری سۆشیالیزم هه‌بوو. . به‌ڵام به‌داخه‌وه‌ ئه‌وه‌ حیزبی چینی کرێکار نه‌بوو قاره‌مه‌نێتی بۆ ده‌نواند و ژیانی له‌پێناویدا به‌ختکرد.
ئه‌وه‌بوو له‌شه‌وێکی ئه‌نگوسته‌چاو 29 له‌سه‌ر 30 مانگی 3ی 1979 له‌گه‌ڵ ده‌سته‌یه‌ک پێشمه‌رگه‌ی یه‌کێتی نیشتمانی کوردستان که‌وتنه‌ که‌مینی جاشه‌کانی زه‌ڕایه‌ن و عه‌ربه‌ت شه‌هیدکران تائێستاش ته‌رمه‌کانیان بێسه‌روشوێنه‌. یادیان به‌رز و به‌ڕێزه‌ 06.04.12
---------
عه‌لی چه‌له‌بی ناوی ئه‌سڵی عه‌لی ئه‌حمه‌د محه‌مه‌د عه‌باسه‌ شوانه‌

پاشکۆ
نامه‌یه‌کی ده‌مه‌زردکراو بۆ مه‌لا به‌ختیار

دوای ڕێز و نه‌وازش

له‌بیره‌وه‌ری دامه‌زراندنی یه‌کێتی، له‌ڕۆژانی یه‌ک و دووی ئه‌م مانگه‌دا، له‌سه‌ر ڕووپه‌ڕی ڕۆژنامه‌که‌تان وتارێکتم به‌و بۆنه‌یه‌وه‌ بینی.
له‌دووتوێی دێره‌کانیدا ڕاسته‌وخۆ و ناڕاسته‌وخۆ ئاماژه‌تان به‌ناوی چه‌ند کادێر و که‌سانێک کردبوو که‌ ده‌وروه‌خشی به‌رچاویان له‌ڕاپه‌ڕاندنی کاره‌کانی ئه‌وسای یه‌کێتیدا هه‌بووه‌ و بینیووه‌.

وتاره‌که‌ت له‌ئاست که‌سانێکی تردا کورتی هێناوه‌ که‌ نه‌ک ده‌کرا موسته‌هه‌قی ناوهێنان و لالێکردنه‌وه‌ن، به‌ڵکوو شایه‌نی ئه‌وه‌ن له‌سه‌ر هه‌ریه‌که‌یان وتاریکی سه‌ربه‌خۆ و درێژ بنووسرێ. جا له‌نێو ئه‌و که‌سانه‌دا شه‌هیدی ناسراو (عه‌لی چه‌له‌بی) یه‌.

عه‌لی چه‌له‌بی، له‌کۆتایی مانگی سێی 1979 *‏‏ له‌شه‌وێکی ئه‌نگوسته‌چاودا، له‌کارێکی پێشمه‌رگانه‌ له‌گه‌ڵ ده‌سته‌یه‌ک پێشمه‌رگه‌، له‌پانتایی ده‌شتی شاره‌زوور ده‌که‌ونه‌ که‌مینی جاشه‌کانی زه‌ڕایه‌ن - عه‌ربه‌ت (زێرینجۆ) و شه‌هید ده‌بن.

هێنده‌ هه‌یه‌، ناوبراو ژیان و تێکۆشانی شاخی کورتماوه‌ بوو، به‌ڵام ده‌کرێ له‌شاری سله‌یمانیدا له‌گه‌ڵ ئاسۆی ده‌لاک به‌یه‌که‌م پێشمه‌رگه‌ی ناوشار و یه‌که‌م که‌سانێک به‌حساب بێت که‌ زۆر چالاکانه‌ دووژمنیان هه‌راسان کردبوو. خه‌ریکی ته‌ق و تۆق و تیرۆرکردنی ئه‌م پیاو و ئه‌و پیاوی سه‌ر به‌ڕژیم بوون. یان سه‌یاره‌ ڕفاندن و بردنه‌ ده‌ره‌وه‌ی چه‌ک و چۆڵ بۆ مه‌فره‌زه‌ سه‌ره‌تاییه‌کانی به‌ری قه‌ره‌داغ، یان.....

ئاخر ناکرێ ناوی شه‌هیده‌ پێشه‌نگه‌کانی یه‌کێتی وه‌ک ئاشتی، جه‌ماله‌ ڕه‌ش، ... بهێنری که‌ هه‌میشه‌ پێکه‌وه‌ کاره‌کانیان به‌له‌خۆبووردوویی بێوێنه‌ ئه‌نجام ده‌دا، له‌و پێناوه‌دا تووشی سه‌ده‌ها چوورتم ده‌رده‌سه‌ری هاتن، هه‌ر له‌و ڕێگایه‌دا گیانیانبه‌خت کرد. که‌چی ناوی عه‌لی چه‌له‌بی له‌کوله‌که‌ی ته‌ڕیشدا ناهێنرێ!؟ له‌کاتێکدا گه‌ر چه‌ند قات له‌وان ئازا و جه‌ربه‌زه‌ و چاونه‌ترس تر نه‌بوو بێ، به‌تایبه‌تی له‌ئیشی شاردا، که‌متر نه‌بووه‌. هه‌موو گه‌ره‌کی سه‌رشه‌قام - به‌رخانه‌قا، چوارباغ، سه‌رکارێز، قه‌ره‌جاوا شاهیدی لێهاتوویی ئه‌ون.

تۆزێ ئینساف ئه‌م هاڵاواردنه‌ له‌پای چێ!؟ ئه‌ترسم ته‌نها له‌به‌ر ئه‌وه‌ بێت ناوبراو که‌سێکی له‌ناو ڕیزه‌کانی یه‌کێتی ئێستادا نییه‌! بۆیه‌ ئیهمال کراوه‌. قه‌له‌م خستنه‌ گه‌ری من له‌به‌ر ئه‌وه‌یه‌؛ به‌ناو نه‌هێنان و له‌بیرکردنی ئه‌و پێشه‌نگانه‌ مێژوووه‌که‌تان که‌ل ده‌بێ.

ئێستا له‌نێو ڕیزه‌کانی یه‌کێتیدا له‌وانه‌یه‌ زۆر که‌س هه‌بن عه‌لی بناسن و له‌باره‌یه‌وه‌ هه‌ندێ زانیارییان لابێت. هێنده‌ی من پێی بزانم شێخ جه‌عفه‌ری شێخ مسته‌فای فه‌رمانده‌ زۆر ورده‌کاری له‌باره‌یه‌وه‌ ده‌زانێ. بیگره‌ و به‌ری مه‌ده‌. چوونکه‌ ئه‌وکات پێکه‌وه‌ بوون، که‌ که‌شف بوون هه‌ر پێکه‌وه‌ ڕایانکرده‌و ده‌ره‌وه‌.

خۆیشم چه‌ند بیره‌وه‌ریم له‌لای خۆ ڕه‌شنووس کردووه‌، ئاساییه‌ گه‌ر بخوازی بۆتی ده‌نێرم. 1994.6.3 سله‌یمانی
---------
ئه‌م نامه‌یه‌ له‌ئه‌رشیفدا پارێزرابوو، هێنده‌ی بیرم بێت نامه‌که‌م نه‌ناردووه‌. 2005.5.2

 

بۆ به‌ ته‌واوی جیێبه‌جێکردنی بڕیاری نه‌هێشتنی توندوتیژی له‌گه‌ڵ خوێندکاران، چی بکرێت باشه‌

وڵاتانی ڕۆژهه‌ڵات به‌توندوتیژی ده‌ناسرێته‌وه‌،  که‌شی گه‌رم و کلتووری ئایینی دووهۆن له‌و ده‌یه‌ها هۆیانه‌ی که‌ به‌ربینی به‌و ناوچه‌یه‌ گرتووه‌‌.
که‌ به‌مناڵێک ده‌ڵێن ده‌ته‌وێت له‌دواڕۆژدا ببی به‌چی؟ له‌وه‌ڵامدا ده‌ڵێن: مامۆستا یان دکتۆر. ئه‌و وه‌ڵامه‌ له‌ترسه‌وه‌ سه‌رچاوه‌ ده‌گرێت نه‌ک له‌خۆشه‌ویستی و حه‌زێکی ڕووته‌وه‌! چوونکه‌ ئه‌و مناڵه‌ ده‌یه‌وێت چۆن کاره‌کته‌ری مامۆستا بۆی بۆته‌ مۆته‌که‌، ده‌یه‌وێت له‌داهاتوودا به‌بوون به‌مامۆستا ئه‌و حه‌قه‌ له‌مندڵانی دی بکاته‌وه‌. یان ده‌توانین به‌جۆریکی دی لێکی بده‌ینه‌وه‌ مامۆستابوون ماڵی بێدانه‌ و هه‌رچی قوتابی ته‌مه‌ڵ و سه‌رنه‌که‌وتوو هه‌یه‌، ئه‌و ده‌رووه‌یان هه‌یه‌ و زۆر به‌ئاسانی وه‌رده‌گیرێن. خانه‌واده‌یش ده‌وری له‌وه‌دا ده‌بێت به‌وه‌ی که‌ زوو به‌زوو ئه‌ندامێکی موچه‌خۆریان بۆ زیاد ده‌بێت و باشبوونی ده‌رامه‌تی به‌ناوچه‌وانه‌وه‌یه‌ و زۆربه‌ی ئه‌وانه‌شی ڕوو له‌م پیشه‌یه‌ ده‌که‌ن خه‌ڵکی لادێکانن! وا بڵاوه‌ که‌ مامۆستا به‌داخه‌وه‌ نه‌خوێنده‌وارترین که‌سانی ناو کۆمه‌ڵن.
جا گه‌ر که‌سێک ئه‌و هۆکارانه‌ کردبێتی به‌مامۆستا بێگومان ئه‌و په‌یامه‌ پیشه‌ییه‌ی هه‌یه‌ جێبه‌جێی ناکات و توندوتیژی و سه‌قه‌تییه‌کانی دی لێده‌که‌وێته‌وه‌.

نابێ ئه‌وه‌یش له‌یاد بکه‌ین سیسته‌می شوێنه‌ زانستییه‌کان له‌گه‌ڵ سیسته‌می کۆمه‌ڵ و خێزان زۆر ناته‌با پراتیک ده‌کرێت، بۆ نموونه‌ مناڵێک له‌وڵاتی فینلاند له‌ماڵیشه‌وه‌ وه‌ک دایه‌نگا خۆی پێڵاو و جله‌کانی له‌به‌رده‌کات، باوان یارمه‌تی ناده‌ن، چوونکه‌ ئه‌وه‌ ده‌بێته‌ هۆی ئیعتمادکردنه‌ سه‌رخۆ، هاوکات یارمه‌تی باوانه‌، زۆر مناڵ گه‌ر ده‌ستی هاوکاری بۆ درێژ بکه‌یت قبووڵی ناکات، خۆی کاری له‌به‌رکردن و ...‌ ئه‌نجام ده‌دا.

گه‌ر هاتوو مامۆستایه‌ک پرۆفیشیناڵبوون بێگومان ئه‌رک و په‌یام و ماف و داخوازییه‌کانی ده‌زانێت، چۆن به‌ئه‌عساب ساردی به‌ره‌وڕووی کێشه‌کان ده‌بێته‌وه‌، توندوتیژی فه‌رامۆش ده‌کات و شێوازی نه‌رمونیان به‌ڵام کاریگه‌ر به‌کارده‌هێنێت بۆ ڕامکردن و هێنانه‌وه‌ و ته‌ره‌نه‌بوونی خوێندکار بۆ سه‌ر شارێی خوێند، به‌وه‌یش جوانترکردنی خودی خۆی پیشانده‌دات. ڕوونتر وه‌ک ئه‌وه‌ وایه‌ دادوه‌رێک فه‌رمان له‌کوێ به‌سه‌ر تاوانبارێک که‌ که‌سێکی کوشتووه‌ ده‌ربکات به‌زیندانی هاتاهه‌تایی یان له‌کوێ فه‌رمانی له‌سێداره‌دانی بدات. بێگومان به‌کارهێنانی توندوتیژی مامۆستا وه‌ک فه‌رمانی مه‌رگه‌که‌ی دادوه‌ر وایه‌، ئه‌وه‌یش له‌گه‌ڵ مافی مرۆڤدا نایه‌ته‌وه‌. 06.03.27

ئایا تا چه‌ند ده‌ستی گومانلێکراو ده‌توانێت دزه‌بکاته‌ ناو ئه‌و خۆپیشاندانانه‌ی له‌ هه‌رێمی کوردستان ده‌کرێت

پرسیاریکی تا ئه‌و په‌ڕی سه‌یره‌، بۆ هه‌رێمی کوردستان چییه‌ تا پێدزکه‌ی تێدا نه‌کرێت، له‌و وڵاتانه‌ی له‌مێژه‌وه‌ خاوه‌ن‌ یاساوڕێسای جێگیری خۆیانن کاری له‌و جۆره‌ی هه‌ڵه‌بجه‌ ڕووده‌دات جا وه‌ره‌ له‌هه‌ریمێکی وه‌ک کوردستان. تا ئێستا که‌س خۆی به‌خاوه‌نی نازانێت، هزری خه‌ڵکه‌که‌یشی به‌هۆی هه‌لومه‌رجی داسه‌پاو و نه‌خوازراوه‌وه‌ وێرای ئه‌وه‌ی زۆر شت نازانن، له‌وه‌ ناپرنگێنه‌وه‌ بۆ بڕێ پاره‌ یان له‌داخ و کینه‌ و شه‌ڕی به‌رژه‌وه‌ندی ئیتر عه‌شیره‌تی یان خێزانی بێت، ببنه‌ به‌کرێگیروای فڵان و فیسار ده‌وڵه‌تی ناوچه‌که‌‌! ئه‌مه‌ وای کردووه‌ نه‌ک هاوڵاتی به‌ڵکوو پارت و ڕێکخراو هه‌یه‌ به‌عاله‌می ئاشکرا به‌ ئاراسته‌یه‌ کار ده‌که‌ن و بوونه‌ته‌ تابووری پێنجه‌م.
ململانێکه‌ هێنده‌ ناشه‌ریفانه‌ بووه‌، له‌تام ده‌رچووه‌! که‌س چاوی به‌که‌سدا هه‌ڵنایه‌ت! پرینسیبێک و شتێکی ستاندار نییه‌ تا هه‌موو له‌سه‌ری ڕێکه‌وتبن. له‌به‌ر ئه‌وه‌ زۆر ئاساییه‌ خۆپیشاندانه‌کان به‌ره‌و شوێنیکی دی ببرێت و په‌شێوی لێبکه‌وێته‌وه‌.
06.03.23

ئه‌گه‌ر ئێستا له‌گه‌ڵ سه‌رۆکی حکومه‌تدا بیت، چی پێڕاده‌گه‌یه‌نیت

پرسیارێکی جێی سه‌رنجه‌ و ژیرانه‌یه‌، به‌ڵام له‌و وڵاته‌ی ئیمه‌دا به‌داخه‌وه‌ ژیر که‌م و ده‌گمه‌نه‌، بۆیه‌ ناژیرانه‌ وه‌ڵام ده‌ده‌مه‌وه‌ و پێی ده‌ڵێم: کوڕ و ژن و کچ و برا و تیتیکزا و هتد... م بۆ تاعین بکه‌ له‌فه‌رمانگه‌یه‌ک. هاها هاهاهاهاهاهاهاهاهاهاهاها . 
06.03.21

له‌ئایینلادان و سێداره‌

عه‌بدوره‌حمانی ته‌مه‌ن 41 ساڵ، به‌ر له‌16 ساڵ به‌هۆی ئه‌وه‌ی له‌گه‌ڵ ڕێکخراوێکی کریستانی ناحکومی له‌پاکستان کاری کردووه‌، بۆته‌ کریستیان. بۆ دوو هه‌فته‌ ده‌بێت له‌زینداناندایه‌، به‌تاوانی ئه‌وه‌ی ئایینی خۆی گۆڕیوه‌ و ئنجیلێکیان پێگرتووه‌ و گوایه‌ له‌دژی ئیسلام په‌یڤیوه‌!
پێده‌چێت به‌هۆی کێشه‌ی خێزانییه‌وه‌ بوو بێت، ‌باوکی شکاتی لێ کردبێت. له‌به‌ر ئه‌وه‌ی له‌ده‌ستووری ئه‌فگانستاندا هاتووه‌ (...هیچ یاسایه‌ک بۆی نییه‌ پێچه‌وانه‌ یان له‌سه‌رو بنه‌ماکانی ئیسلامه‌وه‌ بێت...)ئه‌وه‌ی له‌ئایین ئیسلام هه‌ڵبگه‌ڕێته‌وه‌ له‌سێدارد ده‌درێت.
گه‌ر هاتوو په‌شیمان ببێته‌وه‌‌ و بگه‌ڕێته‌وه‌‌ سه‌ر ئایینی پێشووی، لێی ده‌بوورن. عه‌بدوره‌حمانیش ئاماده‌ نییه‌ ئه‌و کاره‌ بکات.
ئه‌وه‌ له‌شوێنێک ده‌گوزه‌رێت و ڕووده‌دات به‌حساب له‌ژێر کۆنترۆڵی ئه‌مه‌ریکا و ئه‌ورووپادایه‌ و ملیارده‌ها دۆلاریان له‌پێناودا خه‌رج کردووه‌ و ده‌یکه‌ن، گیانی سه‌ده‌‌ها سه‌رباز و هاوڵاتی خۆیان کرد به‌قوربان، هه‌زاره‌هاشیان خستۆته‌ مه‌ترسییه‌وه‌!

بۆ چۆنێکی وا هه‌بوو، ده‌یانووت به‌ده‌رپه‌ڕاندنی بزووتنه‌وه‌ی تالیبان ئازادی بۆ خه‌ڵکی ده‌گه‌ڕێته‌وه‌ به‌تایبه‌تی ژنان که‌ به‌ جۆره‌ عه‌بایه‌ک داپۆشراون ته‌نانه‌ت چاویشیان به‌ده‌ره‌وه‌ نه‌بوو. بینیمان ده‌سه‌ڵاتی ڕه‌شی تالیبان ئه‌ولاتر چوو، که‌چی ئه‌و جۆره‌ عه‌بایه‌ که‌م نه‌بووه‌وه‌ و تائاستێک وه‌ک خۆی مایه‌وه‌ و وا ده‌رنه‌چوو!
ئه‌وه‌ بۆ؟ ئاشکرایه‌ ڕاسته‌ ئیسلامی سیاسی لایه‌نه‌ تاریکه‌کانی کلتوور په‌ره‌ پێده‌دات و تیوریزه‌ی ده‌کات، به‌ڵام خۆ ئێستا ئه‌وان نیین، ئه‌ی بۆ حوکمی مه‌رگ بۆ که‌سێک ده‌رده‌کرێت له‌ئاین لای دابێت! هه‌لومه‌رج بۆ ژنان هه‌ردۆزه‌خه‌که‌ی جارانه‌! که‌واته‌ ده‌توانیین بڵێن مه‌رج نییه‌ ژیان به‌گۆڕانی ڕژێمێکی سیاسی بۆ یه‌کێکی دی به‌تایبه‌تی گه‌ر له‌ژێر فشاری ده‌ره‌کیدا بێت و خۆبه‌خۆ ڕووی نه‌دابێت، بگۆڕدرێت  06.03.22
--------
یه‌که‌مجار لێره‌دا بڵاوکرایه‌وه http://www.kurdistanpost.com/default.asp?menu=article&aid=748

هه‌ڵه‌بجه‌، شه‌ری نێوان عه‌قلییه‌ته‌کان


ئه‌وه‌ چ کاره‌ساتێک و زه‌نگێکی چه‌ند مه‌ترسیداره‌ نه‌ته‌وه‌یه‌ک و گرووپیک بێن له‌داخی ده‌سه‌ڵاتداران زۆر نابینایانه‌ ته‌ڕ و وشک پێکه‌وه‌ بده‌نه‌ به‌ر په‌لامار، سمبولی خودی خۆیان سمبولی قوربانیانییان تێک بده‌ن و بسووتینن!
ئه‌مه‌ مه‌گه‌ر له‌نه‌ته‌وه‌یه‌کی به‌دبه‌ختی وه‌ک کورد بوه‌شێته‌وه! ئاخر مێژووی ئه‌م گه‌له‌ی باشوور‌ پڕه‌ له‌ڕووداوی هاوشێوه‌: ئه‌ی ئه‌وه‌ نه‌بوو گه‌رماوگه‌رم زۆر له‌خه‌ڵک که‌ کیمابارانی هه‌ڵه‌بجه‌ کرا، خه‌تای دوژمنی سه‌ره‌کی و عه‌ره‌به‌ و داگیرکه‌ره‌کانیان نه‌ده‌گرت و ده‌یانوت هێزه‌ سیاسیییه‌کانی خۆمان بوون و نه‌فره‌تیان له‌وان ده‌کرد! ئه‌ی ئه‌وانه‌ی چاوساغ و پێش له‌شکرانه‌ کێ بوون! پێش ئه‌وی ئه‌وانه‌ کێ بوون ناوچه‌کانی ژێر کۆنترۆڵی پێشمه‌رگه‌یان له‌له‌شکری داگیرکه‌ر به‌قۆنته‌ران ده‌گرت! پێشمه‌رگه‌یان ده‌کوشت و ده‌گرت وته‌سلیم به‌حکومه‌ت ده‌کرد؟ جاشه‌ کورده‌کان نه‌بوون!ئه‌ی ئه‌وه‌ نه‌بوو خودی سه‌رۆکی ئێستای کوردستان فه‌رموو بووی گه‌ر شۆرشمان پێنه‌کرێت پێمان تێکده‌درێت! ئه‌ی ئه‌وه‌ نه‌بوو له‌31ی ئابی 1996دا پارتی دیموکراتی کوردستان بۆ سه‌رکوتی دژه‌که‌ی په‌نای بۆ له‌شکری داگیرکه‌ر و دوژمنی سه‌ره‌کی کورد برد؟
جا بڕوانن و بیربکه‌نه‌وه‌ ئه‌وه‌ چ جۆره‌ میلله‌ت و خه‌ڵکێکه‌؟

به‌سمبولکردنی فڵان و فیسار ڕووداو ئیتر چ خۆش چ ناخۆش، که‌لتووری و ده‌ستکه‌وتی هه‌ڵبژارده‌ (نوخبه‌)ی کۆمه‌ڵگای شارستانییه‌. هه‌ر له‌سه‌ر ئه‌و بناغه‌یه‌وه‌ بووه‌ وه‌ک میلله‌تانی دی جیهان، له‌م سه‌رده‌مه‌ی ڕێنیسانسی کورد له‌باشوور، بیر له‌وه‌ کراوه‌ته‌وه‌ چه‌ند خاڵ له‌میژووی پڕ له‌کاره‌ساتوی بکرێته‌ سمبول. چێکردنی یادگاری هه‌ڵه‌بجه‌ هه‌وڵێکی سه‌ره‌تایی بوو.

‌بزانن چه‌ند میلله‌تێکی بێپرینسیب وبێ ستاندارین! گه‌ر شارۆچکه‌یه‌ک و که‌سانێک یان گروپێک سیاسی یان کۆمه‌ڵایه‌تی له‌به‌ر خاتری به‌رژه‌وه‌ندی هه‌رچه‌نده‌ زۆر ڕه‌وایش بێت نه‌پرنگێنه‌وه‌ پێشێلی به‌ها ستانداره‌کانی خۆی بکات، کاره‌سات ده‌خولقێت وه‌ک له‌رۆژی یادی هه‌ژده‌هه‌مین ساڵیادی کیمابارانی هه‌ڵه‌بجه‌ بینرا و یادگاری هه‌ڵه‌بجه‌ی تێدا سووتێنرا!

به‌ده‌ر له‌هه‌ر هۆیه‌ک که‌ ده‌کرێت به‌جۆرێکی دی ئه‌و ڕووداوه‌ بخوێنرێته‌وه‌؛ ئه‌ویش ململانێی نێوان که‌لتوور یان هزری شار و که‌لتوور هزری لادێ؛یه‌. ئه‌وه‌ چۆن؟
قابیلی ڕامانه‌، بۆ زۆربه‌ی ناره‌زایه‌تییه‌کان ئه‌م دواییانه‌، بۆ چاککردنی هه‌لومه‌رجی ژیان و گوزه‌ران له‌شارۆچکه‌کانی وه‌ک ڕانییه‌ و که‌لار و هه‌ڵه‌بجه‌ و... سه‌رهه‌ڵده‌دا؟ ئه‌مه‌ له‌کاتێکدا ده‌بوایه‌ ئه‌و بزووتنه‌وانه‌ له‌ناوه‌ندی شاره‌گه‌وره‌کانه‌وه‌ که‌ کاریگه‌ری زیاتر ده‌بێت و داده‌نیت، ئه‌و ناڕه‌زایه‌تیانه‌ به‌رپا ببێت؟!

ئه‌و هه‌وڵانه‌ له‌ژێر هه‌ر باینوویه‌کدا بێت هێرشی هزری لادێیه‌ بۆ سه‌ر سکۆلاریزم، به‌پشتیوانی ئیسلامی سیاسی، که‌ ژینگه‌یه‌کی زۆر باشه‌ بۆ گه‌شه‌ و سه‌رهه‌ڵدانیان. بۆ به‌راورد گه‌ر که‌مێک بۆ دواوه‌ بگه‌ڕێینه‌وه‌؛ له‌دوای ئاشبه‌تاڵی 1974 ڕژێمی عه‌ره‌به‌ به‌عسییه‌کان زۆربه‌ی ناوچه‌ سنوورییه‌کانی داگرت و ته‌عویزی به‌خاوه‌نانی ئه‌و شارۆچکه‌ و لادێیانه‌دا. ئه‌و هه‌نگاوه‌ سه‌ره‌تایه‌ک بوو بۆ کۆنترۆڵکردنی شار. شارێک که‌ تا ئه‌و کاته‌ خاوه‌ن تایبه‌تمه‌ندی خۆی بوو. ناوه‌ندی سکۆلاریزمێکی ده‌ڵه‌مه‌یی بوو، له‌ئه‌نجامی ململانێی نێوانیان و زۆر هه‌لومه‌رج دی نه‌خوازراو، ئه‌و هزره‌ توانی تا ئاستێکی باش کۆنترۆڵی شار بکات!

کاردانه‌وه‌ی شارنشینان ته‌نها له‌ده‌سته‌واژه‌ی (لادێی خواردینی) خۆی بینییه‌وه‌! به‌ر له‌چه‌ند ساڵ له‌هه‌ر شارییه‌کت بپرسیایه‌؛ ڕه‌وشی شار چۆنه‌؟ ده‌یووت: شارێکی وه‌ک سله‌یمانی ناوه‌ڕاست شه‌ست تا ناوه‌ڕاست حه‌فتاکان باشتر و مه‌ده‌نیتر بوو.
ئه‌وه‌ی ئێستا ده‌گوزه‌رێت حه‌مله‌ی چه‌ندباره‌ی ئه‌و هزره‌یه‌ به‌شێوه‌یه‌کی توندتر بۆ سه‌ر سکۆلاریزمی شار، تراجیدیاکه‌ له‌وه‌دایه‌؛ هه‌رچه‌نده‌ ئه‌و شاره‌ی ئه‌وان به‌ر هه‌ڵمه‌تی ده‌ده‌ن بۆ خۆی لادێیه‌کی وێرانی گه‌وره‌یه‌  06.03.19
---------
یه‌که‌مجار لێره‌دا بڵاوکرایه‌وه  http://www.kurdistanpost.com/

عه‌قلانییه‌تی ئیسلام وا ده‌بێت

وه‌فا سولتانی نوسه‌ر و پزیشک، دانیشتووی شاری لویس ئانجلس له‌ئه‌مه‌ریکا،له‌بنه‌ره‌تداخه‌ڵکی شاری بانیاسی سووریایه‌. ئه‌و ژنه‌ ئاوا بیر ده‌کاته‌وه‌:
ئه‌و ململانێیه‌ی ئێستا هه‌یه‌ ململانیی نێوان ئایینه‌کان و شارستانیه‌ته‌کان نییه‌، به‌ڵکوو ململانێی نێوان دوو سه‌رده‌م و قۆناغی جیاوازه‌. دوو هزر یه‌کێکیان هی سه‌ده‌کانی ناوه‌ڕاست ئه‌وی دیان هاوچه‌رخه‌، نێوان دواکه‌وتوویی و مۆدێرنه‌ و نێوان به‌ربه‌ریه‌ت و عه‌قلانییه‌ت، نێوان دیموکراسی و دیکتاتۆرییه‌.
ئه‌وه‌ ئایینی ئیسلامه‌ خه‌ڵکی له‌نێوان موسوڵمان و کافر دابه‌شکردووه‌. ئه‌وه‌ پێغه‌مبه‌ره‌‌ فه‌رمان و هانی موسوڵمانانی داوه‌ شه‌ر له‌دژی ئه‌وانه‌ دی بکه‌ن تا ئه‌و کاته‌ی بروا ده‌هێنن وده‌بنه‌ ئیسلام‌!

جووله‌که‌، دوای هۆلۆکۆس توانیان به‌کارو زانست نه‌ک به‌تیرۆر و گریان و قیره‌قیر جیهان ناچار بکه‌ن ڕێزیان لێبگرێت... جووله‌که‌یه‌کتان بینی له‌چێشتخانه‌یه‌کی ئه‌ڵه‌مانیدا خۆی بته‌قێنێته‌وه‌؟ یان که‌نیسه‌یه‌ک بروخێنێت؟ بوزییه‌کتان بینی مزگه‌وتێک بوستێنێت به‌ڵام موسڵمانان له‌ئه‌فگانستان په‌یکه‌ره‌کانی بوزایان ته‌قانده‌وه‌! که‌چی موسوڵمانان به‌کوشتنی خه‌ڵک و سوتاندنی که‌نیسه‌ و بالیۆزخانه‌ ده‌یانه‌وێت به‌رگری له‌عه‌قیده‌ی ئایینیان بکه‌ن! ئه‌وه‌یش هیچ به‌رهه‌م ناهێنێت. موسوڵمانان پێش ئه‌وه‌ی داوا له‌خه‌ڵکی دی بکه‌ن ڕێزیان لێبگرن، ده‌بێت بزانن ده‌توانن چی پێشکه‌شی مرۆڤایه‌تی بکه‌ن‌ ... کریستان و موسوڵمان و جووله‌که‌ نیم، مرۆڤێکی عیلمانیم و بڕوام به‌غه‌یب نییه‌ ..

له‌ئه‌نجامی ئه‌و په‌یڤانه‌ و زۆری تر که‌ له‌م که‌ناڵ و ئه‌و که‌ناڵی ده‌ریبڕیون، که‌وتۆته‌ به‌ر هه‌ڕه‌شه‌ی که‌سانی نه‌ناسراو چ به‌ته‌له‌فوون چ به‌ئێ مایل. ئێستا به‌ناچاری له‌ژێر چاودێری توندی پۆلیسدایه‌. یه‌کی له‌پیاوانی ئایینی وڵاته‌که‌ی له‌باره‌ی وه‌فائه‌وه‌ وتوویه‌تی: له‌کاریکاتێریسته‌ دانیمارکییه‌کان خراپتر سوکایه‌تی به‌ئیسلام ده‌کات‌ 06.03.13
گه‌ر زمانی عه‌ره‌بی ده‌زانن تکایه‌ سه‌ردانی ئه‌م لینکه‌ بکه‌:
http://switch5.castup.net/frames/20041020_MemriTV_Popup/video_480x360.asp?ai=214&ar=1050wmv&ak=null
-------
یه‌که‌مجار لێره‌دا بڵاوکرایه‌وه http://www.dengekan.com/doc/2006/3/abasShwan14.pdf

وێنه‌ی سه‌رکرده‌ داگرن

هاوینی ڕابردوو سه‌ردانێکی کوردستانم کرد، له‌فه‌رمانگه‌یه‌کی وه‌ک خانه‌نشینی وێنه‌ی مامجه‌لالم به‌کاڵی و کوڵاوی له‌هه‌موو ژووره‌کاندا بینی  له‌هۆڵه‌که‌شدا که‌ کارمه‌نده‌ زۆروزه‌به‌نده‌ بێئیشه‌کانی لێبوو چه‌ند دانه‌ی ترهه‌ڵواسرابوو! درۆم نه‌کردبێت نزیکی ده‌ دوانزه‌یه‌ک ده‌بوون! له‌لای ڕاست و چه‌پ و پاش و پێشه‌وه‌ وێنه‌ به‌چاومدا ده‌چه‌قی! له‌ژووری ته‌نانه‌ت به‌ڕێوه‌به‌ر و کاربه‌ده‌ستانی پله ‌یه‌کی فه‌رمانگه‌کان له‌جیاتی ئاڵای کوردستان وێنه‌ی سه‌رکرده‌ هه‌ڵواسراوه‌! ته‌شبیه نه‌بێت ئه‌وه‌ یه‌کیکه‌ له‌پاشماوه‌ یان لاسایی کردنه‌وه‌ی بێمانا، به‌بڕوبیانوی جۆراوجۆر، سه‌رده‌می عه‌ره‌به‌ به‌عسییه‌کان و ده‌وڵه‌تانی دیکتاتۆری ده‌وروبه‌ری کوردستانه‌. به‌حساب ده‌سه‌ڵاتی کوردی ده‌یه‌وێت خۆی به‌دیموکراتی و مافی مرۆڤ میکیاج بکات، وا پیشان بدات! که‌چی له‌پراتیکدا به‌پێچه‌وانه‌وه‌ کار ده‌کات!

بۆخۆی هه‌ڵواسینی وێنه‌ی سه‌رکرده‌کان ته‌نانه‌ت مردوووه‌کانیش له‌گه‌ڵ به‌ها جوانه‌کانی کۆمه‌ڵگای دیموکراتی و مه‌ده‌نی و ئه‌و سیفه‌ته‌ی لێبه‌هره‌مه‌نده‌ ئه‌ویش‌ شه‌فافیه‌ته‌ نایه‌ته‌وه‌. لابردنی ئه‌و وێنه‌ زۆر و بێتامانه‌ مانای ئه‌وه‌ ناگه‌یه‌نێت که‌ خه‌ڵکی ڕقیان لێیانه و حه‌زیان به‌چاره‌یان نییه یان ڕێزی سومبوڵه‌کانیان لا نییه‌‌. هه‌رچه‌نده‌ به‌راوردێکی گونجاو نییه‌، ‌له‌فینلاند زۆر به‌ده‌گمه‌ن وێنه‌ی سه‌رۆکه‌ کۆن و نوێکان له‌فه‌رمانگه‌ ده‌وڵه‌تییه‌کاندا به‌هه‌ڵواسراوی ده‌بینرێت. بۆ ده‌سه‌ڵات وا باشه‌ له‌م خاڵه‌ و زۆری تردا چاو له‌کۆمه‌ڵگا پێشکه‌وتووه‌کان بکات نه‌ک ‌دواکه‌وتووه‌کان.

جا هۆی چییه‌ له‌وێ وایه‌ و لێره‌ به‌م شێوه‌یه‌؟ وه‌ڵامه‌که‌ی ڕوونه‌، هێنده‌ هه‌یه‌ له‌وڵاته‌ پێشکه‌وتووه‌کاندا داموده‌زگا و فه‌رمانگه‌کان وه‌ک لای خۆمان موڵکی حیزب و ده‌وڵه‌ت نیین یان هه‌ر به‌ناو ده‌وڵه‌تین، له‌زۆر بواردا کیانی سه‌ربه‌خۆن. یه‌کیک له‌فاکته‌ره‌کانی پێشکه‌وتنی ئه‌وان هزری سه‌رمایه‌دارانه‌یانه‌، ئه‌وه‌ ئه‌وانه‌ به‌پله‌یه‌کی باش کۆمه‌ڵگایان ته‌نزیم کردووه‌. جا هه‌نگاو ناو به‌ره‌و خۆجیاکردنه‌وه‌ی ئه‌و ئۆرگانانه‌ له‌نفوزی پارتی ده‌سه‌ڵاتدار و هه‌ر پارتێکی دی هه‌نگاوه‌ بۆ جوانترکردن و بنیاتنانی کۆمه‌ڵگایه‌کی ته‌ندروست 06.03.10
-------
 
یه‌که‌مجار لێره‌دا بڵاوکرایه‌وه    http://www.kurdistanpost.com/

ته‌فسیری ژنانه‌ی قورئان

بۆچوونێک هه‌یه‌ ده‌ڵێت: ئایینی ئیسلام گۆران قبووڵ ناکات. به‌ڵام هه‌وڵی جۆراوجۆر لێره‌ و له‌وێ هه‌یه‌ به‌پێچه‌وانه‌وه‌ ئه‌و ده‌ربڕینه‌وه‌یه‌. یه‌کی له‌و نموونه‌ دانسقانه‌، ئه‌و کاره‌ بوو که‌ له‌USA ژنێک به‌ناوی ئامینه‌ ودوده‌وه‌ پێشنوێژی له‌یه‌کی له‌مزگه‌وته‌کانی نیویۆرک موسوڵمانانی ده‌ستپێکرد.

هه‌ر له‌م په‌یوه‌ندییه‌دا ئه‌سما به‌رله‌س Asma Barlas ی پاکستانی و نیشته‌جێی ئه‌مه‌ریکا و مامۆستای زانکۆ، زیاد له‌وه‌ی تێپه‌ڕاندووه‌ و ده‌ستی بۆ خودی قورئان و ته‌فسیرکردنی سه‌رله‌نوێی بردۆته‌وه‌. بۆ ئه‌و مه‌به‌سته‌ کتێبێکی به‌نێونیشانی (ژنانی باوه‌ردار و دووباره‌ خوێندنه‌وه‌ی ته‌فسیری پیاوانه‌ی قورئان) ده‌رکردووه‌. ئه‌ویش له‌سه‌ر ئه‌و بناغه‌یه‌ی که‌ هه‌موو ئه‌و ته‌فسیرانه‌ی تائێستا کراون له‌به‌ر ئه‌وه‌ی له‌دیدی پیاوانه‌وه‌ بوون‌، که‌واته‌ زوڵم له‌ژنان ده‌کات.

هۆی ته‌لاقدان و بێبه‌شکردنی له‌هه‌موو مافێک و ئه‌وه‌ی که ‌لێکدانه‌وه‌یه‌کی هه‌ڵه‌ له‌قورئاندا له‌ئارادایه‌، وا له‌ئه‌سما ده‌کات، به‌م شێوه‌یه‌ به‌ره‌نگاری ئه‌و ڕه‌وشه‌ بێته‌وه و ده‌ست بداته‌ کاریکی له‌ جۆره‌. ئه‌و بڕوای وایه‌؛ ژنان ده‌بێت هوشیار بن و بڕوایان به‌توانای خۆیان هه‌بێت، ماف ده‌بێت بسه‌نرێت نه‌ک وه‌ک دیاری له‌م وله‌و وه‌ریبگرێت. به‌پێچه‌وانه‌ی ئه‌و دیده‌وه‌ گوایه‌ کاری ته‌فسیر بۆ هه‌مووکه‌سێک ڕه‌وا نییه‌، هه‌رکه‌س له‌خۆیدا ڕاببینێت ده‌توانێت قورئان ته‌فسیر بکات. ئه‌مه‌یش مانای ئه‌وه‌ نییه‌، گومانی ده‌خرێته‌ سه‌ر و پیرۆزی له‌که‌دار ده‌کرێت. ده‌بیت به‌ودیده‌وه‌ بخوێنرێته‌وه‌ که‌ له‌چوارچێوه‌ی قۆناغێکی مێژووی دیاریکراودا هاتۆته‌ بوون  06.03.04
-------
یه‌که‌مجار لێره‌دا بڵاوکرایه‌وه http://www.kurdistanpost.com/

له‌دژی تۆتالیتارییه‌تی ئیسلامی

هه‌فته‌نامه‌ی شارلی ئابدوCharlie Hebdo، یه‌کیک بوو له‌و بڵاوکراوه‌ فه‌رنسیانه‌ی وێرای وێنه‌ کاریکاتێرییه‌کانی محه‌مه‌دی موسولمانان دووباره‌ بڵاوبکاته‌وه‌. وا بریاره‌ له‌ژماره‌ی داهاتوویدا به‌یاننامه‌یه‌ک به‌ئیمزای چه‌ند که‌سایه‌تی به‌نێوده‌نگ له‌وانه‌ سه‌لمان ڕوشدی و ته‌سسلیمه‌ نه‌سرینی به‌نگلادێشی په‌رله‌مانتاری هۆڵندی به‌ڕه‌گه‌ز سۆماڵی ئایان هرسی و فه‌یله‌سوفی فه‌ره‌نسی هێنری لیفی بڵاوده‌کاته‌وه‌ به‌ناونیشانی: پێکه‌وه‌ له‌دژی تۆتالیتارییه‌تی ئیسلامی.
واهاتووه‌: دوای زاڵبوون به‌سه‌ر فاشیزم و نازیزم و ستالیزم، ئێستا جیهان به‌ره‌وڕووی هه‌ره‌شه‌یه‌کی دی ده‌بێته‌وه‌ که‌ ئیسلامیزمه‌ ئێمه‌ی نووسه‌ر و ڕۆژنامه‌نووس و ڕۆشنبیران دوای به‌ره‌نگاربوونه‌وه‌ تۆتالیتاریه‌تی ئایینی ده‌که‌ین. له‌پێناو به‌رزڕاگرتنی به‌های ئازادی و یه‌کسانی و سکۆلاریزم بۆ هه‌موو. ‌ئه‌وه‌ کاره‌یش به‌چه‌ک نا به‌هزر ده‌ێته‌ دی. ئه‌وه‌ی ده‌گوزه‌رێت شه‌ری شاراستانییه‌کان و دژایه‌تی نێوان ڕۆژهاڵات و ڕۆژئاوا نییه‌، به‌ڵکوو جه‌نگێکی هه‌مه‌گیره‌ی دیموکراتخوازانه‌ له‌دژی سیۆکراتییه‌کان  06.03.01
--------
یه‌که‌مجار لێره‌دا بڵاوکرایه‌وه http://www.dengekan.com/doc/2006/3/abasShwan4.htm

ئیسلامی تووندڕه‌و، سه‌رچاوه‌ی به‌ڵا


کارسازێکی ئه‌ڵه‌مانی ته‌مه‌ن 61 ساڵ، به‌ماوه‌یه‌کی کورت له‌دوای ده‌ستدرێژییه‌که‌ی ته‌موزی ساڵی ڕابردووی شاری له‌ندن. له‌سه‌ر حسابی خۆی له‌سه‌ر ده‌سماڵ ـ کلێنکسی ته‌والیت ئایه‌تی قورئان چاپ ده‌کات. به‌مه‌به‌ستی ئیستیفزازکردن بۆ مزگه‌وت و ته‌له‌فیزیۆن و ئاژانسه‌کانی ده‌نگوباس ده‌نێرێت. هه‌روه‌ها له‌ئه‌نته‌رنێتدا هه‌ڕاجی ده‌کات
و نرخی هه‌ر لوله‌ کلێنکسێک به‌یه‌ک ئیرۆ داده‌نێت. پاره‌ی ده‌ستکه‌وته‌که‌ی ئه‌و کاره‌ ته‌رخان ده‌کات بۆ دروستکردنی په‌یکه‌ری یادگاری بۆ ئه‌و که‌سانه‌ی به‌ده‌ستی تیرۆریستانی ئیسلامی گیانیان له‌ده‌ستداوه‌. قورئانیشی به‌کتێبی : مه‌ته‌بخی کاری تیرۆریستی شوبهاندووه‌.ده‌ربڕینێکی هاوشێوه‌ی دیش هه‌یه‌،‌ ده‌ڵێت: مزگه‌وته‌کان بوونه‌ته‌ ژووری ئاماده‌سازی کاری تیرۆریستی.

وه‌زێری دارایی ئوستراڵی له‌به‌رانبه‌ر ئه‌و په‌ناهه‌نده‌ و کۆچکردوانه‌ی وڵاتانی ئیسڵامی که‌ به‌شانوباڵی کاری جیهادیدا هه‌ڵده‌ده‌ن ده‌ڵێت: وه‌ک چۆن موسوڵمان ئاماده‌ نیین به‌پێڵاوه‌وه‌ بچنه‌ سه‌ر به‌رده‌نوێژی مزگه‌وت بۆ نوێژ کردن، به‌هه‌مان شێوه‌ و بۆ ئه‌وه‌ی ده‌رنه‌کرێن، ده‌بێت ئاماده‌یش ‌بن به‌هاکانی ئه‌م وڵاته‌ بپارێزن و پێشێلی نه‌که‌ن  06.02.25
---------
یه‌که‌مجار لێره‌دا بڵاوکرایه‌وهhttp://www.rojhilat.org/?id=3778

ئه‌و بابه‌ته‌ وه‌ک له‌ناونیشانه‌که‌یدا(ئیسلامی تووندڕه‌و، سه‌رچاوه‌ی به‌ڵا) ده‌رده‌که‌وێت، ئه‌و جۆره‌ وه‌ڵامدانه‌وانه‌ به‌شێوه‌ی جۆراوجۆر له‌ئاستی فه‌رمی و نافه‌رمی ئه‌ورووپاوه‌ کاکردی گه‌نی هه‌ژموونی ئیسلامه‌. ئه‌وه‌ی هیناومه‌ته‌وه‌ و له‌سه‌ره‌تا دووان بوو دوایی بوو به‌سیان وه‌ک فاکت بۆ ئه‌وه‌ی خه‌ڵکی بزانن، ئه‌وه‌ زه‌نگی هوشیارییه‌. بۆته‌ هۆی ئه‌وه‌ی خه‌ڵکی ڕۆژهه‌ڵاتی و به‌تایبه‌تی ئیسلامه‌کانیان له‌م وڵاتانه‌ زیاتر بکه‌ونه‌ ژێر فشار و ئیهانه‌تی جۆراوجۆری ئه‌ورووپییه‌کانه‌وه‌ و که‌سانی تر که‌ ته‌نها به‌ ته‌سکه‌ره‌ ئیسلامن باجه‌که‌ی بده‌ن و ببنه‌ له‌شکری ئه‌و بزووتنه‌وه‌ ناشیرینه‌، که‌ زۆر له‌به‌هاکانی مرۆڤایه‌تی به‌لاوه‌ هیچه‌.

دوای ئه‌وه‌ بۆ ئاژانسێکی نێوده‌وڵه‌تی وه‌ک فرانسپرێس ڕه‌وابێت، بۆ وه‌ک خۆت ده‌ڵێی ماڵپه‌ڕێکی بچووک!! ڕه‌وا نه‌بێت هه‌واڵی وا بڵاوبکاته‌وه‌؟ یان هیچ نه‌بێت بۆ خودی ماڵپه‌ره‌ عه‌ره‌بییه‌کان و ڕۆژنامه‌کانیان ڕه‌وا بێت بۆ ئێمه‌ی کورد ڕه‌وا نه‌بێت! ئه‌م سانسۆره‌ خودیی زاتییه‌، خه‌ریکه‌ بێتام ده‌بێت.

ئازیزم، له‌و پرسیاره‌ی که‌ له‌وانه‌یه‌ پێم ناخۆش بێت نووسراوه‌کانی ڕابه‌رانی چینی کرێکار و سکیۆلاریزم به‌ده‌ردی قورئان ببررێت. سه‌یرم لیدێت پرسیاریکی وا به‌ره‌وڕووم ده‌کرێته‌وه‌، بۆ تا ئێستا نازانی چۆن بیر ده‌که‌مه‌وه‌؟! ئه‌وه‌ قوناغه‌ گوزه‌شت، دیاره‌ چاوپێکه‌وتنه‌که‌مت نه‌خوێندۆته‌وه‌! جیهان به‌کاڵی ده‌بینم، که‌واته‌ ئاساییه‌ زۆر له‌و شتانه‌ی خه‌ڵکانێک باسی ده‌که‌ن و خۆیانی بۆ ده‌ده‌ن به‌کوشت و گێچه‌ڵ بۆخۆیان و ده‌ورووبه‌ریان دروست ده‌که‌ن، ئه‌وه‌ نه‌هێنێت به‌پیرۆز سه‌یر بکرێت.

ئێستا لام ڕوونبووه‌وه‌ هۆی دانه‌به‌زاندنی چی بووه‌، که‌ باسی ئه‌و براده‌ره‌م کرد، وتم ئێ له‌وانه‌یه و له‌به‌ر ئه‌وه‌ی خستبوومه‌ ژێر پرسیاره‌وه‌، کاردانه‌وه‌که‌ی به‌و شێوه‌یه‌ بێت.

له‌باره‌ی ئه‌و فتوایه‌وه‌ باش بچۆره‌ بن کڵێشه‌یه‌وه‌ و هه‌وڵ بده‌ی قسه‌کانی په‌یدا بکه‌ بۆ ئه‌وه‌ی به‌به‌ڵگه‌وه‌ بتوانرێت زیاتر ڕسوا بکرێت. حه‌ز ده‌که‌م بزانم له‌سه‌ر چ کاریکاتێرێک ئه‌و قسانه‌ی کردووه‌؟

له‌باره‌ی حه‌مه‌سه‌عیده‌وه‌ حه‌ز ده‌که‌م بزانم بێجگه‌ له‌ناکۆکی گشتی سیاسی، چی ترتان له‌نێواندا هه‌یه‌ یان هه‌بووه‌؟ ئه‌و لێبۆته‌وه‌، وابزانم زۆر خۆی پێوه‌ مه‌شغول نه‌کرێت باشه‌. هه‌موو ئه‌و ره‌خنه‌ سیاسییانه‌ی تا ئێستا خستیۆته‌ ڕوو په‌شمه‌ک ده‌رچوو، ئه‌و ده‌ستی خۆی که‌شف کرد، ئیتر بۆ وازی لێناهێنن.

هه‌ندێ جار عومه‌ر فارس کاری باش ده‌کات، بابه‌تی ئه‌م نووسه‌ر و ئه‌و نووسه‌ر کۆنترۆڵ ده‌کات به‌هۆی ئه‌وه‌ی له‌فڵان و فیسار شوێنی دیدا بڵاوکراوه‌ته‌وه‌، ماڵپه‌ڕی دیمانه‌یش خۆی له‌دووباره‌کردنه‌وه‌ ده‌پارێزێت. جا نازانم تۆ بۆ په‌یره‌و له‌و کاره‌ ناکه‌یت شوێنێکی زۆرت بۆ ده‌مێنێته‌وه‌. یان یاسایه‌ک دابنرێت وه‌ک ئه‌وه‌ی له‌فینلاند نازانم له‌سوید چۆنه‌ نووسه‌ر گه‌ر بابه‌تێکی بڵاوکرده‌وه‌ حه‌قی نییه‌ دووباره‌ بڵاویبکاته‌وه‌ تا شه‌ش مانگ. دووباره‌ کردنه‌وه‌ی بابه‌تی نووسه‌ران زۆر بێتام بووه‌. زۆر جار پێویست ناکات سه‌ردانی ده‌نگه‌کان و کوردستانپۆست و کوردستاننێت و کڵاوڕۆژنه‌ بکه‌یت.
ده‌توانم له‌و بواره‌دا هاوکارییه‌کی بچووکت بکه‌م، گه‌ر بخوازیت. به‌پێچه‌وانه‌وه‌ کوردستانپۆست بچووک نییه‌. ئیعتباری باشی هه‌یه‌، جا بۆ هه‌وڵ نه‌درێت ئه‌و جۆره‌ بابه‌تانه‌ له‌خۆی بگرێت که‌ له‌شوێنانی دی بڵاوناکرێته‌وه، بابه‌ت که‌م بێت به‌ڵام دانسقه‌ بێت. ئه‌مه‌یش به‌مانای سانسۆر خستنه‌سه‌ر نووسه‌ران ناگه‌یه‌نێت.

له‌باره‌ی بابه‌ته‌ عه‌ره‌بییه‌کانه‌وه‌ بۆ له‌مه‌ودواش من بۆ خۆم به‌دواداچوونم زۆره‌ بۆ بڵاوکراوه‌ عه‌ره‌بییه‌کان هه‌ر شتیکم به‌گرنگ زانی دایده‌نیم، به‌ڵام با زۆر نه‌مێنیته‌وه‌، بۆیه‌ پێم باشه‌ ئه‌و بابه‌ته‌ عه‌ره‌بیانه‌ی لاپه‌ره‌که‌م لاببه‌ی.   06.03.03

ده‌ستت خۆش بۆ ناردنی وه‌ڵامه‌که‌ت بۆ ئه‌و به‌چکه‌ مه‌لایه‌، له‌بڵاونه‌کردنه‌وه‌ی یه‌ک دوو بابه‌ت هه‌ستم کرد شتێک له‌نێوتاندا ده‌گزه‌رێت، نه‌مده‌زانی چییه. له‌و کورته‌ وتاره‌دا که‌ له‌سه‌ر کوردستان پۆست نووسیم ئاماژه‌ی به‌هه‌ڵه‌یه‌کی تۆ دابوو به‌وه‌ی که‌ ژماره‌یه‌کت به‌ناوی ده‌سته‌ی نووسه‌رانه‌وه‌ له‌خۆ کۆکردۆته‌وه‌ که‌ له‌گێچه‌ڵ و شتی لابه‌لا زیاتر هیچیان لێ ناڕوێت. که‌ ئه‌وه‌م ده‌ربری له‌وه‌وه‌ بوو،‌ من له‌کوردستان له‌ئه‌زمونی گۆڤاری ئه‌ده‌بی کرێکاریدا خۆم تووشی ره‌وشێکی هاوشێوه‌ی ئه‌وه‌ی تۆ کرد، دوایی قه‌باعه‌تبار بووم. جیاوازییه‌که‌ی له‌وه‌دا بوو که‌ زۆر دوژمنم نه‌بوو وه‌ک تۆ، هه‌روه‌ها تا ڕاده‌یه‌ک که‌مێکیش ئه‌و کاره‌ بۆ من وه‌ک ده‌رامه‌تی مادی ده‌وری هه‌بوو به‌ڵام ئه‌مه‌ی تۆ گه‌ر به‌هه‌ڵه‌دا نه‌چوبم ئه‌وه‌ که‌مه‌ ده‌رامه‌ته‌شی به‌دواوه‌ نییه‌ و وابزانم پاره‌ی خۆشتی له‌سه‌ر داده‌نێت.
ئه‌و که‌ناڵانه‌ی که‌ ده‌سته‌ی نووسه‌رانیان هه‌یه‌ به‌تایبه‌تی له‌ئه‌ورووپا و ئه‌مه‌ریکا ده‌زگای بازرگانی گه‌وره‌ن بۆیه‌ پێویستاین به‌چه‌ند که‌س ده‌بێت تا کاره‌کان ڕایی بکات. گه‌ر به‌هه‌ڵه‌دا نه‌چووبم وابزانم گۆگڵه‌ کارمه‌نده‌کانی به‌په‌نجه‌ی ده‌ست ده‌ژمێررێن و که‌من، هه‌ر نه‌فه‌ره‌یان چه‌ند کار ده‌کات. نازانم تۆ بۆ بیر له‌وه‌ ناکه‌یته‌وه‌ ماده‌م جه‌ماوه‌رێکی زۆر سه‌ردانی کوردستانپۆست ده‌کات ڕیکلام بکه‌یت و بڵاوبکه‌یته‌وه‌ به‌نرخێکی ڕه‌مزی. تا خه‌ڵک نان له‌تۆ بخۆن و نان له‌خه‌ڵکی بخۆیت و به‌وه‌یش ئۆتۆماتیکی ئازادانه‌تر و نه‌ترسانه‌تر کار ده‌که‌یت.06.03.20
-------

دیزایی کوردستانپۆست له‌نێوان کۆن و نوێدا

وه‌ک بڕیار بوو کوردستانپۆست له‌ ده‌وره‌ی نوێدا، دیاره‌ مه‌به‌ستم له‌ ته‌کنیکی نوێ و ئاسان که‌ ئه‌رک و ماندوو بوونی به‌رپرس که‌م بکاته‌وه‌. خێرایی بدات به‌کاره‌که‌. به‌ڵام له‌وه‌ ناچێت سه‌رکه‌وتوو بێت. له‌و بڕوایه‌دا بووم ئیتر ڕۆژانه‌ ماڵپه‌ڕه‌که‌ نوێ ده‌کرێته‌وه‌. که‌چی وه‌ک خۆیه‌تی! به‌ دوو یان سێ ڕۆژجارێک نوێ ده‌کرێته‌وه‌!

ته‌نها گۆڕانێک ڕووی دابێت، ئه‌وه‌یه‌ نووسه‌ران ده‌توانن ڕاسته‌وخۆ له‌نێو خودی ماڵپه‌ره‌که‌وه‌ بابه‌ته‌کانی دابنێن، وه‌ک له‌وه‌ی به‌مایل بۆ به‌رپرسی بنێرێت. سه‌یر ئه‌وه‌یه‌ بابه‌ته‌که‌ ڕاسته‌خۆ ناچێته‌ ئندێکسه‌وه‌! گریمان گه‌ر هاتوو هه‌واڵێکی به‌په‌له‌ت هه‌بێت، بۆ خۆی تا ڕووناکی ده‌بینێت مردار ده‌بێته‌وه‌ و سوودی نامێنێت ناچار نووسه‌ر په‌نا ده‌باته‌ به‌ر شوێنی دی!

کوردستانپۆست یه‌کێکه‌ له‌کۆنترین ماڵپه‌ڕه‌کان و له‌سه‌ره‌تا‌وه‌ وه‌ک دیزاین پێشکه‌وتوو بوو، به‌ڵام ورده‌ ورده‌ دواکه‌وت! ئێستاش که‌ ئه‌م هه‌نگاوه‌ی ناوه‌، هه‌وڵێکه‌ به‌ئاڕاسته‌ی باشتربوون. به‌ڵام گه‌ر به‌راورد بکرێت له‌گه‌ڵ چه‌ند ماڵپه‌ڕی دیدا که‌ ته‌مه‌نیان له‌چاو ئه‌مدا هه‌ر هیچ نییه‌، ده‌کرێت بووترێت ئه‌وان وه‌فادارترن به‌په‌یامی خۆیان که‌ خۆی له‌خێراگه‌یاندنی زانیاری جۆراوجۆر ده‌بینێته‌وه‌، ته‌نانه‌ت له‌دیزاینیشدا چه‌ند هه‌نگاو له‌پێشترن.

به‌داخه‌وه‌ کوردستانپۆست و ژماره‌یه‌کی زۆر له‌ماڵپه‌ڕه‌کان به‌پله‌ی یه‌که‌م بۆنته‌ ئه‌و شوێنه‌ی که‌ ته‌رحی نه‌زه‌راتی جۆراوجۆری تیا پیشانبدرێت وه‌ک له‌وه‌ی هه‌ر ئه‌و نه‌زه‌راته‌ به‌شێوه‌یه‌کی جواتر بخرێنه‌ ڕوو. ئه‌مه‌ش له‌وه‌وه‌ سه‌رچاوه‌ ده‌گرێت که‌ دنیا هه‌ر ده‌ربڕینی بیروڕا نییه‌، ده‌کرێت شتی دیکه‌ بێت، ته‌شبیهـ نه‌بێت ژماره‌یه‌ک له‌م ماڵپه‌ڕانه‌ وه‌ک بڵاوکراوه‌ی بێ زه‌وقه‌کانی پارته‌ چه‌پییه‌کان وایه‌ له‌شیعاره‌وه‌ بۆ شیعار وشه‌ و دێڕ و بابه‌ته‌!

کوردستانپۆست، گرفتی لابه‌لا بۆ خۆی چێکردووه‌، به‌خاتری ئه‌وه‌ی وا پیشان بدات که‌ ماڵپه‌ڕه‌که‌ ته‌نها نییه‌ و گرووپێک ده‌یبات به‌ڕێوه‌، هاتووه‌ ده‌سته‌ی نووسه‌رانی دروست کردووه‌. کارێکی وا زیاتر بۆ کومپانیا دروست تره‌، وه‌ک له‌وه‌ی ماڵپه‌ڕێکی نابازرگانی نه‌ک پاره‌ ڕاناکێشێت به‌ڵکوو پاره‌ت ده‌خوات  06.02.20
----------
یه‌که‌مجار لێره‌دا بڵاوکرایه‌وهhttp://www.kurdistanpost.com/

دانیمارک کوێ که‌وتووه‌

عه‌ره‌به‌ توندره‌وه‌ ئیسلامییه‌کان و ئیسلامییه‌کان به‌گشتی ڕۆمانی ئه‌ولاد حاره‌تینای نه‌جیب مه‌حفوزیان نه‌خوێندبووه‌، که‌چی که‌سێکیان نارد، نووسه‌ریان به‌ر چه‌قۆدا! هه‌روه‌ها خومه‌ینی به‌هه‌مان شێوه‌ ڕۆمانه‌که‌ی سه‌لمان ڕووشدی نه‌خوێندبووه‌، فتوای کوشتنی بۆ ده‌رکرد! ئه‌م گۆرانیبێژه‌ میللییه‌ عه‌ره‌به‌ی خه‌ڵکی میسر به‌ناوی (شه‌عبان عه‌بدولره‌حیم)، ئه‌و هه‌ڵه‌یه‌ به‌شێوه‌یه‌کی دی دووباره‌ ده‌کاته‌وه‌! ئه‌مه‌ چۆن؟

شه‌عبان، له‌ساڵی 2001دا بڕیار ده‌دات به‌ره ‌و دنیای سیاست بچێت‌، به‌گۆرانی (بحب عمرو موسى وباكره إسرائيل.. ولما بتقفل معانا بنسحب السفير) ده‌ست پێداکات. دواتر له‌ساڵی 2004دا له‌دژی ره‌فز و ئیلغاکردنی کۆبوونه‌وه‌ی باڵای سه‌رانی ده‌وڵه‌ته‌ عه‌ره‌بییه‌کان له‌توونس، گۆرانییه‌کی به‌ناونیشانی (يا عم عربي اصحى) وت‌ و به‌رهه‌مهێنا.

له‌م ڕۆژانه‌دا که‌ جه‌نجاڵێک به‌هۆی بڵاوبوونه‌وه‌ی چه‌ند کارتۆنێکه‌وه‌ له‌ڕۆژمه‌یه‌کی دانیمارکی بڵاوبۆته‌وه‌، گوایه‌ سوکایه‌تی به‌پێغه‌مبه‌ری موسولمانان کردووه‌. ناوبراو به‌هاوکاری شاعیر و بنووسی تێکستی گۆرانییه‌کانی (إسلام خليل)‌ گۆرانییه‌کیان به‌و بۆنه‌یه‌وه‌ هه‌ڵبزرکاندووه‌. ئه‌مه‌یش ده‌قه‌که‌یه‌تی:

خلصنا الصبر كله وبرضه مفيش حلولْ
أهي وصلت الإهانة للدين وللرسولْ
رسول الله محمدْ.. وإمام الأنبياءْ عايزين يهزوا صورته السفلة الأغبياءْ
كل الأديان بريئة.. من اللي هانوا النبي
علشان دي ناس مجنونة.. وأكبر ما فيهم غبي
لو يقرا عن محمد.. ها يعرف هو مينْ
رسول الإنسانية.. الصادق الأمينْ
دنمارك إيه يا عالم.. حتى بتوع العجولْ
مين دول علشان يقولوا كلام على الرسولْ
ها أقول ومش راح أسكت.. والناس ها تقول
معايا عايزين مقاطعة شاملة.. وبرضه مش كفاية
لو كل الناس هاتسكت.. فيه رب اسمه الحسيبْ
عايزين عمل إيجابي.. في خدمة الحبيبْ

 

که‌سانێکی به‌ئاگا له‌به‌رانبه‌ر ئه‌و کاره‌دا هاتوونه‌ته‌ ده‌نگ، ده‌ڵێن: شه‌عبان بۆ گیرفان پڕکردنی خۆی، ئیستیغلالی ڕه‌وشه‌که‌ی ده‌کات‌. نه‌ک هه‌ر ئه‌وه،‌ شایه‌نی ئاماژه‌یه‌ و خۆش ئه‌وه‌یه‌ ناوبراو نازنانێت دانیمارک له‌کوێی گۆی زه‌ویدایه‌! وه‌یزانیووه‌ وڵاتێکی به‌رهه‌مهێنه‌ری مریشکه‌  06.02.17
-----------
یه‌که‌مجار لێره‌دا بڵاوکرایه‌وهhttp://www.rojhilat.org/?id=3592

له‌ئه‌مه‌ریکا دیموکراتیترین


له‌کوردستان هه‌ر دووکه‌س له‌سه‌ر بچووکترین شت ده‌میان له‌یه‌کترگیر ده‌بێت، وه‌ک که‌ڵه‌شێر هه‌ڵده‌چن و په‌لاماری یه‌کتر ده‌ده‌ن، جه‌نگ ده‌قه‌ومێت! گه‌ر ده‌وڵه‌ت و حوکمه‌ت که‌ به‌حساب نوخبه‌ی ژیر و هه‌ڵبژارده‌ی ناو کۆمه‌ڵگان، هه‌مان کار بکات؟ چی ده‌بێت و ده‌قه‌ومێت؟
-:
جا له‌وه‌ کاره‌ساتتر ده‌بێت چی بێت! ئه‌ی ئه‌وه‌ نییه‌ ماوه‌یه‌که‌ (پارتی و ئیداره‌ی هه‌ولێر) که‌سێکیان گرتووه،‌ له‌سه‌ر ئه‌وه‌ی گوایه‌ و گریمان جنێوی ناشیرینی نووسیوه‌ و بڵاوکردۆته‌وه‌،‌ گرتووه‌!

که‌واته‌، ئێمه‌ له‌ئه‌مه‌ریکا دیموکراتیترین، ئه‌وه‌ی ده‌ڵێ وا نییه‌ سه‌ری دای له‌به‌رد. ئه‌ی ئه‌وه‌ نییه‌ له‌سه‌ر تۆپه‌ڵێ جنێو! د.که‌مال سه‌یدقادرمان گرت، له‌دادگای پڕ پڕڕڕ له‌دادماندا، به‌30 ساڵ حوکماندا. عه‌مری جۆرج بۆش نه‌مێنێت چۆن قبووڵی ده‌کات لۆتییه‌ک! قسه‌ی وای پێ بڵێت؟ گه‌ر لای ئێمه‌ ده‌بوو ده‌مانزانی چۆن چۆنی وه‌ک ئه‌و دکتۆری به‌یته‌رییه‌! (وشه‌ی لۆتی و ئه‌م ده‌ربڕینه‌ هی من نییه‌، به‌شێک له‌خه‌ڵکی ‌کوردستان بۆ سووکایه‌تی پێکردن به‌کاری ده‌هێنن) عاقڵمان ده‌کرد.

-:
ده‌ڵێن بۆش له‌ بن لادن خراپتره‌ و گه‌وره‌ترین تیرۆریسته‌؟ که‌ناڵی به‌نێوبانگی سی ئێن ئێن، ڕۆژی 3شه‌ممه‌ 060124 ئه‌وه‌ پرسیاره‌ له‌گۆرانیبێژ(HarryBelafonte) هاری بیلافۆنتی ته‌مه‌ن 78 ساڵ، کۆنه‌ هاوڕێی مارتین لۆسه‌ر کینگ، ده‌کات.

HarryBelafonteی به‌ئه‌سڵ جامایکی و یه‌کێک له‌ئه‌ستێره‌کانی ساڵانی 50 و 60ه‌کانی چه‌رخی ڕابردوو، له‌وه‌ڵامدا ده‌ڵێت:
-
له‌و باشتر نییه‌.. هۆیه‌ک نییه‌ وشه‌ی گه‌وره‌تر به‌کاربهێنم، به‌ڵام پێم وایه‌: تیرۆریسته‌. ئه‌زانی بۆ؟ چوونکه‌ درۆ ده‌کات و خه‌ڵکی فریوده‌دات و کوڕان و کچانمان له‌ده‌ره‌وه‌ی وڵات به‌کوشت ده‌دات، له‌پێناو چه‌ند که‌سێکی نه‌خۆش و ده‌ستڕۆیشتوودا... له‌وبڕوایه‌دام مۆراڵ نه‌ماوه‌ و شتێکی نائاسیایی ده‌گوزه‌رێت...بۆ نه‌هێشتن و بنبڕکردنی یه‌کجاره‌کی دیاره‌ده‌ی تیرۆر، وا پێویست ده‌کات برسیێتی و هه‌ژاری و نه‌خوێنده‌واری و سه‌رکوت نه‌هێڵرێت... ئێمه‌یش وه‌ک رێکخراوی قاعیده‌ خه‌ڵکی ئازار ده‌ده‌ین و سڤیل ده‌کوژین. که‌واته‌ جیاوازیمان چییه‌  06.01.25
--------------
یه‌که‌مجار لێره‌دا بڵاوکرایه‌وه‌http://www.kurdistanpost.com/

نه‌جیب مه‌حفوزیش خله‌فا


دوورونزیک ناوی نه‌جیب مه‌حفوز نووسه‌ری عه‌ره‌بی میسریمان بیستووه‌، گه‌ر ڕۆمانێکیمان نه‌خوێندبێته‌وه‌ ئه‌وا له‌وانه‌یه‌ به‌فلیم یه‌کێ له‌به‌رهه‌مه‌کانیمان بینیبێت‌. یه‌که‌م نووسه‌ری عه‌ره‌بیشه‌ که‌ خه‌ڵاتی نۆبڵی ئه‌ده‌بی له‌ساڵی 1988دا پێبه‌خشرابێت.

که‌سایه‌تییه‌کی جه‌نجاڵئامێز بووه‌. ماوه‌یه‌که‌ دووباره‌ و له‌ته‌مه‌نی 94 ساڵیدا له‌سه‌ر به‌رهه‌مێکی فره به‌نێوبانگی قسه‌وباسێکی هێناوه‌ته‌ ئاراوه‌، بۆته‌ مایه‌ی نیگه‌رانی نێو وه‌سه‌تی ڕۆشنبیری وڵاته‌که‌ی.

ڕۆمانی اولاد حارتنا به‌ر له‌47 ساڵ، ڕێک له‌ساڵی 1959دا له‌لایه‌ن ئه‌زهه‌ر و ته‌نانه‌ت ده‌وڵه‌تیشه‌وه‌ هه‌ر یه‌که به‌بیانوویه‌ک قه‌ده‌غه‌یان کرد!هه‌ر له‌سه‌ر ئه‌م به‌رهه‌مه‌ بوو، ساڵی 1994 چه‌قۆکێشێکی ئیسلامی بێ ئه‌وه‌ی ڕۆمانه‌که‌ی خوێندبێته‌وه‌، به‌چه‌قۆ په‌لاماریدا و برینداری کرد.

جه‌نجاڵه‌که‌ له‌وه‌وه‌ سه‌ریهه‌ڵدا؛ خانه‌ی (الهلال) به‌بۆنه‌ی یادی له‌دایکبوونی نووسه‌ره‌وه‌ بڕیاریدا ڕۆمانه‌که‌ به‌چاپ بگه‌یه‌نێته‌وه‌.
نووسه‌ر، بۆ ئه‌و کاره‌ پێش مه‌رج داده‌نێت، ئه‌و هه‌ڵویسته‌یش ‌بووه‌ مایه‌ی سه‌رسووڕمانی خه‌ڵکی به‌گشتی و نووسه‌ر و ڕووناکبیران به‌تایبه‌تی:
...
با له‌پێشدا ئه‌زهه‌ر ڕازی بکرێت و یه‌کێکی نزیک به‌گرووپی (الاخوان المسلمين)یش پێشه‌کییه‌کی بۆ بنووسێت...

داخوانییه‌کی له‌و شێوه‌یه‌، به‌ته‌سلیم بوون‌ و هه‌ڵکردنی ئاڵای سپی و ڕاگه‌یاندنی مه‌رگی مه‌عنه‌وی لێکده‌درێته‌وه‌! ئه‌وه‌یش ئاساییه‌ بۆ نووسه‌‌رێکی هه‌میشه‌ بێ هه‌ڵوێست‌‌، له‌کاتێکدا له‌ سه‌رده‌مانێکدا کۆمه‌ڵگا پێویستی زۆری به‌ده‌نگهه‌ڵبڕینی ئه‌و کردووه‌، که‌چی بێده‌نگی هه‌ڵبژاردووه‌  06.01.17
--------
فه‌لسه‌فه‌ی ڕۆمانه‌که‌ زۆر به‌کورتی:
ئه‌گه‌ر پێغه‌مبه‌ران بێنه‌ گه‌ره‌که‌که‌مانه‌وه‌ ده‌توانن چی بکه‌ن؟ پرسیاره‌ له‌پیاوانی شۆرش، ئایا له‌گه‌ڵ گه‌نجان یان له‌گه‌ڵ خواکان ده‌بن؟ ده‌سه‌ڵات پێویستی به‌پشتیوانی پیاوانی ئایین هه‌یه‌ تا بمێنێت! که‌واته‌ مه‌لاکان چۆنیان بوێت بلانسی ده‌سه‌ڵات ده‌چه‌رخێنن!
-----------
یه‌که‌مجار لێره‌دا بڵاوکرایه‌وه‌ http://www.kurdistanpost.com/default.asp?menu=article&aid=135