çaksazî

گرێنتی، کۆمه‌ڵگای نا گه‌نده‌ڵ، خێزانی مۆدێرنه‌
Girêntî, komelgay na gendel, xêzanî modêrne...

 çaksazî, uşeyekî efsûnaw‌iye, lehemû serdemekanda u leserzarî karbedestanî naw dezga corawcorekan besvîl u nasvîl, tenanet lenaw yekey bçûkî xêzanîş dewtirêt u debîstirêtewe, mebest lêyî u serheldanî u dûbarekirdinewey nîşaney qeyran u kêmasiyek degeyenêt, heta mirov u komelgaş hebêt kêşekan nabirênewe, kewate pêwîstman beçaksazî debêt

belam, çaksazî lekomelgayekewe bo yekêkî dî ciyawaze, wek her diyardeyekî dî rêjeiye ger urdtirî bikeynewe, birwanîne rewşî iêstay herêmî kurdistan, keseday çaksazî lehemû katêk begûr u tîntire, degerêtewe bo qûlî kêşekan, bote maiyey piştşkandinî leseda şestî xelkî! ew bare uway kirduwe ke tenanet jimareiyek lesiyasetmedar, ta duwênê beşêk bûn‌ leçêkirdinî ew rewşe, bhênête peyvîn u bêdengî bşkênin. kesanî pleyekî nêw deselat, dezanin metirsiyeke xerîke seriyan dexwa u xerîke legirêjene derdeçêt, platform bo çaksazî dexene rû! zorn ewaney begumanewe derwanine ew hatine ‌pêşeweye, giring niye, bzûtineweke rû lesere u zînduwe, encamî başî debêt u nîşaney pozetîfî ew kesane, hawkat heqaniyetî bzûtineweke degeyenêt. bzûtineweke wek lay kure danîştinekey lêhatuwe, qabîl beweye hemû pirîşkiyan ber bikewêt. partî dîmukiratî kurdistan, xoy beheleda debat uway pîşan bidat, ew bzûtineweye betenha seruçawî yekêtî nîştmanî kurdistan u beşêk lenawçekanî herêm degirêtewe! bêguman ewan lehemû kes zerermendtir debin, behoy ewey ledû şarî herêmda pir nfuztirn, xelkî lewan pirtirn u daxledltirn, pişkî şêriyan legendelî berdekewêt, hemû ew peyvaney guwaye nawçekanî ewan awedantirn, dadiyan nadat. aya em bzûtinewey çaksaziye berencamî debêt, bo mawiyekî diyarîkiraw niye, corêk lexelatanin niye? rîgaçare bo derçûn lem qeyrane , bêcge lew pêşniyar u hengawane, katêk dewrî debêt kar bo ewe bikirêt lenêw yekey bçûkî nêw komelga ke xêzane, çaksazî bikirêt. çûnke,‌ hemû dezanîn u her yeke endamanî komelga bedest naşîrînî nêw xîzanekaniyanewe qehr dexon, jn legel mêrd u xuşk legel bira, bira legel biray bçûk, bawk legel kur u kçîda narastgon! her yeke lehewlî ewedaye hejmûnî xoy beser ewîdîda zal bikat, hîç ştêk rûn u aşkira niye u hemû pir lenhênî u pir lenaşîrînî u lehewlî dawnanewe bo ewî tirdaye! ca ewe halî yekeyekî bçûkî naw komelga bêt, bêguman leastî gşî naw deriyakeda reng dedatewe؛ wilatêkî pir lenakokî u peşêwî u dzêwî drust debêt, kes beserkesewe nabêt u kes xoy beberpirs leberamber ewî dîda nazanêt, beha hawbeşekan unûn u bzr debin! kewate, legel ew hemû terhaneda, kar bo drustkirdinî yekey bçûkî xêzanî tendrust u modêrn ke leser binemay mafî mirov u azadî tak biniyat binrêt, bawkî hemuwiyetî. diyare ewe kare drêjmawe debêt u hewlutêkoşan u uze ‌u matiriyalî zorî gereke, newatekanî bûnî heye, herçende kemayetîn, belam maiyey dlxoşiye u hîuwayeke berew çakbûn... 2009.1.19

چاکسازی، وشه‌یه‌کی ئه‌فسووناو‌یه‌، له‌هه‌موو سه‌رده‌مه‌کاندا و له‌سه‌رزاری کاربه‌ده‌ستانی ناو ده‌زگا جۆراوجۆره‌کان به‌سڤیل و ناسڤیل، ته‌نانه‌ت له‌ناو یه‌که‌ی بچووکی خێزانیش ده‌وترێت و ده‌بیسترێته‌وه‌، مه‌به‌ست لێی و سه‌رهه‌ڵدانی و دووباره‌کردنه‌وه‌ی نیشانه‌ی قه‌یران و کێماسییه‌ک ده‌گه‌یه‌نێت، هه‌تا مرۆڤ و کۆمه‌ڵگاش هه‌بێت کێشه‌کان نابڕێنه‌وه‌، که‌واته‌ پێویستمان به‌چاکسازی ده‌بێت

 به‌ڵام، چاکسازی له‌کۆمه‌ڵگایه‌که‌وه‌ بۆ یه‌کێکی دی جیاوازه، وه‌ک هه‌ر دیارده‌یه‌کی دی ڕێژه‌ییه‌ گه‌ر وردتری بکه‌ینه‌وه‌، بڕوانینه‌ ڕه‌وشی ئێستای هه‌رێمی کوردستان، که‌سه‌دای چاکسازی له‌هه‌موو کاتێک به‌گووڕ و تینتره‌، ده‌گه‌ڕێته‌وه‌ بۆ قووڵی کێشه‌کان، بۆته‌ مایه‌ی پشتشکاندنی له‌سه‌دا شه‌ستی خه‌ڵکی! 

ئه‌و باره‌ وای کردووه‌ که‌ ته‌نانه‌ت ژماره‌ییه‌ک له‌سیاسه‌تمه‌دار، تا دوێنێ به‌شێک بوون‌ له‌چێکردنی ئه‌و ڕه‌وشه‌، بهێنێته‌ په‌یڤین و بێده‌نگی بشکێنن. که‌سانی پله‌یه‌کی نێو ده‌سه‌ڵات، ده‌زانن مه‌ترسییه‌که‌ خه‌ریکه‌ سه‌ریان ده‌خوا و خه‌ریکه‌ له‌گرێژه‌نه‌ ده‌رده‌چێت، پلاتفۆرم بۆ چاکسازی ده‌خه‌نه‌ ڕوو! 

زۆرن ئه‌وانه‌ی به‌گومانه‌وه‌ ده‌ڕواننه‌ ئه‌و هاتنه ‌پێشه‌وه‌یه‌، گرنگ نییه‌، بزووتنه‌وه‌که‌ ڕوو له‌سه‌ره‌ و زیندووه‌، ئه‌نجامی باشی ده‌بێت و نیشانه‌ی پۆزه‌تیفی ئه‌و که‌سانه‌، هاوکات حه‌قانییه‌تی بزووتنه‌وه‌که‌ ده‌گه‌یه‌نێت.

 بزووتنه‌وه‌که‌ وه‌ک لای کوره‌ دانیشتنه‌که‌ی لێهاتووه‌، قابیل به‌وه‌یه‌ هه‌موو پریشکیان به‌ر بکه‌وێت. پارتی دیموکراتی کوردستان، خۆی به‌هه‌ڵه‌دا ده‌بات وای پیشان بدات، ئه‌و بزووتنه‌وه‌یه‌ به‌ته‌نها سه‌روچاوی یه‌کێتی نیشتمانی کوردستان و به‌شێک له‌ناوچه‌کانی هه‌رێم ده‌گرێته‌وه‌!

 بێگومان ئه‌وان له‌هه‌موو که‌س زه‌ره‌رمه‌ندتر ده‌بن، به‌هۆی ئه‌وه‌ی له‌دوو شاری هه‌رێمدا پر نفوزترن، خه‌ڵکی له‌وان پڕترن و داخله‌دڵترن، پشکی شێریان له‌گه‌نده‌ڵی به‌رده‌که‌وێت، هه‌موو ئه‌و په‌یڤانه‌ی گوایه‌ ناوچه‌کانی ئه‌وان ئاوه‌دانترن، دادیان نادات.

ئایا ئه‌م بزووتنه‌وه‌ی چاکسازییه‌ به‌رئه‌نجامی ده‌بێت، بۆ ماویه‌کی دیاریکراو نییه‌، جۆرێک له‌خه‌ڵاتانن نییه‌؟ ڕیگاچاره‌ بۆ ده‌رچوون له‌م قه‌یرانه‌ ، بێجگه‌ له‌و پێشنیار و هه‌نگاوانه‌، کاتێک ده‌وری ده‌بێت کار بۆ ئه‌وه‌ بکرێت له‌نێو یه‌که‌ی بچووکی نێو کۆمه‌ڵگا که‌ خێزانه‌، چاکسازی بکرێت.

چوونکه،‌ هه‌موو ده‌زانین و هه‌ر یه‌که‌ ئه‌ندامانی کۆمه‌ڵگا به‌ده‌ست ناشیرینی نێو خیزانه‌کانیانه‌وه‌ قه‌هر ده‌خۆن، ژن له‌گه‌ڵ مێرد و خوشک له‌گه‌ڵ برا، برا له‌گه‌ڵ برای بچووک، باوک له‌گه‌ڵ کور و کچیدا ناڕاستگۆن!
هه‌ر یه‌که‌ له‌هه‌وڵی ئه‌وه‌دایه‌ هه‌ژموونی خۆی به‌سه‌ر ئه‌ویدیدا زاڵ بکات، هیچ شتێک ڕوون و ئاشکرا نییه‌ و هه‌موو پر له‌نهێنی و پڕ له‌ناشیرینی و له‌هه‌وڵی داونانه‌وه‌ بۆ ئه‌وی تردایه‌
!

جا ئه‌وه‌ حاڵی یه‌که‌یه‌کی بچووکی ناو کۆمه‌ڵگا بێت، بێگومان له‌ئاستی گشی ناو ده‌ریاکه‌دا ره‌نگ ده‌داته‌وه‌؛ وڵاتێکی پڕ له‌ناکۆکی و په‌شێوی و دزێوی دروست ده‌بێت، که‌س به‌سه‌رکه‌سه‌وه‌ نابێت و که‌س خۆی به‌به‌رپرس له‌به‌رامبه‌ر ئه‌وی دیدا نازانێت، به‌ها هاوبه‌شه‌کان ونوو و بزر ده‌بن!

که‌واته‌، له‌گه‌ڵ ئه‌و هه‌موو ته‌رحانه‌دا، کار بۆ دروستکردنی یه‌که‌ی بچووکی خێزانی ته‌ندروست و مۆدێرن که‌ له‌سه‌ر بنه‌مای مافی مرۆڤ و ئازادی تاک بنیات بنرێت، باوکی هه‌موویه‌تی. دیاره‌ ئه‌وه‌ کاره‌ درێژماوه‌ ده‌بێت و هه‌وڵوتێکۆشان و وزه ‌و ماتریاڵی زۆری گه‌ره‌که‌، نه‌واته‌کانی بوونی هه‌یه‌‌، هه‌رچه‌نده‌ که‌مایه‌تین، به‌ڵام مایه‌ی دڵخۆشییه‌ و هیوایه‌که‌ به‌ره‌و چاکبوون... 2009.1.19 

  AbAsShiWaN

عه‌باس شوان 

0..0..0..0..00...00...00

بۆ یه‌که‌م جار له‌ماڵپه‌ڕی کوردستان پۆست دا بڵاوکرایه‌وه‌