MOHON DIISI...

Umpama & Umpasa‎ > ‎

UMPASA PASAHAT ULOS

NOTE : Holan tu toruni tutur niba do boi pasahaton ulos, ianggo tuginjang ni tutur tongka pasahaton.

PASAHAT ULOS TU PENGANTIN


Bintang na rumiris tu ombun na sumorop Toho di rondang ni bulan

Tubuma dihamu anak pe antong riris boru pe torop

angka si oloi hatani Tuhan

 

Giring-giring ninna gosta-gosta

Sai hatop ma hamu mangabing-abing huhut mangompa-ompa

 

Diginjang do arirang... ditoru panggomgoman

Badanmuna ma na so jadi sirang ... tondi muna sai marsigonggoman

 

Rimbur ni pangkat ma tu rimbur ni hotang

Manang tudiape hamu mangalangka... sai tusi ma dapotan.

 

Tingko ma ninna inggir-inggir bulung na rata-rata

Naung hupasahat ulos parhitean ni tangiang nami on

napasauton ma Amanta Debata..


Dakka ni arirang, peak di tonga onan,
Badan muna naso jadi sirang, tondi mu marsigomgoman.

 Dekke ni sale-sale, dengke ni Simamora,
Tamba ni nagabe, sai tibu ma hamu mamora.

Mangula ma pangula, dipasae duhut-duhut
Molo burju marhula-hula, dipadao mara marsundut-sundut.

Ruma ijuk tu ruma gorga,
Sai tubu ma anakmuna na bisuk dohot borumuna na lambok marroha.

 Gadu-gadu ni Silindung, tu gadu-gadu ni Sipoholon,
Sai tubu ma anakmuna 17 dohot borumuna 16.







PASAHAT ULOS TU PANSAMOT


MANJALO TITI MANGARANGKUP :

Bulung namartampuk, bulung ni simarlasuna,
Nunga hujalo hami tintin marangkup,
Dohonon ma hata pasu-pasuna.

Hot pe jabu i, tong doi margulang-gulang
Sian dia pe mangalap boru bere i, tong doi boru ni Tulang.

Sai tong doi lubang nangpe dihukkupi rere,
Sai tong doi boru ni Tulang, manang boru ni ise pei dialap bere.

Amak do rere, dakka do dupang,
Anak do bere, Amang do Tulang.

Asing do huta Hullang, asing muse do huta Gunung Tua,
Asing do molo tulang, asing muse do molo gabe dung simatua.

Comments