Joko garbiaren dekalogoa

Eman animoak zure taldeko kirolari guztiei, baita gauzak txarto egiten dituztenean ere eta txalotu joko ona, nork egin duen kontutan hartu gabe.

Ikasi eta errespetatu joko-arauak, baita arauak betearazten dituzten pertsonak ere (epaileak): kirolean ezinbestekoak dira.

Errespetatu zure entrenatzailearen erabakiak, nahiz eta zure gustukoak ez izan: erabakiak hartzea da entrenatzailearen eginkizunetako bat. Beharrezkoa balitz bukaeran emango dizkizu arrazoiak.

Jokabide ustelak dira lesioen edo lesio larrien plantak egitea, edota zigorrak eskatzea partida bat irabazten saiatzeko.

Ez da egokia zoritxarreko egoerei (lesioak) probetxua ateratzea, kiroltasunik gabeko trikimailuak erabiltzea (denbora galtzea), edo inori irain egitea.

Ez onartu kiroltasunik gabeko jokabideak, ez parte-hartzaileenak, ez entrenatzaileenak, ez eta ikusleenak ere.

Ez gutxietsi zure aurkaria, bere maila zurea baino txikiagoa bada; eta irabazten baduzu, ez egin gehiegizko ospakizunik bere aurrean: geroago ere izango duzu ospatzeko denbora. Eman animoak galdu duenari. Galtzen duzunean onartu kiroltasunez emaitza.

Zure aurkariari kalte edo minik eginez gero, itaundu berehala nola dagoen, eta eskatu barkamena. Era berean, lesiorik ikusten baduzu, gelditu jokoa, eta esaiozu arbitroari.

Zelaian eztabaidarik sortuz gero, ahalegindu zaitez alderdi biak adiskidetzen. Ez ezazu parte hartu eztabaidak biziagotzeko.

Eman parte-hartzaile guztiei zeuretzat nahi duzun tratua.