ដេប៉ាតឺម៉ង់ស្រាវជ្រាវអប់រំ និង បណ្ណាល័យ ជាដេប៉ាតឺម៉ង់មួយក្នុងចំណោមដេប៉ាតឺម៉ង់ទាំង៧របស់វិទ្យាស្ថានគរុកោសល្យរាជធានីភ្នំពេញ។
ដេប៉ាតឺម៉ង់ស្រាវជ្រាវអប់រំ និងបណ្ណាល័យចំណុះឱ្យមហាវិទ្យាល័យស្រាវជ្រាវគរុកោសល្យ។  ដេប៉ាតឺម៉ង់នេះជាសេនាធិការអប់រំស្នូលគាំទ្រការស្រាវជ្រាវអប់រំ និងសេវាបណ្ណាល័យកណ្ដាលដល់បុគ្គលិកអប់រំ គរុនិស្សិតសិក្សាស្រាវជ្រាវគ្រប់ទម្រង់។  ដើម្បីឱ្យសមស្របទៅតាមលក្ខខណ្ឌ​កំណត់នៃស្តង់ដាសាលាគរុកោសល្យគំរូ ដេប៉ាតឺម៉ង់​បានបង្កើតឱ្យមាន​ការបោះពុម្ពផ្សាយនិងគាំទ្រលើជំនាញរៀបចំឯកសារ ការបោះពុម្ពព្រឹត្តិបត្រស្រាវជ្រាវអប់រំ ដែលមានឈ្មោះថា "PTEC Library Press" ។  រហូតដល់ឆ្នាំ២០២៥ ​នេះ PTEC Library Press បានបោះពុម្ពស្នាដៃគ្រូឧទ្ទេសបានជាង៣០ចំណងជើង ឯកសារព្រឹត្តិបត្រអប់រំ ចំនួន៤ ចំណងជើង និងផ្សព្វផ្សាយឯកសារឌីជីថលជាលក្ខណៈទូនិម្មិត​បានមួយចំនួនបន្ថែមទៀត។
          PTEC Library Press នឹងព្យាយាមផ្សព្វផ្សាយឯកសារអប់រំ និងឯកសារទូទៅឱ្យកាន់តែសម្បូរបែប​និងទូលំទូលាយសម្រាប់អ្នកអាន អ្នកស្រាវជ្រាវ គរុនិស្សិត និងសាធារណជនឱ្យបានកាន់តែប្រសើរឡើង៕

ដោយសេចក្ដីគោរព!