Meppayur GVHSS

മുൻ എം.എൽ.എ. കെ. കുഞ്ഞമ്മതിന്റെ ആസ്തി വികസനഫണ്ടിൽനിന്ന് അനുവദിച്ച രണ്ടുകോടി രൂപയുപയോഗിച്ച് 15 ക്ലാസ് മുറികൾ സജ്ജമായി.

സംസ്ഥാനസർക്കാർ പ്ലാൻ ഫണ്ടിൽനിന്നുള്ള അഞ്ചുകോടിയുടെ രണ്ടുകെട്ടിടങ്ങൾ, കിഫ്ബിയിൽനിന്ന് അനുവദിച്ച അഞ്ചുകോടിയുടെ രണ്ടുകെട്ടിടങ്ങൾ എന്നിവയുടെ നിർമാണം പൂർത്തിയായി.

ജില്ലാപഞ്ചായത്ത് നൽകിയ 85 ലക്ഷം രൂപയുടെ കെട്ടിടനിർമാണം പുരോഗമിക്കുന്നു. അറ്റകുറ്റപ്പണികൾക്കായി ജില്ലാ പഞ്ചായത്ത് 65 ലക്ഷം രൂപ നൽകിയിരുന്നു. വി.എച്ച്.എസ്.ഇ. വിഭാഗത്തിന് കെട്ടിടംപണിയാൻ 2.07 കോടി രൂപ അനുവദിക്കുകയും ചെയ്തിട്ടുണ്ട്.

സ്പോർട്സ് കോംപ്ലക്സ്

• സംസ്ഥാനസർക്കാർ കിഫ്ബി പദ്ധതിയിൽ ഉൾപ്പെടുത്തി നിർമിക്കുന്നത് 10 കോടിയുടെ സ്പോർട്സ് കോംപ്ലക്സാണ്.

ഒന്നാംഘട്ടമായി ലഭിച്ച ആറരക്കോടിയുടെ പ്രവൃത്തി ആരംഭിച്ചു. മൂന്നരക്കോടിയുടെ പ്രവൃത്തിക്ക് ഭരണാനുമതിയും ലഭിച്ചിട്ടുണ്ട്. 100 മീറ്ററിന്റെയും 200 മീറ്ററിന്റെയും സിന്തറ്റിക് ട്രാക്ക്, ക്രിക്കറ്റ്, ഹോക്കി, ഫുട്ബോൾ മൾട്ടി പർപ്പസ് ഗ്രൗണ്ട്, വോളിബോൾ, ബാഡ്മിമിന്റൺ, ബാസ്കറ്റ് ബോൾ, സിന്തറ്റിക് കോർട്ട്, മൾട്ടി ജിം, ടേബിൾ ടെന്നീസ് ഹാൾ, ചെസ് ഹാൾ, ഗാലറി, പ്ലേ പാർക്ക്, സ്പോർട്സ് ഹോസ്റ്റൽ, സാൻഡ് കോർട്ട് എന്നിവ ഉൾപ്പെട്ടതാണിത്.

മികച്ച ലാബ് സൗകര്യം

• റോബോട്ടിക്സ്, ആർട്ടിഫിഷ്യൽ ഇന്റലിജൻസ്, സെൻസർ ടെക്നോളജി, ഇലക്ട്രോണിക്സ്, ത്രീഡി പ്രിന്റിങ് തുടങ്ങിയ മേഖലകളിൽ പരിശീലനം നൽകുന്നതിന് 1500 ചതുരശ്ര അടി തറവിസ്തീർണമുണ്ട് അടൽ ടിങ്കറിങ് ലാബിൽ. അടൽ ലാബ് ആരംഭിച്ച ജില്ലയിലെ ആദ്യ സ്കൂളും ഇതാണ്.

വൈദ്യുതിയിലും സ്വയംപര്യാപ്തത

• സ്കൂളിനാവശ്യമായ മുഴുവൻ വൈദ്യുതിയും ഉത്പാദിപ്പിക്കാൻ കഴിയുന്ന സോളാർ പാനൽ സ്ഥാപിച്ചിട്ടുണ്ട്. 10 കിലോവാട്ടിന്റെ സൗരോർജപ്ലാന്റ് നിർമിച്ചത് ജില്ലാപഞ്ചായത്ത് നൽകിയ ഫണ്ട് ഉപയോഗിച്ചാണ്.

അനുബന്ധപ്രവർത്തനങ്ങളിലും മികവ്

• എൻ.സി.സി., എസ്.പി.സി., ജെ.ആർ.സി., സ്കൗട്ട് ആൻഡ് ഗൈഡ്സ്, എൻ.എസ്.എസ്. തുടങ്ങിയ വിഭാഗങ്ങളും സജീവമായുണ്ടിവിടെ. 500 വിദ്യാർഥികൾക്ക് ഒരുമിച്ച് ഇരുന്ന് ഭക്ഷണം കഴിക്കാനുള്ള ഭക്ഷണശാലയും പുതുതായി നിർമിച്ചിട്ടുണ്ട്.