Azken hilabete honetan, ekintza ugari bizitu ditugu: jolasean, esploratzen, sortzen eta elkarrekin ikasten aritu gara. Psikomotrizitate saioetan, mugitu, espazioak esploratu eta erronka berriei aurre egin diegu.

Aurten ere, eskolako tailerretan lanean jarraitzen dugu, ideiak partekatuz, materialak sortuz eta aukera berriak bilatuz.

Baso eskolara joaten hasi gara! Belarriak erne jarri eta basoko soinuak entzun genituen. Bertan ere ikasle zaharrenek mapa batekin orientazioa landu zuten.

Isildu, entzun eta naturaz gozatu! 💚🌿

Aste batzuk igaro dira dagoeneko gure eskolako ateak berriro zabaldu genituenetik eta tailer eta espazio bakoitza haurren ahotsez, irriz eta kolorez bete da berriro ere.

Irailarekin batera eskolako tailer zein guneak prest ditugu ikaskuntza berriei hasiera emateko! 🌟

Gure eskolan, espazioak goxoak, atseginak eta zainduak egon daitezen saiatzen gara. Izan ere, espazioek ere hezten gaituzte: elkarrekin egoteko, jolasteko, ikasteko eta ongi sentitzeko lekuak dira. Guztion artean, espazio horiek atseginak eta guztiontzako egokiak izan daitezen zaintzen ditugu.

Francesco Tonucci psikopedagogokoak duela urte batzuk Zizurkil eta Abaltzisketako eskola txikiekin egindako elkarlanaren inguruko bideo dokumentala duzue ikusgai. 

Bertan, eskola txikien filosofia eta lan egiteko moduaren inguruan hitz egiten da.

Irailarekin batera eskolako espazioak prest ditugu ikasturte berriari hasiera emateko! 💫

Berriro ateak zabalduko ditugu proiektu, ideia eta abentura berriak bizitzeko.

Ongi etorri ikasturte berrira! 🌱