Tuia
Tuia i runga
Tuia i raro
Tuia i waho
Tuia i roto
Tuia te here tangata
Ka rongo te pō
Ka rongo te ao
Rire, rire hau
Pai mārire
Uhia
Ūhia nei
Te manawa oho
Te manawa tū
Te manawa tina
O te reo hihiri
Ki roto ki tēnā, ki tēnā
O tātou
E takatū i te ara nei
Ki tōna tiketike e
Kōia
Uruuru Mai
Kia uruuru mai
A hau ora
A hau kaha
A hau māia
Ki runga
Ki raro
Ki roto
Ki waho
Rire rire hau
Pai mārire
Ruruku
Karanga Karanga,
ki a Ranginui e tu iho nei,
Karanga Karanga
ki a Papatūānuku e takoto ake nei,
Kia rarau ngā tapuwae ā tāngata,
He putanga Āriki he putanga tauira,
Kia hora pai ai te ara kupu mātua,
nā Rongo,
nā Tāne,
nā Rēhua,
Ka puta ki ngā hautapu ā Tāwhirimātea,
Ki te whai ao ki te ao mārama,
E rongo whakairia ki runga ki runga ai
Tuturu o whiti whakamaua kia Tīna! Tīna!
Haumie hui e, Taiki e!
Ruruku Kai
Nau mai e ngā hua
o te wao
o te ngakina
o te wai tai
o te wai māori
Nā Tane
Nā Rongo
Nā Tangaroa
Nā Maru
Ko Ranginui e tū iho nei
Ko Papatūānuku e takoto ake nei
E rongo whakairia ki runga ki runga ai
Tuturu o whiti whakamaua kia Tīna! Tīna!
Haumie hui e, Taiki e!