Embedded Files
He aha kēia mea ʻo ka Pūlama Mauli Ola?
ʻO ka hōʻike ahuwale ʻana i ke ola o ka ʻōlelo Hawaiʻi me ka mauli Hawaiʻi ma ke kahua kula ka pahuhopu nui o Pūlama Mauli Ola. ʻIke hoʻi ka lehulehu, ʻaʻole ʻo kēia he kula wale nō akā he aukahi hoʻōla mauli Hawaiʻi mai ka pae o ka pēpē a hiki loa i ka pae makua. ʻO ke alu like ʻana o nā haumāna, nā ʻohana, nā kumu, nā limahana mai ko ka Pūnana Leo, ko Nāwahī me ko Ka Haka ʻUla ma luna o ka hana ke ala e kō ai ka pahuhopu nui o ke ola o ka ʻōlelo Hawaiʻi.
Pūlama is a Unified Hawaiian Language and Cultural Event where the life of our language thrives. Through this event we hope to show the world that we are not just a school but a united and growing movement towards normalizing once again the language of our ancestors. Through the collaborative efforts of students, families, teachers, and staff from Pūnana Leo, Nāwahīokalaniʻōpu, and Ka Haka ʻUla o Keʻelikōlani, we are able to showcase to our community and to the world, the life of our thriving language and culture and most importantly, our mauli ola Hawaiʻi.
No ke ʻano o ka pūlama maʻamau, he mau māhele kona e ʻike ai i ke kō o ka pahuhopu o ke ola ʻoiaʻiʻo o ka ʻōlelo a me ka moʻomeheu Hawaiʻi. ʻO ka hōʻikeʻike haumāna ʻoe, ʻo nā ʻono o ka māla ʻoe, ʻo nā pāʻani keiki ʻoe, ʻo ke kūkālā ʻoe, a ʻo ke kālepa hana noʻeau ʻoe. He mau māhele koʻikoʻi kēia e holo like ana i ʻike ʻia ka hua pono ʻo ka Pūlama ma kona ʻano piha ma ke alu lōkahi ʻana o nā lālā a pau loa o nā papahana o ke aukahi hoʻōla ʻōlelo Hawaiʻi.
Pūlama usually consists of five key parts in order to make our event successful which are as follows; student showcase, farmers market, keiki games put together by the Pūnana Leo, food sales, and pop up market of local vendors. These aspects of our event work together with the collaborative efforts of all ʻohana members of our Hawaiian language programs.
KA HŌʻIKEʻIKE HAUMĀNA
Wehe mau ʻia ka papahana me ka hōʻikeʻike haumāna e lohe a ʻike ʻia ai ke ola o nā hula, nā mele, a me nā moʻolelo e nā kamaliʻi o ka Pūnana Leo, nā haumāna o Ke Kula ʻO Nāwahīokalaniʻōpuʻu, a me nā haumāna kulanui o ke koleke o Ka Haka ʻUla o Keʻelikōalani. He ala kēia e hōʻike ahuwale aku ai i ke ola o ka ʻōlelo, ka paʻa o ka haʻawina, a me ka lōkahi o kākou ma ke ʻano he hoʻokahi aukahi hoʻōla ʻōlelo Hawaiʻi.
Our Pūlama program always begins with our student showcase where hula, mele, and moʻolelo are performed by students from Pūnana Leo, Nāwahīokalaniʻōpuʻu, and Ka Haka ʻUla o Keʻelikōlani. Through our hōʻikeʻike, our students showcase the life of our language, our culture, lessons learned, as well as our unity as an aukahi hoʻōla ʻōlelo Hawaiʻi.
NĀ ʻONO O KA MĀLA
ʻO ka māla ma Nāwahī honua, he pōʻaiapili ola e hoʻoulu aʻe ai i ka ʻike o ke ao kūlohelohe ma waho o nā paia ʻehā o ka lumi papa. Hoʻoulu a hoʻohua nā haumāna i nā hua hana o ka māla, ʻo ia hoʻi ka lauʻai ʻoe, ka huaʻai ʻoe, ka lei ʻoe, ka ʻohe kāpala ʻoe, a me nā pāhana hou aʻe e ola ai ka ʻike o nā kūpuna. Ma Nā ʻOno o ka Māla e ʻike a lohe ʻia ke aʻo o nā haumāna, na ka haumāna ka haku, na ka haumāna ka hoʻopuka e piha ai ka ʻōpū, ka naʻau, a me ka lolo i nā ʻono o ka ʻāina.
Hiʻipēpē, Pūnana Leo, and Nāwahī use our 6.5 acre māla as a classroom to extend the teaching outdoors. All students participate in active learning in our garden. The products, produce, and native Hawaiian plants created and grown by the keiki become a part of Pūlama Mauli Ola. The ultimate goal of this portion of our event is to display what the students create in our māla and to teach the community about each item. Everything featured is student-centered and student-created. The naʻau (inner being), lolo (brain), and ʻōpū (stomach) will experience the ʻono of our ʻāina while attending this portion of Pūlama Mauli Ola.
NĀ PĀʻANI KEIKI
ʻO ka hana laha a punahele loa kēia ma waena o nā keiki o ke kahua. Na nā kumu me nā mākua o ka Pūnana Leo e alakaʻi; ʻo ia hoʻi Nā Pāʻani Keiki e mālama piha ʻia ma ka ʻōlelo Hawaiʻi. He ala e ola hou aʻe ka ʻōlelo a me ka moʻomeheu a he pōʻaiapili aʻo i ko ke kaiaulu no kā kākou ʻōlelo makuahine makamae.
The most popular activities for the keiki at Pūlama Mauli Ola are the keiki games. They are designed and constructed by families and staff of Pūnana Leo with a focus on culture and language. These games are made to enrich the experiences of students who ʻōlelo Hawaiʻi or speak Hawaiian and to teach the keiki and community who are not familiar with our mother tongue about ʻōlelo Hawaiʻi.
KE KĀLEPA MEAʻAI
ʻO ka hoʻomākaukau ʻana i ka ʻai me ka ʻai pū o ka ʻohana kekahi hana e Hawaiʻi ai kākou. He pōʻaiapili kēia e hoʻomau ai i ka hoʻonalo ʻana i ka imu e kālua ai kahi puaʻa e ʻai ai kākou. ʻO ka meaʻai kekahi māhele a nā papa kula kiʻekiʻe hoʻomākaukau ai no ke kālepa ʻana i ko ke kaiaulu. ʻAʻole ia he hanana Hawaiʻi ināʻ aʻole meaʻai e māʻona ai ka ʻōpū!
The students and families participate in the cultural experience of gathering, preparing, and cooking in our imu to learn the importance of teaching and sharing this traditional knowledge of our ancestors. Students and their families make the foods available at Pūlama Mauli Ola. They follow specific protocols so the younger generation can learn these practices and continue them in their daily lives at home. Another protocol is learning and practicing the proper words and behaviors while preparing food for the imu. Therefore, namunamu or grumbling is not allowed. The food will be ʻono if the people making it are pono or just in their work. At Pūlama Mauli Ola we provide an opportunity to participate in this activity to perpetuate the practices and culture of our Hawaiian people.
KE KĀLEPA HANA NOʻEAU
ʻO ke kālepa ʻana i nā hana noʻeau o ko ke kaiaulu kahi māhele o ka Pūlama Mauli Ola e hoʻopaʻa mau ai i ka pilina i nā ʻohana kālena o ke kula a me ke kaiaulu o kākou. ʻAʻohe lua e like ai me nā lima hana noʻeau o ko Hilo me ko Puna ma ke kālepa ʻana i kā lākou mau hua hana nani ʻē.
The talent of our ʻohana and local Hawaiian craft demonstrators are available through our Hawaiian Arts & Craft portion of the event. This is how we continual to support our talented ʻohana of the school as well as the local of Hilo and Puna.
He wikiō kēia i haku ʻia na kekahi pukana Nāwahī, ʻo Koa Kim, e hōʻike ana i ke ʻano o ka Pūlama Mauli Ola i maʻa iā kākou ma mua o ka wā maʻi Kolona. He wikiō e hoʻohuihui ana i nā makahiki 2019-2020 e hōʻike piha ai i nā māhele a pau o ka Pūlama Mauli Ola. This is a video that was created by a past Nāwahī graduate, Koa Kim, to display what Pūlama Mauli Ola looked like pre-Covid. This is a combination of footage from 2019 & 2020 that shares the various components of our event that would usually bring Pūlama Mauli Ola to life.
Page updated
Report abuse