褒唱:七美許進豐校長 /詞:七美林麗玉女士 

日頭光光緊起床，阿母載來幼稚園。

來學物件擱有通耍，還有種菜佇菜園。

褒唱/詞:許進豐校長

頂隙一塊大片雲，石滬流水清擱順，

覔厝的魚蝦結規群，看來親像是拉侖，

大家歡喜笑呅呅。

 褒唱/詞:許進豐校長

大嶼顏恭抱石滬，是卡早掠魚會步數。

雙心造型人呵咾，名聲響亮透五湖。

 褒唱:許進豐 校長

一隻章魚九枝腳，一尾小管三𢵱外。

阿督仔呣信走來看，看了搳頭當心肝。

褒唱:許進豐校長/詞:七美林麗玉女士 

阿婆仔肉粽縛規捾，妹妹愛呷流嘴瀾。 

阿母買魚煮麵線，逐家呷佮規身汗。 

褒唱:七美許叁陸 老師

十八去君去台灣，目眶你紅我也紅。

目屎一粒一斤重，滴落土腳土一空。

褒唱/詞:七美許叁陸老師

七美石滬人人知，先民智慧有厲害。

拉侖入去真正最，大家抓甲笑嗨嗨。

褒唱/詞:許叁陸 老師

東湖顏恭起石滬，美麗陷阱無出路。

水淹魚仔那入滬，水洘歸陣走無路。

七美國小附設幼兒園-刺魨班 》

七美海邊有刺龜，剌龜受氣變澎澎。

囝仔看到驚一趒，趕緊返去鬥相報。

《詞: 七美國小附設幼兒園-水母班》

紅紅的蘋果圓圓圓，咬落去嘴內甜甜甜。

柑啊一人分一片，逐家呷佮真歡喜。