•  Institutuak, halaber, txertatuta dagoen komunitatean euskararen normalizazio prozesuan eragile izan nahi du bestelako gizarte eragile zein askotariko instituzioekin lankidetzan jardunez.

• Honetaz gain, Lizardi institutuak hezkuntza komunitatearen barne bizitza euskaraz gauzatu nahi du, mota guztietako harremanetan, eta, horretarako sortutako bitartekoetan, euskararen eta euskal kulturaren transmisioa, garapena eta zabalkundea ziurtatu; euskaldunon mundu ikuskeraren transmisore izan nahi du. 

•  Hizkuntza eta kultura aniztasuna herriaren eta norbanakoaren eskubidetzat eduki eta onartu; eskubide horretaz baliatzean, errespetuzko eta konpromisozko jokabidea agertu, eta diskriminazioak sortuz gero, gaitzetsi eta gainditzen ahalegindu.

• Hizkuntzen Trataera integratua (HTI): Ikastetxeko errealitatetik abiatuta, eta errealitate horren hausnarketaren ondorio gisa, hizkuntzen irakaskuntzari eta erabilerari dagozkion alderdiak zehaztu.

• Hizkuntzen Trataera Integratua eta Integrala (HTII): Hizkuntzen Trataera Integratua eta Integrala: Hizkuntzak ikaskuntza-irakaskuntza prozesuan duen garrantziaz jabetu eta irakasle guztiok ikasleen euskarazko komunikazio-gaitasunaren garapenean eta euskal kulturaren transmisioan dugun erantzukizunaz ohartu; are gehiago, denok helburu bera izanik elkarrekin koordinatuz lan egin.  

Nola egingo dugu?

Ikasleen hizkuntza komunikazioarako konpetentzia garatzen laguntzen duten estrategiak ezagutuz, garatuz eta aplikatuz geure egunerokoan.

Hezkuntza Komunitatearen inplikazioa eta elkarlana sustatuz Hizkuntza Proiektuak planteatzen dituen ekintzetan, hala nola, Irakurketa Planarekin lotutako ekintzak , ahozkotasunarekin lotuak, Euskal Kulturarekin lotuak, besteak beste.