Liham Pakikiramay

Ang emosyon natin ngayon ang lubhang nasa ligid ng pagkabalisa,

pagkaramdam ng dismaya sa gobyerno at sa kapwa.

Simpleng pag-suot ng facemask ay di nagawa, ang nakakahawang virus ay di alintana.

Isang maling galaw, huling sayaw, Huling sandali ay makikita

Tagilid na naman tayo at nangunguna sa sakit a bagong kaso.

Isang bansang naghihirap paano na kaya tayo?

Kulang!!!!!

Sumigaw ang mga tao sa impiyerno

Sumalangit nawa ang kaluluwa na kinuha mo’

Bakit ka nagkakalat ng dumi

Anong maaani mo sa bansang ang naghihirap ay marami?

Nakikilala sa mundo bilang sakit na wala pang lunas,

anupat katulad ng kahirapan - may lapat sa lipunan at mahirap makaiwas.

Gutom at paglunok nang laway ng karamihan

Pagtitiis ng ilang buwan na tila ba ay walang hangganan

Dumaraming mga kaso ang sistema ba ang may pagkukulang

Berdugong kalabang hindi nakikita, Umaakit ng pagkalugmok at pagdurusa

BABANGON!

Kahit kami ay iyong pinadapa

Mga mababang pamumuhay lalong hinukay ang lupa

Gutom, sakit kawalan ng kabuhayan at buhay ang iyong ginagawa

Saan pa man naniniwala tayo na ang Diyos ay may awa.

KONTING TIIS PA!

Okay lang ngayon kung di ka pa masaya, buong mundo ba naman ang tamaan ng trahedya

Bansang may tatlong bituin, asahan mo ang iyong pagbangon ay matatamasa

Sa huli-hulihan mas pahalagahan pa natin ang ating bawat sandali at paghinga

Oh Diyos na wa’y sa susunod ang kukunin mo lamang ay ang aming pagdurusa