Boto mo, Ingatan Mo

Boto mo, Ingatan mo!

ni J C Poblete

Hindi natin maitatatwa

Marami sa atin ito’y binabalewala

Ipinagpapalit boto para sa salapi

Kaya’t sa huli, laging naaapi

Sa tuwing ito’y nalalapit

Matatamis na wika ang kanilang sinasambit

Mga pulitikong puro pangako

Ngunit lagi namang napapako

Nawa’y sa ‘ting pagboto

Siyasating mabuti ang tatakbo

Huwag lamang tignan ang kanilang popularidad

Bagkus ang kanilang integridad

Lahat tayo’y may kapangyarihan

Magluklok ng susunod na mamumuno

Kaya’t ating itong ingatan

Para ‘di mapunta sa maling tao