Hinga

Sa kasagsagan ng bagyong bumabagabag sa

puso’t isipan mo, piliin mong sumubok muli.

Sa pagtitiis sa kaguluhan ng mundong

ginagalawan, piliin mong huminto at huminga.

Sa kabila ng pait na dinaranas na kailanman

hindi makikita ng sinuman, piliin mong ilabas sa

pamamagitan ng pag – luha.

Sa paglipas ng mga araw na tila wala ka nang

maramdaman, piliin mong magpahinga.

Sa paggising sa umaga na hindi mo na alam ang

iyong halaga, piliin mong paalalahanan ang sarili mo.

Sa mga panahong araw-araw mong pinipili ang

iba, piliin mo muna ang sarili mo.